မွေးနေ့ဖျော်ဖြေပွဲ ကိုမန်းတွင်ဆင်နွှဲပြီး သင်္ကြန်ရန်ကုန်တွင် နွှဲမည်ဟု စိုင်းစိုင်းခမ်းလှိုင် ပြော

မွေးနေ့စတိတ်ရှိုးကို မန္တလေးတွင် ပထမ အကြိမ်ကျင်းပ မည်ဖြစ်သော်လည်း သင်္ကြန်ကို ရန်ကုန်တွင်သာ ရှိနေမည်ဖြစ်ကြောင်း စိုင်းစိုင်းခမ်းလှိုင်က ပြောသည်။ ”ကျွန်တော် နှစ်တိုင်းရန်ကုန်မှာပဲ မွေးနေ့ရှိုးကို လုပ်ဖြစ်တယ်။ ဒီနှစ်မှာ ထူးထူးခြားခြားလေးလည်း ဖြစ်သွားအောင် မန္တလေးပရိသတ်ကြီး ကိုလည်း ဖျော်ဖြေချင်တာနဲ့ လုပ်ဖြစ်သွားတာပါ။ နောက်နှစ် မွေးနေ့ရှိုးကို ရန်ကုန်ပရိသတ်ကြီးနဲ့ အတူ ဆင်နွှဲ သွားမှာပါ”ဟု ၄င်းက ပြောသည်။ အဆိုပါပွဲကို ဧပြီလ ၁ဝ ရက်နေ့ Mandalay Hill Resort Hotel မြက်ခင်းပြင်တွင် ကျင်းပမည် ဖြစ်ပြီး လာရောက်ကြည့်ရှုသူများအတွက် လက်မှတ်ခ ၈ဝဝဝ နှင့် တန်အောင် စတိတ်စင်အား LED ပုံစံများဖြင့် အလှဆင်ထားကြောင်း၊ ယခင်နှစ်များ နှင့်မတူ ဖျော်ဖြေရေးပိုင်းကို အပိုင်းလေးပိုင်းဖြင့် ထူးထူးခြားခြား တင်ဆက်သွားမည်ဖြစ်ကြောင်း သိရသည်။ ယင်းပွဲအား Tiger Beer မှ အဓိက ပံ့ပိုးခြင်း ဖြစ်ပြီး ပထမဦးဆုံး လက်မှတ်ဝယ်ယူသူ အယောက် ၁ဝဝဝ အား အင်္ကျီလက်ဆောင်ပေးသွားမည်ဖြစ် သည်ဟု သိရသည်။

မေမြန်မာ၊ ဖြိုးဖြိုး

မူရင်းလင့်က ဒီမှာပါ။