တက္ကသိုလ်၊ ကောလိပ်များတွင် အင်တာနက်အသုံးပြုနိုင်ရန် သမ္မတညွှန်ကြား

တက္ကသိုလ်၊ ကောလိပ် အားလုံးတွင် အင်တာနက်အသုံး ပြုနိုင်ရေးဆောင်ရွက်ရန် သမ္မတ ဦးသိန်းစိန်က ဆက်သွယ်ရေး၊ သတင်းအချက်အလက်နှင့် နည်း ပညာဝန်ကြီးဌာနသို့ ညွှန်ကြား ထားကြောင်း သမ္မတရုံးဝန်ကြီး ဦးတင်နိုင်သိန်းက ပြောသည်။

‘‘မကြာမီကပဲ သမ္မတကြီး က ဆက်သွယ်ရေးဝန်ကြီးကိုခေါ် ယူပြီး တက္ကသိုလ်၊ ကောလိပ်အား လုံးမှာ အင်တာနက်သုံးစွဲခွင့်ရရှိ အောင် ဦးစားပေးအနေနဲ့ တပ် ဆင်ပေးဖို့ လမ်းညွှန်ခဲ့ပြီးဖြစ်ပါ တယ်။ ဆက်သွယ်ရေးဝန်ကြီး ဌာနအနေနဲ့ နည်းပညာပိုင်းအရ အားလုံးဆောင်ရွက်ပေးမှာဖြစ် သော်လည်း ဘတ်ဂျက် (ကုန်ကျ စရိတ်)နဲ့ လိုအပ်ချက်တွေကို သက်ဆိုင်ရာတက္ကသိုလ်၊ ကော လိပ်တွေက တွက်ချက်ပြီးတော့ ပညာရေးဝန်ကြီးဌာနက လာမယ့် အသုံးစရိတ်မှာပါအောင် ဆောင် ရွက်ရမှာဖြစ်ပါတယ်’’ဟု ဦးတင် နိုင်သိန်းက ရန်ကုန်တက္ကသိုလ်၊ စိန်ရတုခန်းမတွင် ကျင်းပသော အဆင့်မြင့်ပညာကဏ္ဍဆိုင်ရာ နှီးနှောဖလှယ်ပွဲ၌ ပြောကြားခဲ့ခြင်း ဖြစ်သည်။

ကျောင်းသား၊ ကျောင်းသူ နှင့် ဆရာ၊ ဆရာမအဆောင်များ၊ စာသင်ခန်းများနှင့် ဌာနများ အတွင်း အင်တာနက်သုံးစွဲနိုင်ရန် ဆောင်ရွက်သွားမည်ဖြစ်ပြီး စာ သင်ခန်းတွင်းသာမက စာသင် ခန်းပြင်ပတွင်ပါ လေ့လာသင် ယူမှုမြင့်တက်လာစေမည်ဖြစ် ကြောင်း ပညာရေးမြှင့်တင်မှု အကောင်အထည်ဖော်ရေးကော် မတီဥက္ကဋ္ဌတာဝန်ယူထားသော သမ္မတရုံးဝန်ကြီးဌာန၊ ပြည် ထောင်စုဝန်ကြီးက ဆိုသည်။

‘‘ဒီနေ့ခေတ်က တက္ကသိုလ် ပတ်ဝန်းကျင်တွေမှာ အာရုံတွေ ထွေပြားပြီးတော့ ကျောင်းသား တွေ ပြင်ပကိစ္စတွေမှာ စိတ်ဝင် စားစရာတွေ များပြားနေရာက မိမိတို့ပညာရေးမြင့်မားတိုးတက် လာအောင် ကြိုးစားနိုင်မှာဖြစ်ပါ တယ်’’ဟု အင်တာနက်သုံးစွဲခွင့် ရရှိလာနိုင်သောအခြေအနေနှင့် ပတ်သက်၍ ဦးတင်နိုင်သိန်းက ပြောသည်။

ပညာရေးဝန်ကြီးဌာန၊ ပြည် ထောင်စုဝန်ကြီးဒေါက်တာခင် စန်းရီကလည်း ‘‘ကျောင်းတိုင်း၊ ကျောင်းတိုင်းနဲ့ တက္ကသိုလ်တိုင်း၊ တက္ကသိုလ်တိုင်းမှာ အင်တာနက် သုံးစွဲနိုင်ဖို့၊ တက္ကသိုလ်ပရဝဏ် တိုင်းမှာအင်တာနက်သုံးစွဲနိုင်ဖို့ အရှိန်အဟုန်နဲ့ သုံးလအတွင်းဆောင်ရွက်သွားဖို့ဖြစ်ပါတယ်’’ ဟု အဖွင့်မိန့် ခွန်း တွင် တက္ကသိုလ်ဆရာ၊ ဆရာမများ အားပြောကြား သည်။

ဒဂုံတက္ကသိုလ်တွင် တာဝန် ထမ်းဆောင်နေသော တက္ကသိုလ် ဆရာတစ်ဦးက ရုံးခန်းနှင့် အနီး ဝန်းကျင်တွင် အင်တာနက်အခမဲ့ အသုံးပြုနိုင်သော်လည်း လိုင်း ချိတ်ဆက်မှုနှေးကွေးနေပြီး ဖုန်း လိုင်းများလည်း မကောင်းမွန်ခြင်း ကြောင့် ပညာရေးဝန်ကြီးဌာန အနေဖြင့် အင်တာနက်လိုင်းများ ကောင်းမွန်ရန် ဆောင်ရွက်ပေးနိုင် ပါက ကြိုဆိုကြောင်း ပြောသည်။

‘‘ဒီလ (ဇွန်)မှာ စလုပ်နေပြီ။ ဇူလိုင်လမှာ အပြီးသတ်ဖို့မှန်းထား တယ်။ကျွန်တော်တို့ကျောင်းက တော့ ဒီဘဏ္ဍာနှစ်အသုံးစရိတ် ထဲကပဲ လှည့်သုံးထားလိုက်တယ်။ အခုလည်း အင်တာနက်ပေးထား တာပါပဲ။ ဒါပေမဲ့ နှေးနေတာပေါ့။ နောက်ဆိုရင်တော့ လေး၊ ငါးဆ လောက်မြန်သွားမှာပါ’’ဟု နယ်မြို့တစ်မြို့ရှိ တက္ကသိုလ် ပါမောက္ခချုပ်တစ်ဦးကပြောသည်။

7Day DAILY

ကမ္ဘာတစ်ဝန်း အာဟာရချို့တဲ့ခြင်းကို ကုစားဖို့ အာဟာရပြည့် စူပါငှက်ပျောသီး စမ်းသပ်လျက်ရှိ

အထူးအာဟာရ ပြည့်ဝအောင် မျိုးဗီဇပြုပြင် ထား သော စူပါငှက်ပျောသီးကို လူသားများနှင့် စတင် စမ်းသပ်တော့ မည်ဖြစ်ကြောင်း သြစတြေးလျ သိပ္ပံပညာရှင်များက ပြောသည်။

ဓာတ်ခွဲခန်းတွင် လည်းကောင်း၊ တိရစ္ဆာန်များနှင့် လည်းကောင်း စမ်းသပ် အောင်မြင်ထားပြီ ဖြစ်ရာ နောက်ဆုံး အဆင့် လူသားများဖြင့် လက်တွေ့ စမ်းသပ်ခြင်းဖြစ်သည်။ အောင်မြင်ပါက ကမ္ဘာ တစ်ဝန်း အာဟာရချို့တဲ့သော ဒေသများတွင် စူပါငှက်ပျောသီးများက လိုအပ်သော အာဟာရများ ဖြည့်စွမ်း ပေးနိုင်တော့မည် ဖြစ်သည်။

လူသားများအတွက် အဓိကလိုအပ်သော ဗီတာမင် အေဓာတ်ကို စူပါငှက်ပျောသီးက ဖြည့်စွမ်း ပေးနိုင်ခြင်း ရှိမရှိ လူသားများဖြင့် လက်တွေ့ စမ်းသပ် သွားမည် ဖြစ်သည်။ စမ်းသပ်မှုများ အောင်မြင်ပါက ၂၀၂၀ တွင် အာဖရိကတိုက် ယူဂန်ဒါနိုင်ငံ၌ စတင် စိုက်ပျိုးကာ လူတိုင်း အလွယ်တကူ စားနိုင်သော ငှက်ပျောသီးအဖြစ် ဖန်တီးမည်ဖြစ်သည်။ အာဟာရချို့တဲ့သူ အများဆုံးရှိသော အာဖရိကတွင် လူတိုင်း စားနေသော ငှက်ပျောသီးကို အာဟာရ ပြည့်ဝအောင် မျိုးဗီဇ ပြောင်းလဲ ပေးခြင်းဖြင့် အာဖရိက အာဟာရ ချို့တဲ့မှုကို ဖြေရှင်းနိုင်မည် ဟု ပညာရှင်များက ယုံကြည်ထားသည်။

““ကောင်းမွန်တဲ့ သိပ္ပံပညာဟာ ကြီးမားတဲ့ အပြောင်းအလဲ ကို ဖော်ဆောင် နိုင်ပါတယ်။ အာဖရိကမှာ လူတိုင်းအတွက် နေ့စဉ် အစား အစာတစ်ခုဖြစ်တဲ့ ငှက်ပျောသီးကို လူတွေအတွက် နေ့စဉ်လိုအပ်တဲ့ အာဟာရတွေ ပါဝင်နေအောင် ဖန်တီး ပေးလိုက်တဲ့ နည်းနဲ့ အာဟာရ ချို့တဲ့မှု ပြဿနာကို ဖြေရှင်းပေးနိုင် တော့မှာ ဖြစ်ပါတယ်””ဟု အာဟာရပြည့် စူပါငှက်ပျောသီး စီမံကိန်း ခေါင်းဆောင် ပါမောက္ခဂျိမ်းဒေးက ပြောသည်။

စီမံကိန်းကို သြစတြေးလျ နိုင်ငံကွင်းစ်လန်း နည်းပညာတက္ကသိုလ် (QUT) မှ ပညာရှင်များ ပြုလုပ်ခြင်း ဖြစ်ပြီး ဘီလ်ဂိတ်မောင်နှံ ထူထောင်ထားသော ဘီလ်နှင့် မလင်ဒါဂိတ် ဖောင်ဒေးရှင်းက ရန်ပုံငွေ စိုက်ထုတ် ပေးထားသည်။ လူသားများနှင့် စမ်းသပ်မှုရလဒ်ကို ယခု နှစ်ကုန်ပိုင်းတွင် အတိအကျ သိနိုင်မည်ဟု အဖွဲ့ကပြောသည်။

ယူဂန်ဒါမှ ငှက်ပျောသီးမျိုးကို စံပြထား၍ QUT ဓာတ်ခွဲခန်းတွင် မျိုးဗီဇ ပြုပြင် စမ်းသပ်နေခြင်း ဖြစ်သည်။ ယူဂန်ဒါ အပါအ၀င် အာဖရိက အရှေ့ပိုင်း ဒေသများတွင် ငှက်ပျောသီးကို နေ့စဉ် အစားအစာအဖြစ် စားသုံးနေသည့်တိုင် ငှက်ပျောသီးမျိုး စိတ်များသည် ဗီတာမင်အေ၊ သံဓာတ်စသည့် လူသားအတွက် နေ့စဉ်လိုအပ်သော အာဟာရဓာတ်များ ချို့တဲ့လျက် ရှိသောကြောင့် စားပြီး အားမဖြစ်သည့် အနေအထား ဖြစ်နေသည်။ ထိုလိုအပ်ချက်ကို ဖြည့်ဆည်းရန် အာဟာရ ပြည့်ဝသော စူပါ ငှက်ပျောသီး မျိုးစိတ်ကို ဖန်တီးကာ လက်ရှိငှက်ပျောများ နေရာတွင် အစားထိုး စိုက်ပျိုးခြင်းဖြင့် အာဖရိကသားများ ပုံမှန်အတိုင်း ငှက်ပျောသီး စားနေရုံဖြင့်ပင် အာဟာရ ပြည့်ဝလာကြမည် ဖြစ်သည်။

ဗီတာမင်အေ ချို့တဲ့ခြင်းကြောင့် ကမ္ဘာတစ်ဝန်း တစ်နှစ်ကို ကလေးခြောက်သိန်းခွဲ မှ ခုနစ်သိန်းနီးပါး သေဆုံးနေရသလို သုံးသိန်းခန့်သည် လည်း မျက်စိအလင်းကွယ် ပျောက်နေရကြောင်း ပါမောက္ခဒေးက ပြောသည်။

စူပါ ငှက်ပျောသီးသည် အပြင်ပန်းတွင် ရိုးရိုး ငှက်ပျောသီးများ အတိုင်းသာ ဖြစ်သည်။ အတွင်းသားမူကား ရိုးရိုး ငှက်ပျောသီး အရောင်ထက် ပိုရင့်ပြီး လိမ္မော်ရောင်သန်းကြောင်း သိရသည်။

စူပါ ငှက်ပျောသီးကို မျိုးဗီဇ ပြုပြင် ဖော်စပ်ခြင်း အောင်မြင်ပြီးစီးပါက ယူဂန်ဒါနိုင်ငံတွင် စတင်စိုက်ပျိုးမည် ဖြစ်ပြီး တစ်ဖြည်းဖြည်းချင်း ချဲ့ထွင်ကာ ရ၀မ်ဒါ၊ ကွန်ဂို ဒီမိုကရက်တစ် ပြည်သူ့ သမ္မတနိုင်ငံ၊ ကင်ညာ၊ တန်ဇေးနီးယား စသည့် နိုင်ငံများတွင်လည်း စိုက်ပျိုးသွားမည် ဖြစ်ကြောင်း သိရသည်။

Source: AFP

The Messenger

မွန်ပြည်သူ့ ဖိုရမ် တောင်းဆို ချက်များအား ဆောင်ရွက် ပေးနိုင်ကြောင်း လွှတ်တော် ဥက္ကဋ္ဌဆို

မွန်ပြည်နယ် မော်လမြိုင်မြို့၌ ကျင်းပ ပြီးစီး ခဲ့သည့် မွန်ပြည်သူ့ ဖိုရမ်မှ ထုတ်ပြန် ကြေငြာချက်ပါ အချက်များအား မွန်ပြည်နယ် အစိုးရအနေဖြင့် အကောင်အထည် ဖော်ဆောင် ပေးသွား နိုင်မည် ဖြစ်ကြောင်း မွန်ပြည်နယ် လွှတ်တော် ဥက္ကဋ္ဌ ဦးကျင်ဖေမှ ပြောသည်။

“ဖိုရမ် ထုတ်ပြန် ကြေငြာချက်ပါ အချက် တွေနဲ့ ပတ်သက်လို့ ကတော့ အကောင် အထည်ဖော် လုပ်ဆောင်လို့ ရနိုင်တဲ့ အခြေအနေ ရှိပါတယ်၊ ဥပဒေ ဘောင်က ခွင့်ပြုထားတဲ့ အောက်မှာ တော်တော် များများ လုပ်လို့ ရပါတယ်၊ တချို့တွေ ကသာ အခြေအနေအချိန်အခါကို ကြည့်ပြီး အကောင်အထည် ဖော်ရ မှာပဲ ရှိပါတယ်၊ အားလုံး လုပ်လို့ ရပါတယ်” ဦးကျင်ဖေက ပြောသည်။

ဇွန်လ ၂၅ ရက်နေ့မှ ၂၇ ရက်နေ့ အထိ မွန်ပြည်သူ့ ဖိုရမ် ဆွေးနွေး ပွဲအား မော်လမြိုင်မြို့ရှိ ရွှေမြင့်မိုရ်ထွန်း ဟိုတယ်၌ (၃) ရက်တာ ကျင်းပ ကျင်းပ ခဲ့ပါသည်။ မွန်ပြည်နယ်ရှိ မြို့နယ်များတွင် အခြေစိုက် လှုပ်ရှား နေသည့် လူထု အခြေပြု လူ့အဖွဲ့ အစည်းများ (၇၅) ဖွဲ့မှ ကိုယ်စား လှယ်ပေါင်း ၁၈၁ ဦး တက်ရောက် ဆွေးနွေး ခဲ့ကြသည်။

သုံးရက်တာ မွန်ပြည်သူ့ ဖိုရမ် (Mon People Forum) ဆွေးနွေးပွဲ အပြီး ဇွန်လ ၂၇ ရက်စွဲဖြင့် ထုတ်ပြန် ကြေငြာ ခဲ့သည့် ကြေငြာချက်၌ ငြိမ်းချမ်းရေး၊ ဖွံ့ဖြိုး တိုးတက်ရေး၊ လူအခွင့် အရေးနှင့် တရား မျှတမှု၊ ဒီမို ကရေစီ ဖော်ဆောင်ရေး၊ လူငယ် ကဏ္ဍ စသည့် ကဏ္ဍ အသီးသီး တို့ဖြင့် တောင်းဆိုချက် (၃၆) ချက် ထုတ်ပြန် တောင်းဆို ထားပါသည်။

ပြည်တွင်း ငြိမ်းချမ်းရေး တည်ဆောက်ရာ၌ ရေရှည် တည်တံ့သော ငြိမ်းချမ်းရေး ဖော်ဆောင်ရေး အတွက် ငြိမ်းချမ်းရေး ဖြစ်စဉ်တွင် အရပ်ဘက် လူမှု အဖွဲ့ အစည်းများ ပူးပေါင်းပါဝင်မှုကို တိုးမြှင့်ရန်နှင့် ဗဟို ချုပ်ကိုင်မှု လျောချရေး အပေါ် ပြည်နယ် လွှတ်တော်မှ သဘောထား တစ်ရပ် ထုတ်ပြန် ပေးရန် ဖိုရမ်မှ ထုတ်ပြန် ကြေငြာချက်၌ တောင်းဆို ထားပါသည်။

ထို့ပြင် အကြီးစားစီမံကိန်းများ အကောင်အထည် ဖော်ရာ၌ ဒေခံ ပြည်သူ လူထု များနှင့် ကြိုတင် ညှိနှိုင်း သဘောတူညီချက်ကို စစ်မှန်စွာ ရယူပြီး ဆောင်ရွက်ရန်လည်း ထုတ်ပြန် တောင်းဆို ထားပါသည်။

ပြည်နယ် လွှတ်တော်နှင့် အစိုးရ အဖွဲ့ရုံး သတင်းများ တို့အား သတင်း အချက်အလက်များ တိကျ မှန်ကန်စွာ ထုန်ပြန် ပေးရန်နှင့် အလွယ် တကူ သတင်း ယူနိုင်ရေး အတွက်လည်း တောင်းဆို ထားပါသည်။

၎င်းတောင်းဆိုချက် (၃၉) ချက်တို့နှင့် ပတ်သက် ၍လည်း ယနေ့ ဖိုရမ် နောက်ဆုံး နေ့၌ ပြည်နယ် လွှတ်တော် ကိုယ်စားလှယ်များ၊ ပြည်နယ် အစိုးရ အဖွဲ့ဝင် ဝန်ကြီး များနှင့် မွန်ပြည်သူ့ ဖိုရမ် တက်ရောက် လာကြသည့် ကိုယ်စား လှယ်များ နေ့တစ်ဝက် အချိန်ယူ၍ အပြန် အလှန် ဆွေးနွေး ခဲ့ကြသည်။

“ဒီတောင်းဆို ချက်တွေ ထဲက လတ်တလော လုပ်ရမယ့် ဥစ္စာကို ကျနော်တို့ ချက်ခြင်း လုပ်ဆောင်မယ်၊ တချို့တွေ ကတော့ ရေရှည် လုပ်ရမယ့် အခြေအနေ ဖြစ်တဲ့ အတွက် အခြေအနေနဲ့ အချိန် အခါကို ကြည့်ပြီးတော့ လုပ်ဆောင် သွားမယ်”ဟု ညှိနှိုင်း ဆွေးနွေးပွဲ အပြီးတွင် မွန်ပြည်နယ် လွှတ်တော် ဥက္ကဋ္ဌ ဦးကျင်ဖေမှ ရွှေဟင်္သာ သတင်းဌာန၏ မေးမြန်း ချက်ကို ပြန်လည် ဖြေကြား ခဲ့ပါသည်။

သို့သော်လည်း မွန်ပြည်နယ် အစိုးရ အဖွဲ့မှ လွှတ်တော် ကိုယ်စားလှယ် များသာ အားပြု တက်ရောက် ခဲ့ကြပြီး ပြည်နယ် အစိုးရ လက်အောက်ရှိ ဝန်ကြီးဌာနများမှ ဝန်ကြီးတစ်ဦးသာ တက်ရောက် ခဲ့သဖြင့် ပြည်နယ် အစိုးရ အဖွဲ့၏ ပူးပေါင်း ပါဝင်မှုနှင့် ပတ်သက်၍ အားမရ မိကြောင်း မြန်မာ့ ပြည်သူ့ ဖိုရမ် ဘုတ်အဖွဲ့ဝင် တဦး ဖြစ်သည့် မသဉ္ဇာရွှန်းလဲ့ရည်မှ သုံးသပ် ပြောဆို သွားခဲ့သည်။

မြန်မာ နိုင်ငံတဝှမ်း၌ ပြည်သူ့ ဖိုရမ် များအားကျင်းပရန်လျာထားသည့်အနက် မွန်ပြည်နယ်၌ပထဦးဆုံးကျင်းပ ခဲ့ခြင်း ဖြစ်၍ ယခု ဖိုရမ်မှရရှိ ခဲ့သည့် တောင်းဆိုချက်များနှင့် ပတ်သက်၍ ပြည်နယ်နှင့် တိုင်းဒေသကြီး အစိုးရ အသီးသီး တို့၏ သက်ဆိုင်ရာ အစိုးရများကို ပေးပို့ရန် စီစဉ် ထားကြောင်းနှင့် ပြည်ထောင်စု လွှတ်တော်တို့လည်း တင်ပြ သွားရန်ရှိကြောင်း မြန်မာ ပြည်သူ့ ဖိုရမ် အဖွဲ့ ဦးစီးဆောင်ရွက်သူ တဦး ဖြစ်သည့် ဦးကျော်လင်းဦးမှ ပြောသည်။

“ဒီလာမယ့် တနင်္ဂနွေနွေ့ ဝန်ကြီး ဦးအောင်မင်းနဲ့ တွေ့ရင် ကျနော်တို့ ရရှိ ထားတဲ့ အချက်တွေနဲ့ ပတ်သက်လို့ တင်ပြ သွားဖို့ ရှိသလို၊ ပြည်သူ့ လွှတ်တော် ဆီကိုလည်း စနစ်တကျ စာပို့ပြီး တင်ပြ သွားဖို့ ရှိပါတယ်” ဟု ဦးကျော်လင်းဦးမှ ဖိုရမ် အတွင်း ဆွေးနွေးစဉ် ထည့်သွင်း ပြောကြားသွားခဲ့သည်။

မြန်မာနိုင်ငံ၏ နိုင်ငံရေး စီးပွားရေး၊ လူမှုရေး ဆိုင်ရာ ပြုပြင် ပြောင်းလဲမှု လုပ်ငန်းစဉ် များတွင် အရပ်ဘက် လူ့အဖွဲ့အစည်းများ၏ အခန်းကဏ္ဍ ပိုမို မြင့်မားစေရန် ဦးတည်လျက် ဒေသ ဆိုင်ရာ ပြည်သူ့ ဖိုရမ်များကို ကျင်းပရန် ရည်ရွယ် ထားပြီး မွန်ပြည်နယ်၌ ပထမ ဦးဆုံး ဆောင်ရွက်ခဲ့ခြင်း ဖြစ်သည်။

မွန်ပြည်သူ့ ဖိုရမ် တက်ရောက် လာသည့် ပြည်နယ် လွှတ်တော် ဥက္ကဋ္ဌ ဦးကျင်ဖေအား တွေ့ရစဉ် ဓါတ်ပုံ - (ရွှေဟင်္သာ)

အားကစားဝန်ကြီး ဦးတင့်ဆန်းက ပေါင်းလောင်းအားကစားကွင်းအား မြို့ခံလူထုထံ လွှဲပြောင်းပေးရန် ပြန်လည်ပယ်ဖျက်ခဲ့သဖြင့် မြို့ခံလူထုက ဇူလိုင်လဆန်းတွင် ဆန္ဒထုတ်ဖော်သွားမည်

ပေါင်းလောင်းအားကစားကွင်း ပြန်လည်ရရှိရေးအတွက် မြို့ခံလူထုမှ သတင်းစာ ရှင်းလင်းပွဲ ပြုလုပ်နေစဉ် အားကစားဝန်ကြီး ဦးတင့်ဆန်းက ပေါင်းလောင်းအားကစားကွင်းအား မြို့ခံလူထုထံ လွှဲပြောင်းပေးရန်ပြန် လည်ပယ်ဖျက်ခဲ့သဖြင့် မြို့ခံလူထုက ဇူလိုင်လဆန်းတွင် ဆန္ဒထုတ်ဖော်သွားမည်ဖြစ်ကြောင်း ဇွန် ၂၉ ရက်က ပြုလုပ်သည့် ပေါင်းလောင်းအားကစားကွင်း ပြန်လည်ရရှိရေးအတွက် သတင်းစာရှင်းလင်းပွဲတွင် သိရသည်။

ဇွန် ၂၆ ရက် အမျိုးသားလွှတ်တော်တွင် မန္တလေးတိုင်းဒေသကြီး မဲဆန္ဒနယ် အမှတ် (၉) မှ အမျိုးသား လွှတ်တော် ကိုယ်စားလှယ် ဦးမှတ်ကြီး၏ မေးမြန်းထားသည့် နေပြည်တော် ကောင်စီနယ်မြေ၊ ပျဉ်းမနား မြို့နယ် ပေါင်းလောင်းအားကစားကွင်းကို ပျဉ်းမနားမြို့ မြို့မိမြို့ဖများလက်သို့ ပြန်လည်လွှဲပြောင်းပေးမည့် အစီ အစဉ် ရှိ၊ မရှိ မေးခွန်းကို အားကစားဝန်ကြီးဌာန ပြည်ထောင်စုဝန်ကြီး ဦးတင့်ဆန်းက ဖြေကြားရာတွင် ပြည်ထောင်စု အစိုးရအဖွဲ့ရုံးမှ ထုတ်ပြန်ထားသည့် စာအရ ယူလိုသည့် တိုင်းဒေသကြီးနှင့် ပြည်နယ် ကွင်းများအား လွှဲပြောင်းပေးရန် အမိန့်အမှတ်ကို ပြန်လည်ပယ်ဖျက်ခဲ့ပြီး ယခင်စာချုပ်ပါအတိုင်း ဆက်လက် ဆောင်ရွက်သွားမည်ဟု ကြယ်ပွင့်မပြ မေးခွန်းအား အားကစားဝန်ကြီး ဦးတင့်ဆန်းက အိတ်ပိတ်ဖြေဆိုခဲ့ ကြောင်း သိရသည်။

အဆိုပါ ပေါင်းလောင်းအားကစားကွင်းအား မြို့ခံလူထုထံ လွှဲပြောင်းပေးရန် ပြည်ထောင်စုအစိုးရ အဖွဲ့ရုံးမှ ထုတ်ပြန်ညွှန်ကြားခဲ့သော်လည်း အားကစားဝန်ကြီးမှ ပြန်လည်ပယ်ဖျက်ခဲ့သဖြင့် မြို့ခံဘောလုံးသမားဟောင်း တစ်ဦးက “သူတို့က သမ္မတရဲ့ မိန့်မှတ်ချက်ကိုကျော်ပြီး ပယ်ဖျက်ခဲ့တာကြောင့် ကျွန်တော်တို့ ပြည်သူတွေအတွက် စဉ်းစားစရာ ဖြစ်ခဲ့တယ်။ ဒါကြောင့် ကျွန်တော်တို့ အားကစားသမား အဟောင်းတွေကော မြို့ခံလူထုပါ ပေါင်းလောင်းအားကစားကွင်း ပြန်လည်ရရှိရေးအတွက် ဆန္ဒပြသွားမှာပါ” ဟုပြောကြားသည်။

ပေါင်းလောင်းကွင်းကို စတင်တည်ထောင်သူ ဗိုလ်ကြီးစံဝင်းက “ပေါင်းလောင်းအားကစားကွင်းဟာ နိုင်ငံပိုင်ဘောလုံးကွင်း မဟုတ်ပါဘူး။ ပြည်သူပိုင်ဘောလုံးကွင်း ဖြစ်ပါတယ်။ အခုလို တစ်ဖက်နဲ့တစ်ဖက် ရှုပ်ထွေးမှု အငြင်းပွားမှုတွေ ဖြစ်နေတာဟာလည်း အလွန်အလွန် စိတ်မကောင်းစရာ ဖြစ်မိပါတယ်။ တစ်ဖက်ကလည်း ပြည်သူ၊ တစ်ဖက်ကလည်း အာဏာပိုင်နဲ့ ငွေကြေးဓနရှင် ဖြစ်နေတော့ ပေါင်းလောင်းအားကစားကွင်းရဲ့သမိုင်းကို ပြန်ကြည့်မယ်ဆိုရင် ကျွန်တော်နဲ့ မြို့ခံပြည်သူလူထု ချွေးသွေးနဲ့ နိုင်ငံတကာစံချိန်မီကွင်းဖြစ်အောင် ကြိုးစားလာခဲ့ရတာပါ။ တိုင်းပြည်အုပ်ချုပ်နေတဲ့ လူကြီးတွေ စဉ်းစားကြည့်ရင် အဖြေပေါ်မှာပါပဲ” ဟု ပြောကြားခဲ့သည်။ 

Eleven Media Group

တစ်နိုင်ငံလုံးအပစ်ရပ်စာချုပ် ရေးဆွဲရန်လက်နက်ကိုင်အဖွဲ့ ခေါင်းဆောင်များ လိုင်ဇာတွင်တွေ့မည်

တစ်နိုင်ငံလုံးအပစ်အ ခတ်ရပ်စဲရေးစာချုပ် ရေးဆွဲရန် တိုင်းရင်းသား လက်နက်ကိုင် အဖွဲ့ ခေါင်းဆောင် များ၏ တတိယအကြိမ်ညီလာခံကို ကချင်လွတ် မြောက်ရေးအဖွဲ့(KIO) ဌာနချုပ် တည်ရှိရာ လိုင်ဇာတွင် ပြုလုပ်မည် ဖြစ်ကြောင်း သတင်းရရှိသည်။

အဆိုပါညီလာခံကို ဇူလိုင် တတိယပတ်တွင် ပြုလုပ်ရန်လျာထားပြီး တိုင်းရင်းသားခေါင်း ဆောင်များ သွား ရေး လာရေး နှင့် ပတ်သက်၍ကူညီပေးရန် အစိုးရထံ တောင်းဆိုထားကြောင်း မြန်မာ့ငြိမ်းချမ်းရေးနှင့် ပြန်လည် ထူထောင်ရေး ဗဟိုဌာနမှ အကြီးတန်းအရာရှိကြီး တစ်ဦးကပြောသည်။ သို့သော် အဆိုပါဆွေးနွေးပွဲ သို့ ကရင်အမျိုးသားအစည်းအရုံး (KNU) ခေါင်းဆောင်များမှာမူ တက်ရောက်ရန် မသေ ချာသေး ကြောင်း သတင်းရရှိသည်။

တစ်နိုင်ငံလုံးအပစ်အခတ် ရပ်စဲရေးစာချုပ်မူကြမ်းနှင့် ပတ် သက်၍ အစိုးရနှင့် တစ်နိုင်ငံလုံး အပစ်အခတ် ရပ်စဲရေးညှိနှိုင်းရေး အဖွဲ့(NCCT) တို့ဆွေးနွေးချက် များထဲမှ အဆင်မပြေသည့် အချက်များကို ယခုကျင်းပ မည့် ညီလာခံတွင် ဆွေးနွေးကြမည်ဖြစ်သည်။

တစ်နိုင်ငံလုံး အပစ်အခတ် ရပ်စဲရေး စာချုပ်မူကြမ်းရေးဆွဲရန် တိုင်းရင်းသား လက်နက် ကိုင် ခေါင်းဆောင် များ ညီလာခံကို ၂၀၁၃ ခုနှစ် အောက်တိုဘာ တွင် လိုင်ဇာ၌ ပထမဦးဆုံးအ ကြိမ် ကျင်းပခဲ့ပြီး ၂၀၁၄ ခုနှစ် ဇန်န၀ါရီလဆန်းတွင် KNU ထိန်း ချုပ်နယ်မြေလော်ခီးလာ၌ ဒုတိယအကြိမ်ကျင်းပခဲ့သည်။

7Day News Jurnal

နိုင်ငံခြားဘဏ်များကို ခွင့်ပြုပေးမည် ဆိုသော်လည်း အကန့်အသတ်ဖြင့် ခွင့်ပြုပေးခြင်းဖြစ်ပြီး ယင်းဘဏ်များအား ပြည်ပနှင့်ချိတ်ဆက်သည့် ဘဏ်လုပ်ငန်း၌သာ လုပ်ကိုင်ခွင့်ပြုမည်

ပြည်ပဘဏ်များအား ခွင့်ပြုပေးသည် ဆိုသော်လည်း ယင်းဘဏ်များအား အကန့်အသတ်ဖြင့်သာ ခွင့်ပြု ပေးခြင်းဖြစ်ပြီး ပြည်ပနှင့်ချိတ်ဆက်သည့် ဝန်ဆောင်မှုလုပ်ငန်းများသာ လုပ်ကိုင်ခွင့်ပြုမည်ဖြစ်ကြောင်း ဘဏ်များနှင့် ငွေရေးကြေးရေးဆိုင်ရာ ဖွံ့ဖြိုးတိုးတက်ရေးကော်မတီ အတွင်းရေးမှူး ကိုဖြိုးမင်းသိမ်းက ပြောကြားသည်။

မြန်မာနိုင်ငံမှာ အနည်းဆုံး နိုင်ငံခြားဘဏ် ငါးခုကနေ အများဆုံး ၁ဝ ခုလောက်အထိကို စက်တင်ဘာလမှာ ရွေးချယ်လုပ်ကိုင်ခွင့် ပြုသွားမည်ဖြစ်ကြောင်း မြန်မာနိုင်ငံတော်ဗဟိုဘဏ်၊ ဒုတိယဥက္ကဋ္ဌ ဦးဆက်အောင်က ဇွန် ၂၅ ရက်တွင် ကျင်းပသည့် ပြည်ထောင်စုလွှတ်တော် အစည်းအဝေးတွင် ပြောကြားခဲ့ကြောင်း သတင်းရရှိသည်။

ယင်းကဲ့သို့ နိုင်ငံခြားဘဏ်များ ဖွင့်ခွင့်ပြုရာတွင် ယခုမြန်မာနိုင်ငံမှာ ခွင့်ပြုပေးမယ့် စနစ်သည် နိုင်ငံခြား ဘဏ်ခွဲ လာရောက်ဖွင့်လှစ်ခြင်းမျိုး မဟုတ်ဘဲ နိုင်ငံခြားဘဏ်တစ်ခုက မြန်မာနိုင်ငံတွင် ကုမ္ပဏီ အသစ်တစ်ခု ထူထောင်ပြီး ဘဏ်လုပ်ငန်းများကို လုပ်ကိုင်ခြင်းမျိုးဖြစ်ကြောင်း ဦးဆက်အောင်က ပြောကြားခဲ့သည်ဟု သတင်းရရှိသည်။

ဦးဖြိုးမင်းသိမ်းက “ဗဟိုဘဏ်နဲ့ ကြားနာတဲ့ အနေအထားအရ ဆိုရင်တော့ ဘဏ်များနဲ့ ငွေရေးကြေးရေး အဖွဲ့အစည်းများ ဥပဒေကိုလည်း နိုင်ငံခြားဘဏ်တွေဝင်တဲ့ ကာလမှာပဲ အဆင်ပြေအောင်၊ ထုတ်ပြန် နိုင်အောင် ကြိုးစားမယ်လို့ ပြောပါတယ်။ နောက်တစ်ချက်က နိုင်ငံခြားဘဏ်တွေကို မြန်မာပြည်မှာ လက်ခံတဲ့ ပုံသဏ္ဌာန်က Subsidiary ပုံစံမျိုးပေါ့။ ဥပဒေနဲ့ ထိန်းချုပ်နိုင်အောင် ကန့်သတ်ချက်တွေနဲ့ ခွင့်ပြုပေးမယ်ဆိုတဲ့အကြောင်း ပြောပါတယ်။ နောက်တစ်ချက်က ပြည်တွင်းက ပုဂ္ဂလိကဘဏ်တွေ ရပ်တည်လှုပ်ရှားနိုင်ဖို့ အတွက်ကို အမိန့်ညွန်ကြားချက် ၈၈ ခုပေါ့။ ဒါတွေကိုလည်း အမြန်ဆုံး ထွက်မယ်ပြောတယ်။ ကျွန်တော်တို့ မြန်မာနိုင်ငံမှာရှိတဲ့ အမျိုးသားဘဏ်တွေအားလုံး ရပ်တည်ရတာ လွယ်ကူအောင်ပါ။ ကျွန်တော်တို့ကတော့ လတ်တလောမှာ ငါးဘဏ်လောက်ပဲ ခွင့်ပြုပေးဖို့နဲ့ နောက်ပိုင်းမှသာ တိုးချဲ့ပေးဖို့ အကြုံပြုထားပါတယ်” ဟု ဆိုသည်။ အကယ်၍ အမိန့်ညွန်ကြားချက်များ၊ နည်းဥပဒေများ မြန်မြန်ဆန်ဆန် ထုတ်ပြန်နိုင်မည်ဆိုပါက ပြည်တွင်း၌ရှိသော ဘဏ်များလည်း ပြင်ဆင်ရန် အချိန်ရရှိနိုင်ကြောင်း ၎င်းက သုံးသပ်ပြောကြားသည်။

“အခုဝင်လာတဲ့ ဘဏ်တွေက ပြည်တွင်းမှာ retail လုပ်ခွင့်ရမှာ မဟုတ်ပါဘူး။ ဒီကိစ္စရပ်တွေကိုတော့ ပြည်တွင်းဘဏ်တွေနဲ့ပဲ လာလုပ်ရမယ်လို့ သတ်မှတ်ထားပါတယ်။ အဲဒီအပေါ်မှာလည်း တစ်ဖက်က သဘောတူထားပါတယ်။ မြန်မာနိုင်ငံရဲ့ ပြည်တွင်းမှာ လုပ်ဆောင်နိုင်တဲ့ အနေအထားရဲ့ ၂ဝ ရာခိုင်နှုန်းလောက်ကိုပဲ လုပ်မှာပေါ့။ ပြီးတော့ သူတို့က မြန်မာနိုင်ငံရဲ့ ငွေရေးကြေးရေးမူဝါကို အထောက်အကူ ပြုနိုင်အောင်ပဲ ကြိုးစားမယ်။ ပြီးတော့ ဝန်ထမ်းခန့်ထားရေးမှာလည်း သူတို့ခန့်မယ့် ဝန်ထမ်းကို သူတို့ဘာသာသူတို့ စီစဉ်မယ်။ မြန်မာနိုင်ငံမှာရှိတဲ့ ပုဂ္ဂလိကဝန်ထမ်းကို မထိခိုက်အောင် လုပ်ပါ့မယ်လို့ ကတိပြုထားပါတယ်” ဟု ဦးဖြိုးမင်းသိမ်းက ဆိုသည်။

“အခု ခွင့်ပြုပေးလိုက်ပေမယ့် လက်ကား (wholesale) ပဲ ရပါတယ်၊ လက်လီဘဏ်လုပ်ငန်း (retail) မရဘူးလေ။ ပေးရင် ပြည်တွင်းဘဏ်တွေ အခြေအနေ ဆိုးသွားမှာပါ။ လက်ကားဘဏ်လုပ်ငန်း ဆိုတာက သူ့တို့သက်ဆိုင်ရာ နိုင်ငံရဲ့ ရင်းနှီးမြှုပ်နှံမှုတွေအတွက် ငွေချေးပေးတာတို့ လုပ်လို့ရပါတယ်။ လက်လီဘဏ်လုပ်ငန်းကတော့ hire purchase လုပ်တာတို့၊ တစ်ဦးချင်းဆီက လက်ခံယူတာတို့ပေါ့။ အဲဒါတွေတော့ သူတို့လုပ်လို့ မရပါဘူး။ ပြည်တွင်းဘဏ်တွေပဲ ဆက်လုပ်သွားမှာပါ” ဟု ဘဏ်လုပ်ငန်းဆိုင်ရာ ကျွမ်းကျင်သူ ဦးစံသိန်းက ပြောကြားသည်။

Eleven Media Group

သန္တိသုခနှင့်ပတ်သက်၍ မည်သည့်မှတ်ချက်မှ မပေးလိုဟု ဦးခင်ညွန့်ပြောကြား

မဟာသန္တိသုခကျောင်းတော်ကြီးနှင့်ပတ်သက်သည့်ကိစ္စများအတွက် မည်သည့်မှတ်ချက်မှမပေးလိုကြောင်း နိုင်ငံတော်ဝန်ကြီးချုပ်ဟောင်း ဦးခင်ညွန့်က ဇွန်လ ၂၇ ရက်က ပြောကြားလိုက်သည်။

လန်ဒန်ဆရာတော်အပါအဝင် သံဃာငါးပါးသင်္ကန်းဝတ်ဖြင့် တာမွေတရားရုံး၌ ဒုတိယအကြိမ် တရားရင်ဆိုင်ရမည့် ဇွန်လ ၂၇ ရက် မနက်တွင် ဦးခင်ညွန့်က မဟာသန္တိသုခကျောင်းတော်ကြီး နှင့် ပတ်သက်ပြီး တစ်စုံတစ်ရာပြောဆိုမည်ဖြစ်ကြောင်း ဖေ့စ်ဘွတ်ခ်လူမှုကွန်ရက်စာမျက်နှာများတွင် ပျံ့နှံ့ခဲ့သည့် သတင်းများကြောင့် ဦးခင်ညွန့်နေထိုင်ရာအိမ်သို့ သွားရောက်စောင့်ဆိုင်းနေသည့် သတင်းထောက်များနှင့်တွေ့ဆုံစဉ် ဝန်ကြီးချုပ်ဟောင်း က ယင်းကဲ့သို့ ပြောကြားခဲ့ခြင်းဖြစ်သည်။

သူ၏ နေအိမ်တွင် ဖွင့်လှစ်ထားသည့် ပန်းချီပြခန်း၌ လာရောက်စောင့်ဆိုင်းနေကြသည့် သတင်းထောက် နှစ်ဒါဇင်ခန့်အား မဟာသန္တိသုခကျောင်း တော်ကြီးနှင့်ပတ်သက်ပြီး ဦးခင်ညွန့်ရှင်းလင်းပြောဆိုမည့် သတင်းမှာ မဟုတ်မှန်ကြောင်း သူ၏ ဝန်ထမ်းတစ်ဦးကိုလွှတ်၍ ဖြေရှင်းခဲ့သော်လည်း နောက်ပိုင်းတွင် ကိုယ်တိုင် ထွက်ကာ ရှင်းပြခဲ့သည်။

မဟာသန္တိသုခကျောင်းတော်ကြီးနှင့်ပတ်သက်ပြီး ရှင်းလင်းမည်ဆိုသည့် ဖေ့စ်ဘွတ်ခ်လူမှုကွန်ရက် စာမျက်နှာများအပါအဝင် ပျံ့နှံ့နေသည့် သတင်းများ သည် လိမ်လည်လှည့်ဖြားထားသည့် ကောလာ ဟလသတင်းများသာဖြစ်ပြီး မယုံကြည်ကြရန်လည်း ဦးခင်ညွန့်က သတင်းထောက်များနှင့် တွေ့ဆုံစဉ် ပြောကြားခဲ့သည်။

‘‘အလိမ်မခံကြနဲ့’’ဟု အသက်(၇၅)နှစ်အရွယ်ရှိပြီဖြစ်သည့် ဦးခင်ညွန့်က ပြောသည်။

မဟာသန္တိသုခကျောင်းတော်ကြီးနှင့်ပတ်သက်ပြီး လက်ရှိအချိန်သည် လွန်စွာရှုပ်ထွေးနေသည့် အခြေ အနေဖြစ်ကြောင်းလည်း ဦးခင်ညွန့်က ပြောကြား ခဲ့သည်။

7 days

၂၀၁၅ ကာလအလွန် အကြမ်းဖက်မှုများဖြစ်လာနိုင်ဟု နိုင်ငံရေးသိပ္ပံ ပ ညာရှင် ဟောကိန်းထုတ်

မြန်မာနိုင်ငံတွင် လက်ရှိဖြစ်ပေါ်နေသော အခြေအနေအတိုင်းသာ ရှေ့ဆက်သွားပါက ၂၀၁၅ ခုနှစ် ရွေးကောက်ပွဲ အလွန်ကာလတွင် အကြမ်းဖက်မှုများ၊ သွေးထွက်သံယိုမှုများဖြစ်ပေါ်လာနိုင်သည်ဟု နိုင်ငံရေး သိပံ္ပပညာရှင် အီဂေါဗလာဇီဗစ်က Educational Initiatives ကျောင်းတွင် ပြုလုပ်သည့် အလုပ်ရုံဆွေးနွေးပွဲ၌ ဟောကိန်းထုတ်လိုက်သည်။

မြန်မာနိုင်ငံတွင် ၂၀၁၁ မှစတင်ကာ ၂၀၁၃ ခုနှစ်အထိ တိုးတက်မှုများကို မြင်တွေ့ရသော်လည်း ၂၀၁၄ ခုနှစ်စ၍ ပြုပြင်ပြောင်းလဲမှုများ မရှိတော့ဘဲ နှစ်ဖက်ခေါင်းဆောင် (ဦးသိန်းစိန်နှင့် ဒေါ်အောင်ဆန်းစုကြည်)တို့ ကျောခိုင်းနေကြခြင်းသည် စိုးရိမ်ရန်အချက်ဖြစ်သည်ဟု ၎င်းက ရှုမြင်ခြင်းဖြစ်သည်။

ထိုသို့ အသွင်ကူးပြောင်းရေးကို ဦးဆောင်နေသူ နှစ်ဦး ပြိုင်ဆိုင်မှုအနေအထားသို့ သိသိသာသာရောက်နေခြင်းကို ၂၀၁၅ ရွေးကောက်ပွဲမတိုင်မီ ညှိနှိုင်းနိုင်ခြင်းမရှိပါက မကျေနပ်မှုများ ပိုမိုပြင်းထန်လာနိုင်သည်ဟု အီဂေါက ယူဆသည်။

ထို့အပြင် အသွင်ကူးပြောင်းရေး ကာလအစောပိုင်းတွင် မတူညီသည့် အုပ်စုများကြား ဘာသာရေး၊ လူမျိုးရေး လှုံ့ဆော်မှုများ ပြင်းထန်လာနိုင်သည့်အတွက် လူမျိုးရေး ပဋိပက္ခများလည်း ဖြစ်ပေါ်လာနိုင်သည်ဟု ခန့်မှန်းထားသည်။

ထိုသို့သော အခြေအနေမျိုး မပေါ်ပေါက်စေရန်အတွက် ခေါင်းဆောင်နှစ်ဦးအကြား အာဏာခွဲဝေရာတွင် မျှတသည့် အပေးအယူလုပ်ရန် သဘောတူညီချက်မျိုး ရရှိသင့်သည်ဟု ဆိုသည်။

ယခုအခြေအနေအရ အာဏာရပါတီ ဘက်မှ ၂၀၁၅ တွင် အနိုင်ရမည်ဟု ယူဆလျက်ရှိပြီး၊ အနိုင်ရရှိစေရန် နည်းလမ်းပေါင်းစုံကို အသုံးပြုမည့် သဏ္ဍန်ကလည်း အထင်အရှားရှိနေသည်ဟု ဆိုသည်။

ထို့ပြင် ရွေးကောက်ပွဲ နီးကပ်လာချိန်ရောက်မှ ပီအာရ်စနစ်ကို တင်သွင်းလာခြင်းသည် နိုင်ငံရေးအရ မလိုအပ်သော ကိစ္စတစ်ခုသာဖြစ်သည်ဟု အီဂေါက သုံးသပ်သည်။ ထို့ကြောင့် လက်ရှိ အသုံးပြုနေသည့် နိုင်သူရသည့် ရွေးကောက်ပွဲစနစ်ကိုသာ ဆက်လက်ကျင့်သုံးရန် လိုသည်ဟု ၎င်းက အကြံပြုသည်။

အထူးအားဖြင့် အတိုက်အခံတို့သည် လွှတ်တော်အတွင်းသို့ရောက်နေသည့် တပ်မတော်သား ၂၅ ရာခိုင်နှုန်းနှင့် ဖွဲ့စည်းပုံပြင်ဆင်ရေးဆိုင်ရာကိစ္စများ သဘောတူညီထားရန်လိုသည်ဟု အီဂေါက ထောက်ပြသည်။

အီဂေါသည် ချက်နိုင်ငံသား နိုင်ငံရေးသိပ္ပံပညာရှင်ဖြစ်ပြီး မြန်မာနိုင်ငံတွင် အသွင်ကူးပြောင်းရေးနှင့် သက်ဆိုင်သည့် သင်တန်းများကို ပို့ချလျက်ရှိသည်။

Mizzima

ရန်ကုန်မှာလည်း အင်းလေးအစားအစာ ရပါပြီ

နိုင်ငံခြားသားဧည့်သည်တွေ မြန်မာနိုင်ငံကို အလည် အပတ်ရောက်လာကြလို့ ဒေသ အစား အစာလေးတွေ မြည်းစမ်းကြည့်လိုတယ်ဆိုရင်ဖြင့် ညွှန်းဆိုစရာ အစားအစာကို ရွေးချယ်ပေးဖို့ အနည်းငယ် အခက်အခဲတွေ့နိုင်ပါတယ်။

မြန်မာ့တိုင်းရင်းသားရိုးရာ အစားအစာတွေထဲမှာ နာမည်ရပြီး လူကြိုက်များတဲ့ အစားအစာတွေ ရှိပေမယ့် အနံ့အရသာက အစ၊ ပြင်ဆင်ချက်ပြုတ်ပုံ အလယ်၊ တည်ခင်းဧည့်ပုံအဆုံး နိုင်ငံခြားသား တွေရဲ့ ခံတွင်းနဲ့ မနောမှာ အစပ်အဟပ်တည့် စေဖို့တော့ မလွယ်ကူလှဘူးလို့ ဆိုရပါလိမ့်မယ်။

အဲဒီလို ရိုးရာအစားအစာတွေထဲကမှ စိတ်ဝင်စားဖွယ် ရွေးချယ်စရာ အစားအစာလေးတွေများတဲ့ အင်းလေးရိုးရာ အစားအစာတွေကို ရောင်းချတဲ့ “အမှတ်တရ” အင်းလေးအစားအစာဆိုင်နဲ့ ဒီတပတ်မှာ မိတ်ဆက်ပေးလိုပါတယ်။

ဆိုင်နေရာကတော့ လမ်းမတော်မြို့နယ်ထဲမှာရှိပြီး၊ ဗဟိုအမျိုးသမီးဆေးရုံကြီးအနီး၊ ဗဟိုလမ်းပေါ်မှာ ဖြစ်ပါတယ်။ “အမှတ်တရ” ဆိုတဲ့နာမည်နဲ့ အင်းလေးရိုးရာအစားအစာတွေကို ပထမဆုံး စတင်ဖွင့်လှစ် ရောင်းချခဲ့တာကတော့ ၁၉၉၈ခုနှစ်က မြို့မကျောင်းလမ်းထဲကဆိုင်ဖြစ်ပြီး အဲဒီနေရာမှာ ၂၀၀၂ခုနှစ်အထိ ဖွင့်လှစ်ခဲ့ကာ အခြားဆိုင်ခွဲတွေအပါအဝင် ဆိုင်ခွဲပေါင်း ၄ဆိုင် ဖွင့်လှစ်ခဲ့ပေမယ့် အခုအခါမှာတော့ အထက်ပါလိပ်စာမှာရှိတဲ့ ဆိုင်တဆိုင်သာ ဖွင့်လှစ်ရောင်းချ နေတယ်လို့ ဆိုင်ရှင်ဖြစ်သူ ဦးတေဇအောင်က ဆိုပါတယ်။

သူကတောင်ကြီးဇာတိဖြစ်ပြီး ဇနီးသည်က ညောင်ရွှေဇာတိဖြစ်တာမို့ စားသောက်ဆိုင်လုပ်ငန်းကို စတင်ဖို့စဉ်စားတဲ့အခါမှာ အဲဒီအချိန်အခါက ရန်ကုန်စားသောက်ဆိုင်တွေမှာ ဘယ်သူမှဖွင့်လှစ်ရောင်း ချခြင်း မရှိသေးတဲ့ ဇနီးဖြစ်သူရဲ့ဇာတိ အစားအစာဖြစ်တဲ့ အင်းလေးရိုးရာအစားအစာတွေကို အထူးပြု ရောင်းချဖို့ ရွေးချယ်ခဲ့ကြတာဖြစ်တယ်လို့ ဦးတေဇအောင်က ပြောပြပါတယ်။

ဓာတ်ပုံများ - ဂျေပိုင် / ဧရာဝတီ

ခုလက်ရှိ အင်းလေးရိုးရာအစာအစာတွေထဲမှာ နာမည်ရပြီး လူကြိုက်များနေတာကတော့ ငါးထမင်းနယ်၊ ဝက်သားချဉ်၊ ငှက်ပျောဖူးဟင်းထုပ်နဲ့ ကြက်သွန်မြိတ်ဟင်းထုပ်တွေဖြစ်ပါတယ်တဲ့။ နာမည်ကြားတာနဲ့ စိတ်မဝင်စားဘဲမနေနိုင်တဲ့ အင်းလေး ငါးရှဥ့်ဆန်လှော်ဆေးခါးဟင်းရည် နဲ့ ငါးဒုက္ခဟင်းကိုလည်း ချန်ထားလို့ မဖြစ်ပါဘူး။ ရှမ်းအစားအစာတွေ ထဲကတော့ ရှမ်းခေါက်ဆွဲ၊ ပဲပုတ်ထမင်းသုပ်၊ ပဲပုတ်ထမင်း ကြော်နဲ့ ခေါပုတ်ကြော်တို့က နာမည်ရပါတယ်။

ခေါပုတ်ကြော်

နိုင်ငံခြားသားတွေထဲကမှ ဂျပန်လူမျိုးတွေလာပြီး စားသောက်ကြတာများပြီး သူတို့က ငါးထမင်းနယ်နဲ့ ရှမ်းခေါက်ဆွဲကို အကြိုက်များသလို ဒေသခံဖောက်သည်တွေထဲကတော့ ငါးထမင်းနယ်၊ ဝက်သားချဉ်၊ ဟင်းထုပ်နဲ့ ငါးဒုက္ခတို့ကို အကြိုက်တွေ့ကြတယ်လို့လည်း သိရပါတယ်။

အင်းလေးငါးဒုက္ခဟင်းကို ပြုလုပ်ပုံက ငါးဖိန်းကို အကောင်လိုက် ရင်ခွဲပြီး ကြက်သွန်မြိတ်၊ ငါးဥ၊ ချင်း၊ ကြက်သွန်ဖြူတို့ကို အဆာသွပ်လို့ ငါးကို နှီးနဲ့တုပ်ကာ ဆီပူပူမှာကြော်ပြီးမှ ခုနကအဆာတွေကိုပဲ ခရမ်းချဉ်သီးလေးနဲ့ ဆီသတ်ထားတဲ့အနှစ်ကို ငါးကြော်အပေါ်ကနေ topping အနေနဲ့ ဖြန့်ခင်းလို့ အလှဆင် တည်ခင်းတာဖြစ်ပါတယ်။ အခုအခါမှာတော့ ပြောင်းလဲလာတဲ့ သဘာဝဝန်းကျင် အနေအထားတွေအရ အင်းလေးကန်ထဲမှာတောင် ငါးဖိန်းတွေ မျိုးသုဉ်းသလောက် ရှိနေပြီမို့ ငါးဖိန်းအစား ဇလားဘီယားငါးနဲ့သာ ရရှိပါတယ်တဲ့။

ငါးရှဥ့်ဆန်လှော်ဆေးခါးဟင်းကတော့ အောက်ပြည်မှာ ခရမ်းကစော့သီးလို့ခေါ်ပြီး အင်းလေးဒေသအခေါ် အရ ကစော့ခါးသီးလို့အမည်ရတဲ့ အသီးလေးတွေနဲ့ ဆန်လှော်မှုန့်၊ ခရမ်းသီးတို့ကို ငါးရှဥ့်အသားလွှာ ထည့်ပြီး ဆေးခါးမှုန့်ဖြူးလို့ အရည်သောက်အဖြစ် ပူပူနွေးနွေးသောက်သုံးရတာမို့ အရသာတမျိုးထူးပါတယ်။

ငါးထမင်းနယ်ကိုတော့ အင်းလေးဒေသမှာ ပြုလုပ်သလို ငါးအသားနဲ့ထမင်းကို ထမင်းသုပ်ပုံစံမျိုး တခါတည်း ရောနယ်သုပ်ထားတာမဟုတ်ဘဲ ထမင်းနယ်ကို အပြားလေးတွေပြုလုပ်ပြီးမှ နွှင်ထားတဲ့ ငါးရံ့အသားနဲ့ ဆီချက်တို့ကို အပေါ်ကဖြူးလို့ ဖက်ရွက်စိမ်းစိမ်းကလေးပေါ်မှာ အလှဆင်ထားပြီး ဂျူးမြစ်ကလေးကိုက်လို့ စားသောက်ရတာမို့ အမြင်တမျိုးဆန်းသစ်စေပါတယ်။

အဲဒီအစားအစာတွေနဲ့အတူ တောင်ကြီးဒေသစာ ကောက်ညှင်းငချိတ်နဲ့ လုပ်ထားတဲ့ ခေါပုတ်ကြော်ပူပူ ရွရွကလေးကို နှမ်းထောင်းလေးဖြူးပြီး လဲချားဒေသထွက် ပဲပုတ်မွှေးမွှေးဆိမ့်ဆိမ့်လေးနဲ့ သုပ်ထားတဲ့ ပဲပုတ်ထမင်းသုပ်ကလေးနဲ့ တွဲဖက်စားရတာကလည်း အင်မတန် လိုက်ဖက်ညီလှပါတယ်။

အစားအသောက်တွေရဲ့ ဈေးနှုန်းက ၁၀၀၀ကျပ်ကနေ ၄၀၀၀ကျပ်အတွင်းသာ ရှိတာမို့ ဈေးနှုန်းချိုသာ တယ်လို့ ပြောနိုင်ပါတယ်။ ဆိုင်ရဲ့ အပြင်အဆင်ကလည်း နှီးတောင်းကလေးတွေနဲ့ ဝိုင်အရက်စည် ကလေးတွေကို မျက်နှာကျက်နဲ့ နံရံတွေပေါ်မှာ ချိတ်ဆွဲအလှဆင်ပြီး ဒေသရနံ့တွေ အတတ်နိုင်ဆုံး ရရှိအောင် အားထုတ်ထားပုံရပါတယ်။ ဒါပေမယ့် လမ်းမကြီးရဲ့နံဘေးမှာ ဟင်းလင်းဖွင့်တည်ရှိတဲ့ ဆိုင်အနေအထားကြောင့် ဖြတ်သွားဖြတ်လာကားတွေရဲ့ ဆူညံသံနဲ့ အိတ်ဇောမီးခိုးနံ့တို့ကိုတော့ ရံဖန်ရံခါ ခံစားရနိုင်ပါတယ်။ မှန်အလုံပိတ် အဲကွန်းတပ်ဆိုင်ခန်းတခုသာဆိုရင်ဖြင့် နားအေးပါးအေး စားသောက် လိုသူ ပြည်တွင်းဧည့်သည်တွေနဲ့ နိုင်ငံခြားသား ဖောက်သည်တွေအတွက် ပိုပြီး အဆင်ပြေစေမယ်လို့ ထင်မြင်မိပါတယ်။

အမှတ်တရဆိုင်က ရောင်းချနေတဲ့ အစားအသောက်တွေအတွက် ကုန်ကြမ်းအများစုကို တောင်ကြီးကနေပဲ လှမ်းပြီးမှာယူ သုံးစွဲတယ်လို့လည်း ဦးတေဇအောင်ကဆိုပါတယ်။ အမှတ်တရဆိုင်ကနေ အထက်ပါ အင်းလေးနဲ့ တောင်ကြီး ဒေသအစားအစာတွေကို ရရှိနိုင်သလို လက်ဖက်ခြောက်၊ ပဲပုတ်၊ ငရုပ်သီးမှုန့်၊ ဆီတို့ဟူးနဲ့ ဝိုင်လို ဒေသထွက်ကုန်တချို့ ကိုလည်း ရောင်းချပေးထားတာတွေ့ရပါတယ်။ အင်းလေးနဲ့ တောင်ကြီးရဲ့ အငွေ့အသက်တွေကို ပိုပြီးပြည့်စုံသွားချင် သူတွေအတွက် ကမ္ဘောဇဝိုင်ပုလင်းတွေကိုလည်း ရောင်းချပေးနေတာမို့ အဲဒီလို ဒေသစာတွေကို မြည်းစမ်းကြည့်ချင်လို တယ်ဆိုရင်ဖြင့် “အမှတ်တရ” အင်းလေးအစားအစာနဲ့ ရှမ်းခေါက်ဆွဲဆိုင်ကို ဒီစာမျက်နှာကနေ ညွှန်းဆိုပေးလိုက်ရပါတယ်။ 

အကိုက်အခဲ ပျောက်ဆေးတွေရဲ့ နောက်ဆက်တွဲ ဆိုးကျိုးတွေကို သတိမူမိကြစေဖို့

ခန္ဓာရှိရင် ဝေဒနာရှိတယ် ဆိုတဲ့ စကားက ငြင်းလို့မှ မရနိုင်ပေပဲ။ ပုထုဇဉ် အတွက် ဝေဒနာမဲ့ ငြိမ်းချမ်းနေတဲ့ အချိန်ကာလ ဆိုတာ မရှိနိုင် ပါဘူး။ ရုပ်မှာ၊ စိတ်မှာ တစုံတရာတော့ ခံစားနေကြရတာပဲ မဟုတ် လား။ ခန္ဓာကိုယ်မှာ အဖြစ်များဆုံးလို့ ဆိုရမယ့် ဝေဒနာ ကတော့ နာကျင် တာ၊ ကိုက်ခဲတာ လို့ ဆိုရင် လက်ခံကြမယ် ထင်ပါရဲ့။

ခေါင်းကိုက်တယ်၊ အဆစ်အမြစ်တွေ ကိုက်တယ်၊ ကိုယ်တွေ လက်တွေ နာကျင်တယ်ဆိုတာက လူတိုင်းနီးပါး ကြုံနေကြရ တာပါပဲ။ အဖျားကြောင့်၊ အနာတရကြောင့် ကိုက်ခဲနာကျင်တာ သာမက အကြောင်းမဲ့ နာကျင်ကိုက်ခဲမှုတွေကိုလည်း ကြုံနေကျ ဖြစ်မှာပါ။

ဒီတော့ အဲဒီလို အဖြစ်များလှတဲ့ အကိုက်အခဲ ဝေဒနာ အတွက် သက်သာပျောက်ကင်း စေမယ့် အကိုက်အခဲ ပျောက်ဆေးတွေ ပေါ်ပေါက်လာကြတာပေါ့။ သာမန် ပါရာစီတမောလ်လို ဆေးတွေကနေ ပိုပြီးထိရောက်တဲ့ စတီရွိုက်ဟော်မုန်း မပါတဲ့ နာကျင် ကိုက်ခဲ ပျောက် ဆေးတွေက ကွမ်းယာဆိုင်လိုမျိုးတွေ အထိပါ တွင်ကျယ်လာကြ ပါတယ်။

ဒီနိုင်ငံမှာကလည်း ဆေးကို ဆရာဝန် ညွှန်ကြားချက်နဲ့မှ ရောင်းရတယ်လို့ ပြောရင် စိတ်မှ မှန်ရဲ့လားလို့ အထူးအဆန်း တအံ့တဩ ပြန်ကြည့်တတ်တဲ့ တိုင်းပြည် ဖြစ်လေတော့ လမ်းဘေး ကွမ်းယာဆိုင်က အစ ဆေးဆိုင်အကြီးကြီးတွေ အဆုံး လိုချင်တဲ့ ဆေးကို လိုသလို ဝယ်လို့ရနေတာ မဆန်းပါဘူး။

မူးယစ်ဆေးနဲ့ နွယ်တာတွေကိုသာ လက်သိပ်ထိုး ရောင်းကြပြီး ကျန်တာကတော့ လွတ်လွတ်လပ်လပ်ပါပဲ။ တခါတလေ ဆေးဝယ် သူက ဝေဒနာပြော၊ ကျန်းမာရေးဝန်ထမ်း မဟုတ်တဲ့ ဆေးရောင်းသူက စိတ်ထင်တာ စပ်ဟပ်ပေးပြီး ရောင်းသူ ဝယ်သူ ဟုတ်နေကြပြန် ပါရော။

တကယ်တော့ စတီးရွိုက် မပါတဲ့ ကိုက်ခဲနာကျင်မှု သက်သာစေတဲ့ ဆေး (Non-steroidal Anti Inflammatory Drugs – NSAIDS) တွေက အစွမ်းထက်ပြီး ဆီလျော်တဲ့ ရောဂါကုသရာမှာ အဖိုးတန်လှ ပါတယ်။ ဒါပေမယ့် အဲဒီ ဆေးတွေကို ကိုယ့်ဘာသာ သောက်ရမယ့် ဆေးအဖြစ်တော့ မမှတ်ယူ စေချင်ပါဘူး။ ဒီဆေးတွေကို ဆရာဝန် ညွှန်ကြားချက်နဲ့ ရောဂါရဲ့ သဘာဝအပေါ် မူတည်ပြီး သောက်သုံးရမယ့် ကာလ၊ ပမာဏတွေကို ချင့်ချိန်တွက်ဆရ မှာပါ။

ဆေးတိုင်းမှာ ဘေးထွက်ဆိုးကျိုးတွေ ရှိပါတယ်။ အဲဒီ အကိုက်အခဲပျောက် ဆေးတွေကလည်း သာမန်ဆိုးကျိုးကနေ အသက်အန္တရာယ် အထိ ဖြစ်နိုင်တဲ့ ဆိုးကျိုးတွေ ပေးတတ်တာမို့ ကျွမ်းကျင်သူရဲ့ စောင့်ကြပ်ထိန်းသိမ်းမှု လိုအပ်တာ အမှန်ပါ။

မြန်မာနိုင်ငံမှာ အခုလက်ရှိအသုံးများပြီး အလွယ်တကူလည်း ဝယ်ယူလို့ရနိုင်တဲ့ အကိုက်အခဲပျောက် ဆေးအပြင်းစားတွေကို ကြည့် ရင် ဗော်လ်ထရင် (Diclofenac)၊ ဘရူဖင် (Ibuprofen)၊ အင်ဒိုဆင် (Indomethacin)၊ ဒေါ်လ်ဖီနယ်လ် (Mefenamic) တွေကို တွေ့ရမှာပါ။ ဒီဆေးတွေက ဆေးဆိုင်တွေမှာ အလွယ်နဲ့ ဝယ်ယူနိုင်ကြတဲ့ Over-the-counter (OTC) လို့ ခေါ်ကြတဲ့ စာရင်းဝင်တွေ ပါ။ ဒီဆေးတွေဟာ တကယ်တော့ ပါရာစီတမောလ်လို သာမန် ဖျားနာကိုက်ခဲ ပျောက်ဆေး မဟုတ်ကြပါဘူး။ သူတို့ရဲ့ ဘေးထွက် ဆိုးကျိုး တွေကလည်း ပြင်းထန်လေ့ ရှိပါတယ်။

အတွေ့ရများတဲ့ ဘေးထွက်ဆိုးကျိုးများ

ဒီဆေးတွေမှာ အတွေ့ရ အများဆုံး ဘေးထွက် ဆိုးကျိုးကတော့ အစာအိမ်နဲ့ အူလမ်းကြောင်းမှာပါပဲ။ အဖြစ်များတာ တွေကို လေ့လာကြည့်ရင် -

• အစာမကြေဖြစ်တာ၊ ရင်ပူတာ

• အစာအိမ်နဲ့ အူလမ်းကြောင်းမှာ အနာဖြစ်စေတာတွေ ဖြစ်တတ်ပါတယ်။ အစာအိမ် အနာကနေ နောက်ဆက်တွဲ အဖြစ် အစာအိမ်နဲ့ အူလမ်းကြောင်းမှာ သွေးယိုစေ ပါတယ်။ သွေးအန်ပြီး ကတ္တရာစေးလို ဝမ်းမည်းမည်းတွေ သွားတတ်ပါတယ်။

• ကိုယ်တွင်း သွေးယိုစိမ့်မှုကနေ သွေးအားနည်းရောဂါ ရတတ်ပါတယ်။ အဲဒီအခါ မောပန်းလွယ်တာ၊ အသက် ရှူရ ခက်ခဲတာတွေ ဖြစ်လာတတ် ပါတယ်။

• အစာအိမ် ဒါမှမဟုတ် အူလမ်းကြောင်းမှာ ရှိတဲ့ အနာက ပေါက်ထွက်သွားတတ်ပါတယ်။

အသင့်အတင့်ဖြစ်တတ်တဲ့ ဘေးထွက်ဆိုးကျိုးများ

သုတေသနပြုချက် တွေအရ ဒီဆေးတွေ သောက်သုံးသူ ၁၀ ယောက်မှာ တယောက်က ခေါင်းကိုက်ဝေဒနာ ရတတ်ပါတယ်။ ခေါင်း မူးဝေ နောက်ကျိတာ၊ အိပ်ငိုက်တာတွေလည်း ကြုံတတ်တာမို့ ဆေးသောက်ပြီး ယာဉ်မောင်းတာ၊ စက်ကိရိယာတွေ မောင်းနှင်တာ မလုပ်သင့်ဘူး လို့ ဆိုပါတယ်။

ရှားရှားပါးပါး ဘေးထွက်ဆိုးကျိုးများ

အဖြစ် မများပေမယ့် တွေ့ရတတ်သေးတဲ့ ဘေးထွက်ဆိုးကျိုး တွေကတော့ နှလုံးနဲ့ သွေးလည်ပတ်မှုကို ထိခိုက်စေလို့ ပါပဲ။ အဲဒီအခါ ကျရင် တွေ့ရတတ်တာတွေက

• နှလုံးရဲ့ လုပ်ငန်းဆောင်တာဖြစ်တဲ့ ခန္ဓာကိုယ် အနှံ့ကို သွေးညှစ်ထုတ်မှု ချွတ်ယွင်းတာ

• နှလုံးတိုက်ခိုက်ခံရတာ (သွေးကြောပိတ်ဆို့ တာမျိုးပေါ့)

• သွေးပေါင်ချိန်တက်တာ၊ သွေးတိုးတာ

• လေဖြတ်တာတွေ ပါပဲ။

အထူးသဖြင့် နှလုံးရောဂါအခံ ရှိနေသူတွေ၊ ကျောက်ကပ်နဲ့ အသည်းရောဂါ ရှိနေသူတွေမှာ ဒီဆေးတွေက ပိုပြီး ဒုက္ခပေးတတ် ပါတယ်။

အခုနောက် ပိုင်းမှာတော့ အဲဒီအန္တရာယ်တွေ နည်းပါးအောင် စီမံထားတဲ့ NSAID ဆေးတွေ ထုတ်လာကြ ပေမယ့် ရာနှုန်းပြည့် စိတ် ချ လက်ချ သောက်သုံးဖို့တော့ မဖြစ်နိုင်သေးပါဘူး။ တတ်ကျွမ်းတဲ့ ဆရာဝန်က ဆီလျော်အောင် စပ်ဟပ်ပြီး ညွှန်ကြားပေးခြင်းဖြင့် ဘေးထွက်ဆိုးကျိုး အန္တရာယ်တွေ နည်းပါးအောင်တော့ လုပ်နိုင်ပါတယ်။ တချို့ ဘေးထွက်ဆိုးကျိုးတွေက သိပ်မဆိုးပေမယ့် တချို့ကျတော့လည်း ပြင်းထန်လွန်းတာကို အမြဲသတိချပ် နေရမှာပါ။

ဒီလိုဆိုးကျိုးတွေကြောင့် ဒီဆေးတွေကို လုံးဝရှောင်ကြဉ်ပစ်ဖို့ ဆိုလိုတာ မဟုတ်ပါဘူး။ သက်ဆိုင်ရာ ရောဂါ အတွက် အစွမ်းထက် တဲ့ ဆေးတွေကို သက်ဆိုင်ရာ ဆရာဝန်က ညွှန်ကြားရင်တော့ သောက်သုံးနိုင်ပါတယ်။ ဆရာဝန်တွေ ကလည်း ဒီဆေးတွေ ပေးတဲ့ အခါ အစာအိမ် ထိခိုက်နာကျင်မှု နည်းစေဖို့ အစာအိမ်အတွက် ကာပြီးပေးတဲ့ ဆေးတွေ တွဲစပ်ပေး ကြပါတယ်။

ဒါမှမဟုတ် အစာအိမ်ထိခိုက်မှုနည်းတဲ့ နောက်ပေါ်ဆေးတွေ သုံးကြပါတယ်။ အကိုက်အခဲ ပျောက်ဆေးတွေကို အစာနဲ့သာ သောက် သုံးဖို့ ကိုလည်း အမြဲစွဲမှတ်ထား စေချင်ပါတယ်။

ဆေးပမာဏကိုလည်း နားလည်တတ်ကျွမ်းတဲ့ ဆရာဝန်ကသာ ချိန်ဆပေးနိုင်မှာပါ။ ဒါ့အပြင် နှလုံး၊ သွေးတိုး၊ ကျောက်ကပ်၊ အသည်း ရောဂါတွေ ရှိနေရင်လည်း ဆေးပမာဏကို သာမန်ထက် လျှော့ချပေးရ လေ့ရှိပါတယ်။ နောက်ပြီး ဒီဆေးတွေက တခြား ဆေးတမျိုးမျိုး ဒါမှမဟုတ် ဆေးအများနဲ့ ဖြစ်စေ၊ တခြားအကိုက်အခဲပျောက် ဆေးတွေနဲ့ ဖြစ်စေ တွဲဖက်သောက်သုံးရင်လည်း မလိုလားအပ်တဲ့ ဓာတ်ပြုမှုနဲ့ ဆိုးကျိုးတွေဖြစ်စေပါတယ်။

အတွေ့အကြုံအရ ဆိုရင် ကွမ်းယာဆိုင်တွေနဲ့ တချို့ဆေးဆိုင်တွေမှာ NSAID အနည်းဆုံး ၂ မျိုး ၃ မျိုးနဲ့ အခြား စတီးရွိုက်တွေပါ ရောစပ်ပြီး အတွဲလိုက် ရောင်းနေကြတာ တွေ့ရသလို အဲဒီဆေးတွေကြောင့် အစာလမ်းကြောင်း သွေးယိုတာ၊ အစာအိမ်ပေါက်တာ တွေကို အသက်လုရတာတွေ၊ အချိန်မမီလို့ အသက်ဆုံးရှုံးရတာတွေ အများကြီး ကြုံခဲ့ဖူး ပါတယ်။

ဆရာဝန်သက်တမ်း အတွေ့အကြုံအရ ဘယ်လောက်ပဲ ဆရာဝန် ညွှန်ကြားချက်နဲ့ သောက်ဖို့ပြောပေမယ့် ဟောရင်းသာ ပျံတော်မူ မယ့်ကိန်း အမြဲကြုံနေရတဲ့ ဒီ အကိုက်အခဲ ပျောက်ဆေးတွေကို ကိုယ့်သဘောနဲ့ ကိုယ် သောက်ရင် ဖြစ်စေ၊ ဆရာဝန် ညွှန်ကြားလို့ သောက်ရင်ဖြစ်စေ အထူးသတိပြုရမယ့် အခြေအနေတွေကို သိထားသင့် ပါတယ်။

• ဓာတ်မတည့် လက္ခဏာဖြစ်တဲ့ အသက်ရှူကျပ်တာ၊ အသက်ရှူရင် ရင်ကျပ်ပန်းနာလို တရွှီရွှီ အသံမြည်လာတာ၊ အရေပြားမှာ အဖုအပိမ့်တွေ ထွက်လာတာ၊ မျက်ခွံတွေ ယောင်လာတာ၊ နှလုံးခုန်မြန်လာတာမျိုး၊

• အမြင်အာရုံ ဝေ၀ါးလာတာမျိုး၊

• ခေါင်းမူးဝေ ကိုက်ခဲလာတာ၊ စိတ်ရှုပ်ထွေး လာတာ၊ စိတ်ဓာတ်ကျလာတာ၊

• မျက်လုံးတွေ ဝါလာတာ၊

• ဆီးအရောင် နောက်လာတာ၊ သွေးပါလာတာ၊ ဆီး အရမ်းနည်းလာတာနဲ့ ခြေထောက်တွေ ဖောယောင်လာတာမျိုး ဖြစ်လာတာ

• အကြားအာရုံ ချွတ်ယွင်းပြီး နားတွေ အူလာတာ… စတဲ့လက္ခဏာတွေ ခံစားလာရရင် ချက်ချင်း အရေးပေါ် ကုသမှု ခံယူဖို့ လိုအပ် လာပြီ ဆိုတာ သတိရှိပါ။

တကယ်လို့ ဒီဆေးတွေကို သောက်မယ့်သူဟာ ကိုယ်ဝန်ဆောင် ဆိုရင်၊ ဒါမှမဟုတ် ကိုယ်ဝန်ဆောင်ဖို့ အစီအစဉ် ရှိနေပြီ ဆိုရင် လည်း ဒီဆေးတွေ သောက်ဖို့ ဆရာဝန်ရဲ့ ညွှန်ကြားချက်က အရေးကြီးပါတယ်။

ဆိုခဲ့တဲ့အတိုင်း လွယ်လင့်တကူ ဝယ်လို့ရတယ် ဆိုပြီး ထစ်ခနဲ ကိုယ်လက်ကိုက်ခဲ နာကျင်တိုင်း အကိုက်အခဲပျောက် ဆေးတွေကို ပဲလှော်ဝါးသလို ဝါးနေတာဟာ ကိုယ့်သေတွင်း ကိုယ်တူးနေတာပဲ ဆိုတာ သတိချပ်ကြ စေချင်ပါတယ်။

ဒါကြောင့် ဆရာဝန်ညွှန်ကြားချက်နဲ့သာ ဆေးသောက်ပါ။ ဆေးသောက်ရင်း ဘေးထွက်ဆိုးကျိုးတွေ ဖြစ်လာရင်လည်း ချက်ချင်း ကုသမှုခံယူဖို့ ဦးခေါင်းထဲမှာ အမြဲ စွဲမှတ်ထားကြရင်ဖြင့် အကိုက်အခဲပျောက် ဆေးတွေ ကြောင့် ကြုံရမယ့် အသက်ဘေးကို လျော့နည်းစေမှာပါ။

ကိုယ့်ရဲ့ ကျန်းမာရေးကို လမ်းဘေး ဆေးဆိုင်တွေမှာ ပုံအပ်ထားမယ့်အစား ကျွမ်းကျင်သူတွေနဲ့ တိုင်ပင်ကုသရင်း သက်ရှည်ကျန်းမာ နေနိုင်ကြပါစေကြောင်း။ ။