လျစ်လျူရှုခံခဲ့ရသည့် အခြေခံဥပဒေ

မိမိတို့ မြန်မာနိုင်ငံသားများသည် ယခုအခါ နိုင်ငံ့ဖွဲ့စည်းအုပ်ချုပ်ပုံ အခြေခံဥပဒေအပေါ် ယခင်ကထက်ပိုပြီး အာရုံစိုက်မှု ရှိလာ နေကြသည်ကို တွေ့မြင်လာရသည်။ အခြေခံ ဥပဒေအတည်ပြုခါစ ၂ဝဝ၈ ခုနှစ်ဝန်း ကျင်တွင် အဓိကပါတီကြီးတစ်ပါတီက ယင်း အခြေခံဥပဒေကို လက်မခံဟု ထုတ်ဖော်ပြောဆိုခဲ့ကာ အခြားသော နိုင်ငံရေးအင်အားစု အများအပြားကလည်း အခြေခံဥပဒေကို လျစ်လျူရှုခဲ့ကြသည်။

၂ဝ၁၁ ခုနှစ်နောက်ပိုင်းတွင် ယခင်က လုံးဝငြင်းပယ် လျစ်လျူရှု ထားသည့် နိုင်ငံရေးအင်အားစုများက ၂ဝဝ၈ အခြေခံဥပဒေကို ရှေ့ဆက်ရမည့် လမ်းခရီးတွင် စီးနင်းစရာယာဉ်အဖြစ် သဘောထားကာ ယင်းဘောင်ထဲမှ ဒီမိုကရေစီ အသွင်ကူးပြောင်းရေးဆီ ဆက်လက်တက်လှမ်းဖို့ စဉ်းစားလာကြသည်။ ထို့ပြင် ယမန်နှစ်က ၂ဝဝ၈ အခြေခံဥပဒေကို ရေးဆွဲပြင်ဆင်ခဲ့သည့် ကြံ့ခိုင်ရေးပါတီ ခေါင်းဆောင်များ သည်ပင် လျှင် ၎င်းတို့ ဥပဒေ ကိုပြင်ဆင် ဖြည့်စွက်ရန်လိုသည်ဆိုသည့်အချက်ကို လက်ခံကာ ဆွေးနွေး ကြရန် သဘော တူခဲ့ သည်။

မည်ကဲ့သို့ပင်ဖြစ်စေ မိမိတို့သည် လက်ရှိဖွဲ့စည်းအုပ်ချုပ်ပုံ အခြေခံဥပဒေအချို့ကို မလွဲမသွေ ပြင်ဆင်ဖို့ လိုအပ်သည်ဟူသည့် အခြေခံသဘောထားအပေါ်တွင်မူ တူညီသည့် သဘောထား ရှိနေကြပြီဆိုသည့် အချက်ကမူ ကျေနပ်ဝမ်းမြောက်ဖွယ် ဖြစ်ပါသည်။ ထိုအချက်ကြောင့် ယခုအခါ လူထုလူတန်းစားကို အခြေခံသည့် နိုင်ငံရေးပါတီများနှင့် တိုင်းရင်းသား အဖွဲ့အစည်း အမျိုးမျိုးတို့သည် ဖွဲ့စည်းပုံအခြေခံ ဥပဒေအပေါ် ယခင်ကထက် ပိုပြီး အလေးထား ပြောဆိုဆွေးနွေးလာကြသည်ကို တွေ့မြင်လာရသည်။

လက်ရှိ ဖွဲ့စည်းအုပ်ချုပ်ပုံ အခြေခံဥပဒေသည် တိုင်းပြည် ဖွံ့ဖြိုးတိုးတက်ရေးအတွက် လမ်းဖွင့်ပေးမည့် ဥပဒေများ ထပ်မံပြဌာန်းရန် အပူတပြင်း လိုအပ်နေသည်ဟူသောအချက်ကို ပြည်သူများ သိရှိရိပ်မိလာ သောကြောင့် ဖြစ်သည်။ အခြားတစ်ဖက်မှ ပြန်ကြည့်လျှင်မူ လက်ရှိ ဖွဲ့စည်းအုပ်ချုပ်ပုံ အခြေခံဥပဒေပါ ဥပဒေတချို့သည် တိုင်းပြည် ဖွံ့ဖြိုးတိုးတက်ရေးအတွက် အဟန့်အတား ဖြစ်နေစေသည်ဟူသော အဓိပ္ပာယ် လည်း ဖြစ်စေနေပြန်သည်။ ထိုအခါ မိမိတို့ အနေနှင့် လက်ရှိဖွဲ့စည်းအုပ်ချုပ်ပုံ အခြေခံဥပဒေတချို့ကို မလွဲမသွေ ပြင်ဆင်ခြင်းနှင့် ဥပဒေ အသစ်တချို့ ပြဌာန်းဖြည့်စွက်ခြင်းများ ပြုလုပ်ကြရမည်မှာ အသေအချာ ပင် ဖြစ်သည်။

လက်ရှိဖွဲ့စည်းအုပ်ချုပ်ပုံ အခြေခံဥပဒေတချို့ ပြင်ဆင်ရန်မှာ ပြောသလောက် မလွယ်ဟုလည်း နိုင်ငံရေး လေ့လာသူများက ပြောဆိုဝေဖန်နေကြသည်။ အခြေခံအားဖြင့် အုပ်စုနှစ်စုခွဲထားပြီး ပထမအုပ်စုထဲတွင် ပါဝင်သည့် အခြေခံဥပဒေအပိုဒ်များကို ပြင်ဆင်လိုပါက ပြည်ထောင်စုလွှတ်တော်တွင် ၇၅ ရာခိုင်နှုန်း အထက် ထောက်ခံမှုရပါက ပြင်ဆင်နိုင်မည်ဖြစ်ကာ ဒုတိယအုပ်စုထဲတွင် ပါဝင်သည့် အပိုဒ် များကို ပြင်ဆင် လိုပါက အထက်ကလို ၇၅ ရာခိုင်နှုန်း နှင့် မပြီးတော့ပဲ ပြည်လုံးကျွတ်ဆန္ဒခံယူပွဲပါ လုပ်ဆောင်ရမည်ဟု ပြဋ္ဌာန်း ထားကြောင်း တွေ့ရသည်။

လူအများစိတ်ဝင်စားသည့် သမ္မတအဖြစ် အရွေးချယ်ခံခွင့်ရှိသူ၏ အရည်အချင်း သတ်မှတ်ချက်ဥပဒေ လိုမျိုးမှာ ဒုတိယအုပ်စုတွင် ပါဝင်သကဲ့သို့ တိုင်းရင်းသား လူမျိုးစုများနှင့် သက်ဆိုင်သည့် နယ်မြေပိုင်းခြား ခြင်းဆိုင်ရာ ကိစ္စရပ်များမှာလည်း ယင်းဒုတိယ အုပ်စုထဲတွင် ပါဝင်နေခြင်းဖြစ်သည်။

မှန်ပါသည်။ မိမိတို့သည် လက်ရှိ ဖွဲ့စည်းအုပ်ချုပ်ပုံ အခြေခံဥပဒေပါ အချက်အချို့ကို မလွဲမသွေ ပြင်ဆင်ကြ ရမည်သာဖြစ်သည်။ အခြေခံရမည့် သဘောထားမှာ ဖွဲ့စည်းအုပ်ချုပ်ပုံ အခြေခံဥပဒေဆိုသည်မှာ လူတစ်ဦး တစ်ယောက်အကျိုး၊ လူတစ်စုအကျိုးကို ကိုယ်စားပြုသည့် ဥပဒေမဖြစ်စေဘဲ မိမိတို့ပြည်သူ အားလုံး၏ အကျိုးကို ကိုယ်စားပြုသည့်ဥပဒေများ ဖြစ်ဖို့သာ အရေးကြီးပေသည်။

လတ်တလော မြန်မာနိုင်ငံ ဒီမိုကရေစီအသွင်ကူးပြောင်းရေး ချောချောမောမော ရှေ့သို့ တက်လှမ်းနိုင်ရေး ပြည်သူပြည်သားများ လိုလားသည့် မတူကွဲပြားသည့်အမြင် ရှိသည့်တိုင်စည်းလုံးမှုရှိစွာ တိုးတက်မှုသို့ တက်လှမ်းနိုင်ရေး၊ နိုင်ငံတကာ အသိုင်းအဝန်းကလည်း မုဒိတာပွားနိုင်မည့်ရလဒ် ပေါ်ထွန်းရေးမှာ အခြေခံ ဥပဒေကို အောင်မြင်စွာ ပြုပြင်နိုင်ရေး ဖြစ်သည်ဟုဆိုလျှင် မှားအံ့မထင်ပါ။

Credit : http://www.mizzimaburmese.com/edop/editorial/12142-2013-06-20-00-10-10.html 

လူနာနှင့် ဆရာဝန်အကြားက သံသယကို ဖြေရှင်းမည့် ကြားခံအဖွဲ့ ဖွဲ့တော့မည်

လူနာနှင့်ဆရာဝန်အကြား ဖြစ်ပေါ်လျှက်ရှိသော သံသယများကို ညှိနှိုင်းပေးမည့်ကြားခံ ဆရာဝန်အဖွဲ့ ဖွဲ့စည်း သွားမည်ဟု မြန်မာနိုင်ငံဆရာဝန်အသင်း စီမံခန့်ခွဲမှုဌာန အတွင်းရေးမှူး ဒေါက်တာမြင့်ဦးက ဇွန် ၁၉ ရက်တွင် မဇ္ဈိမကိုပြောသည်။

ရန်ကုန်ရှိ မြန်မာနိုင်ငံဆရာဝန်များအသင်း အဆောက်အအုံတွင် ပြုလုပ်သည့် ''ဆေးလောကစီမံခန့်ခွဲမှုနှင့် လူသားဆန်သော ဆေးပညာ၊ ဆေးလောက၌ ကျင့်သုံးရေး'' ဟု အမည်ရသည့် ဖိုရမ်တက်ရောက်နေစဉ် ၎င်းက ထိုသို့ပြောခဲ့ခြင်းဖြစ်သည်။

''(လူနာတွေက) သူတို့ကို ကုသတဲ့ ဆရာဝန်အပေါ်မှာ သူတို့ရဲ့ထင်မြင်မှုတွေ၊ ဆေးရုံနဲ့ပတ်သက်ပြီး သူတို့ရဲ့ ခံစားမှုတွေကအစနာက်ဆုံး သူတို့ဘဝဒဏ်ရာဒဏ်ချက်တွေကို နားလည်ပြီး နှစ်သိမ့်နိုင်တဲ့အထိ လုပ်သွားမှာပါ။ ဒီကနေ ဆရာဝန်တွေအားလုံး လူသားဆန်တဲ့ကုသမှုတွေ ကျင့်သုံးလာမယ်ဆိုရင် အခုဖြစ်နေတဲ့ လူနာနဲ့ ဆရာဝန်ကြားက မယုံကြည်မှုတွေကို ပြန်ပြီး တိုက်ဖျက်နိုင်မယ်'' ဟုလည်း ဒေါက်တာ မြင့်ဦးက ပြောသည်။

ဆရာဝန် ၁ဝဝ ကျော် တက်ရောက်ပြီး သုံးရက်ကြာပြုလုပ်သည့် ယခုဖိုရမ်သည် ဇွန် ၁၉ တွင် ပြီးဆုံးပြီ ဖြစ်ပြီး ဖိုရမ်ပြီးသည်နှင့် အဆိုပါ ကြားခံဆရာဝန်အဖွဲ့ကို ဖွဲ့စည်းရန် အမြန်ဆုံးဆောင်ရွက် တော့ မည် ဖြစ်သည်ဟု သူက ဆိုသည်။

ထိုအဖွဲ့ဝင် ဆရာဝန်များက ပုဂ္ဂလိက ဆေးရုံအုပ်များထံခွင့်တောင်းပြီး လူနာများကို တွေ့ဆုံဆွေးနွေး သွားမည် ဖြစ်သလို အစိုးရဆေးရုံများက ဖိတ်ခေါ်ပါကလည်း ဆောင်ရွက်ပေးသွားမည်ဟု သူက ရှင်းပြ သည်။

မြန်မာနိုင်ငံတွင် ဆရာဝန်များ၏ ကုသမှုနှင့်ပတ်သက်ပြီး ပြည်သူများအကြား ဝေဖန်မှုများရှိနေသလို၊ မီဒီယာများ ကလည်း ထောက်ပြမှုများ ဆောင်ရွက်လာပြီးနောက်တွင် ဆရာဝန်များအသင်းက ထိုကိစ္စကို ပြေလည်စေရေး အတွက် ယခုလိုကြိုးပမ်းလာခြင်းလည်း ဖြစ်သည်။

မိသားစုကျန်းမာရေးစောင့်ရှောက်မှု အတိုင်ပင်ခံဆရာဝန်ကြီး သီတဂူ ဒေါက်တာ စိုးမြင့်ကလည်း ကျွန်တော်တို့ လုပ်မှာက ဘယ်ဆရာဝန်မဆို လူနာရဲ့ ရုပ်ပိုင်းဆိုင်ရာသာမက လူနာရဲ့စိတ်ပိုင်းဆိုင်ရာကိုပါ သိရှိဖို့ ဆေးထိုးပြီးပိုက်ဆံယူယုံမကဘဲ လူနာရဲ့ လူသားဆန်တဲ့ခံစားမှုတွေကိုပါ ကုသနိုင်တဲ့ ဆရာဝန်တွေဖြစ်လာအောင် ကျွန်တော်တို့ မျှော်မှန်းတာပါ'' ဟု မဇ္ဈိမကိုပြောသည်။

၂ဝဝ၉ ခုနှစ် အောက်တိုဘာက ဖြစ်ပွားခဲ့သော ဆယ်တန်းကျောင်းသူ မခိုင်ရွှန်းလဲ့ရည်ကို ဆရာဝန်ကြီး တစ်ဦးက ကုသပြီးနောက် သေဆုံးသွားခဲ့သဖြင့် ထိုဖြစ်ရပ်နောက်ပိုင်း မြန်မာနိုင်ငံမှဆရာဝန်များ၏ ကုသမှုများနှင့် ပတ်သက်၍ ပြည်သူများနှင့် မီဒီယာများတွင် ဝေဖန်မှုများဖြစ်လာခဲ့သည်။

ထို့ပြင် ယခုနှစ် မေ ၁၆ ရက်ကလည်း ဟင်္သာတမြို့နယ်အတွင်းရှိ ဆေးရုံတစ်ရုံတွင်မီးဖွားသည့် အမျိုးသမီး တစ်ဦး၏ ဝမ်းဗိုက်ထဲတွင် ချုပ်ကြိုးကျန်ခဲ့သော ဖြစ်စဉ်တစ်ခု ဖြစ်ပွားခဲ့သဖြင့် ဝေဖန်မှုများ ထပ်ဖြစ်လာခဲ့ပြီး ထိုခွဲစိတ်မှုကို တာဝန်ယူသည့် ဆရာဝန်ကို စုံစမ်းမှုများဆောင်ရွက်နေသည်။

အတိုင်ပင်ခံဆရာဝန်ကြီး သီတဂူ ဒေါက်တာ စိုးမြင့်က မြန်မာနိုင်ငံဆရာဝန်သင်းသည် ပြီးခဲ့သည့် ၂ဝ၁၂ ခုနှစ် ကတည်းက ကမ္ဘာ့ဆရာဝန်များအဖွဲ့ဝင် ဖြစ်ခဲ့ပြီဖြစ်သဖြင့် မြန်မာနိုင်ငံဆေးလောကတွင် လူအခွင့် အရေးနှင့် လူသားဆန်သော ဆေးကုသမှုများ ပေါ်ပေါက်လာရန် လိုအပ်ကြောင်း၊ ဆရာဝန်များ၏ ကျင့်ဝတ် ပိုင်းဆိုင်ရာ မြှင့်တင်ရန်လိုအပ်ကြောင်း မှတ်ချက်ပြုသည်။

Credit : http://www.mizzimaburmese.com/news/inside-burma/12156-2013-06-20-10-38-38.html

၉၆၉ ဂဏန်းဖြင့် စီးပွားရေး လမ်းညွှန် ဝဘ်ဆိုက် တခု တည်ထောင်မည်ဆို

မြန်မာ တိုင်းရင်းသား လုပ်ငန်းရှင်များ လုပ်ကိုင်သော စီးပွားရေး လုပ်ငန်းများအား အွန်လိုင်းမှ ရှာဖွေကာ ဝယ်ယူအားပေးနိုင်မည့် လမ်းညွှန် ဝဘ်ဆိုက် တခု၏ အမည်ကို ၉၆၉ ဂဏန်း ထည့်သွင်းကာ ပေါ်ထွက် မည်ဟု ဝဘ်ဆိုက် တည်ထောင်သူ ကိုကျော်နန္ဒကို က ပြောဆိုသည်။

ဝဘ်ဆိုက်အမည်မှာ www.969business.com ဖြစ်ကာ မြန်မာ အမျိူးသား စီးပွားရေး အင်အားစု ကုမ္ပဏီမှ တရားဝင် လွှင့်တင်ခြင်းဖြစ်ကြောင်း ၎င်းက ပြောသည်။

“ကျနော်တို့ ၅ လပိုင်း နောက်ဆုံးပတ်လောက်က စလုပ်တာပါ။ လူ လေးယောက်နဲ့ စဖွဲ့တာပေါ့။ ရည်ရွယ် ချက် ကတော့ မြန်မာ တိုင်းရင်သားပိုင် လုပ်ငန်းများ နိုင်ငံတကာကို ထိုးဖောက်နိုင်ရေး၊ အချင်းချင်း ချိတ်ဆက်ပြီး တန်ဖိုးမြှင့် ထုတ်ကုန်ထုတ်လုပ်နိုင်ရေး၊ နည်းပညာ အကူအညီ ပေးနိုင်ရေး၊ လူငယ်များ အတွက် အလုပ်အကိုင် ဖန်တီးပေးရေး၊ ကုန်ဈေးနှုန်း ကျဆင်းစေရန် ဆောင်ရွက်ရေး စတဲ့ ၁၁ ချက် ဖြစ်ပါတယ်” ဟု ဆိုသည်။

ဝဘ်ဆိုက် ထူထောင်နိုင်ရန် အကျိူးတူ ပါဝင်မည့် ရှယ်ယာရှင်များအား ရှယ်ယာ တစုလျှင် ၁,၀၀၀ နှုန်းဖြင့် ပါဝင်ရန် ဖိတ်ခေါ်လျက်ရှိကြောင်း သိရသည်။

ထိုဝဘ်ဆိုက် ပေါ်ပေါက်လာခြင်းမှာ မြန်မာ တိုင်းရင်းသား လုပ်ငန်းရှင်များ အနေဖြင့် ၎င်းတို့ ကုန်ပစ္စည်းကို ဝယ်ယူကြရန် ဖိတ်ခေါ်ခြင်း သဘောသာဖြစ်ကြောင်း စီးပွားရေး လုပ်ငန်းရှင် ဇောတိက ဦးခင်လှိုင် က ဆိုသည်။

“ဗမာ တိုင်းရင်းသား လုပ်ငန်းရှင်တွေ အနေနဲ့ သူ့ဟာကို အားပေးပါဆိုတဲ့ ပုံမျိုးပဲ။ ဒါကို အွန်လိုင်းကပဲ လုပ်လုပ် ကောင်းပါတယ်။ ဒါပေမယ့် ၉၆၉ ဆိုတာကတော့ ဘာသာရေး သင်္ကေတ တခုပေါ့။ ဒါကြောင့် မြန်မာ စီးပွားရေး လုပ်ငန်းလို့ သုံးလို့ မရဘူး။ ဗုဒ္ဓဘာသာ စီးပွားရေး လုပ်ငန်းလို့ သုံးရမှာ” ဟု ဦးခင်လှိုင် က ထောက်ပြသည်။

အခြား ဘာသာဝင်များ လုပ်ကိုင်သော စီပွားရေးလုပ်ငန်းများအပေါ် ထိုဝဘ်ဆိုက် ထွက်ပေါ်လာခြင်း ကြောင်း ထိခိုက်မှု မရှိနိုင်ကြောင်း အစ္စလာမ်ဘာသာဝင် တဦးဖြစ်သည့် စီပွားရေးလုပ်ငန်ရှင် ဦးရွှေကြည် က ဆိုသည်။

“ဒီလုပ်ရပ်ဟာ နိုင်ငံမှာရှိတဲ့ အခြေခံ လူတန်းစားတွေ အတွက်လည်း ဘာထိခိုက်မှုမှ မရှိနိုင်ဘူး။ မြန်မာလူမျိူး ၉၀ ရာခိုင်နှုန်းက ဝဘ်ဆိုက်တို့ ဘာတို့က ဈေးမဝယ်တက်ပါဘူး။ ၁ ကျပ်တန် ပစ္စည်းကို ၁၀ ပြားနဲ့ ရောင်းမှ ဝယ်မှာပါ။ ၉၆၉ ပြောပြော၊ ၇၈၆ ပြောပြော ဘယ်သူမှ ကြည့်မှာ မဟုတ်ပါဘူး။ အခုခေတ်က စီးပွားရေး ပြိုင်ဆိုင်မှုပဲ ရှိပါတယ်။ ဆက်ဆံရေး ပြိုင်ဆိုင်မှုတွေက မရှိတော့ပါဘူး။ ဝယ်တဲ့သူ ရွေးချယ်ခွင့်က အဓိက ကျတာပါ” ဟု သုံးသပ်သည်။

အဆိုပါ ဝဘ်ဆိုက်မှာ လက်ရှိ သတင်းရေးသားချိန်တွင် ဆိုင်းငံ့ထားကြောင်းသာ တွေ့ရှိရပြီး ဇွန်လကုန် ပိုင်းတွင် စတင်ဖွင့်နိုင်မည်ဟုလည်း သိရှိရသည်။

၉၆၉ တံဆိပ်အား သာဿနာ ညှိးနွမ်းမည့် နေရာများတွင် အသုံးမပြုရန် ဇွန်လ ၁၄ ရက်နေက မှော်ဘီမြို့ နယ်တွင် ပြုလုပ်သော သံဃာတော်များ သြဝါဒ ခံယူပွဲနှင့် ညှိနှိုင်းဆွေးနွေးပွဲမှ တားမြစ်ခဲ့သည်။

Credit : http://www.mizzimaburmese.com/news/inside-burma/12149-2013-06-20-08-13-41.html

မြန်မာ အလုပ်သမားများ ဌာနေပြန်ခွင့်အတွက် လာဘ်ယူမှုတွင် သံရုံးမှ ပါဝင်ပတ်သက်သည် ဆိုပါက ရာထူးမှ ထွက်ပေးသည်အထိ တာဝန်ခံနိုင်ကြောင်း မလေးရှား နိုင်ငံဆိုင်ရာ မြန်မာသံအမတ်ကြီး ပြောကြား

မလေးရှားရောက် တရားမ၀င် မြန်မာအလုပ်သမားများ ဌာနေပြန်ခွင့်အတွက် လာဘ်ယူမှုများတွင် သံရုံးမှ ပါဝင်ပတ်သက်သည်ဆိုပါက ရာထူးမှထွက်ပေးသည်အထိ တာဝန်ခံနိုင်ကြောင်း မလေးရှားနိုင်ငံ ဆိုင်ရာ မြန်မာသံအမတ်ကြီး ဦးတင်လတ်က ဇွန် ၁၈ ရက် ညနေပိုင်းတွင် The Daily Eleven သတင်း စာသို့ ပြောကြားသည်။ ပြန်လည်ဖြေကြားခဲ့ခြင်း ဖြစ်သည်။

"ဒါနဲ့ပတ်သက်လို့ အာမခံတယ်။ သံရုံးဝန်ထမ်းတွေ ပိုက်ဆံယူတယ်ဆိုတာ ကျွန်တော်လည်း အဖြစ် မခံဘူး။ ဒီအချိန်မှာ သူတို့ဒုက္ခရောက်လို့ ပြန်တဲ့အချိန် ပိုဆိုးတာပေါ့။ ကျွန်တော်တို့ ၀န်ထမ်းတွေလည်း မှာထားပါတယ်။ ဖြစ်လာလို့ရှိရင် သံရုံးဝန်ထမ်းက ယူတယ်လို့ တိတိကျကျ စွပ်စွဲလို့ရှိရင် သံအမတ်ကြီး လည်း သံအမတ်ကြီး ရာထူးကနေ ထွက်သွားပါမယ်။ ကျွန်တော် အဲလောက်အထိ အာမခံ တယ်။ ရဲရဲတင်းတင်း အာမခံပါတယ်။ သံရုံးက ပါတယ်ဆိုရင် ရာထူးက ထွက်သွားတဲ့အထိ တာဝန်ခံပါတယ်" ဟု ဦးတင်လတ်က ပြောကြားသည်။

လက်ရှိအချိန်တွင် မြန်မာနိုင်ငံသို့ ပြန်လိုသူ တရားမ၀င် အလုပ်သမားများ အနေဖြင့် မြန်မာသံရုံးမှ ထုတ်ပေးသော နိုင်ငံသားဖြစ်ကြောင်း အထောက်အထားနှင့် မလေးရှား လူဝင်မှု ကြီးကြပ်ရေး ဌာန၏ ဌာနေပြန်ခွင့် စိစစ်ခြင်း စသည့်အဆင့်နှစ်ဆင့်ကို ဆောင်ရွက်ရမည် ဖြစ်ပါသည်။

မြန်မာနိုင်ငံသားဖြစ်ကြောင်း အထောက်အထားကို အခမဲ့ အနေဖြင့် နေချင်းပြီး ထုတ်ပေးလျက် ရှိနေပြီး မလေးရှား လူဝင်မှု ကြီးကြပ်ရေးမှ ခွင့်ပြုသော ဌာနေပြန်ခွင့်ကို ပုံမှန်အားဖြင့် သုံးလစောင့်ဆိုင်း ရမည် ဖြစ်သည်။ သို့သော် မလေးရှားနိုင်ငံသို့ ရောက်ရှိနေသော ဧရာဝတီ ဖောင်ဒေးရှင်း ၏ တောင်းဆိုချက် အရ ရက်ပိုင်းအတွင်း ပြန်လိုသူများအတွက် သံရုံး၏ ကိုယ်စားလှယ်လွှဲ ထောက်ခံ စာဖြင့် လျှောက်ထားမှုများ စတင်ပြီးချိန်တွင် ရက်ပိုင်းအတွင်း ပြန်နိုင်သူများ ရှိလာခဲ့သည်။ ထိုသို့ ပြန်ရန်အတွက်လည်း ငွေကြေးကုန်ကျမှုများ မရှိခဲ့ကြောင်း မြန်မာနိုင်ငံ ပြန်သူများ၏ ပြောကြား ချက်အရ သိရှိရပါသည်။

သို့သော် မြန်မာနိုင်ငံသို့ ရက်ပိုင်းအတွင်း ပြန်လိုသူ အရေအတွက် တိုးလာချိန်တွင် ပွဲစားများကို ကြားခံထားပြီး ရက်ပိုင်းအတွင်း ပြန်နိုင်ရန်အတွက် လာဘ်ပေးပြီး ဆောင်ရွက်နိုင်သည်ဆိုသော သတင်း များ ထွက်ပေါ်ခဲ့သည်။

"အရင်တုန်းက သုံးလကြာတာကို ဘာမှမပြောဘူး။ ဒီလိုပဲ စောင့်ခဲ့ကြတယ်။ အခုကျတော့ သူတို့မှာ စိုးရိမ်ပူပန် စိတ်လေးတွေနဲ့ရက်ကြာရင် သူတို့မှာ အန္တရာယ်များ ဖြစ်မလား ဆိုပြီး မြန်မြန်ပြန်ချင်တဲ့ စိတ် ပေါ်လာတာကိုး။ အရင်က ဒီသုံးလဆိုတာကို ဘယ်သူမှ မပြောဘူး။ အခုမှ မြန်မြန်ပြန် ချင်တာတွေ ဖြစ်လာတယ်ဆိုတော့ သူတို့ကို (မလေးရှား) သွားပြီး စွပ်စွဲလို့လည်း မကောင်း ဘူး။ မြန်မာပြည်မှာ လိုပေါ့။ လိုင်းရှိတယ်လေ။ အဲဒါတွေက သံရုံးနဲ့လည်း မဆိုင်ဘူး" ဟု ဦးတင်လတ် က ပြောကြားသည်။

မလေးရှား လူဝင်မှု ကြီးကြပ်ရေးရုံးသို့ သံရုံး၏ ကိုယ်စားလှယ် လွှဲစာဖြင့် ပေးပို့မည် ဆိုပါက အဆိုပါ ကိုယ်စားလှယ် လွှဲစာကို သံမှူးအဆင့်က လက်မှတ်ရေးထိုး ရသဖြင့် အလွယ်တကူ မရရှိနိုင်ကြောင်း သိရသည်။

From...EMG

သရုပ်ဆောင် မင်းအုပ်စိုးအမှု အမိန့်ချရန် ဇူလိုင် ၃ ရက်သို့ ရွှေ့ဆိုင်း

ဗဟန်းမြို့နယ် တရားရုံးတွင် အမှုရင်ဆိုင် လျက်ရှိ သော ရုပ်ရှင်သရုပ်ဆောင်၊ ဒါရိုက်တာ မင်းအုပ်စိုး ကို ဇွန်လ ၁၉ ရက် နေ့တွင် တရားရုံးက အမိန့်ချ မှတ်ရန် သတ်မှတ်ထားသော်လည်း ဇူလိုင်လ ၃ ရက်နေ့ တွင် ရက်ရွှေ့ဆိုင်းခဲ့ကြောင်း ဗဟန်းမြို့ နယ် တရားရုံးထံမှ သိရှိရသည်။

အဆိုပါ အမှုနှင့် ပတ်သက်၍ ဇွန်လ ၁၉ ရက်နေ့ တွင် မင်းအုပ်စိုးက တရားရုံးထံ ခွင့်တိုင်ကြားသဖြင့် ဇူလိုင် လ ၃ ရက်နေ့သို့ ရက်ရွှေ့ဆိုင်းခဲ့ခြင်း ဖြစ်ကြောင်း ဗဟန်း မြို့နယ် တရားရုံး၏ စာရေးတစ်ဦး က ပြော ကြားသည်။

တာမွေမြို့နယ် ရဲစခန်း၊ ဒုရဲအုပ် အောင်ကျော်ထွန်းက တရားလို ပြုလုပ်၍ ပြည်သူပိုင်ပစ္စည်း ဖျက်ဆီးမှု၊ တရားမဝင်ယာဉ်များ တွေ့ရှိမှု၊ မူးယစ် ရမ်းကားမှုများဖြင့် ဗဟန်းမြို့နယ် တရားရုံးက မေလ ၃၁ ရက်နေ့က ချိန်းဆိုခဲ့သော်လည်း မင်းအုပ်စိုးက ခွင့်တိုင်ကြားသဖြင့် ဇွန်လ ၅ ရက်နေ့သို့ လည်းကောင်း၊ ယင်းနေ့တွင် ထပ်မံ၍ ဇွန်လ ၁၉ ရက်နေ့သို့ ထပ်မံ ချိန်းဆိုရာမှ ဒုတိယ အကြိမ်မြောက် ခွင့်တိုင်ကြား သဖြင့် ဇူလိုင် လ ၃ ရက်နေ့သို့ ထပ်မံ ချိန်းဆိုခဲ့ခြင်း ဖြစ်သည်။

တရားလိုပြု တိုင်ကြားသည့် ဒုရဲအုပ် အောင်ကျော်ထွန်း တာဝန်ကျ စခန်းဖြစ်သည့် တာမွေမြို့နယ် ရဲတပ်ဖွဲ့ စခန်းထံသို့ ဆက်သွယ် မေးမြန်းရာ တရားလိုသည် ရခိုင်ပြည်နယ်သို့ ပြောင်းရွှေ့ တာဝန် ကျနေကြောင်း အဆိုပါ ရဲတပ်ဖွဲ့ စခန်းတာဝန်ကျ အရာရှိက ပြောကြားသည်။

ရုပ်ရှင် သရုပ်ဆောင် ဒါရိုက်တာ မင်းအုပ်စိုးသည် ၂၀၁၂ ခုနှစ် ဖေဖော်ဝါရီလ ၁၅ ရက်နေ့ ညနေတွင် ဗဟန်းမြို့နယ်၊ ဗိုလ်ချို(၂) ရပ်ကွက် ဖိုးစိန်လမ်း Holiday စားသောက်ဆိုင် ရှေ့ရှိ အမှိုက်ပုံကို မီးရှို့ ခြင်း၊ လာရောက် ဖြေရှင်းသော ရဲအရာရှိများကို ဆဲဆိုခြင်း၊ အများပြည်သူ စိတ်အနှောင့် အယှက် ဖြစ်စေရန် ပုဆိုးချွတ်ကာ ယာဉ်ကြော ပိတ်ဆို့အောင် ပြုလုပ်ခြင်း၊ တာဝန်ထမ်း ဆောင်နေသော ရဲတပ်ဖွဲ့ဝင်များကို လက်သီးဖြင့် ထိုးခြင်းတို့ ပြုလုပ်ပြီး ရဲတပ်ဖွဲ့ဝင်ပိုင် ယာဉ်အမှတ် ၇ခ/၁၇၂၄ ဟိုင်းလတ် အပြာရောင် မော်တော်ယာဉ်၏ ဘေးမှန်ကို လက်သီးဖြင့် ထိုးခွဲခဲ့ခြင်းတို့အတွက် ဗဟန်း ရဲတပ်ဖွဲ့ စခန်းက (ပ) ၇၆/၁၂ ပုဒ်မ - ပပက ၆(၁)၊ (ပ) ၇၇/၁၂ ပုဒ်မ-၂၉၄/၃၅၃ ၊ (ပ) ၇၈/၂၀၁၂ ပုဒ်မ - ၄၃၆ ဖြင့် တရားစွဲ ဆိုထားခြင်း ဖြစ်သည်။

The Voice Weekly

ဖက်ဒရယ် ဆိုသည်မှာ ခွဲထွက်ရန် မဟုတ် ပေါင်းစည်း နေထိုင်၍ အာဏာကို ခွဲဝေ သုံးစွဲရန်ဖြစ် အမေရိကန် ပြည်ထောင်စု ပင်လျှင် တစ်ခုတည်းသော အမေရိကန် တပ်မတော် သာရှိ

အမေရိကန် ကွန်ဂရက် House of Representatives ဥက္ကဋ္ဌ Hon. Mr. John A. Boehner နှင့် အမေရိကန် ပြည်ထောင်စု အစိုးရတို့၏ ဖိတ်ကြားချက်အရ အမေရိကန် ပြည်ထောင်စုသို့ ချစ်ကြည်ရေး ခရီး သွားရောက် ခဲ့သော ပြည်သူ့လွှတ်တော် ဥက္ကဋ္ဌ သူရဦးရွှေမန်း သည် ပြည်သူ့ လွှတ်တော် ကော်မတီ ဥက္ကဋ္ဌများ ဖြစ်ကြသည့် ဦးသိန်းဆွေ၊ ဦးလှမြင့်ဦး၊ အမျိုးသား လွှတ်တော် ကော်မ တီ အတွင်းရေးမှူး ဦးခက်ထိန်နန်၊ ပြည်သူ့လွှတ်တော် ကော်မတီ အဖွဲ့ဝင် များ ဖြစ်ကြသည့် ဒေါက်တာဝင်းမြင့်၊ ဒေါက်တာ မျိုးအောင်တို့ နှင့်အတူ ဇွန် ၁၁ ရက် ညနေ ၃ နာရီ ၁၅ မိနစ်က အမေရိကန် ကွန်ဂရက် အဆောက်အအုံ (Capitol Hill) ၌ အတိုက်အခံ ခေါင်းဆောင် Senator Mitch McConell နှင့် တွေ့ဆုံ ဆွေးနွေး ခဲ့သည်။

ဇွန် ၁၂ ရက် နံနက်ပိုင်းနှင့် မွန်းလွဲပိုင်းတွင် ပြည်သူ့လွှတ်တော် ဥက္ကဋ္ဌ သူရ ဦးရွှေမန်း ခေါင်းဆောင်သော မြန်မာလွှတ်တော် ချစ်ကြည်ရေး ကိုယ်စားလှယ် အဖွဲ့သည် အမေရိကန် ကွန်ဂရက် အဆောက်အအုံ (Capitol Hill) ၌ အမေရိကန် အထက်လွှတ်တော် အမတ် Senator Ms. Diane Feinstein၊ Senator Benjamin Cardin နှင့် Senator John McCane ၊ အမေရိ ကန် အောက်လွှတ်တော်အမတ် Representative Joseph Crowley နှင့် Representative Jerrold Nadler တို့နှင့် သီးခြားစီ တွေ့ဆုံ ဆွေးနွေးခဲ့သည်။

ယင်းနေ့ညနေပိုင်းတွင် ပြည်သူ့လွှတ်တော် ဥက္ကဋ္ဌသူရ ဦးရွှေမန်း ခေါင်းဆောင်သော မြန်မာ ချစ်ကြည်ရေး ကိုယ်စားလှယ်အဖွဲ့သည် အမေရိကန် ကွန်ဂရက်အဆောက်အအုံ (Capitol Hill) ၌ အမေရိကန် အောက် လွှတ်တော် အတိုက်အခံ ခေါင်းဆောင် အောက်လွှတ်တော် ဥက္ကဋ္ဌဟောင်း Ms. Nancy Pelosi နှင့် လည်းကောင်း၊ အမေရိကန် အထက် လွှတ်တော်အမတ် Senator Briam Schatz နှင့် လည်းကောင်း တွေ့ဆုံ ဆွေးနွေးခဲ့သည်။

၎င်းနောက် မြန်မာချစ်ကြည်ရေး ကိုယ်စားလှယ် အဖွဲ့သည် အမေရိကန် ကွန်ဂရက် အဆောက်အအုံ ၌ အောက် လွှတ်တော် အမတ်များ ဖြစ်ကြသော Representative David Price နှင့် Representative Peter Roskam တို့နှင့် တွေ့ဆုံ ဆွေးနွေး ခဲ့သည်။

ပြည်သူ့လွှတ်တော် ဥက္ကဋ္ဌ သူရဦးရွှေမန်းသည် ဇွန် ၁၁ ရက် နံနက် ၁၁ နာရီက အမေရိကန် နိုင်ငံခြားရေး ဝန်ကြီးဟောင်း Mrs. Hillarry Clinton နှင့် ခေတ္တတည်းခို နေထိုင်သည့် ဝါရှင်တန် ဒီစီမြို့ရှိ Grand Hyatt ဟိုတယ်၌ တွေ့ဆုံ ဆွေးနွေး ခဲ့သည်။

ဇွန် ၁၇ ရက် နံနက်၈ နာရီက ပြည်သူ့လွှတ်တော် ဥက္ကဋ္ဌ သူရ ဦးရွှေမန်း နှင့် ဆန်ဖရန် စစ္စကိုမြို့တော်ဝန် Mr. Edwin Mah Lee တို့သည် ဆန်ဖရန် စစ္စကိုမြို့ရှိ Retz- Carlton Hotel ၌ တွေ့ဆုံ ဆွေးနွေး ခဲ့ကြသည်။

ဇွန် ၉ ရက် နံနက်ပိုင်းက President of NDI, Mr. Kenneth Wollack၊ President of IRI,Mr.Lome Craner၊ President of NED,Mr. Carl Gershman တို့နှင့် တွေ့ဆုံ ဆွေးနွေးခဲ့သည်။ ထို့နောက် IRG Boardမှ ကွန် ဂရက် လွှတ်တော် အမတ်ဟောင်း များဖြစ်ကြသော Ambassador Jim Jones, Mrs. Nancy Johnson, Mr. James Slattery တို့မှ တည်ခင်းသော နေ့လယ်စာ စားပွဲသို့ တက်ရောက်ခဲ့သည်။

ယင်းနောက် ကွန်ဂရက်လွှတ်တော် ဘတ်ဂျက်ရေးရာရုံး (CBO) နှင့် အစိုးရ လုပ်ငန်း စစ်ဆေးရေးရုံး (GAO) တို့သို့ သွား ရောက် လေ့လာရာ တာဝန် ရှိသူများက ရှင်းလင်းတင်ပြ ခဲ့ကြသည်။

ဇွန် ၁၁ ရက် နံနက်ပိုင်းက ပြည်သူ့လွှတ်တော် ဥက္ကဋ္ဌ သူရဦးရွှေမန်းသည် အမေရိကန် နိုင်ငံခြားရေး ဝန်ကြီးဌာနမှ တာဝန် ရှိသူများနှင့် တွေ့ဆုံ ဆွေးနွေးခဲ့သည်။ မွန်းလွဲပိုင်းတွင် အမေရိကန် ကွန်ဂရက်အတွင်း လှည့်လည် ကြည့်ရှု လေ့လာ ကြသည်။ ထို့နောက် အမေရိကန် ကွန်ဂရက် (Library of Congress)ကို ကြည့်ရှုလေ့လာ ကြသည်။ ညနေ ပိုင်းတွင် အမေရိကန်- အာဆီယံ စီးပွားရေး ကောင်စီနှင့် အမေရိကန် ကုန်သည်ကြီးများ အသင်း၌ ပြုလုပ်သည့် တွေ့ဆုံ ဆွေးနွေးပွဲသို့ တက်ရောက်ခဲ့သည်။

ဇွန် ၁၃ ရက် နံနက် ၁၁ နာရီက ပြည်သူ့လွှတ်တော် ဥက္ကဋ္ဌ သူရ ဦးရွှေမန်း ခေါင်းဆောင်သော မြန်မာ လွှတ်တော် ကိုယ်စားလှယ် အဖွဲ့အား ဝါရှင်တန် ဒီစီမြို့ရှိ Woodrow Wilson Center၌ မဟာ ဗျူဟာနှင့် နိုင်ငံတကာ လေ့လာရေး စင်တာ (CSIS) နှင့် အမျိုးသား ဒီမိုကရေစီ ရေးရာအဖွဲ့ (NDI) တို့က နေ့လယ်စာစားပွဲဖြင့် တည်ခင်းဧည့်ခံခဲ့သည်။ ထုိ့ နောက် Woodrow Wilson Center၌ မြန်မာနိုင်ငံ၏ နိုင်ငံရေး ပြုပြင်ပြောင်း လဲမှုများနှင့် ပတ်သက်၍ ရှင်းလင်းပြော ကြားကာ တက်ရောက် လာသူများ၏ မေးမြန်းမှုများ အပေါ် ဖြေကြားခဲ့သည်။

ဇွန် ၁၄ ရက် နံနက်ပိုင်းက နယူး ယောက်မြို့ရှိ Google ရုံးချုပ်သို့ သွားရောက် လေ့လာခဲ့သည်။

ဇွန် ၁၆ ရက် နံနက် ၉ နာရီခွဲက ပြည်သူ့လွှတ်တော်ဥက္ကဋ္ဌ သူရဦးရွှေမန်းသည် ဆန်ဖရန် စစ္စကိုမြို့ရှိ မြန်မာနိုင်ငံ သားများနှင့် တွေ့ဆုံ၍ မြန်မာနိုင်ငံ၏ နိုင်ငံရေး ဖြစ်ပေါ် တိုးတက်မှု အခြေအနေ များအား ရှင်းလင်း ပြောကြားကာ မေး မြန်းမှုများ အပေါ် ဖြေကြားခဲ့သည်။

ယင်းနေ့မွန်းလွဲ ၁ နာရီခွဲက ဆန်ဖရန် စစ္စကို မြို့တော်ခန်းမသို့ သွားရောက်လေ့လာရာ ဆန်ဖရန် စစ္စကို မြို့တော်ဝန် ဟောင်း Mr. Arthur Agnos နှင့် တာဝန်ရှိသူများက လိုက်လံရှင်းလင်း ပြသခဲ့ပြီး အမှတ်တရ ဓာတ်ပုံရိုက် ကြသည်။ ညနေ ၄ နာရီတွင် ပြည်သူ့လွှတ်တော် ဥက္ကဋ္ဌနှင့် အဖွဲ့သည် အမေရိကန် ဒီမိုကရေစီ ဖော်ဆောင်ရေး ကျွမ်းကျင် ပုဂ္ဂိုလ် Professor Larry Diamond နှင့် တွေ့ ဆုံခဲ့သည်။

ပြည်သူ့လွှတ်တော် ဥက္ကဋ္ဌ သူရဦးရွှေမန်းသည် အမေရိကန် ကွန်ဂရက် အထက်လွှတ်တော် ၊ အောက်လွှတ်တော်များမှ လွှတ်တော် အမတ်များ၊ အတိုက်အခံ ခေါင်းဆောင်များ၊ လွှတ်တော် အမတ်ဟောင်းများ၊ အမေရိကန် ပြည်ထောင်စုရှိ NDI, IRI, NED, IRG, CRS, CBO စသည့် အဖွဲ့အစည်းများ၊ အမေရိကန် သမ္မတ၊ ဒုတိယ သမ္မတများ၏ အကြံပေး ပုဂ္ဂိုလ်များ၊ နိုင်ငံခြားရေး ဝန်ကြီးဌာနမှ တာဝန်ရှိသူများ၊ US Chamber of Commerceမှ တာဝန်ရှိ ပုဂ္ဂိုလ်များနှင့် တွေ့ဆုံရာတွင် မိမိနှင့် မြန်မာလွှတ်တော် ကိုယ်စားလှယ်အဖွဲ့ အမေရိကန် ပြည်ထောင်စုသို့ လာရောက်ရသည့် ရည် ရွယ်ချက် နှစ်ခုလည်း ရှိပါကြောင်း၊ ပထမအချက် အနေဖြင့် မြန်မာ- အမေရိကန် နှစ်နိုင်ငံ ချစ်ကြည် ရင်းနှီးမှုနှင့် ပူးပေါင်း ဆောင်ရွက်မှုများ တိုးမြှင့် ဆောင်ရွက်နိုင်ရေး ဖြစ်ပါကြောင်း၊

ဒုတိယ ရည်ရွယ်ချက်မှာ အမေရိကန် နိုင်ငံတွင် ကျင့် သုံး နေသည့် ဒီမိုကရေစီ စနစ်နှင့် ကွန်ဂရက် လွှတ်တော်များ၏ အခန်းကဏ္ဍနှင့် လုပ်ငန်း တာဝန်များအား လေ့လာပြီး လေ့လာချက် များထဲမှ ကောင်း မွန် သင့်လျော်သော အချက်များ အား မြန်မာနိုင်ငံသို့ ယူဆောင် သွားနိုင်ရေး အတွက် ဖြစ်ပါ ကြောင်း၊ မိမိတို့ နိုင်ငံတွင်ပါတီစုံ ဒီမိုကရေစီ စနစ်နှင့် ဈေးကွက် စီးပွားရေးစနစ် ကို ပြောင်းလဲကျင့်သုံး ခဲ့ပါ ကြောင်း၊ ယခုကဲ့သို့ ပြောင်းလဲကျင့်သုံး ဆောင်ရွက်နိုင်ခြင်းမှာ ယခင်တပ်မတော်အစိုးရက အုတ်မြစ်ချ ပေးနိုင်ခဲ့ ခြင်းကြောင့် ဖြစ်ပါကြောင်း၊ ဖွဲ့စည်းပုံ အခြေခံ ဥပဒေအရ လမ်းကြောင်း ပေး ခဲ့သော ဈေးကွက် စီးပွားရေး စနစ်နှင့် ဒီမို ကရေစီစနစ်ကို ဆက်လက် လျှောက်လှမ်း သွားရန် လိုအပ်ပါကြောင်း၊ မိမိတို့ နိုင်ငံတွင် အားနည်းခဲ့သည့် တိုင်းရင်းသား စည်းလုံး ညီညွတ်ရေး၊ အမျိုးသား ပြန်လည် သင့်မြတ်ရေး၊ တရားဥပဒေ စိုးမိုးရေးနှင့် တည်ငြိမ် အေးချမ်းရေး၊ ပြည်တွင်း ငြိမ်းချမ်းရေး ရရှိရေး တို့အတွက် ဆက်လက် ကြိုးပမ်း ဆောင်ရွက်သွားမည် ဖြစ်ပါကြောင်း၊

မိမိတို့ နိုင်ငံအား ယခုအစိုးရကလည်း ဖွံ့ဖြိုးတိုးတက် စေလိုပါကြောင်း၊ ခေတ်အဆက်ဆက် အုပ်ချုပ် ခဲ့သော အစိုးရများ ကလည်း နိုင်ငံဖွံ့ဖြိုး တိုးတက်ရန် ဆောင်ရွက် ခဲ့ပါကြောင်း၊ အောင်မြင် မှုနှင့် ဆုံးရှုံး မှုများအပေါ်တွင် ဝေဖန်ပုတ်ခတ် ပြောဆိုနေမည့် အစား သင်ခန်းစာရယူ၍ ဆောင်ရွက်သွားရမည့် အချိန်ဖြစ် ပါကြောင်း၊ ကမ္ဘာပေါ်တွင် ဖွံ့ဖြိုးတိုးတက်ပြီး တည်ငြိမ်အေးချမ်းသည့် နိုင်ငံများသည် ၎င်းတို့နည်း၊ ၎င်းတို့ဟန်၊ ၎င်းတို့ နိုင်ငံနှင့် ကိုက်ညီသော ဒီမိုကရေစီ စနစ်ကို ကျင့်သုံး ဆောင်ရွက်လျက် ရှိနေသည်ကို တွေ့ရှိရမည် ဖြစ်ပါကြောင်း၊ မိမိတို့နိုင်ငံ ဖွံ့ဖြိုးတိုးတက်ပြီး တည်ငြိမ် အေး ချမ်းသော နိုင်ငံဖြစ်ရန်အတွက် မိမိတို့နိုင်ငံနှင့် လျော်ညီသော ဒီမိုကရေစီစနစ်ကို ကျင့်သုံးရန် လိုအပ် သည်ဟု ထင်မြင်ယူဆ ပါကြောင်း၊

ပြီးခဲ့သည့် နိုင်ငံတော် အေးချမ်း သာယာရေးနှင့် ဖွံ့ဖြိုးရေးကောင်စီ အစိုးရက ဤစနစ်ကို ကျင့်သုံးရန် လမ်းခင်း ပေးခဲ့ပါ ကြောင်း၊ ဒီမိုကရေစီ လိုလားသော ပြည်သူများနှင့် လိုလားသည့် နိုင်ငံများ ၏ ပြောကြား ချက်များအား အလေးထား ဆောင်ရွက် ခဲ့ပါကြောင်း၊

ပြည်တွင်းရှိ ဒီမိုကရေစီ အရေးတွင် တက်ကြွစွာ ပါဝင်ခဲ့ကြသော သူများ၏ ဆောင်ရွက်ချက် များကြောင့်လည်း ပါဝင်ပါကြောင်း၊ ယနေ့ မြန်မာနိုင်ငံ၏ ပြုပြင်ပြောင်းလဲရေး လုပ်ငန်း များတွင် နိုင်ငံတော် သမ္မတ ဦးသိန်းစိန်၊ မိမိတို့ လွှတ်တော် ဥက္ကဋ္ဌများ၊ ဒေါ်အောင်ဆန်း စုကြည်တို့က အဓိက နေရာမှ ပါဝင်ဆောင်ရွက်လျက် ရှိနေပါကြောင်း၊ ဒီမိုကရေစီ စနစ် ဖော်ဆောင် ရာတွင် လွှတ်တော်များ၏ အခန်းကဏ္ဍသည် အလွန် အရေးကြီး ပါကြောင်း၊ လွှတ်တော်မရှိပါက ဒီမိုကရေစီ မရှိနိုင် ပါကြောင်း၊ လွှတ်တော်များရှိရန် လိုအပ်သကဲ့သို့ ခိုင်မာရန်လည်း လိုအပ်ပါကြောင်း၊ ထို့ကြောင့် အမေရိကန်နိုင်ငံ၏ ဒီမိုကရေစီ စနစ်နှင့် ကွန်ဂရက်၏ ဆောင်ရွက်ချက် များအား လာရောက် လေ့ လာခြင်း ဖြစ်ပါကြောင်း၊ ဖက်ဒရယ် ကိစ္စနှင့် ပတ်သက်၍ အချို့က ခွဲထွက်ခွင့်ရှိသည်ဟု ဆိုခြင်းကို ဖက်ဒရယ်ဟု ယူဆ နေကြကြောင်း၊

အချို့ကလည်း ဖက်ဒရယ်ဟု ဆိုလျှင် ခွဲထွက်မည်ဟု ထင်နေကြကြောင်း၊ ဖက်ဒရယ် ဆိုသည်မှာ ခွဲထွက် ရန် မဟုတ်ပါ ကြောင်း၊ ပေါင်းစည်းနေထိုင်၍ အာဏာကို ခွဲဝေသုံးစွဲရန် ဖြစ်ပါကြောင်း၊ အမေရိကန် ပြည်ထောင်စုပင်လျှင် တစ်ခု တည်းသော အမေရိကန် တပ်မတော်သာ ရှိပါကြောင်း၊ စုစည်းပေါင်းစု နေထိုင်ကာ အာဏာဖြန့်ဝေ သုံးစွဲ၍ ကျင့်သုံး ဆောင်ရွက်နေသည်ကို တွေ့ရှိ ရပါကြောင်း၊ ဒီမိုကရေစီ ဆိုသည်မှာ ကျင့်စဉ်ဖြစ်ပြီး မိမိတို့ နိုင်ငံဖွံ့ဖြိုးတိုးတက်ပြီး တည်ငြိမ်အေးချမ်းရန် အတွက် အားလုံးပါဝင် ဆောင်ရွက်နိုင် ရေးသည် အရေးကြီး ပါကြောင်းဖြင့် ပြောကြားခဲ့သည်။

အမေရိကန် ကွန်ဂရက် လွှတ်တော် အမတ်များ၊ အဖွဲ့အစည်း များနှင့် တာဝန်ရှိ ပုဂ္ဂိုလ်များကလည်း အမေရိကန် ပြည်ထောင်စု အနေဖြင့် မြန်မာနိုင်ငံ၏ နိုင်ငံရေး ပြုပြင်ပြောင်းလဲမှု များကို အသိ အမှတ်ပြု ထောက်ခံ ပါကြောင်း၊ ပြုပြင် ပြောင်းလဲရေး လုပ်ငန်းများ အောင်မြင်မှု ရရှိအောင် ကူညီဆောင်ရွက် ပေးသွားမည် ဖြစ်ပါကြောင်း၊ ယခုအခါ မြန်မာနိုင်ငံသည် ဒီမိုကရေစီ ပြုပြင်ပြောင်း လဲရေး လမ်းကြောင်းပေါ်တွင် ရောက်ရှိနေပြီ ဖြစ်ပါကြောင်း၊ ပြုပြင် ပြောင်းလဲရေး လုပ်ငန်း များကို ခေါင်းဆောင်နိုင်သည့် နိုင်ငံတော်သမ္မတ၊ အဆွေတော် လွှတ်တော် ဥက္ကဋ္ဌနှင့် ဒေါ်အောင်ဆန်း စုကြည်တို့၏ မှန်ကန်သော ခေါင်းဆောင်မှုများ ရှိနေပြီ ဖြစ်သည့် အတွက် အောင်မြင်မှု ရရှိ မည် ဖြစ်ပါကြောင်း၊ မြန်မာ- အမေရိ ကန် နှစ်နိုင်ငံ လွှတ်တော်များ၊ အဖွဲ့အစည်းများ ကဏ္ဍပေါင်းစုံတွင် ပူးပေါင်းဆောင်ရွက်သွားမည် ဖြစ်ပါကြောင်းဖြင့် ပြောကြား ခဲ့ကြသည်။

မြ၀တီ

မလေး – မြန်မာ ဖက်စပ်ဇာတ်ကားအတွက် စရန်ယူပြီးမှ သရုပ်ဆောင်ဖို့ ပြေတီဦးငြင်း

မလေးရှားရောက် မြန်မာအလုပ်သမားတွေ အကြောင်း ပါဝင်တဲ့ “မဟာဆန်တဲ့ မာယာ မျက်နှာဖုံး” ဆိုတဲ့ ဇာတ်ကား အတွက် ခေါင်းဆောင် မင်းသားလုပ်ဖို့ ပြေတီဦးက စရန်ကျပ် သိန်း ၅၀ ယူထားပြီးမှ ရိုက်ဖို့ ငြင်းပယ်လိုက်တယ်လို့ သိရ ပါတယ်။

“ကျနော် အဲဒီကားကို မရိုက်ဖြစ်တော့ပါဘူး။ အဲဒီ ကားကို ရိုက်ရင် ပရိသတ်တွေက လတ်တလောဖြစ် နေတဲ့ မလေးရှား ကိစ္စနဲ့ ပတ်သက်ပြီး အထင်လွဲမှာ စိုးလို့ပါ။ ဒါကြောင့် မရိုက်ဖြစ်တော့တာပါ” လို့ ဧရာဝတီကိုပြောပါတယ်။

မလေးရှား – မြန်မာ ပူးပေါင်းရိုက်ကူးမယ့် ဒီဇာတ်ကားကို ရိုက်ကူးဖို့ ပြေတီဦးက ငြင်းပယ်လိုက်တဲ့ အတွက် စီစဉ်သူ ကိုစတီးလ်နဲ့ မလေးရှားက ဒါရိုက်တာ တို့အတွက် အခက်အခဲတွေ ဖြစ်နေရကြောင်း သိရပါတယ်။

မဟာဆန်တဲ့ မာယာမျက်နှာဖုံး ရုပ်ရှင်ဇာတ်ကားကို ရှုတင်မန်နေဂျာ၊ ဇာတ်ညွှန်းရေးဆရာ စတီးလ်က စီစဉ်ခဲ့ပြီး မလေးရှားက ဇာတ်ညွှန်းနဲ့ ဒါရိုက်တာ R.Perakas Rajaram က ရိုက်ကူးပုံဖော်ဖို့ စီစဉ်ထားတာ ဖြစ်ပါတယ်။

မြန်မာရုပ်ရှင် ဗီဒီယိုလောကမှာ ၂၇ နှစ်ခန့် ကျင်လည်လာသူ ကိုစတီးလ်က မလေးရှား နိုင်ငံကို ရောက်တိုင်း မြန်မာလူမျိုးတွေ အကြောင်း လေ့လာခဲ့ပြီး ဇာတ်လမ်းတပုဒ် ရေးသားထားခဲ့ကြောင်း၊ အဲဒီဇာတ်လမ်းကို ပရိုဂျူဆာ များစွာပြခဲ့ပေမယ့် မလေးရှား နိုင်ငံမှာ သွားရောက်ရိုက်ကူးရမယ့် ဇာတ်ကားဖြစ်နေတဲ့အတွက် ပရိုဂျူဆာတွေက ငြင်းဆိုခဲ့ကြောင်း၊ နောက်ဆုံး မလေးရှား အခြေစိုက် Shine Entertainment က ဟိန္ဒူ ဗုဒ္ဒဘာသာ R.perakas Rajaram နဲ့ တိုင်ပင်ပြီး မြန်မာနိုင်ငံက သရုပ်ဆောင် မင်းသား၊ မင်းသမီး၊ ဇာတ်ပို့၊ ဇာတ်ရန်တွေရဲ့ ဓာတ်ပုံနဲ့ ဗီဒီယို အခွေတွေကို မလေးရှား Shine Entertainment ကို ပေးပို့ခဲ့ကြောင်း၊ အဲဒီ သရုပ်ဆောင်တွေ ထဲကမှ ပြေတီဦး၊ နဝရတ်၊ ဝါဝါအောင်၊ ဇော်ဇော်အောင် အစရှိတဲ့ သရုပ်ဆောင် တွေကို ရွေးချယ်ခဲ့တာ ဖြစ်ကြောင်း ကိုစတီးလ်က ပြောပါတယ်။

ဇာတ်ကားကို မြန်မာသရုပ်ဆောင်တွေနဲ့ မလေးရှားက အိန္ဒိယသရုပ်ဆောင်တွေ ပူးပေါင်း သရုပ်ဆောင် ကြမှာ ဖြစ်ပြီး သြဂုတ်လ ၁၀ ရက်နေ့မှာ မလေးရှားကိုသွားပြီး ၁၅ ရက်လောက် အချိန်ယူ ရိုက်ကူးမှာ ဖြစ်တယ်လို့ သိရပါတယ်။

တချို့ဇာတ်ဝင်ခန်း တွေကိုတော့ မြန်မာနိုင်ငံ မှာလည်း ရိုက်ကူးမှာဖြစ်တယ်လို့ ပါဝင်သရုပ်ဆောင်မယ့် ဇော်ဇော်အောင်က ဆိုပါတယ်။

ဒီဇာတ်လမ်းကို ရိုက်ကူးဖို့ လွန်ခဲ့တဲ့ ၂ လလောက်က စတင်စီစဉ်ခဲ့ပြီး Shine Entertainment ဘက်က မြန်မာပြည်ကို လာခဲ့ကြောင်း၊ သရုပ်ဆောင် ပြေတီဦးကို ရိုက်ကွင်းအထိ လိုက်ပြီး စရန်ငွေ ကျပ်သိန်း ၅၀ ပေးခဲ့တဲ့ အကြောင်း၊ အားလုံး အဆင်ပြေချောမွေ့စွာနဲ့ စာနယ်ဇင်း ရှင်းလင်းပွဲကို ဇွန် ၁၆ မှာ ကျင်းပဖို့ စီစဉ်လိုက်ခြင်း ဖြစ်ကြောင်း၊ ဇွန် ၁၅ ရက်နေ့ ညဘက်ကျမှ ပြေတီဦးက အကြောင်းကြောင်းကြောင့် မရိုက်နိုင်တော့ပါဘူး ဆိုပြီး ငြင်းဆိုခဲ့တာကြောင့် ဇာတ်ကား ရှေ့ဆက်ဖို့ အနည်းငယ်ကြန့်ကြာ သွားနိုင် ကြောင်းနဲ့ အခက်အခဲတွေလည်း ကြုံတွေ့နေရကြောင်း ကိုစတီးလ်က ပြောပါတယ်။

“ကျနော်ပြောတာ အမှားပါရင်လည်း ခွင့်လွှတ်ပါ။ ကျနော် ဒီဇာတ်ကားဖြစ်မြောက်ဖို့ တော်တော်လေး ကြိုးစားခဲ့ရပါတယ်။ ကျနော်တို့ ရိုက်ကူးမယ့် ဇာတ်ကားက နှစ်နိုင်ငံ ပဋိပက္ခကို ရိုက်မှာ လုံးဝမဟုတ်ပါဘူး။ လူမျိုးရေး ဘာသာရေး အကြောင်း ရိုက်မှာ လုံးဝ မဟုတ်ပါဘူး။ မြန်မာ လူမျိုးတွေ ကိုယ့်နိုင်ငံမှာပဲ ကိုယ် အလုပ်လုပ်သင့်တယ် ဆိုတဲ့ မက်ဆေ့ခ်ျလေး ပေးချင်ရုံပါ။ ကျနော်တို့ ပြေတီဦးကိုလည်း အားလုံးပြောပြ ထားပြီး သူလည်း လက်ခံခဲ့ပြီးပါပြီ။ ၁၅ ရက်နေ့ ညကမှ ကပ်ပြီးတော့ မရိုက်နိုင်တော့ပါဘူး ဆိုပြီး ဖျက်လိုက်တယ်။ ဘာကြောင့်လဲဆိုတော့ အကြောင်းကြောင်းကြောင့် လို့ပဲ ပြောတယ်။ ကျနော်က ဘယ်လို အခက်အခဲရှိလို့လဲဆိုတော့ သူက သူများနိုင်ငံမှာ သွားရိုက်ရင် အင်တာနက်ပေါ်မှာ လျှောက်ရေးကြမှာ စိုးတယ်လို့ ပြောပါတယ်” ဆိုပြီး သူက ရှင်းပြပါတယ်။

မင်းသမီး နဝရတ်ကတော့ အဲဒီဇာတ်ကားကို ဘယ်လိုအခြေအနေမှာပဲ ဖြစ်ဖြစ် ရိုက်ကူးမယ့် အကြောင်း၊ မြန်မာပရိသတ် အတွက် အကျိုးပြုနိုင်မယ် ထင်လို့ ဆုံးခန်းတိုင်အောင် ရိုက်မယ့် အကြောင်း ပြောပါတယ်။

နဝရတ်ကို Shine Entertainment က ခေါင်းဆောင်မင်းသမီး အဖြစ် ရွေးချယ် ကမ်းလှမ်းလာတဲ့နောက် နဝရတ်က ဇာတ်လမ်းကို သေချာဖတ်ပြီး လက်ခံခဲ့တာ ဖြစ်တယ်လို့ သိရပါတယ်။

မြန်မာလူမျိုးတွေအတွက် အသိနဲ့ သတိပေးနိုင်မယ့် ဇာတ်ကားမျိုး ဖြစ်တဲ့အတွက် ရိုက်ကူးဖို့ လက်ခံခဲ့ပြီး နဝရတ်ပိုင်ဆိုင်တဲ့ ငွေလမင်း ရုပ်ရှင်နဲ့ ဗီဒီယို ထုတ်လုပ်ရေးကလည်း ကုန်ကျစရိတ်ကို တဝက်ကျခံကာ ပူးပေါင်းရိုက်ကူးမှာ ဖြစ်ကြောင်း နဝရတ်က ပြောပါတယ်။

“ဒီဇာတ်ကားကို နိုင်ငံခြားဒါရိုက်တာက ရိုက်မယ်ဆိုပြီးတော့ ကိုစတီးလ် (ခေါ်) ကိုဆာမိက ကျမဆီ ရောက်လာပါတယ်။ဇာတ်လမ်းကို သေချာဖတ်ပြီး သွားတာနဲ့ ရိုက်ဖို့ လက်ခံခဲ့ပါတယ်။ ဒီဇာတ်ကားဟာ မလေးရှား ဒါရိုက်တာက ရိုက်မယ် ဆိုပေမယ့် မြန်မာလူထု အားလုံးအတွက် အတွေ့အကြုံနဲ့ သင်ခန်းစာတွေ ပေးနိုင်မယ်။ နိုင်ငံခြားမှာ သွားပြီးတော့ အလုပ်လုပ်ကြမယ့် သူတွေအတွက်အသိပေးနိုင်မယ်လို့ ထင်ပါတယ်။ ဒီဇာတ်ကားကို ကြည့်ပြီးရင်လည်း နယ်မှာ တောမှာ ရှိနေတဲ့ လူထုက သင်ခန်းစာ ယူနိုင်ကြမယ် ထင်ပါတယ်။ နဝရတ်တို့ မြန်မာလူမျိုးတွေ အတွက် အခုလိုမျိုး အခွင့်အရေး ရဖို့ မလွယ်ပါဘူး” လို့ နဝရတ်က ဆက်ပြောပါတယ်။

ဒီဇာတ်လမ်းဟာ စက်ရုံကြီး တခုမှာ တကယ်ဖြစ်ခဲ့တဲ့ ဖြစ်ရပ်မှန် ဇာတ်ကားလည်း ဖြစ်သလို၊ ဖြစ်ရပ်မှန် ဇာတ်ကားတွေကို ရိုက်ဖို့ စိတ်ဝင်စားတဲ့ နဝရတ်ကတော့ လုံးဝ လက်မလွှတ် နိုင်ပါဘူးလို့ သူက ဆိုပါတယ်။

“ပြီးတော့ မြန်မာပြည်မှာ ရှိနေတဲ့ ၇ ရက်သားသမီးတွေ အတွက် အခုလိုမျိုး မတည်မငြိမ်ဖြစ်နေတဲ့ အချိန်မှာ နဝရတ် စွန့်စွန့်စားစား သွားရိုက်မှာပါ။ မြန်မာ ပရိသတ်တွေရဲ့ ချစ်ခင်မှုကို ရနေတဲ့၊ ဗုဒ္ဓဘာသာ အမျိုးသမီးတယောက် အနေနဲ့ ဘာအန္တရာယ်မှလည်း ဖြစ်မှာမဟုတ်ဘူးလို့ ယုံကြည်ပါတယ်။ ဒီဇာတ်ကားကို ဆုံးတဲ့အထိရိုက်ပြီး ပရိသတ်ကို တာဝန်ကျေအောင် ကြိုးစားပါမယ်လို့လည်း ကတိပေးပါတယ်” လို့ နဝရတ်က ဧရာဝတီကို ပြောပါတယ်။

“မဟာဆန်တဲ့ မာယာမျက်နှာဖုံး” ဇာတ်ကားမှာ ပါဝင်သရုပ်ဆောင်မယ့် အကယ်ဒမီ ဝါဝါအောင်ကလည်း ဒီဇာတ်ကားမှာ မြန်မာ အလုပ်သမားတွေကို နိုင်ငံခြားပို့ပေးရတဲ့ ဗီလိန် ဇာတ်ရုပ်က သရုပ်ဆောင်ရမှာ ဖြစ်ပေမယ့် ကျရာ နေရာကနေ သရုပ်ဆောင် သွားမယ်လို့ ဆိုပါတယ်။

“ဒီဇာတ်ကားမှာ လူမုန်းစရာ ပွဲစား မိန်းမကြီးနေရာက သရုပ်ဆောင်ရပေမယ့် မြန်မာ ပရိသတ်အတွက် သင်ခန်းစာတွေ အများကြီး ပေးနိုင်မယ့် ဇာတ်ကားပါ။ ပရိသတ်တွေ အတွက် ဒီဇာတ်ကားကို ရိုက်ဖြစ်အောင် ရိုက်မှာပါ။ ပရိသတ် တွေကလည်း လက်ခံပြီး ကြည့်ပေးစေချင်ပါတယ်” လို့ သူက ဧရာဝတီကို ပြောပါတယ်။

ဇာတ်ပို့အဖြစ် ပါဝင်သရုပ်ဆောင်မယ့် ဇော်ဇော်အောင်ကလည်း မနှစ်က မလေးရှားနိုင်ငံက အနုပညာ ရှင်တွေ မြန်မာ Location နဲ့ ဇာတ်ကား တကားလာရိုက်စဉ်က သူတို့ ဇာတ်ရန်အနေနဲ့ ဝင်ကူဖူးတယ်၊ အခု မလေးမှာ မြန်မာတွေက သွားရိုက်မယ် ဆိုတော့လည်း ထပ်ပြီး ပါဝင်ဖြစ်တယ်လို့ ဆိုပါတယ်။

“ဒီဇာတ်ကားက မလေးမှာ အလုပ်သွားလုပ်ရင်း အခက်အခဲတွေ၊ ဒုက္ခတွေ ရောက်ကြရတဲ့ အဖြစ်မှန်လေးတွေကို ရိုက်မှာဆိုတော့ မြန်မာ ပရိသတ်တွေ အတွက်လည်း သင်ခန်းစာ ပေးနိုင်မယ် ထင်ပါတယ်” လို့ ဇော်ဇော်အောင်က ဧရာဝတီကို ပြောပါတယ်။

ဒီဇာတ်ကား ဖြစ်မြောက်ဖို့အတွက် ငွေလမင်း ထုတ်လုပ်ရေးရဲ့ ပိုင်ရှင်ဖြစ်တဲ့ နဝရတ်ရဲ့ မိခင် တချိန်က မင်းသမီးကြီး ဒေါ်အေးမြစိမ်းကလည်း အားတိုက်အင်တိုက် ပါဝင်နေတယ်လို့ သိရပါတယ်။

မလေးရှားနိုင်ငံမှာ သူကိုယ်တိုင် ၂ နှစ်လောက် သွားရောက်နေထိုင်ခဲ့ဖူးတဲ့ အတွက် ဒီဇာတ်ကားကို ရိုက်ကူး ထုတ်လုပ်ဖို့ စိတ်ဝင်စားခဲ့တယ်လို့လည်း ဒေါ်အေးမြစိမ်း က ပြောပါတယ်။

ဧရာဝတီသတင်းထောက် မြတ်သူအောင် ပူးပေါင်းရေးသားသည်။

မဟာဆန်တဲ့ မာယာမျက်နှာဖုံး ဇာတ်ကား ကန်တော့ပွဲမှာ တွေ့ရတဲ့ စတီးလ်၊ မလေးရှား ဒါရိုက်တာ၊ နဝရတ်၊ ဝါဝါအောင်နဲ့ ဇော်ဇော်အောင် (ဓာတ်ပုံ – ဆုသော် / ဧရာဝတီ)

http://burma.irrawaddy.org/archives/42324

မလေးရှားရှိ တရားမဝင်မြန်မာလုပ်သား အားလုံး တရားဝင် အထောက်အထား ထုတ်ပေးမည်

အကြမ်းဖက်မှုများကြောင့် လူသေဆုံး သည်အထိ ဖြစ်ပေါ်ခဲ့သော မလေးရှား နိုင်ငံတွင် တရားမဝင် မြန်မာလုပ်သား နှစ်သိန်းခန့် ရှိနေပြီး ၄င်းတို့ကို တရားဝင် အလုပ်လုပ်ကိုင်ခွင့် ရရှိရန် အထောက် အထားများ ထုတ်ပေးသွားမည်ဖြစ်ကြောင်း အလုပ် သမား၊ အလုပ်အကိုင်နှင့် လူမှုဖူ လုံရေးဝန်ကြီးဌာန ပြည်ထောင်စုဝန်ကြီး ဦးမောင်မြင့်က ပြောကြား သည်။

ထိုင်းနိုင်ငံတွင် တရားမဝင်မြန်မာ လုပ်သားများကို တရားဝင်အထောက်အထား ထုတ်ပေးသည့် ပုံစံမျိုးအတိုင်း မလေးရှား နိုင်ငံရောက် မြန်မာအလုပ်သမားများကို နှစ်နိုင်ငံ အစိုးရညှိနှိုင်းကာ တရားဝင် အထောက်အထား ရရှိအောင် ပြည်ပတွင် အလုပ်လုပ်ကိုင်မှု ကြီးကြပ်ရေးကော်မတီက လုပ်ဆောင်ပေး မည်ဖြစ်ကြောင်း ၄င်းကဆိုသည်။

"သံရုံးမှာ ဝန်ထမ်းအင်အားက နည်းနေတယ်။ လုပ်နေရတဲ့ လုပ်ငန်းစဉ်က များတယ်။ ဝန်ထမ်းအင်အား တိုးဖို့ လိုတယ်"ဟု အလုပ်သမား၊ အလုပ်အကိုင် နှင့် လူမှုဖူလုံရေးဝန်ကြီးဌာန ဒုတိယဝန်ကြီး ဒေါ်ဝင်းမော်ထွန်းက ပြောကြားသည်။

မလေးရှားနိုင်ငံတွင် အကြမ်းဖက်မှု ဖြစ်ပွားပြီးနောက်ပိုင်း တရားဝင်အထောက် အထားမရှိသဖြင့် မြန်မာအလုပ်သမား ၁၀၀၀ ကျော်ဖမ်းဆီးခံခဲ့ရပြီး ယင်းတို့အနက် အလုပ်သမား ၃၀၇ ဦးမှာ အထောက်အထား မရှိသဖြင့် ဆက်လက်ဖမ်းဆီးခံ ထားရဆဲ ဖြစ်ကြောင်း နိုင်ငံခြားရေးဝန်ကြီးဌာနမှ အကြီးတန်း အရာရှိတစ်ဦးက ပြောကြားသည်။

အကြမ်းဖက်မှု ဖြစ်ပွားပြီးနောက် မလေးရှားနိုင်ငံမှ ဇွန်လ ၁၅ရက်နှင့် ၁၆ရက် နေ့တို့တွင် ပြန်လာသူ စုစုပေါင်း ၄၅၉ ဦး ရောက်ရှိလာပြီး ၄င်းတို့မှာအကြမ်းဖက်မှု ဂယက်ကြောင့် ပြန်လာသူများ မဟုတ်ကြောင်း၊ အကြမ်းဖက်မှု ဂယက်ကြောင့် ပြန်လာသူ ၂၅ဦးမှာ ဇွန်လ ၁၇ရက်နေ့တွင် ရောက်ရှိမည် ဖြစ်ကြောင်း၊ မြန်မာနိုင်ငံသို့ နောက်ထပ်ပြန်လာရန် မလေးရှားနိုင်ငံဆိုင်ရာ မြန်မာသံရုံးတွင် တရားဝင် အထောက် အထား (Certificate of Identity) ပြုလုပ်နေသူ ၁၄၀ ဦးရှိကြောင်း အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာန ထံမှ သိရှိရသည်။

The Voice Weekly

နေပြည်တော် ကျောက်မျက်ပြပွဲ လာကြည့်သူ သောင်းကျော်ရှိ

နေပြည်တော် ကျောက်မျက်ရတနာ ခန်းမတွင် ကျင်းပသော ရွှေရတု မြန်မာ့ကျောက်မျက်ရတနာ ပြပွဲသို့ လာရောက်ကြည့် ရှုသူ သောင်းကျော် ရှိသောကြောင့် ၀င်ကြေးငွေ အများအပြား ရရှိ ခဲ့ကြောင်း သိရသည်။

ပြပွဲသို့ ၀င်ရောက်သော နိုင်ငံခြားသား ကျောက် ကုန်သည် တဦးလျှင် ၀င်ကြေး ဒေါ်လာ ၁၀၀ ပေးသွင်းရပြီး မြန်မာနိုင်ငံသား ကျောက်ကုန်သည် တဦးလျှင် ကျပ် ၁ သိန်းပေးသွင်းရကြောင်း ပြပွဲကျင်းပရေး ကော်မတီမှ အထွေထွေ အတွင်းရေးမှူး ဗိုလ်မှူး အောင်ကျော်မိုးက ဧရာဝတီသို့ ပြောသည်။

ထို့အပြင် ပြပွဲသို့ ၀င်ရောက်ခွင့်အတွက် ၀င်ရောက် လေ့လာသူနှင့် ပြည်တွင်း ကျောက်မျက်ကုမ္ပဏီများမှ ဒါရိုက်တာတဦးလျှင် ကျပ် ၆ သောင်း၊ ကျောက်များကို စောင့်ကြည့်ရန်အတွက် ကျောက်စောင့် တဦးလျှင် ကျပ် ၃ သောင်း၊ မှတ်တမ်းသမား များအတွက် တဦးလျှင် ကျပ် ၆ သောင်း ပေးသွင်းရကြောင်း သိရသည်။

ကျောက်စိမ်း လေလံဆွဲမည့် ပြည်ပကုန်သည် တဦးလျှင် ယူရိုငွေ ၅ သောင်း၊ ပြည်တွင်း ကုန်သည် တဦးလျှင် ယူရို ၂ သောင်း စပေါ်ငွေ ပေးသွင်းရကြောင်း၊ ကျောက်မျက်တွဲများ လေလံဝင်ဆွဲကြမည့် ပြည်ပကုန်သည် တဦးလျှင် ယူရို ၂ သောင်း၊ ပြည်တွင်း ကုန်သည်တဦးလျှင် ယူရိုငွေ ၁ သောင်း စပေါ်ငွေ ပေးသွင်းရကြောင်း ဗိုလ်မှူးအောင်ကျော်မိုးက ဆက်ပြောသည်။

“၀င်ကြေးနဲ့တင် တော်တော်လေး ရပါတယ်။ စပေါ်တင်ထားတဲ့ ငွေတွေက တကယ်လို့ ကျောက်မ၀ယ်ဖြစ်ဘူး ဆိုရင် ပြန်ထုတ်ပေးတယ်။ ၀ယ်ဖြစ်တယ် ဆိုရင်တော့ အဲဒီဝယ်ရမယ့် ငွေထဲကနေ စပေါ်ငွေကို နုတ်ပေးလိုက်တယ်” ဟု ၎င်းက ဆိုသည်။

လက်ရှိ ရွှေရတု ကျောက်မျက်ပြပွဲသို့ စပေါ်ငွေ ပေးသွင်းထားသော ပြည်ပကုန်သည် ၃၃၀၀ နှင့် ပြည်တွင်း ကုန်သည် ၃၃၀၀ ရှိကြောင်း ပြပွဲကျင်းပရေး ကော်မတီ၏ စာရင်းများအရ သိရသည်။

ပြပွဲတွင် တင်ဒါ ကျောက်စိမ်းတွဲ ၉၆၅၇ တွဲ၊ လေလံ ကျောက်စိမ်းတွဲ ၃၄၆ တွဲ၊ ကျောက်မျက် တင်ဒါတွဲပေါင်း ၂၇၂ တွဲ၊ ကျောက်မျက် လေလံတွဲ ၁၀၇ တွဲ၊ ပုလဲ တင်ဒါတွဲ ၂၃၄ တွဲ၊ လေလံတွဲ ၂၁ တွဲ ပြသထားကြောင်း၊ အချောထည် လက်ဝတ် ရတနာများ အပါအ၀င် ဆိုင်ခန်းပေါင်း ၈၀ ရှိကြောင်းသိရသည်။

“ပြတဲ့ ကုမ္ပဏီပေါင်းက ၉၀၀ ကျော်နဲ့ ပြသထားတယ်။ တချို့ကတော့ နိုင်ငံတော်နဲ့ အကျိုးတူလုပ်ထားတဲ့ ကုမ္ပဏီတွေ။ တကယ်လို့ လေလံဆွဲလိုက်လို့ ရောင်းထွက်သွားရင် အကျိုးတူ ကုမ္ပဏီတွေက ၄၀ ရာခိုင်နှုန်း၊ တခြားကုမ္ပဏီတွေက ၁၀ ရာခိုင်နှုန်း အခွန်ကောက်မယ်” ဟု ဗိုလ်မှူး အောင်ကျော်မိုးက ဆိုသည်။

ထိုပြပွဲသို့ လာရောက်ကြသော ပြည်ပ ကုန်သည်များမှာ တရုတ်၊ ဟောင်ကောင်နှင့် မကာအိုနိုင်ငံ တို့မှ အများဆုံးဖြစ်ပြီး ထိုင်း၊ စင်ကာပူ၊ အိန္ဒိယ၊ မလေးရှားနှင့် ဂျပန်နိုင်ငံတို့မှ ကုန်သည်များလည်း လာရောက်ကြကြောင်း သိရသည်။

“ဒီက ဈေးတွေက အနည်းဆုံး ဒေါ်လာ ၁ သောင်းကျော်တွေက များတယ်။ ဒါပေမယ့် လေလံဆွဲမယ့် နေ့ကြမှ ၀ယ်ဖြစ်၊ မ၀ယ်ဖြစ် ပြောလို့ရမယ်၊ လောလောဆယ်တော့ ကြည့်ဦးမယ်” ဟု ပြပွဲသို့ လာရောက်သော တရုတ်နိုင်ငံသား ကုန်သည် တဦးက ဧရာဝတီသို့ ပြောသည်။

လက်ရှိ အနေအထားများအရ မီဒီယာများ အပါအ၀င် မည်သူမဆို ငွေကြေး ပေးသွင်းရမည်ဖြစ်ပြီး ယခုပြပွဲအတွက် ကုန်ကျ သော စရိတ်များ ကာမိစေရန် ကောက်ခံရခြင်း ဖြစ်ကြောင်း၊ ယခု ပြသလျှက်ရှိသော ကျောက်မျက်ရတနာ အသင်းခန်းမ အတွက် ပြပွဲတပွဲလျှင် အမေရိကန်ဒေါ်လာ ၂ သိန်းခွဲကို ကျောက်မျက် အသင်းသို့ ပေးသွင်းရကြောင်း ပြပွဲ ကျင်းပရေး တာဝန်ရှိသူများထံမှ သိရသည်။

ထို့အတွက် ပြည်ပမီဒီယာများ အပါအ၀င် ပြည်တွင်း သတင်းဌာန ၂ ခုသာလျှင် ၀င်ရောက်ခဲ့ပြီး တခြားသော မီဒီယာများသည် ဖွင့်ပွဲနေ့တွင် ကျောက်မျက်ပြပွဲဝင်း ပြင်ပမှ မှတ်တမ်းများ ရိုက်ကူးကာ အတွင်းသို့ ၀င်ရောက်မှုမရှိခဲ့ကြောင်း ပြန်ကြားရေး ၀န်ကြီးဌာနမှ သိရသည်။

“ကျောက်တွေ အရောင်းအ၀ယ် ဖြစ်မဖြစ်တော့ မသိရဘူး။ ကျနော်တို့ အနေနဲ့ကတော့ ရင်းလိုက်ရတာတွေ များနေပြီ။ နေပြည်တော်ကို လာရတဲ့ စရိတ်အပြင် ၀င်ခွင့်အတွက် ကုန်ကျစရိတ်ကပဲ ကျပ်သိန်း ၃၀ ကျော်နေပြီ။ တကယ်လို့များ ကျောက် အရောင်းအ၀ယ် အဆင်မပြေခဲ့ရင် အဲဒါတွေက ဆုံးမှာ” ဟု အမည်မဖော်လိုသူ ပြည်တွင်း ကျောက်ကုန်သည် တဦးက ဆိုသည်။

ကျောက်မျက်ရတနာ အရောင်းခန်းမများတွင် နိုင်ငံခြားသား ကုန်သည်များ ၀င်ရောက်လေ့လာမှု ရှိသော်လည်း အများအား ဖြင့် လေလံစွဲမည့် အရေးကိုသာ အဓိက ထားကြောင်း၊ ပြည်တွင်း ဈေးကွက်အနေဖြင့် လက်ရှိ အနေအထားများအရ ပြည်ပ ကုန်သည်များကို မျှော်လင့်ရန် အလွန်ခက်ခဲကြောင်း မန္တလေးမြို့မှ လာရောက်ပြသသော ကျောက်ကုန်သည် တဦးက ပြောသည်။

“ကျနော်တို့အနေနဲ့က အခုလို ပြပွဲရှိမှ အရောင်းအ၀ယ်ကို မျှော်လင့်လို့ရတယ်။ ဒါပေမယ့် တကယ်အရောင်းအ၀ယ် ဖြစ် မဖြစ်ဆိုတာ သိပ်တော့ မမျှော်လင့်ထားဘူး။ ဘာဖြစ်လို့လဲ ဆိုတော့ အခုကျောက်ပွဲကို တက်လာတဲ့သူတွေ အများစုက ဈေးကွက် အနေအထားကို လာလေ့လာမယ့်သူ များမယ်ထင်တယ်” ဟု ၎င်းက ဆိုသည်။

ယခု ပြသလျှက်ရှိသော ကျောက်စိမ်းနှင့် ကျောက်မျက်တွဲများတွင် ယခင်တကြိမ်က ပြသထားသော ကျောက်စိမ်းများနှင့် ကျောက်မျက်တွဲများ ပါဝင်ကြောင်း သတ္တုတွင်း ၀န်ကြီးဌာနမှ သိရသည်။

သို့ရာတွင် ပြပွဲကျင်းပရေး အစီအစဉ်များနှင့် ပတ်သက်ပြီး နိုင်ငံခြားသား ကျောက်ကုန်သည် များအတွက် စီစဉ်ဆောင်ရွက် ရာတွင် ကြန့်ကြာမှုများကြောင့် အဆင်မပြေ ဖြစ်ရကြောင်း ပြပွဲတွင် ၀င်ရောက်ပြသသော မန္တလေးမှ ရတနာကုန်သည် တဦးက ဧရာဝတီသို့ ပြောသည်။

ပြပွဲ ၀င်ခွင့်ကတ်ပြားများ ပြုလုပ်ရာတွင် ဒေသခံ မိတ်ဆွေ မရှိသော နိုင်ငံခြားသား ကျောက်ကုန်သည် များအတွက် များစွာ စိတ်အနှောင့်အယှက် ဖြစ်ခဲ့ရကြောင်း ၎င်းက ဆိုသည်။

“၀င်ခွင့်ကတ်လုပ်တော့ စာရွက်စာတမ်း အထောက်အထားတွေ ကိုယ့်ဆီမှာ စုံနေပေမယ့် ပြပွဲ အတွင်းပိုင်းမှာမှ လုပ်ပေးတဲ့ သူတွေက ရှိတာ။ ငွေသွင်းရတာက ပြပွဲ အပြင်ဘက်မှာ ရှိပေမယ့် လက်မှတ် ထိုးပေးမယ့်သူတွေက အတွင်းမှာ ဆိုတော့ အပြင်က လူတွေကလည်း အတွင်းကိုဝင်မရနဲ့ တကယ်လို့ နယ်ခံမရှိတဲ့၊ အကူအညီပေးမယ့်သူ မရှိတဲ့ ကုန်သည်တွေ တော်တော်လေး စိတ်ညစ်ရတယ်။ စီစဉ်တဲ့ သူတွေက အဲဒါတွေကို ထည့်တွက်သင့်တယ်” ဟု ၎င်းက ဆက်ပြောသည်။

http://burma.irrawaddy.org/archives/42462

အစိုးရတပ် တိုက်ခိုက်မှုကြောင့် တပ်ပေါင်းစုစခန်းတခု နောက်ဆုတ်ပေး

ရှမ်းပြည်မြောက်ပိုင်း ကချင်လွတ်မြောက်ရေးတပ်ဖွဲ့ (KIA) တပ်မဟာ (၄) နယ်မြေ ဂွတ်ခိုင်မြို့နယ် နမ်ဖတ်ကာ ကျေးရွာ (Nam Hpat Ka)ရှိ KIA နှင့် တအောင်း (ပလောင်) တပ်ဖွဲ့ (TNLA) တပ်ပေါင်းစု ရှိရာတပ်စခန်းအား အစိုးရတပ်မှ အင်အားတိုးချဲ့ တိုက်ခိုက်လာခြင်းကြောင့် ဇွန်လ ၁၈ ရက်နေ့က နောက်ဆုတ်ထားလိုက်သည်။

အစိုးရတပ်ဘက်မှ ခလရ ၁၄၅၊ ၁၂၃ စုပေါင်းတပ်များသည် KIA တပ်ရင်း ၈ နယ်မြေတွင်းရှိ ငေ့ါငါး (Ngaw Nga) တပ်ပေါင်းစု စခန်းကို စစ်အင်အား ၁၀၀ ကျော်ဖြင့် ၂ ကြိမ် တိုက်ခိုက်လာခြင်းကြောင့် ည ၁၀ နာရီချိန်တွင် နောက်ဆုတ်လိုက်ခြင်းဖြစ်ကြောင်း တပ်မဟာ (၄) KIA အရာရှိ ဆလန်ကဘာ တဦး ပြောသည်။

ထိုစခန်းကို ယမန့်နေ နံနက် ၁၀ နာရီတွင် ၁ ကြိမ် ညနေ ၅ နာရီချိန်တွင် ၁ ကြိမ် တိုက်ခိုက်ခဲ့ခြင်းဖြစ်ပြီး ယနေ့ နံနက်ထိ မုန်းရိုး ဂွတ်ခိုင်ဘက်တွင် စစ်အင်အား ၁၀၀ ကျော်ဖြင့် ထပ်မံ၍ ထိုးစစ်နေဆဲ ဖြစ်ကြောင်းသိရသည်။

နောက်ဆုတ်လိုက်ရသော ငေါ့ငါး (Ngaw Nga) KIA တပ်ပေါင်းစု စခန်းတွင် TNLA တအောင်း (ပလောင်) တပ်ဖွဲ့များရှိနေချိန် အစိုးရတပ်မှ အင်အားဖြင့် ပစ်ခတ်တိုက်ခိုက်လာခြင်းဖြစ်သည်။

ယခုချိန်ထိ အစိုးရတပ်များသည် ငေါ့ငါး (Ngaw Nga) ရွာတွင် စစ်အင်အား ၂၀၀ ကျော်ဖြင့် ဆက်လက် လှုပ်ရှားနေဆဲ ဖြစ်ကြောင်း KIA တပ်ဘက်မှ သိရသည်။

ယမန်နေ့ တိုက်ပွဲတွင် အစိုးရတပ်မှ ၆ ဦး ဒဏ်ရာရရှိကြောင်းသိရသော်လည်း နှစ်ဖက်တပ်၏ သေဆုံးမှု စာရင်းကို အတည်မပြု၍မရခဲ့ပါ။

ယမန့်နေ့က တပ်မဟာ (၄) မုန်းဂိုးဒေသ KIA တပ်ရင်း (၃၆) နယ်မြေတွင်လည်း အစိုးရတပ်အင်အား ၅၀ ကျော်ရှိသော ခြေလျင်တပ် ခလရ ၁၂၈ နှင့် KIA ပြည်သူ့စစ် (MHH) တပ်ခွဲ (၂) တို့ ထိပ်တိုက် ပစ်ခတ် တိုက်ခိုက်ခဲ့ကြသည်။

တိုက်ပွဲသည် KIA တပ်ရင်း (၃၆) နယ်မြေ လွယ်ဆာ (Loi Sa)နှင့် ယိန်းဆိုင် (Ying Seng) ကြားတွင် ဖြစ်ပွားခဲ့ခြင်းဖြစ်ပြီး အစိုးရတပ်ဘက်မှ ဝင်းဆိုင် (Win Seng) ကျေးရွာသို့ လက်နက်ကြီးကျည် ၆၀ မမ အမြောက်ဖြင့် ပစ်ခတ်ခဲ့သောကြောင့် ဒေသခံများ နေအိမ် ၃ အိမ် ပျက်ဆီးခဲ့ကြောင်း သိရသည်။

လက်နက်ကြီး ကျရောက်ပေါက်ကွဲခဲ့သော နေအိမ်များသည် ဦး အင်ခွမ် ခွန်ဖုန်၊ ဦးမရစ်ဘရန်၊ ဂျိန်ဖော့လ တို့၏နေအိမ်များဖြစ်ပြီး မီးလောင်ပျက်ဆီးသွားခဲကြောင်း ဒေသခံများမှသိရသည်။

အစိုးရတပ်များ ဆက်တိုက်စစ်အင်အားတိုးချဲ့ တိုက်ခိုက်လာခြင်းကြောင့် ဒေသခံများကြောက်ရွံ့ ထိတ်လန့်ကာ မိမိ လုံခြုံရာနေရာသို့ အသီးသီး ထွက်ပြေးတိမ်းရှောင်နေရချိန် ယခုလို ကျရောက်ပေါက်ကွဲ ခြင်းလည်း ဖြစ်သည်။

KIA တပ်မဟာ (၄) နယ်မြေများတွင် အစိုးရတပ်ဘက်မှ စစ်ရေးဖြည့်တင်းလာသောကြောင့် တိုက်ပွဲများ ဆက်လက်ဖြစ်ပွားနိုင်ကြောင့် KIA တပ်ဘက်မှ ပြောဆိုသည်။

Credit : http://abbsoluteright.blogspot.com/2013/06/blog-post_8598.html

အစိုးရနှင့် ကေအဲန်ယူတို့ ဇူလိုင်လအတွင်း အလွတ်သဘော ထပ်မံတွေ့ဆုံရန်ရှိ

ကရင်အမျိုးသားအစည်းအရုံး(ကေအဲန်ယူ) ကိုယ်စားလှယ်အဖွဲ့နှင့် မြန်မာငြိမ်းချမ်းရေး ဖော်ဆောင်ရေးအဖွဲ့ဝင်များ လာမည့် ဇူလိုင်လအတွင်း နှစ်ဖက်တပ်များ လိုက်နာရမည့် ကျင့်ဝတ် စည်းကမ်းများ (Code of Conduct)နှင့် ပတ်သက်၍ အလွတ်သဘော ထပ်မံ တွေ့ဆုံရန်ရှိကြောင်း သိရသည်။

ဇွန်လ ၁၅ရက်နေ့မှ ၁၆ရက်နေ့အထိ ရန်ကုန်မြို့ရှိ မြန်မာငြိမ်းချမ်းရေးစင်တာ MPC ၌ ပြုလုပ်ခဲ့သော Code of Conduct ကိစ္စ အလွတ်သဘောမျိုး တွေ့ဆုံဆွေးနွေးမှုအပြီးတွင် နောက်ထပ်တစ်ကြိမ် ထပ်မံတွေ့ဆုံရန် ထိုသို့ သဘောတူခဲ့ခြင်းဖြစ်သည်ဟု ဆွေးနွေးသို့ လိုက်ပါခဲ့သူတစ်ဦးဖြစ်သည့် ကေအဲန်ယူ နိုင်ငံခြားရေးဌာန တာဝန်ခံ ပဒိုစောအောင်ဝင်းရွှေက ပြောသည်။

“အခု ကျနော်တို့ ဆွေးနွေးတာက အလွတ်သဘောမျိုး ညှိနှိုင်းဆွေးနွေးတာပဲ ရှိပါသေးတယ်။ အကြမ်းဖျင်း ညှိနှိုင်းဆွေးနွေးထား တာတွေကို နှစ်ဖက်အနေနဲ့ သက်ဆိုင်ရာ လူကြီးတွေနဲ့ ပြန်လည်တင်ပြပြီးမှ အတည် ပြုချက်ယူရပါမယ်။ အဲဒါကြောင့် နောက်လ အတွင်းမှာ ပြန်လည်တွေ့ဆုံဖို့ ရှိတာက အလွတ်သဘော ပဲဖြစ်မှာပါ”ဟု ကေအိုင်စီသို့ ပြောသည်။

Code of Conduct ဆွေးနွေးရာတွင် နည်းပညာအထောက်အကူပြုအဖွဲ့အဖြစ် ကေအဲန်ယူဘက်မှ ဗဟိုအလုပ်အမှုဆောင်ကော် မတီအဖွဲ့ဝင် ပဒိုစောတာဒို့မူး၊ တရားရေးဌာန တာဝန်ခံ ပဒိုစောအဲ့ကလူစေး၊ ဗိုလ်မှူးတာမလာသော၊ ဗဟိုအမြဲတမ်းကော်မတီအ ဖွဲ့ဝင် ပဒိုစောလှထွန်း၊ နိုင်ငံခြားရေးဌာန တာဝန်ခံ ပဒိုစောအောင်ဝင်းရွှေနှင့် စောတာမူလာတို့ ပါဝင်တက်ရောက်ခဲ့သည်။

မြန်မာငြိမ်းချမ်းရေးစင်တာမှ ဒေါက်တာကျော်ရင်လှိုင်၊ ဒေါက်တာမင်းဇော်ဦး၊ ဒုတိယတရားသူကြီးချုပ် ဦးထွန်းထွန်းဦး၊ ဗိုလ်မှူး ကြီးကျော်စိုးဝင်း၊ ဒေါက်တာနော်ရီဘက်ခါတင်၊ ကရင်ပြည်နယ် နယ်လုံဝန်ကြီး ဗိုလ်မှူးကြီးအောင်လွင်တို့ ပါဝင်ဆွေးနွေးခဲ့ကြ ခြင်း ဖြစ်သည်။

ဆွေးနွေးမှုတွင် လိုက်နာရမည့် ကျင့်ဝတ်စည်းကမ်းများနှင့် ပတ်သက်ပြီး အချက် ၃၀ကျော်ရှိသည့်အနက် တခြားအသေးအစိတ် အချက်များကို အခန်းလိုက် ဆွေးနွေးခဲ့ကြပြီး ပြင်ဆင်ရန် လိုအပ်သည့် စကားလုံး အသုံးအနှုန်းများကိုလည်း ပြန်လည်ဖြည့်စွက် ခြင်းများ ပြုလုပ်ခဲ့သည်ဟု တရားရေးဌာနတာဝန်ခံ ပဒို စောအယ်ကလူစေးက ပြောသည်။

“ကျနော်တို့ဆွေးနွေးတာက အဓိကတော့ တပ်နေရာပြန်လည်ချထားရေးနဲ့ စောင့်ကြည့်လေ့လာရေး အဖွဲ့ ထားရှိ ဖွဲ့စည်းတာကို ဆွေးနွေးခဲ့ကြတဲ့အပြင် အချို့သော မရှင်းလင်းသည့်အချက်များ၊ စကားလုံးအသုံး အနှုန်းများကို နားလည်ရ လွယ်ကူအောင် နှစ်ဖက်ညှိနှိုင်းပြီး ပြင်ဆင်ဖြည့်စွက်ဆွေးနွေးခဲ့ကြပါတယ်”ဟု ကေအိုင်စီသို့ ပြောသည်။

ကေအဲန်ယူနှင့် အစိုးရသည် ၂၀၁၂ခုနှစ်၊ ဇန်န၀ါရီလ ၁၂ရက်နေ့တွင် ပြည်နယ်အဆင့် အပစ်အခတ်ရပ်စဲရေးကို ဖားအံတွင်တစ် ကြိမ်၊ ဧပြီလ ၆ရက်နေ့တွင် ပြည်ထောင်စုအဆင့် ဆွေးနွေးပွဲကို ရန်ကုန်မြို့တွင်တစ်ကြိမ်၊ စက်တင်ဘာလ ၃ရက်နှင့် ၄ရက်တို့ တွင် ဖားအံမြို့ရှိ ဇွဲကပင်ခမ်းမတွင် တစ်ကြိမ်တွေ့ဆုံပြီးနောက်ပိုင်း ယခုအချိန်ထိ တရားဝင် ထပ်မံ တွေ့ဆုံနိုင်ခြင်း မရှိသေးပေ။

Credit : http://abbsoluteright.blogspot.com/2013/06/blog-post_8960.html

KNPP နှင့် အစိုးရတို့ ဒုတိယအကြိမ် ပြည်ထောင်စုအဆင့် ဆွေးနွေး

ကရင်နီ အမျိုးသား တိုးတက်ရေး ပါတီ (KNPP) နှင့် အစိုးရပြည်ထောင်စု ငြိမ်းချမ်းရေး ဖေါ်ဆောင်ရေး အဖွဲ့တို့၏ ဒုတိယ အကြိမ် ပြည်ထောင်စု အဆင့် ဆွေးနွေးပွဲကို ကယားပြည်နယ်၊ လွိုင်ကော်မြို့ တပ်နယ် ခန်းမ၌ ကျင်းပခဲ့သည်ဟု ပြောခွင့် ရသူ အတွင်းရေးမှူး (၁) ဖြစ်သူ ဦးအောင်ဆန်းမြင့်က ဆိုပါသည်။

“ အစည်းအဝေး ကိုတော့ (၁၉-၂၀) နှစ်ရက်ဆွေးနွေးမှာ ဖြစ်တယ်။ ကျနော်တို့က စစ်ရေးကိစ္စတွေရော၊ အရင်ကသ ဘောတူထားပြီး ကျန်နေတဲ့ ကိစ္စတွေကိုရော ပြန်လည် တင်ပြပါတယ်။ အဲဒီထဲက ဒီကနေ့မှာတော့ အချက် (၃) ချက် လောက် သဘော တူခဲ့ပြီးပါပြီး၊ စစ်ရေး ကိစ္စကိုတော့ ခေတ္တခဏ တံခါးပိတ်ပြီး ညှိနှိုင်းခဲ့ပါတယ်” ဟု ဆိုပါသည်။

ပထမနေ့ သဘော တူညီထားမှုများမှာ (က) ပူးပေါင်း ဆောင်ရွက်ရေး ကော်မီတီ (Joined Committee) ဖွဲ့စည်းရန် မူအရ သဘောတူခဲ့ပါသည်။ (ခ) ကယားပြည်နယ်တွင်း ဒေသ ဖွံ့ဖြိုးရေး ကိစ္စများကို ပူးပေါင်း ဆောင်ရွက်ရန်။ (ဂ) စစ်ဘေးရှောင် (IDP) ဒုက္ခသည်များကို ပြန်လည်နေရာ ချထားရေးကို အတူ ပူးပေါင်း ဆောင်ရွက်ရန်နှင့် ကြိုတင်ပြင်ရန် သဘော တူခဲ့ပါသည်။

ပူးပေါင်း ဆောင်ရွက်ရေး ကော်မီတီသည် နှစ်ဖက်ကြား ဖြစ်ပေါ်လာသည့် ကိစ္စပြသနာများကို ဖြေရှင်းရန် ပူးပေါင်း ဆောင်ရွက်ခြင်းဖြစ်ပြီး၊ ဒေသဖွံ့ဖြိုးရေး ကိစ္စနှင့် IDP ကိစ္စများကိုမူ အစိုးရ၊ NGO အဖွဲ့များနှင့် KNPP တို့ ပူးပေါင်း ဆောင်ရွက် သွားကြမည် ဖြစ်ပါသည်။

ထို့အပြင် ကယားပြည်နယ်ထဲက သံလွင်မြစ် ရေကာတာ စီမံကိန်း ကိစ္စကိုလည်း ဆွေးနွေးဖြစ်ပါသည်။ သို့သော် လောလောဆယ်တွင် အစိုးရဖက်မှ အကောင်အထည်ဖေါ်ခြင်း မရှိသေးကြောင်း ဆိုပါသည်။ အကယ်၍ အကောင်အထည် ဖေါ်ဖြစ်ပါက ပွင့်လင်းမြင်သာရန် ဆောင်ရွက်ပေးမည်ဟု ဆိုပါသည်။

ဆွေးနွေးပွဲသို့ တက်ရောက်သော KNPP ကိုယ်စားလှယ်များမှာ ဒုတိယ ဥက္ကဌ ခူဦးရယ် ဦးဆောင်သော ကိုယ်စားလှယ် (၁၄) ဦးနှင့် ၀န်ကြီး ဦးအောင်မင်း ဦးဆောင်သော ကိုယ်စားလှယ် (၁၈) ဦးတို့ တက်ရောက်ကြပါသည်။

စစ်ဖက် ဆိုင်ရာ ဆွေးနွေးမှုကို KNPP စစ်ဦးစီးချုပ် ဗိုလ်ချုပ် ဘီထူးက ဦးဆောင်ပြီး၊ အစိုးရ စစ်ဖက်ဆိုင်ရာ ကိုယ်စားလှယ်များမှာ အမှတ် (၄) ကစထမှုး ဒုတိယ ဗိုလ်ချုပ်ကြီး အောင်သန်းထွဋ် နှင့် အရှေ့ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် စိုးထွန်းတို့ ဖြစ်ပါသည်။

အစိုးရသည် တပ်နေရာချ ထားရေး ကိစ္စကို ဆွေးနွေးရာ၌ လူသိရှင်ကြား ဆွေးနွေးခဲ့ကြရာမှ ယခု ခရီးစဉ်တွင် တံခါးပိတ် ဆွေးနွေးပွဲမျိုး ဖြစ်လာခဲ့ပါသည်။

KNPP သည် ပြီးခဲ့သည့် မတ်လ (၇) ရက်နေ့တွင် အစိုးရနှင့် အပစ်အခတ် ရပ်စဲခဲ့ပါသည်။ သဘော တူညီ ချက်ပေါင်း နှစ်ဆယ်ကျော် သဘော တူထားသော်လည်း တပ်နေရာ ချထားရေးကိုမူ ယနေ့အထိ နေရာချထားခြင်း မရှိသေးကြောင်း ဆိုပါသည်။ 

Credit : http://abbsoluteright.blogspot.com/2013/06/knpp_20.html

UMFCCI လူဟောင်းအများစု ပြန်ရွေးချယ်ခံရ

ပြီးခဲ့တဲ့ ဇွန်လ ၁၅ ရက်နေ့က ကျင်းပပြုလုပ်ခဲ့တဲ့ ပြည်ထောင်စု သမ္မတ မြန်မာနိုင်ငံ ကုန်သည် များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI)ရဲ့ ၂၀၁၃- ၂၀၁၆ ခုနှစ် အမှု ဆောင်သစ် ရွေးချယ်ပွဲမှာ အမှုဆောင်ဟောင်း အများစုပဲ ပြန်လည်ရွေးချယ်ခံခဲ့ရပါတယ်။

ရွေးချယ်မှုအရ ဥက္ကဌနေရာကိုတော့ ဦးဝင်းအောင်က ဆက်လက်ရယူနိုင်ခဲ့သလို ဒုတိယဥက္ကဌ- ၁ ဦးဇော်မင်းဝင်း၊ ဒုတိယ ဥက္ကဌ-၂ ဒေါက်တာ မောင်မောင်လေး ၊ ဒုတိယဥက္ကဌ- ၃ ဒေါက်တာမျိုးသက်၊ ဒုတိယဥက္ကဌ-၄ ဦးသိန်းဟန် (ဆီကုန်သည် အသင်း၊ ဥက္ကဌ) ၊ ဒုတိယဥက္ကဌ- ၅ ဦးဝေဖြိုး (လူငယ်လုပ်ငန်းရှင်အသင်း)၊ ဒုတိယဥက္ကဌ-၆ ဦးဒေါက်တာ မြဟန် (မွေးမြူ ရေးအဖွဲ့ ချုပ်)၊ ဒုတိယဥက္ကဌ-၇ ဦးလှမောင်ရွှေတို့ အသီးသီးရွေးချယ်ခံခဲ့ရပြီး ၎င်းတို့ထဲမှ ဦးဇော်မင်းဝင်း ၊ ဒေါက်တာမြဟန် ၊ ဒေါက်တာမောင်မောင်လေး ၊ ဦးလှမောင်ရွှေ တို့မှာ မူလ ဒု-ဥက္ကဌ နေရာကို ပြန်လည်ရရှိခဲ့တာ ဖြစ်ပါတယ်။ ဒု-ဥက္ကဌနေရာကို ၇ နေရာ ရွေးတာဖြစ်တဲ့အတွက် ပြီးခဲ့တဲ့သုံးနှစ်သက်တမ်းမှာ အထွေထွေ အတွင်းရေးမှုး အဖြစ်တာဝန်ယူခဲ့သူ ဒေါက်တာ မျိုးသက်နဲ့ ဘဏ္ဍာရေးတာဝန်ယူခဲ့သူ ဦးသိန်းဟန်တို့လည်း ဒု-ဥက္ကဌ အဖြစ်ရွေးချယ်ခံခဲ့ရပါတယ်။ အထွေထွေ အတွင်းရေးမှူးအဖြစ် ဦးမိုးမြင့်၊ တွဲဖက်အထွေထွေအတွင်း ရေးမှူးများအဖြစ် ဦးအေးလွင်၊ ဒေါက်တာ သက်သက်ခိုင်၊ ဒေါ်ခိုင်ခိုင် နွယ်၊ ဦးဆန်းလင်း၊ ဦးအောင်ကြည်စိုး၊ ဦးမျိုးသန့် ၊ ဦးအောင်ဇော်ဦး တို့ ရွေးချယ်ခံခဲ့ရပြီး အရင်အမှုဆောင်ဟောင်းများ ဖြစ်တယ်လို့ သိရပါတယ်။

လက်ရှိ ရွေးချယ်ခံခဲ့ရတဲ့လူတွေကို တရားဝင်ကြေငြာချက် မထုတ်သေးဘဲ စီးပွားကူးသန်းဝန်ကြီးဌာနကို တင်ထားဆဲဖြစ်တယ်လို့ အသင်းချုပ်ထံမှ သိရပါတယ်။ မဲထည့်နိုင်သူဦးရေ ၈၉၆ ရှိသည့်အနက် ၇၂၁ ဦးလာရောက်မဲထည့်ခဲ့တယ်လို့ ဒု-ဥက္ကဌ အဖြစ်ရွေးချယ်ခံခဲ့ရတဲ့ ဆီကုန်သည်လုပ်ငန်းရှင်ဥက္ကဌ ဦးသိန်းဟန်က ပြောပါတယ်။

ရွေးချယ်မှုစည်းကမ်းအရ မဲထည့်သူ ၇၂၁ ဦးမှ အမှုဆောင်အဖြစ် အရွေးခံဖို့ တဦးချင်း စာရင်း သွင်းယှဉ်ပြိုင်သူ ၁၉၉ ဦးထဲကနေ ၆၉ ဦးကို ပထမဆုံး ရွေးချယ်ပေးခဲ့ပါတယ်။ အဲဒီကနေရလာတဲ့ ၆၉ ဦးနဲ့ ညီနောင်အသင်းတွေက အဆိုပြုတင်သွင်းထားသူ ၆၉ ဦး ပေါင်း ၁၃၈ ဦးက ဗဟိုအလုပ်အမှုဆောင်နေရာ တွေကို ဆက်လက်ပြိုင်ဆိုင်ခဲ့တယ်လို့ သိရပါတယ်။

“အခုရွေးလိုက်တဲ့ EC (အလုပ်အမှုဆောင်)၁၃၈ ယောက်မှာ အရင်နှစ်တွေက EC(အလုပ်အမှုဆောင်) တကြိမ်လုပ်ခဲ့ဖူးသူပဲ CEC (ဗဟိုအလုပ်အမှုဆောင်)ဆက်ရွေးခံရမှာပါ။ ရွေးမှာက ၅၅ နေရာပါ။ အဲလို စည်းမျဉ်းရှိတယ်။ အရင်နှ စ်တွေမှာ EC(အလုပ်အမှု ဆောင်) မလုပ်ခဲ့ဖူးသူက ဝင်ရွေးခံရင် EC(အလုပ်အမှုဆောင်)မှာတင် ပြီးသွားမယ်။ CEC(ဗဟိုအလုပ်အမှုဆောင်)အတွက် မဲပေးခွင့် ရှိတယ်။ ပြိုင်ခွင့်တော့မရှိဘူး။ ရွေးခံရတဲ့ EC(အလုပ်အမှုဆောင်)အနေနဲ့ အရွေးခံရတဲ့ ၁၃၈ ယောက်ကဘဲ ၅၅ ယောက်ကို ပြန်ရွေးမယ်။ အဲဒီထဲကမှ ဥက္ကဌ၊ ဒု-ဥက္ကဌ၊ ဘဏ္ဍာရေးမှုး စတာတွေရွေးတယ်” လို့ Nibban International Co.,Ltdမှ ဒေါက်တာ အောင်သိန်းက ဆိုပါတယ်။

ရွေးကောက်ပွဲကြီးကြပ်ရေးကော်မရှင်တွေ အနေနဲ့ စီးပွားရေးနယ်ပယ်မှာ နာမည်ရထားသူတွေ ဖြစ်တဲ့ ဦးမောင်မောင်၊ ဦးလှမြင့်သိန်း၊ ဦးခင်မောင်လွင်၊ ဒေါက်တာအောင်ထွန်းသက်၊ ဒေါက်တာဦးမြင့်၊ ဦးဝင်းသင်၊ ဦးကျော်စန်း၊ ဦးသန်းမောင်၊၊ ဦးထွန်းအေး၊ ဦးညီလှငယ် စတဲ့ နာမည်ကြီးစီးပွားရေးပညာရှင်တွေက ပါဝင်ရွေးချယ်ပေးခဲ့ပါတယ်။

“CEC(ဗဟိုအမှုဆောင်)ရွေးတာက မူလက ၅၅ ယောက်ပဲ ရွေးတယ်။ အဲဒီမှာ မဲရေတာ သရေကျနေတော့ ၂ ဦးစလုံးကို ရွေးလိုက်တယ်။ CEC(ဗဟိုအမှုဆောင်)က ၅၆ ယောက်ရွေးဖြစ်ခဲ့တယ်”လို့ ဆီကုန်သည်လုပ်ငန်းရှင်ဥက္ကဌ ဦးသိန်းဟန်ကဆိုပါတယ်။

“ရွေးချယ်တာမှာ CEC(ဗဟိုအမှုဆောင်)က ၅၆ ယောက်ရွေးပြီးတော့ ဥက္ကဌနေရာအတွက် ဝင်ပြိုင်ဖို့ ကိုယ်တိုင်အဆိုတင်ခိုင်း တော့ ဦးဝင်းအောင်၊ ဦးစိန်ဝင်းလှိုင်၊ ဦးမြဟန်ရယ်က အဆိုပြုတော့ သူတို့ ၃ ယောက်ပဲ ဝင်ရွေးဖို့ ဆန္ဒပြုတယ်။ ၃ ယောက်က ၅ မိနစ် ကျော်ကြာ စကားရည်လုကြတယ်။ ပြီးတော့ CEC (ဗဟိုအမှုဆောင်)က ၅၆ ယောက်က မဲစနစ်အရ ရွေးချယ်ခဲ့တာပါ”လို့ ဆီကုန်သည်လုပ်ငန်းရှင် ဥက္ကဌ ဦးသိန်းဟန်က ဆိုပါတယ်။

စည်းမျဉ်းအရ ဥက္ကဌ၊ ဒု-ဥက္ကဌ ၇ ဦး၊ အထွေထွေအတွင်းရေးမှုး၊ တွဲဖက်အထွေထွေအတွင်းရေးမှုး ၇ ဦးကို CEC(ဗဟိုအမှု ဆောင်)ရွေးချယ်ခံထားရသူများကသာ ရွေးချယ်ခွင့်ရှိတယ်လို့ ဦးသိန်းဟန်ကဆိုပါတယ်။

ဒီရွေးကောက်ပွဲက မစတင်ခင်ကတည်းက နာမည်ကျော်တဲ့ ရွေးကောက်ပွဲဆိုလည်း မမှားပါဘူး။ အသင်းဝင် အသင်းသားတွေကို လက်ဆောင်ပဏ္ဍာတွေပေးပြီး မဲဆွယ်နေတယ်ဆိုတဲ့ သတင်းတွေ ပေါ်ထွက်ခဲ့ပေမယ့် အထောက်အထား အတိအကျနဲ့ စွပ်စွဲနိုင်မှုတော့ မတွေ့ခဲ့ရပါဘူး။

ဒါပေမယ့် ရွေးကောက်ပွဲအပြီးမှာ မဲမသမာမှုတွေရှိခဲ့တယ်လို့ စွပ်စွဲမှုများထွက်ပေါ်ခဲ့ပြီး ရွေးကောက်ပွဲ ရလဒ်အပေါ်ကန့်ကွက်မှုများလည်း ရှိခဲ့ပါတယ်။ ရွေးချယ်ပွဲမှာ အငြင်းပွားဖွယ်ဖြစ်စေတဲ့အချက်တွေကတော့ အသင်းဖွဲ့စည်းမျဉ်း အတိုင်း ၂၁ ရက်ကြိုတင် အကြောင်းကြားမှု မရှိခြင်း၊ အသင်းသားအားလုံး မဲပေးခွင့်ရှိခြင်းမှာ အလုပ်အမှုဆောင်ရွေးချယ်မှုမှာသာဖြစ်ပြီး ကျန်အရေးကြီးသည့် ဥက္ကဌ၊ ဒု-ဥက္ကဌ ရာထူးများမှာ အသင်းသားတိုင်းရွေးခွင့်မရဘဲ ဗဟိုအလုပ်အမှုဆောင်များကသာရွေးခွင့်ရခြင်း၊ ဗဟို အလုပ်အမှုဆောင်နေရာကိုလည်း ယခင်သက်တမ်းများတွင် အလုပ်အမှုဆောင်လုပ်ခဲ့သူသာ ယှဉ်ပြိုင် ခွင့်ရှိခြင်းနှင့် “အာဏာရှိ”လုပ်ငန်းရှင်တစ်စုက မဲကြိုတင်ညှိနှိုင်းထားသော စာရင်းများကို ကြိုတင်ဝေငှ ထားသည့် ပုံစံမျိုးရှိခြင်းစတဲ့ အချက်တွေဖြစ်ပေါ်ခဲ့တယ်လို့ သိရပါတယ်။

“ရွေးကောက်ပွဲအပေါ်မှာက နဂိုထဲကကြိုထုတ်ထားတဲ့ ၆၉ ယောက်ကပဲ ပြန်ပြီး နေရာရတာဆိုတော့ ဒီမိုကရက်ကတော့ သိပ်တော့မကျဘူးပြောလို့ ရတယ်။ အစကတည်းက ထုတ်ထားသူစာရင်းက ဒီတိုင်းဘဲ။ အရင်အတိုင်းဘဲပြန်ဖြစ်တယ်။ မတိုင်ခင် တရက်ထဲကလူစာရင်းတွေ ထွက်ထားပြီးသားဖြစ်နေတယ်။ ည ၁၀း၄၅ မှာက ရေတွက်နေရင်း မဲ ၄၀၀ ရှိတာက ၁၅ မိနစ်အတွင်း မှာ မဲ၂၀၀ လောက်ပျောက်ပြီး ၂၀၀ လောက်ပဲ ကျန်တာတွေ ဖြစ်သွားတယ်။ မဲထုတ်တဲ့နေရာမှာ ဘယ်သူထုတ်သွားသလဲပေါ့။ ကော်မရှင် လူကြီးတွေထက် မဲထုတ်တဲ့လူက ပိုအဓိကကျတာပေါ့နော်” UMFCCI အမှုဆောင်အသစ်ရွေးချယ် ပွဲနှင့်ပတ်သတ်၍ ဒေါက်တာစိုးထွန်းက သူ့အမြင်ကို ပြောပြပါတယ်။

ရွေးကောက်ပွဲတွင် ဒု-ဥက္ကဌအဖြစ်ရွေးချယ်ခံခဲ့ရတဲ့ ဆီကုန်သည်လုပ်ငန်းရှင်ဥက္ကဌ ဦးသိန်းဟန်ကို အငြင်းပွားစရာ မဲအရေအတွက်အကြောင်း မေးမြန်းရာ “ထွက်ပေါ် လာတဲ့ သတင်းတွေက မှားနေပါတယ်။ မှန်မှန်ကန်ကန် ရွေးခဲ့တာပါ။ EC အဟောင်းတွေ အကုန် နုတ်ထွက်ပေးရပါတယ်။ နုတ်ထွက်ပြီးမှ လုပ်ပါတယ်။ နောက်မဲထည့်ပမာဏကလည်း ၈၀၀ ကျော်မှာ ၇၀၀ ကျော်လာထည့်လို့ သမိုင်းတွင်တဲ့ ရွေးကောက်ပွဲပါ။ ထင်သာမြင်သာ ပွင့်လင်းမှုတွေ ရှိပါတယ်။ မဲတွေပျောက်တာလည်း မဟုတ်ပါဘူး။ ဒီမှာ ဘားကုတ်တွေနဲ့ လုပ်တာမို့ ပိုလို့လည်း မရသလို လိုလို့လည်း မရပါဘူး”လို့ ဆိုပါတယ်။

UMFCCI အမှုဆောင် အသစ်ရွေးချယ်ပွဲကို ဒေါက်တာစိုးထွန်းက ကန့်ကွက်ကြောင်း သမ္မတရုံးနဲ့ သက်ဆိုင်ရာ ရွေးကောက်ပွဲကျင်းပရေးကော်မရှင်တို့ကို ပေးပို့သွားမယ်လို့ ဆိုထားပါတယ်။

ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်ဟာ သြဇာကြီးတဲ့အသင်းတခုပါ။ ဒီလိုသြဇာကြီးတဲ့ အသင်းဥက္ကဌရာထူးရသူဟာလည်း ပြည်ပနိုင်ငံက ရင်းနှီးလိုသူတွေနဲ့ တွေ့ဆုံရာမှာ သာမန်စီးပွားရေးသမားတွေထက် ပိုအခွင့်အရေးရနိုင်သလို အစိုးရအဖွဲ့အစည်းတွေနဲ့လည်း အပြန်အလှန် ဆွေးနွေးတင်ပြနိုင်တာကြောင့် ဒီနေရာဟာ စီးပွားရေးသမား လုပ်ငန်းရှင်တိုင်း မျက်စိကျစရာနေရာလည်း ဖြစ်ပါတယ်။

ဦးဝင်းအောင်ရဲ့ သား ဦးသူရိန်အောင်လည်း EC အဖွဲ့ဝင်အဖြစ် အရွေးခံခဲ့ရတာကလည်း ပြိုင်ဘက်အုပ်စု ဝင် တွေရဲ့ အဝေဖန်ခံစရာတခု ဖြစ်ခဲ့ပါတယ်။

ဦးဝင်းအောင်ဟာ ၂၀၀၁ ခုနှစ် ဧပြီလကနေ စတင်ပြီး အသင်းချုပ်ရဲ့ ဥက္ကဌတာဝန်ကို ထမ်းဆောင်ခဲ့သူ တစ်ဦးဖြစ်ပြီး မဟာမဲခေါင် ဒေသခွဲ စီးပွားရေးဖိုရမ် ဥက္ကဌရာထူးကို၂၀၀၃ခုနှစ်မှ ၂၀၀၅ခုနှစ်တွင် တကြိမ်၊ ၂၀၁၁မှ ယနေ့အချိန်ထိ ဒုတိယအကြိမ် တာဝန်ယူရပါတယ်။ အသင်းချုပ်ဌာန ဥက္ကဌရာထူးကြောင့် မဟာမဲခေါင် ဒေသခွဲ စီးပွားရေးဖိုရမ်မှာ ဥက္ကဌ ရာထူးကိုရရှိခဲ့တာဖြစ်တယ်လို့ ပြိုင်ဘက်တွေက ပြောနေကြပြီး လက်ရှိဥက္ကဌ ရာထူးမှ ဖယ်ပေးရရင် အဆိုပါရာထူးကိုလည်း လက်လွှတ်ရမှာမို့ ဥက္ကဌနေရာ ပြံလိုချင်နေတာလို့လည်း ဆိုကြပါတယ်။

ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်ရဲ့ မူလအစက ၁၉၁၉ ခုနှစ် ကိုလိုနီခေတ် ဗမာကုန်သည်များအသင်း Burmese Chamber of Commerce (BCC) က မြစ်ဖျားခံပြီး ၁၉၄၈ မှ ၁၉၆၂ ထိ ပြည်ထောင်စုကုန်သည်များအသင်း Union of Burma Chamber of Commerce & Industry (UBCCI) လို့ အမည်ပြောင်း၊ အဲဒီကနေ ၁၉၆၂ က ၁၉၈၈ ထိ အဲဒီနာမည်နဲ့ဘဲ ရပ်တည်လာခဲ့ရာကနေ ၁၉၈၉ မှာ ပြည်ထောင်စုမြန်မာနိုင်ငံ ကုန်သည်လုပ်ငန်းရှင်အသင်း Union of Myanmar Chambers of Commerce & Industry (UMCCI) လို့ ပြောင်းခဲ့ပြီး ၁၉၉၉ မှာ ပြည်ထောင်စုမြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်The Union of Myanmar Federation of Chambers of Commerce & Industry (UMFCCI) လို့ ဖြစ်လာခဲ့ပါတယ်။

Credit : http://abbsoluteright.blogspot.com/2013/06/umfcci.html

အစိုးရစစ်တပ်နှင့် TNLA တို့ တိုက်ပွဲပြင်းထန်၊ ကျဆုံးမှုများရှိ

ရှမ်းပြည်နယ်မြောက်ပိုင်း ကွတ်ခိုင်မြို့နယ်အတွင်း အစိုးရစစ်တပ်နှင့် တအာင်း (ပလောင်) အမျိုးသား လွတ်မြောက်ရေး တပ်မတော် (TNLA) တို့ ထိပ်တိုက်ရင်ဆိုင်နေကြပြီး တိုက်ပွဲများ ရက်ဆက် ဖြစ်ပွားနေကာ ကျဆုံးမှုများရှိနေကြောင်း သိရ သည်။

ကွတ်ခိုင်မြို့နယ် ငေါ့ငါးကျေးရွာအနီး အခြေစိုက် ထားသည့် TNLA ၁၁၂ တပ်ရင်းကို ထိုးစစ်ဆင်ရန် ကြိုးစားနေသည့် ကွမ်လုံမြို့နယ် အခြေစိုက် ခလရ ၁၄၅ တပ်ရင်းနှင့် TNLA ပျောက်ကျား တပ်များသည် ယမန်နေ့ နံနက် ၅ နာရီခွဲမှ စတင်ကာ ငေါ့ငါးကျေးရွာ အထက်တွင် ၂ နာရီအကြာ တိုက်ပွဲဖြစ်ပွားခဲ့သည်။

အစိုးရစစ်တပ်နှင့် ထိပ်တိုက် တိုက်ပွဲကို ဦးဆောင်နေသည့် TNLA မှ ဗိုလ်ကြီး တာဝိန်းမာန်ဝ်က “တိုက်ပွဲက ဆက်တိုက် ဖြစ်နေတယ်။ မနေ့က ဖြစ်တဲ့တိုက်ပွဲမှာ စစ်တပ်ဘက်က ၄ ဦးသေတယ်” ဟု ပြောသည်။

ယမန်နေ့ နံနက်ပိုင်းတွင် ဖြစ်ပွားခဲ့သော တိုက်ပွဲ၌ သေဆုံးဒဏ်ရာရ စာရင်း မသိရသေးသော်လည်း ဇွန်လ ၁၈ ရက်နေ့က အဆိုပါတပ်ရင်း ၂ ခု အကြား တိုက်ပွဲ နှစ်ကြိမ် ဖြစ်ပွားခဲ့ပြီး အစိုးရစစ်တပ်မှ ၄ ဦးကျဆုံးသည့်အပြင် နှစ်ဘက် တပ်များသည် အနီးကပ် အနေအထားတွင် ရောက်ရှိနေကြောင်း သိရသည်။

အစိုးရတပ်က TNLA ၁၁၂ တပ်စခန်းရှိရာ တောင်ထိပ်ကို ၆၀ မမ အာရ်ပီဂျီ လက်နက်များဖြင့် ၂ နာရီအကြာ ဆက်တိုက် ပစ်ခတ်ခဲ့သဖြင့် တိုက်ပွဲဖြစ်ပွားရာ အနီးရှိ ငေါ့ငါးကျေးရွာခံများ ထွက်ပြေး တိမ်းရှောင်နေရကြောင်း TNLA သတင်းနှင့် ပြန် ကြားရေးတာဝန်ခံ ဗိုလ်ကြီး မိုင်းအောင်ကိုက ပြောသည်။

“ငေါ့ငါးရွာခံတွေကတော့ ကြောက်လန့်ပြီး တိုက်ပွဲနဲ့ဝေးတဲ့ရွာတွေမှာ စားစရာ သောက်စရာတွေယူပြီး သွားပုန်းနေကြတယ်။ တချို့ကတော့ နမ့်ဖတ်ကာ ရွာက ဆွေမျိုးတွေဆီမှာ သွားပြီးခိုလှုံကြတယ်။ အနီးအနားက ရွာတွေကလည်း စိုးရိမ်တဲ့ အနေအထား ဖြစ်နေတာပေါ့။ အခုက တိုက်ပွဲ ဆက်တိုက်ဖြစ်နေတာ” ဟု ဗိုလ်ကြီးမိုင်းအောင်ကိုက ဧရာဝတီသို့ ရှင်းပြသည်။

ငေါ့ငါးကျေးရွာတွင် အိမ်ခြေ ၁၇၀ ကျော်ရှိကြောင်း ကျေးရွာတာဝန်ရှိသူများက ဆိုသည်။

ရှမ်းပြည်နယ်မြောက်ပိုင်း၌ ယခုတိုက်ပွဲဖြစ်ပွားနေသည့် အစိုးရစစ်တပ် ခလရ ၁၄၅ နှင့် TNLA တပ်ရင်း ၁၁၂ တို့အကြား ဇွန် ၁၄ ရက်က ကွတ်ခိုင်မြို့နယ် လုံကမ်ကျေးရွာအနီးတွင် တိုက်ပွဲဖြစ်ပွားခဲ့သေးကြောင်း ဇွန် ၁၅ ရက်ကလည်း နမ့်စမ်မြို့နယ် ထဲတွင် TNLA လက်အောက်ခံ ၂၅၆ တပ်ရင်းနှင့် နောင်ချိုအခြေစိုက် စစ်တပ် ၁၁၄ တပ်ရင်းတို့ တိုက်ပွဲ ဖြစ်ပွားခဲ့သေးကြောင်း သိရသည်။

TNLA ထိန်းချုပ်နယ်မြေများထဲတွင် ၎င်းတို့ ပျောက်ကျားတပ်များနှင့် အစိုးရ စစ်တပ်အကြား ယခုလလယ်ပိုင်းမှ စ၍ တိုက်ပွဲများ ဆက်တိုက် ဖြစ်ပွားနေသည့် အတွက် တိုက်ပွဲ ဖြစ်ပွားရာအနီးရှိ ကျေးရွာ ဒေသခံများမှာလည်း စိုးရိမ်နေကြပြီး တချို့လည်း နည်းအမျိူးမျိုးဖြင့် ထွက်ပြေး တိမ်းရှောင်နေကြကြောင်း ဗိုလ်ကြီး မိုင်းအောင်ကိုက ပြောသည်။

အစိုးရ စစ်တပ်နှင့် ယခုတိုက်ပွဲဖြစ်ပွားနေသော TNLA လက်အောက်တွင် တပ်ရင်း ၂၇၀ ကျော်ရှိပြီး ထိုအထဲတွင် ကချင် လွတ်မြောက်ရေး တပ်မတော် (KIA) နှင့် ရှမ်းပြည် တိုးတက်ရေးပါတီ (SSPP/ SSA) တပ်ဖွဲ့ဝင်များလည်း ပူးပေါင်း လှုပ်ရှားလျှက် ရှိသည်။

TNLA တပ်မတော်သည် ရှမ်းပြည်မြောက်ပိုင်း ၎င်းတို့ ထိန်းချုပ်နယ်မြေအတွင်း ၂၀၁၂ နှင့် ၂၀၁၃ ခုနှစ်အတွင်း ဘိန်းနှင့် မူးယစ်ဆေးဝါး တိုက်ဖျက်မှုကြောင့် ဒေသခံလူထု၏ အားပေး ထောက်ခံမှုရရှိနေပြီး တပ်ရင်းပေါင်း ၇ ရင်းကို ဗျူဟာ ၂ ခုခွဲ အုပ်ချုပ်လျှက်ရှိကာ အင်အား ၁၃၀၀ အထက်တွင် ရှိကြောင်း စုံစမ်းသိရှိရသည်။

TNLA သည် စစ်ရေးအရ KIA နှင့် ထာဝရ မဟာမိတ်ပြုထားပြီး SSPP/ SSA နှင့်လည်း စစ်ရေးအရ ပူးပေါင်း တိုက်ပွဲဝင် နေသည်ကို တွေ့ရသည်။

Credit : http://abbsoluteright.blogspot.com/2013/06/tnla_2726.html

ပြည်သူလူထု ကိုသာမက သံဃာထုကိုပါ ခုတုံးလုပ် အသုံးချသွားသော မွတ်ဒေါင်း NLD

• ဒေါ်စု အကျယ်ချုပ်ကျနေတုန်းက ဒီချုပ်ရုံးရှေ့မှာ ဆွမ်းလောင်းတယ်။ ဒကာမကြီးအတွက် ဆုတောင်း ပေးကြပါ ဘုရားတဲ့။
• ဆွမ်းခံနေတဲ့ ကိုယ်တော်တွေကို လမ်းတစ်ဘက်ကနေ စစ်ထောက်လှမ်းရေးက ဓာတ်ပုံ တဖျတ်ဖျတ် ရိုက်တယ်။
• တချို့ဆိုရင် ကျောင်းအထိ လိုက်လာပြီး မေမြန်းခံရတယ်။ ဖြစ်ချင်ရာဖြစ် ဆိုပြီး ပေတေ ဆွမ်းခံ ခဲ့ကြတယ်။
• ဒေါ်စု လွတ်တဲ့နေ့ကစပြီး ဆွမ်းမလောင်းတော့ဘူး။
• ကိုယ်တော်တွေက စည်းကမ်းမရှိလို့ မလောင်တော့တာတဲ့။ လူဆိုတာ မလိုတစ်မျိုး လိုတစ်မျိုးပဲ။
• ဗဟန်းမှာ ဆွမ်းကြွတဲ့ ကိုယ်တော်တိုင်း သိကြပါတယ်။

( အရှင်ခေမာနန္ဒ)

From: အရှင်ခေမာနန္ဒ- မိုးသု-မန္တလေ

“ဝေဒနာဖြင့် မပြော၊ ဒေတာဖြင့်သာပြောသော ဝီရသူ”

မီဒီယာဖြင့် ပြည်သူကို အလုပ်အကျွေးပြုကြစေ လိုပါသည်။ အမျိုးသားသစ္စာဖောက် မီဒီယာသမား များ ဘဝမျိုး မရောက်စေလိုပါ။ အွန်လိုင်းမီဒီယာ များအနေဖြင့် ဝီရသူကို တစ်ဖက်သတ် တိုက်ခိုက် နေသည်ကို တွေ့ရပါသည်။

ဝီရသူကို တိုက်ခိုက်လိုက ဒေတာဖြင့်သာ တိုက်ခိုက် စေလိုပါသည်။ ဝေဒနာဖြင့် မတိုက်ခိုက်စေလိုပါ။ ဝီရသူသည် ဒေတာဖြင့်သာ စကားပြောတတ်သူ ဖြစ်ပါသည်။ ဝေဒနာဖြင့် စကားမပြောတတ်ပါ။

ဝီရသူကို ဝေဒနာဖြင့်သာ တိုက်ခိုက်နေပါက အမုန်းတရားသာ တိုးပွားလာနိုင်ပြီး မိမိဌာနလည်း သိက္ခာကျနိုင်ပါသည်။

အဓမ္မက ထာဝရနိုင်ရိုး၊ အဓမ္မက ထာဝရလွှမ်းမိုးနိုင်လိမ့်မည်ဟု ထင်မြင်နေလျှင် သင်သာ ကျဆုံးသွားမည် ဖြစ်ပါသည်။

မီဒီယာဖြင့် ပြည်သူကို အလုပ်အကျွေးပြုကြစေလိုပါသည်။ အမျိုးသားသစ္စာဖောက် မီဒီယာသမားများ ဘဝမျိုး မရောက်စေလိုပါ။

ကျန်းမာ ချမ်းသာ ဘေးရန်ကွာ၍ လိုရာဆန္ဒပြည့်ဝကြပါစေ။

ယုံကြည့်ချက်ဖြင့် အသက်ရှင်နေသည့်ဝီရသူ

From: ဝီရသူ

တစ်မျိုးသားလုံးနှင့်သက်ဆိုင်သော မျိုးစောင့်ဥပဒေကို ကန့် ကွက်သော ၈၈ နှင့် NLD အမျိုးသမီး တို့ အား သိစေရန်

၁။ မြန်မာနိုင်ငံလုံးဆိုင်ရာ အမျိုးသားရေးလှုပ်ရှားမှု ကော်မတီ (M.N.M.C) သည် သမိုင်းဝင် အမျိုးသားရေး လှုပ်ရှားမှုဖြစ်သည့် ၂၀၁၂ ခုနှစ် အောက်တိုဘာ(၁၅) ရက်နေ့ တွင် OIC မြန်မာ့မြေပေါ်တွင် ရုံမစိုက်ရန် တစ်နိုင်ငံ လုံးအတိုင်းအတာဖြင့် ဆန္ဒဖော်ထုတ်ရာတွင် ဦးဆောင် လှုပ်ရှားခဲ့သော ကော်မတီဖြစ်သည်။

အွန်လိုင်းမှာတင်သာမက မြေပြင်မှာပါ အမျိုးသားရေးကို လှုပ်ရှားဆောင်ရွက်ပြီး အပတ်စဉ် စနေနေ့ တွေ့ ဆုံပွဲလေး များ ဖြစ်မြောက်ရန် ၂-၂-၂၀၁၃တွင် ၀ံသာနုရက္ခိတ စနေလူငယ်များအသင်း(N.P.S.Y.A) ကို ဆရာတော် ရွှေည၀ါ ၏ သြ၀ါဒ ခံယူကာဖွဲ့ စည်းခဲ့ပြီး အပတ်စဉ် စနေနေ့ တွေ့ ဆုံပွဲများဖြစ်မြောက်အောင် နှင့် ၉၆၉ အမှတ်တံဆိပ် တော်များ တစ်နိုင်ငံလုံး အတိုင်းအတာဖြင့် ကျယ်ကျယ်ပြန့် ပြန့် ဖြစ်အောင် ဆောင်ရွက်လှုပ်ရှားနေသည့် အမျိုးသားရေး အဖွဲ့ လည်းဖြစ်သည်။

၂။ ထိုသို့ မြန်မာတစ်နိုင်ငံလုံးအတိုင်းအတာဖြင့် အပတ်စဉ်စနေနေ့ တွေ့ ဆုံပွဲများ၊ အမျိူးဘာသာ သာသနာကာကွယ်ဖို့ အမျိုးစောင့် ဥပဒေကို သိက္ခာရ ဆရာတော် ထေရ်ကြီးဝါကြီးများမှ အမျိုးသားရေး အသိစိတ်ဖြင့် စွမ်းဆောင်နေချိန်တွင် ၈၈ နှင့် NLDမှ အမျိုးသမီးများအတွက် အခွင့်အရေး ချိုးဖောက်သည် တင်းကျပ်သည်ဆိုသည်မှာ မည်သည့်အချက်ကိုထောက်၍ ကန့် ကွက်ရပါသနည်း။

၃။ ၈၈ အမျိုးသမီးအဖွဲ့နှင့် NLD အမျိုးသမီးအဖွဲ့များသည် ယခုတလောဖြစ်ေ့နေသာ အရွယ်မရောက် သေးသော မြန်မာအမျိုးသမီးလေးများအပေါ် အကြမ်းဖက် သွေးဆောင်ဖြားယောင်း အဓမ္မ လက်ထပ်ခြင်းများ။ အောင်ပင်လယ်အမှု။ မြင်းမူအမှု။ ၀က်လက်အမှု များကိုမသိသေး၍လား သိလျှက်နှင့် မသိချင်ယောင်ဆောင် မျက်ကွယ်ပြုလုပ်တာလား။ မသီတာထွေးအမှုကို ရော မေ့သွားပြီလား။

၎။ အမျိုးသားရေး လှုပ်ရှားမှုများကို တစ်နိုင်ငံလုံးအတိုင်းအတာဖြင့်ဆောင်ရွက်နေချိန်တွင် ဟန့် တားမှု၊ နှောင့်ယှက်မှု၊ လုပ်ငန်းနှောင့်နှေးမှု ကိုဖြစ်စေသော မည်သည့် အဖွဲ့ အစည်း ပါတီကိုမဆို အမျိုးသားရေး စိတ်ဖြင့် ကန့် ကွက်သွားမည်ဖြစ်သည်။

၅။ မြန်မာနိုင်ငံအတွင်းရှိ နာမည်ရ ပါတီ၊ အဖွဲ့ အစည်းများသည် တစ်ခေတ်တစ်ချိန်က နာမည်ကြီး ခေါင်းဆောင်များရှိနေခြင်းကြောင့်သာ ပြည်သူများ အားပေးထောက်ခံမှုကို ခံနေရခြင်းဖြစ်ပြီး ထို ခေါင်းဆောင်များ ပျက်သုဉ်းသွားပါက ဆက်လက်ရပ်တည်ရန်ခက်ခဲမည်ဖြစ် သည်။ အမျိုးသားရေး ဆိုသည်မှာ ကမ္ဘာမှာ မြန်မာပြည်တည်နေသရွေ့ မြန်မာပြည်သားတိုင်းလုပ်ဆောင်သွားရမည့် ရေရှည် လုပ်ငန်းစဉ် ဖြစ်ပြီး မည်သည့်အကြောင်းကြောင်းကြောင့်မှ ပျောက်ပျက်သွားမည်မဟုတ်ကြောင်း ၈၈ နှင့် NLD အားသိစေအပ်ပါသည်။

၆။ သို့ ဖြစ်ပါ၍ ယခုမန္တလေးမြို့နှင့် နယ်တ၀ိုက်တွင် အမျိုးဘာသာ သာသနာ ကာကွယ် စောင့်ရှောက်ရေးအတွက် လှုပ်ရှားဆောင်ရွက်နေသော အဖွဲ့အစည်းများသည် အမျိုးစောင့်ဥပဒေ အတွက် အင်တိုက်အားတိုက်ကြိုးစားနေချိန်တွင် ယခုကဲ့သို့ ၈၈ နှင့် လက်တစ်ဆုပ်စာ အမျိုးသမီးအချို့ ကန့် ကွက်မှု ကို ကျွန်တော်တို့  မန္တလေးမြို့ နှင့် ရန်ကုန်မြို့ မှ သံဃာတော်များနှင့် ဘာသာရေး ပရဟိတ အရေး ဆောင်ရွက်နေသော အသင်းများအားမှ ရှုံ့ ချ ကန့်ကွက်လိုက်သည်။

From:မြန်မာနိုင်ငံလုံးဆိုင်ရာ အမျိုးသားရေးလှုပ်ရှားမှု ကော်မတီ(ရန်ကုန်)

Credit : http://www.mmdailystar.com/2013/06/nld_20.html

ကျပ်သိန်း ၉၅၀ တန် နှစ်ထပ်ကျောင်းဆောင်သစ်ပညာရေးဌာနသို့ ပေးအပ်လှူဒါန်း

ငွေကျပ် သိန်း ၉၅၀ ကျော် တန်နှစ်ထပ်ကျောင်း ဆောင်သစ် ပညာရေးဌာနသို့ ပေးအပ်လှူဒါန်း ပွဲအခမ်းအနားကို ဇွန် ၁၈ ရက်၊ နံနက် ၉ နာရီတွင် ရန်ကုန်တိုင်း ဒေသကြီး၊ မှော်ဘီမြို့နယ်၊ အမှတ်(၁)အခြေခံပညာအထက် တန်းကျောင်း ပညာရတနာ ခန်းမ တွင်ကျင်းပသည်။

အစီအစဉ်အရ ကျောင်း ဆောင်သစ်ကို မှော်ဘီ မြို့နယ် ပြည်သူ့လွှတ်တော်ကိုယ်စားလှယ် ဦးကြည်မြင့်၊ အမှတ်(၃)အခြေခံ ပညာဦးစီးဌာန ဒုတိယညွှန်ကြား ရေးမှူးဦးမောင်မောင်တိုးနှင့် အလှူရှင် ဦးထွန်းထွန်းလင်းတို့က ဖဲကြိုးဖြတ်ဖွင့်လှစ်ပေးခဲ့သည်။

ဆက်လက်၍ ကျောင်း ဆောင်သစ်နှင့်သက်ဆိုင်သည့် စာရင်းဇယားများလွှဲပြောင်းပေး အပ်ပွဲကို ကျင်းပရာ မှော်ဘီမြို့ နယ်ပြည်သူ့လွှတ်တော်ကိုယ်စား လှယ် ဦးကြည်မြင့်၊ အမှတ်(၃) အခြေခံပညာဦးစီးဌာန ဒုတိယ ညွှန်ကြားရေးမှူး ဦးမောင်မောင် တိုးတို့မှ အမှာစကားပြောကြား ကြပြီး အလှူရှင်ဦးထွန်းထွန်းလင်း က လှူဒါန်းရခြင်းရည်ရွယ်ချက် ကို ရှင်းလင်းတင်ပြကာ လှူဒါန်း သောအဆောင်သစ်နှင့်သက်ဆိုင် သည့် စာရင်းဇယားများကို ပညာရေးဌာနသို့လွှဲပြောင်းပေးအပ်ရာ အမှတ်(၁)အခြေခံပညာအထက်တန်း ကျောင်း၊ မှော်ဘီမြို့ကျောင်း အုပ်ဆရာမကြီး ဒေါ်ခင်လေးက လက်ခံယူကာ ကျေးဇူးတင်စကား ပြန်လည်ပြောကြား ခဲ့ကြောင်း သိရသည်။

Credit : http://www.hotnewsweekly.com/archives/22185

အခြေခံဥပဒေ ပြင်ဆင်ရေး တပ်မတော်သား ကိုယ်စားလှယ်တွေနဲ့ ပူးပေါင်းဆောင်ရွက်သွားမည်

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင် ဆန်းစုကြည်က ၂ဝဝ၈ ဖွဲ့စည်းပုံ အခြေခံဥပဒေ တစ်ခု လုံး ပြုပြင်မယ်ဆိုရင် ရှေ့နောက်မညီတဲ့ ပုဒ်မတစ်ခု ချင်းစီကို စပြီးပြုပြင်ရမယ်လို့ ညီညွှတ်သော တိုင်းရင်းသား လူမျိုးများမဟာမိတ် အဖွဲ့(UNA)တို့နဲ့ ဒီကနေ့ တွေ့ဆုံရာမှာ ပြောကြားလိုက် ပါတယ်။

UNA အဖွဲ့က တိုင်းရင်းသားခေါင်းဆောင်တွေနဲ့ တက္ကသိုလ်ရိပ်သာလမ်းနေအိမ်မှာ အလွတ်သဘော တွေ့ဆုံခဲ့တာဖြစ်ပြီး လက်ရှိကျင့်သုံးနေတဲ့ ၂ဝဝ၈ ဖွဲ့စည်းပုံ အခြေခံဥပဒေ ပြင်ဆင်နိုင်ရေးအတွက် လွှတ်တော်ထဲမှာရှိတဲ့ တပ်မတော်သား လွှတ်တော်ကိုယ်စားလှယ်တွေနဲ့ ညှိနှိုင်းလုပ်ဆောင်သွားမယ်လို့ ဒေါ်အောင်ဆန်းစုကြည်က ပြောခဲ့ကြောင်း မွန်အမျိုးသားဒီမိုကရေစီအဖွဲ့ချုပ် ဥက္ကဌ ဦးနိုင်ငွေသိမ်းက RFA ကို ပြောပါတယ်။

“အဓိကကတော့ သူလွှတ်တော်ထဲကနေပြီးတော့ လွှတ်တော်စနစ်နဲ့ ၂ဝဝ၈ ဥပဒေပြောင်းလဲရေးကို ကြိုးစားလုပ်မယ်လို့ပြောတယ်၊ ၂ဝဝ၈ ဥပဒေက ရှေ့နောက်မညီဘူးပေါ့၊ တချို့ပုဒ်မတွေက တချို့ကိုပြန်ပြီး ဆန့်ကျင်နေတယ်ပေါ့၊ အဲဒါကိုပြင်ရမယ်ပေါ့၊ နောက်တစ်ချက်က ၂ဝဝဂ ကိုပြန်ပြင်ဖို့ တပ်မတော်သားကိုယ်စားလှယ်တွေနဲ့ ညှိနှိုင်းမယ်လို့ပြောတယ်”

၂ဝ၁၅ ခုနှစ် ရွေးကောက်ပွဲမကျင်းပမီ ၂ဝဝ၈ ဖွဲ့စည်းပုံအခြေခံဥပဒေပြင်ဆင်နိုင်ရေး အားလုံး ၀ိုင်းဝန်းကြိုးစားဖို့ကိုလည်း ဒေါ်အောင်ဆန်းစုကြည်က တိုက်တွန်းခဲ့တယ်လို့ ဆိုပါတယ်။ ဒါ့အပြင် လာမယ့် ၂ဝ၁၅ ရွေးကောက်ပွဲမှာ PR ခေါ် အချိုးကျကိုယ်စားပြုမဲစနစ်ကို ကျင့်သုံးဖို့ မဖြစ်နိုင်ကြောင်း အပြန် အလှန်ပြောဆို ဆွေးနွေးခဲ့ကြတယ်လို့ သိရပါတယ်။

ဒေါ်အောင်ဆန်းစုကြည်ဟာ UNA အဖွဲ့ဝင် တိုင်းရင်းသားခေါင်းဆောင်တွေနဲ့ ဒီကနေ့တွေ့ဆုံတာဟာ ၂ဝ၁၁ ခုနှစ် နိုဝင်ဘာလ သူနေအိမ်အကျယ်ချုပ်က ပြန်လွတ်မြောက်လာပြီး ပထမဆုံးအကြိမ် တွေ့ဆုံမှု လည်း ဖြစ်ပါတယ်။ UNA အဖွဲ့မှာ ရှမ်းတိုင်းရင်းသားများဒီမိုကရေစီအဖွဲ့ချုပ်၊ မွန်အမျိုးသား ဒီမိုကရေစီအဖွဲ့ချုပ်၊ ဇိုမီးကွန်ဂရက်ပါတီ၊ ရခိုင်ဒီမိုကရေစီအဖွဲ့ချုပ်၊ ကရင်အမျိုးသားပါတီတွေက အဖွဲ့ဝင် ပါတီတွေ ပါဝင်ပါတယ်။

rfa.org 

တောင်ကြီးမှ ပထမတန်းကျောင်းသူ ၀ါယာကြိုးဖြင့်အရိုက်ခံရမှု အုပ်ထိန်းသူကို တရားစွဲဆို

တောင်ကြီးမြို့မှ အသက်(၇)နှစ်အရွယ် ပထမတန်း ကျောင်းသူကို ၀ါယာကြိုးနှင့် ရိုက်မှုဖြင့် အုပ်ထိန်း သူအား လူမှုဝန်ထမ်းမှ တရားစွဲဆို ထားကြောင်း သတင်းရရှိသည်။

ယနေ့တွင် တောင်ကြီးမြို့ အမက(၁၅)သို့ ကျောင်း ကျန်းမာရေးက ကလေးများ၏ ကျန်းမာရေးကို သွားရောက်စစ်ဆေးစဉ် ပထမတန်းကျောင်းသူ မသက်ထားခင်၏ ကျောပြင်နှင့် ခြေထောက် တစ် လျှောက်၌ အကွင်းလိုက်ပေါ်နေသော ဒဏ်ရာများ ကို တွေ့ရှိ ရသဖြင့် တောင်ကြီင်္းမြို့ လူမှုဝန်ထမ်းဦးစီးနှင့် ရဲစခန်းတို့ကို ကျောင်း ကျန်းမာရေး မှ အထက် တန်းသူနာပြု ဒေါ်စောဥမ္မာနှင့် ကျောင်း တာဝန်ရှိသူများက တိုင်ကြားခဲ့ကြောင်း၊

ယင်းတိုင်ကြားချက်အရ ကလေးငယ်အား မေးမြန်းရာ သူမ၏ ကြီးတော်နှင့် အမ၀မ်းကွဲတို့က ၀ါယာကြိုးနှင့် ရိုက်နှက်ထားသည်ဟု ဆိုကြောင်း၊ ပြည်နယ်လူမှုဝန်ထမ်းဦးစီးမှ လက်ထောက်ညွှန်ကြားရေးမှူး ဦးတင်အောင်ရီက ပြောသည်။

“အုပ်ထိန်းသူတွေကို စစ်ဆေးကြည့်တော့ စာမရလို့ ရိုက်တာလို့ပြောတယ်။ ဒါပေမဲ့ ကလေးသူငယ်ဥပဒေအရကတော့ အုပ်ထိန်းသူပဲ ဖြစ်စေ၊ ဆရာမဖြစ်စေ လိမ္မာအောင် ဆိုဆုံးတဲ့နေရာမှာ ညှင်းပန်းနှိပ်စက်သလို မဖြစ်ရဘူး။ ဒါကြောင့်မို့ ကျွန်တော်တို့ လူမှုဝန်ထမ်းက တရားလိုပြုပြီးတော့ အမှုဖွင့်လိုက်တယ်” ဟု ၄င်းကပြောသည်။

ယင်းနှင့်ပတ်သက်၍ တောင်ကြီးရဲစခန်းသို့ ပေါ်ပြူလာနယူးစ်မှ ဆက်သွယ်မေးမြန်းခဲ့ရာ တာဝန်မှူးက “ဒီအမှုက ကလေးသူငယ်ဥပဒေအရ ရဲအရေးပိုင်တဲ့အမှု မဟုတ်ဘူး။ ဒါကြောင့် လူမှုဝန်ထမ်းကနေပြီး တရားစွဲဆို အမှုတင်လိုက်ပါပြီ” ဟု ပြောသည်။

ရိုက်နှက်ဆုံးမသည်ဟု သံသယရှိသူ မသက်ထားခင်၏ ကြီးတော်နှင့်အစ်မ၀မ်းကွဲကို ရဲစခန်းတွင် ထိန်းသိမ်းထားကြောင်း ၄င်းက ဆက်ပြောသည်။

မသက်ထားခင်၏ ဖခင်မှာ ကွယ်လွန်သွားပြီဖြစ်ပြီး မိခင်ဖြစ်သူမှာ ညောင်ရွှေ တွင် ရှိသည်ဟု ကြားရသော်လည်း ယခုအချိန်အထိ ဆက်သွယ် ၍ မရသေးကြောင်း ဦးတင်အောင်ရီက ပြောသည်။

Popular Myanmar News Journal

လိင်အသားပေးဇာတ်ဝင်ခန်းများ ထိန်းချုပ်သင့်ပြီလား

မင်းသားနှင့်မင်းသမီးတို့၏ ပွင့်လင်းလွတ်လပ်သော ချစ်ရည်လူးသည့်ဇာတ်ဝင်ခန်းများကို မြန်မာနိုင်ငံတွင် တစ်နှစ်၊ နှစ်နှစ်အတွင်း ပေါ်ပေါ်ထင်ထင် ကြည့်ရှုကြရလိမ့်မည်ဟု မည်သူမျှမျှော်လင့်ထားမည်မဟုတ်ပါ။ မြန်မာဇာတ်ကားဇာတ်ဝင်ခန်းအချို့ကို နိုင်ငံခြားဇာတ်ကားများကဲ့သို့ အမြင်မသင့်တော်သော ဇာတ်ဝင်ခန်းများအား ကြည့်ရလိမ့်မည်ဟုလည်း တွေးဆထားကြမည်လည်း မဟုတ်ပါ။

မြန်မာဒါရိုက်တာရိုက်သည့် ဇာတ်ဝင်ခန်း၊ မြန်မာသရုပ်ဆောင်များ၏ သရုပ်ဆောင်ချက်များ ဟုတ်ပါလေစဟု ရင်သပ်ရှုမော အံ့သြရလောက်သည့် လိင်အသားပေးဇာတ်ဝင်ခန်းပါ မြန်မာဇာတ်ကားအချို့ ဗီဒီယိုဈေးကွက်အတွင်း ထွက်ပေါ်လာသည်။ မြန်မာ့ယဉ်ကျေးမှုစံနှုန်းနှင့် နှိုင်းယှဉ်ချိန်ထိုးကာ ကြည့်ရှုသူအများစုက ကန့်ကွက်ကြသည်။ ကြိုဆိုလက်ခံသူအချို့လည်း ရှိသည်။ အသက်မပြည့်သေးသူ မြန်မာမင်းသမီး သရုပ်ဆောင်ထားသော ဇာတ်ဝင်ခန်းအချို့ လူပြောများ နေဆဲမှာပင် လင်မယားအတူနေသည့် ဇာတ်ဝင်ခန်းပါ ဇာတ်ကားတစ်ကား ထွက်လာပြန်သည်။ ကြိုဆိုသူ အနည်းစုရှိသော်လည်း ယင်းဇာတ်ကားဖန်တီးသူတို့ ပရိသတ်ကို တောင်းပန်ဖြေရှင်းလာရသည်။

ပြန်ကြားရေးဝန်ကြီးဌာန၏ ဗီဒီယိုဆင်ဆာဖြေလျှော့ပေးမှုအပေါ် အနုပညာဖန်တီးသူများက မယုံမရဲနှင့် မိမိတို့ဖန်တီးချင်သည့် ဇာတ်လမ်းလေးများ သွေးတိုးစမ်းတင်ပြနေရချိန်တွင် လိင်အသားပေးဟုဆိုသော ဇာတ်ကားများ ထွက်ရှိလာခြင်းကြောင့် ရရှိထားသည့် လွတ်လပ်ခွင့်ကို အဆုံးရှုံးမခံနိုင်သူတို့ စိုးရိမ်ပူပန်လာကြသည်။ တစ်ချိန်တည်းမှာပင် မြန်မာဗီဒီယိုဆင်ဆာအဖွဲ့ကလည်း ယဉ်ကျေးမှုနှင့် မသင့် လျော်သည့် ပြကွက်များကို ပိုပိုတင်းကျပ်တော့မည်ဟု စကားဦးသန်းလာပြီဖြစ်သည်။

“အဲဒါမှမရရင် ခွေကို ဈေးကွက်ထဲက ပြန်သိမ်းတဲ့အထိ အရေးယူပါမယ်။ အိပ်ရာခန်းတွေကို လိုအပ်လို့ ထည့်တာကထည့်ပေါ့။ ဒါပေမယ့် မူဝါဒသတ်မှတ်ထားတာကို ကျော်ပြီးရိုက်ရင် ပထမထောက်ညွှန်မယ်။ မရရင်ဒီအခန်းတွေကို ဖြတ်တောက်ရမယ်”” ဟု မြန်မာဗီဒီယိုဆင်ဆာအဖွဲ့မှ အဖွဲ့ဝင် ဦးခင်မောင်ချင်းက ပြောသည်။

တင်းကျပ်သည့် ဆင်ဆာမူဝါဒဟု မြန်မာအနုပညာရှင်တို့ ပြောဆိုဝေဖန်ခဲ့သော ဆင်ဆာခေတ်သည် လွန်ခဲ့သည့် တစ်နှစ်ခွဲတွင် အဆုံးသတ်သွားခဲ့ပြီဖြစ်သည်။ ဆင်ဆာအဆီးအတားမရှိတော့သည့်နောက် “ဘယ်လိုကားတွေ ရိုက်လာကြမှာလဲ”” လို့ ပရိသတ် က မေးခွန်းမထုတ်နိုင်သေးခင်မှာပင် သရဲတစ္ဆေ ဇာတ်ကားများ တရစပ်ထွက်ရှိလာသည်။ ယင်းနောက်မှာတော့ နောက်ခံအချစ် သီချင်းဖွင့်ပြီး ပန်းခြံထဲတွင် ပြေးလွှားနေသော ချစ်သူစုံတွဲများ၊ ပန်းပွင့်လေးပေါ် လိပ်ပြာနား၍ ၀တ်ရည်သောက်သုံးနေသည့် တင်စားချက်ပြကွက်များ နေရာတွင် မြန်မာမင်းသားနှင့် မင်းသမီးတို့ အကြင်နာပေးခြင်း (နှုတ်ခမ်းချင်း ထိတွေ့နမ်းရှုတ်ခြင်း)၊ လင်မယား ခုတင်ပေါ်က ဇာတ်ဝင်ခန်းအချို့ နေရာယူလာသည်။

လွတ်လပ်ခွင့်ပေးလိုက်ချိန်တွင် ယခင်က မရိုက်ခဲ့ရသော ဆင်းရဲမွဲတေသည့် သရုပ်မှန်စရိုက်၊ မီးပြတ်သည့်အကြောင်း၊ ကုန်ဈေးနှုန်းမြင့်တက်သည့်အကြောင်း၊ အစိုးရဌာနပိုင်းဆိုင်ရာ အကျင့်ပျက် ခြစားမှု၊ လာဘ်ပေးလာဘ်ယူမှုစသည်တို့ကို အနုပညာဖြင့် ပြောင်မြောက်အောင် ဖော်ထုတ်သည့် ဇာတ်ကားများ ထွက်မလာခဲ့ဘဲ သရဲကားများနှင့် နမ်းရှုတ်သည့် ဇာတ်ကားများထွက်လာခြင်းမှာ ဆင်ဆာလွတ်လပ်ခွင့် တဖွဖွတောင်းသူတို့ပင် မျက်စိလည်ကုန်သည်။

“ကျွန်မ ဆင်ဆာလွတ်လာခွင့်ရတာနဲ့ ကိုမြအေးနဲ့ ကိုမင်းကိုနိုင်တို့ရဲ့ ၀တ္ထုတွေ ဗီဒီယိုရိုက်တယ်။ အောက်ခြေလူတန်းစား မိသားစုဘ၀တွေကို အရင်က မရိုက်ခဲ့ရသမျှ အတိုးချရိုက်ကူးတယ်။ ဒါကို ပရိသတ်ကလည်း အားပေးကြတာတွေ့ရတယ်။ ပရိသတ်တောင့်တတာက ဇာတ်လမ်းဆန်းသစ်တာလို့ ကျွန်မထင်ပါတယ်” ဟု ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်နှင့် ကိုမြအေးတို့၏ ၀တ္ထုများကို ဗီဒီယိုဇာတ်ကားပြန်လည်ဖန်တီးခဲ့သူ ဒါရိုက်တာ ကြည်ဖြူသျှင်က ဆိုသည်။

“အခု မြန်မာကားမှာက နှုတ်ခမ်းချင်းနမ်းလိုက်တာကိုပဲ အနမ်းခံရတဲ့ မင်းသမီးက အသေးစိတ် ပြန်ခံစားပြနေတယ်။ ဒါကို ကလေးတွေအတုယူမှားနိုင်တယ်။ လွတ်လပ်ခွင့်ရလာတဲ့အခါ ရှေ့ဆက်သွားရ မှာကို မဟုတ်တမ်းတရားတွေရိုက်ပြီး လွတ်လပ်ခွင့်ကို အဆုံးရှုံးခံကြတော့မှာလား။ ပြောရင်တော့ ခင်ဗျားကြီးက အသက်ကြီးလို့ မရိုက်ရဲတိုင်းပြောတယ် ဖြစ်မယ်။ ကလေးတွေအတွက် စဉ်းစားပါ” ဟု ချစ်တင်းနှောခန်းများ မပါပါက အနုပညာမမြောက်ဆိုသည့် ရှုထောင့်ကို လက်မခံသည့် ဒါရိုက်တာ မောင်တင်ဦးကဆိုသည်။

တင်းကျပ်သည်ဆိုသော ဆင်ဆာအချက် ၁၀ ချက်မှ လေးချက်ကို ၂၀၁၁ ခုနှစ် ဒီဇင်ဘာလတွင် လျှော့ပေါ့လိုက်ပြီးနောက် တင်ပြလာသည့် မြန်မာဇာတ်ကားများကို နိုင်ငံတော်မူဝါဒ၊ ကိုးကွယ်သည့် ဘာသာ၊ ပြည်သူတို့၏ အကျင့်စာရိတ္တ၊ တရားဥပဒေစိုးမိုးမှု၊ တိုင်းရင်းသားစည်းလုံးညီညွတ်မှု၊ အမျိုးသား ယဉ်ကျေးမှုတို့ကို ထိခိုက်ခြင်းရှိ၊ မရှိ ယင်းအချက် ခြောက်ချက်အပေါ်အခြေခံ၍ ဆင်ဆာကြည့်ရှု ခဲ့ခြင်းဖြစ်သည်။

ထိုအချက်ထဲက လွတ်ရင်ပြီးရော မောင်နှင့်နှမ၊ သားနှင့်အမိ အတူကြည့်လို့ မသင့်သည့် မြန်မာ ဇာတ်ကားများ ထပ်မထွက်လာစေရန်အတွက် ဆင်ဆာပြန်လည်တင်းကျပ်သည့်စနစ်ကိုတော့ ရုပ်ရှင် လောကသားအားလုံးက ခါးခါးသီးသီး ကန့်ကွက်နေကြသည်။ ထို့ပြင် နိုင်ငံတကာ ရုပ်ရှင်ဈေးကွက် များကဲ့သို့ အသက် ၁၈ နှစ် အောက်ကလေးများ မကြည့်ရဆိုသည့် အဆင့်သတ်မှတ်သည့်စနစ် (Rating) မှာလည်း မြန်မာ့လူမှုဝန်းကျင်နှင့် လတ်တလောပြုလုပ်ရန် လုံးဝလွယ်ကူဦးမည်မဟုတ်ကြောင်း မြန်မာ နိုင်ငံရုပ်ရှင်အစည်းအရုံး ဥက္ကဋ္ဌအပါအ၀င် လောကသားအများစုက ဆိုပြန်သည်။

ထိုသို့ဆိုလျှင် နောက်ထပ်ညစ်ညမ်းပါသည်ဆိုသည့် လင်မယားအတူနေဇာတ်ဝင်ခန်းများ၊ သမီးရည်းစား အကြင်နာပေးသည့် ဇာတ်ဝင်ခန်းများမပါအောင်၊ အနုပညာဖန်တီးသူများကိုလည်း မပွန်းပဲ့အောင် မည်သို့ဖန်တီးကြမည်နည်း။ အဖြေကို ရုပ်ရှင်အစည်းအရုံး၏ ဥက္ကဋ္ဌရာထူးကို မကြာမီက ရရှိခဲ့သည့် သရုပ်ဆောင်ဒါရိုက်တာ ဦးလူမင်းက ပေးပါသည်။

“မြန်မာ့ယဉ်ကျေးမှုဆိုတဲ့ နေရာမှာ မြန်မာတွေလည်း ချစ်တတ်တာပါပဲ။ ဒါကြောင့် ချစ်ခန်းကြိုက်ခန်း တွေကို သဘာဝကျပြီး အမြင်မရိုင်းအောင်တော့ ဖန်တီးမယ့်သူတွေက ကြိုးစားပေးသင့်ပါတယ်။ “မျက်လုံးလေးကလယ်ကလယ်” ဇာတ်ကားမှာကတည်းက Rating စနစ်လိုနေပြီလို့ ကျွန်တော်ပြောခဲ့ပေမယ့် လတ်တလောလုပ်ဖို့ လုံးဝအဆင်မပြေပါဘူး” ဟု လူမင်းက ပြောသည်။

အသက် ၁၈ နှစ်အောက် ကလေးများမကြည့်ရဟု တံဆိပ်ကပ်နှိပ်လိုက်ပါက အသက် ၁၈ နှစ်အောက်မပြည့်သေးသည့် ထိုကလေးအများစုကပင် ယင်းဇာတ်ကားများကို ရွေးချယ်ကြည့်ရှုသွား လိမ့်မည်ဖြစ်ကြောင်း ၎င်းက ထပ်မံပြောကြားသည်။ မြန်မာနိုင်ငံ လူဦးရေ၏ ၇၀ ရာခိုင်နှုန်းမှာ မြို့စွန်နှင့် ကျေးလက်နေလူတန်းစားများ ဖြစ်နေပြီး ၎င်းတို့မှာ အခကြေးငွေယူ၍ ပြသကြသည့် ဗီဒီယိုရုံများ၊ လက်ဖက်ရည်ဆိုင်ကြီးများတွင် ပြသသည့် မြန်မာဇာတ်ကားများ ကို အားထားကြည့်နေကြရသည်။

ဆေးလိပ်၊ အရက်တို့ကိုပင် ကလေးငယ်များကို ဖောဖောသီသီရောင်းနေသည့် မြန်မာနိုင်ငံတွင် အသက် ၁၈ နှစ်အောက် ကလေးငယ်များ မကြည့်ရဟု ဇာတ်ကားများသတ်မှတ်လိုက်ပါက အတိအကျလိုက်နာ ကျင့်သုံးရေး စိစစ်ကြပ်မတ်ရန်မှာ အတော်ပင်မလွယ်ကူသေးသည့် အလုပ်ဖြစ်ကြောင်း ဒါရိုက်တာ ကြည်ဖြူသျှင်က ဆိုသည်။

“ကျော်ဆွေသေနတ်ပြောင်းပြန်ထမ်းတာတွေ့ပြီး အားကျပြီး ကျွန်တော်လည်း သေနတ်ပြောင်းပြန် ထမ်းလိုက်တာ တပ်ထဲမှာ အဆူအကြိမ်းခံလိုက်ရတာပဲ။ ဒါဘာကိုပြလဲဆိုတော့ ခင်ဗျားတို့မှာ ပရိသတ် အများကြီးရှိတာပဲ” ဟု မြန်မာနိုင်ငံရုပ်ရှင်အစည်းအရုံးသို့ ယမန်နှစ်က လာရောက်ခဲ့သည့် သမ္မတရုံး ပြည်ထောင်စုဝန်ကြီး ဦးအောင်မင်း၏ စကားမှာ သမားရိုးကျချစ်ကြိုက်ကွဲညားကို ဆန်းသစ်အောင် လိင်အသားပေးဇာတ်ဝင်ခန်းများ ထည့်သွင်းရိုက်ကူးသူတို့ စဉ်းစားသင့်သည့်အချက်ဖြစ်နေသည်။

“မင်္ဂလာဦးညကို ရင်ခုန်အောင် ရိုက်ပြရမယ်ဆိုရင်တော့ အထိတွေ့လေးတွေ၊ အနမ်းလေးတွေ ပါသင့်တာပေါ့။ ကြည့်တဲ့သူတွေမှာလည်း အကြည်ဓာတ်လေး လိုတယ်လေ။ ခက်တာက လိုတာထက် ပိုပြနေတာပဲ။ စွတ်လုပ်နေရင် ရထားတဲ့ လွတ်လပ်ခွင့်လေး ပြန်ဆုံးရှုံးမှာစိုးတယ်” ဟု ဒါရိုက်တာဝိုင်းက ဆိုသည်။ သို့သော် သူက ဇာတ်ကားများအဆင့် သတ်မှတ်သည့် စနစ်ကို ထောက်ခံသူလည်းဖြစ်သည်။

“ရေရှည်ကို ကြည့်ပါ။ လတ်တလောအဆင်ပြေအောင် အဲဒီအခန်းဖြတ်ဆိုတာ မလုပ်နဲ့တော့။ နိုင်ငံတကာကို သွားမယ်ဆိုရင် Rating က အကောင်းဆုံးပဲ။ စစချင်းခက်မှာပဲ။ ဘယ်အလုပ်မဆို ခက်မှာပဲ” ဟု ၀ိုင်းက ဆိုသည်။

လောကသားအများစုမှ စိုးရိမ်သလို ဆင်ဆာပြန်လည်တင်းကျပ်သည့်စနစ်ကိုတော့ မပြုလုပ်လိုကြောင်း ဆင်ဆာအဖွဲ့ဝင် ဦးခင်မောင်ချင်းက ကတိပြုသော်လည်း မူဝါဒခြောက်ချက်နှင့် ငြိစွန်းလာလျှင်တော့ နောက်နောင်ညှာတာတော့မည်မဟုတ်ဟု ဆိုသည်။

Credit : http://www.yeyintnge.com/2013/06/blog-post_7984.html#.UcKqm9hYWSo