ကင်ဆာလူနာများကို နောက်ဆုံးပေါ် ကင်ဆာရောဂါရှာဖွေရေးစက် Pet-CT ဖြင့် ရန်ကုန်ပြည်သူ့ဆေးရုံကြီး၌ လာမည့် ၂၀၁၅ ခုနှစ် ဧပြီတွင် စတင်ဝန်ဆောင်မှုပေးရန် စီစဉ်

မြန်မာနိုင်ငံတွင် ပထမဆုံးအဖြစ် ကျပ်ငွေ ခုနစ် ဘီလျံတန်သည့် ကင်ဆာရောဂါရှာဖွေရေးစက် (Pet-CT) ဖြင့် ကင်ဆာလူနာများကို လာမည့် ၂ဝ၁၅ ခုနှစ် ဧပြီ တွင် ရန်ကုန်ပြည်သူ့ဆေးရုံကြီး၌ စတင်ဝန်ဆောင်မှုပေးနိုင်ရန် စီစဉ်လျက်ရှိကြောင်း ရန်ကုန်ပြည်သူ့ဆေးရုံကြီးမှ သိရသည်။

အစိုးရအနေဖြင့် ရန်ကုန်ပြည်သူ့ဆေးရုံကြီး အဆင့်မြှင့်တင်ရာတွင် ရောဂါရှာဖွေရေးဆိုင်ရာ စက်ပစ္စည်းနှင့် ကုသရေးဆိုင်ရာ စက်ပစ္စည်းများ တိုးချဲ့တပ်ဆင်နိုင်အတွက် ကင်ဆာရောဂါရှာဖွေရေးစက် (Pet-CT) နှင့် ဓာတ်ရောင်ခြည်ကုသရေးစက်ဖြစ်သည့် (Linear Accelerator) တို့ကို ဝယ်ယူရန်အတွက် ကျပ်ငွေ ၁၄ ဒသမ ၅ ဘီလီယံကို ပံ့ပိုးပေးခဲ့ကြောင်း သိရသည်။

ယခင်က မြန်မာနိုင်ငံတွင် အဆိုပါ Pet-CT စက် မရှိခြင်းကြောင့် ထိုင်းနှင့် စင်ကာပူနိုင်ငံများသို့ သွားရောက် ကုသရပြီး ကုန်ကျစရိတ်မှာ သိန်း ၂ဝ နှင့် ၂၅ သိန်းအကြားတွင် ရှိကြောင်းနှင့် ရန်ကုန်ပြည်သူ့ ဆေးရုံကြီး အပါအဝင် နေပြည်တော်၊ မန္တလေး၊ တောင်ကြီးမြို့များရှိ ကင်ဆာဌာနကြီးများတွင်လည်း ဓာတ်ရောင်ခြည် ကုသရေးစက် (Linear Accelerator) များကို တိုးချဲ့တပ်ဆင်ပေးလျက်ရှိကြောင်း သိရသည်။

“ အခုတပ်ဆင်မယ့် နောက်ဆုံးပေါ် Pet-CT စက်ကို လာမည့် ဧပြီနဲ့ မေလောက်မှာ စပြီး ဝန်ဆောင်မှုပေးနိုင်ဖို့ အဆောက်အအုံပိုင်း၊ စက်ပစ္စည်းတပ်ဆင်မှုအပိုင်းတွေကို လုပ်ဆောင်နေ ပါတယ်။ နောက် Linear Accelerator စက်က တိတိကျကျ ကင်ဆာအလုံးကို ကုသပေးနိုင်တဲ့အပြင် တခြားမှာသွားကုမယ်ဆိုရင် တစ်ခါကင်ရင် ကျပ် သုံး လေးသောင်းလောက်ကုန်ပြီး လူနာတစ်ဦး က အနည်းဆုံး အကြိမ် ၃ဝ လောက် ကင်ရတာဆိုတော့ လူနာအများစုက မတတ်နိုင်ပါဘူး။ အခု Radiation Oncology ဌာနမှာ ဒီစက်တွေနဲ့ အခမဲ့ကုသပေးနေတာဖြစ်လို့ လူနာအရမ်းများပါတယ်။ ဒါကြောင့် Waiting List တွေ လျော့သွားဖို့အတွက် ကျွန်တော်တို့ နောက်ထပ်တစ်လုံး ထပ်လုပ်ဖို့ ဝန်ကြီးဌာန ကို တောင်းခံထားပါတယ်။ တစ်နေ့ကို လူနာက ၈ဝ ကနေ ၁ဝဝ အကြားရှိနေတဲ့အတွက် စက်အသစ် တစ်လုံး ထပ်တိုးရင် လူနာ ၂ဝဝ ဝန်းကျင်လောက်ကို ကုသနိုင်မှာဖြစ်ပါတယ်” ဟု ရန်ကုန်ပြည်သူ့ ဆေးရုံကြီးမှ တာဝန်ရှိသူတစ်ဦးက ပြောကြားသည်။

ရန်ကုန်ပြည်သူ့ဆေးရုံကြီးတွင် ယခင်က ကင်ဆာရောဂါကုသရာတွင် Cobalt Mechine ခေါ်သည့် ဓာတ်ရောင်ခြည်ကုသရေးစက် နှစ်လုံးဖြင့် ကုသပေးခဲ့ရာ တစ်ရက်လျှင် လူနာ ၁ဝဝ နည်းပါး ကုသမှုပေးနိုင်ခဲ့ကြောင်းနှင့် ယခုတပ်ဆင်မည့် Linear Accelerator စက်နှစ်လုံး တပ်ဆင်ပြီးပါက တစ်နေ့လျှင် ကင်ဆာလူနာ ၂၅ဝ ခန့်ကို ဓာတ်ရောင်ခြည်ကုထုံးဖြင့် ကုသပေးနိုင်မည်ဖြစ်ကြောင်း သိရသည်။

ထို့ပြင် နှလုံးသွေးကြောကျဉ်းရောဂါကို ကုသပေးနိုင်သည့် Cath-Lab ကဲ့သို့ စက်များနှင့် လည်း နှလုံးသွေးကြောကျဉ်း လူနာများကို ကုသပေးလျက်ရှိကြောင်းနှင့် ရန်ကုန်ပြည်သူ့ဆေးရုံကြီး ပင်မဆောင်အရှေ့ဘက်ခြမ်းကို ပြင်ဆင်မည်ဖြစ်ရာ အရှေ့ဘက်ခြမ်းရှိ ဆေးကုသဆောင်များ၊ ခွဲစိတ်ဆောင် များနှင့် ကင်ဆာရောဂါ ပြင်ပလူနာဌာနများကို ဆေးရုံကြီးဝင်းအတွင်းရှိ ဒေါ်ပုဆောင် (ယခင် ဆီးနှင့် ကျောက်ကပ်ရောဂါကုဌာန) နှင့် အချို့ကို ဆေးရုံသစ်ကြီးသို့ ယာယီပြောင်းရွှေ့ထားကြောင်း သိရသည်။

ကင်ဆာလူနာများ ဓာတ်ရောင်ခြည်ဖြင့် ကုသမှုအား စောင့်ဆိုင်းရသည့်အချိန် လျော့နည်းစေ ရန် နောက်ဆုံးပေါ်ကင်ဆာရောဂါရှာဖွေရေးစက်များကို ရန်ကုန်၊ မန္တလေး၊ နေပြည်တော်၊ တောင်ကြီးရှိ ကင်ဆာရောဂါကုဌာနကြီး လေးခုတွင် တပ်ဆင်ရန် စီစဉ်နေကြောင်း သိရသည်။

မြန်မာနိုင်ငံတွင် လက်ရှိ ကင်ဆာဝေဒနာရှင်များအတွက် ရန်ကုန်၊ မန္တလေး၊ နေပြည်တော်နှင့် တောင်ကြီးမြို့ များရှိ ပြည်သူ့ဆေးရုံများတွင် ဓာတ်ရောင်ခြည်ကုဌာနများ ဖွင့်လှစ်ထားပြီး ယခင်က ကင်ဆာဝေဒနာရှင်များ ဓာတ်ရောင်ခြည်ဖြင့် ဆေးကုသမည်ဆိုပါက စောင့်ဆိုင်းရသည့်အချိန်မှာ တစ်လခွဲမှ လေးလခွဲခန့် ကြာမြင့်ကြောင်း သိရသည်။

ဓါတ်ပုံ - ရန်ကုန်ပြည်သူ့ဆေးရုံကြီးဝင်းအတွင်း အသစ်တည်ဆောက်နေသည့် အဏုမြူရောင်ခြည် ကုသဌာနအား တွေ့ရစဉ် (ဓာတ်ပုံ-ကြည်နိုင် )
အိသဉ္ဇာကျော်
Eleven Media Group

ပုဒ်မ ၄၃၆ နှင့် ပုဒ်မ ၅၉(စ) အချိန်မီ ပြင်ဆင်နိုင်ခြင်း မရှိလျှင် ၂၀၁၅ ရွေးကောက်ပွဲကို NLD သပိတ်မှောက်ဖွယ်ရာရှိ ဟု ဦးဥာဏ်ဝင်းပြောကြား

အမျိုးသားဒီမိုကရေစီအဖွဲ့ချုပ်၏ ပထမအကြိမ် ဗဟိုကော်မတီ စတုတ္ထအကြိမ်အစည်း အဝေး တွင် ရွေးကောက်ပွဲကြေညာစာတမ်းကို အတည်ပြုခဲ့ပြီး ပုဒ်မ ၄၃၆ နှင့် ပုဒ်မ ၅၉(စ) အချိန်မီ ပြင်ဆင်နိုင်ခြင်း မရှိလျှင် ၂၀၁၅ ရွေးကောက်ပွဲကို NLD သပိတ်မှောက်ဖွယ်ရာ ရှိသည်ဟု ဗဟိုအလုပ်အမှုဆောင် ဦးဥာဏ်ဝင်းက ပြောကြားခဲ့သည်။ရန်ကုန်တိုင်းဒေသကြီး ဗဟန်းမြို့နယ် တော်ဝင်နှင်းဆီ ခန်းမတွင် ဒီဇင်ဘာ ၁၃ နှင့် ၁၄ ရက် နှစ်ရက်တိုင် ပြုလုပ်သည့် NLD ပါတီ ဗဟိုကော်မတီ အစည်းအဝေးအပြီးသတင်းစာ ရှင်းလင်းပွဲတွင် ၄င်းက အထက် ပါ အတိုင်း ပြောကြားခြင်းဖြစ်သည်။ပုဒ်မ ၄၃၆ နှင့် ပုဒ်မ ၅၉(စ) အချိန်မီ ပြင်ဆင်နိုင်ခြင်း မရှိလျှင် ၂၀၁၅ ရွေးကောက်ပွဲကို NLD သပိတ် မှောက်ဖွယ်ရာရှိသည် ဟု ပြောကြားထားသော်လည်း ယခုအချိန်တွင် ပြင်နိုင်/မပြင်နိုင် မသေချာသေး ခြင်းကြောင့် ရွေးကောက်ပွဲကြေညာစာတမ်းကို ထုတ်ပြန်မည်မဟုတ်သေးဟု ဦးဥာဏ်ဝင်းက ဆိုပါသည်။

ပုဒ်မ ၄၃၆ နှင့် ပုဒ်မ ၅၉(စ) အချိန်မီ ပြင်ဆင်နိုင်ခြင်း မရှိပဲ ၂၀၁၅ ရွေးကောက်ပွဲကို NLD ပါဝင် ယှဉ်ပြိုင်ဖြစ်ပြီး အမတ်နေရာ အများစု အနိုင်ရခဲ့ပါက လက်ရှိလွှတ်တော်ဥက္ကဌ သူရဦးရွှေမန်းအား သမ္မတလောင်းအဖြစ် အမည်စာရင်း တင်သွင်းနိုင်ခြေ ရှိ/မရှိ မေးမြန်းမှုကိုမူ ဦးဥာဏ်ဝင်းက တစ်စုံတစ်ရာ မှတ်ချက်ပြုလိုခြင်း မရှိကြောင်း ဖြေကြားခဲ့သည်။ ဗဟိုကော်မတီအစည်းအဝေးတွင် သူရဦးရွှေမန်းအား သမ္မတတ တင်မြှောက်ရေးဆွေးနွေးမည် ဟု ပြောကြားမှုများ ရှိခဲ့သော်လည်း ယင်းကိစ္စနှင့် ပတ်သက်၍ မည်သို့ သဘောထားရှိသည်ကိုမူ ထုတ်ပြန်ခြင်း မရှိသေးပေ။ထို့အပြင် အဆိုပါ ပြင်ဆင်ထားသော ကြေညာ စာတမ်းသည် ရွေးကောက်ပွဲ အချိုးကျကိုယ်စားပြု PR စနစ်ကို အခြေမခံဘဲ FPTP စနစ်ကိုသာ အခြေခံကြောင်း NLD ပါတီထံမှ သိရသည်။

အဆိုပါ နှစ်ရက်ကြာ ပြုလုပ်သော ဗဟိုကော်မတီ အစည်းအဝေး ဆုံးဖြတ်ချက်အရ ၂၀၁၅ ခုနှစ် ကို ရွေးကောက်ပွဲ စည်းရုံးရေးနှစ် အဖြစ်သတ်မှတ်ကြောင်းဗဟိုကော်မတီဝင်များထံမှ သိရသည်။

အမျိုးသားဒီမိုကရေစီအဖွဲ့ချုပ် NLD ပါတီမှာ ၂၀၁၂ ကြားဖြတ်ရွေးကောက်ပွဲသို့ အခြေခံဥပဒေ ပြင် ဆင်နိုင်ရေး၊ တရားဥပဒေစိုးမိုးရေးနှင့် ပြည်တွင်းငြိမ်းချမ်းရေး ဟူသော ဦးတည်ချက် သုံးရပ်ဖြင့် လွှတ်တော်သို့ ဝင်ရောက်ခဲ့ပြီး အခြေခံဥပဒေ ပြင်ဆင်နိုင်ရေးအတွက် ပြည်သူလူထု ဆန္ဒလက်မှတ် ငါးသန်းနီးပါး ပြည်ထောင်စုလွှတ်တော် နာယကထံသို့ ပေးပို့ခဲ့ခြင်း အခြေခံဥပဒေ ပြင်ဆင်နိုင်ရေး အခြေခံဥပဒေ ပုဒ်မ ၄၃၆ ပြင်ဆင်နိုင်ရန် ဆွေးနွေးမှုများ ပြုလုပ်ခဲ့သော်လည်း ပြည်ထောင်စုလွှတ်တော် နာယက သူရဦးရွှေမန်းက အခြေခံဥပဒေကို နောက်အစိုးရလက်ထက် ၂၀၁၅ အထွေထွေ ရွေးကောက် ပွဲမှ ပေါ်ထွက်လာမည့် လွှတ်တော်များတွင်သာ အတည်ပြုမည် ဖြစ်ကြောင်း ပြောကြားခဲ့မှုအပေါ် မှန်ကန်ကြောင်း ဒေါ်အောင်ဆန်းစုကြည်က ထောက်ခံ ပြောကြားခဲ့သည်။

အမျိုးသားဒီမိုကရေစီအဖွဲ့ချုပ်၏ ဗဟိုကော်မတီ အစည်းအဝေးသို့ တစ်နိုင်ငံလုံးရှိ ဗဟိုကော်မတီဝင် ကိုယ်စားလှယ်များ တက်ရောက်ခဲ့ပြီး ၂၀၁၅ ခုနှစ်အတွင်း ဗိုလ်ချုပ်အောင်ဆန်း ရာပြည့်နှစ်အဖြစ် အထိမ်းအမှတ်ပွဲများကို မည်သည့် အဖွဲ့အစည်းနှင့်မဆို ပူးပေါင်းပြီး နိုင်ငံတစ်ဝန်း လုပ်ဆောင်သွားရန် ဆုံးဖြတ်ကြောင်း NLD ပါတီထံမှ သိရသည်။

ဒုတိယအကြိမ် အထွေထွေရွေးကောက်ပွဲကို ၂၀၁၅ ခုနှစ် အောက်တိုဘာလ နောက်ဆုံးပတ်နှင့် ဒီဇင်ဘာ ပထမပတ်အတွင်း ပြုလုပ်မည် ဖြစ်ကြောင်း ပြည်ထောင်စု ရွေးကောက်ပွဲကော်မရှင်က ထုတ်ပြန် ထား သည်။

Credit : Here

မြန်မာ့လွှတ်တော် အဆောင်အယောင်နှင့် နိုင်ငံရေး အုပ်စုများ

လွှတ်တော်အစည်းအဝေးတခုတွင် အတိုက်အခံပါတီမှ ပြည်သူ့လွှတ်တော် ကိုယ်စားလှယ် ဦးဝင်းထိန်မေး ခဲ့သည့် တခုတည်းသော မေးခွန်းမှာ သူ့ခေါင်းပေါင်းကို ချွတ်ထားခွင့်ပြုဖို့ ဖြစ်သည်။ ခေါင်းပေါင်းက သူ့ကို ခေါင်းကိုက်စေပြီး ဆံပင်များကိုလည်း ကျွတ်စေသည်ဟု သူကဆို၏။ ဟာသဆန်ဆန် ပမာမခန့်လုပ် တတ်ခြင်းကြောင့် လူသိများသည့် အသက် ၇၂ နှစ်အရွယ် ဦးဝင်းထိန်က ကျီစယ်ခြင်း ဖြစ်ကြောင်း ဝန်ခံ လိုက်ပါသည်။ သို့သော်လည်း လွှတ်တော်ဥက္ကဋ္ဌကလည်း ပယ်ချခဲ့ပါသည်။

ရွေးကောက်တင်မြှောက်ခံရသည့် အရပ်သား လွှတ်တော် ကိုယ်စားလှယ်များသည် လွှတ်တော် အစည်း အဝေးခန်းမအတွင်းသို့ ဝင်ရောက်သည့်အခါ တွင် ခေါင်းပေါင်းပေါင်းရန်လိုအပ်သည်။ ခန့်အပ်ခံရသည့် စစ်သားလွှတ်တော် ကိုယ်စားလှယ်များ အတွက်ကတော့ ဦးထုပ်ဆောင်းရန် မလိုအပ်ပါ။

ဤနေရာတွင် ခေါင်းပေါင်းများနှင့် ဦးထုပ်များ ဆိုသည်မှာ ရာစုနှစ်ဝက်ကြာခဲ့သော စစ်အာဏာရှင် အုပ်ချုပ်ရေးမှ ဒီမိုကရေစီစနစ်ဆီသို့ အသွင်ကူး ပြောင်းနေသည့် နိုင်ငံတခုမှ နိုင်ငံရေး သစ္စာစောင့် သိမှု၊ အောင်မြင်ပြီးမြောက်မှုနှင့် ကျရှုံးမှုများကို ကိုယ်စားပြုနေသည်။

ရှေးခေတ်က မန္တလေးရှိ ဘုရင့်လွှတ်တော်ရုံးများ၏ ထုံးစံအစဉ်အလာဟောင်းများကို အခြေခံထားသည့် ယနေ့ခေတ် လွှတ်တော် ၂ ရပ်မှ ဝတ်စားဆင်ယင်မှုဆိုင်ရာ စည်းကမ်းသည် သီးသန့်ဆန်သည့် နိုင်ငံရေး အသိုင်းအဝိုင်းများနှင့် လွှတ်တော်ကိုယ်စားလှယ်များ၏ တိုင်းရင်းသားရိုးရာ အသွင်အပြင်ကို ရောင်ပြန် ဟပ်နေသည်။

စစ်တပ်ကိုယ်စားလှယ်များကတော့ အရပ်သား လွှတ်တော်ကိုယ်စားလှယ်များနှင့်မတူဘဲ ရွေးကောက် ပွဲ ဝင်စရာမလိုသလို ဦးထုပ်လည်း ဆောင်းစရာ မလိုသည့်အတွက် သိသာစွာ ကွဲပြားခြားနားနေသည်။ ၆၆၄ ယောက်ရှိသည့် လွှတ်တော်ကိုယ်စားလှယ်များ၏ ၂၅ ရာခိုင်နှုန်းရှိသော တူညီဝတ်စုံဝတ် စစ်တပ် ကိုယ် စားလှယ်များကို ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ခန့်အပ်ခြင်းဖြစ်သည်။

လူများစုဖြစ်သည့် မြန်မာအမျိုးသား ကိုယ်စားလှယ်များက ကြိမ်ဖြင့်ပြုလုပ်ထားသည့် ကိုယ်ထည်ပေါ်တွင် ပိုးသားဖြင့်ရစ်ပတ်ထားသော မောင့်ကျက်သရေဟုခေါ်သည့် ခေါင်းပေါင်းကို ဝတ်ဆင်ကြပြီး မကြာသေးမီ ကမှ ပေါ်ပေါက်လာသော အရပ်သား အစိုးရ၏ သင်္ကေတဖြစ်လာသည်။ လူနည်းစု တိုင်းရင်းသား ကိုယ်စားလှယ်များက ငှက်တောင်မွေး၊ တိရစ္ဆာန် အစွယ်များမှသည် တဘက်များအထိ သူတို့၏ ဦ်းခေါင်း များတွင် ဝတ်ဆင်ကြသည်။ အကျော်ကြားဆုံး လွှတ်တော်ကိုယ်စားလှယ် ဖြစ်သော ဒေါ်အောင်ဆန်း စုကြည်က သူ့ခေါင်းတွင် အဖြူရောင်ပန်းများ ရိုးရိုးရှင်းရှင်း ပန်လေ့ရှိသည်။

ဦးထုပ်များ ခေါင်းပေါင်းများကဲ့သို့ပင် လွှတ်တော်အတွင်းမှ နိုင်ငံရေး သစ္စာစောင့်သိမှုကလည်း အရောင် အသွေး စုံလင်ပြီး ရှုပ်ထွေးပါသည်။

အတိုက်အခံခေါင်းဆောင် နိုဗဲလ်ငြိမ်းချမ်းရေး ဆုရှင် ဒေါ်အောင်ဆန်းစုကြည်သည် ဆယ်စုနှစ်နှင့် ချီ၍ နေအိမ်အကျယ်ချုပ်ဖြင့် နေခဲ့ရသူဖြစ်သည်။ ယခုအခါတွင် သူက တချိန်က သူ့ကိုဖမ်းဆီး ထိန်း သိမ်းခဲ့ သူများနှင့်အတူ ယှဉ်ထိုင်နေပြီး စစ်တပ်ကို အပြစ်တင်ခြင်း သို့မဟုတ် ချီးမွမ်းခြင်းများ ပြုလုပ်နေသည်။ ထို့ကြောင့် သမ္မတရာထူး မျှော်လင့်ချက် များနှင့် ပတ်သက်၍ ဒေါ်အောင်ဆန်းစုကြည် ၏ လေသံ များ ပြောင်းလဲလာသည်ကို တိတ်ဆိတ်စွာ စောင့်ကြည့်လေ့လာနေသော အမျိုးသားဒီမိုကရေစီ အဖွဲ့ချုပ် (NLD) မှ အဖွဲ့ဝင်တချို့အတွက် စိုးရိမ်စရာ ဖြစ်လာသည်။ ဒေါ်အောင်ဆန်းစုကြည်ကို သမ္မတ ရာထူး ရယူနိုင်ခြင်းမရှိအောင် ရည်ရွယ်ရေးဆွဲထားသည့် ဥပဒေတခုကြောင့်လည်း သူ၏ မျှော်လင့်ချက်များ က မှေးမှိန်နေသည်။

ထိုအချိန်တွင် စစ်တပ်က ခေါင်းပေါင်းမပေါင်း၊ ဦးထုပ်မပါသည့် ကိုယ်စားလှယ် ၁၆၆ ယောက်ထက် မက ပို၍ ကိုယ်စားပြုနိုင်ခွင့်ရှိနေသည်။

အာဏာရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ခေါင်းပေါင်းပေါင်းထားသည့် ကိုယ်စား လှယ် အများစုမှာလည်း စစ်တပ်မှ အငြိမ်းစားယူထား သူများဖြစ်သည်။ သို့သော်လည်း စစ်တပ်၏ ကြီးမား သော ဩဇာလွှမ်းမိုးမှုနှင့် ပတ်သက်၍ ပြင်းထန်စွာ ဝေဖန်မှုများရှိနေသည့်အချိန်တွင် အာဏာရပါတီက စစ်တပ်၏ လမ်းကြောင်းအတိုင်း မဲဆန္ဒပေးခြင်း အမြဲတမ်းမပြုလုပ်ခဲ့ပါ။

တိုင်းပြည်ကို ဆယ်စုနှစ်များစွာအတွင်း ဆင်းရဲနွမ်းပါးခြင်း၊ စစ်ပွဲနှင့် ပြည်သူများအကြား စိတ်ဝမ်း ကွဲပြားစေခြင်းတို့အတွက် တာဝန်ရှိသည်ဟု နိုင်ငံခြား တိုင်းပြည်များက ယူဆထားကြသည့် စစ်တပ်ကမူ သူ့ကိုယ်သူ တိုင်းပြည်ကို စုစည်းပေးထားသူနှင့် တိုင်းရင်းသား လက်နက်ကိုင် အဖွဲ့များစွာ ပါဝင်နေပြီး ကမ္ဘာပေါ်တွင် သက်တမ်းအရှည်ကြာဆုံးဖြစ်သည့် ပြည်တွင်းစစ်မှ ငြိမ်းချမ်းရေးရရှိအောင် အဆုံး အဖြတ်ပေးနိုင်မည့် သူများအဖြစ် ရှုမြင်နေသည်။ ခံစားခွင့်လည်း နည်းသည့်အပြင် ရာထူးတက်ရန် အခွင့်အလမ်းလည်း မရှိသည့်အတွက် လွှတ်တော်တွင် တာဝန်ပေးခံရခြင်းကို စိတ်ဝင်စားစရာ မကောင်းသည့် အရာတခုအဖြစ် ယူဆထား ကြသည်။

အရောင်အသွေး အတောက်ပြောင်ဆုံးဖြစ်သော ဦးထုပ်များမှာ ပဋိပက္ခများ ဖြစ်ပွားနေသည့် ပြည်နယ်များမှ တိုင်းရင်းသား နိုင်ငံရေးသမားများ ဖြစ်သည်။ အစိုးရနှင့် စစ်ပြေငြိမ်းခဲ့ပြီးနောက် အာဏာ အတွက် အလျှော့အတင်း ဈေးဆစ်မှုပြုလုပ်ရင်း ယခုအခါ ပိုမိုကျယ်ပြန့်သည့် ကိုယ်ပိုင်အုပ်ချုပ်ခွင့် ကို မျှော်လင့်နေကြသည်။

အငြိမ်းစား ဗိုလ်ချုပ်ကြီး တယောက်ဖြစ်သည့် သမ္မတ ဦးသိန်းစိန်က ၂၀၁၅ ခုနှစ်ရွေးကောက်ပွဲ မတိုင်မီ အပစ်အခတ်ရပ်စဲရေး ရရှိရန် ကတိပြုထား သော်လည်း ငြိမ်းချမ်းရေး ဆွေးနွေးနေစဉ်အတွင်း တိုက်ပွဲများ ဆက်လက်ဖြစ်ပေါ်နေသည်။

ဦးဝင်းထိန်က လွှတ်တော်အတွင်းတွင် အမှန် တကယ် ဖြစ်ပေါ်နေသည့် ဆန့်ကျင်ရှုပ်ထွေးမှုများကို သရုပ်ဖော် နမူနာပြသခဲ့ခြင်းဖြစ်သည်။ ဒေါ်အောင်ဆန်းစုကြည်နှင့် ရင်းနှီးသော မိတ်ဆွေ တယောက် ဖြစ်သကဲ့သို့ ပါတီဝင်တဦးလည်းဖြစ်သော ဦးဝင်းထိန်သည် ယခင် ဆိုရှယ်လစ် အာဏာ ရှင်ဟောင်း ဗိုလ်ချုပ်ကြီး နေဝင်း လက်ထက်က စစ်သားတဦး ဖြစ်ခဲ့သေးသည်။

ဗိုလ်ချုပ်ကြီး နေဝင်းကို လုပ်ကြံသတ်ဖြတ်ရန် ကြံစည်ခဲ့သည့် ကိစ္စတခုတွင် ပါဝင်ပတ်သက်ခဲ့သည် ဟု မှားယွင်းစွပ်စွဲခံရပြီး ၁၉၇၆ ခုနှစ်တွင် သူ့ကို တာဝန်မှ အနားယူစေခဲ့သည်။ ၁၉၈၈ ခုနှစ် တွင် ကျောင်းသားများ၏ အြွုံကဆန္ဒပြမှုကြောင့် အစိုးရ အကျပ်အတည်းနှင့်ရင်ဆိုင်ခဲ့ရပြီး စစ်တပ် က ပြင်းထန်စွာ ဖိနှိပ်ဖြိုခွဲမှုကြောင့် လူထောင်ပေါင်းများစွာ သေဆုံးခဲ့ရသည်။ ယင်းနောက် ဒေါ်အောင်ဆန်း စု ကြည်၏ ပါတီသို့ ဝင်ရောက်ခဲ့သည်။ ထို့နောက် မကြာမီမှာ ပင်ထောင်သွင်းအကျဉ်းချခြင်း ခံခဲ့ရသည်။ သူ၏ အသွင်ကူးပြောင်းမှုသည် စစ်ယူနီဖောင်းမှ ခေါင်းပေါင်းပြောင်းဆောင်းခဲ့သော ဦးသိန်းစိန်နှင့် မတူညီပါ။

ပျော်ရွှင်တတ်သည့် ဦးဝင်းထိန်က ထိပ်တန်း ခေါင်းဆောင်များနှင့် တွေ့ဆုံခြင်းမှ ရှောင်လွှဲနိုင်ရန် သူကြိုးစားရကြောင်းပြောသည်။ သူတို့၏ ဆက်ဆံ ရေးက အတော်လေးရှုပ်ထွေးသည်ဟုလည်း ရှင်းပြ သည်။

“တပ်ထဲမှာတုန်းက ကျနော်က သူတို့ထက် ဝါကြီးတယ်လေ။ ကျနော်တို့တွေ့ရင်သူတို့ကကျနော့် ကို အစ်ကိုကြီးလို့ခေါ်တယ်” ဟုသမ္မတနှင့် အစိုးရ အတွင်းမှ ထိပ်တန်းပုဂ္ဂိုလ်များကို ရည်ညွှန်း၍ သူက ပြုံးရင်းပြောသည်။

အကယ်၍ သမိုင်းကြောင်းသာ အနည်းငယ်မျှ ပြောင်းလဲခဲ့လျှင် ဦးဝင်းထိန် ကိုယ်တိုင်သည်လည်း အာဏာပြင်းသည့် ဗိုလ်ချုပ်တယောက် ဖြစ်လာနိုင်ပါသည်။ အနည်းဆုံးတော့ လွှတ်တော်ထဲမှာ သူမဆောင်းချင်သည့် ဦးထုပ်ကို မဆောင်းဘဲ နေနိုင်ပါလိမ့်မည်။

Credit : Here

ရှမ်းမြောက် တိုက်ပွဲ တပ်မတော်သား ၇ ဦး ကျဆုံးဟု အစိုးရ ထုတ်ပြန်

ရှမ်းပြည်နယ် မြောက်ပိုင်းတွင် အစိုးရ တပ်မတော်နှင့် ကိုးကန့် လက်နက်ကိုင် တပ်ဖွဲ့များအကြား ဒီဇင်ဘာလ အတွင်း ဖြစ်ပွားသည့် တိုက်ပွဲများကြောင့် အစိုးရ တပ်မတော်သား ၇ ဦး ကျဆုံး၍ ၂၀ ဒဏ်ရာရကြောင်း သိရှိရသည်။

ရှမ်းပြည်နယ် မြောက်ပိုင်းရှိ ကွမ်းလုံမြို့နယ် အတွင်း၌ အစိုးရ တပ်မတော်က နယ်မြေလုံခြုံရေး ဆောင်ရွက်နေစဉ် ကိုးကန့် အဖွဲ့က ဒီဇင်ဘာ ၁၀ ရက်တွင် အလစ် ၀င်ရောက် တိုက်ခိုက်ခဲ့ကြောင်း၊ ထို့ကြောင့် အစိုးရ စစ်ကြောင်းများနှင့် ပြည်သူ့ စစ်များက လာရောက် ပူးပေါင်း တိုက်ခိုက်ပေးခဲ့ရကြောင်းလည်း ဒီဇင်ဘာလ ၁၅ ရက်ထုတ် အစိုးရ သတင်းစာများတွင် ဖော်ပြထားသည်။

ထိုဖြစ်စဉ်ကြောင့် အစိုးရစစ်ကြောင်းမှ စစ်သည် ၇ ဦးကျဆုံးကြောင်း ဖော်ပြထားသော်လည်း ကျဆုံးစစ်သည်များ၏ ရာထူး အဆင့် ကိုမူ ဖော်ပြမထားပေ။

ရှမ်းမြောက် ဒေသ တိုက်ပွဲများတွင် ကိုးကန့် တပ်ဖွဲ့နှင့်အတူ ပလောင်(တအာင်း) အမျိုးသား လွတ်မြောက်ရေး တပ်မတော်(TNLA) နှင့် ကချင် လွတ်လပ်ရေး တပ်မတော် (KIA) တို့လည်း ပါဝင်တိုက်ခိုက်ခဲ့ကြသည်ဟု ပလောင်ပြည် လွတ်မြောက်ရေး တပ်ဦး (PSLF) ၏ အထွေထွေ အတွင်းရေးမှူး မိုင်းဘုန်းကျော် က ဧရာဝတီ ကို ပြောသည်။ TNLA သည် PSLF ၏ လက်အောက်ခံ တပ်မတော် ဖြစ်သည်။

မိုင်းဘုန်းကျော်က“ကိုးကန့်တပ်တွေက ချောင်းမြောင်း တိုက်ခိုက်တာ မဟုတ်ပါဘူး၊ ကျနော်တို့ တပ်စခန်းတွေ ရှိတဲ့ နေရာတွေကို ရှင်းလင်းဖို့ အစိုးရ စစ်ကြောင်းတွေက နယ်မြေ ကျူးကျော်လာလို့ ပြန်တိုက်ကြတာပါ၊ အစိုးရ ပြောသလို အဲဒီနေရာတွေမှာ ပြည်သူ တွေ မရှိပါဘူး။ ကျနော်တို့ တပ်ပေါင်းစု စစ်စခန်းတွေရှိတဲ့ တောတောင်တွေပါ”ဟု ပြောသည်။

သို့သော် အစိုးရ သတင်းစာကမူ ကိုးကန့် လက်ကျန်အဖွဲ့သည် နိုင်ငံတော် အစိုးရက ငြိမ်းချမ်းရေးဖော်ဆောင်နေစဉ် ကာလအတွင်း တပ်မတော် စခန်းနှင့်စစ်ကြောင်းများကို အကြောင်းမဲ့ တိုက်ခိုက်နေကြောင်း၊ ထို့ကြောင့် တပ်မတော်အနေဖြင့် နယ်မြေခံပြည်သူများ၏ အသက် အိုးအိမ်စည်းစိမ်ကို ထိပါးနှောင့်ယှက်သူ မှန်သမျှကို ထိရောက်စွာ ချေမှုန်းသွားမည် ဖြစ်ကြောင်း ရေးသားထားသည်။

လက်နက်ကိုင် တပ်ဖွဲ့များ စုပေါင်းတည်ရှိသည့် နယ်မြေများကို အစိုးရ တပ်မတော်၏ တပ်မ ၅၅၊ တပ်မ ၁၁၊ တပ်မ ၈၈ စ သည်တို့ ၏ လက်အောက်ခံ စစ်ကြောင်းများက ထိုးစစ်ဆင်နေသည်မှာ ၂ ပတ်ခန့်ကြာနေပြီ ဖြစ်ကြောင်း၊ တိုင်းရင်းသား လက်နက်ကိုင် အဖွဲ့များအနေဖြင့် စတင်တိုက်ခိုက်မှု မရှိကြောင်း၊ ပြီးခဲ့သည့်ရက်ပိုင်းက တိုက်ပွဲများတွင် အစိုးရဘက်က သေဆုံးသူ ၇ ဦးထက် ပိုမိုကြောင်း၊ တိုင်းရင်းသား လက်နက်ကိုင် တပ်ဖွဲ့များဘက်ကမူ ထိခိုက် ကျဆုံးမှု မရှိကြောင်း TNLA က ပြောသည်။

ရှမ်းပြည် မြောက်ပိုင်း ကွမ်းလုံ၊ မန်တုံ၊ တာမိုးညဲ၊ ကွတ်ခိုင် စသည့် ဒေသများ၌ ဒီဇင်ဘာ လဆန်းမှ စတင်၍ တိုက်ပွဲများ ဆက်တိုက် ဖြစ်ပွားနေကြောင်း၊ ထိုတိုက်ပွဲများအနက် ဒီဇင်ဘာ ၁၀ ရက်မှ ၁၃ ရက်အထိ တိုက်ပွဲများ ပြင်းထန်လျက် ရှိသည်။

“ဒီဇင်ဘာလထဲမှာ တိုက်ပွဲဖြစ်တာ ၁၃ ရက်နေ့ အထိဆိုရင် ၁၀ ကြိမ်ကျော်ပါပြီ၊ မနေ့ကနဲ့ ဒီမနက်ပိုင်း အထိတော့ တိုက်ပွဲ မရှိဘူး၊ ဒါပေမယ့် အစိုးရဘက်ကတော့ ကျနော်တို့ တပ်တွေ ရှိမယ်ထင်တဲ့ နေရာတွေကို လက်နက်ကြီးတွေနဲ့ ရမ်းသမ်း ပစ်ခတ်နေတာတွေ ရှိပါတယ်”ဟု မိုင်းဘုန်းကျော် က ပြောဆိုသည်။

Credit : Here

ငြိမ်းချမ်းရေး အတွက် နိုင်ငံရေး မူဘောင် NLD ရေးဆွဲ

အစိုးရနှင့် တိုင်းရင်းသား လက်နက်ကိုင်အဖွဲ့ များကြား အပစ်အခတ် ရပ်စဲပြီး နောက်ပိုင်း တွင် ပြုလုပ် မည့် နိုင်ငံရေး ဆွေးနွေးပွဲ (Political Dialogue Frame Work) အတွက် အမျိုးသား ဒီမိုကရေစီ အဖွဲ့ချုပ်(NLD)က မူဘောင်တခု ရေး ဆွဲနေကြောင်း သတင်း ရရှိသည်။

နိုင်ငံရေး ဆွေးနွေးပွဲ မူဘောင် ရေးဆွဲခြင်းသည် NLD အနေဖြင့် ပြည်တွင်း ငြိမ်းချမ်းရေး လုပ်ငန်းစဉ်တွင် ပါဝင် လုပ်ကိုင်နေခြင်း ဖြစ် သည်ဟု NLD ပြောရေး ဆိုခွင့် ရှိသူ ဖြစ်သည့် ဦးဉာဏ်ဝင်းက ဧရာဝတီ သို့ ပြောသည်။

ဗဟို အလုပ်အမှုဆောင် တဦးလည်းဖြစ်သော ဦးဉာဏ်ဝင်းက“ပြည်တွင်း ငြိမ်းချမ်းရေးမှာ အသက်သွေးကြော က နိုင်ငံရေး တွေ့ဆုံ ဆွေးနွေးပွဲ မူဘောင်ပါ၊ နိုင်ငံရေးတွေ့ဆုံ ဆွေးနွေးရေး လုပ်ငန်း စဉ်အတွက် NLD ကြိုးပမ်းနေပါတယ်။ မူဘောင်က အကြမ်းထည် ပြီး သွားပါပြီ”ဟုလည်း ပြောဆိုသည်။

မူဘောင် အချောသတ်နိုင်ရန်သည် အပစ်အခတ် ရပ်စဲရေး ဆွေးနွေးပွဲ အချက်အလက်များအပေါ် မူတည်၍ မူဘောင် ရေးဆွဲနေရခြင်း ဖြစ်သဖြင့် အပစ်ရပ် စာချုပ် ချုပ်ဆိုနိုင်မှသာ ဖြစ်နိုင်လိမ့်မည်ဟုလည်း NLD က ပြောသည်။

နိုင်ငံရေး ဆွေးနွေးပွဲတွင် တနိုင်ငံလုံး အပစ်ရပ်စာချုပ် ချုပ်ဆိုပြီးနောက် နိုင်ငံရေး ပြဿနာကို နိုင်ငံရေးနည်းဖြင့် အဖြေရှာရန် ပြုလုပ်ခြင်း ဖြစ်ပြီး အပစ်ရပ်စာချုပ်ပါ အချက်အလက်များအား အကောင် အထည်ဖော်ရေး၊ ပြည်နယ်နှင့် တိုင်းဒေသကြီးတို့၏ အုပ်ချုပ်ရေး၊ သယံဇာတ ခွဲဝေရေးနှင့် တိုင်းပြည် အနာဂတ် ကိစ္စရပ်များ ဆွေးနွေးရန် ဖြစ်သည်ဟု ဆိုသည်။

အစိုးရ ငြိမ်းချမ်းရေး ဖော်ဆောင်မှု လုပ်ငန်းကော်မတီ(UPWC) က ချမှတ်ထားသည့် မူဘောင် တွင် နိုင်ငံရေး ဆွေးနွေးပွဲ ကျင်းပမည့်ပုံစံ ၊ ပါဝင်ရမည့်သူများ ၊ ဆွေးနွေးမည့် အချက်များ ၊ ဆွေးနွေးရာတွင် တာဝန်ခံမှု ၊ တာဝန်ယူမှု ရှိစေမည့် စောင့်ကြည့် အဖွဲ့များ ထည့်သွင်းရေး စသည့် အခြေခံအချက်များ ပါဝင်သည်။

NLD ပါတီ၏ မူဝါဒသည် တရားဥပဒေ စိုးမိုးရေး၊ ပြည်တွင်း ငြိမ်းချမ်းရေး နှင့် ၂၀၀၈ ဖွဲ့စည်းပုံ အခြေခံ ပြင်ဆင်ရေးတို့ ဖြစ်ကြောင်း ကြေညာထားသော်လည်း NLD သည် ငြိမ်းချမ်းရေး လုပ်ငန်းစဉ် များတွင် အပြည့်အ၀ ပါဝင်ခြင်းမရှိဟု တိုင်းရင်းသား ခေါင်းဆောင် တချို့က ဝေဖန်လျက် ရှိသည်။

အပစ်ရပ်လုပ်ငန်းစဉ်များ ဆွေးနွေးရန် အစိုးရက ၂၀၁၄ ခုနှစ် သြဂုတ်လ အတွင်း NLD ခေါင်းဆောင် ဒေါ်အောင်ဆန်းစုကြည်အား တရားဝင် ဖိတ်ကြားခဲ့သော်လည်း ကိုယ်တိုင် တက်ရောက်ခြင်းမရှိဘဲ ဗဟို အလုပ်အမှုဆောင် အဖွဲ့များကိုသာ စေလွှတ်ခဲ့ပြီး ဆွေးနွေးမှုများတွင်လည်း တစုံတရာ ဆုံးဖြတ်ခွင့် မပေးခဲ့ပေ။

ထို့အပြင် ငြိမ်းချမ်းရေး လုပ်ငန်းစဉ်တွင် နိုင်ငံရေး ပါတီများ ပါဝင်ပြီး နိုင်ငံရေး ဆွေးနွေးပွဲ မူဘောင် တခု ရေးဆွဲပေးရန် အစိုးရက ၂၀၁၄ ခုနှစ် မေလအတွင်း ဖိတ်ခေါ်ခဲ့သော်လည်း အာဏာရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီနှင့် အတိုက်အခံ NLD တို့ ပါဝင်ခဲ့ခြင်း မရှိကြောင်း သိရသည်။

NLD က နိုင်ငံရေး မူဘောင် ရေးဆွဲရာတွင် အချက်အလက်များ ရရှိရန် ပါတီတွင်း အစည်းအဝေး ၄ ကြိမ် ပြုလုပ်ခဲ့ပြီး ဆွေးနွေးထားခြင်း ဖြစ်သည်ဟု ဆိုသည်။

လက်ရှိတွင် NLD အပြင် အစိုးရ၏ ပြည်ထောင်စု ငြိမ်းချမ်းရေးဖော်ဆောင်ရေး ကော်မတီနှင့် တိုင်းရင်းသား ပါတီ အစုအဖွဲ့ ၃ ခု ပူးပေါင်း ပါဝင်သည့် ပါတီ ၅၆ ခု တို့ကလည်း မူဘောင်တခုစီ ရေးဆွဲလျက်ရှိကြောင်း သိရသည်။

နိုင်ငံရေး ဆွေးနွေးပွဲကို အစိုးရနှင့် တိုင်းရင်းသား လက်နက်ကိုင်အဖွဲ့များအကြား တနိုင်ငံလုံး အပစ်ရပ်စာချုပ် ချုပ်ဆိုပြီး ၃ လအကြာတွင် ပြုလုပ်ရမည်ဟု သမ္မတ ဦးသိန်းစိန်က လစဉ် ရေဒီယို မိန့်ခွန်းတွင် ထည့်သွင်း ပြောဆိုထားသည်။

သမ္မတ ဦးသိန်းစိန်က နိုင်ငံရေး ဆွေးနွေးပွဲတွင် နိုင်ငံရေး ပြဿနာများ ဖြေရှင်းနိုင်ရေးနှင့် ဖွဲ့စည်း ပုံ ပြင်ဆင်ရေးတို့ကို လမ်းဖွင့် ပေး ထားမည်ဟု ၂၀၁၄ ခုနှစ်အတွင်း နိုင်ငံရေးပါတီများနှင့် တွေ့ဆုံစဉ် ကတိ ပေးထားသည်။

Credit : Here

ဗိုလ်ချုပ်မှုးကြီးဟောင်း ဦးသန်းရွှေ ကောလဟလ မမှန်ကန်

အရင် စစ်အစိုးရလက်ထက် စစ်ခေါင်းဆောင်ဟောင်း အငြိမ်းစား ဗိုလ်ချုပ်မှူးကြီး သန်းရွှေ ကျန်းမာရေး အခြေအနေ အတော်ဆိုးဆိုး ရွားရွား ဖြစ်နေသလို ကွယ်လွန်သွားပြီ ဆိုပြီးတော့ ဒီဇင်ဘာလ ၁၄ ရက်နဲ့ ၁၅ ရက်တွေ မှာ အင်တာနက်လူမှု ကွန်ယက်တွေက တဆင့် ကောလာဟလတွေ ကျယ်ကျယ်ပြန့်ပြန့် ထွက်လာပါတယ်။ ဒါပေမဲ့ ဒီသတင်းနဲ့ပတ်သက်ပြီး လက်ရှိအစိုးရအဖွဲ့ အနေနဲ့ ထူးထူးခြားခြား ကြားသိထားတာမျိုး မရှိကြောင်း အစိုးရအဖွဲ့ ပြောခွင့်ရှိသူက ငြင်းဆိုလိုက်ပါတယ်။ အပြည့်အစုံကိုတော့ ဆက်သွယ်မေးမြန်း သတင်းရယူထားတဲ့ ဗွီအိုအေ မြန်မာပိုင်း သတင်းထောက် ကိုအောင်ရဲမောင်မောင်က တင်ပြပေးထားပါတယ်။

အငြိမ်းစား ဗိုလ်ချုပ်မှူးကြီးသန်းရွှေ ကျန်းမာရေးအခြေအနေ အကြီးအကျယ် ဆိုးရွားနေပြီး ကွယ်လွန် သွားပြီဆိုတဲ့သတင်းဟာ မနေ့ကနဲ့ ဒီနေ့တွေမှာ ရန်ကုန်၊ မန္တလေး၊ နေပြည်တော်မြို့တွေ မှာ အတော်လေး ပြန့်နှံနေတာပါ။ ဒီသတင်းအပေါ်မှာ ပြည်သူအတော်များများကလည်း စိတ်ဝင်တစား ပြောဆို ကြရင်းနဲ့ပဲ ကျယ်ပြန့်တဲ့ ကောလာဟလတစ်ခုလည်း ဖြစ်လာပါတယ်။

အနားယူသွားတဲ့ ဗိုလ်ချုပ်မှုးကြီးရဲ့ ကျန်းမာရေးအခြေအနေနဲ့ လက်ရှိဖြစ်ပေါ်နေတဲ့သတင်းတွေကို သိရအောင် အစိုးရပြောခွင့်ရှိသူလည်းဖြစ်၊ ပြန်ကြားရေး ပြည်ထောင်စုဝန်ကြီးလည်းဖြစ်တဲ့ဦးရဲထွဋ်ကို ဗွီအိုအေမြန်မာပိုင်းက ဆက်သွယ်မေးမြန်းကြည့်တဲ့အခါမှာ သူက အခုလို ပြောပါတယ်။

“ကျနော်တို့ကတော့ ဘာမှ မကြားပါဘူးဗျာ။ သူ အေးအေးချမ်းချမ်းနေထိုင်နေတာပဲ၊ လူတွေ ကသာ ကောလာဟလအမျိုးမျိုးထွက်နေတာ။ ကျနော်တို့ကတော့ ဘာမှ ထူးထူးခြားခြားသိရတာ မရှိပါဘူး။ သူ တာဝန်ကအနားယူပြီးနောက်ပိုင်းမှာ ကျနော်တို့နဲ့လည်း ဘာမှ အဆက်အသွယ်လည်း မရှိတော့ ဘူးလေ။”

နေပြည်တော်မှာ နေထိုင်ပြီးတော့ အစိုးရ စီမံကိန်း အချို့ကို တာဝန်ယူနေသူ တစ်ဦးလည်းဖြစ်၊ လူမှုကွန်ယက်ကို အဆက်မပြတ် လေ့လာသူလည်း ဖြစ်တဲ့ ကိုထွန်းထွန်းကတော့ ဦးသန်းရွှေ ကွယ်လွန်ပြီဆိုတဲ့သတင်းဟာ ကောလာဟလတစ်ခုလို အတော်လေး ကျယ်ပြန်လာပြီးတော့ မဖြစ်နိုင်တဲ့ အကြောင်း အခုလို ပြောပါတယ်။

“ကောလာဟလသဘောမျိုးပါပဲ၊ ဆေးရုံတင်ရတယ်၊ တချို့ကလည်း ကျန်းမာရေးကောင်းနေပါတယ်၊ တချို့ကကျတော့လည်း လေဖြန်းနေတယ်၊ တချို့ကကျတော့လည်း လုံးဝ ဆုံးသွားပြီဆိုပြီး အဲလို ကောလာဟလတွေ ပြန့်နေတာ။”

ဗိုလ်ချုပ်မှူးကြီးသန်းရွှေရဲ့ကိုယ်ရေးအရာရှိအသိုင်းအ၀ိုင်းနဲ့နီးစပ်နဲ့ ပြည်ခိုင်ဖြိုးပါတီ ဗဟိုကော်မတီ ၀င် ပြည်သူ့လွှတ်တော်ကိုယ်စားလှယ် ဦးလှဆွေကလည်း အခု ထွက်ပေါ်နေတဲ့ သတင်းတွေဟာ အလွဲ အမှားတွေဖြစ်တယ်လို့ အတည်ပြု ပြောဆိုပါတယ်။

“အဆက်အသွယ်မပြတ်ရှိတဲ့သူတယောက်ရှိတယ်။ ကျနော့်ညီလေးပေါ့နော်- သူတို့ပြောတာကတော့ ဘာမှ ---ဘူး။ ကောလာဟလလျှောက်ပြောနေတာလို့ ပြောတယ်။”

ဒီဇင်ဘာ လ ၁၄၊ ၁၅ ရက်နေ့တွေမှာ ထွက်ပေါ်နေတဲ့ ဒီသတင်းဟာ အငြိမ်းစားဗိုလ်ချုပ်မှူးကြီးအတွက် ယတြာချေတာလား၊ နိုင်ငံရေးလှည့်ကွက်တစ်ခု လိုလုပ်ပြီး ပြည်သူကို အာရုံပြောင်းတာလားဆိုတာကတော့ စိတ်ဝင်စားစရာ ကောင်းတယ်လို့စာနယ်ဇင်းကောင်စီဝင်တစ်ဦး လည်း ဖြစ်၊ Tomorrow သတင်းဂျာနယ်ကို စီစဉ်ထုတ်ဝေနေသူ ဦးဇော်သက်ထွေးက ဗွီအိုအေကို ပြောပါတယ်။

“ယတြာချေတာလား၊ နံပါတ်နှစ်က နိုင်ငံရေးအကျိုးအမြတ်၊ နိုင်ငံရေးကစားကွက်လားဆိုတာ ကျနော်တော့ ၂ ခု ခန့်မှန်းမိတယ်။ တကယ်လို့ ယတြာချေတာဆိုရင်တော့ ဘာမှ မပြောလိုပေမယ့် နိုင်ငံရေး အရ ရည်ရွယ်ပြီး သတင်းထုတ်လွှင့်တာဆိုရင်တော့ ဒါဟာ ဘယ်လို မျှော်ကိုးတယ်ဆိုတာ ဆန်းစစ်ဖို့လိုလာ ပါတယ်။ အခု မြန်မာနိုင်ငံမှာက ဒေါ်အောင်ဆန်းစုကြည်က လေးပွင့်ဆိုင်တောင်းဆိုတယ်၊ အဲဒီဟာ မဖြစ်ဘဲနဲ့ တခါ ဆယ့်လေးပွင့်ဆိုင် တွေ့တယ်၊ နောက်တခါ ပြည်ထောင်စုလွှတ်တော် က ခြောက်ပွင့် ဆိုင် တောင်းဆိုပြန်တယ်။ ပြီးတော့ ရန်ကုန်တိုင်းဒေသကြီးတွေကလည်း ပြည်ထောင်စုလွှတ်တော် ကို ကျော်ပြီးမှ သီးခြားအဆိုတင်တာတွေ ရှိလာတယ်။ စစ်ကိုင်းတိုင်းလွှတ်တော်က လုပ်လာတယ်ပေါ့၊ ဒါတွေအားလုံးဟာ နိုင်ငံရေးဖြေရှင်းပုံ ဖြေရှင်းနည်းမှာ မတူတဲ့အမြင်တွေရှိနေတယ်ဆိုတာကို သက်သေပြနေတယ်။ အဲဒီလိုမျိုးဖြစ်နေတဲ့အချိန်မှာ ဒီသတင်းကြီး ထွက်ပေါ်လာတာဟာ နိုင်ငံရေးအရ ပိုပြီးတော့ ရှုပ်ထွေးစေပါတယ်။ ဒါပေမယ့် ကျနော်မြင်တာကတော့ ဗိုလ်ချုပ်မှူးကြီးက အနားယူသွားပြီဖြစ်တဲ့ အတွက် ကျနော် ရိုးရိုးရှင်းရှင်းပဲ- ဗိုလ်ချုပ်မှူးကြီးအနေနဲ့ အခု လက်ရှိ တာဝန်ရှိတဲ့ နိုင်ငံရေးအရ အရေးပါ တဲ့ခေါင်းဆောင်တွေကို ဘယ်လိုပဲ ချုပ်ကိုင်နိုင်သည်ဖြစ်စေ၊ သူက အငြိမ်းစားယူထားပြီဖြစ်တဲ့အတွက် အရင်ကလောက် သြဇာသက်ရောက်မှု ရှိနိုင်မှာ မဟုတ်ပါဘူး။”

အငြိမ်းစား ဗိုလ်ချုပ်မှူးကြီးသန်းရွှေဟာ ၂၀၁၀ ရွေးကောက်ပွဲအပြီး သမ္မတဦးသိန်းစိန် အစိုးရကို အာဏာ မလွဲခင်အထိ မြန်မာနိုင်ငံကို အကြာဆုံး အုပ်ချုပ်ခဲ့တဲ့ စစ်ခေါင်းဆောင်တစ်ဦးလည်း ဖြစ်ပါတယ်။ သူအုပ်ချုပ် ခဲ့တဲ့ကာလမှာ မြန်မာပြည်သူလူထုအနေနဲ့ ဒီမိုကရေစီအရေး၊ လူ့အခွင့်အရေးတွေ အကြီးအကျယ် ဆုံးရှုံးခဲ့ရတယ်လို့လည်း နိုင်ငံတကာ အသိုင်းအ၀ိုင်းက ထောက်ပြပြောဆိုခဲ့တာလည်း ဖြစ်ပါတယ်။

စစ်အစိုးရလက်ထက်မှာပဲ အမျိုးသားညီလာခံကို ကျင်းပပြီးတော့ ၂၀၀၈ ဖွဲ့စည်းပုံကို စိတ်တိုင်းကျပြင်ဆင်ပြီး လက်ရှိအစိုးရတက်နိုင်အောင် လမ်းပြမြေပုံ ၇ ချက်နဲ့ဆောင်ရွက်ခဲ့သူဆိုပြီး ပြည်တွင်းနဲ့နိုင်ငံတကာက ဒီကနေ့ထိ ပြောဆိုနေရသူလည်း ဖြစ်ပါတယ်ခင်ဗျား။

Credit:ဗွီအိုအေ (မြန်မာပိုင်း)

ကိုပါကြီး သတ်ဖြတ်ခံရမှု အမှုမှန်ပေါ်ပေါက်ရေး လက်မှတ်ရေးထိုးလှုပ်ရှားမှု စတင်

စစ်တပ်က ဖမ်းဆီးထိန်းသိမ်းခဲ့ပြီးနောက် သေဆုံး သွားတဲ့ အလွတ်သတင်းထောက် ကိုပါကြီးအမှု မှန် ပေါ်ပေါက်ရေးအတွက် အများပြည်သူ လက်မှတ်ထိုး တောင်းဆိုမှု တစ်ခု စတင်ဆောင် ရွက်နေပြီလို့ ကိုပါကြီးရဲ့ဇနီး မသန္တာက RFA ကိုပြောပါတယ်။

လက်မှတ်ထိုးတောင်းဆိုတဲ့လှုပ်ရှားမှုကို မြန်မာနိုင်ငံ အမျိုးသမီးကွန်ရက်က ဦးစီးဆောင်ရွက်တာဖြစ်ပြီး ဒီလှုပ်ရှားမှုကို ကိုပါကြီးပျောက်ဆုံးတဲ့အချိန်က စတင်ခဲ့ပါတယ်။ အခုအလောင်းပြန်ရရှိပြီးတဲ့နောက် အမှုမှန်ပေါ်ပေါက်ရေးအတွက် ဆက်လက်ဆောင်ရွက်တာဖြစ်တယ်လို့ မသန္တာက ပြောပါတယ်။

"တရားမျှတစွာ တရားစီရင်နိုင်ရေး၊ အမှုမှန်ပေါ်ပေါက်ရေး ဆိုတာပါ ထပ်တိုးလိုက်ပြီးတော့ ကျမတို့ ဒါကိုလက်မှတ်ထိုးဖို့လုပ်တယ်၊ လုပ်တဲ့နေရာမှာ တိုင်းနဲ့ပြည်နယ်တော့ မနှံ့သေးဘူးပေါ့၊ အခုဆို ပဲခူး၊ မန္တလေး၊ ဧရာဝတီနဲ့ ရန်ကုန်တိုင်း အဲ့လောက်တော့ရှိပြီ၊ နောက်စစ်ကိုင်း ငါးတိုင်းလောက်ရှိပြီ၊ ခုလောလောဆယ်ပေးထားတယ်၊ တကယ်လို့ရလာတဲ့အခါ ကျမတို့ သမ္မတ၊ တရားဥပဒေ စိုးမိုးရေးကော်မရှင်နဲ့ လွှတ်တော်အဆင့်ဆင့်ကို တင်မှာဖြစ်သလို လူ့အခွင့်အရေး မြန်မာနိုင်ငံဆိုင်ရာ အထူးကိုယ်စားလှယ်ကိုလည်း ဒါကိုတင်မယ်ပေါ့

ကိုပါကြီးရဲ့ကိစ္စနဲ့ ပတ်သက်ပြီး ကျိုက်မရောမြို့နယ် ရဲတပ်ဖွဲ့မှာ အောက်တိုဘာလ ၁၉ ရက်နေ့က လူပျောက် မှုဖွင့်ခဲ့ပြီး အောက်တိုဘာ ၂၆ ရက်နေ့ကတော့ သေမှုသေခင်းအမှု ဖွင့်ခဲ့တာဖြစ်ပါတယ်။

ခုလိုအမှုတွေဖွင့်ခဲ့ပြီး ကိုပါကြီးရဲ့အလောင်းကို ပြန်လည်ဖေါ်ယူတာ၊ အလောင်းကို ဆရာဝန်ဆေးစစ် တာတွေ ပြုလုပ်ပြီးဖြစ်ပေမဲ့ အခုအချိန်အထိ တရားရုံးတင်နိုင်ခြင်း မရှိသေးပါဘူး။ အမှုဖွင့်ပြီးတဲ့နောက် သက်ဆိုင်ရာရဲတပ်ဖွဲ့ကတဆင့် တရားရုံးတင်ရမှာဖြစ်ပါတယ်။

ဒီကိစ္စနဲ့ပတ်သက်ပြီး မွန်ပြည်နယ်အတွင်းက သက်ဆိုင်ရာမြို့နယ် ရဲတပ်ဖွဲ့နဲ့တကွ တခြားတာဝန်ရှိ သူတွေဆီကို တယ်လီဖုံးနဲ့ ဆက်သွယ်ခဲ့ပေမဲ့ အဆက်အသွယ်အားလုံးရဲ့ တယ်လီဖုံးနံပါတ်တွေ ပြောင်းလဲ ထားတာကြောင့် ကိုယ်တိုင်သွားရောက်စုံစမ်းဖို့ရှိတယ်လို့ မသန္တာကပြောပါတယ်။

RFA Burmese

Credit : Here

NDAA(မိုင်းလား)အဖွဲ့မှ တပ်ဖွဲ့ဝင်တစ်ဦး မိုင်းယောင်းမြို့တွင် အလင်းဝင်ရောက်

ရှမ်းပြည်နယ်အရှေ့ပိုင်း၊ မိုင်းယောင်းမြို့နယ် တွင် ဒီဇင်ဘာလ ၁၃ ရက်နေ့က အမျိုးသားဒီမိုကရေစီ မဟာမိတ် အဖွဲ့NDAA(မိုင်းလား)အဖွဲ့မှ တပ်သား အဆင့်ရှိ သူတစ်ဦး နယ်မြေခံအစိုးရတပ်ရင်းသို့ လက်နက်မဲ့ အလင်းဝင်ရောက်ခဲ့ကြောင်း နယ်မြေခံ တပ်အရာရှိတစ်ဦးထံမှ သတင်းရရှိသည်။

အဆိုပါ အလင်းဝင်ရောက်လာသောသူသည် မိုင်းယောင်းမြို့နယ၊် ဝမ်မန်းကျေးရွာအုပ်စု၊ နမ့်တောင်းကျေးရွာ နေ နမ့်ပင်း(ဘ)ဦးစန်းဖုန်း ဖြစ်ကြောင်း သိရှိရသည်။ “သူက မနှစ်က မဲပေါက်လို့ ရောက်သွားတာ၊ အခုခွင့်ပြန်လာတော့ ပြန်မသွားချင်တော့ဘူး၊ အလင်းဝင်ရောက် တော့မယ်လာပြောလို့ ဦးတို့က နယ်မြေခံတပ်ရင်းကိုဆက်သွယ်ပြီး သွားပို့ပေးတာပါ”ဟု ဝမ်မန်းကျေးရွာ တာဝန်ရှိသူတစ်ဦးကပြောသည်။

၎င်းသည် NDAA(မိုင်းလား)အဖွဲ့သို့ ၂၀၁၃ ခုနှစ် စက်တင်ဘာလတွင် မဲစနစ်ဖြင့်မဲပေါက်၍ ဝင်ရောက် ခဲ့ရ ကြောင်း၊ တစ်နစ်ကျော် တာဝန်ထမ်းဆောင်ခဲ့ပြီးနောက် ၂၀၁၄ ခုနှစ် ဒီဇင်ဘာလတွင် ခွင့်(၃) ရက် ရရှိ သဖြင့် ကျင်းရဲမှ နမ့်တောင်းကျေးရွာသို့ ရောက်ရှိလာပြီး ဆက်လက်တာဝန်ထမ်းဆောင်လိုခြင်း မရှိတော့သောကြောင့် အလင်းဝင်ရောက်လာခဲ့ခြင်းဖြစ်ကြောင်း သိရသည်။

တပ်မတော်အနေဖြင့် တိုင်းရင်းသားလက်နက်ကိုင်များအတွက် အမျိုးသားပြန်လည်သင့်မြတ်ရေး ကို ရှေးရှုပြီး ငြိမ်းချမ်းရေးအတွက် အမြဲလက်ကမ်းကြိုဆိုလျက်ရှိကြောင်း၊ အခုအလင်းဝင်ရောက်လာ သူအားလည်း မိမိတို့ နယ်မြေခံတပ်ရင်းတွင် ကောင်းမွန်စွာစောင့်ရှောက်ထားကြောင်း၊ အထက်သို့ အဆင့်ဆင့်သတင်းပို့ပြီးစီစဉ် ဆောင်ရွက်ပေးသွားမည်”ဟုမိုင်းယောင်းအခြေစိုက်နည်းဗျူဟာမှအရာရှိတစ်ဦး က ပြောကြားသွားခဲ့သည်။

ကိုစိုင်းမောင်

Credit : Here

လယ်သမားများအရေးယူခံရခြင်းမှာ သွေးထိုးမှုများကြောင့်ဟု သူရဦးရွှေမန်းပြော

သွေးထိုးလှုံ့ဆော်သည့် ကိစ္စရပ်များကို နားမယောင်ကြရန်နှင့် ဥပဒေနည်းလမ်းများကို နား လည်ထားရန် ဧရာဝတီတိုင်းအ တွင်းရှိ လယ်သမားများအား သူရ ဦးရွှေမန်းက တိုက်တွန်းပြောကြား လိုက်သည်။

ဒီဇင်ဘာ ၁၅ ရက်က ပုသိမ် မြို့တွင် ပြုလုပ်သော တောင်သူ လယ်သမားများနှင့် တွေ့ဆုံပွဲ၌ လယ်သမား များအား အထက်ပါ အတိုင်း တိုက်တွန်းပြောကြားခဲ့ ခြင်းဖြစ်သည်။

‘‘သွေးထိုးတဲ့ ကိစ္စရပ်တွေ ကြောင့် တောင်သူတွေက ဥပဒေ အရ အပြစ်ပေးခံရတယ်။ ဒါတွေ ကို စိတ်မကောင်းစွာ ကြားနေရ တာ။ တောင်သူတွေဟာ နားမ ယောင်ကြဖို့ လိုတယ်။ ဥပဒေကို လည်း နားလည်ထားဖို့ လိုတယ်။ စာမဖတ်တတ်လို့ဆိုပြီး လုပ်လို့ မရဘူး။ လေ့လာထားကြပါ။ သိ အောင် လုပ်ထားကြပါလို့ တိုက် တွန်းပါတယ်’’ဟု ၎င်းက တွေ့ဆုံပွဲတွင် လယ်သမားများအား အသိ ပေးသည်။

ကျုံပျော်မြို့နယ်အတွင်းရှိ ရှားခဲအင်းပြဿနာ၊ မအူပင်မြို့ နယ်၊မလတ်တိုပြဿနာတို့တွင် သွေးထိုးလှုံ့ဆော် ပေးနေ သူများ ရှိခဲ့၍ လယ်သမား အများစုမှာ ဥပဒေအရ အရေးယူခံနေရခြင်း ဖြစ်သည်။ ထို့ကြောင့် လုပ်ထုံး လုပ်နည်း နဲ့ ဥပဒေ၊ နည်းဥပဒေများကို နားလည်ထားနိုင်ရန်နှင့် သွေးထိုးလှုံ့ဆော်မှုများကို အဓိကရှောင်ရှား သွားရန် ဦးရွှေမန်းက တိုက် တွန်း ပြောကြားသွားသည်။

တောင်သူလယ်သမားများ အတွက် ချေးငွေကိစ္စများကို ၀ိုင်း ကြီးချုပ်စနစ်ဖြင့် ထုတ်ချေးပေးနေခြင်းအပြင် တစ်ဦးချင်းချေးငွေကို လည် ထုတ်ချေးပေးရန် စီစဉ်ဆောင်ရွက်ပေးသွားမည် ဖြစ်သည်။ ရာသီဥတုကြောင့် ပျက်စီးသွားသော စိုက်ပျိုးလယ်ဧကများအတွက်ကိုပါ ထောက်ပံ့ပေးနိုင်ရန် စီစဉ်ဆောင်ရွက် ထားပြီး ဖြစ်ကြောင်း သိရ သည်။

ထို့ပြင် သီးနှံများကို ကာကွယ်နိုင်ရန် ဥပဒေရေးဆွဲပြဋ္ဌာန်းကာ လာမည့်နှစ်အတွင်း ရေးဆွဲထားသည့် ဥပဒေများ ကျင့်သုံးနိုင်ရန် ဆောင်ရွက်သွားမည်ဟုဆိုသည်။

‘‘ဧရာဝတီတိုင်းဘက်က ဆန် စပါးအပြင် ဆားကိုလည်း အဓိက ထုတ်တဲ့ နေရာဖြစ်တယ်။ ဆန် အပြင် တခြားစားသောက်ကုန်ပါ ထုတ်ပေးနိုင်တဲ့အတွက် ဆန်အိုး ကြီးအပြင် ဟင်းအိုးကြီးတစ်အိုး လည်း ဖြစ်နေ တယ်။ အဲဒီအတွက်ကျေးဇူးရှင်တောင်သူလယ်သမား များအတွက် ကူညီထောက်ပံ့မှု များနဲ့ နည်းပညာထောက်ပံ့ပေး မှုများကို ဆောင်ရွက်ပေးသွားရ မှာပဲ ဖြစ်တယ်’’ဟု ၎င်းက ဆက် လက်ပြောကြား သည်။

တစ်နိုင်ငံလုံး အနေအထား ဖြင့် ၂၅ ရာခိုင်နှုန်း ထွက်ကုန်ကို ဧရာဝတီတိုင်း ဒေသကြီးရှိ ဆန်စပါး ထုတ်ကုန်မှ ရရှိပြီး ဆန်စပါးစိုက်ပျိုးရေးအတွက် မြစ်ချောင်း၊အင်း၊ အိုင်များ တည်ရှိေ နခြင်း ကြောင့် မွေးမြူရေးလုပ်ငန်းကိုပါ တွဲဖက်လုပ်ကိုင်နိုင်ရန် မွေးမြူရေး သမားများကိုပါ တောင်သူများနှင့် တန်းတူချေးငွေထုတ်ပေးနိုင်ရန် စီစဉ်ထားကြောင်း သိရသည်။

7Day DAILY

ရန်ကုန်မြို့အတွင်းရှိ ATM ငွေထုတ်စက်များတွင် ငွေထုတ်ကတ်အတုများဖြင့် လိုက်လံငွေထုတ်နေသည့် နိုင်ငံခြားသားတစ်ဦး ထပ်မံဖမ်းဆီးရမိ

ရန်ကုန်တိုင်းဒေသကြီးအတွင်းရှိ ATM ငွေထုတ်စက်များတွင် ငွေထုတ်ကတ် အတုများပြုလုပ်ကာ လိုက်လံငွေထုတ်နေသည့် နိုင်ငံခြားသားတစ်ဦးကို ထပ်မံဖမ်းဆီး ရမိခဲ့ကြောင်း မြန်မာနိုင်ငံရဲ တပ်ဖွဲ့ ဌာနချုပ်ရုံး မှ ဒီဇင်ဘာ ၁၅ ရက် နံနက်ပိုင်းက သိရသည်။

ထပ်မံဖမ်းဆီးခဲ့သည့် နိုင်ငံခြားသားမှာ ဘူဂေးရီးယားနိုင်ငံသားဖြစ်ပြီး ရန်ကုန်မြို့လယ်၌ ဒီဇင်ဘာ ဒုတိယပတ်အတွင်းက ဖမ်းဆီးရမိခဲ့ကြောင်း အမည်မဖော်လိုသူ အဆင့်မြင့်ရဲအရာရှိကြီး တစ်ဦး က ပြောကြားသည်။

၂ဝ၁၄ ခုနှစ် နိုဝင်ဘာအတွင်း ရန်ကုန်မြို့ရှိ ပုဂ္ဂလိကဘဏ်တစ်ခု၏ ATM ငွေထုတ်စက် တစ်ခု တွင် နိုင်ငံခြားသားတစ်ဦးက ငွေထုတ်ကတ်များဖြင့် ထုတ်ယူနေမှုကို မသင်္ကာသဖြင့် စီစီတီဗွီကင်မရာ မှတ်တမ်းများကို ပြန်လည်ကြည့်ပြီးနောက် ရဲတပ်ဖွဲ့သို့ တိုင်တန်းခဲ့သည်။

ယင်းနောက် သက်ဆိုင်ရာတာဝန်ရှိသူများက ရန်ကုန်မြို့ရှိ ATM ငွေထုတ်စက်နေရာများအားလုံးတွင် သတင်းရယူစုံစမ်းပြီးနောက် မသင်္ကာသူ အိန္ဒိယနိုင်ငံသား တစ်ဦးကို နိုဝင်ဘာနောက်ဆုံးပတ်အတွင်း က ၎င်းတည်းခိုနေထိုင်နေသည့် ပန်းဘဲတန်း မြို့နယ် (၂၉)လမ်း အထက်လမ်းရှိ မေဖလားဝါးအင်းတွင် ဝင်ရောက်ဖမ်းဆီးခဲ့ကြောင်း သိရသည်။

ယင်းကဲ့သို့ ငွေထုတ်ကတ်အတုများဖြင့် ငွေများကို လိုက်လံထုတ်ယူနေသည်ဟု ယူဆထား ရသည့် နိုင်ငံခြားသား သုံးဦးမှာ Mr.Niranjan Rasligan (၂၈) နှစ် အင်္ဂလန် နိုင်ငံသား၊ Mr.Rajkumar (၃၃) နှစ် အိန္ဒိယ နိုင်ငံသား၊ Mr.Balu (၃၄) နှစ် အိန္ဒိယနိုင်ငံ သားတို့ဖြစ်ကြောင်း သိရသည်။

အိန္ဒိယနိုင်ငံသားတစ်ဦးထံမှ ငွေထုတ်ကတ် အတုများနှင့်အတူ ထုတ်ယူ ထားသည့် ငွေကျပ် ကိုးသိန်းကျော် ကိုလည်း သိမ်းဆည်းရမိထားကြောင်း သိရသည်။

အဆိုပါအမှုကို ပန်းဘဲတန်းမြို့မရဲစခန်း မှ (ပ) ၃၅၅/၂ဝ၁၄ ပြစ်မှုဆိုင်ရာ ဥပဒေပုဒ်မ ၃၈ဝ/၄၆၈ ဖြင့် လည်းကောင်း၊ ဗိုလ်တထောင်မြို့မရဲစခန်းမှ (ပ) ၁၆၆/၂ဝ၁၄၊ ပြစ်မှုဆိုင်ရာဥပဒေပုဒ်မ ၃၈ဝ/၄၆၈ ဖြင့် လည်းကောင်း အမှုဖွင့်ပြီး စစ်ဆေးလျက်ရှိကြောင်း သိရသည်။

Eleven Media Group

လုပ်ခလစာ ပြန်လည်တိုးမြှင့်ပေးရန် တောင်းဆိုနေသည့် Bogart အထည်ချုပ်အလုပ်သမားသုံးဦး စက်ရုံပိုင်ကားတစ်စီး တိုက်မိ၍ ဒဏ်ရာရ

လှိုင်သာယာမြို့နယ် ရွှေသံလွင်စက်မှုဇုန်ရှိ Bogart Lingerie အထည်ချုပ် စက်ရုံမှ လုပ်ခ လစာကို လျော့ချလိုက်မှုကြောင့် တိုးမြှင့်ပေးရန် အလုပ်မဆင်းဘဲ တောင်းဆိုနေကြသည့် အလုပ်သမား များအနက် အမျိုးသမီး သုံးဦးကို ဒီဇင်ဘာ ၁၅ ရက် နံနက်ပိုင်းက စက်ရုံပိုင်မော်တော်ကား တစ်စီးမှ တိုက်မိကာ ဒဏ်ရာရရှိခဲ့ပြီး ဆေးရုံသို့ပို့ ခဲ့ရကြောင်း သတင်းရရှိသည်။

ဒီဇင်ဘာ ၁၅ ရက် နံနက်ပိုင်းက စက်ရုံဝင်ပေါက်ရှေ့ကို ပိတ်ကာ သပိတ်မှောက်နေကြသည့် ရာပေါင်း များစွာသော အလုပ်သမားများမှ စက်ရုံပိုင်မော်တော်ယာဉ်ကို စက်ရုံထဲသို့ ပေးမဝင်နိုင်ကြောင်း၊ လမ်း ဆင်းလျှောက်ပါက သွားနိုင်ကြောင်း တားဆီးထားရာမှ မော်တော်ယာဉ်မောင်းသူက အရှိန်မလျှော့ ဘဲ မောင်းနှင်သဖြင့် အလုပ်သမားသုံးဦးကို တိုက်မိခဲ့ကြောင်း စက်ရုံအလုပ်သမားများက ပြောကြား ကြသည်။

ထိုသို့ ကားဖြင့်တိုက်မိသဖြင့် စက်ရုံအလုပ်သမားသုံးဦး ခြေထောက်တွင် ဒဏ်ရာရရှိခဲ့ပြီး သက်ဆိုင်ရာ ရဲစခန်းတွင် သွားရောက်အမှုဖွင့်ခဲ့ကြောင်း ကာယကံရှင်များက ပြောကြားသည်။ ဒဏ်ရာရရှိခဲ့သည့် အလုပ်သမားတစ်ဦးဖြစ်သည့် မမျိုးသန္တာအောင်က “ကျွန်မတို့က အဲဒီကားကို ပေးမဝင်တာ။ လမ်း ဆင်းလျှောက်ရင် ရတယ်လို့ပြောတော့ ကျန်တဲ့သူတွေက လမ်းဆင်းလျှောက်တယ်။ ဒရိုင်ဘာက ကားကို အရှိန်လျှော့လိုက် တင်းလိုက်လုပ်နေပြီးမှ ဝင်တိုက်မိတာ။ မနက်က ဆေးရုံကိုသွားပြီး ခုပဲပြန်လာတယ်။ ရဲစခန်းမှာ အမှုသွားဖွင့်ထားတယ်” ဟု ပြောကြားသည်။

အလုပ်သမားများဘက်မှ နေ့စဉ်ကြေးကို ယခင်ရရှိနေသည့် ၆၇ ကျပ်မှ ကျပ် ၃ဝဝ သို့ တိုး၍တောင်းဆိုခဲ့ပြီး ရှားပါးစရိတ်အဖြစ် ကျပ် ၃ဝဝဝဝ ပေးရန်လည်း တောင်းဆိုခဲ့ကြသည်။ သို့သော် စက်ရုံတာဝန်ရှိသူများဘက် မှနေ့စဉ်ကြေးကို အမြင့်ဆုံး ကျပ် ၁ဝဝ အထိ သာပေးနိုင်ပြီး ရှားပါးစရိတ်ကိုမူ မပေးနိုင်ကြောင်း ပြောဆို ခဲ့သည့်အတွက် ညှနှိုင်းမှုအဆင်မပြေဖြစ်ခဲ့ကာ တောင်းဆိုမှု ခြောက်ရက်မြောက်နေ့တွင် ယခုကဲ့သို့ ထပ် မံဖြစ်ပွားခဲ့ခြင်း ဖြစ်သည်။

Eleven Media Group