ပြုပြင် ပြောင်းလဲရေး၌ နိုင်ငံရေး ပါတီများ ၏ ပူးပေါင်းမှု လိုအပ်ကြောင်း နိုင်ငံတကာ အဖွဲ့အစည်းများ ပြောကြား

ဒီမိုကရေစီ ပြုပြင်ပြောင်းလဲရေး လုပ်ဆောင်ရာတွင် နိုင်ငံရေးပါတီများ၏ ပူးပေါင်းဆောင်ရွက်မှုများသည် အဓိကကျ၍ လိုအပ်ကြောင်းဒိန်းမတ်နိုင်ငံ အခြေစိုက် Danish Institute for Parties and Democracy အဖွဲ့နှင့် နယ်သာလန်နိုင်ငံမှ Netherlands Institute for Multiparty အဖွဲ့များက အကြံပြုခဲ့သည်။ အဆိုပါ အဖွဲ့အစည်းနှစ်ခုသည် ရွေးကောက်ပွဲကော်မရှင်၊ နိုင်ငံရေးပါတီများနှင့် အရပ်ဖက် လူမှုအဖွဲ့အစည်းများကို ဖိတ်ကြား၍ ရန်ကုန်မြို့၌ ဖေဖော်ဝါရီ ၁၉ နှင့်၂ဝ ရက်များတွင် ''ဒီမိုကရေစီ အသွင်ကူးပြောင်းမှု မှ နိုင်ငံရေးပါတီများ၏ အခန်းကဏ္ဍ ''ခေါင်းစဉ်ဖြင့် ဆွေးနွေးမှုများ ပြုလုပ်ခဲ့သည်။

ဆွေးနွေးမှုတွင် နိုင်ငံတကာမှ ဒီမိုကရေစီ အသွင်ကူးပြောင်းမှုတွင် ကြုံတွေ့ခဲ့ရသော အကြောင်း အရာများနှင့် အတွေ့အကြုံများကို ဆွေးနွေးခြင်း၊ နိုင်ငံရေးပါတီများ၏ အရည်အသွေးအား ပိုမိုမြင့်တက်လာစေရန်နှင့် ပူးပေါင်းဆောင်ရွက်မှုနှင့် စပ်လျဉ်းသော အကြောင်းအရာများကို တက်ရောက်လာသူများက ဆွေးနွေးခဲ့ကြကြောင်း သိရသည်။

''သူတို့ ဆွေးနွေးပွဲ ရည်ရွယ်ချက်က တိုင်းပြည်မှာရှိတဲ့ ပါတီတွေအချင်းချင်း ကြားထဲမှာ နားလည်မှု ရစေချင်တာပါတယ်။ နိုင်ငံရေးပါတီတွေ အနေနဲ့ အခုအခြေအနေက စိမ်းနေကြတယ်။ ပါတီတစ်ခုနဲ့ တစ်ခုမတွေ့ကြဘူး၊ မဆုံဖြစ်ကြဘူး၊ စကား မပြောကြဘူး။ အဲဒီပါတီတွေကို သူတို့က ဆုံပေးချင်တာ။ နောက်တစ်ခုက သူတို့သွားရောက်ခဲ့ပြီးဖြစ်တဲ့ နိုင်ငံပေါင်း ၂၇ နိုင်ငံက အတွေ့အကြုံတွေနဲ့ မြန်မာနိုင်ငံက အတွေ့အကြုံတွေကို ဖလှယ်လိုတာတွေကြောင့် ဒီဆွေးနွေးပွဲ ကျင်းပတယ်လို့ ပြောတယ်'' ဟု ဆွေးနွေးပွဲသို့ တက်ရောက်ခဲ့သည့် ဒီမိုကရက်တစ်ပါတီ(မြန်မာ) ဥက္ကဋ္ဌ ဦးသုဝေက ပြောသည်။

အာဏာရှင်စနစ်မှ ဒီမိုကရေစီစနစ်သို့ ကူးပြောင်းခဲ့သော နိုင်ငံများဖြစ်သည့် တောင်အာဖရိကနိုင်ငံ၊ အင်ဒိုနီး ရှားနိုင်ငံ၊ နီပေါနိုင်ငံတို့မှ နိုင်ငံရေးကျွမ်းကျင်သူများကလည်း အဆိုပါ ဆွေးနွေးပွဲတွင် ပါဝင်ဆွေးနွေးခဲ့ပြီး ၄င်းတို့၏ အမြင်များနှင့် အတွေ့အကြုံများအား တက်ရောက်လာသော နိုင်ငံရေးပါတီများနှင့် အပြန်အလှန်ဆွေးနွေးမှုများ ပြုလုပ်ခဲ့ကြောင်း ၂၀၁၃ ခုနှစ် ဖေဖော်ဝါရီ ၂၇ ရက်နေ့ထုတ် Weekly Eleven ဂျာနယ်တွင် ဖော်ပြထားပါသည်။