ရာသီဥတု ဖောက်ပြန်မှု များလာသည် နှင့်အမျှ မူထုတ်လွှတ်မှု များလည်း မြင့်မား လာရာ ရန်ကုန်မြို့ နှင့် အခြား မြို့ကြီးများတွင် လူနှင့် တိရစ္ဆာန် များကို ဒုက္ခ ပေးနိုင်သော ခရမ်းလွန် ရောင်ခြင် အဆင့် ၁၃ နီးပါး ကျရောက် နေကြောင်း မိုးလေ၀သ ပညာရှင် ဒေါက်တာ ထွန်းလွင်က သတိပေး ပြောဆို ထားကြောင်း သိရသည်။ ယခု ကျရောက်နေသည့် ခရမ်းလွန် ရောင်ခြည် အဆင့် ၁၃ ၊ ၁၄ သည် အိမ်ထောင်ရှင် အမျိုးသမီးများ သားသမီးပင် မရနိုင်သည့် ရောဂါကို ဖြစ်လာ စေနိုင်သည်ဟု ၄င်းက ဆက်လက် ပြောကြား ခဲ့ကြောင်း သိရသည်။
မြန်မာနိုင်ငံတွင် ခရမ်းလွန် ရောင်ခြည်သည် အညွှန်းကိန်းကို ၂၀၁၂ ခုနှစ်မှ စတင် တိုးတက်ခဲ့ရာ ၂၀၁၂ ခုနှစ်တွင် အဆင့် ၁၀ ၊ ၁၁ တွင် ရှိခဲ့သည်။ ခရမ်းလွန် ရောင်ခြည်သည် နေမှ ထွက်လာပြီးနောက် လူနှင့် ထိတွေ့ပြီးလျှင် ယင်း၏ စွမ်းအင်များ ပိုမို မြင့်မား လာတတ်သည့် သဘော ရှိသည်ဟု သိရသည်။ ခရမ်းလွန် ရောင်ခြည် သက်ရောက်မှု အများဆုံး အချိန်သည် နံနက် ၁၁ နာရီမှ မွန်းလွဲ ၂ နာရီ အချိန်အတွင်း ဖြစ်၍ နေပူထဲ အကာအကွယ်မဲ့ သွားလာခြင်း မျိုးကို ရှောင်ကြဉ် ကြရန် လိုအပ်ကြောင်း ဒေါက်တာ ထွန်းလွင် က အသိပေး နှိုးဆော် ထားကြောင်း သိရှိရသည်။
Credit : Here
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။