ဖွဲ့စည်းပုံ အခြေခံဥပဒေ ပြန်လည်သုံးသပ်မှု လျှို့ဝှက် ဆောင်ရွက်မည်

၂၀၀၈ ခုနှစ်တွင် စစ်အစိုးရက ရေးဆွဲပြဋ္ဌာန်း ခဲ့ သော ဖွဲ့စည်းပုံအခြေခံဥပဒေ ပြန်လည် လေ့လာ သုံးသပ်မှုကို ၄ လအတွင်းအပြီး လျှို့ဝှက် ဆောင် ရွက်ရန် ယနေ့ နေပြည်တော်တွင် ကျင်းပသော ပြည်ထောင်စု လွှတ်တော် အစည်းအဝေးက ကန့်ကွက် သူမရှိ အတည်ပြု ဆုံးဖြတ်လိုက်ကြောင်း သိရှိရသည်။

ပြည်ထောင်စုလွှတ်တော် ဒုတိယ နာယက ဦးနန္ဒ ကျော်စွာက ဥက္ကဋ္ဌ အဖြစ်ဆောင်ရွက်သော ၂၀၀၈ ခုနှစ် ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်း ကော်မတီသည် အခြေခံဥပဒေ ကို အပိုင်းလိုက် လေ့လာသုံးသပ် သွားမည် ဖြစ်ပြီး နိုင်ငံ တိုးတက်ဖွံ့ဖြိုးတိုးတက်ရေး တည်ဆောက်နိုင်သော ခေတ်မီ ဥပဒေ ဖြစ်ပေါ်လာရေး၊ အမျိုးသား စည်းလုံး ညီညွတ်ရေး နှင့် ထာဝရငြိမ်းချမ်းရေး ဖော်ဆောင်နိုင်ရေး၊ ဒီမိုကရေစီ စနစ် ရှင်သန်ခိုင်မာ ရေးတို့ကို အခြေခံမူ အဖြစ် သတ်မှတ်ထားကြောင်း သိရှိရသည်။

ဖွဲ့စည်းပုံအခြေခံဥပဒေ လေ့လာသုံးသပ်ရေး ပူးပေါင်း ကော်မတီသည် အခြေခံဥပဒေ လေ့လာသုံးသပ်ရေး လုပ်ဆောင် ရာတွင် ပြင်ပသို့ ပေါက်ကြားမှု မရှိစေရန် လျှို့ဝှက် ဆောင်ရွက်ရမည်ဖြစ်ပြီး လေ့လာသုံးသပ်မှု အစီရင်ခံစာကို ၂၀၁၃ ခုနှစ်၊ ဒီဇင်ဘာလ ၃၁ ရက်နေ့မတိုင်မီ လွှတ်တော်သို့ တင်ပြရမည်ဖြစ်ကြောင်း၊ ဖွဲ့စည်းပုံ အခြေခံဥပဒေ လေ့လာသုံးသပ်ရာတွင် အမြင်သဘောထား များကို လွတ်လပ်စွာ ပြောဆိုဆွေးနွေးပိုင်ခွင့်ရှိပြီး ထိုသို့ ပြောဆို ဆွေးနွေးမှုအတွက် ဥပဒေအရ အရေးယူခံရခြင်းမှ ကင်းလွတ် ခွင့်ရှိသည်ဟု သိရှိရသည်။

အခြေခံဥပဒေ သုံးသပ်ရေး ပူးပေါင်းကော်မတီသည် နိုင်ငံတော်၏ သမိုင်းကြောင်း၊ လက်ရှိဖြစ်ပေါ်နေသော နိုင်ငံတော်၏ နိုင်ငံရေး စီးပွားရေး လူမှုရေး အခြေအနေ၊ ပြည်သူတို့၏ နိုင်ငံရေးအသိ ရင့်ကျက်မှု အခြေအနေ တိုင်းရင်းသား စည်းလုံးညီညွတ်မှု အခြေအနေ၊ တရားဥပဒေစိုးမိုးရေးနှင့် တည်ငြိမ် အေးချမ်းရေး တို့ကို အဓိကထား သုံးသပ်မှုပြု လုပ်မည်ြဖစ်ပြီး အကျိုး မဖြစ်ထွန်းနိုင်သော အငြင်းပွားဖွယ်ရာ ပြဋ္ဌာန်းချက်များထက် နိုင်ငံတော်အတွက် အကျိုးရှိပြီး ပြည်သူများလိုလားသည့် ပြဋ္ဌာန်းချက်များကို ဦးစားပေး လေ့လာသုံးသပ်ရမည် ဖြစ်ကြောင်း၊ ၂၀၀၈ ဖွဲ့စည်းပုံ အခြေခံဥပဒေတွင် ပါရှိသော်လည်း လက်တွေ့ဆောင်ရွက်နိုင်ခြင်း မရှိသည့် ကိစ္စရပ်များကို လေ့လာ ဆန်းစစ်ဖော်ထုတ် မည်ဖြစ်ကြောင်း၊ အုပ်ချုပ်ရေး ယန္တရား အဆင့်ဆင့်သည် ဒီမိုကရေစီစနစ်နှင့် ပိုမို ကိုက်ညီရေးအတွက် လေ့လာ သုံးသပ် တင်ပြမည်ဖြစ်ပြီး ပြည်သူတို့ ယုံကြည်အားထားရမှုကို ရရှိသော တရားစီရင်ရေးစနစ် ဖြစ်ပေါ်လာရေး အတွက် လေ့လာ သုံးသပ် တင်ပြမည်ဟု သိရှိရသည်။

အမျိုးသား ဒီမိုကရေစီအဖွဲ့ချုပ်မှ ပြည်သူ့လွှတ်တော် ကိုယ်စားလှယ် ဒေါက်တာဇော်မြင့်မောင်က”NLD အနေနဲ့ ဖွဲ့စည်းပုံ အခြေခံ ဥပဒေမှာ ပြင်ချင်တဲ့ အချက်တွေကို ပူးပေါင်းကော်မတီ ကိုတင်ပြမယ်။ ကော်မတီမှာ ညှိုနှိုင်းဆွေးနွေးမှုတွေ လုပ်ရမှာပဲ။ ဘာတွေပြင်နိုင်မလဲဆိုတာက ဆွေးနွေးညှိုနှိုင်းမှု တွေပေါ်မှာပဲ မူတည်ပါတယ်။ ကော်မတီမှာ ဆွေးနွေးမှုတွေက မပေါက်ကြားဖို့ လျှို့ဝှက်ဆိုတာကတော့ ပူးပေါင်းကော်မတီရဲ့ မူပဲလေ” ဟု ဧရာဝတီသို့ သုံးသပ်ပြောဆိုသည်။

အခြေခံဥပဒေ လေ့လာသုံးသပ်ရေး ကော်မတီတွင် အာဏာရ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ လွှတ်တော် ကိုယ်စားလှယ် ၅၂ ဦး၊ တပ်မတော်သားလွှတ်တော်ကိုယ်စားလှယ် ၂၅ ဦး၊ အမျိုးသား ဒီမိုကရေစီအဖွဲ့ချုပ်မှ လွှတ်တော် အမတ် ၇ ဦးနှင့် တိုင်းရင်းသား လွှတ်တော် ကိုယ်စားလှယ်များ အပါ အ၀င် စုစုပေါင်း ၁၀၉ ဦးပါဝင်သည်။

Credit : http://burma.irrawaddy.org/archives/47112

မြန်မာတိုင်းမ် ရပ်ဆိုင်းရန် ဒေါက်တာ တင်ထွန်းဦးတို့ ဇနီးမောင်နှံ တရားရုံးသို့ လျှောက်တင်

အင်္ဂလိပ်၊ မြန်မာ ၂ ဘာသာဖြင့် ထုတ်ဝေလျှက် ရှိသော မြန်မာတိုင်းမ် ဂျာနယ်ကို ရပ်ဆိုင်းရန်နှင့် ယင်းဂျာနယ် ထုတ်ဝေနေသော Myanmar Consolidated Media (MCM) Co., Ltd. ကုမ္ပဏီ ကို ဖျက်သိမ်းရန် အဆိုပါ ကုမ္ပဏီမှ ဒါရိုက် တာများ ဖြစ်ကြသော ဒေါက်တာတင်ထွန်းဦးနှင့် ဒေါက်တာ ခင်မိုးမိုးတို့က ရန်ကုန်အနောက်ပိုင်းခရိုင် တရားရုံး သို့ လျှောက် ထားလိုက်ကြောင်း သိရသည်။

ယခုနှစ် သြဂုတ်လ ၁၂ ရက်နေ့တွင် အနောက်ပိုင်းခရိုင် တရားရုံးသို့ ၂၀၁၃ ခုနှစ် တရားမ အထွေထွေ အမှုအမှတ် ၁၅၁ ဖြင့် လျှောက်ထားခဲ့ခြင်း ဖြစ်ကြောင်း၊ ဂျာနယ်ကိုရပ်ဆိုင်းရန်အတွက် တားမြစ်အမိန့်ပါ တပါတည်း တင်ထားပြီးဖြစ်ကြောင်း လျှောက်ထားသူများ ဘက်မှ အကျိုးဆောင်ပေးနေသည့် တရားလွှတ်တော်ရှေ့နေ ဦးကျော်မြင့်က ဧရာဝတီသို့ ပြောသည်။

“တရားရုံးကို ရောက်တယ်ဆိုကတည်းက အားလုံး ချေပခွင့် ရှိပါတယ်။ ဒီတားမြစ်အမိန့်ကိုရော၊ ကုမ္ပဏီ ဖျက်သိမ်းဖို့ လျှောက်တာ ကိုရော တဘက်ကလည်း ချေပခွင့်ရှိပါတယ်။ ကျနော်တို့ကို ကုမ္ပဏီ ဖျက်သိမ်း ချင်တယ်လို့ တရားစွဲခိုင်းလို့ စွဲတာပဲ။ ဥပဒေ အတိုင်းပဲ လုပ်သွားတာပါ။ ကျနော်တို့က တရားရုံးကိစ္စတွေ ဆိုတော့ သိပ်ပြောလို့မရပါဘူး။ ကျနော်တို့ ပြောလိုက်လို့ တရား ရုံးဘက်ကရော၊ အမှုရင်ဆိုင်ရမယ့် တခြားဘက်တွေကရော တမျိုးမြင်သွားမှာ မလိုလားပါဘူး” ဟု ၎င်းက ဆိုသည်။

အဆိုပါ ကိစ္စနှင့် ပက်သက်ပြီး ဒေါက်တာတင်ထွန်းဦးနှင့် ဒေါက်တာ ခင်မိုးမိုးတို့ ကြွေးမြီးရှင် ဘက်မှ စာရင်းရှင်း၊ ကုမ္ပဏီ ဖျက်သိမ်းလိုကြောင်း ကြေညာချက်ကိုသာ သိထားပြီး မည်သို့ လျှောက်ထားသည် ဆိုသည့် အသေးစိတ်ကို မသိရသေး သောကြောင့် မည်သို့ဆက်လက် ဆောင်ရွက်မည်ကို မပြောနိုင် သေးကြောင်း MCM Co., Ltd. ကုမ္ပဏီ ဒါရိုက်တာ အဖွဲ့ဝင် ရှေ့နေ ဦးမင်းစိန်က ဧရာဝတီသို့ ပြောသည်။

၎င်းတို့ အနေဖြင့် မြန်မာတိုင်းမ် ဂျာနယ် ထုတ်ဝေမှုကို ရပ်ဆိုင်းရန် တဘက်က တင်ပြထားသည်ကိုလည်း မသိရ သေးကြောင်း၊ တဘက်ရှေ့နေထံမှ လျှောက်ထားမှု အသေးစိတ်ကို သိရပြီးမှသာ မည်သို့ ဆက်လက် ဆောင်ရွက်သွားမည်ကို ဆုံးဖြတ်မည် ဖြစ်ကြောင်း ၎င်းက ဆိုသည်။

“ကုမ္ပဏီ နည်းဥပဒေအရ ကျနော်တို့ လျှောက်ထားမှု အသေးစိတ်ကို တောင်းရဦးမယ်။ သတင်းစာထဲ ပါသလောက်ကတော့ အကြွေးရစရာရှိလို့ စာရင်းရှင်းမယ့် သဘောမျိုးလောက်ပဲ ရှိသေးတယ်။ အဲဒီ လျှောက်လွှာကို တိတိကျကျ သိရတော့မှ သူတို့မှာ ဂျာနယ်ထုတ်ဝေမှုကို တားမြစ်ခွင့်ရှိ၊ မရှိ၊ ကုမ္ပဏီ ဖျက်သိမ်းကိစ္စကိုလည်း ဘယ်လို ဆက်လုပ်မယ်ဆိုတာ ပြောလို့ ရမယ်။ အခုအချိန်အထိ ကျနော်တို့ ဘက်က အသေးစိတ် ဘာမှ ပြောလို့မရသေးပါဘူး” ဟု ၎င်းက ဆက်ဆိုသည်။

မြန်မာတိုင်းမ် ဂျာနယ်၏ ရှယ်ယာ ၅၁ ရာခိုင်နှုန်းပိုင်ဆိုင်သော မိမိ တို့နှင့် ၄၉ ရာခိုင်နှုန်း ပိုင်းဆိုင်သော နိုင်ငံခြားသား မစ္စတာ ရော့စ် ဒန်ကလေတို့ အကြား ရှယ်ယာကိစ္စများနှင့် မည်သို့မျှ ညှိနှိုင်း ဆောင်ရွက်၍ မရတော့သောကြောင့် ကုမ္ပဏီကို တရားရုံး၏ အဆုံးအဖြတ်ဖြင့် ဖျက်သိမ်းရန် စီစဉ်ရခြင်း ဖြစ်ကြောင်း ဒေါက်တာ ခင်မိုးမိုးက ဧရာဝတီသို့ ပြောသည်။

မိမိတုိ့ လက်ဝယ် ပိုင်ဆိုင်ထားသော ရှယ်ယာများကိုလည်း ရောင်းချ၍ မရသည့်အတွက် ထိုသို့ ဖြစ်လာရခြင်း ဖြစ်ကြောင်း၊ရှယ်ယာများကို မစ္စတာ ရော့စ် ဒန်ကလေ ဘက်မှ ရှင်းလင်းပေးရန် လက်တွေ့ ဖြစ်မလာသောကြောင့် ဖြစ်ကြောင်း ၎င်းက ဆိုသည်။

“ညှိလို့ရခဲ့ရင်တော့ ဒီအခြေအနေ ဘယ်ဖြစ်လာမလဲ။ အခုတော့ တရားရုံး ဆုံးဖြတ်ချက် မကျသေးခင်မှာ စကားဦးသန်းတဲ့ စကားမျိုး မပြောချင်ဘူး။ တရားရုံးကို စော်ကားသလို ဖြစ်မှာစိုးလို့။ ကုမ္ပဏီကို အပြီး ဖျက်သိမ်းလိုက်ချင်တဲ့ ဆန္ဒတော့ မရှိပါ ဘူး။ ဒီလောက်ကောင်းတဲ့ အလုပ်တခုကို မဖြစ်လွန်းလို့သာ လုပ်ရတာပါ” ဟု ၎င်းက ဆက်ပြောသည်။

ထိုသို့ ကုမ္ပဏီကိုပါ ဖျက်သိမ်းရန်အထိ ဆောင်ရွက်ခြင်းသည် ကောင်းမွန်သော လုပ်ရပ်တခု မဟုတ် ကြောင်း၊ တကယ် ဖျက်သိမ်းသည် ဖြစ်စေ၊ မဖျက်သိမ်းသည် ဖြစ်စေ ၀င်ရောက် လုပ်ကိုင်နေသော ၀န်ထမ်းများ၏ စိတ်ဓာတ် ရေးရာများကို ထိခိုက်စေသော လုပ်ရပ်ဖြစ်ကြောင်း မြန်မာတိုင်းမ် သတင်း ဌာနကို စတင် တည်ထောင်သူများထဲတွင် တဦး အပါအ၀င် ဖြစ်သည့် ဦးဆန်နီဆွေက ဧရာဝတီသို့ ပြောသည်။

ဦးဆန်နီဆွေသည် ၂၀၀၄ ခုနှစ် စစ်ထောက်လှမ်းရေး လက်ထက်တွင် စာပေစိစစ်ရေး၏ ခွင့်ပြုချက် မယူဘဲ ဂျာနယ်တွင် သတင်းဖော်ပြမှုဖြင့် ဖမ်းဆီးခံခဲ့ရပြီး ၂၀၀၅ ခုနှစ် ဧပြီတွင် ၎င်းကို ထောင်ဒဏ် ၁၄ နှစ် ချမှတ်ခဲ့ရကာ ယခုနှစ် ဧပြီတွင် ပြန်လည် လွတ်မြောက်လာသူ ဖြစ်သည်။

၎င်းအနေဖြင့် ၂၀၀၅ ခုနှစ်ကတည်းက မြန်မာတိုင်းမ် တွင် ရှယ်ယာပိုင်ဆိုင်မှု မရှိခဲ့သောကြောင့် အကျဉ်း ကျနေမှုမှ လွတ်မြောက်လာပြီး နောက်ပိုင်း ရှယ်ယာများကို ပြန်လည်ဝယ်ယူရန် ကြိုးစားခဲ့ရာ ဈေးနှုန်း ကိုက်ညီမှု မရှိခြင်းကြောင့် မ၀ယ်ဖြစ်ခဲ့ကြောင်း သိရသည်။

“ကျနော်က မြန်မာတိုင်းမ်ကို တည်ထောင်သူ တယောက်အနေနဲ့ အများကြီး သံယောဇဉ်ရှိတယ်။ ဒီလိုမျိုး ပိတ်သိမ်းတာ၊ ဖျက်သိမ်းတာအထိပါ လုပ်တာမျိုးကတော့ အလုပ်သမားတွေ အတွက်ပါ အများကြီး ကသောင်းကနင်းဖြစ် စေတာပေါ့။ ဒီလိုမျိုး လုံးဝ မလုပ်သင့်ပါဘူး။ ကျနော်ကိုယ်တိုင် စတင် ပျိုးထောင် ခဲ့တဲ့အတွက် တော်တော် စိတ်မကောင်းပါဘူး။ ရှယ်ယာတွေ ပြန်ဝယ်ဖို့ ဘာ့ကြောင့် မအောင်မြင်တာ လဲတော့ ကျနော်မသိဘူး။ မရောင်းချင်လို့ မရောင်းတာ ဖြစ်မှာပေါ့” ဟု ဦးဆန်နီဆွေက ပြောသည်။

မြန်မာတိုင်းမ် ရှယ်ယာ ကိစ္စနှင့် ပက်သက်ပြီး ယခုနှစ် ဇန်န၀ါရီလ အတွင်းကလည်း ရှယ်ယာရှင်များ အချင်းချင်း စကားများ၍ ကိုယ်ထိလက်ရောက် ကျူးလွန်သည်ဟု ဆိုကာ အမှုဖွင့်သည် အထိ ဖြစ်ခဲ့ကြ ကြောင်း သိရသည်။

မြန်မာတိုင်းမ် သတင်း ဂျာနယ်ကို ၂၀၀၀ ပြည့်နှစ်တွင် ဦးဆန်နီဆွေနှင့် သြစတြေးလျ နိုင်ငံသား မစ္စတာ ရော့စ် ဒန်ကလေ တို့က စတင်တည်ထောင်ခဲ့ပြီး အင်္ဂလိပ် ဘာသာ တမျိုးတည်းဖြင့် စတင် ထုတ်ဝေ ခဲ့သည်။ ထောက်လှမ်းရေး ခေါင်းဆောင် ဗိုလ်ချုပ်ကြီးဟောင်း ဦးခင်ညွန့် ဦးဆောင်ခဲ့သော စစ်ထောက် လှမ်းရေး အဖွဲ့သည် ဂျာနယ် ထုတ်ဝေမှုတွင် ကျောထောက် နောက်ခံပြုမှုများ ရှိခဲ့ကြောင်း သတင်းများ ထွက်ပေါ်ခဲ့သည်။ နောက်ပိုင်းတွင် မြန်မာဘာသာဖြင့်ပါ ထုတ်ဝေခဲ့သည်။

မြန်မာတိုင်းမ် ဂျာနယ်တွင် နိုင်ငံခြားသား အယ်ဒီတာ အများအပြား ဝင်ရောက် လုပ်ကိုင်နေမှု၊ ရော့စ် ဒန်ကလေနှင့် ပတ် သက်သည့် နိုင်ငံခြား သတင်းထောက် အများအပြားသည် ၂၀၁၀ ရွေးကောက်ပွဲ ကြိုကာလ၊ ရွေးကောက်ပွဲ ကာလနှင့် ဒေါ်အောင်ဆန်းစုကြည် လွတ်မြောက်သည့် ကာလများတွင် သတင်းများ ရယူ ဖော်ပြခဲ့မှုများကြောင့် ထိုကာလက ပြန်ကြား ရေးဝန်ကြီး ဦးကျော်ဆန်း၏ မျက်မုန်းကျိုးမှု ခံရကာ ဒေါက်တာတင်ထွန်းဦးနှင့် ရော့စ် ဒန်ကလေတို့ ပြဿနာ ဖြစ်ပွား ခဲ့သေးကြောင်း အဆိုပါ ဂျာနယ် နှင့် နီးစပ်သူများထံမှ သိရသည်။

ပြီးခဲ့သည့် ၂၀၁၁ ခုနစ် ဇန်န၀ါရီလ ကတည်းက ၂၀၁၀ ရွေးကောက်ပွဲတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီမှ ဝင်ရောက် အရွေးချယ်ခံခဲ့ပြီး ရှုံးနိမ့်ခဲ့သော ဒေါက်တာတင်ထွန်းဦးနှင့် ရော့စ် ဒန်ကလေတို့ အကြား ပြဿနာများ စတင်ဖြစ် ပွားခဲ့ကြောင်း၊ ယခု ဖြစ်ပွားခဲ့သော ပြဿနာမှ စတင်၍ ရှယ်ယာရှင်များ အချင်းချင်း သတင်းစာ ထုတ်လုပ်မှု ကိစ္စတွင် သဘောထား ကွဲလွဲနိုင်ကြောင်း၊ ရှယ်ယာ ထုတ်ယူသည် အထိပင် ဖြစ်လာနိုင်ကြောင်း ယင်းဂျာနယ်နှင့် နီးစပ်သူများက သုံးသပ်ကြသည်။

Credit : http://burma.irrawaddy.org/archives/47074

လွှဲသံသရာထဲမှာ ဝဲကာ လည်နေမှာလား ဗိုလ်ချုပ်ရုပ်ရှင်

ယခင် စစ်အစိုးရလက်ထက်မှာ တွေ့ဖို့ မြင်ဖို့ သိဖို့ ခက်ခဲတဲ့ လွတ်လပ်ရေးဖခင်ကြီး ဗိုလ်ချုပ် အောင်ဆန်းရဲ့ အကြောင်းနဲ့ ပုံရိပ်တွေကို နောင်လာနောက်သားတွေ သိရှိနိုင်အောင် ပြန်လည် အသက်သွင်းဖို့ ကြိုးစားလာခဲ့တာ ၂၀၁၁ ခုနှစ် ဒီဇင်ဘာလ က ရုပ်ရှင်အနုပညာရှင် တွေနဲ့ ဗိုလ်ချုပ်အောင်ဆန်းရဲ့ သမီး ဒေါ်အောင်ဆန်း စုကြည်တို့ တွေ့ဆုံမှုက စတင်ခဲ့တယ်လို့ ဆိုရမှာပါ။

ဒီကိစ္စအတွက် ကော်မတီဖွဲ့ကြလေတော့ ဒေါ်အောင်ဆန်းစုကြည်က ဥက္ကဋ္ဌ လုပ်ပြီး လူရွှင်တော် ဇာဂနာ၊ ဒါရိုက်တာ မောင်မျိုးမင်း (ရင်တွင်းဖြစ်)၊ သရုပ်ဆောင် ဇင်ဝိုင်း၊ ဒါရိုက်တာ ၀ိုင်း၊ သရုပ်ဆောင် လူမင်း၊ ဒါရိုက်တာ မောင်မိုးသူ၊ ဒါရိုက်တာ ကြည်ဖြူသျှင်၊ သရုပ်ဆောင် ထွန်းအိန္ဒြာဗို၊ ဒါရိုက်တာ မောင်မောင်ဦး(စနိုးဝှိုက်) နဲ့ ကိုလွင်(စနိုးဝှိုက်)၊ သရုပ်ဆောင် ဝေဠုကျော်၊ ပြည်သူ့ခေတ် ဂျာနယ် အယ်ဒီတာချုပ် ဦးမော်လင်း၊ သရုပ်ဆောင် (ဦး) အောင်လွင်၊ လူရွှင်တော် အရိုင်းတို့နဲ့ ဖွဲ့စည်း ခဲ့ပါတယ်။ နောက်တော့ မောင်မောင်ဦး( စနိုးဝှိုက်)၊ ကိုလွင် (စနိုးဝှိုက်) တို့ကို အကြောင်းတစုံတရာ မသိရဘဲ အဖွဲ့ထဲမှာ မတွေ့ရတော့ပါဘူး။

၂၀၁၂ ခုနှစ် ဖေဖော်ဝါရီလ ၁၃ ရက်နေ့ ဗိုလ်ချုပ်မွေးနေ့မှာ ရုံးခန်းဖွင့်ပွဲ လုပ်တဲ့အခါ ဇာတ်ညွှန်းရေးဆရာ ဦးဇော်သက်ထွေးနဲ့ ဒါရိုက်တာ ဒေါ်အိအိခိုင်တို့ ပါဝင်လာတာ တွေ့ရပါတယ်။ ဒီအခါမှာတော့ ဦးဇော်သက်ထွေးက ပြန်ကြားရေး တာဝန်ခံ၊ ဒေါ်အိအိခိုင်က ဘဏ္ဍာရေးမှူး၊ ထွန်းအိန္ဒြာဗို ကတော့ စာရင်းစစ် ဆိုတဲ့ တာဝန်တွေနဲ့ပါ။ ဒီ ဗိုလ်ချုပ် ရုပ်ရှင်ကြီး ဖြစ်မြောက်ဖို့အတွက် တနိုင်ငံလုံးကလည်း အုန်းအုန်းကြွက်ကြွက်နဲ့ ၀ိုင်းဝန်းလှူဒါန်းခဲ့ကြ ပါတယ်။ နာရေးကူညီမှုအသင်း ဥက္ကဋ္ဌ ဦးကျော်သူ ဗိုလ်ချုပ်ရုပ်ရှင်အဖွဲ့ထဲ ပါတာ၊ မပါတာ ပတ်သက်ပြီးတော့လည်း တော်တော် လှုပ်လှုပ် ခတ်ခတ် ဖြစ်ခဲ့ပြီးမှ ဦးကျော်သူရဲ့ အဖေ ဦးစိန်တင်က သူပိုင်တဲ့ အမျိုးသား ရုပ်ရှင်ထုတ်လုပ်ရေးကို ဗိုလ်ချုပ်ဇာတ်ကား ရိုက်ဖို့ လှူတန်းခဲ့ ပြန်ပါတယ်။

ဒီမှာလည်း ပြဿနာနဲ့ပါ။ ဦးကျော်သူ တို့ရဲ့ အမျိုးသား ရုပ်ရှင် ဆိုတာ အရင်က နှစ်စဉ် အခွန်ကြေး မပေးဆောင်တော့တဲ့ အတွက် အပိတ်ခံထားရတဲ့ ကုမ္ပဏီ တခုပါ။ ဒါကိုမှ လာလှူရသလား ဆိုပြီး ပြဿနာ တက်ခဲ့တာတွေလည်း ရှိခဲ့ပြန်ပါတယ်။ တကယ်တော့ ရုပ်ရှင် ကုမ္ပဏီ တခု အတွက် မြန်မာငွေ ၃ သိန်းလောက် ပေးရင် ရုပ်ရှင်တကား ထုတ်လုပ်လို့ ရတဲ့ခေတ်မှာ ဦးကျော်သူတို့ရဲ့ အမျိုးသားရုပ်ရှင် အတွက် အရင်က မပေးဆောင်ခဲ့တဲ့ နှစ်အလိုက် အခွန်ကြေးတွေကို ကျပ်သိန်း ဆယ်ဂဏန်းကျော် သုံးစွဲ အလျော်ပေးပြီး ရှင်းခဲ့လင်းခဲ့ ပေးရတယ်လို့လည်း သိခဲ့ရပြန်ပါတယ်။ တကယ်တော့ ဒီပိုက်ဆံ တွေဟာ ပြည်သူတွေ လှူဒါန်းထားတဲ့ ငွေတွေဆိုရင် မမှားပါဘူး။

နောက်တော့ ဒါရိုက်တာ ဦးကြည်စိုးထွန်း၊ စာရေးဆရာ ဦးချစ်ဦးညို၊ ဇာတ်ညွှန်းရေးဆရာ ဦးငြိမ်းမင်း တို့တတွေ ဗိုလ်ချုပ် ရုပ်ရှင်အတွက် ဇာတ်ညွှန်း ရေးပါတော့တယ်။ ဒါပေမယ့် ဦးငြိမ်းမင်းက နောက်ပိုင်းမှာ ထွက်သွားခဲ့ပြန်ပါရော။ သူ့နေရာမှာ မြမြင့်မိုရ် ဖြစ်လာပါတယ်။ တနှစ်နီးပါး အချိန်ယူရေးခဲ့တဲ့ ဒီဇာတ်ညွှန်း ဟာ ၂၀၁၃ ခုနှစ် နှစ်ဆန်းကျမှ ပြီးပါတော့တယ်။ ဒီဇာတ်ညွှန်းရေး ဆရာတွေကို အနုပညာကြေး ဘယ်လောက် ပေးခဲ့ရတယ် ဆိုတာတော့ မစပ်စုတို့ ဘယ်လိုမှ စုံစမ်းလို့ မရခဲ့ပါဘူး။

ဒါပေမယ့် ဒီလို ပြီးစီးသွားပါပြီဆိုတဲ့ ဗိုလ်ချုပ် ဇာတ်ညွှန်းကို ပြန်ရေးဖို့ ဇာတ်ညွှန်ရေး ဆရာတွေ ပဲခူးမြို့ကို ထွက်သွားတယ်လို့ ကြားရပြန်တော့ အံ့အားသင့်လို့ ဗိုလ်ချုပ်ရုပ်ရှင် ကော်မတီကို မေးခဲ့ပေမယ့် ဖြေမယ့်သူ မရှိခဲ့ပါဘူး။ တခါ၊ အခု မေမြို့ကို ဒါရိုက်တာတွေ ဖြစ်ကြတဲ့ အိအိခိုင်၊ ကြည်ဖြူသျှင်၊ မင်းထင်ကိုကိုကြီး၊ ၀ိုင်း တို့က ဗိုလ်ချုပ် ရုပ်ရှင် ဇာတ်ညွှန်း သွားရေး ပြန်ပြီလို့ ဆိုလာပြန်ပါပြီ။ ဒါနဲ့ မစပ်စုလည်း ဘယ်လိုမှ မနေနိုင်တော့တာနဲ့ အမိအရ လိုက်စုံစမ်း ခဲ့ပါတော့တယ်။

ပထမ ဇာတ်ညွှန်းရေး ဆရာကြီးတွေ ရေးထားပြီးသွားပြီလို့ ဆိုတဲ့ ဇာတ်ညွှန်းကို နောက် ဇာတ်ညွှန်းရေး ဆရာတွေက မေမြို့သွားပြီး ထပ်ရေးကြ ပြန်တယ်လို့ ကြားရတော့ ပထမ ဇာတ်ညွှန်းက ဘာကြောင့်လဲ၊ မကောင်းလို့လား၊ မပြည့်စုံ လို့လားဆိုတဲ့ မေးခွန်း ထုတ်စရာ ဖြစ်နေပါတော့တယ်။

ဒါရိုက်တာ ကြည်ဖြူသျှင်က “ဒီကိစ္စတွေကို ဗိုလ်ချုပ်ရုပ်ရှင် ပြန်ကြားရေးက ဦးဇော်သက်ထွေးကို မေးကြည့် လိုက်ပါ။ ကျမတို့ရဲ့ ကိစ္စတွေကို ပြန်ကြားရေး တခုတည်းကပဲ ဖြေကြားပေးဖို့ သဘောတူထားလို့ပါ” လို့ ဧရာဝတီကို ပြောပါတယ်။

ဒါနဲ့ မစပ်စုလည်း ဗိုလ်ချုပ်ရုပ်ရှင်နဲ့ ပတ်သက်တဲ့ ပြန်ကြားရေးက ဦးဇော်သက်ထွေးကို မေးကြည့် ပါတော့တယ်။

“အမှန်တကယ်တော့ ကျနော်တို့ ရုပ်ရှင်ကားတကား ရိုက်တဲ့အခါမှာ နိုင်ငံတကာ စံချိန်စံညွှန်းနဲ့ ရိုက်မယ် ဆိုရင် သူ့ရဲ့ Time Limit ရှိပါတယ်။ အဲဒီတော့ Oscar Nominate လုပ်တဲ့ ဇာတ်ကားတွေက ၃ နာရီထက် ပိုလို့ မရပါဘူး။ ၃ နာရီအောက်ကို ဖြစ်ရပါလိမ့်မယ်။ အဲဒီတော့ ဆရာသုံးယောက်က ဗိုလ်ချုပ် အောင်ဆန်းရဲ့ ဘ၀တွေကို အပိုင်းလိုက် ခွဲပြီးတော့ ဗိုလ်ချုပ်အောင်ဆန်းရဲ့ စိတ် အလှုပ်ရှားရဆုံး၊ တကယ့်ကို ရသ အမြောက်ဆုံးတွေကို သူတို့ရဲ့ စိတ်ကူးစိတ်သန်း တွေနဲ့ ရေးချ လိုက်တာပါ။ အဲဒီလို ရေးချ လိုက်၊ ဘ၀အပိုင်းတွေကို ပြန်လည် ဆက်စပ်လိုက်တဲ့ အခါမှာ ဗိုလ်ချုပ် အောင်ဆန်းရဲ့ ဇာတ်ကား တခုလုံးကို Over view ပြန်ကြည့်လိုက်မယ်ဆိုရင် ဒီဇာတ်ကားက ၃ နာရီစာ ရှည်လျားတဲ့ ဇာတ်ညွှန်း အခန်းတွေကို ရရှိထားတာ ဖြစ်ပါတယ်။ ဒီအထဲကမှ ၃ နာရီစာ Frame ထဲ ပြန်ဝင်ပြီးတော့ ဇာတ်လမ်းရဲ့ အတက်အကျတွေ၊ တိုင်းပြည်ရဲ့ မသိရသေးတဲ့ သမိုင်း အချက်အလက်တွေ ဗိုလ်ချုပ်အောင်ဆန်းရဲ့ လူသားဆန်မှုတွေ ပါအောင်လို့ သူ့ဟာနဲ့သူ အစီစဉ် တကျ ရရှိဖို့အတွက် ဆရာကြီးတွေ ရေးပြီးသား ဇာတ်ညွှန်း ကို ပြန်လည်ပြီး နေရာတကျ စီစဉ်ထားသိုမှုတွေ ပြန်လုပ်ရတာပါ။ ဒါကြောင့်မို့လို့ အခုလိုမျိုး ပြန်လည် ပြင်ဆင် တည်းဖြတ်ရတာ ဖြစ်ပါတယ်” လို့ ဦးဇော်သက်ထွေးက ပြောပါတယ်။

မူလက ဇာတ်ညွှန်းရေးခဲ့တဲ့ ဦးချစ်ဦးညိုကို မေးကြည့်တော့ “နယ်သွားရေးတယ် ဆိုတာ ကျနော်တို့ ကြားတောင် မကြားမိပါဘူး။ ကျနော်တို့ သိထားတာတော့ ကျနော်တို့ရဲ့ သုံးခုကို သမအောင် စပ်မယ်၊ ပေါင်းမယ်ပေါ့။ အဲဒီအပေါ်မှာမှ ထပ်ပြီးတော့ နည်းနည်း ပြင်စရာရှိတာ ပြင်မယ်၊ တည်းဖြတ်မယ်ပေ့ါ။ အဲဒီလိုပဲ သိထားတယ်။ အဲဒီလို လုပ်လားတော့ မသိဘူး။ ဒီလို ပြန်လုပ်တဲ့ အပေါ်ကိုလည်း ဘယ်လိုမှ မသုံးသပ်ချင် တော့ဘူး။ ဘာမှလည်း မပြောချင်တော့ပါဘူး။ လုပ်ချင်တာသာ လုပ်ကြတော့၊ ဒါပဲ ပြောချင်ပါတယ်။ ဘယ်လိုမှ မခံစားတော့ပါဘူး။ စိတ်ထဲက ကိုယ့်ကို တာဝန်ပေးတာ ပြီးသွားပြီလို့ပဲ သဘောထား လိုက်တယ်။ အဲဒါကို ကြိုက်ခြင်း မကြိုက်ခြင်း၊ အသစ်ပြန်ရေးခြင်း မရေးခြင်းကို စိတ်ထဲ ဘယ်လိုမှ မထားတော့ဘူး” လိုိ့ ဆိုပါတယ်။

ဒီကြားထဲ ဗိုလ်ချုပ်ရုပ်ရှင်အဖွဲ့ရဲ့ တရားဝင် facebook စာမျက်နှာမှာ The Iron Lady နဲ့ King’s Speech တို့ရဲ့ ထုတ်လုပ်မှု မန်နေဂျာ Kate James နဲ့ တွေ့ဆုံကြတယ်လို့ဆိုပြန်တော့ မစပ်စု တော်တော် လေးစားသွားမိပါတယ်။ မစပ်စုတို့ရဲ့ ဗိုလ်ချုပ် ရုပ်ရှင် ဇာတ်ကားကြီးကို အကြီးကျယ် အခမ်းနားဆုံး ဖြစ်အောင် တကယ် လုပ်ဆောင်နေကြတာပဲလို့ပါ။ ဒါပေမယ့် အဲဒီ သြစတြေးလျ နိုင်ငံသူ Kate James ဟာ Iron Lady၊ King’s Speech ဇာတ်ကားတွေနဲ့ ဘယ်လိုမှ မပတ်သက်ဘူး ဆိုတာကို သိလာရတော့ ဗိုလ်ချုပ်ရုပ်ရှင် အဖွဲ့သားတွေ ဘာကြောင့် ဒီလို ဖော်ပြရတာလဲ ဆိုတာကို သိချင်လာပြန်တော့ ပြန်ကြားရေး တာဝန်ခံ ဦးဇော်သက်ထွေး ကိုမေးတဲ့အခါ Kate James က Iron Lady၊ နဲ့ King’s Speech ဇာတ်ကားတွေနဲ့ မပတ်သက်ဘူး ပတ်သက်တယ် ဆိုတာကို ဘာမှ မှတ်ချက်မပေးဘဲ အခုလိုပဲ ပြောပါတယ်။

ဦးဇော်သက်ထွေးက “ကျနော်တို့ ဘက်ကလည်း Kate James က ကျနော်တို့ဇာတ်ကားကို တာဝန်ယူ မယ်လို့ ဘယ်တုန်းကမှ သတင်း မထုတ်ပြန်ခဲ့ဖူး ပါဘူး။ ကျနော်တို့ ပြောထားတာက နိုင်ငံတကာ ရုပ်ရှင် လုပ်ငန်း ထုတ်လုပ်တဲ့ အတွေ့အကြုံရှိတဲ့ Kate James ကို မလေးရှားက Art Audio ရဲ့ အကူအညီနဲ့ ဗိုလ်ချုပ်အောင်ဆန်း ရုပ်ရှင်ဖြစ်မြောက်ရေး အဖွဲ့ဝင်တွေကို ခေါ်ပြီးတော့ နိုင်ငံတကာ ရုပ်ရှင် ဇာတ်ကား ထုတ်လုပ်ရင် ဘာတွေ လိုအပ်မလဲ ဆိုတာကို သူက လိုအပ်တဲ့ အချက်အလက်တွေ လာရှင်းပြတာ။ Kate James ရှင်းပြတဲ့ အချက်အလက်တွေကို မှတ်သားပြီးတော့ ဒေါ်အောင်ဆန်းစုကြည်နဲ့ တွေ့တဲ့အခါ ပြန်ပြောပြတာ။ ဘယ်လိုလည်း ဆိုတော့ နိုင်ငံတကာအဆင့် ရုပ်ရှင်ဇာတ်ကား ရိုက်တဲ့အခါ ကျနော်တို့က ဒီအတိုင်း လုပ်လို့မရဘူး။ ကျနော်တို့မှာ လိုအပ်တဲ့ ဖြတ်သန်းမှုတွေရှိတယ်၊ အဆင့်တွေရှိတယ်၊ နိုင်ငံတကာ ရုပ်ရှင်ပွဲတော်တွေ ၀င်ပြီးမှသာ ကြယ်ပွင့်သတ်မှတ်ချက်အရ နိုင်ငံတကာ ရုံတွေကို တင်လို့ရတာ။ ကြယ်ပွင့် သုံးပွင့်ဆုိုရင် ဘယ်နိုင်ငံက ရုံမှာ အရင် တင်မယ်၊ နှစ်ပွင့်ဆိုရင် ဘယ်လိုဆိုတဲ့ အချက်အလက်တွေကို ကျနော်တို့က ဆွေးနွေးခဲ့တာ။ တကယ်လို့ နိုင်ငံတကာ အဆင့် သွားမယ်ဆိုရင် တကယ့်ကို Professional ဖြစ်တဲ့ ဘယ်လို ကုမ္ပဏီ၊ ဘယ်လို လူတွေနဲ့ ဆက်သွယ် ဆောင်ရွက်ရမလဲ၊ နောက် တခုက ရုပ်ရှင်ဒါရိုက်တာ မရွေးခင်မှာ ပရောဂျက် ဒါရိုက်တာ တယောက်ကို ရွေးပြီးမှ အဲဒီ ပရောဂျက် ဒါရိုက်တာက လုပ်ငန်း အကောင်အထည်ဖော်ဖို့ စနစ်တွေ၊ ဇယားတွေနဲ့ လုပ်ရမယ်ဆိုတာတွေကို ဆွေးနွေးခဲ့တာပါ။ ကျနော်တို့က Kate James ကို တာဝန်ပေးတာ မဟုတ်ပါဘူး” လုိ့ပဲ ပြောပါတယ်။

ဗိုလ်ချုပ်အောင်ဆန်း ရုပ်ရှင် ဖြစ်မြောက်ရေး အဖွဲ့သားများနဲ့ Kate James တွေ့ဆုံသည်ကို

(ဓာတ်ပုံ – ဗိုလ်ချုပ်ရုပ်ရှင်အဖွဲ့ရဲ့ တရားဝင် facebook စာမျက်နှာတွင် တွေ့ရစဉ်)

ဒါ့အပြင် Kate James ကို ဗိုလ်ချုပ်ရုပ်ရှင် အဖွဲ့က အကုန်အကျခံ ခေါ်ယူခဲ့တဲ့ ကိစ္စနဲ့ ပတ်သက်လို့ ဘဏ္ဍာရေးမှူး ဖြစ်တဲ့ ဒါရိုက်တာ ဒေါ်အိအိခိုင်ကို မေးတော့ ဘာမှမပြောဘဲ ဒါရိုက်တာ မင်းထင်ကိုကိုကြီးဆီ ပြန်လွှဲလိုက်ပါတယ်။ ဒါရိုက်တာ မင်းထင်ကိုကိုကြီးက “ဒီကိစ္စက တကယ်တော့ ပြန်ကြားရေးရဲ့ တာဝန်ခံ ကိုဇော်သက်ထွေး ဖြေရမှာပေ့ါ။ အဲဒီတုန်းက သူမပါတဲ့ အတွက် ကျနော်တို့ နည်းနည်း ပြောလို့ရတာ လေးတွေ ရှိတယ်။ ကိုဇော်သက်ထွေးကို သွားမေးရင်လည်း နည်းနည်း ရှုပ်ထွေးနိုင်ဖွယ် ရှိတဲ့အတွက်၊ ကျနော်ကလည်း အဲဒီတုန်းက ရှိနေခဲ့တဲ့ သူဖြစ်တဲ့အတွက် နောက်ဆုံး အချိန်အထိ သိနေခဲ့တဲ့ သူတယောက် အနေနဲ့ နည်းနည်း ၀င်ပြောပါ့မယ်။ ဒါက ကျနော့်ရဲ့ တာဝန်တော့ မဟုတ်ဘူး။ ဒီဟာကို တာဝန်ယူပြီး ဖြေလိုက်ပါမယ်။ အဲဒီမှာ သူ့ကို ခေါ်တယ် ဆိုတာကလည်း မလေးရှားကနေ ဒီကို ရုပ်ရှင်အစည်းအရုံးကိုရော၊ ဗိုလ်ချုပ် အောင်ဆန်း ရိုက်ကူးရေး အဖွဲ့နဲ့ပါ တွေ့ဖို့ကို ဒီခရီးစဉ် အတွက် လမ်းစရိတ် ထုတ်ပေးလိုက်ရုံပဲ ရှိတယ်။ အသွားအပြန် လေယာဉ်စရိတ်နဲ့ ဟိုတယ်စရိတ်အတွက် ဒေါ်လာ ၆၀၀ ထုတ်ပေး လိုက်တာပဲ ရှိတယ်။ သူနဲ့ အလုပ်လုပ်မယ် ဆိုပြီး သူ့ကို တခြား ငွေကြေး ပမာဏ ပေးတာလည်း မရှိသေးပါဘူး။ ဆွေးနွေး ထားတာလည်း ဘာမှမရှိဘူး။ ကနဦး တွေ့ဆုံမှုပဲ ရှိသေးတယ်” လို့ ရှင်းပြပါတယ်။

မစပ်စုတို့က ဗိုလ်ချုပ်ရုပ်ရှင် ဇာတ်ကားကြီးကို ကြည့်ချင်ပါတယ်။ ဒီဇာတ်ကားကြီး ဖြစ်မြောက်ဖို့အတွက် ကြိုးစားပမ်းစား ၀ိုင်းဝန်း လုပ်ကိုင်သူတွေကိုလည်း အားပေးပါတယ်။ ဒါပေမယ့် ဘာမှ ပွင့်ပွင့်လင်းလင်း မရှိတဲ့ ဗိုလ်ချုပ်ရုပ်ရှင် အဖွဲ့ကို ဘယ်လိုမှ နားမလည်နိုင် ဖြစ်ရပါတော့တယ်။ သရုပ်ဆောင်တွေ ရွေးထားပြီး ဘာဆက်လုပ်မယ် ဆိုတာ ရေရေရာရာ မရှိတာလည်း အံ့သြစရာပါ။ ဒီနေရာမှာ သူတို့မဖြေပေမယ့် မေးချင်တာကတော့ 

၁။ ဒါရိုက်တာ ဘယ်သူလဲ၊ 

၂။ နိုင်ငံခြားက ဘယ်ရုပ်ရှင် ကုမ္ပဏီတွေက ရိုက်မှာလဲ၊ ဂျပန်ကလား၊ အင်္ဂလန်ကလား၊ 

၃။ ဒီဇာတ်ကားရိုက်ကူးဖို့  ရန်ပုံငွေ ဘယ်လောက် ရှိလဲ၊ တနိုင်ငံလုံးက လှူထားတဲ့ ပိုက်ဆံတွေထဲက ဘယ်လောက်ကို အသုံးပြုထားပြီးပြီလဲ၊ 

၅။ ဘာပြီးရင် ဘာဆက်လုပ်မယ် ဆိုတဲ့ တိကျသေချာတဲ့ လုပ်ငန်းစဉ်တွေရှိလား၊ ရှိရင် ဘာလို့ ပြည်သူတွေကို အသိမပေးတာလဲ၊

၆။ ဗိုလ်ချုပ်အောင်ဆန်းကို ဗိုလ်ချုပ် အဖွဲ့သားတွေပဲ ပိုင်တယ်လို့ ထင်ထားကြသလား ဆိုတာတွေပါပဲ။

ဒါပေမယ့် မစပ်စု မမေးသာခဲ့ပါဘူး။ ဘာကြောင့်လဲ ဆိုတော့ မေးလိုက်ရင် တယောက်က တယောက်ကို ဟိုလူလွှဲ၊ ဒီလူလွှဲနဲ့ လွှဲသံသရာ မဆုံး ဖြစ်နေမှာမို့ပါ။ ဒါကြောင့် ၂၀၁၅ ဖေဖေါ်ဝါရီ ၁၃ မှာ ကျရောက်မယ့် ဗိုလ်ချုပ်အောင်ဆန်း မွေးနေ့ နှစ် ၁၀၀ ပြည့် အထိတော့ လွှဲမနေကြပါစေနဲ့ လို့ပဲ ဆုတောင်းမိလိုက် ပါတော့တယ်။

Credit : http://burma.irrawaddy.org/archives/47117

ဂျပန်ကုမ္ပဏီ ဝင်ရောက်မှု ပြည်တွင်း လေကြောင်းလိုင်းများ ဂယက်ရိုက်

ပြည်တွင်း ပုဂ္ဂလိကလေကြောင်းလိုင်း Asia Wing Air (AWA) ၏ အစုရှယ်ယာ ၄၉ ရာခိုင်နှုန်းကို ဂျပန် လေကြောင်းလိုင်းကြီး တခုဖြစ်သည့် All Nippon Airways (ANA) သို့ ရောင်းချရန် စီစဉ်နေခြင်း ကို လေကြောင်းလိုင်း အသိုင်းအ၀န်းမှ ဝေဖန်မှုများ ရှိနေကြောင်း သိရသည်။

AWA ၏ ရှယ်ယာများကို ဝယ်ယူရန် ANA က အမေရိကန်ဒေါ်လာ ၃၀.၄၅ သန်း ပေးဖွယ် ရှိကြောင်း Nikkei စီးပွားရေး နေ့စဉ် သတင်းက အစောပိုင်းတွင် ရေးသားခဲ့သည်။

ပြည်တွင်းလေကြောင်းလိုင်းများ အကြား နိုင်ငံခြား လေကြောင်းလိုင်းများနှင့် ဖက်စက်လုပ်ကိုင်ရေးတွင် အကန့်အသတ်များ ထားရှိရေးကို မူအားဖြင့် သဘောတူထားခဲ့သော်လည်း AWA က ချိုးဖောက်ခြင်းကြောင်း ယင်းသို့ ဝေဖန်မှုများ ရှိနေခြင်း ဖြစ်ကြောင်း ပြည်တွင်းလေကြောင်းလိုင်း တခုမှ အကြီးတန်းအရာရှိတဦးက ပြောသည်။

AWA လေကြောင်းလိုင်း အစုရှယ်ယာများ ဝယ်ယူရန် စီစဉ်ခြင်းသည် နိုင်ငံခြား လေကြောင်းလိုင်းတခု အနေဖြင့် မြန်မာပြည် အခြေစိုက် လေကြောင်းလိုင်း တခုမှ ပထမဆုံး ရင်းနှီးမြှုပ်နှံမှု ပြုလုပ်ရန် ရည်ရွယ်ခြင်းဖြစ်ကြောင်း ဂျပန်လေကြောင်းလိုင်း ANA က ဆိုသည်။

“လျင်မြန်စွာ ကြီးထွားလာနေတဲ့ အာရှ လေကြောင်းလိုင်း ဈေးကွက်ရဲ့ တိုးပွားလာနေတဲ့ အစုရှယ်ယာ တွေကို ANA က အမိအရ ဖမ်းဆုပ်နိုင်ဖို့ ရည်ရွယ်ပါတယ်၊ နောက်ပြီး AWA မှာ ရင်းနှီးမြှုပ်နှံခြင်းအားဖြင့် မဟာဗျူဟာမြောက် ရည်မှန်းချက်ကို ထောက်ကူ ပေးနိုင်ပါလိမ့်မယ်” ဟု ANA က ပြောသည်။

AWA လေကြောင်းလိုင်းသည် စစ်အစိုးရလက်ထက် ၂၀၁၀ ရွေးကောက်ပွဲမတိုင်မီ စတင် ထူထောင်သည့် လေကြောင်းလိုင်းဖြစ်ပြီး ထိုစဉ်က စီးပွားရေးလုပ်ငန်းရှင်ကြီး ဦးတေဇနှင့် Sun Far Travels & Tours Co., Ltd ကုမ္ပဏီတို့ ပူးပေါင်းကာ ပြည်တွင်း၌ ပြေးဆွဲပျံသန်းရန် ထူထောင်ခဲ့သည်ဟု ပြည်တွင်းစီးပွားရေး အသိုင်းအဝိုင်းမှ သိရသည်။

ဦးတေဇသည် စစ်အစိုးရနှင့် နီးစပ်ခဲ့သူဖြစ်ပြီး အမေရိကန်နိုင်ငံနှင့် အနောက်နိုင်ငံများမှ စီးပွာေးရးပိတ်ဆို့မှု စာရင်းထဲတွင် ရှိနေဆဲဖြစ်သည်။

သို့သော် ANA က AWA လေကြောင်းလိုင်း၏ အစုရှယ်ယာကို ဝယ်ယူမည်ဟု သတင်းများ ထွက်ပေါ်လာ ချိန်တွင် AWA ကို မည်သည့် ပြည်တွင်းစီးပွားရေး လုပ်ငန်းရှင်က ပိုင်ဆိုင်ကြောင်း သတင်းဌာနများက ဖော်ပြခြင်းမရှိပေ။

AWA လေကြောင်းလိုင်းသည် ပြီးခဲ့သည့် သြဂုတ်လက ရန်ကုန်မြို့နှင့် ထိုင်းနိုင်ငံ ချင်းမိုင်မြို့သို့ အပတ်စဉ် ပြေးဆွဲရန် စီစဉ်ခဲ့သော်လည်း လတ်တလောတွင်မူ အစီအစဉ်ကို ဖျက်သိမ်းထားသည်ဟု သိရသည်။

လက်ရှိ ရန်ကုန်- ချင်းမိုင် တပတ်နှစ်ကြိမ် ခရီးစဉ်ကို ဦးတေဇပိုင် Air Bagan လေကြောင်းလိုင်းမှ ပြေးဆွဲ လျက်ရှိသည်။

Credit : http://burma.irrawaddy.org/archives/47124

ယုံကြည်မှု တည်ဆောက်နေစဉ် အစိုးရစစ်တပ်နှင့် TNLA စစ်ပွဲထပ်မံ ဖြစ်ပွား

အစိုးရ စစ်တပ်နှင့် တအာင်း (ပလောင်) အမျိုးသား လွတ်မြောက်ရေး တပ်မတော် (TNLA) တို့သည် ယုံကြည်မှု တည်ဆောက် နေချိန်တွင် စစ်ပွဲများ ထပ်မံ ဖြစ်ပွားနေသဖြင့် ဒုတိယအဆင့် ဆွေးနွေးပွဲ အလှမ်းဝေးနေသေးကြောင်း သိရသည်။

ငြိမ်းချမ်းရေး ရရန် ယုံကြည်မှု တည်ဆောက်ချိန် တွင် မြန်မာအစိုးရတပ်မှ TNLA ကို ထိုးစစ်ဆင် မှုကြောင့် ယုံကြည်မှု ပျက်ပြယ် သွားနိုင်ကြောင်း၊ TNLA အနေဖြင့် ဒေသခံ တိုင်းရင်းသားများကို ၂၀၁၃ -၂၀၁၄ ခုနှစ် မူးယစ်ဆေးဝါး တိုက်ဖျက်ရေး အတွက် ဟောပြောပွဲများ လုပ်နေစဉ် မြန်မာအစိုးရတပ်မှ လာရောက် ထိုးစစ်ဆင်ခဲ့ပြီး TNLA ဘက်က ကပ်ထားသည့် မူးယစ်ဆေးဝါး တိုက်ဖျက်ရေး ဆိုင်းဘုတ် များကို မြန်မာစစ်ကြောင်းက ဖျက်ဆီးခဲ့ကြောင်း TNLA မှ ပြန်ကြားရေး တာဝန်ခံ မိုင်းအောင်ကိုက ဧရာဝတီ သို့ ပြောသည်။

“ဆွေးနွေးပွဲပြီးတော့ တိုက်ပွဲ လေးကြိမ် ပြန်ဖြစ်ပါတယ်။ ကျနော်တို့က မူးယစ်ဆေးဝါး တိုက်ဖျက်ရေး အတွက် ဒေသခံတွေကို ဟောပြော နေချိန်မှာ အစိုးရ ဘက်ကနေပြီး ထိုးစစ် ဆင်လာတာပါ။ အစိုးရ ဘက်ကနေပြီး စစ်အရှိန်မြှင့်လာမယ် ဆိုရင်တော့ ယုံကြည်မှုတွေ ပျက်ပြယ်ပြီး ဒုတိယ အဆင့် ငြိမ်းချမ်းရေး ဆွေးနွေးပွဲက အလှမ်း ဝေးသွားနိုင်ပါတယ်” ဟု မိုင်းအောင်ကိုက ဆိုသည်။

မူးယစ်ဆေးဝါး တိုက်ဖျက်ရေး လုပ်ဆောင်နေသည့် အချိန်တွင် မြန်မာအစိုးရ အနေဖြင့် ကူညီပါဝင်သင့်ကာ ထိုးစစ်ဆင်မှု မပြုလုပ်သင့်ကြောင်း၊ နှစ်ဦးနှစ်ဘက် ယုံကြည်မှု တည်ဆောက်နေချိန်တွင် စစ်ပွဲများ တိုးမြှင့်ပြီး တိုက်နေမည်ဆိုပါက ဒုတိယ ဆွေးနွေးပွဲ ကြန့်ကြာနိုင်ပြီး ပျက်ပြယ်သွားသည့် အဆင့်အထိ ဖြစ်နိုင်ကြောင်း၊ လက်ရှိ အခြေအနေအရ ဒုတိယ ဆွေးနွေးပွဲ မဖြစ်နိုင်သေးကြောင်း ၎င်းက ဆိုသည်။

“ဘိန်းစိုက်ရာသီ ရောက်တော့မယ် ဆိုတော့ ကျေးရွာတွေကို မူးယစ်ဆေးဝါးနဲ့ ပတ်သတ်တဲ့ အရာတွေ မပြုလုပ်ဖို့ အသိပညာပေး ဟောပြောတာပါ။ ကျေးရွာမှာ မူးယစ်ဆေးဝါး တိုက်ဖျက်ရေး ဆိုင်းဘုတ်တွေ၊ စာတွေ ကပ်ထားတွေကို အစိုးရ စစ်တပ်က ဖျက်ဆီးတယ်။ ပြီးတော့ ကျနော်တို့ တပ်ကို ထိုးစစ်ဆင် တော့တာပဲ” ဟု TNLA အထွေထွေအတွင်းရေးမှူး ဒုဗိုလ်မှူးကြီး တာဘုန်းကျော်က ဧရာဝတီသို့ ပြောသည်။

ဇူလိုင်လ ၃၁ ရက်နေ့က သမ္မတရုံး ဝန်ကြီး ဦးအောင်မင်း ဦးဆောင်သည့် အစိုးရ ငြိမ်းချမ်းရေး အဖွဲ့နှင့် TNLA အထွေထွေ အတွင်းရေးမှူး ဒု ဗိုလ်မှူးကြီး တာဘုန်းကျော် ဦးဆောင်သည့် အဖွဲ့တို့ တရုတ် – မြန်မာ နယ်စပ် မူဆယ်မြို့တွင် ပြည်နယ်အဆင့် တွေ့ဆုံ ဆွေးနွေးခဲ့ကြရာ နောက်ထပ် တိုက်ပွဲများ မဖြစ်ပွားစေရေး အတွက် တယ်လီဖုန်းဖြင့် ဆက်သွယ် အကြောင်းကြား နိုင်ရန် စီစဉ်ခဲ့ကြောင်း ပြောဆိုခဲ့ကြ သော်လည်း ယင်းအစီအစဉ်ကို နှစ်ဘက်လုံးက လက်တွေ့ အကောင်ထည် ဖော်နိုင်ခြင်း မရှိပေ။

“ကျနော်တို့ အနေနဲ့ ဘာမှပြောလို့မရဘူး။ စစ်ပွဲ ဖြစ်တာလည်း ဘာမှ ၀င်ရောက်စွက်ဖက်လို့ မရဘူး” ဟု မြန်မာငြိမ်းချမ်းရေးစင်တာ(MPC)၏ ငြိမ်းချမ်းရေး အကျိုးဆောင် ဦးလှမောင်ရွှေက ဧရာဝတီသို့ ပြောသည်။

ဇူလိုင်လ ၃၁ ရက်နေ့က မူဆယ်မြို့၌ ကျင်းပသည့် ငြိမ်းချမ်းရေး တွေ့ဆုံဆွေးနွေးပွဲတွင် နှစ်ဘက် ခေါင်းဆောင်များက အောင်မြင်သော တွေ့ဆုံဆွေးနွေးပွဲဖြစ်ကြောင်း၊ နောက်တကြိမ် တွေ့ဆုံဆွေးနွေးပွဲ အမြန်ဆုံး ပြုလုပ်ရန်နှင့် အပစ်အခတ် ရပ်စဲရေး လက်မှတ်ရေးထိုးနိုင်ရန်၊ အပစ်အခတ် ရပ်စဲရေး လက်မှတ် ရေးထိုးပြီးလျှင် အားလုံးပါဝင်သည့် နိုင်ငံရေး တွေ့ဆုံ ဆွေးနွေးပွဲ လုပ်ဆောင်ရန် နှုတ်အားဖြင့် သဘော တူခဲ့ကြသည်။

ယင်း ဆွေးနွေးပွဲတွင် အစိုးရဘက်က အပစ်အခတ် ရပ်စဲရေး လက်မှတ်ထိုးရန်၊ နယ်မြေ သတ်မှတ်ရေး၊ ဆက်ဆံရေးရုံး ဖွင့်လှစ်ရန်နှင့် နောက်တကြိမ် ထပ်မံ တွေ့ဆုံဆွေးနွေးရန် ချပြ ဆွေးနွေးသည်။

ငြိမ်းချမ်းရေး ဖော်ဆောင်ရေး ကော်မတီ နှင့် TNLA တို့အကြား ပထမအကြိမ် ငြိမ်းချမ်းရေး ဆွေးနွေးပွဲကို ဇူလိုင် ၃၁ ရက်နေ့ တရုတ် – မြန်မာနယ်စပ် မူဆယ်မြို့ ကျင်းပခဲ့ပြီး သဘောတူညီချက် ၄ ချက် ရရှိခဲ့ ကြောင်း၊ သဘော တူညီချက် များတွင် အပစ်အခတ် ရပ်စဲရေး၊ ဆက်ဆံရေးရုံးများ ဖွင့်လှစ်ရေး၊ လက်နက် မပါဘဲ နယ်မြေဖြတ်သန်းခွင့် နှင့် ပြည်ထောင်စု အဆင့် ဆွေးနွေးပွဲ ရက်သတ်မှတ်ရေး တို့ ပါဝင်ကြောင်း သိရှိရသည်။

Credit : http://burma.irrawaddy.org/archives/47088

ထန်းကုန်းကျေးရွာ မီးရှို့မှု သံသယရှိသူများကို ဆက်လက် ဖမ်းဆီး

စစ်ကိုင်းတိုင်းဒေသကြီး၊ ရွှေဘိုခရိုင်၊ ကန့်ဘလူ မြို့နယ်၊ ထန်းကုန်းကျေးရွာ ပဋိပက္ခတွင် ၀င်ရောက် မီးရှို့သည်ဟု သတင်းရထားသော အနီးဝန်းကျင်မှ ရွာသားများကို ရှာဖွေ ဖမ်းဆီးနေကြောင်း သတင်း ရရှိသည်။

သြဂုတ်လ ၂၄ ရက်နေ့တွင် ဘာသာခြား ၃ ဦးက အမျိုးသမီးကို မုဒိန်းကျင့်သည်ဟူသော ကောလာ ဟလကို အခြေခံပြီး ထန်းကုန်းကျေးရွာရှိ မွတ်စလင် အိမ်ခြေ ၄၈ လုံးနှင့် ဈေးဆိုင် ၁၃ ခန်း မီးရှို့ခံရကာ လူ ၂၉၂ ဦး အိုးမဲ့အိမ်မဲ့ ဖြစ်ခဲ့သည်။

ပဋိပက္ခ စတင်ဖြစ်ပွားစဉ်က ၁၁ ဦး ဖမ်းဆီးထားပြီး ဖြစ်ပြီး ထန်းကုန်းကျေးရွာ အနီးတဝိုက်ရှိ အုတ်ဖို၊ အင်မတ်တော၊ ဇီးပင်သာ၊ ဝက်တိုး၊ မယ်ဇလီကုန်း အပါအဝင် ရွာပေါင်း ၁၂ ရွာမှ မသင်္ကာသူများကို ထန်းကုန်း ရဲစခန်းက ယနေ့ နေ့လယ်မှစ၍ ဝင်ရောက် ရှာဖွေ ဖမ်းဆီးနေခြင်း ဖြစ်ကြောင်း သိရသည်။

“လက်ရှိအနေထားအရ ဘယ်နှစ်ယောက် ဖမ်းထားသလဲ ဆိုတာမျိုး အတိအကျ မသိသေးပါဘူး။ စဖြစ်ဖြစ် ချင်းကတော့ တရားခံ ၁၁ ဦး ဖမ်းဆီးထားပါတယ်။ အထက်က ဖမ်းမိန့်တော့ ကျပြီးသားပါ” ဟု ထန်းကုန်း ရဲစခန်းမှ တာဝန်ရှိသူတဦးက ပြောသည်။

ယနေ့ ညနေတွင် ထန်းကုန်းကျေးရွာရှိ ရွာလယ်ဘုန်းကြီးကျောင်းသို့ စစ်ကိုင်းတိုင်း ၀န်ကြီးချုပ် ဦးသာအေး လာရောက်ကြည့်ရှုမည် ဖြစ်ပြီး ကယ်ဆယ်ရေး စခန်းအတွက် လိုအပ်သည်များကို ဆောင်ရွက်ဆွေးနွေး သွားမည်ဟု သိရသည်။

အခင်း ဖြစ်ပွားစဉ် အချိန်ကတည်း သက်ဆိုင်ရာက မီးလောင်မှုကို အချိန်မီ ငြိမ်းသတ်နိုင်အောင် ကြိုးစားခဲ့သော်လည်း မီးသတ်ကားကို ရေမဖြည့်နိုင်အောင် တုတ်ဓားလက်နက်များနှင့် တားဆီးခြင်း၊ မီးလောင်ပြင်အတွင်းသို့ အ၀င်မခံဘဲ ပိတ်ထားခြင်း၊ မီးသတ်ပိုက်များကို ဓားနှင့်ခုတ်ခြင်းအပြင် မီးသတ်သူ များ၊ သက်ဆိုင်ရာ တာဝန်ရှိသူများနှင့် ပဋိပက္ခကို ၀င်ရောက် တားဆီးသူများကိုလည်း လေးဂွများနှင့် ပစ်ခတ်ခြင်းများ ပြုလုပ်ခဲ့ကြောင်း သိရှိရသည်။

အုပ်စုဖွဲ့ကာ မီးသတ်ကားများကို တားဆီးရာ ဖယ်ရှာပေးရန် တောင်းပန်၍ မရသဖြင့် သေနတ်များ မိုးပေါ် ထောင်ဖောက်ကာ ခြောက်လှန့်ခဲ့ရကြောင်း စစ်ကိုင်းတိုင်းဒေသကြီး နယ်စပ်ရေးရာနှင့် လုံခြုံရေး ဝန်ကြီး ဦးကြည်နိုင်က ဧရာဝတီသို့ ပြောသည်။

“အခုလည်း သက်ဆိုင်ရာ ရဲစခန်းက တာဝန်ရှိသူတွေက ပဋိပက္ခဖြစ်စဉ်အတွင်း ကျေးရွာတွေ ၀င်ရောက် မီးရှို့တဲ့လူတွေကို ဖမ်းဆီးဖို့ လုပ်နေပါပြီ။ အစောကြီးကတည်းက လုပ်ဆောင်ချင်ပေမယ့်လည်း ပဋိပက္ခမီး ငြိမ်းသတ်တာတို့၊ ဘာသာရေး အဓိကရုဏ်း မဖြစ်အောင် တားဆီးတာတွေ လုပ်နေတဲ့အတွက် အဖမ်းအဆီး မလုပ်သေးတာပါ” ဟု ဦးကြည်နိုင်က ပြောသည်။

မွတ်စလင် ဒုက္ခသည်များကို ထန်းကုန်းကျေးရွာ အမှတ် (၁) ရပ်ကွက် အာရဗီ စာသင်ကျောင်းတွင် ကယ်ဆယ်ရေးစခန်း ဖွင့်ထားပေးကြောင်း၊ ယနေ့တွင် တချို့က ဆွေမျိုးများအိမ်သို့ ရွှေ့ပြောင်းနေထိုင်လျက်ရှိကြောင်း သိရသည်။

မီးလောင်သည့်အထဲတွင် ပါသွားသည့် လက်ဖက်ရည်ဆိုင် ပိုင်ရှင် ဒေါ်သန်းနွဲ့ဦးက “ကျမတို့က ရှင်းရှင်းပြောရရင် အိမ်ကို မပြန်ရဲသေးပါဘူး။ ကျမရဲ့ လက်ဖက်ရည်ဆိုင်လေးကို သူတို့စပြီး ၀င်ဖျက်တဲ့ အချိန်ကတည်း ကျမ တောင်းပန်ခဲ့ပါတယ်။ ဒါပေမယ့် သူတို့ ဘယ်လိုမှ တားလို့မရဘူး။ လူကို အန္တရာယ်ပြုမသွားတာဘဲ ကံကောင်းလှပါတယ်။ ဒါပေမယ့် ရွာကလူတွေကတော့ ညဆိုရင် ဘယ်အချိန်ဝင်ပြီး မီးရှို့သွားမလဲ ဆိုတာမျိုးပဲ တွေးပြီး ကြောက်နေရတာပါ။ အဲဒီအတွက်လည်း ကျမတို့ ကိုယ့်အိမ်ကိုယ့်ရာကို ပြန်မအိပ်ရဲသေးပါဘူး” ဟု ပြောသည်။

လက်ရှိ ကယ်ဆယ်ရေး စခန်းတွင် ဒုက္ခသည်များကို ဘာသာရေးအဖွဲ့စည်းများနှင့် ပဋိပက္ခ တားဆီးကာကွယ်ရေးအဖွဲ့မှ ငွေကြေးနှင့် လိုအပ်သည့် ပစ္စည်းများကို ထောက်ပံ့ပေးထားပြီး တိုင်းဒေသကြီး အစိုးရအဖွဲ့မှလည်း ကုန်ကျစရိတ်များ ထောက်ပံ့ပေးလျက် ရှိကြောင်း သိရသည်။

“ဒီကယ်ဆယ်ရေးစခန်းရဲ့ စားဝတ်နေရေး ကုန်ကျစရိတ်တွေကို တိုင်းဒေသကြီးဝန်ကြီးက အကုန်အကျ ခံသွားမှာပါ။ လက်ရှိလည်း သူတို့ကို စားဝတ်နေရေးနဲ့ ကုန်ကျစရိတ်တွေ ထုတ်ပေးထားပါတယ်။ အဆောက်အဦတွေကိုလည်း ပြန်လည် ဆောက်လုပ်ပေးဖို့အတွက် ကုန်ကျစရိတ်တွေ တွက်ချက်ပေးခိုင်းလို့လည်း ကျနော် တွက်ချက်နေပါတယ်” ဟု ၀န်ကြီး ဦးကြည်နိုင်က ပြောသည်။

အကြောင်းရင်းမှာ ထန်းကုန်းမြို့ ဆံပင်စက်ရုံသို့ လာရောက် အလုပ်လုပ်သော ဇီးပင်သာ ကျေးရွာမှ အသက် ၂၅ နှစ်အရွယ် မိန်းကလေး ညနေ အလုပ်သိမ်းချိန် စက်ဘီးနှင့် အိမ်အပြန်တွင် အသက် ၁၇ နှစ်အရွယ်ရှိ ဘာသာခြား အမျိုးသား တဦးက သမီးရည်းစား စကားပြောပြီး လက်ဆွဲသည့် ကိစ္စမှ စတင် ခဲ့ခြင်းဟု သိရသည်။

ကောလာဟလ စတင်ဖြစ်ပွားသည့် အဖြစ်အပျက်ကို မျက်မြင်ကြုံတွေ့ခဲ့သည့် ဇီးပင်သာရွာမှ ရပ်ကွက်အုပ်ချုပ်ရေးမှူး ဦးအောင်ကျော်မြင့် က “ဒီလိုမျိုး မီးတွေရှို့တာတွေကို ကျနော်တို့လည်း လက်မခံ ပါဘူး။ စိတ်လည်းမကောင်း ဖြစ်ရပါတယ်။ တခြား ဗုဒ္ဓဘာသာ လူတွေကလည်း ဒါမျိုးကို မကြိုက်ကြပါဘူး။ အဲဒီနေ့ကလည်း ကောင်မလေးက လယ်တောထဲကနေ ပြေးတက်လာပြီး ကျနော့်ကို အကူညီတောင်းလို့ ကျနော် အဲဒီကောင်လေးနောက်ကို အပြေးလိုက်သွားခဲ့တယ်။ ကောင်လေးကလည်း သူ့ရွာကို သူမပြေးဘဲ ကောင်မလေးရွာဘက်ကို ထွက်ပြေးတာ။ နောက်တော့ ကျနော်လည်း ရွာရောက်ပြီး ရွာထိပ်မှာ ထိုင်နေတဲ့လူတွေကို အကျိုးအကြောင်း ပြောပြပြီး ကောင်လေးကို ရှာဖမ်းတယ်။ ကောင်လေးကို မိတဲ့အချိန်မှာ ကျနော်တို့ရွာက လူတွေက အသားကို ဘာမှ နစ်နာအောင် လုပ်တာမျိုး မရှိခဲ့ပါဘူး။ ရဲစခန်းကို တိုင်တာပါ။ ကောင်လေးကို ရဲ ၂ ယောက် လာခေါ်သွားတယ်။ အဲလို ဖြစ်ပြီးချိန်မှ နောက်ပိုင်း လူတွေ တအားများလာပြီး ထန်းကုန်းကျေးရွာဘက်ကို သွားပြီး ရန်ဖြစ်ကြတာပါ” ဟု ပြောသည်။

ဓါတ်ပုံ - ထန်းကုန်းကျေးရွာတွင် မီးရှို့ခံရသော နေအိမ်များကို တွေ့ရစဉ် (ဓာတ်ပုံ – မန်းသားလေး / ဧရာဝတီ)

Credit : http://burma.irrawaddy.org/archives/47097

အဓိကရုဏ်းကို အစိုးရ အဆုံးမသတ်ချင်သလော (ဧရာဝတီ အယ်ဒီတာ့အာဘော်)

ဩဂုတ်လ ၂၄ ရက် ည စစ်ကိုင်းတိုင်း ကန့်ဘလူမြို့နယ် ထန်းကုန်းကျေးရွာတွင် တဖန်ပြန်လည် ဖြစ်ပွား လာခဲ့သော ဘာသာရေးခွဲခြားမှု အကြောင်းပြုပြီး မီးရှို့ဖျက်ဆီးခြင်းသည် မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ သောမတ် အိုဟေး ကင်တာနား၏ မိတ္ထီလာခရီးစဉ်အတွင်း ကားကို ဝိုင်း၍ ထုရိုက်ခံရအပြီး ၄ ရက်အကြာတွင် ဖြစ်ပွားခဲ့ခြင်းဖြစ်သည်။

ယင်းသည် မြန်မာနိုင်ငံအတွက် လွန်စွာ မျက်နှာပျက်စရာဖြစ်ပြီး ၂၀၁၂ မေလ ရခိုင်ပြည်တွင် စတင်ဖြစ်ပွား ခဲ့ကာ အလျင်အမြန် ပြန့်ပွားလာနေခဲ့သော လူမျိုးရေး ဘာသာရေး ခွဲခြားမှု အကြမ်းဖက် တိုက်ခိုက်ခြင်း များကို အစိုးရအနေဖြင့် ထိန်းချုပ်နိုင်စွမ်း မရှိကြောင်းနှင့် အဆိုပါကိစ္စကို အရေးယူ ကိုင်တွယ်နေသည့် ကုလသမဂ္ဂ သံတမန်၏ လုံခြုံရေးအပေါ် နိုင်ငံတကာ စည်းမျဉ်း စည်းကမ်းများအရ လိုက်နာ စောင့်ထိန်းရမည်ကို အလေးအနက် မရှိကြောင်း ပြသနေပေသည်။

ကောက်ရိုးမီးကဲ့သို့ ခဏ တောက်လောင်ပြီး ပြန်ငြိမ်းသွားတတ်သော အကြမ်းဖက် တိုက်ခိုက်ခြင်းများကို ကိုင်တွယ် ဖြေရှင်းရာတွင် အစိုးရ ပြန်ကြားရေးဝန်ကြီးဌာနမှ မကြာခဏ ထုတ်ပြန်ကြေညာသလို အခြေ အနေ မှာ အေးချမ်း တည်ငြိမ်သွားပြီ ဆိုသည်မှာ မဟုတ်ဟု ယခုဖြစ်ရပ်များက သက်သေဖြစ်သည်။

အမှန်မှာ မီးခဲပြာဖုံးသကဲ့သို့သာဖြစ်နေပြီး အမုန်းတရား လေပင့်ပေးပါက အဓိကရုဏ်းမီး အချိန်မရွေး ထ တောက်လောင် နိုင်ကာ လောင်ပြီဆိုလျင်လည်း အချိန်မီ မငြှိမ်းသတ်တော့ပေ။

ပိုဆိုးရွားသည်မှာ သမ္မတဦးသိန်းစိန်က ဘာသာရေး လူမျိုးရေးခွဲခြားနှိမ်ချမှုများကို လက်မခံဘဲ အရေးယူ သွားမည်ဟု မိန့်ခွန်းများ ခြွေနေသော်ငြား သမ္မတရုံးနှင့် သမ္မတ ပြောရေးဆိုခွင့်ရှိသူ၏ ထုတ်ပြန် ကြေညာချက်များသည်ကား အဓိကရုဏ်း မီးကို လေပင့်ပေးနေသော မန္တလေးမြို့ မစိုးရိမ်တိုက်သစ်မှ ဦးဝီရသူနှင့် ၎င်းဦးစီးဦးဆောင်ပြုနေသည့် ၉၆၉ အဖွဲ့ကိုပင် ထောက်ခံ ကာကွယ်နေခြင်းပင်။ ယင်းသည် သမ္မတ၏ သဘောထားလော၊ သို့မဟုတ် သမ္မတရုံးနှင့် သမ္မတ ပြောရေးဆိုခွင့် ရှိသူတို့က ဘောင်ကျော် လုပ်ဆောင်ခြင်းလော။

အကယ်၍ အဓိကရုဏ်းမီးကို လေပင့်ပေးနေသူများအား လွှတ်ပေးထားခြင်းသည် သမ္မတ၏ သဘောထား ဆိုလျှင် သမ္မတဦးသိန်းစိန် ရိုးသားသန့်ရှင်းသည်ဟု ဂုဏ်သတင်းမွှေးခဲ့ခြင်းသည် ဖန်တီးချက်တခု ဖြစ်သွားပေသည်။ သမ္မတရုံးနှင့် သမ္မတ ပြောရေးဆိုခွင့်ရှိသူတို့က ဘောင်ကျော်လုပ်ဆောင်ခြင်း ဆိုလျှင် သမ္မတဦးသိန်းစိန် တုံးလွန်း အ လွန်းသည်ဟု ပြောစရာဖြစ်မည်။ မည်သို့ပင်ဖြစ်စေ သမ္မတရုံးနှင့် သမ္မတ ပြောရေးဆိုခွင့်ရှိသူတို့၏ လက်ရှိ သဘောထားများမှာ ပြဿနာ မီးမွှေးထားခြင်းကို လိုလားသည်ဟုပင် ကောက်ချက်ချနိုင်သည်။

ထိုကောက်ချက်သို့ ရောက်ရန် မစ္စတာကင်တားနား ကားတန်း ခြိမ်းခြောက်ခံရမှုအပေါ် သမ္မတ ပြောရေး ဆိုခွင့်ရှိသူ ပြန်ကြားရေး ဒု-ဝန်ကြီး ဦးရဲထွဋ်၏ သဘောထား မှတ်ချက်များက ပို၍ တွန်းအားပေးခဲ့သည်။ ကုလသမဂ္ဂ၏ မြန်မာနိုင်ငံ ဆိုင်ရာ လူ့အခွင့်အရေး ကိုယ်စားလှယ်၏ ကားကို လူအုပ်က ဝိုင်းဝန်း ရိုက်ပုတ်ကြသည်ကိုပင် အန္တရာယ်မရှိဟု နိုင်ငံတကာ သံတမန်ရေး အတွေ့အကြုံရှိဖူးသူ တယောက် အနေဖြင့် ပြောဆိုရန် မသင့်ပေ။ သမ္မတ ဦးသိန်းစိန်၏ နိုင်ငံခြားခရီးစဉ်များတွင် ကန့်ကွက် ဆန္ဒပြသူများ အား သက်ဆိုင်ရာနိုင်ငံများ၏ လုံခြုံရေး ရဲတပ်ဖွဲ့များက ကားတန်းအနီး ပေး အကပ်ခံဖူး သလော ဟူသည်ကို ဦးရဲထွဋ်က ပိုသိပေမည်။

ချုပ်လျှင် ဦးသိန်းစိန်အစိုးရ တာဝန်ရှိသူများ၏ ပုဂ္ဂလိက ခံစားချက်နှင့် အမြင်သဘောထားများသည် အစိုးရ၏ တရားဝင် မူဝါဒများကို ကျော်လွန်ဖုံးအုပ်လာပြီး အလေးအနက်ထား ကိုင်တွယ်ဖြေရှင်းရမည့် ပြဿနာများကို ပြီးပြီးရော ပေါ့ပေါ့တန်တန် သဘောထားနေကြသည်။ လူ့အခွင့်အရေး၊ သံတမန်ရေး စည်းမျဉ်းစည်းကမ်းများကို လေးစား အသိအမှတ်ပြုရန်ပင် မစွမ်းဆောင်နိုင် ဖြစ်လာနေခဲ့သည်ကို ထောက်ရှု၍ ရှေ့ဆက် နိုင်ငံရေး စီးပွားရေး ပြုပြင်ပြောင်းလဲရေး မည်သို့ လုပ်ဆောင် ဦးမည်နည်းဟု သံသယ ကြီးစွာ ဖြစ်ရသည်။

ယခုအတိုင်း ပြဿနာကို ဆက်လက်ကိုင်တွယ်နေမည်ဆိုလျှင် ကုလသမဂ္ဂ လုံခြုံရေးကောင်စီ၏ စားပွဲသို့ မြန်မာအရေး ပြန်လည်ရောက်ရှိပြီး မျက်နှာကောင်း ရရှိထားခြင်းများ ပျောက်ဆုံးကာ ယခင်ကအတိုင်း မျက်နှာပျက်စရာ ပြန်ဖြစ်လာ ပေလိမ့်မည်။ မနေ့ကပင် မြန်မာ့ပြုပြင်ပြောင်းလဲရေးကို အကြီးအကျယ် လက်ကမ်းကြိုခဲ့သည့် အမေရိကန် ပြည်ထောင်စု အစိုးရ၏ ဘဏ္ဍာရေးဝန်ကြီးဌာနက မြန်မာနိုင်ငံရှိ မွတ်စလင် ဆန့်ကျင်ရေး လှုံ့ဆော်သူ၊ ဝါဒဖြန့်သူများကို အထူး သတိထား စောင့်ကြည့်ရမည့်သူများ (SDN) စာရင်းတွင် ထားရှိရန် အမေရိကန်ပြည်ထောင်စု၏ နိုင်ငံတကာ ဘာသာရေး လွတ်လပ်မှု ဆိုင်ရာ ကော်မရှင် အစီရင်ခံစာက တိုက်တွန်းနှိုးဆော်ခဲ့သည်ကို သတိမူသင့်ပေကြောင်း။

Credit : http://burma.irrawaddy.org/archives/47038

နိုင်ငံခြားသားများ ထိုင်း-မြန်မာ နယ်စပ် ဂိတ်များမှ ဝင်ထွက်နိုင်တော့မည်

မြန်မာနိုင်ငံ အတွင်းသို့ စီးပွားရေး၊ အလည်အပတ် ကိစ္စများအတွက် ဝင်ရောက်လိုသော နိုင်ငံခြားသား များ အနေဖြင့် ထိုင်း-မြန်မာ နှစ်နိုင်ငံ ပြည်နယ် ၃ ခုရှိ နယ်စပ်ဂိတ်ပေါက် ၄ ခုမှတဆင့် မကြာမီ ဝင် ထွက် သွားလာနိုင်တော့မည် ဖြစ်ကြောင်း သတင်း ရရှိ သည်။

ထိုင်း-မြန်မာ နယ်စပ် ဂိတ်များဖြစ်သော မြဝတီ၊ မဲဆောက်၊ တာချီလိတ်၊ မယ်ဆိုင်၊ ကော့သောင်း၊ ရနောင်း၊ ထီးခီး၊ မူနာရွန် စသည့် နေရာများမှတဆင့် ယခုနှစ် စက်တင်ဘာ လဆန်းပိုင်းမှ စပြီး သက်တမ်းရှိ ပတ်စ်ပို့၊ ဗီဇာများနှင့် ဝင်ရောက်ခွင့် ပြုတော့မည် ဖြစ်ကြောင်း လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာန ခရိုင် ဦးစီးဌာနမှူးရုံး မြဝတီမှ ဒုတိယ ညွှန်ကြားရေးမှူး ဦးအောင်ဝင်းသိန်းက ဆိုသည်။

“နိုင်ငံခြားသားတွေ အနေနဲ့ စီးပွားရေးသမားပဲဖြစ်ဖြစ်၊ အလည်အပတ် သမားပဲဖြစ်ဖြစ် အပေါ်က လေယာဉ်နဲ့ သွားတဲ့ အတိုင်းပဲ သက်တမ်းရှိတဲ့ ပတ်စ်ပို့ ဗီဇာပါရင် ဒီဂိတ်တွေကနေ ဝင်ထွက်နိုင်မှာ ဖြစ်ပါတယ်” ဟု ဒု ညွှန်ကြားရေးမှူး ဦးအောင်ဝင်းသိန်းက ဧရာဝတီသို့ ပြောသည်။

နယ်စပ်ဂိတ်များ ဖွင့်လှစ်ရန် အတွက်လည်း နေပြည်တော် ဗဟိုဌာနချုပ်ရုံး၏ ညွှန်ကြားချက် ကျထားပြီဖြစ်ကြောင်း၊ သြဂုတ် လကုန်တွင် ဖွင့်လှစ်ပေးသွားမည်ဖြစ်ပြီး ခရီးသည်များ ကူးသန်း သွားလာနိုင်ရေးအတွက် လိုအပ်ချက်များကိုလည်း ပြင်ဆင်ထားကြောင်း သူက ဆက်ပြောသည်။

မြန်မာနိုင်ငံအတွင်းသို့ ထိုင်းနှင့် တခြားနိုင်ငံသားများကို ထိုင်း-မြန်မာနယ်စပ် ဂိတ်များမှတဆင့် ဝင်ရောက်ခွင့်ကို ယခုလဆန်းပိုင်းက စတင်ဝင်ရောက်ခွင့်ပြုရန် မူလက စီစဉ်ခဲ့သော်လည်း ရေကြီးမှု၊ လမ်းပမ်းဆက်သွယ်မှု အခက်အခဲများကြောင့် ရွှေ့ဆိုင်းခဲ့ရကြောင်း သိရသည်။

နိုင်ငံခြားသားများ ၀င်ထွက်သွားလာခြင်းနှင့် ပတ်သက်၍ ပြည်ထဲရေးဝန်ကြီးဌာနက ကန့်သတ်ထားသည့် နယ်မြေများနှင့် သက်ဆိုင်ရာ ဒေသ အာဏာပိုင်များက လုံခြုံရေးအရ အခါအားလျော်စွာ တားမြစ်ထားသည့် နယ်မြေများမှ အပ ကျန်နယ်မြေများကို သွားလာခွင့်ပြုမည်ဟုလည်း သိရှိရသည်။

ဇူလိုင် ၃၀ ရက်က ရှမ်းပြည်နယ် ကျိုင်းတုံမြို့တွင် ကျင်းပသည့် နယ်စပ် စခန်းများမှ ၀င်ထွက်ခွင့်ပြုခြင်း ဆိုင်ရာ ရှင်းလင်းပွဲတွင် လူဝင်မှုကြီးကြပ်ရေး (လ၀က) နှင့် ဒေသဆိုင်ရာ အာဏာပိုင်များက ယင်းသို့ ခွင့်ပြုရန် ထုတ်ပြန် ပြောဆိုကြောင်း အစိုးရ သတင်းစာများကလည်း ဖော်ပြခဲ့သည်။

အစိုးရဘက်က နယ်စပ် ကုန်းလမ်းကြောင်းမှ ခရီးသည်များ ဝင်ထွက်သွားလာနိုင်ရေး ယင်းသို့ ထုတ်ပြန် ပြောဆိုနေသော်လည်း မြဝတီ-ကော့ကရိတ် လမ်းကြောင်းတွင် ကုန်းလမ်းပို့ဆောင်ရေး ယာဉ်များနှင့် လမ်းပိုင်းများမှာ ကြံ့ခိုင်မှုအားနည်းပြီး အဆင်သင့် မဖြစ်သေးဟု ယင်းလမ်းကြောင်းကို အသုံးပြု သွားလာ နေကြသော မြဝတီမြို့ခံများက ပြောသည်။

“တို့မြဝတီလမ်းက အာရှလမ်းမကြီး ပြီးသွားရင်တော့ ကောင်းသွားမှာပါ။ အဲ့ဒီလမ်းက ဖောက်နေတုန်း၊ မပြီးသေးဘူး။ အခု ဒေါနတောင်လမ်းကတော့ တို့မြန်မာနိုင်ငံသားတွေတောင် ဘုရား၊ တရား ‘တ’ ပြီး စီးနေရတာ၊ လမ်းက တရက်ဆင်း တရက်တက် ဖြစ်တဲ့အပြင် ကြံ့ခိုင်ရေးက စိတ်မချရဘူး။ တံတား အောက်နဲ့ အမှတ် (၁) ရပ်ကွက်ထဲက လမ်းတွေမှာဆိုရင် ရေကြီးတုန်းက အပျက်အစီးတွေ၊ ရွှံ့တွေတောင် မရှင်းလင်းရသေးဘူး” ဟု မြဝတီမြို့ခံတဦးက ဧရာဝတီသို့ ပြောသည်။

ကုန်းလမ်းကြောင်းများ ဖွင့်ပေးလိုက်သည့်အတွက် ယင်းလမ်းကြောင်းများ ပေါ်တွင်ရှိသော ပို့ဆောင်ရေး လုပ်ငန်းများ၊ စားသောက်ဆိုင်များ၊ ဟိုတယ်များ၊ တည်းခိုခန်းများနှင့် ဈေးဆိုင်များအတွက် ဈေးကွက် ကောင်းလာနိုင်သော်လည်း အဆိုပါ ကဏ္ဍများတွင် နိုင်ငံခြားသားများကို ဝန်ဆောင်မှုပေးရန် အားနည်းနေသေးကြောင်း မြဝတီ-ရန်ကုန် ကူးသန်းနေသည့် ကုန်သည်တဦးက ပြောသည်။

“ဒီလို ဖွင့်ပေးလိုက်တာတော့ လမ်းကြောင်းပေါ်မှာရှိတဲ့ ပို့ဆောင်ရေးတို့၊ တည်းခိုတဲ့နေရာတွေ၊ စားသောက်ဆိုင်တွေ အတွက် တော်တော် ကောင်းတယ်ဗျ။ ဒါပေမယ့် အဲဒါတွေ အကုန်လုံးက အဆင့်မီမီ မရှိကြဘူး။ နိုင်ငံခြားသားတွေ၊ သွားချင်အောင်၊ စားချင်အောင်၊ နေချင်အောင် ဆွဲဆောင်မှု မရှိကြဘူး။ ဥပမာဗျာ ဒေါနတောင်တန်းကြီး အလှကို နိုင်ငံခြားသားတွေ ကြိုက်တယ်၊ လမ်းကရင်တမမ နဲ့သွားရမယ်၊ ဒီလိုမျိုးတွေလည်းရှိတယ်” ဟု ၎င်းက ပြောသည်။

နယ်စပ်ဂိတ်များတွင် နိုင်ငံခြားသား ခရီးသွားများ ၀င်ခွင့်ပြုနိုင်ရေး လိုအပ်သော စက်ပစ္စည်း၊ လူအင်အားများကို ဖြည့်ဆည်းပေးပြီး အဆင့်မြင့် လုံခြုံရေးသုံး စက်ပစ္စည်းများကို တပ်ဆင်ထားပြီး ဖြစ်ကြောင်း လူဝင်မှု ကြီးကြပ်ရေး ဝန်ကြီး ဦးခင်ရီက နေပြည်တော်တွင် ဇူလိုင် လဆန်းပိုင်းက ပြုလုပ်သော သတင်းစာ ရှင်းလင်းပွဲတခုတွင် ပြောဆိုထားသည်။

ထို့အပြင် မြန်မာနှင့် ထိုင်းနယ်စပ် ဂိတ်ပေါက် များတွင် နိုင်ငံခြား ခရီသွားများ ခွင့်ပြုပြီးပါက မြန်မာ-တရုတ် နယ်စပ် ဂိတ်များတွင်လည်း နိုင်ငံခြားသား ခရီးသွားများ ၀င်ခွင့်ပြုရေး ဆက်လက် ဆောင်ရွက်သွားမည် ဖြစ်ကြောင်းလည်း သိရသည်။

“တရုတ်ဘက်က နေရာ ၄ ခုလောက်မှာလည်း ဖွင့်ဖို့ လုပ်ထားတယ်။ ထိုင်းဘက်က ဖွင့်ပြီးတာနဲ့ မကြာခင် ဖွင့်မယ်။ မူလက တပြိုင်နက်တည်း ဖွင့်ဖို့စီစဉ်ထားတာ။ အခုကတော့ တခုပြီးမှ တခု ဖွင့်လှစ်သွားမယ်” ဟု ဦးခင်ရီက ပြောဆို ခဲ့သည်။

မြန်မာနိုင်ငံနှင့် တရုတ်နိုင်ငံ နယ်စပ်များဖြစ်သည့် မူဆယ်၊ လွယ်ဂျယ်၊ လောက်ကိုင်၊ မိုင်းလား နယ်စပ်ဂိတ်များတွင် နိုင်ငံခြားသား ခရီးသွားများ ပြည်ဝင်ခွင့်ပြုသွားမည်ဟု သိရှိရသည်။

ယခုဖွင့်လှစ်မည်ဖြစ်သော ထိုင်း-မြန်မာ နယ်စပ် ဂိတ်နေရာများမှာ မဲဆောက်-မြဝတီ (ကရင်ပြည်နယ်)၊ မယ်ဆိုင် – တာချီလိတ် (ရှမ်းပြည်နယ်၊ အရှေ့ပိုင်း)၊ ရနောင်း – ကော့သောင်း (တနင်္သာရီတိုင်း)၊ မူနာရွန် – ထီးခီး (တနင်္သာရီတိုင်း၊ မေတ္တာမြို့နယ်ခွဲ) တို့တွင် တည်ရှိသည်။

Credit : http://burma.irrawaddy.org/archives/47050