စက်တင်ဘာလအတွင်း အရန်ဆန်တန်ချိန် ၅၀၀၀ ဝန်းကျင်ကို ထပ်မံထုတ်ရောင်းသွားမည် ဖြစ်ကြောင်း မြန်မာနိုင်ငံ ဆန်စပါးလုပ်ငန်းအသင်း ဥက္ကဋ္ဌ ဦးချစ်ခိုင်က ပြောကြားသည်။
ယင်းသို့ ရောင်းချရန် စီစဉ်ရခြင်းမှာလည်း ပြည်တွင်း၌ ရေလွှမ်းမိုး၍ သယ်ယူပို့ဆောင်မှုများ အဆင်မပြေဖြစ်နေချိန် ပြည်တွင်း ဆန်ဈေးနှုန်းများ ကြီးမြင့်လာမှု မဖြစ်ပေါ်စေရေးအတွက်ကို ရည်ရွယ်၍ ထုတ်ရောင်းချခြင်းဖြစ်ကြောင်း ၎င်းက ပြောသည်။
“ဈေးသိပ်မမြင့်ရန်အတွက် အရန်ဆန်ကို ထုတ်ရောင်းတာ ဖြစ်တယ်။ အဲလိုမျိုးပဲ ဆန်စပါးပေါ်ချိန်မှာ ဈေးသိပ်မကျသွားအောင် အတွက်ကိုလည်း အရန်ဆန် ထပ်ဝယ်မယ့် အစီအစဉ်တွေကို ဆောင်ရွက်နေတယ်” ဟု ဥက္ကဋ္ဌဦးချစ်ခိုင်က ပြောကြားသည်။
ယခုရောင်းချမှုမှာ ဒုတိယအကြိမ် ရောင်းချမှုဖြစ်ပြီး သြဂုတ်လအတွင်း အရန်ဆန်တန်ချိန် ၄၆၀၀ ကျော်ကို ပထမအကြိမ်အဖြစ် ထုတ်ရောင်းချပြီး ဖြစ်ကြောင်း သိရသည်။
ရောင်းချမှုကို ဈေးနှုန်းအဆိုပြုလွှာဖြင့် ရောင်းချမည်ဖြစ်ပြီး ဝယ်ယူလိုသူများအနေဖြင့် မြန်မာနိုင်ငံ ဆန်စပါးလုပ်ငန်းအသင်းသို့ လာရောက် လျှောက်ထားနိုင်ကြောင်း သိရသည်။
ရောင်းချမည့် အရန်ဆန်များအား မြန်မာနိုင်ငံသားများအနေဖြင့် မည်သူမဆို တန် ၅၀ မှ တန် ၁၀၀၀ ထိကို ဝယ်ယူနိုင်ကြောင်းသိရှိရသည်။
Myanmar Express
No comments:
Post a Comment
မိမိတို့၏အမြင်များကို လွတ်လပ်ပွင့်လင်းစွာရေးသားနိုင်ပါသည်။
ဘမ်းမည်မဟုတ်ပါ။