ဓာတ်ကြိုးပြတ်ကျ၍ လူသေဆုံးမှု နောက်တစ်ကြိမ်ဖြစ်

မြောက်ဥက္ကလာမြို့ နယ်၊ (ဌ)ရပ်ကွက်၊ ပတ္တမြားလမ်း ရှိ ဓာတ်တိုင်မှ ဗို့အား ၄၀၀ ရှိ ဓာတ်ကြိုးပြတ်ကျ သဖြင့် ဓာတ် တိုင်အနီး ကန်စွန်းစိုက်ခင်းတွင် လုပ်ကိုင်နေသူ တစ်ဦး ဓာတ်ကြိုး ပတ်မိကာ ဓာတ်လိုက် သေဆုံး သွားကြောင်း သတင်းရရှိသည်။

ဇွန်လ ၃၀ ရက် ညနေ ၄ နာရီက ပတ္တမြားလမ်းရှိ ဓာတ် တိုင်ကြွေသီးအခြေမှ ဓာတ်ကြိုး ပြတ်ကျခဲ့ရာ တိုင်နှင့် အနီး ကန် စွန်းခင်းစိုက်ပျိုးရေးအတွက် သဲ အိတ်များထည့်နေသူ သုံးဦးထဲမှ တစ်ဦး ဓာတ်လိုက် သေဆုံးသွား ခြင်းဖြစ်သည်။

ရန်ကုန်မြို့တွင် ဇွန်လ တတိယပတ် ၁၀ ရက်အတွင်း ဓာတ်ကြိုးပြတ်ကျပြီး ဓာတ်လိုက် သေဆုံးမှု နှစ်ကြိမ်ဖြစ်ပွားခဲ့ပြီး သေဆုံးသူ သုံးဦးထိရှိခဲ့သည်။ ဓာတ်လိုက်ပြီး သေဆုံးသူသည် ၎င်းအစ်ကို၏ ကန်စွန်းခင်းတွင် လာရောက်လုပ်ကိုင်နေသူဖြစ်ပြီး ဇနီးနှင့် သမီးငယ်တစ်ဦးရှိသည် ဟု သိရသည်။

‘‘ဖြစ်တဲ့အချိန်မှာ ကျွန်တော် ကအိမ်မှာရှိမနေဘူး။ သဲအိတ် တွေကို သုံးယောက်ထည့်နေ တာ။ ဓာတ်ကြိုးပြတ်ကျပြီး ကျွန် တော်ညီရဲ့ ဘယ်ဘက်ပခုံးပေါ်ကို ပတ်မိသွားတာလို့ပြောတယ်။ သူ့ ကံရှိလို့ ဒီလိုဖြစ်သွားတယ်လို့ပဲ မှတ်ယူပါတယ်။ အမှုဖွင့်တာတွေ မလုပ်ပါဘူး။ နာရေးအတွက် မြို့ နယ်လျှပ်စစ်က အကုန်လုပ်ပေး မယ်လို့ ပြောပါတယ်’’ ဟု သေဆုံး သူ၏ အစ်ကိုကပြောသည်။

ပြတ်ကျသော ဓာတ်ကြိုး သည် ၂၀၀၆ ခုနှစ်ကတည်းက တပ်ဆင်ထားခြင်းဖြစ်ပြီး ဓာတ် ကြိုးအကြီးစားဖြစ်ကြောင်း မြောက်ဥက္ကလာမြို့နယ် လျှပ်စစ်ဦးစီးဌာန၊ ဦးစီးအရာရှိ ဒုတိယညွှန်ကြားရေးမှူး ဦးဝင်းမြင့်ဇော်ကပြောသည်။

‘‘အဲဒီဓာတ်ကြိုးက ကြိုးအ ကြီးစား။ ပြတ်ကျစရာအကြောင်း မရှိဘူး။ အဲဒီနေရာမှာ ဖြစ်လေ့ ဖြစ်ထလည်းမရှိဘူး။ သူရဲ့နာရေး အတွက်တော့ ကျွန်တော်တို့မြို့ နယ်လျှပ်စစ်က တာဝန်ယူလုပ်နေ ပါတယ်။ နစ်နာကြေးပေးတာက တော့ ရုံးချုပ်က လုပ်တာပါ။ ဒီလို ဖြစ်နေတော့ မြို့နယ်အတွင်း မှာ လျှပ်စစ်နဲ့ ပတ်သက်ပြီး လက် ကမ်းစာရွက်တွေဝေသွားဖုိ့လုပ် နေပါတယ်’’ဟု ဦးဝင်းမြင့်ဇော်က ပြောသည်။

ပြတ်ကျသော ကြိုးကို အစားထိုးတပ်ဆင်ပေးခဲ့ပြီး ထိုနေ့ည ၇ နာရီတွင် လျှပ်စစ်မီးများပြန်ဖွင့်ပေးခဲ့ကြောင်း ပတ္တမြားလမ်းတွင် နေထိုင်သူများကပြောသည်။

‘‘နောက်လည်းထပ်ဖြစ်နေ ဦးမှာ။ ဒီရပ်ကွက်မှာ အခုလိုမျိုး ကြိုးမကောင်းတာတွေ အများ ကြီး။ ရှော့ခ်ဖြစ်လိုက်၊ မီးလောင် လိုက်ဖြစ်နေတာကို ဖုန်းဆက် လှမ်းခေါ်မှလာတယ်။ လာလည်းကြိုးပဲပြန်ဆက်သွားတာ’’ဟု ပတ္တ မြားလမ်းနေ အသက် (၄၀) အရွယ်အမျိုးသားတစ်ဦးကပြောသည်။

လျှပ်စစ်ကြိုးများပြတ်ကျမှု ကြောင့် သေဆုံးမှုများတွင် သက် ဆိုင်ရာမြို့နယ် လျှပ်စစ်ဌာနတွင် တာဝန်ရှိပြီး တာဝန်ရှိသူများပေါ့ ဆမှုကြောင့် သေဆုံးရခြင်းဖြစ်၍ပြစ်မှုဆိုင်ရာ ပုဒ်မ ၃၀၄(က) ဖြင့် အရေးယူဆောင်ရွက်နိုင်ကြောင်း တရားရုံးချုပ်ရှေ့နေဦးခင်ဇော် (မရမ်းကုန်း)က ဓာတ်ကြိုးပြတ် ကျ၍ ပြည်သူအချို့သေဆုံးဒဏ် ရာရရှိခဲ့ခြင်းနှင့် ပတ်သက်၍ ပြောထားသည်။

ဓာတ်ကြိုးပြတ်ကျမှုကြောင့် အလားတူ သေဆုံးမှုမျိုး ဇွန် ၂၁ ရက်က ရန်ကုန်မြို့ လှည်းတန်း ဈေးအနီးတွင် ဖြစ်ပွားခဲ့သည်။ ထိုလမ်းရှိ ဓာတ်တိုင်တစ်တိုင်မှ ဓာတ်ကြိုးပြတ်ကျပြီး ဓာတ်တိုင် အနီးရှိ ဈေးသည်အမျိုးသမီးတစ် ဦးနှင့် ဈေးဝယ်လာသူ အမျိုးသား တစ်ဦးတို့သေဆုံးခဲ့သည်။ ထို့အ ပြင် ဈေးသည် နှစ်ဦးဒဏ်ရာရကာ တစ်ဦးမှာ လက်ရှိအချိန်ထိ အ ရေးပေါ်ကုသနေရသည်။

ဇွန်လ ၂၈ ရက်ကလည်း ကျောက်တံခါးမြို့၊ ကုန်းလယ်ရှိ ကျေးရွာတွင် လယ်ယာသုံးပစ္စည်း ၀ယ်သူတစ်ဦးဆိုင်မှ အထွက်တွင် ၎င်းအပေါ်သို့ ဓာတ်ကြိုးပြတ်ကျကာနေရာတွင် ပွဲချင်းပြီးသေဆုံးသွားခဲ့သည်။

7 Day Daily

သန္တိသုခအရေးမှာ နိုင်ငံရေး ကစားခြင်းဖြစ်ဟု ဗိုလ်ချုပ်ကြီးဟောင်း ဦးခင်ညွန့်သုံးသပ် (ပုဒ်မ ၄၃၆ပြင်ဆင်ရေးကို အာရုံပြောင်းအောင် လုပ်ခြင်း ဖြစ်နိုင်သည်ဟုလည်းဆို)

သာသနာရေး ၀န်ကြီးဌာန အနေဖြင့် သန္တိသုခကျောင်းအား ၀င်ရောက်စီးနင်းပြီး ဆရာတော် ၅ပါးအား လူဝတ်လဲ၍ တရားစွဲဆိုခြင်းမှာ နိုင်ငံရေး ကစားခြင်းသာ ဖြစ်သည်ဟု ဗိုလ်ချုပ်ကြီးဟောင်း ဦးခင်ညွန့်က သုံးသပ် ပြောကြားခဲ့ သည်။ “နိုင်ငံရေးလုပ်တာ၊ နိုင်ငံရေး ကစားတာ အေးအေးချမ်းချမ်း ဖြစ်တာ အကောင်းဆုံးပဲ”ဟု သူ၏ အမြင်ကို ပြောကြားခဲ့သည်။

ဗိုလ်ချုပ်ကြီဟောင်း ဦးခင်ညွန့်အနေဖြင့် ဇွန်လ၂၈ရက်နေ့ Nawaday Art Galleryတွင် ပြုလုပ် ကျင်းပသည့် SOURCE OF LIGHT Photo Galleryမှ ရောင်းရငွေ ငွေကျပ် သိန်း၄၀အား ရွှေမှော်ဝန်း လူမှု၊ ယဉ်ကျေး၊ ကူညီရေးအဖွဲ့သို့ အလှူငွေ ပေးအပ်ပွဲ အခမ်းအနားတွင် သတင်းသမားများ၏ မေးမြန်းချက်အပေါ် မှတ်ချက်ပြု ဖြေကြားခဲ့ခြင်း ဖြစ်သည်။

သန္တိသုခ ကျောင်းအရေးတွင် တရားစွဲဆိုခံရသည့် သံဃာ၅ပါးအမှုနှင့် ပတ်သက်ပြီး ၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်းမှ ဦးမင်းကိုနိုင်က “တရားမျှမှု မရှိဘူးဆိုရင် နောက်ထပ် နောက်ထပ် ပြည်သူလူထုရဲ့ တုံ့ပြန်မှု၊ ဒကာ၊ ဒကာမတွေရဲ့ တုံ့ပြန်မှု သံဃာထုတွေရဲ့ တုံ့ပြန်မှုတွေကို မလွဲမသွေ ရင်ဆိုင်ရလိမ့်မယ်။ ဆုံးဖြတ်ချက်တွေက အနည်းနဲ့အများတော့ မြန်မာ့ နိုင်ငံရေးကို ဂယက်ရိုက်မယ်ဆိုတာ ကျွန်တော်ကြို ပြောနိုင်ပါတယ်”ဟု မှတ်ချက်ပေးသည်။

နိုင်ငံတော် အစိုးရအနေဖြင့် သန္တိသုခကျောင်းအား အင်အားသုံး၍ ၀င်ရောက်စီးနင်းပြီး သံဃာတော် ၅ပါးအား တရားစွဲဆိုလိုက်ခြင်းမှာ ပြည်သူလူထု၏ ၄၃၆ ပြင်ဆင်ရေးအပေါ် အာရုံစိုက် အလေးထားနေမှုကို အာရုံပြောင်းစေရန် အတွက် လုပ်ဆောင်ခဲ့ခြင်း ဖြစ်နိုင်သည်ဟု ယုံကြည်ကြောင်း အလိုတော်ပြည့် ကျောင်းတိုက် ဆရာ တော် ဦးကုမာရက မိန့်သည်။ “ဒေါ်အောင်ဆန်းစုကြည်က ၄၃၆ ပြင်ဆင်ဖို့အတွက် အင်တိုက် အားတိုက် လုပ်နေချိန်မှာ အခုကိစ္စ ဖြစ်ပေါ်လာတာ ၄၃၆ကို အာရုံ ပြောင်းအောင်လုပ်တာ ဖြစ်နိုင်သလို တစ်ဖက်မှာလည်း ဒီဦးဇင်း ၅ပါးကို အသုံးချတာလည်း ဖြစ်နိုင်တယ်။ ၄၃၆ ပြင်ဆင်ဖို့ ဘက်ကနေ အာရုံလွှဲဖို့ အတွက် ဒီ သံဃာ၅ပါးကို အသုံးချတာလို့ မြင်တယ်။ အခုဆို ၄၃၆ ပြင်ဆင်ရေးက မှိန်သွားပြီ ဒီသံဃာ ၅ပါးက အရမ်း နာမည်ကြီးသွားပြီ”ဟု သုံးသပ်ခဲ့သည်။

ဇွန်လ ၁၀ရက်နေ့ည ရန်ကုန်တိုင်းဒေသကြီး တာမွေမြို့နယ်ရှိ ပီနန်ဆရာတော် ဦးစီး တည်ထောင် ခဲ့သည့် မဟာသန္တိသုခ ကျောင်းတိုက်ကြီးအား ရန်ကုန်တိုင်း သံဃနာယက စည်းကမ်း ထိန်းသိမ်းရေး သံဃာတော်များ၊ ရဲတပ်ဖွဲ့ဝင်များမှ ၀င်ရောက်စီးနင်း ချိတ်ပိတ်ခဲ့ပြီး လန်ဒန် ဓမ္မရံသီ ကျောင်းဆရာတော် ဦးဥတ္တရ၊ ဦးနန္ဒိယ၊ ဦးပညာသာရ၊ ဦးသုန္ဒရာသီရိနှင့် ဦးတေဇိဒ္ဓတို့အား လူဝတ်လဲ၍ ဖမ်းဆီးချုပ်နှောင်ခဲ့ပြီး သာသနာရေးဝန်ကြီး ဌာနမှ ပုဒ်မ၂၉၅(က)နှင့် သာသနာရေး ဆိုင်ရာ ဥပဒေ ၂၀/၉၀ ပုဒ်မ ၁၄ အရ တရားစွဲဆိုထားသည်။

( Tomorrow သတင်းဂျာနယ်အမှတ်(၁၈)ပါ သတင်း )

ပုဒ်မ ၄၃၆ ပြင်ဆင်ရန် ရန်ကုန်ရှိ လူဦးရေ ၆ သန်းခွဲတွင် လက်မှတ် ၇ သိန်းကျော်သာရ၍ ရရှိထားတဲ့ အရေအတွက်က ဘာမှမဟုတ်တော့ဘူး ဟု NLD တိုင်းဥက္ကဋ္ဌ ၀န်ခံ

ရန်ကုန်တိုင်းဒေသကြီး အတွင်း၌ ပုဒ်မ ၄၃၆ ပြင်ဆင်ရေး လက်မှတ်ရေးထိုးသူ ရှစ်သိန်းနီးပါး ရှိနေပြီဖြစ်သော်လည်း မဲပေးနိုင်သူ ဦးရေနှင့် နှိုင်းယှဉ်ပါက နည်းနေသေး၍ ဆန္ဒမဲ ပိုမိုရရှိရေး ဆောင်ရွက်ရန် ဇူလိုင် ၁ ရက်က ရန်ကုန်မြို့ တော်ဝင်နှင်းဆီ စားသောက်ဆိုင်၌ ပြုလုပ်သော အမျိုးသားဒီမိုကရေစီအဖွဲ့ချုပ် (NLD)၊ ရန်ကုန်တိုင်း ဒေသကြီး၊ တိုင်း၊ ခရိုင်၊ မြို့နယ်အလုပ်အမှုဆောင် များ စုံညီတွေ့ဆုံ ညှိနှိုင်းအစည်းအဝေးတွင် NLD ရန်ကုန်တိုင်းဥက္ကဌ ဦးမြင့်ဌေးက တိုက်တွန်းပြောကြားသည်။

လက်ရှိတွင် ရန်ကုန်တိုင်း၌ ပုဒ်မ ၄၃၆ ပြင်ဆင်ရေး လက်မှတ်ရေးထိုးသူ ၇၉ဝဝဝဝ ကျော်ရှိရာ ရန်ကုန်အရှေ့ပိုင်းခရိုင်တွင် လက်မှတ်ရေးထိုးသူ ၂၃ဝဝဝဝ ကျော်၊ ရန်ကုန်အနောက်ပိုင်းခရိုင်တွင် လက်မှတ်ရေးထိုးသူ ၁၂ဝဝဝဝ ကျော်၊ ရန်ကုန်တောင်ပိုင်းခရိုင်တွင် လက်မှတ်ရေးထိုးသူ ၁၁ဝဝဝဝ ကျော်နှင့် ရန်ကုန်မြောက်ပိုင်းခရိုင်တွင် လက်မှတ်ရေးထိုးသူ ၃၂ဝဝဝဝ ကျော်ရှိကြောင်း သိရသည်။

“ဒီအရေအတွက်နဲ့ ကြည့်မယ်ဆိုရင်တော့ အများကြီး ရနေပြီ။ ရှစ်သိန်းပြည့်ခါနီးပြီဆိုတဲ့ နားထောင် ကောင်းတဲ့ အနေအထား ရှိတယ်။ သို့သော်လည်း ရန်ကုန်တိုင်းမှာ ခန့်မှန်းခြေ လူဦးရေက ခြောက်သန်း ခွဲလောက်ရှိတယ်။ မဲပေးနိုင်တဲ့ အရေအတွက်က လေးသန်းလောက် ရှိတယ်။ အဲဒီအရေအတွက်နဲ့ ကြည့်မယ်ဆိုရင် ကျွန်တော်တို့ ရရှိထားတဲ့ အရေအတွက်က ဘာမှမဟုတ်တော့ဘူး” ဟု ဦးမြင့်ဌေးက ပြောကြားသည်။

“အနိမ့်ဆုံးအဆင့် ကျွန်တော်တို့ ရန်ကုန်တိုင်းဟာ မဲပေးနိုင်တဲ့ အရေအတွက်နဲ့ ဆိုလို့ရှိရင် တကယ်ရသင့် တာက နှစ်သန်းလောက်ရသင့်တဲ့ အနေအထားပါ။ အခု ကျွန်တော်တို့ ရန်ကုန်တိုင်းက တစ်သန်းတောင် မပြည့်သေးပါဘူး။ တော်တော်ကြိုးစားရမယ့် အနေအထားပါ။ တစ်နိုင်ငံလုံးဆိုရင် ၁၆ သန်းကျော်လောက် ရမှ ကျွန်တော်တို့လိုချင်တဲ့ အနေအထားကို လွှတ်တော်ထဲမှာ ထည်ထည်ဝါဝါ ဒီကိစ္စကိုပြုပြင်ဖို့အတွက် တင်သွင်းနိုင်တဲ့ အနေအထားမျိုး ပိုပြီးတော့ ကောင်းလာပါလိမ့်မယ်။ ဒီအရေအတွက်ကို မပြည့်မီရင်တောင် တတ်နိုင်သမျှ ကျွန်တော်တို့ ဝိုင်းဝန်းကြိုးပမ်း အားထုတ်ကြဖို့ ကျွန်တော့်အနေနဲ့ မေတ္တာရပ်ခံချင်ပါတယ်” ဟု ဦးမြင့်ဌေးက ဆိုသည်။

NLD နာယက ဦးတင်ဦးကလည်း လက်မှတ်ရေးထိုးသူဦးရေ ပိုများအောင် ဆောင်ရွက်ရန် ပါတီဝင်များအား တိုက်တွန်းခဲ့ပြီး “ဒီနေ့ချမှတ်တဲ့ ရည်မှန်းချက်သည် ၂ဝဝ၈ ဖွဲ့စည်းပုံအခြေခံဥပဒေ ပုဒ်မ ၄၃၆ သည် ပိတ်ဆို့ထားတာ ဖြစ်တဲ့အတွက် ဒါမပွင့်သမျှ ကာလပတ်လုံး အထဲကဟာတွေက ဘာမှဒီမိုကရေစီနည်းကျ လုပ်လို့မရဘူးဆိုတာ သိတာကြောင့်မို့လို့ ဒါကြီးပွင့်အောင် လုပ်ရမယ်” ဟု ပြောကြားသည်။

ပုဒ်မ ၄၃၆ ပြင်ဆင်ရေး လက်မှတ်ရေးထိုးသူ အရေအတွက် ပိုများလာရေးအတွက် NLD လူငယ် အဖွဲ့ဝင်များ ဝိုင်းဝန်းကူညီဆောင်ရွက်ရေး ညွှန်ကြားရန် ပါတီဥက္ကဌ ဒေါ်အောင်ဆန်းစုကြည်က ပြောကြား ထားသည့်အတွက် NLD ဗဟိုလူငယ် ညီလာခံကော်မရှင်က သက်ဆိုင်ရာ တိုင်း၊ ခရိုင်အသီးသီးမှ လူငယ် များအား ပုဒ်မ ၄၃၆ ပြင်ဆင်ရေး လက်မှတ်ရေးထိုး လှုပ်ရှားမှုတွင် သက်ဆိုင်ရာ အမှုဆောင်များနှင့် ညှိနှိုင်း ဆောင်ရွက်ရန် ညွှန်ကြားချက် ထုတ်ပြန်ထားပြီး ဖြစ်သည်ဟု ဦးမြင့်ဌေးက ပြောကြားသည်။

NLD ပါတီ၏ နိုင်ငံလုံးဆိုင်ရာ ဗဟိုလူငယ်ညီလာခံကို ဇူလိုင် ၅ ရက်နှင့် ၆ ရက်များတွင် ရန်ကုန်မြို့၌ ကျင်းပမည်ဖြစ်ရာ ပါတီဥက္ကဌ ဒေါ်အောင်ဆန်းစုကြည် တက်ရောက်မည်ဖြစ်ကြောင်း သိရသည်။

အမျိုးသားဒီမိုကရေစီ အဖွဲ့ချုပ်နှင့် ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းတို့ ပူးပေါင်း ဆောင်ရွက်နေသည့် ဖွဲ့စည်းပုံအခြေခံဥပဒေပုဒ်မ ၄၃၆ ပြင်ဆင်ရေး လှုပ်ရှားမှုတွင် လက်မှတ်ရေးထိုးသူ သုံးသန်းကျော် ရှိပြီဖြစ်ကြောင်းနှင့် ယင်းသုံးသန်းကျော်ဆိုသည်မှာ တစ်နိုင်ငံလုံး အတိုင်းအတာ ဖြင့် နှိုင်းယှဉ်လျှင် အလွန်နည်းသည့် စာရင်းသာဖြစ်ကြောင်း သိရသည်။

Eleven Media Group

NLD ပါတီ၏ လက်မှတ် ၃.၃ သန်းမှာ လိမ်ညာထားခြင်းဖြစ်ကြောင်း သတင်းများထွက်ပေါ်နေ

ဇွန်လ ၃၀ ရက်နေ့တွင် NLD ပါတီက ထုတ်ပြန်ခဲ့သော ကြေညာချက်ပါ ထောက်ခံ မဲ လက်မှတ် ၃.၃ သန်းမှာ မဖြစ်နိုင်ဘဲ လိမ်ညာထားခြင်းများ ပါဝင်နေဖွယ်ရာ ရှိကြောင်း ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့ အစည်းက ပြောသည်။

“NLD ပါတီဟာ ပုဒ်မ ၄၃၆ ပြင်ဆင်ရေး ထောက်ခံတဲ့ လူထုလက်မှတ်တွေ ကောက်ခံခဲ့တဲ့နေရာမှာ သူ့ တစ်ပါတီတည်း လုပ်ရ ကိုင်ရတာ အခက်အခဲ ဖြစ်လို့ အကူအညီ တောင်းခံတဲ့အတွက် ကျွန်တော်တို့ ကူညီ ဆောင်ရွက်ပေးတယ်။ လူထုဟောပြောပွဲတွေ လုပ် တယ်။ အဲဒီ လူထု ဟောပြောပွဲတွေမှာ ရေးသားထားတဲ့ စာသားတွေကို ကြည့်လိုက်ပါ။ NLD ပါတီတစ်ခုတည်း လုပ်တာ မဟုတ်ပါဘူး။ ကျွန်တော်တို့ ၈၈ မျိုးဆက်တွေလည်း ပါတယ်။ အတူတွဲပြီး လုပ်တာ။ အခု ကြေညာချက် ထုတ်တော့ NLD ပါတီ တစ်ခုတည်းကပဲ လုပ်သလိုမျိုး ကြေညာထားသေးတယ်။ ထောက်ခံမဲပေးတဲ့ လူစာရင်းတွေကို ကွန်ပျူတာမှာ ဇယားနဲ့ သွင်းပြီး ဒေတာဘေ့စ်လုပ်တယ်။ ဒီနေရာမှာ နာမည်တူတွေ၊ နာမည်မပါတဲ့သူတွေ၊ အချက်အလက် မပြည့်စုံတာတွေ အဖြစ် မခံနိုင်လို့ ကျွန်တော်တို့က စနစ်တကျ လုပ်တယ်။

အခု ကြေညာတဲ့ ဒေတာက ဘယ်က အထောက်အထားနဲ့ လုပ်ထားတာလဲ။ ဒါ ကျွန်တော်တို့ သိချင်တယ်။ ကျွန်တော်တို့ဆီမှာ စာရင်းဇယားတွေ အတိအကျ ရှိတယ်။ ကျွန်တော်တို့ အနေနဲ့ ပြည်သူကို ညာတဲ့ ကြံ့ဖွံ့ပါတီလိုမျိုး ဟုတ်ဟုတ် မဟုတ်ဟုတ် လက်မှတ်ပါ ပြီးရော မလုပ်နိုင်ဘူး။ သူတို့ လိုချင်တာက ၃၃ သိန်း၊ ၃၃ ရက်နဲ့ စားလိုက်တော့ တစ်ရက်ကို လူတစ်သိန်း ထိုးတယ်ပေါ့။ တစ်ရက် တစ်သိန်း ဘယ်မှာ ရှိသလဲ ပြော။ ဒါကို ပြောတော့ ကျွန်တော်တို့ကို လူရာမသွင်းဘူး။ လူထုကို လိမ်ညာတာ ဒီမိုကရေစီသမားတွေ အလုပ်မဟုတ်ဘူး” ဟု မန္တလေးတိုင်းဒေသကြီး ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ တာဝန်ရှိသူတစ်ဦးက ပြောသည်။

ဤကဲ့သို့ မဟုတ်မှန်သည့် စာရင်းများကိန်းဂဏန်းများကို တိုင်းသိပြည်သိ ထုတ်ပြန် ကြေညာရဲသည့် သတ္တိကို ချီးကျူးကြောင်း၊ ဒေါ်အောင်ဆန်းစုကြည် အကျိုး အတွက် ဖုံးဖိလိမ်ညာပေးနေသည်ကိုလည်း သနားမိကြောင်း၊ သို့သော် မိမိတို့ အနေဖြင့် ပြည်သူလူထုကို မလိမ်ညာရဲကြောင်း ၄င်းက ပြောသည်။ “စစ်အာဏာရှင်ခေတ်တစ်လျှောက်လုံး ကြံ့ဖွံ့ပါတီ လုပ်ခဲ့တဲ့ ပုံစံမျိုး၊ လွှတ်တော်ကို တင်ပြခဲ့တဲ့ ဦးအောင်သိန်းလင်း လုပ်ရပ်မျိုး ကျွန်တော်တို့ကတော့ လက်မခံနိုင်ဘူး။ ဒီကိန်းဂဏန်း တိကျမှန်ကန်တယ် ဆိုတာ ပြည်သူတွေ ရှင်းရှင်းလင်းလင်း သိရအောင် လူစာရင်းကို တရားဝင် ထုတ်ပြန်ကြေညာလိုက်ပါ။ ပွင့်လင်းမြင်သာမှု ရှိရှိပေါ့။ ပြည်ပရောက် NLD ထောက်ခံသူတွေ၊ ပြည်တွင်းက ပါတီဝင်တွေ ပူးပေါင်းပြီး မရှိတဲ့လူနာမည်တွေ၊ သတ်မှတ်ချက်နဲ့ မပြည့်မီတဲ့သူတွေ အများကြီး ထည့်ထားတယ် ဆိုတာ ကျွန်တော်တို့ အတိအကျ သတင်းကြားရပါတယ်။ လူထုကို လက်တစ်လုံးခြား မညာပါနဲ့ လို့ ကျွန်တော်တို့ ပြောချင်တယ်။

NLD ပါတီရဲ့ လူစာရင်း မှန်တယ်ဆိုရင် အကုန်လုံး ထုတ်ပြန်ကြေညာလိုက်ပါ။ ကျွန်တော်တို့ လက်တွေ့ မြေပြင်မှာ တိုက်ဆိုင်ပြီး စစ်ဆေးပြမယ်” ဟု အမျိုး ဘာသာ သာသနာ ကာကွယ်စောင့်ရှောက်ရေးအဖွဲ့မှ တက်ကြွလှုပ်ရှားသူ တစ်ဦးက ဆိုသည်။ “ကြေညာချက်ထဲမှာ ပါတာက ၅လပိုင်း ၂၇ ရက်ကနေ ၆ လပိုင်း ၁၉ ရက်နေ့ အထိ ဆိုတော့ တွက်ကြည့်ဗျာ။ ရက်ပေါင်း ၂၀ ပေါ့။ ရက်ပေါင်း ၂၀ အတွင်းမှာ လူပေါင်း ၃၃ သိန်း ဆိုတော့ စဉ်းစားကြည့်လေ။ တစ်ရက်ကို ပျှမ်းမျှ လူပေါင်း တစ်သိန်းခြောက်သောင်း ထိုးမှ ဒီကိန်းဂဏန်းကိုရမယ်။ တစ်သိန်းခွဲပဲ ထားပါတော့။ တစ်ရက်ကို လူတစ်သိန်းခွဲ လက်မှတ်ထိုးတာ ဖြစ်နိုင်ပါသလား။ ဘယ်မြို့ ဘယ်နေရာမှာ တစ်သိန်းခွဲအထိ ရှိခဲ့သလဲ မှတ်တမ်းမှတ်ရာတွေ ပြပါ။ ဒေါ်အောင်ဆန်းစုကြည်ကိုယ်တိုင် သွားပြီး စည်းရုံးခဲ့တဲ့ နေပြည်တော်၊ လယ်ဝေး၊ တပ်ကုန်း၊ ပျဉ်းမနား၊ ရန်ကုန်၊ မန္တလေး၊ မအူပင် နဲ့ တောင်ငူမြို့တွေမှာ အများဆုံး သောင်းဂဏန်းပဲ တက်ခဲ့တယ်။ နေပြည်တော်နားက မြို့တွေဆိုရင် ထောင်ဂဏန်းလောက်ပဲ ရှိတယ်။ ဒါ လုံးဝ မဖြစ်နိုင်ဘူး လို့ ကျွန်တော် ပြောချင်တယ်။

NLD တာဝန်ရှိသူတွေကို ပြောချင်တာက မှန်တယ်၊ မညာဘူး ဆိုရင် လူစာရင်းကို ပြည်သူ သိအောင် အွန်လိုင်းမှာ တင်လိုက်ပါ။ ပွင့်လင်းမြင်သာမှု ရှိရှိ ပေါ့။ မှန်တယ် ဆို ဘာမှ ဖုံးကွယ်ထားစရာ အကြောင်းမရှိဘူး” ဟု မြန်မာ အမျိုးသားကွန်ရက်မှ တာဝန်ရှိသူတစ်ဦးက ပြောသည်။“NLD ပါတီက ဦးအောင်သိန်းလင်းကို အပြစ်ပြောခဲ့တယ်။ အခု သူတို့ အဲဒီအတိုင်း လိုက်လုပ်နေပြီ။ ရက် ၂၀ ကိုလည်း ၃၀ လုပ်ထားတယ်။ လက်တွေ့မှာ မဖြစ်နိုင်တဲ့ ကိန်းဂဏန်းတွေ ပြထားတယ်။ လူများ ပြီးရော ဆိုတဲ့ ပုံစံမျိုး ရောကြိတ်ထားတာ တွေ့ရတယ်။ ပြည်သူကို မညာပါနဲ့။ ဒီလိုကိစ္စမျိုးမှာ လူထုကို ညာတဲ့ နိုင်ငံရေးပါတီဟာ ပါတီအကျိုးအတွက်လုပ်ချင်တာ လုပ်မယ် ဆိုတာ စဉ်းစားကြည့်လို့ရတယ်။ သတ္တိရှိရှိ ပွင့်ပွင့်လင်းလင်း ထုတ်ပြန်ပေးဖို့ကျွန်တော်တို့က တောင်းဆိုပါတယ်။ ရှက်တတ်ရင်ပေါ့ဗျာ။ မရှက်တတ်ဘူး ဆိုရင်တော့လည်း ကိစ္စ မရှိပါဘူး။

NLD ပါတီကသာ မြို့အလိုက် စာရင်းပေးမယ် ဆိုရင် ကျွန်တော်တို့ အမျိုးသားရေးအဖွဲ့တွေ မြို့တိုင်းမှာ ရှိတယ်။ မြေပြင်မှာ ဆင်းပြီး တိုက်ဆိုင်စစ်ဆေးလိုက်ရင် NLD ပါတီ ညာသလား၊ အမှန်လား သိရမှာပါ” ဟု ၄င်းက ပြောသည်။ NLD ပါတီ၏ ကြေညာချက်တွင် ရက်ပေါင်း ၃၀ ဟု ဖော်ပြထားသော်လည်း အမှန်တစ်ကယ်တွင် ရက်ပေါင်း ၂၀ သာ ရှိနေပြီး တစ်ရက်လျှင် ပျှမ်းမျှ လူပေါင်း တစ်သိန်းခြောက်သောင်း လက်မှတ်ထိုးသည် ဟူသော အချက်ကို အတော်များများက သံသယ ဖြစ်နေကြကြောင်း၊ NLD ပါတီမှ လူစာရင်းနှင့် အချက်အလက်များ ထုတ်ပြန်ပေးရန် လိုလားလျက် ရှိနေကြောင်း သတင်းရရှိသည်။ 

“မိုင်းတော့ ဖြုတ်မပေးနိုင်ဘူး မကျေနပ်ရင် ဒုက္ခသည်စခန်းလာနေ” ဟု ကေအိုင်အေ မှဆို

ကေအိုင်အေ အဖွဲ့မှ တပ်ရင်း (၁) တပ်ရင်းမှူး ဖော်ဂျန်ယော်တုံ ရဲ့ ညွှန်ကြားချက်ဟု ဆိုကာ လက်နက်ကိုင် ၁၀ ဦးခန့်သည် လဂျောင် ၊ ပါတော် ကျေးရွာများတ၀ိုက်တွင် ယခင်ထောင်ထားတဲ့ မိုင်းများအပြင် မြေမြှပ်မိုင်း အလုံး (၅၀)ခန့်အား ထိပ်တိုး ဖြည့်တင်းခဲ့ကြောင်း ကြားသိရသည်။

ထိုသို့ မိုင်းများထောင်ထားမှုကြောင့် ကျေးရွာနေ ဒေသခံပြည်သူ များမှာ တောင်ယာလုပ်ငန်းများသို့ မသွားရောက်နိုင်သဖြင့် စာဝတ်နေရေခက်ခဲလာမှု များရှိနေကြောင်း သိရှိရသည်။ထို အခက်အခဲ အတွက် ကျေးရွာ နှစ်ခုနေ ဒေသခံ ရွာသားများမှ ကေအိုင်အေ သစ်ဆွဲတဲ့ လမ်းကြောင်းတွေဘက်ကို မလာပါဘူး မိမိတို့အနေဖြင့် ဆန်စပါး မစိုက်နိုင်သဖြင့် စားဝတ်နေရေး ခက်ခဲ့မှုရှိ နေပါတယ်။ ထောင်ထားတဲ့ မိုင်းတွေ ကို ဖြုတ်ပေးပါလို့ တောင်းဆိုသော်လည်း ကေအိုင်အေ အဖွဲ့မှ သဘောတူညီမတူပဲ “စားဝတ်နေရေး ခက်ခဲနေရင် ဒုက္ခသည်စခန်းမှာ လာနေကြ”ဟု ဆိုပါသည်။

“ကျွန်တော်တို့က တောင်ယာတွေ လည်းမသွားနိုင် တော့ စားဝတ်နေရေးခက်ခဲလာတယ်။ တကယ်လို့ သူတို့ထောင်ထားတဲ့ မိုင်းကို နင်းမိပြန်ရင်းလည်း သေတာ မသေတာ နောက်မှထား မိုင်းတစ်လုံးဖိုး ၃ သိန်း ကို မိသားစုက ပေးလျှော်ရတယ်။ အဲ့ဒီတော့ ကျွန်တော်တို့မှာ တောင်ယာထဲ မသွားပဲ အငတ် ခံရနေသလိုဖြစ်နေတယ်။ ကျွန်တော် တို့ လူကြီးတွေက မိသာစုနဲ့ယှဉ်လာတော့ ကလေးတွေကိုပဲ အလေး ထားပြီး ရှိတဲ့ဆန်လေးကို ပြုတ်ကျွေးနေရတာပေါ့” ဟု လဂျောင်ကျေးရွာနေ ဦးဇောင်းထုံက ဆိုပါတယ်။

“ဒီလိုပဲ သူတို့တွေ တရုတ်ကုန်သည်တွေနဲ့ ဖြတ်သန်းမယ့် လမ်းကြောင်းတွေ ၊ သစ်ထုတ်မယ့် လမ်းကြော င်း တွေဆို ဟိုးအရင်ကတည်းက ရွာသားတွေ အနားမကပ်နီိုင်အောင် ပတ်ပတ်လည်တွေမှာ မိုင်းတွေ ထောင်ကြတယ်။ ပြီးတော့ ရွာသားတွေကို မိုင်းထောင်ထားတဲ့ ဘယ်သူမှ ယာထဲ မသွားရအမိန့်ထုတ်တယ်။ အခုတစ်ခေါက်က မိုင်းပိုများတယ် ပြောတယ်။ ကျွန်တော်တို့လည်း သွားရင် လည်း အသက်နဲ့ရင်းရမယ် ၊ မိုင်းနင်းမိလို့ ခြေပြတ်လက်ပြတ်ဖြစ်ပြီး ဒုက္ခိတဖြစ်တော့ ဒီကလေးတွေအတွက် ပိုဆိုးကုန်မှာသိနေတော့ ဘယ်သူမှ မသွားရဲကြဘူးပေါ့။” ဟု ဆိုကာ ပါတော်နေ ကျေးရွာသားတစ်ဦးဖြစ်သူ ဦး ဖော်လငွန် က မိမိတို့ကြုံတွေ နေရသည့်အခက်အခဲကို ရင်ဖွင့်ပြောဆိုသည်။

ကေအိုင်အေ အဖွဲ့သည် ယခင်ကလည်း ယခု ကဲ့သို့ မိုင်းထောင်ခြင်းများ ရှိသော်လည်း ယခုမှာမူ ပို၍ များကြောင်း ရွာသားများ၏ ပြောဆိုမှုအရ သိရသည်။ထို့အပြင် ယခု လို မိုးရာသီ ရေစီးကောင်းသည့် အချိန်များတွင် ကျွန်းသစ်များ ၊ တလမန်း သစ်များကို တရုတ်ပြည်သို့ ပို့ဆောင်ပြီး လက်နက်နဲ့ ရိက္ခာများ လဲလှယ်လျှက်ရှိကြောင်း သတင်းရရှိသည်။

ကေအိုင်အေ စီမံမှုဖြင့် လိုင်ဇာမှ တဆင့် တရုတ်ပြည်သို့ ကားစီးသွားတော့ သစ်များ 

Credit To:ဇောင်ထန်းငွန်

သက်တမ်း တစ်နှစ်ကျော်သာ ကျန်သည့် အစိုးရလက်ထက်တွင် ငြိမ်းချမ်းရေးအပြီးတိုင် ရရှိရန် မျှော်မှန်းဟု ဦးအောင်မင်းပြော

၂၀၁၅ ခုနှစ်တွင် သက်တမ်းကုန်ဆုံးမည့် သမ္မတဦးသိန်းစိန်၏ အစိုးရလက်ထက်တွင် ပြည်တွင်း ငြိမ်းချမ်းရေး အပြီးတိုင်ရရှိရန် မျှော်မှန်းကြောင်း ပြည်ထောင်စုငြိမ်းချမ်းရေးဖော်ဆောင်ရေး လုပ်ငန်း ကော်မတီ ဒု-ဥက္ကဋ္ဌ ဦးအောင်မင်းက ပြောကြားသည်။

၂၀၁၁ ခုနှစ်၊ မတ်လ ၃၀ ရက်က တာဝန်ယူခဲ့ပြီး သက်တမ်းကုန်ဆုံးရန် တစ်နှစ်ခွဲခန့်အလိုတွင် သမ္မတရုံး ၀န်ကြီးဌာန၊ ပြည်ထောင်စုဝန်ကြီးတစ်ဦးဖြစ်သူ ဦးအောင်မင်းက “တစ်နိုင်ငံလုံး အပစ်အခတ်ရပ်စဲရေး ညှိနှိုင်းရေးအဖွဲ့ (NCCT-Nationwide Ceasefire Coordination Team)နဲ့ ခုနစ်ကြိမ်ဆွေးနွေးပြီးပြီ၊ လက်ရှိ အစိုးရသက်တမ်းမှာပဲ ဒီကိစ္စကို အောင်မြင်မယ်လို့ ကျွန်တော်ထင်တယ်”ဟု ၀န်ကြီးက ပြောသည်။

ကချင်ပြည်နယ်၊ အမျိုးသားလွှတ်တော် မဲဆန်္ဒနယ် အမှတ်(၁)၊ ကိုယ်စားလှယ် ဦးခက်ထိန်နန်က ယနေ့ ကျင်းပသည့် အမျိုးသား လွှတ်တော်အစည်းအဝေးတွင် ပြည်တွင်း ငြိမ်းချမ်းရေးဖော်ဆောင်နေသူများကို ကျေးဇူးတင်ကြောင်း မှတ်တမ်းတင်ရန်နှင့် ငြိမ်းချမ်းရေးကို အောင်မြင်သည်အထိ ဆက်လက် အကောင် အထည်ဖော် ဆောင်ရွက်သွားနိုင်ရန် ပြည်ထောင်စုအစိုးရအား တိုက်တွန်းကြောင်း အဆိုအပြီးတွင် ဦးအောင်မင်းက မီဒီယာအချို့ကို ပြောကြားခဲ့ခြင်းဖြစ်သည်။

ပြည်ထောင်စုဝန်ကြီး ဦးအောင်မင်းက ယင်းကဲ့သို့ မျှော်မှန်းချက်ကိုပြောကြားခဲ့သော်လည်း ရှမ်းပြည် တပ်မတော် (တောင်ပိုင်း)၊ (တအာင်း)ပလောင်အမျိုးသားလွတ်မြောက်ရေး တပ်မတော်အဖွဲ့ (တီအင်န် အယ်လ်အေ)တို့ မကြာသေးမီက တိုက်ပွဲများ ဖြစ်ပွားခဲ့သေးသည်။

အစိုးရနှင့် တစ်နိုင်ငံလုံး အပစ်အခတ်ရပ်စဲရေး ညှိနှိုင်းရေးအဖွဲ့(NCCT) တို့ ညှိနှိုင်းလျက်ရှိသော မူကြမ်းပါ ၃၁ ချက်ကို လာမည့်ဇူလိုင်လတွင် ဆွေးနွေးမည်ဟု ဦးအောင်မင်းက ပြောသည်။

ဦးခက်ထိန်နန်က ယခုကြိုးစားလျက်ရှိသော အပစ်အခတ်ရပ်စဲရေး၊ ငြိမ်းချမ်းရေးဖြစ်စဉ်၊ နိုင်ငံရေး တွေ့ဆုံဆွေးနွေးပွဲနှင့် ပတ်သတ်သော စည်းမျဉ်းစည်းကမ်းများရေးဆွဲသည့် လုပ်ငန်းစဉ်များကို ဆွေးနွေးခြင်း၊ အစိုးရနှင့် တိုင်းရင်းသားလက်နတ်ကိုင်အဖွဲ့စည်းများ၏ငြိမ်းချမ်းရေးနှင့် ပတ်သက်သော Text (မူကြမ်း) နှစ်ခုကို Singel Text (မူကြမ်း) တစ်ခုတည်း ဖြစ်အောင် ကြိုးစားညှိနှိုင်းနေသည်မှာ ဒုတိယမူကြမ်း (second draft)အဆင့်ရောက်ပြီဟု ပြောသည်။

လုံလောက်သော ယုံကြည်မှုတည်ဆောက်နိုင်ရန်၊ မကြာခဏထိတွေ့ ပြောဆိုမှုများ ပြုလုပ်ရန်၊ လက်နက်ကိုင်အဖွဲ့ ၁၆ ဖွဲ့ခန့်ကို တစ်ပတ်လျှင်တစ်ဖွဲ့နှင့်သာ တွေ့မည်ဆိုပါက လေးလခန့်ကြာမှသာ တစ်ကြိမ် တွေ့ဆုံခြင်းသည် အစိုးရအဖွဲ့ အားနည်းချက် ဖြစ်သည်ဟု မေလ ၄ ရက်က နိုင်ငံတော်သမ္မတ၏ နိုင်ငံစွမ်းဆောင်ရည် ဆုပေးပွဲ အခမ်းအနားအပြီးတွင် မဇ္ဈိမ၏ မေးမြန်းချက်ကို ဖြေကြားခဲ့ဖူးသည်။

နိုင်ငံတကာတွင် ယခုကဲ့သို့ ဆွေးနွေးပွဲများတွင် အဆင်မပြေပါက အစည်းအဝေးတွင်း ထပြန်သွား တတ်ကြသော်လည်း လက်ရှိအစိုးရနှင့် တိုင်းရင်းသားလက်နက်ကိုင်အဖွဲ့အစည်းများ အစည်းအဝေးတွင် ယင်းကဲ့သို့ ထပြန်လေ့မရှိသည့်အပြင် ရှေ့ဆက်လုပ်ငန်းများကိုလည်း ဆုံးဖြတ်ထားမှုများကို ကြည့်ခြင်း အားဖြင့် အောင်မြင်သည့် ဆွေးနွေးပွဲအဖြစ် သုံးသပ်ရမည်ဟုလည်း ၀န်ကြီးဦးအောင်မင်းက ဆိုသည်။

အင်န်စီတီတီနှင့် ပြည်ထောင်စုငြိမ်းချမ်းရေးဖော်ဆောင်ရေးလုပ်ငန်း ကော်မတီတို့သည် တစ်ဖက်စီ ရေးဆွဲထားသော မူကြမ်းတစ်စောင်စီကို ဧပြီလဆန်းကပိုင်းက မူကြမ်းတစ်စောင်တည်း(Single Text) အဖြစ် ရေးဆွဲနိုင်ခဲ့ပြီး ပါဝင်သည့်အချက် များ ပြန်လည်ညှိနှိုင်းနေခြင်းဖြစ်သည်။

ကချင်ပြည်နယ်တွင် စစ်ရှောင်ဒုက္ခသည် တစ်သိန်းကျော်ရှိနေခြင်းသည် နောင်နှစ်ပေါင်း ဆယ်စုနှစ်ခန့် ကြာလာလျှင် ထိခိုက်မှုများ ကြီးကြီးမားမား ခံစားလာရနိုင်သည့်အတွက် အလျင်အမြန် ငြိမ်းချမ်းရေး ဖော်ဆောင်ပေးနိုင်ရန် အစိုးရကို တိုက်တွန်းခြင်းဖြစ်ကြောင်း ကချင်ပြည်နယ် မဲဆန္ဒနယ်အမှတ်(၁)မှ အမျိုးသားလွှတ်တော်ကိုယ်စားလှယ် ဦးခက်ထိန်နန်က ပြောခြင်းဖြစ်သည်။

အဆိုတင်သွင်းခြင်းကို ပြည်ထောင်စုအဆင့် ငြိမ်းချမ်းရေးဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌ ဦးအောင်မင်းက လာရောက်နားထောင်ခဲ့ခြင်းဖြစ်သည်။

ဝန်ကြီးချုပ်သစ်၊ လက်ကျန် (၁၈)လ၊ ရခိုင်ပြည်

ရခိုင်ပြည်နယ် ၀န်ကြီးချုပ် အဖြစ် တပ်မတော် အရာရှိ တစ်ဦးဖြစ်သူ ဗိုလ်ချုပ် မောင်မောင်အုန်းအား ဇွန်လ (၃၀)ရက် နေ့တွင် ခန့်အပ် လိုက်သည်။ ထိုကဲ့သို့ ခန့်အပ်ခြင်း အပေါ် ရခိုင် ပြည်နယ်အား အမြင့်ဆုံး ရာထူးဖြင့် အုပ်ချုပ်သော သူသည် ရခိုင်လူမျိုး မဟုတ်သည့် အပြင် ရခိုင် လူထု ရွေးချယ် တင်မြှောက်သူလည်း မဟုတ်သည့် အတွက် ဝေဖန်မှုများ ရှိလာသည်။

““ပြည်နယ် အစိုးရပဲ ဖြစ်ဖြစ်၊ ပြည်နယ် လွှတ်တော်ပဲ ဖြစ်ဖြစ် အခန်း ကဏ္ဍမှာ ပြည်ထောင်စု သမ္မတ ကနေ ချပေး လိုက်မယ်၊ ချပေးလိုက်တဲ့ ပုဂ္ဂိုလ်ကို ကျွန်တော်တို့က လွှတ်တော်မှာ အတည်ပြုမယ် ဆိုတဲ့ လမ်းစဉ် ကြီးဟာ ဘယ်လို ဖြစ်နေလဲ ဆိုတော့ ပြည်နယ် အစိုးရအဖွဲ့၊ ပြည်နယ်ရဲ့ လုပ်ပိုင်ခွင့် တွေကို ပြည်ထောင်စု အစိုးရက ထိန်းချုပ် သွားတယ် လို့ ကျွန်တော်တို့က ယူဆတယ်””ဟုရခိုင် ပြည်နယ် လွှတ်တော် ကိုယ်စားလှယ် ဦးအောင်ဝင်း The Messenger Media သို့ ပြောသည်။

ရခိုင်တိုင်းရင်းသား တစ်ဦးဖြစ်သူ ရခိုင် ပြည်နယ် ၀န်ကြီးချုပ် ဦးလှမောင်တင်အား ၎င်း၏ သဘောထား ဆန္ဒအလျောက် ရာထူးမှ နုတ်ထွက်ခွင့် ပြုလိုက်ကြောင်း ဇွန်လ (၁၉) ရက်နေ့က နိုင်ငံတော် သမ္မတရုံးက ထုတ်ပြန်ခဲ့သည်။ ထို့နောက် ရခိုင်ပြည်နယ် လွှတ်တော် အစည်းအဝေးအား ဇွန်လ (၂၅) ရက်နေ့တွင် အရေးပေါ် ခေါ်ယူကာ နိုင်ငံတော် သမ္မတမှ ဗိုလ်ချုပ် မောင်မောင်အုန်းအား ရခိုင်ပြည်နယ် ၀န်ကြီးချုပ် အဖြစ် အဆို တင်သွင်းခဲ့သည်။ ထို့နောက် (၂၇) ရက်နေ့အထိ ကန့်ကွက်နိုင်ကြောင်း ကြေညာခဲ့ကာ ကန့်ကွက်မည့်သူ မရှိသောကြောင့် ဇွန်လ (၃၀) ရက်နေ့တွင် ဗိုလ်ချုပ် မောင်မောင်အုန်းအား ရခိုင်ပြည်နယ် ၀န်ကြီးချုပ် အဖြစ် အတည်ပြု ခန့်အပ်လိုက်ခြင်းလည်း ဖြစ်သည်။

““ကျွန်တော်တို့က ရွေးချယ်လိုက်တယ် ဆိုတဲ့ သဘောပါပဲ။ ခန့်အပ်တာကတော့ သမ္မတကြီးက ခန့်အပ်တာပါ။ ဖွဲ့စည်း အုပ်ချုပ်ပုံအခြေခံ ဥပဒေအရ ခန့်အပ်တဲ့ အတွက် ဝေဖန်မှုတွေလည်း ဖွဲ့စည်းအုပ်ချုပ်ပုံ အခြေခံဥပဒေ ကို မကျော်နိုင် ပါဘူး””ဟု ရခိုင်ပြည်နယ် လမ်းပန်းဆက်သွယ်ရေး ၀န်ကြီး ဦးလှဟန်က The Messenger Media သို့ ပြောသည်။

ရခိုင်ပြည်နယ် ပြည်သူလူထုသည် ၀န်ကြီးချုပ်အား ရခိုင်လူမျိုးသာ တင်မြှောက်လို သော ဆန္ဒများ ရှိနေသည်။ ၀န်ကြီးချုပ်အဖြစ် တင်မြှောက်ခံရသော နေ့တွင် ဗိုလ်ချုပ် မောင်မောင်အုန်းသည် ရခိုင်ပြည်နယ် လွှတ်တော် ကိုယ်စားလှယ် များအား လက်ဆွဲ နှုတ်ဆက်ခဲ့ပြီး၊ ရခိုင်တိုင်းရင်းသား များ၏ ဆန္ဒနှင့် အညီ အုပ်ချုပ်မည်ဟု ပြောဆို ခဲ့ကြောင်း သိရသည်။ ထို့အပြင် လျှပ်စစ်မီးကိုလည်း စစ်တွေ၌ လာမည့် ဒီဇင်ဘာလတွင် (၂၄) နာရီရအောင် လုပ်ပေးမည်ဟု ပြောကြား ခဲ့ကြောင်း သိရသည်။ ရခိုင်ပြည်နယ် လမ်းပန်း ဆက်သွယ်ရေး ၀န်ကြီး ဦးလှဟန်ကမူ စစ်တွေမြို့ ၌ ဒီဇင်ဘာလတွင် (၂၄) နာရီ မီးရရန်မှာ ယခင်ကတည်းက လုပ်ဆောင် နေမှုသာဖြစ်ကြောင်း ပြောကြားခဲ့သည်။

““ရခိုင်လူမျိုးတွေ အကုန်လုံးက ရခိုင် လူမျိုး ၀န်ကြီးချုပ်ကို လိုချင်တယ်။ ရခိုင်လူမျိုးတွေ ရွေးချယ်လိုက်တဲ့ အမတ်တွေထဲက ဖြစ်တဲ့ ရခိုင်လူမျိုး ၀န်ကြီးချုပ်ကို လိုချင်တယ်။ ဒါပေမဲ့ ဥပဒေက ဘာနဲ့သွားလဲဆိုတော့ ကျွန်တော်တို့ ရွေးကောက် တင်မြှောက်လိုက်တဲ့ ခုနစ်ဆယ့်နှစ် ရာခိုင်နှုန်းက ၀န်ကြီးချုပ် မဖြစ်ဘဲနဲ့ (၂၅) ရာခိုင်နှုန်းက ၀န်ကြီးချုပ်ဖြစ်သွားတယ်””ဟု ရခိုင်ပြည်နယ် ရပ်မိရပ်ဖ ဦးသန်းထွန်းက The Messenger Media သို့ ပြောသည်။

ရခိုင်ပြည်နယ်၏ အမြင့်ဆုံးအုပ်ချုပ်ရေး ကဏ္ဍကို ကိုင်တွယ်မည့် ပုဂ္ဂိုလ်တစ်ဦးအား ရခိုင်ပြည်နယ် လွှတ်တော်မှ တိုက်ရိုက် ရွေးချယ်ခွင့် မရှိခြင်းသည် ဖွဲ့စည်းပုံ အခြေခံဥပဒေ၏ အားနည်းချက်ဖြစ်ပြီး၊ ထောက်ပြရမည် ဖြစ်ကြောင်း ရခိုင်ပြည်နယ် လွှတ်တော် ကိုယ်စားလှယ် ဦးအောင်ဝင်းက ဆိုသည်။

““ကျွန်တော်တို့က မူအားဖြင့်တော့ ကန့်ကွက်ပါတယ်။ ရခိုင်တိုင်းရင်းသား ဖြစ်စေချင်တယ်။ ရွေးကောက်ခံ လွှတ်တော်အမတ် ဖြစ်စေချင်တယ်။ အမျိုးသား အကျိုးစီးပွားနဲ့ နိုင်ငံရေး အသိပညာ ယှဉ်ပြီးတော့ ရခိုင်ပြည်နယ် လွှတ်တော်မှာ ကျွန်တော်တို့ ပါတီက မကန့်ကွက်ဖို့ ဆုံးဖြတ်ခဲ့ပါတယ်””ဟု ရခိုင် အမျိုးသားပါတီမှ တာဝန်ရှိသူ အမျိုးသား လွှတ်တော် ကိုယ်စားလှယ် ဒေါက်တာ အေးမောင်က The Messenger Media သို့ ပြောသည်။

ဗိုလ်ချုပ် မောင်မောင်အုန်းသည် ရခိုင် ပြည်နယ်နှင့် နီးစပ်သူ တစ်ဦးဖြစ်ပြီး၊ ရခိုင်လူထု ၏ ထောက်ခံမှု လိုအပ်ကာ တပ်မတော်ဘက် မှ ထောက်ပံ့နိုင်မည့် အနေအထားရှိကြောင်း ဒေါက်တာ အေးမောင်က သုံးသပ်သည်။

ရခိုင်ပြည်နယ် ၀န်ကြီးချုပ်အဖြစ် ခန့်အပ် ခဲ့သော ဗိုလ်ချုပ် မောင်မောင်အုန်းသည် နယ်စပ်ရေးရာ ၀န်ကြီးဌာန ဒုတိယ ၀န်ကြီးအဖြစ် တာဝန် ထမ်းဆောင်နေသူ တစ်ဦးဖြစ်ပြီး၊ ရခိုင် ပြည်နယ် ၀န်ကြီးချုပ်အဖြစ် ခန့်အပ်လိုသောကြောင့် ဇွန်လ(၂၀)ရက်နေ့က ရခိုင်ပြည်နယ် တပ်မတော်သား ကိုယ်စားလှယ်အဖြစ် ခန့်အပ်ခြင်း ခံခဲ့ရသူဖြစ်သည်။ မတ်လ (၂၆)ရက် နေ့နှင့် (၂၇)ရက်နေ့တွင် ရခိုင်ပြည်နယ်၊ စစ်တွေမြို့ရှိ နိုင်ငံတကာ ကူညီထောက်ပံ့ရေး အဖွဲ့အစည်းများနှင့် NGO အဖွဲ့အစည်းတို့၏ ရုံးခန်းများ၊ ဂိုဒေါင်များ ဖျက်ဆီး ခံခဲ့ရပြီးနောက် ဗိုလ်ချုပ် မောင်မောင်အုန်း ဦးဆောင်သော စုံစမ်း စစ်ဆေးရေး ကော်မရှင်အား ဖွဲ့စည်း တာဝန် ပေးအပ်ခဲ့သည်။

ယခင်က ရခိုင်ပြည်နယ်၌ လျှပ်စစ် မီတာခ ဆယ်ယူနစ် အသုံးပြုလျှင် တစ်ယူနစ် လျှင် (၃၅) ကျပ် ကောက်ခံနေရာမှ ဗိုလ်ချုပ် မောင်မောင်အုန်း တာဝန် ယူသောနေ့တွင် မိနစ် (၂၀) အထိ တစ်ယူနစ်လျှင် (၃၅)ကျပ်နှုန်း ဖြင့် တိုးမြှင့် သုံးစွဲခွင့်ပြုခဲ့သည်။ ယခင်က ဆယ်ယူနစ် ကျော်ပါက တစ်ယူနစ်လျှင် ကျပ် (၃၅၀)အထိ ပေးဆောင် ရကြောင်းလည်း သိရသည်။

““မူကို မကြိုက်ဘူး၊ လူကိုတော့ ကြိုက် တယ်။ အခြေခံဥပဒေမှာ တိုင်းရင်းသား သာ ဖြစ်ရမည်ဆိုတဲ့ အခြေခံဥပဒေ အချက်ကလေး မပါခဲ့တာကို သူတို့ အခွင့်အရေးယူ ထားတယ်။ သမ္မတက သူ့စိတ်ကြိုက် လူတစ်ယောက်လွှတ် တယ်ပေါ့ဗျာ””ဟု ဥပဒေ ပညာရှင် ဦးသန်း မောင်(စစ်တွေ)က The Messenger Media သို့ ပြောသည်။

မြန်မာနိုင်ငံ၏ တခြား ပြည်နယ်များတွင် ၀န်ကြီးချုပ်များသည် သက်ဆိုင်ရာ တိုင်းရင်းသား လူမျိုးများဖြစ်နေပြီး၊ ကရင်ပြည်နယ် ၀န်ကြီးချုပ်နှင့် ရခိုင်ပြည်နယ် ၀န်ကြီးချုပ် တို့ကို အစိုးရမှ တိုက်ရိုက် ခန့်အပ်ခြင်းဖြစ်သည်။ ယင်းဖြစ်စဉ်များသည် တိုင်းရင်းသား များအား ကသိကအောက် ဖြစ်စေကြောင်းလည်း ဦးသန်းမောင် (စစ်တွေ) ကသုံးသပ်သည်။

အစိုးရ သက်တမ်းသည် တစ်နှစ်ခွဲခန့်သာ ကျန်ရှိတော့ရာ ဗိုလ်ချုပ် မောင်မောင်အုန်း အား ခန့်အပ်ခြင်းကို ဆန္ဒပြခြင်း မလုပ်သင့်ဘဲ စောင့်ကြည့်ရန်သာ လိုကြောင်းလည်း ရခိုင် တိုင်းရင်းသားတချို့က သုံးသပ်သည်။

ရခိုင်ပြည်နယ်သည် သယံဇာတများ ပေါကြွယ်ဝသော်လည်း မြန်မာနိုင်ငံတွင် ဒုတိယ အဆင်းရဲဆုံး ပြည်နယ်တစ်ခု အဖြစ် ရပ်တည် လျက်ရှိရာ ပဋိပက္ခများကြောင့် စီးပွားရေး ဖွံ့ဖြိုးတိုးတက်မှုမှာ ပိုမိုနိမ့်ကျ လာခဲ့ရသည်။

ရခိုင်ပြည်နယ်တွင် ၂၀၁၂ ခုနှစ်မှစ၍ ရခိုင် တိုင်းရင်းသားများနှင့် ဘင်္ဂါလီလူမျိုးများ ကြား ပဋိပက္ခ များဖြစ်ပွားခဲ့ပြီး၊ ယခုအချိန် အထိ တစ်ဘက်နှင့် တစ်ဘက် ယုံကြည်မှု နည်းပါးလျက် ရှိသည်။

ဇွန်လ(၁၁)ရက် နေ့က မြန်မာနိုင်ငံသို့ ကုလသမဂ္ဂ၏ လူသားချင်း စာနာထောက်ထားမှုဆိုင်ရာ လက်ထောက် အထွေထွေ Ms. Kyuang-Wha-Kang ရောက်ရှိခဲ့ပြီး၊ ရခိုင်ပြည်နယ် ဒုက္ခသည် စခန်း များသို့ သွားရောက်ခဲ့သည်။ မြန်မာနိုင်ငံတွင် တိုးတက်မှုများ ရှိသော်လည်း လူသားချင်း စာနာ ထောက်ထားမှုဆိုင်ရာ အကူအညီများ လိုအပ်သော နေရာတွင် ပေးရန်ခက်ခဲ နေကြောင်း ၎င်းက ပြောကြားခဲ့သည်။

Messenger News Journal

တောင်ကြီးမြို့တွင် မြေသိမ်းခံတောင်သူ ၂၀၀ ကျော်ဆန္ဒပြ

သျှမ်းပြည် တောင်ပိုင်း မြေသိမ်းခံ တောင်သူ လယ် သမား များက တောင်ကြီးမြို့အခြေစိုက် အရှေ့ပိုင်း တိုင်း စစ်ဌာနချုပ် (ရ.ပ.ခ)၊ သျှမ်းပြည်နယ် အစိုးရ ရုံးနှင့် သျှမ်းပြည်နယ်လွှတ်တော် ရုံးတို့တွင် အိတ်ဖွင့် ပေးစာ ပေးအပ်၍ ဆန္ဒထုတ်ဖော် သွား ကြောင်း သိရှိရသည်။

တောင်ကြီးမြို့နယ် ၊အေးသာယာ စက်မှုဇုန်၊ ညောင်ရွှေ ၊ စင့်ဟယ်၊ ရေပူရွာ၊ ကျောက်နီ၊ တောင်လေးလုံး မှလယ်ယာမြေအသိမ်းခံရ တောင်သူလယ်သမား ၂၀၀ ကျော်က “ အာဏာပိုင်များရိုးသားပါ၊ မလိုအပ်ပဲ သိမ်းဆည်းထား သောမြေများပြန်ပေး၊ တို့အိမ်များ ဖျက်ဆီးဖို့ မကြံနဲ့၊ မူလစက်မှုဇုန်ကို စီမံချက်အင်္ဂါရပ်နဲ့ အညီ ဆောင်ရွက်ပေး၊ တို့မြေတွေကိုမတရား မသိမ်းနဲ့၊ တို့လယ်ယာမြေများမတရားမရောင်းစားနဲ့” စသည့် စာတန်းပါဆိုင်းဘုတ်များ ကိုင်ဆောင်ကာ ဂျူလိုင်လ ၁ ရက် ယနေ့မနက်ပိုင်းက စီတန်း လှည့်လည်ဆန္ဒပြ ခဲ့ကြသည်။

“ကျမ ရဲ့ မြေကို ရ.ပ.ခ စစ်တပ်က သိမ်းတယ်။ ပြီးတော့မြေစာရင်းကသိမ်းတယ်။ ပြီးတော့ ကုမ္ပဏီတွေဆီပြန်ရောင်းစားတယ် ။ ကျမတို့ခြံမြေတွေကိုပြန်လိုချင်လို့ ကလေးတစ်ဖက်နဲ့ ဆန္ဒလာပြနေရတာပါ” ဟု ပြောင်းဖူး၊ ပဲစင်းငုံ တောင်သူလယ်သမ တစ်ဦးမှ ပြောသည်။

မြေသိမ်းခံရသောတောင်သူတချို့ ကလည်း အသိမ်းခံရ မိမိတို့လယ်မြေကို ပြန်လည်ငှားရမ်းပြီး စိုက်ပျိုးနေရကြောင်း၊ မြေသိမ်းယူသည့် သက်ဆိုင်ရာအဖွဲ့အစည်းများအား တစ်ဧက လျင် စပါး၊ပဲ၊ပြောင်း ခြံထွက်သီးနှံ ၁၄ တင်းပေးဆောင်ရကြောင်း လယ်သမားတဦးကလည်းပြောပြသည်။

မြေလျော်ကြေးပေးမည်ဆိုပါက ပြန်ရချင်ကြောင်းအဆိုပါ တောင်သူလယ်သမက သျှမ်းသံတော်ဆင့်အား ဤကဲ့သို့ပြောပါသည်။

“ ၁၉၉၀ ခုနှစ် နောက်ပိုင်းကစပြီး ခုချိန်အထိ မပြောရင် မပြောသလို အလကားပဲတင်းနဲ့ သိမ်းနေတာပဲ ။ လျော်ကြေးပေးမယ်ဆိုရင်တော့လိုချင်တာပေါ့ ၊ အခုအခြေအနေက လျော်ကြေးမပေးတဲ့ အပြင် ကျန်ရှိတဲ့ လယ်တွေကို တောင်လိုက်သိမ်းနေတယ်”

သို့သော် သမတကြီး၏ မိန့်ကြားချက်အရ တတိုင်းပြည်လုံးရှိ တပ်မတော်မှ သိမ်းပိုက်ထားသော လယ်ယာမြေများအား လယ်ပိုင်ရှင်များထံ ပြန်လည်ပေးအပ်မည်ဟု ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ယမန်နှစ် အတွင်းက မိန့်ခွန်းတရပ်တွင်ပြောဆိုခဲ့ဖူးပါသည်။

သျှမ်းသံတော်ဆင့်/ ယိင်းတိုင်း

http://burmese.panglong.org/news/90-2008-08-03-06-47-55/4786-2014-07-01-16-17-44.html

မြောက်ဦးနယ် ကုလားပုန်း ညောင်ပင်လယ်ရွာ တွင် လေဆင်နှာမောင်း တိုက်ခတ်၍ အိမ် ၄၀နီးပါးပျက်စီး

ရခိုင်ပြည်နယ် မြောက်ဦးမြို့နယ် ကုလားပုန်း ညောင်ပင်လယ် ကျေးရွာတွင် ယနေ့ နံနက်က လေဆင်နှာမောင်းတိုက်ခတ်သွားသဖြင့် အိမ် ၄၀ ခန့် ပြိုပျက်သွားကြောင်း သတင်း ရရှိသည်။

“ အိမ် ၂ ဆောင်က လုံးဝပြိုပျက်သွားပါတယ်။ အိမ် ၃၀ကျော်ရဲ့ အိမ်ခေါင်မိုးတွေ ပွင့်ထွက်သွားပြီး အချို့အိမ်တွေရဲ့ ဘေးထရံတွေ လန်ကျသွား ပါတယ်။ ဗွီဒီယိုရုံ တစ်ခု၊ ဆန်စက် နှစ်လုံး အဆောင်နဲ့ စပါးကျီ ၃ ခုလည်း ပျက်စီးသွား ပါတယ်” ဟု ကုလားပုန်း ညောင်ပင်လယ်ကျေးရွာ အုပ်ချုပ်ရေးမှူး ဦးကျော်ဝင်းလှက ပြောသည်။

ယနေ့ နံနက် ၁၀ နာရီ ၁၀မိနစ်က လေဆင်နှာမောင်း လျှပ်တပြက် ၀င်ရောက်တိုက်ခတ်သွားစဉ် ထိုသို့ ပြိုပျက်သွားကြောင်း သူက ဆိုသည်။

“ ထိခိုက် ဒဏ်ရာရတဲ့သူ မရှိပါဘူး။ အိမ်တွေပျက်စီးတာလောက်ပါဘဲ။ အခုတော့ လူတွေက သူတို့ အိမ်တွေမှာ နေထိုင်နေကြပါတယ်။ လောလောဆယ်တော့ အကူအညီ ဘယ်ကမှ မရရှိသေးဘူး” ဟု ဆိုသည်။

ကိုယ်တိုင်သွားရောက် လှည့်လည် ကြည့်ရှု့ သူ တစ်ဦးကလည်း အိမ်ခြေ စုစုပေါင်း (၄၀) နီးပါးခန့် ပျက်စီးသွာကြောင်း၊ ကျောင်းခေါင်မိုးလည်း အနည်းငယ် ပျက်စီးသွားကြောင်း၊ ရွာသားများက စုပေါင်းပြီး ပျက်စီးသွာသည့် အိမ်များကို ပြန်ပြင်နေကြကြောင်း ပြောသည်။

ကုလားပုန်း ညောင်ပလယ်ရွာတွင် အိမ်ခြေစုစုပေါင်း ၃၀၀ ကျော်ရှိကြောင်း သိရသည်။

(နိရဉ္စရာ- ၁ ဇူလိုင် ၂၀၁၄)