မြန်မာ့ ငွေကြေးမူဝါဒ ချမှတ်ရာတွင် အဓိကကျသော ဥပဒေ တစ်ရပ်ဖြစ်သည့် မြန်မာနိုင်ငံတော် ဗဟိုဘဏ် ဥပဒေကို နိုင်ငံတော်သမ္မတ မှတ်ချက်ဖြင့် ဥပဒေကြမ်း ကော်မတီသို့ ပြန်လည် ပေးပို့ထားသည့်အတွက် လာမည့် ပြည်ထောင်စုလွှတ်တော်တွင် ဆွေးနွေးမည် ဖြစ်ကြောင်း ပြည်သူ့ လွှတ်တော်ဘဏ်များနှင့်ငွေရေး
ကြေးရေး ဖွံ့ဖြိုးတိုးတက်ရေးကော်မတီ အတွင်းရေးမှူး ဦးဝင်းမြင့်က The Voice သို့ပြောကြားသည်။
ဗဟိုဘဏ်ကို သီးခြား လွတ်လပ်သည့် အဖွဲ့အစည်း အဖြစ် ရပ်တည်ရန်၊ ဗဟိုဘဏ် ဥက္ကဋ္ဌကို Governor ဟု သုံးစွဲရန် စသည့်အချက်များကို ပြီးခဲ့သည့် ဆဋ္ဌမအကြိမ် ပြည်ထောင်စုလွှတ်တော်တွင် ဆွေးနွေးခဲ့
ကြောင်း ယင်းအဆိုကို ဆွေးနွေးခဲ့သည့် ရန်ကုန်တိုင်းဒေသကြီး ဒဂုံမြို့သစ် (မြောက်ပိုင်း) မြို့နယ် မဲဆန္ဒ နယ်မှ ပြည်သူ့ လွှတ်တော် ကိုယ်စားလှယ် ဒေါ်တင်နွယ်ဦးက ပြောဆိုသည်။
“ဗဟိုဘဏ် ဥက္ကဋ္ဌက ပါတီဝင် မဖြစ်ရဘူးဆိုတာပါရင် ပါတီလှုပ်ရှားမှု မလုပ်ရဘူးဆိုတာ ထည့်စရာ မလို ဘူးဆိုတာရယ်၊ ဝန်ထမ်းစည်းမျဉ်းအရ အငြိမ်းစားယူထားသူ ဖြစ်ရမယ် ဆိုတာတွေအစား အငြိမ်းစား
ဖြစ်ရ မယ်ဆိုတာပဲ သုံးဖို့ ဆွေးနွေးထားပါတယ်”ဟု ၎င်းကဆိုသည်။
မြန်မာနိုင်ငံတော်ဗဟိုဘဏ်ဥပဒေတွင် စီမံခန့်ခွဲရေးဆိုင်ရာ အရေးယူခြင်း အခန်းကို ထပ်မံ ထည့်သွင်း ထားပြီး၊ ဗဟိုဘဏ် တာဝန်ထမ်းဆောင် သူများသည် ပါတီ နိုင်ငံရေး ကင်းရှင်းရမည့် အချက်များနှင့် ဗဟို ဘဏ်ကို သမ္မတက တိုက်ရိုက်ကွပ်ကဲရန် အချက်များကို ထည့်သွင်း ရေးဆွဲ ထားကြောင်း ပြည်သူ့လွှတ်
တော် ဘဏ်များနှင့်ငွေရေးကြေးရေး ဖွံ့ဖြိုး တိုးတက်ရေး ကော်မတီထံမှ သိရသည်။
လက်ရှိရေးဆွဲနေသည့် မြန်မာနိုင်ငံတော် ဗဟိုဘဏ် ဥပဒေကြမ်းတွင် အခန်း ၁၈ ခန်းနှင့် ပုဒ်မ ၁၁၉ ခုပါ ရှိသည်။
The Voice Weekly
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။