မတ် ၂၉ ရက် နံနက်ပိုင်းက နိုင်ငံတော် သမ္မတ အိမ်တော်ရှိ ပြည်ထောင်စု အစိုးရအဖွဲ့ အစည်းအဝေး ခန်းမ၌ကျင်းပသည့် တန်ဖိုးနည်း မိုဘိုင်းလ်ဖုန်း Sim Card များ ရောင်းချနိုင်ရေး ဆိုင်ရာ ညှိနှိုင်း အစည်းအဝေး အပြီးတွင် ပြည်သူများ မျှော်လင့်နေသည့်
အဆိုပါ ဖုန်းကိစ္စနှင့် ပတ်သက်၍ သတင်း အချက်အလက် အချို့ကို အသိပေးနိုင်ရန် ဆက်သွယ်ရေးနှင့် သတင်းအချက်အလက် နည်းပညာဝန်ကြီး ဌာန ဒုတိယ ဝန်ကြီးများ ဖြစ်ကြသော ဦးဝင်းသန်းနှင့် ဦးသောင်းတင် တို့နှစ်ဦးအား သတင်းအဖွဲ့က တွေ့ဆုံ မေးမြန်းခဲ့သည် များကို အောက်ပါအတိုင်း ကောက်နုတ် ဖော်ပြလိုက်ရပါသည်-
မေး။တန်ဖိုးနည်း မိုဘိုင်းလ်ဖုန်း Sim Card တွေ အခုလို ရောင်းချနိုင်အောင် ဝန်ကြီးဌာနရဲ့ အဆင့်ဆင့် ကြိုးပမ်း ဆောင်ရွက်ခဲ့မှုများနဲ့ ပတ်သက်ပြီး သိလိုပါတယ်။ အကြမ်းဖျင်း ရှင်းလင်း ဖြေကြား ပေးစေ လိုပါတယ်။
ဖြေ။ (ဒုတိယဝန်ကြီး ဦးဝင်းသန်း) မြန်မာနိုင်ငံရဲ့ တယ်လီဖုန်း သိပ်သည်းဆဟာ ကမ္ဘာ့နိုင်ငံများ၊ အနီးစပ်ဆုံး ပြောရရင် အိမ်နီးချင်း နိုင်ငံများ၊ အရှေ့တောင် အာရှ နိုင်ငံများရဲ့ တယ်လီဖုန်း သိပ်သည်းဆနဲ့ နှိုင်းယှဉ်ရင် အင်မတန် နည်းနေသေးတာကို တွေ့ရပါတယ်။ အဲဒါကြောင့် တယ်လီဖုန်း သိပ်သည်းဆကို မြှင့်ဖို့လိုလာတယ်။ ဘာလို့ မြှင့်ဖို့ လိုအပ်သလဲ ဆိုရင် ဆက်သွယ်ရေးကောင်းမှ ကဏ္ဍစုံ ဖွံ့ဖြိုးတိုးတက်မှာ ဖြစ်လို့ အဲဒီ လိုအပ်ချက်ကို ဖြည့်ဆည်းပေးနိုင်ဖို့ ဆိုရင် တယ်လီဖုန်း သိပ်သည်းဆ တိုးအောင် လုပ်ရမယ်ဆိုတဲ့ အဖြေထွက်ပါတယ်။
တယ်လီဖုန်းတွေ တိုးအောင် လုပ်တာမှာ နိုင်ငံသားအားလုံး ဝယ်ယူ သုံးစွဲနိုင်ဖို့က ဈေးနှုန်း အပေါ်မှာ မူတည်ပါတယ်။ ဈေးနှုန်းဆိုတဲ့ နေရာမှာ ခေါ်ဆိုခ သက်သာရ မယ်၊ Initial Cost သက်သာရမယ်။ Sim Card ဈေးနှုန်းတွေ သက်သာရပါမယ်။ အဲဒါ ဆို ပြည်သူလူထု တော်တော်များများ သုံးနိုင်လာမယ်။ အဲဒီအတွက် Infrastructure ကိုလည်း တည်ဆောက် ပေးထားတယ်။ ပြီးတော့ ဖုန်းအခွန်တွေ ဈေးသက်သာဖို့ အတွက်လည်း အခွန် အခတွေ သက် သာအောင် လုပ်ပေးတာ၊ အပြိုင်အဆိုင် ရောင်းချကြ မှာတွေကြောင့် ဈေးနှုန်း သက်သာမှု ရှိလာမယ်။ ပြည်ပက ရင်းနှီးမြှုပ်နှံမှုတွေလည်း ဝင်ရောက်လာမှာ ဖြစ်သလို ပြည်တွင်းမှာရှိတဲ့ ရတနာပုံ တယ်လီပို့လို MPT တို့လို ကုမ္ပဏီ တွေလည်း ပါဝင် လုပ်ကိုင်လာမယ်ဆို ရင်ပိုပြီး အဆင်ပြေလာမှာ ဖြစ်ပါတယ်။
ကျွန်တော်တို့ နိုင်ငံမှာ တာဝါတိုင်တွေ ထူတာက ကျွန်တော်တို့ နိုင်ငံက လူတွေပဲ လုပ်တာပါ။ ပစ္စည်းပဲ နိုင်ငံခြားက မှာရတာပါ။ ပြည်ပက လူတွေခေါ်တာက တစ်ပိုင်းပေါ့။ ပြည်တွင်းက လုပ်နေတဲ့ လူတွေနဲ့လည်း ပူးပေါင်း လုပ်သွားလို့ ရပါတယ်။ အခုလက်ရှိ ပူးပေါင်းလုပ်နေတဲ့ ပြည်တွင်း ကုမ္ပဏီ ၁၃ ခုရှိပါတယ်။ ပြည်ပက မလာခင် စပ်ကြားမှာလည်း သူတို့နဲ့ လုပ်သွားမှာပါ။ ပြည်တွင်းအား နဲ့ကို အရင်စလုပ်မှာပါ။
ဖြေ။ (ဒုတိယဝန်ကြီး ဦးသောင်းတင်) အစိုးရသစ် တက်လာပြီးနောက Tele- com Sector ကို နိုင်ငံတကာ ပုံစံဖြစ်အောင်၊ နိုင်ငံတကာလို သက်သက် သာသာနဲ့ ဝယ်ယူနိုင်အောင်၊ ဆက်သွယ်ရေး စနစ်ကောင်းအောင်၊ ခေါ်ယူခက အစသက်သာအောင် နည်းလမ်းရှာဖွေ ဆောင်ရွက်နေပါတယ်။ ဒီလိုဆောင်ရွက်တဲ့ နေရာမှာ လက်ရှိတည်ဆောက် ထားတဲ့ တာဝါတိုင်တွေက အများကြီး နည်းနေပါသေးတယ်။ ဖိုင်ဘာလိုင်းတွေ ချထားတာတွေ ကိုလည်း လက်ရှိ အခြေအနေထက် (၁ဝ) ဆလောက်ကို တိုးချဲ့ရဦးမှာ ဖြစ်ပါတယ်။ တာဝါတိုင်ဆိုရင် လက်ရှိ ၁၅ဝဝ လောက်ရှိရာကနေ တစ် သာင်းခွဲ၊ နှစ်သောင်းလောက်ထိ တိုးချဲ့ တပ်ဆင်ရမှာ ဖြစ်ပြီး ဖိုင်ဘာလိုင်းတွေကိုလည်း တစ်ပြည်လုံးမှာ ပင့်ကူမျှင်လိုဖြစ် အောင်လုပ်မှ ဆက်သွယ်ရေးစနစ် ကောင်းမှာဖြစ်ပါတယ်။
နောက်တယ်လီဖုန်း Equipment တွေလည်း လုပ်ရဦးမှာပါ။ တစ်နိုင်ငံလုံးမှာ ရှိတဲ့ လူဦးရေရဲ့ ၅ဝ ရာခိုင်နှုန်း တယ်လီဖုန်း ရဖို့အတွက် ဆိုရင် အမေရိကန် ဒေါ်လာသန်း ၂ဝဝဝ လောက် ရင်းနှီး မြှုပ်နှံရမှာ ဖြစ်ပါတယ်။ နိုင်ငံတကာ စံနှုန်းနဲ့ ကြည့်မယ်ဆိုရင် လက်ရှိ အခြေအနေကနေ တယ်လီဖုန်း သိပ်သည်းဆ ၅ဝ ရာခိုင်နှုန်း ထိရောက်လာဖို့အတွက် ငါးနှစ်ကနေ ခုနစ်နှစ် အထိကြာမှာပါ။ တာဝါတိုင်တွေ ဆောက်ရမယ်၊ ဖိုင်ဘာလိုင်းတွေ ချရမယ်၊ ဒါတွေက နေ့ချင်း ညချင်းလုပ်လို့ မရပါဘူး။ ကျွန်တော်တို့က သုံးနှစ်အတွင်း ၅ဝ ရာခိုင်နှုန်း ဖြစ်ချင်တယ်။ နိုင်ငံတကာ နည်းတူ တယ်လီဖုန်းကို ဈေးပေါပေါနဲ့ ရောင်းချင်တယ်။ ဒီတော့ ဒါတွေလုပ်ဖို့ တိုင်းပြည်ရဲ့ လက်ရှိအင် အားနဲ့ မဖြစ်နိုင်ဘူး။ ကိုယ်နည်းကိုယ့်ဟန်နဲ့ လုပ်ရင်ကြာလိမ့်မယ်။ လုပ်နိုင်တဲ့ နည်းလမ်းက တစ်ခုပဲရှိတယ်။ Telecom Sector ကို ပုဂ္ဂလိက ကဏ္ဍက ပါဝင်ယှဉ် ပြိုင်ခွင့် ပေးလိုက်တဲ့ နည်းလမ်းပါ။
စနစ်ကြီးကို လုံးဝပြောင်းလဲ လိုက်တာပေါ့။ အစိုးရကပဲ အစအဆုံး လုပ်မယ့်အစား ပုဂ္ဂလိက ကဏ္ဍပါဝင် ပူးပေါင်းမှု၊ နိုင်ငံတကာက ပါဝင်ပူးပေါင်းမှု တွေကို ဖွင့်ပေး လိုက်မှပဲဖြစ်မယ်။ ဒီလိုဖွင့်ပေးမယ်ဆိုရင် ဒီမိုကရေစီ အစိုးရ ဖြစ်တဲ့အတွက် ဥပဒေနဲ့အညီ လုပ်ရပါမယ်။ အဲဒါကြောင့် ဒါတွေ လုပ်လို့ရအောင် ဥပဒေကို ပြင်ဆင်ရေးဆွဲပြီး လွှတ်တော်ကို တင်ပြထားပါတယ်။ တစ်ဖက်ကလည်း ပုဂ္ဂလိက ကဏ္ဍတွေ ပါဝင်ခွင့်ရအောင် ပြင်ဆင် ဆောင်ရွက်နေပါတယ်။ နောက် ၃/၄ လဆိုရင် ဥပဒေလည်း အတည် ပြုပြီး လောက်ပါပြီ။ ဒါဆိုရင် ပုဂ္ဂလိက ကဏ္ဍက ပါဝင်ဆောင်ရွက် နိုင်တော့မှာပါ။ သူတို့ အနေနဲ့ကလည်း လိုအပ်တဲ့ ပြင်ဆင်မှုတွေကို ရှစ်လ၊ ကိုးလလောက် အချိန်ယူ ဆောင်ရွက်ရဦးမှာ ဖြစ်ပါတယ်။ ဒါကြောင့် ၂ဝ၁၄ ခုနှစ် နှစ်လယ်လောက် ဆိုရင်တော့ တယ်လီဖုန်း လောက မြိုင်မြိုင်ဆိုင်ဆိုင်ကြီး ဖွံ့ဖြိုးလာ လိမ့်မယ်လို့ ထင်ပါတယ်။
ကျွန်တော်တို့က အဲဒီအချိန်ထိစောင့် လို့မဖြစ်ဘူး။ ပြည်သူတွေကလည်း ဖုန်း တွေလိုချင် တယ်။ သမ္မတကြီးရဲ့ စေတနာကလည်း ပြည်သူတွေ လိုချင်တဲ့ ဖုန်းကို နိုင်ငံတကာ ဈေးနှုန်းအတိုင်း သက်သာတဲ့၊ ချိုသာတဲ့ဈေးနဲ့ ရောင်းပေးချင်တယ်။ ဒါကြောင့် ရေရှည် စီမံကိန်းနဲ့ စနစ်တစ်ခုလုံး ပြောင်းတဲ့ ကိစ္စကတော့ သွားနေတယ်။ ဒီကြားထဲမှာ ရေတိုစီမံကိန်း အနေနဲ့ ကျွန်တော်တို့က ဖြစ်အောင် ကြိုးစား ဆောင်ရွက် ရမှာပေါ့။ နောက်တစ်နှစ်ခွဲ၊ နှစ်နှစ်နေမှ ဖြစ်နိုင်မယ့်ဟာကို ကျွန်တော်တို့က အခုဖြစ်အောင် လုပ်ရမှာပါ။
အချိန်နဲ့၊ လူတွေနဲ့ ရင်းနှီး မြှုပ်နှံမှုတွေနဲ့ မြိုင်မြိုင်ဆိုင်ဆိုင် ဖြစ်လာဖို့ အစီအစဉ်တွေက ရှိပြီးသားပါ။ ရှေ့ကို တိုးလုပ်တဲ့ အခါမှာ ကျွန်တော်တို့မှာ အကန့်အသတ်တွေ ရှိပါတယ်။ ဘတ်ဂျက် အခက်အခဲ တို့၊ ဖုန်းတွေများလာလို့ လိုင်းကျပ်မှာတို့ စသဖြင့်ပေါ့။ ဈေးနှုန်းတက်ချီ၊ ကျချီလည်း မဖြစ်အောင် လစဉ် သက်သာတဲ့ တစ်သမတ်တည်း ဈေးနှုန်း နဲ့ ရောင်းပါမယ်။ ဒီလိုရောင်းရာမှာ လိုင်းမကျပ်နိုင်မယ့် အရေ အတွက်ကို ကန့်သတ်ပြီးတော့ ရောင်းပေးမှာပါ။ တစ်နှစ်ခွဲ ကာလ အတွင်းမှာ ချိန်ချိန် ဆဆနဲ့ ရောင်းပေး မယ့် သဘောမျိုးပါ၊
မေး။ အခုစတင် ရောင်းချပေးမယ့် တန်ဖိုးနည်း တယ်လီဖုန်း Sim Card တွေရောင်းချတဲ့ နေရာမှာ ပြည်တွင်း/ ပြည်ပ ကုမ္ပဏီများ ပူးပေါင်းပါဝင်မှု ရှိ/ မရှိ ဆိုတာကိုလည်း သိချင်ပါတယ်။
ဖြေ။ (ဒုတိယဝန်ကြီး ဦးသောင်းတင်) အခုလက်ရှိ ရောင်းမှုမှာ မပါသေးပါဘူး။ ကျွန်တော်တို့ ဝန်ကြီးဌာနကပဲ ရောင်းပေး သွားမှာဖြစ်ပါတယ်။
မေး။ အခုအစီအစဉ်မှာ ပထမနှစ်လမှာ တိုင်းဒေသကြီးနဲ့ ပြည်နယ်တွေ ကို တစ်လကို CDMA Sim Card (၃၅ဝဝဝဝ) ဖြန့်ဖြူးသွားမယ်လို့ အကြမ်းဖျင်း လျာထားကြောင်း သိရပါတယ်။ ဘာဖြစ်လို့ CDMA ကို ရွေးချယ်ရတာ ပါသလဲ။ ဘာဖြစ်လ GSM တို့၊ WCDMA တို့ကို မရွေးချယ်ရတာလဲ ဆိုတာကို သိချင်ပါတယ်။
ဖြေ။ (ဒုတိယဝန်ကြီး ဦးသောင်းတင်) ရေရှည် စီမံကိန်းကတော့ နိုင်ငံတကာ ပုံစံ 3G နဲ့ Data တွေနဲ့ အင်တာနက်လည်း ကောင်းတဲ့၊ ကွာလတီလည်း ပိုကောင်းတဲ့ ဟာမျိုးကို သွားဖို့ပါ။ ဒီစီမံက်ိန်းက ရှိပြီးသားပါ။
လတ်တလော လုပ်ဆောင်ရမယ့် ဟာကတော့ ဘယ်စက် အမျိုးအစားက လိုင်းလက်ကျန် ပိုများသလဲ ဆိုတာ ကြည့်ရပါတယ်။ လိုင်းကျပ်တည်းမှု မရှိအောင် အဓိက စဉ်းစားတာပါ။ CDMA က တပ်ဆင်ထားတဲ့ စခန်းတော်တော် များများရှိပြီး တစ်ပြည်လုံးလည်း ပြန့်ကြဲနေတယ်။ ရောင်းချထားတာက နည်းနေ သေးတယ်။ ဒါကို စရောင်းခြင်းအားဖြင့် လိုင်း ကျပ်တည်းမှုကို ဖြေရှင်း ပေးနိုင်မှာ ဖြစ်ပါတယ်။ ဒါကြောင့် ပထမနှစ်လကို CDMA 800 ရောင်းချမယ်လို့ မှန်းထားတာပါ။ သို့သော် ပထမတစ်လမှာ ဒီလိုင်းကျပ်ခဲ့ရင် တခြားလိုင်း စီစဉ်ထားတာ ရှိပါတယ်။ နောက်ပြီး ဒေသတစ်ခုနဲ တစ်ခုရောင်းမယ့် ဖုန်းအမျိုးအစားမတူ ပါဘူး။ ဒေသရဲ့ ချောင်တဲ့လိုင်းပေါ် မူတည်ပြီး ဖုန်းအမျိုးအစား ခွဲခြားရောင်း ချပေးသွားမှာပါ။ ရောင်းမယ့် အရေအတွက်ကတော့ တစ်လ ၃၅ဝဝဝ ပါပဲ။ သို့သော် တချို့နေရာမှာ CDMA 800 ဖြစ်မယ်။ တစ်ချို့ နေရာတွေမှာ WCDMA ဖြစ်မယ်။ ဒါမျိုးပါ။ လိုင်းချောင်တဲ့ အပေါ် မူတည်ပါတယ်။
ဖြေ။ (ဒုတိယဝန်ကြီး ဦးဝင်းသန်း) နောက်ပိုင်း ကာလတွေမှာတော့ ဂျီအက်စ်အမ်ကိုပဲ ဖြန့်ပေးမှာပါ။ ဘာလို့လဲဆိုတော့ အင်တာနေရှင်နယ် အရရော၊ လက်တွေ့အရရော ကျွန်တော်တို့ အနေနဲ့ 3G နဲ့ အထက်ကို သွားမှာမို့ပါ။ လောလောဆယ် ပြည်သူတွေ အကျိုးရှိ ရှိ သုံးစွဲနိုင်အောင် အတွက်သာ လိုင်းချောင်တဲ့ဖုန်းကိုပဲ ဦးစားပေး ရောင်းပေးတာ ဖြစ်ပါတယ်။
မေး။ အခုဆိုရင်တောင် အချို့နေရာ တွေမှာ လိုင်းတွေကျပ်ပြီးခေါ်လို့ မရတာတွေ တွေ့ရပါတယ်။ အခုဖုန်းတွေ ထပ်ချပေးမယ်ဆိုရင် ဖြစ်ပေါ်လာမယ့် လိုင်းအခက်အခဲကို ဘယ်လို ဝန်ဆောင် မှုတွေနဲ့ ဖြေ ရှင်း ဆောင်ရွက်မလဲ ဆိုတာကို သိလိုပါတယ်။
ဖြေ။ (ဒုတိယဝန်ကြီး ဦးသောင်းတင်) ကျွန်တော်တို့က တာဝါတိုင်တွေကိုလည်း ဆက်ပြီး တိုးချဲ့ တည်ဆောက် နေမှာပဲ၊ ဖိုင်ဘာလိုင်းတွေလည်း ချနေတာပဲ။ Euipment တွေလည်း တပ်ဆင်နေတာပါ၊။ အခုဆိုရင် ပစ္စည်းဝယ်တဲ့ အခါ ဂျပန်တို့၊ အမေရိကန်တို့ စတဲ့နိုင်ငံတွေ က လုပ်တဲ့ပစ္စည်း ပစ္စည်းကောင်းတွေ ကို သုံးလာပါတယ်။ ပထမဆုံးက လိုင်းပိုချောင်တဲ့ အမျိုးအစားကို ချပေးတာပေါ့။ ဒါတောင်မှ လိုင်းကျပ် လာမယ်ဆိုရင် ဖြေရှင်းနိုင်ဖို့လည်း လုပ်ထားပါတယ်။ ဒါရောင်းရင် လိုင်းကျပ်မလား ဆိုတာကို စိုးရိမ်နေတဲ့ ပြည်သူတွေ အတွက် နည်းလမ်း ပေါင်းစုံဆောင်ရွက် ပေးထားပါတယ်။
ဖြေ။ (ဒုတိယဝန်ကြီး ဦးဝင်းသန်း) ကျွန်တော်တို့က ပုဂ္ဂလိကတွေနဲ့ PPP ပုံစုံနဲ့ သွားနေပါတယ်။ ပုဂ္ဂလိကတွေ တာဝန်ယူ သွားတဲ့အခါ သူတို့အနေနဲ့ ဖုန်းခေါ်ဆို မှုများများရှိမှ သူတို့ အကျိုးအမြတ်တွေ ရမှာဖြစ်ပါတယ်။ ဒီလိုများများ ခေါ်ဆိုနိုင်အောင်လည်း လိုင်းကောင်းအောင်၊ လိုင်းမကျပ်အောင်လုပ် မှရမယ်။ ဒါမှသာ သူတို့အကျိုးရှိမယ်။ ကျွန်တော်တို့က စစ်ဆေးကြပ်မတ်တဲ့ အပိုင်းက လုပ်နေသလို သူကလည်း ဥစ္စာရင်လို ဥစ္စာရင်ခဲ သူ့ဆက်သွယ်ရေး လိုင်းတွေ ကောင်းအောင် ကြိုးပမ်းနေ မှာပဲဖြစ်ပါတယ်။ ဒီတော့ ပိုပြီးထိရောက်မယ့် သဘောရှိပါတယ်။ ပုဂ္ဂလိက ပါ လာတာက Government Sector ချည်းပဲ လုပ်တာထက်စာရင် ပိုပြီးထိ ရောက်လာမှာပါ။ လိုင်းတွေ ပိုကောင်း လာမှာပါ။
မေးမြန်း ဖြေကြားမှုများ အပြီးတွင် ကျွန်တော်တို့ သတင်းအဖွဲ့က ဒုတိယ ဝန်ကြီးများအား ယခုလို စိတ်ရှည်လက် ရှည်ဖြေကြားပေးသည့် အတွက် ကျေးဇူး တင်ရှိပါကြောင်း ပြောကြားခဲ့သည်။ ၎င်းတို့ ကလည်း ယခုလို မေးမြန်းပေးသည့် အတွက် ကျေးဇူးတင်ရှိ နေပုံရသည်။ ဘာပဲဖြစ်ဖြစ် ကျွန်တော်တို့ အားလုံးသည် ပြည်သူ့အတွက် အလုပ်အကျွေး ပြုနေခြင်းပင် မဟုတ်ပါလား။
Credit : Here
