လက်ပန်းတောင်းတောင် သပိတ်စခန်း ဖြိုခွင်းမှု ရှေ့နေများကွန်ရက် ထုတ်ပြန်ပြောဆို
လက်ပန်းတောင်းတောင် ကြေးနီ စီမံကိန်း သပိတ်စခန်း ဖြိုခွင်းမှုနဲ့ ပတ်သက်ပြီး မြန်မာနိုင်ငံ ရှေ့နေများ ကွန်ရက်က သူတို့တွေ့ရှိချက်တွေကို ဒေါ်အောင်ဆန်း စုကြည် ဦးဆောင်တဲ့ စုံစမ်းစစ်ဆေးရေး ကော်မရှင် ထံ ပေးပို့ထားတယ်လို့ ရှေ့နေများကွန်ရက်က RFA ကို ပြောပါတယ်။
သူတို့ တွေ့ရှိချက်ထဲမှာ ပြီးခဲ့တဲ့ နိုဝင်ဘာလ ၃၀ရက်နေ့က လက်ပန်းတောင်းတောင် သပိတ်စခန်း ကိုဖြိုခွင်းရာမှာ ဂျီနီဗာပြဌာန်းချက် (Geneva Convention) အရ တားမြစ်ထားတဲ့ မီးစုန်းအဖြူ (White Phosphorus) တွေသုံးတာ တွေ့ရှိခဲ့ရတယ်လို့ပြောပါတယ်။
အမေရိကန်နိုင်ငံက လူ့အခွင့်အရေး ရှေ့နေတစ်ချို့နဲ့ မြန်မာနိုင်ငံက ရှေ့နေတွေ ပူးပေါင်းပြီး စုံစမ်းစစ်ဆေး မှုတွေ ပြုလုပ်ခဲ့ရာ ကြေးနီတောင်စီမံကိန်း ဒေသခံတွေနဲ့ တွေ့ဆုံပြီး သက်သေခံပစ္စည်းတွေ ရရှိခဲ့ တာဖြစ်ပါတယ်။
အဲဒီ သက်သေခံ ပစ္စည်းတွေကို ထိုင်းနိုင်ငံ ဘန်ကောက်မြို့ ဓါတ်ခွဲခန်းမှာ စမ်းသပ်ချက်အရ သပိတ်စခန်း ဖြိုခွင်းချိန်မှာအသုံးပြုတဲ့ မျက်ရည်ယိုဗုံးမှာ white phosphorus ခေါ် မီးစုန်းအဖြူ ၂၅% ပါဝင်တာ တွေ့ရ တယ်လို့ပြောပါတယ်။
သပိတ်စခန်းကို ဖြိုခွင်းရာမှာ ဥပဒေနဲ့အညီ ဆောင်ရွက်ခြင်းရှိမရှိအပြင်၊ ပုဒ်မ ၁၈ အရ ငြိမ်းချမ်းစွာ စုဝေးခွင့်နဲ့ ပတ်သက်ပြီး ဖွဲ့စည်းပုံ အခြေခံဥပဒေအရ နိုင်ငံသား အခွင့်အရေးကို ထိခိုက်မူရှိမရှိ စတဲ့ အချက်အလက်များကို စုစည်းပြီး စုံစမ်းရေး ကော်မရှင်ကို တင်ပြထားတယ်လို့ ဆိုပါတယ်။
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။