28-3-2013
ယနေ့ ည(၁၁)နာရီ ၁၀မိနစ် အချိန်တွင် ပဲခူးတိုင်း ၊ မင်းလှမြို့တွင် အကြမ်းဖက်တိုက်ခိုက်မှုကြောင် ပိတ်မိ နေသော အစ္စလာမ်ဘာသာဝင်များကို ဒေသခံ သံဃာလေးပါးနှင့် ဗုဒ္ဓဘာသာဝင် တချို့တို့မှ ကယ်ထုတ် လာ၍ ရန်ကုန်မြို့ ရှိ ဗလီဝတ်ကျောင်းတော် တခုသို့ လာရောက် ပို့ဆောင် ပေးခဲ့ကြောင်း သတင်းရရှိ သည်။
အဆိုပါ ဖြစ်စဉ်နှင့် ပတ်သက်၍ မေးမြန်းစုံစမ်းရာ-“ အခုပဲ မင်းလှ ကနေ ကားနှစ်စီး ရှေ့ဆင့် နောက်ဆင့် ၀င်လာပါတယ်။ ပထမ ကားမီနီဘက်စ် ကားအကြီးပေါ်မှာ ကလေးတွေရယ်၊ အမျိုးသမီးတွေရယ် အများစု ပါလာတယ်။ ဦးဇင်းတစ်ပါးက ဦဆောင်ခေါ်လာပေးတယ်။ နောက်တစ်စီးမှာလည်း ကလေးတွေရယ်၊ မိန်းကလေးတွေရယ်က အများစုပဲ အဲဒီ့ ကားထဲမှာတော့ ဦးဇင်းသုံးပါးရယ်၊ ဗုဒ္ဒဘာသာဝင် အမျိုးသမီး တစ်ယောက်ရယ်က လိုက်ပို့ပေးကြတာပါ။ ကားမောင်းတဲ့ ဒရိုက်ဘာ ဦးလေးကြီးတွေကလည်း ဗုဒ္ဓဘာသာ ဝင်တွေပါ” ဟု ဒုက္ခသည်များကို လက်ခံရာ ဗလီဝတ်ကျောင်းတော် အနီး နေထိုင်သူ ပြည်သူ တစ်ဦးမှ M-Media သို့ပြောသည်။
“ဟော ခုပဲ ဟိုင်းလက် ကားတစ်စီး ထပ်ဝင်လာပါတယ်။အယောက် (၃၀) နီးပါး ပါလာတယ်။ ကားပေါ်မှာလည်း ထမင်းထုတ်လေးတွေ ချိတ်ထားတယ်”ဟု မျက်မြင်တွေ့ရှိသူ တစ်ဦးမှ M-Media သို့ ပြောကြားသည်။
Credit : Here
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။