နိုဘယ်လ်ဆုရှင် ဒေါ်စုကြည်ကို အားကိုးကာမှ NLD ပါတီဝင်များ ထောင်လုံးလုံးကျ

အမျိုးသားဒီမိုကရေစီအဖွဲ့ချုပ်ပါတီဝင် ကိုညီညီ အပါအ၀င်ပါတီဝင် (၁၁)ဦးအား ဇမ္ဗူသီရိမြို့နယ် တရားရုံးမှ အောက်တိုဘာ (၂၃)ရက်နေ့၌ ထောင် ဒဏ်(၇)ရက် (သို့မဟုတ်) ငွေဒဏ်(၅)ထောင် ကျခံစေရန် သတ်မှတ်ခဲ့ ကြောင်း ဒီချုပ်အဖွဲ့ဝင်များ ထံက သိရှိရသည်။

ဇမ္ဗူသီရိမြို့နယ်၊တဲကြီးကုန်းကျေးရွာတွင် ၂၀၁၂ ခုနှစ်ကြားဖြတ်ရွေးကောက်ပွဲအတွက် NLDပါတီဥက္ကဌ ဒေါ်အောင်ဆန်းစုကြည် မဲဆွယ် စည်းရုံးရေး   ဟောပြောပွဲအတွက် ကြိုတင်ပြင်ဆင်မှုနှင့်ပတ်သတ်၍ ၄င်းပါတီဝင် ကိုညီညီ အပါအ၀င်(၁၁)ယောက် အား တဲကြီးကုန်းကျေးရွာ အုပ်ချုပ်ရေးမှူးမှ ကျေးရွာအုပ်ချုပ်ရေး ဥပဒေပုဒ် မ(၂၇)ဖြင့် ၂၀၁၂ခုနှစ် ဇွန်လ (၁)ရက်နေ့မှစ၍ ဇမ္ဗူသီရိမြို့နယ်တရားရုံး၌ တရားလိုပြုတိုင်တန်းခဲ့ခြင်းဖြစ်သည်။

အဆိုပါကိစ္စနှင့်ပါတ်သတ်၍ NLDပါတီအနေဖြင့် နေပြည်တော်ရှိ ရှေ့နေကွန်ယက်များအသင်းမှ ရှေ့နေ ဦးခင်မောင် ဇော်အား အမှုကိစ္စအတွက် ငှားပေးထားကြောင်း၊ ယခုကဲ့သို့ နေပြည်တော်တွင်း တရားမဲ့   ပြုကျင့်မှုများနှင့် ပတ်သက်၍ မျှမျှတတဖြစ်စေရန်အတွက် လိုက်ပါဆောင်ရွက်သွားမည်ဖြစ် ကြောင်း NLDပါတီရှိ လွှတ်တော်ကိုယ်စားလှယ်များထံမှ သိရှိရသည်။

Myanmar Express

မြ၀တီ-ကော့ကရိတ်လမ်း ထိုင်းပြန်ဖောက်မယ်

သတင်းထောက်တို့၏ မေးမြန်းချက်ကို ဖြေကြားနေသည့် လက်ထောက်တာ့ခ်ခရိုင်ဝန်

(ဓာတ်ပုံ - ပြည်တော်မြင့်/ဧရာဝတီ)

နယ်မြေအေးချမ်းမှုမရှိသဖြင့် ၈ နှစ်ခန့် ရပ်နားခဲ့ရသည့် မြ၀တီ-ကော့ကရိတ် နှစ်လမ်းသွား တောင်ပတ်ကားလမ်းစီမံကိန်းကို ထိုင်းနိုင်ငံ လမ်းဖောက်လုပ်ရေး ကုမ္မဏီ တခုက ယခုနှစ်မကုန်မီ လုပ်ငန်းများ ပြန်လည် စတင်တော့မည်ဟု ပြောသည်။

နှစ်နိုင်ငံသဘောတူညီချက်ဖြင့် ပြုလုပ်သည့် စီမံကိန်းကို ထိုင်းနိုင်ငံဘက်မှ အာရှဖွံ့ဖြိုးရေးဘဏ်၏ အကူအညီ ဖြင့် ၂၀၀၄ ခုနှစ်က စတင်ခဲ့ခြင်းဖြစ်ပြီး နယ်မြေအေးချမ်းမှု မရှိသည့်အတွက် ၂၀၀၅ ခုနှစ်တွင် ရပ်နားထားရခြင်းဖြစ်သည်။

ကရင်အမျိုးသားအစည်းအရုံး KNU က ၎င်းတို့ ထိန်းချုပ်နယ်မြေနှင့် လွတ်ကင်းခြင်း မရှိသည့် ထိုစီမံကိန်းကို ကန့်ကွက်ခဲ့သော်လည်း မကြာသေးမီက အပစ်အခတ်ရပ်စဲပြီးနောက် ယခုကဲ့သို့ စီမံကိန်းပြန်လည်စတင်မည်ဟု ကြေညာလိုက်ခြင်းဖြစ်သည်။

မြ၀တီအနီး ဒုတိယမြောက် ထိုင်း-မြန်မာချစ် ကြည်ရေးတံတားတစင်းကို မကြာမီဆောက်လုပ်ပေးတော့မည်ဟု တာ့ခ်ခရိုင် လက်ထောက်ခရိုင်ဝန် က ယနေ့မဲဆောက်မြို့တွင် ပြုလုပ်သည့် လမ်းတံတားစီမံကိန်းဆိုင်ရာ ရှင်းလင်းပွဲတွင် ပြောသည်။

လက်ထောက်ခရိုင်ဝန်နိုင်မွန်းခွန်းစံထိတီဝိထွန်း က ”တံတားစီမံကိန်းနဲ့ လမ်းဖောက်လုပ်ရေး စီမံကိန်းကို မကြာခင်မှာ စတင်တော့မှာဖြစ်တယ်။ ဒီစီမံကိန်းက နှစ်နိုင်ငံဖွံ့ဖြိုးရေးနဲ့ ကုန်သွယ်ရေးအတွက် အကျိုးရှိစေမှာ ဖြစ်တယ်။ မြန်မာဘက်ကလည်း အမြန်ဆုံးလုပ်ငန်းအကောင်အထည်ဖေါ်ဘို့ ထိုင်းဘက်ကို ပြောပါတယ်” ဟု ဒေသခံ သတင်းထောက်များကို ရှင်းပြသည်။

နှစ်ဘက် ၀န်ထမ်းများ ပူးပေါင်းလုပ်ကိုင်မယ်

လမ်းဖောက်လုပ်ရေးတွင် အသုံးပြုမည့်စက်ယန္တရားများနှင့် ထိုင်းကုမ္မဏီဝန်ထမ်းများ မြ၀တီမြို့သို့ ရောက်ရှိ ပြီးဖြစ်သောကြောင့် မကြာမီ လုပ်ငန်းစတင်တော့မည်ဟု ၎င်းစီမံကိန်းကို လုပ်ကိုင်ခွင့် ရရှိထားသည့်ှSEE SANG YOTHA ကုမ္မဏီမှ ထိုင်းအင်ဂျင်နီယာတဦးက ပြောသည်။

စီမံကိန်းတွင် ထိုင်း-မြန်မာအင်ဂျင်နီယာများနှင့် ၀န်ထမ်းများက လမ်းပိုင်းများအလိုက် တာဝန်ယူရန် သဘောတူညီထားကြောင်း၊ စက်ယန္တရားများကိုလည်း နှစ်ဘက် ကျွမ်းကျင်သူများ က ကိုင်တွယ်သွားမည် ဖြစ်ကြောင်း မြ၀တီမြို့မှ မြန်မာအင်ဂျင်နီယာတဦးက ဆိုသည်။

ထိုင်းနယ်စပ်ကို သွားတဲ့ အဓိကလမ်းတခုဖြစ်တဲ့ ကော့ကရိတ် - မြ၀တီကားလမ်း

ကားလမ်းသစ်ကြောင့် ဘာရလဒ်တွေ ဖြစ်လာမလဲ

လက်ရှိအသုံးပြုနေသည့် တလမ်းသွား မြ၀တီ-ကော့ကရိတ် ဒေါနတောင်ကျော်ကားလမ်းမှာ အရှည်မိုင် ၄၀ ခန့်သာ ရှိသော်လည်း လမ်းခရီး ကြာမြှင့်ချိန်မှာ ၃ နာရီ နီးပါးရှိသည်။

အသစ်ဖောက်လုပ်မည့်တောင်ပတ်လမ်းပြီးစီးပါက ကားမောင်းချိန် တနာရီခန့်သာ ကြာမည်ဟု မြန်မာယာဉ်မောင်းတဦးဖြစ်သည့် ဦးမောင်နီက ပြောသည်။

ကော့ကရိတ်-မြ၀တီ ကားလမ်း တနေရာ

တောင်ပတ်လမ်းသည် တောင်တက်တောင်ဆင်း အနည်းငယ်သာရှိသည့် မြေပြန့်လမ်း ဖြစ်ပြီး လက်ရှိ အသုံးပြုနေသည့် လမ်းထက် ခရီးမိုင် ၁၂ မိုင်ထိ တိုတောင်းသွားမည်။

ထို့အပြင် ယခင်ကဲ့သို့ တရက်ခြား ပြေးဆွဲရသည့် ယာဉ်တန်းခရီးစဉ်မဟုတ်ဘဲ နေ့စဉ်အသွားအပြန်ပြေးဆွဲနိုင်မည့် နှစ်လမ်းမောင်းဖြစ်သည့်အတွက် နှစ်နိုင်ငံ ကုန်စည် စီးဆင်းမှုကို မြန်ဆန် လွယ်ကူစေမည့်ဟုလည်း ထိုင်းနှင့်မြန်မာ ကုန်သည်ကြီးများက ပြောသည်။

တံတားဟောင်း ကြံ့ခိုင်မှု အားနည်းလာ

တန် ၅၀ အောက်ကုန်တင်ယာဉ်များ သွားလာနိုင်မည့် ဒုတိယမြောက် ချစ်ကြည်ရေးတံတားကို ထိုင်းနိုင်ငံဘက်က အကုန်အကျခံပြီး လက်ရှိတံတား၏မြောက်ဘက် ၁၅ ကီလိုမှတာ အကွာအဝေးတွင် ဆောက်လုပ်ရန် မြန်မာနှင့်ထိုင်း ပဏာမသဘောတူညီမှုရရှိထားသည်၊ မြန်မာဘက်က ခွင့်ပြုသည်နှင့် တပြိုင်တည်း တည်ဆောက်ရေး လုပ်ငန်းများ စတင်သွားမည်ဟု ထိုင်းဘက်က ပြောသည်။

၁၉၉၇ ခုနှစ်က တည်ဆောက်ခဲ့သည့် လက်ရှိ ချစ်ကြည်ရေးတံတားမှာ ၂၀၀၆ ခုနှစ်မှ စတင်ကာ တံတားကြံ့ခိုင်မှု ကျဆင်းခဲ့သည့်အတွက် ၁၂ တန်အောက် ကုန်တင်ကားများကိုသာ အသုံးပြုနေရသဖြင့် ကုန်စည် စီးဆင်းမှုကို ကြန့်ကြာစေည်ဟု နှစ်ဘက်ကုန်သည်များက ပြောသည်။

ဤလမ်းကြောမှတဆင့် ထိုင်းကုန်စည်များကို မြန်မာနိုင်ငံအတွင်းပိုင်းသို့ လစဉ် ဘတ်ငွေ သန်း ၃ ထောင် ဘိုးခန့် ပုံမှန် တင်ပို့လျက်ရှိသည်ဟု တာ့ခ်ခရိုင်ကုန် သည်ကြီးများ အသင်း၏ စာရင်းတွင် ဖော်ပြထားသည်။

http://blog.irrawaddy.org/2012/10/blog-post_9430.html

မီးပုံပျံပွဲအတွက် ပြင်ဆင်နေတဲ့ တောင်ကြီးမှာ မီးလောင်

ယနေ့ နံနက် ၉း၃၀ခန့်က တောင်ကြီးမြို့ စ၀်စံထွန်းရပ်၊ ဆေးရုံဝင်း ၀န်ထမ်း အိမ်တန်းလျားတွင် မီးပုံးပျံအတွက် ယမ်းစပ်ခြင်း ပြုလုပ်နေစဉ် မီးလောင်ကျွမ်းမှု ဖြစ်ပွားခဲ့ကြောင်း သိရသည်။

သွပ်မိုးပျဉ်ကာ ၀န်ထမ်းတန်းလျား (၂)လုံး နှင့် ဘေးမှ အုတ်စီ အဖီခန်း တစ်ခုလည်း လောင်ကျွမ်းခဲ့ကြောင်း သိရသည်။

တောင်ကြီးတန်ဆောင်တိုင် မီးပုံးပျံ ပြိုင်ပွဲဝင်ရန် ၀န်ထမ်းအိမ်တန်းလျားရှိ ဦးကျော်သီဟ နေအိမ်တွင် ယမ်းစပ်ခဲ့ကြကြောင်း၊ ထိုသို့ပြုလုပ်နေစဉ် ယမ်းပုံပေါ်သို့ အိမ်အပြင်မှ မီးရှုးတစ်ခု ကျရောက်ကာ မီး စတင် လောင်ကျွမ်းခဲ့ကြောင်း ဦးကျော်သီဟ၏ နှမဖြစ်သူ မငယ်ငယ်ထွေး၏ ပြောပြချက်အရ သိရသည်။

ဆုံးရှုံးမှုတန်ဖိုးကို တွက်ချက်ခြင်း မပြုနိုင်သေးကြောင်း၊ စုဆောင်းထားသည့် ငွေ နှစ်သိန်းခန့် မီးထဲ ပါသွားကြောင်း သူက ဆက်ပြောသည်။

တောင်ကြီးမြို့ မီးသတ်စခန်းမှ ကား (၂) စီး၊ ရွှေညောင်မြို့မှ(၁)စီး၊ အေးသာယာမြို့သစ်မှ (၁) စီး သွားရောက် ငြိမ်းသတ်ခဲ့သည်။

နံနက် (၁၀း၃၀) တွင် မီးညွန့်ကျိုးခဲ့ကြောင်း အေးသာယာမီးတပ်တပ်ဖွဲ့မှ ကိုကျော်စိုးမိုး၏ ပြောပြချက်အရ သိရသည်။

ထိခိုက်ဒဏ်ရာရသူ မရှိကြောင်း လုပ်အားပေးနေသည့် ကြက်ခြေနီအဖွဲ့က ပြောကြားသည်။

မြို့နယ်အုပ်ချုပ်ရေအဖွဲ့၊ အမှတ်(၂) ရဲစခန်း၊ မီးသတ်ဦးစီးဌာနတို့က မီးလောင်ကျွမ်းမှု ဖြစ်စဉ်၊ ဆုံးရှုံးသွားသော ငွေကြေးပမာဏတို့ကို တွက်ချက်၊ စစ်ဆေးလျက်ရှိကြောင်း၊ လောလောဆယ် အမှုတွဲအမှတ် ပြောဆိုနိုင်ခြင်း မရှိသေးကြောင်း တာဝန်ရှိသူတဦးက ပြောသည်။

တောင်ကြီးတန်ဆောင်တိုင် မိးပုံးပျံပြိုင်ပွဲ အတွက်ယမ်းစပ်ခြင်းများပြုလုပ်ရာမှ မိးလောင်ကျွမ်းမှု နှစ်စဉ် ဖြစ်ပေါ်နေကြောင်း၊ အလွန် အန္တရာယ်များကြောင်း မြို့ခံတဦးက သုံးသပ်ပြောကြားခဲ့သည်။

ရသေ့တောင်တွင် စစ်တပ်က ပစ်ခတ်၍ ၂ဦးသေ၊ ၉ ဦးဒဏ်ရာရ

ရခိုင်ပြည်နယ် ရသေ့တောင်မြို့နယ် မူစဲကမ်းအတွင်း ဘင်္ဂလီ မွတ်ဆလင် များနှင့် တိုက်ခိုက်နေကြသော လူအုပ် ထဲကို စစ်တပ်မှ ချိန်ရွယ်ပစ်ခတ်သဖြင့် ရခိုင် ၂ ဦး သေဆုံးပြီး ၉ ဦး ဒဏ်ရာ ရရှိသွားကြောင်း လူနာများကို ဆေးရုံ သို့ ပို့ဆောင်နေသည့် အမျိုးသမီး တစ်ဦးက နိရဉ္စရာသို့ ပြောသည်။

“ နှစ်ဦးပွဲချင်းပီ သေပါတယ်။ ၉ ဦးဒဏ်ရာ ရပါတယ်။ အခု လူနာ ၉ ဦးက စစ်တွေ ဆေးရုံကို ရောက်နေပြီ ဖြစ်ပါတယ်” ဟု အမျိုးသမီးက ပြောသည်။

သေဆုံးသူများမှာ ကျွန်းကြီးကျေးရွာမှ ဦးသိန်းလှမောင်နှင့် နောက်တစ်ဦးမှာ ကံချောင်းကျေးရွာမှ ဖြစ်ကြောင်း သိရသည်။

“ အခု ကျွန်မ သိရတာက စစ်တပ်က လမ်းက ဖြတ်ပြီး ပစ်တယ်လို့ ပြောတယ်။ မိုးပေါ်ကို ခြောက်လှန့် ပစ်ခတ်မျိုး မဟုတ်ဘဲ လူအုပ်ထဲကို တည့်တည့်ပစ်တယ်လို့ ပြောပါတယ်။ အခု အခြေအနေက တော်တော်ဆိုးရွားနေပါတယ်” ဟု သူမက ပြောသည်။

ညောင်ပင်ကြီး မွတ်ဆလင် ရွာအနီးတွင် လက်နက်အပြည့်အစုံဖြင့် စောင့်နေသော စစ်တပ်က ယမန်နေ့ (အောက်တိုဘာလ ၂၄ ရက်နေ့) ညနေက တိုက်ခိုက်ကြရန် စုဝေးနေသော လူအုပ်ကြီးကို ပစ်ခတ်ခဲ့သည်ဟု ပြောသည်။

နောက်ဆုံး အခြေအနေကို မေးကြည့်ရာ အမျိုးသမီးက ဆက်ပြီး “ နောက်ဆုံး အခြေအနေက စစ်တပ်က ခုမိုးပေါ်ကိုထောင် ပစ်တာမရှိဘူး။ လူအုပ်ထဲကို တည့်တည့်ချိန်ပြီး တော့ ရေတွက်မရအောင် ဖြိုပစ်နေပါတယ်။ ဒါတော်တော် ရက်စက်ယုတ်မာတဲ့ ထိန်းသိမ်းမူ တခုဖြစ်နေပါတယ် ” ဟု ပြောသည်။

အဆိုပါဒေသအတွင်း ရခိုင်ရွာများဖြစ်သည့် ဆားပြင်ကြီး၊ ကျွန်းကြီးရွာ၊ ကြက်ရိုးဆိပ်ရွာ၊ ညောင်ပင်လည်၊ ပန် ဇင်းမောင်ရွာ၊ ရွာကြီးမြောက်ရွာ၊ ကန်ချောင်းရွာနှင့် ဘင်္ဂလီရွာများ ဖြစ်သည့် အနောက်ပြင်ရွာနှင့် ညောင်ပင်ကြီး ကျေးရွာတို့ရှိသည် ဟုသိရသည်။

ယခုအခါ ရခိုင်လူမျိုးများနှင့် ဘင်္ဂလီ မွတ်ဆလင် အဓိဂရုဏ်းမှာ တမြို့နယ်ပီး တမြို့နယ် ကူးစက်ပျံ့ပွားနေပြီး တိုက်ခိုက်မူများ မြို့နယ် တချို့တွင် ဆက်လက် ဖြစ်ပွားနေကြောင်း သိရသည်။

http://www.narinjara.com/burmese/?p=2807

နေပြည်တော်ရှိ ပြည်သူများ သွားလာမှုလွယ်ကူရေး ယာဉ်လိုင်းအသစ် တိုးချဲ့ပြေးဆွဲ

နေပြည်တော်အတွင်း နေထိုင်ကြသော ဝန်ထမ်းများနှင့် ပြည်သူများ သွားလာမှု လွယ်ကူစေရန်နှင့် အပန်းဖြေနိုင်ရန်အတွက် အမှတ်(၁၀)၊ နေပြည်တော် မြို့မဈေးမှ အမျိုးသားဥယျာဉ်သို့ မော်တော်ယာဉ်လိုင်း နံပါတ်ဖြင့် နေပြည်တော် မြို့မဈေး- ရေပန်းဥယျာဉ်- ဥပ္ပါတသန္တိစေတီတော်- တိရစ္ဆာန်ဥယျာဉ်-ဆာဖာရီဥယျာဉ်- အမျိုးသားအထိမ်းအမှတ်ဥယျာဉ် လမ်းကြောင်းအတိုင်း အောက်တိုဘာ ၁၄ ရက်မှစ၍ ယာဉ်လိုင်းအသစ် ပြေးဆွဲပေးနေပြီ ဖြစ်ကြောင်းနှင့် ရုံးပိတ်ရက်များတွင် နေ့စဉ်ပြေးဆွဲပေးမည့် ယာဉ်များအပြင် တိုးချဲ့ ပြေးဆွဲပေးခြင်းဖြစ်ကြောင်း သိရသည်။

၎င်းယာဉ်လိုင်းအနေဖြင့် နံနက် ၇ နာရီမှ ညနေ ၅ နာရီအထိ နေ့စဉ်ပြေးဆွဲလျက် ရှိကြောင်းနှင့် ဂိတ်စအဖြစ် နေပြည်တော် မြို့မဈေးနှင့် ဂိတ်ဆုံးအဖြစ် အမျိုးသား အထိမ်းအမှတ်ဥယျာဉ်တို့ကို သတ်မှတ်ထားပြီး ယာဉ်တစ်စီးနှင့် တစ်စီး ၄၅ မိနစ်ခြား ပြေးဆွဲကာ ခရီးစဉ်အဆုံး လိုက်ပါစီးနင်းပါက ငွေကျပ် ၅၀၀ နှင့် ကြားမှတ်တိုင် အတက်အဆင်း စီးနင်းပါက ငွေကျပ် ၂၀၀ ကျပ်နှုန်း ဖြစ်ကြောင်း ၂၀၁၂ ခုနှစ် အောက်တိုဘာ ၂၅ ရက်နေ့ထုတ် ကြေးမုံ သတင်းစာတွင် ဖော်ပြထားပါသည်။

မိန်းမများ အုပ်စုဖွဲ့၍လုယက်သွား

ရန်ကုန်တိုင်းဒေသကြီး၊ တောင်ဥက်္ကလာပမြို့နယ်၊ ၁၀ ရပ် ကွက်ဟေမ၀န်ဈေးသားငါးတန်း အနီးကလေးကစားစရာရောင်းသည့် ဆိုင်တွင် လုယက်မှုတစ်ခုဖြင့်ပွား ခဲ့ကြောင်း သိရသည်။

ဖြစ်စဉ်ကိုစုံစမ်းသိရသည်မှာ အောက်တိုဘာ ၆ ရက် နံနက် ၇ နာရီခွဲအချိန်ခန့်က ဒေါက်တာ —– (လက်ထောက်ကထိက၊ ရုက်္ခဗေဒဌာန၊ ရန်ကုန်တက်္ကသိုလ်) သည် ငါးနှစ်သမီးအရွယ်သမီးများ ကို လက်ဆွဲကာဟေမ၀န်ဈေးသား ငါးတန်းအနီးကလေးကစားစရာ အရောင်းဆိုင်တွင် မီးဘောလုံးဝယ် နေစဉ်အမျိုးသမီးငါးယောက်ခန့် ရှိသောအုပ်စုရောက်လာပြီး ရှေ့ နောက်ဝဲယာမှဝိုင်းဖိ၍ တိုးသဖြင့် ကလေးငယ်မှာ ညှပ်နေကြောင်း တိုမိန်းမတစ်သိုလ်ညှပ်ဖိထားသော ကြောင့် ကလေးမှာအသက်မရှု နိုင်သဖြင့် ကလေးကိုမိခင်ကအာရုံ စိုက်နေစဉ်ထိုအုပ်စုထဲမှ မိန်းမတစ် ဦးက ကလေးတစ်ဦးကို ဂရုစိုက် ရန်ပြောသွားကြောင်း ဒေါက်တာ —-က သမီးငယ်ကိုမယူ၍ ချီလိုက် စဉ် ဒေါက်တာ—–၏ အလေး ချိန်နှစ်ကျပ်ခွဲသားခန့်ရှိရွှေလက် ကောက်မှာမရှိတော့ကြောင်း မိန်းမအုပ်စုမှာလည်း အနားတွင် မရှိတော့ကြောင်း သိရသည်။

၎င်းင်းဖြစ်စဉ်နှင့် ပတ်သက်၍ ဒေါက်တာ—–က တောင်ဥက်္ကလာ ပမြို့၊ ရဲစခန်းသို့သွားရောက်တိုင် ကြားရာရဲစခန်းက (ပ) ၆၃၁/၂၀၁၂ ပုဒ်မ ၃၇၉ ဖြင့် အမှုဖွင့်ထားပြီး တရားခံများကို အမြန်ဆုံးဖမ်းဆီး ရမိရေးအတွက် ကြိုးစားအောင် ရွက်နေကြောင်း သိရသည်။

http://www.hotnewsweekly.com/archives/12527

အမျိုးသားဒီမိုကရေစီအဖွဲ့ချုပ်ကြေညာချက်

ရခိုင်ပြည်နယ်ဒေသအချို့တွင် အဆောတလျင်ဖြစ်သည့် စိတ်ငြိုငြင်စေမှု ၊ သို့မဟုတ် အန္တရာယ်ဖြစ်လိမ့်မည်ဟု စိုးရိမ်ဖွယ် ရှိသဖြင့် တားဆီးနိုင်ရန် ပြစ်မှုဆိုင်ရာကျင့်ထုံး ဥပဒေပုဒ်မ ၁၄၄ အရ အမိန့်ထုတ်ပြန်ထားရှိ ပါသည်။ ယခုအခါ ရခိုင်တိုင်းရင်းသား နှင့် ဘင်္ဂလီလူမျိုးတို့အကြား ကျောက်ဖြူ ၊ မင်းပြား ၊ မြောက်ဦး ၊ အမ်း ဒေသများတွင် ပဋိပက္ခများ ထပ်မံဖြစ်ပွားလာသဖြင့် လူအသေအပျောက်များ ရှိခဲ့ပြီး ၊ ဒဏ်ရာရရှိသူအများအပြားလည်းရှိကြောင်း ၀မ်းနည်းဖွယ်ရာကြားသိရပါသည်။ ရခိုင်ပြည်နယ်၌   ဖြစ်ပွားခဲ့သော ပဋိပက္ခများကို ထိန်းသိမ်းရေး နှင့် တည်ငြိမ်အေးချမ်းမှုရရှိစေရေးအတွက်နိုင်ငံတော် အစိုးရ နှင့် လုံခြုံရေးဆိုင်ရာတာဝန်ရှိသူများက ပိုမိုဝိရိယစိုက်ထုတ်ဆောင်ရွက်ရန်လိုအပ်နေ ပါသည်။ နိုင်ငံတော်အစိုးရနှင့် လုံခြုံရေးဆိုင်ရာ တာဝန်ရှိသူများက ပိုမိုထိရောက်သော လုပ်ဆောင်မှုများ အမြန်ဆုံးဆောင်ရွက်ပါရန် အလေးအနက်တိုက်တွန်းပါသည်။(၂၄.၁၀.၂၀၁၂)တွင် ပြုလုပ်သော ဗဟို အလုပ်အမှုဆောင်အဖွဲ့၏ အစည်းအဝေးဆုံးဖြတ်ချက်အရ သိရှိရပါသည်။

http://www.hotnewsweekly.com/archives/12550

အေသင်ချိုဆွေနှင့်တွေ့ဆုံခြင်း

ဝါရင့်အမျိုးသမီး အဆိုတော်တွေ သီဆိုထားတဲ့ သီချင်းဟောင်းတွေကို ပြန်ဆိုထားတဲ့ အေသင်ချိုဆွေရဲ့ “အနီးဆုံးလူ ... နမ်းမှာလား” အယ်လ်ဘမ်ထွက်ရှိလာတဲ့အခါ အရင်ဆိုဟန်တွေကို မမီဘူးလို့ ဝေဖန်သံတွေရှိသလို တစ်ဖက်မှာလည်း အားပေးမှုတွေ ရရှိထားပါတယ်။ အဲဒီအယ်လ်ဘမ်ထဲကမှ “နေရာတိုင်းမှာ” သီချင်းနဲ့ ပရိသတ်တောင်းဆိုမှု အများဆုံးအဖြစ် ရွှေအက်ဖ်အမ်က ချီးမြှင်တဲ့ဆုကိုလည်း လောလောလတ်လတ် ရရှိထားတဲ့ အေသင်ချိုဆွေနဲ့ တွေ့ဆုံမေးမြန်းဖြစ်ခဲ့ပါတယ်။

အေသင်ရဲ့ “အနီးဆုံးလူ..နမ်းမှာလား” စီဒီက ပရိသတ်အားပေးမှုရခဲ့တယ်လေ။ အခုဆိုအဲ့ဒီခွေနဲ့ ဆုရခဲ့တယ်နော်။ အစက ဗီစီဒီမရိုက်တော့ဘူး ဆိုပြီးအခု ပြန်ရိုက်ဖြစ်တော့လည်းကိုယ်တိုင်ထုတ်လုပ်သူ မလုပ်ဖြစ်တာက။

အဲ့ဒါမရိုက်တော့ဘူးဆိုတာ သီချင်းတွေက နည်းနည်းရိုးတယ်လေ။ ဘယ်လိုရိုက်ရမယ်ဆိုတာ အေသင်စဉ်းစားတာ ဘယ်လိုမှ စဉ်းစားလို့ မရဘူး။ အဲ့ဒီတော့ ကိုယ့်ဘာသာကိုယ် ဒီအခွေမထွက်ဘဲနဲ့ သီချင်းခွေအသစ်ကိုမျှော်နေတဲ့ ပရိသတ်ကရှိတော့ အေသင်က အသစ်ပဲထုတ်တော့မယ်ဆိုပြီးတော့ လုပ်လိုက်တာ၊ ကြားထဲမှာ ပရိုဂျူဆာ မညိုမာကကမ်းလှမ်းလာပြီး သူထုတ်မယ်ဆိုတာနဲ့ ထုတ်ဖြစ်သွားတာ။ အမှန်တကယ် ပရိုဂျူဆာရှိလို့ ထုတ်ဖြစ်သွားတာပါ။

မမျှော်လင့်ဘဲ ပရိုဂျူဆာကြောင့် ဗီစီဒီထုတ်ခွင့်ရတော့ အေသင်ဝမ်းသာနေမှာပေါ့။

အဓိက ပရိသတ်တွေကြောင့်ပါပဲ။ ဘာပဲဖြစ်ဖြစ် ဒီခွေက ပေါက်ထားတဲ့အတွက် အားလုံးကထုတ်စေချင်တယ်။ ပရိုဂျူဆာရှိလာတဲ့အခါကျတော့ ဘာပဲဖြစ်ဖြစ် ဝမ်းသာတာပေါ့နော်။ ပရိသတ်အတွက်လည်း ဝမ်းသာစရာတစ်ခုပါပဲ။ အေသင်လည်း ပရိသတ်အတွက် ဗီစီဒီထုတ်ခွင့်ရတဲ့အတွက် စိတ်ထဲမှာ ပျော်လည်းပျော်တယ်။ ဒီတစ်ခွေလုံးကို ကိုဇေပါရိုက်တာ။ ကိုဇေပါနဲ့က တိုင်ပင်လို့ကောင်းတယ်လေ။

ညီမဆံပင်ကို တစ်ခေါင်းလုံး ရွှေအိုရောင်ဆိုးဖို့ ဘယ်လိုအိုင်ဒီယာရသွားတာလဲ။

အေသင်က ဆိုးချင်တာကြာပြီ။ အေသင်က ဘိုမလေးတွေဆို အရမ်းကြိုက်တယ်။ အင်္ဂလိပ်မလေးတွေ သူတို့ရဲ့ အရောင်လေးတွေက ဒီလိုအရောင်လေးတွေ အရမ်းချစ်ဖို့ ကောင်းတယ်။ မျက်နှာလေးကအစ နုသွားတာပေါ့နော်။ ဆိုးချင်တာ မြန်မာနိုင်ငံမှာကျတော့ ကားရိုက်ရှိတာနဲ့ဘာနဲ့ အမေကလည်းမဆိုးခိုင်းဘူး။ ဆိုးရင်လည်း ဆံပင်ပျက်စီးမှာတဲ့။ ဆိုင်တွေက မဆိုးပေးဘူး။ အဲ့ဒါ ကိုရီးယားရောက်တော့ နန်းဆုနဲ့အေသင် နှစ်ယောက်သား ဆံပင်သွားဆိုးလိုက်ကြတာ။

သွားခဲ့တဲ့ ခရီးက ကိုရီးယားနိုင်ငံမှာ ဖျော်ဖြေတာ ပထမဆုံးလို့ သိရတယ်။ ပရိသတ်ကို အတွေ့အကြုံလေးတွေ ဝေမျှပေးပါဦး။

ကိုရီးယားမှာ အစစအရာရာအဆင်ပြေပါတယ်။ အဆင်ပြေတယ်ဆိုတာ ပွဲလုပ်တဲ့ ကန်ထရိုက်တွေက အရမ်းသဘောကောင်းတယ်။ သူတို့က အကုန်လုံးလိုက်ပို့ပေးတယ်။ တော်တော်လည်ပတ်ခဲ့ပါတယ်။ တော်တော်လည်း ပင်ပန်းခဲ့တယ်။ ဒါပေမဲ့ ပင်ပန်းရကျိုးနပ်ပါတယ်။ နေရာအစုံရောက်ခဲ့တယ်။

ကိုယ် ဟိုး အရင်က အခုအချိန်အထိ ကြိုက်နေဆဲ ပြည်တွင်း၊ ပြည်ပ အနုပညာရှင်တွေက ဘယ်သူဖြစ်မလဲ။

ပြည်ပမှာဆို အေသင်အရမ်း ခရေဇီဖြစ်တာ နှစ်ယောက်ရှိတယ်။ ပထမက ဘရစ်တနေစပီးယား၊ ဘီယွန်းဆေး သူတို့နှစ်ယောက်က အေသင်ရဲ့ ဟီးရိုးလို့ပြောလို့ ရတယ်။ ပြည်တွင်းမှာဆိုလို့ရှိရင် ဟိုးအရင်ထဲက ကြိုက်တာဆိုရင် မတင်ဇာမော်ကို ကြိုက်တယ်။ မဖြူဖြူကျော်သိန်း၊ အခုနောက်ပိုင်းဆို မချမ်းချမ်း ကြိုက်တယ်။ အန်တီမေဆွိ၊ အန်တီဟေမာတို့ရဲ့ သီချင်းကို အေသင် နားထောင်တာ တော်တော်များပါတယ်။

အေသင်ရဲ့ အရင်ဖက်ရှင်ပုံစံက ခပ်မိုက်မိုက်စတိုင်လေးတွေ၊ အခုနောက်ပိုင်းဖက်ရှင်က မိန်းကလေးဆန်တဲ့ ဖက်ရှင်တွေဝတ်တာ များလာတယ်နော်။

အေသင်က ယောက်ျားလေးလို နေတာများတယ်။ တကယ်ကြိုက်တာကျတော့ အဲလိုမျိုးလေး အနုအရွထက် မိုက်တဲ့ဘက်ကို ပိုကြိုက်တယ်။ မိုက်မိုက်ခပ်မာမာထန်ထန်ကို ပိုကြိုက်တယ်။ နောက်ပိုင်းကျတော့လည်း မြန်မာပြည်ရဲ့ ရေစီးကြောင်းအရ တစ်လိုင်းတည်း မရဘူး။ လိုင်းပေါင်းစုံ လုပ်ရမယ်ဆိုပြီ လုပ်ဖြစ်လာတာပါ။

ဝိတ်နည်းနည်းပြန်တက်လာတယ်နော်။ ဝိတ်ပြန်မထိန်းတော့ဘူးလား။
ခန္ဓာကိုယ်ကတော့ ဆက်လက်ထိန်းသိမ်းသွားမှာပါ။ ခန္ဓာကိုယ်က တက်လွယ်၊ ကျလွယ်ဆိုတော့ ခရီးသွားပြီး ပြန်လာရင် အစားမှန်၊ အအိပ်မှန် ပင်ပန်းရင်အေသင် ပိုပြီးတော့ ဝတယ်။ အိမ်မှာနေရင်တေ့ လေ့ကျင့်ခန်းလုပ်ဖြစ်တော့ သိပ် မတက်ဘူး။

၂၀၁၂ က အေသင်အတွက် အပြောင်းအလဲများတဲ့နှစ်လို့ ပြောလို့ရလား။ သီတင်းကျွတ်လည်း နီးပြီဆိုတော့ သီတင်းကျွတ်ကာလမှာ ဘယ်လိုအစီအစဉ်တွေလုပ်ဖို့ စီစဉ်ထားလဲ။

သီတင်းကျွတ်ကတော့ ပွဲတွေပဲ ရှိပါတယ်။ ဒါတွေနဲ့ပဲ လုံးပန်းသွားရမှာ။ တန်ဆောင်မုန်းလပြည့်မှာ အေသင် “အနီးဆုံးလူ..နမ်းမှာလား” ဗီစီဒီကို ပရိုမိုရှင်းလုပ်မယ်။

ရှိုးပွဲတိုင်းမှာ ပရိသတ်က“တင်းတယ် ..တင်းတယ်” သီချင်းကို အမြဲတောင်းတုန်းပဲလား။
ပွဲတိုင်းလိုလို “တင်းတယ်တင်းတယ်” သီချင်းပဲ။ အခုအချိန်ထိ ဘယ်သွားသွား မရိုးသေးဘူး။ ပရိသတ်တွေနဲ့ စိတ်ချင်းတိုက်ဆိုင်လို့ ထင်တယ်။

ကိုရီးယားအဆိုတော် PSY ရဲ့ ဂန်နမ်စတိုင်သီချင်းက ဂင်းနစ်စံချိန်တောင် ကျော်သွားတယ်။ တစ်ကမ္ဘာလုံး အားပေးမှု ရနေတယ်လေ။ မြန်မာပြည်မှာလည်း ခေတ်စားနေတယ်။ အေသင်ရော အဲဒီ့အဆိုတော်ကို အားမကျဘူးလား။
အားကျမိပါတယ်။ သူကတော်တော်လည်း ကြိုးစားထားပါတယ်။ သီချင်းဆိုတာတော့ တော်တော်ကြာပြီ။ ဒါပေမဲ့ အခုမှ သီချင်းတစ်ပုဒ်ထဲနဲ့ နာမည်ကြီးသွားတာ။ သူကတာလေးကြည့်လိုက်ရင် အရမ်းပေါ့ပါးတယ်။ သူခန္ဓာကိုယ်နဲ့တောင် မလိုက်ဘူး။ အရမ်းကြိုက်တယ်။ ကြည့်မိတော့ ကိုယ်တောင်လိုက်ကမိတယ်။ ကြိုက်လည်း ကြိုက်တယ်။

သရုပ်ဆောင်ပိုင်းနဲ့ပတ်သက်ပြီးတော့ အေသင် ဘာတွေလုပ်ဖို့ရှိလဲ။

အခုလောလောဆယ် အေသင် ကားရိုက်လက်မခံသေးဘူး။ ဒီဆံပင်ကြောင့်လည်း ပါတယ်။ ဒီဆံပင်နဲ့လည်း အေသင်သီချင်းတွေ ဆိုချင်သေးတယ်။ အဲ့ဒီအခါကျတော့ လက်မခံဖြစ်ဘူးပေါ့နော်။ လက်ခံဖြစ်ရင် ကိုယ့်အတွက် လုပ်ကွက်ကျန်မယ့် ဇာတ်လမ်းမျိုးပေါ့။

http://www.planet.com.mm/news/read.cfm/id/20186

နာဂ အမျိုးသား ဒီမိုကရေစီ အဖွဲ့ချုပ် မှတ်ပုံတင်မည်

ဇန်နဝါရီလ ၁၅ ရက်နေ့က စစ်ကိုင်းတိုင်း၊ လေရှိးမြို့တွင် ကျင်းပသည့် နာဂရိုးရာ နှစ်သစ်ကူးပွဲတော်

ဖွင့်ပွဲအတွက် စောင့်ဆိုင်းနေကြသော နာဂအမျိုးသမီးလေးများ။ (ဓါတ်ပုံ - မဇ္ဈိမ)

၂၀၀၈ ခုနှစ်၊ အခြေခံဥပဒေ ပေါ်ပေါက်လာပြီး နောက်ပိုင်း ပထမဆုံးသော နာဂ နိုင်ငံရေး ပါတီအဖြစ် နာဂ အမျိုးသား ဒီမိုကရေစီ အဖွဲ့ချုပ် NNLD ကို တရားဝင် မှတ်ပုံတင်တော့မည်ဟု သိရှိရသည်။

၁၉၉၇ ခုနှစ်က မြန်မာ-အိန္ဒိယ နယ်စပ်တနေရာတွင် စတင်ဖွဲ့စည်းခဲ့သည့် NNLD ၏ ညီလာခံတရပ်ကို ယခုနှစ် အောက်တိုဘာလ ၁၈ ရက်နေ့က ကျင်းပခဲ့ပြီး ထိုသို့ တရားဝင် မှတ်ပုံတင်ရန် ဆုံးဖြတ်ခဲ့ခြင်းဖြစ်ကြောင်း ပါတီဥက္ကဋ္ဌ ဦးစောစ က ပြောသည်။

“ပါတီမှတ်ပုံတင်ဖို့ ဆုံးဖြတ်တယ်။ ဒေါ်စုနဲ့ တွေ့ပြီးရင် ကျနော်တို့ အဖွဲ့ဝင်တွေ အထဲကို ပြန်လွှတ်မယ်။ နာဂတောင် တန်းမှာ စည်းရုံးရေးတွေ လုပ်သွားမယ်။ မှတ်ပုံတင်မယ့် ကိစ္စရပ်တွေ ဆောင်ရွက်သွားမယ်” ဟု မဇ္ဈိမကို ပြောသည်။

အိန္ဒိယနိုင်ငံ၊ နာဂလဲန်းပြည်နယ်၊ ဒင်မာပူမြို့တွင်ကျင်းပခဲ့သည့် ညီလာခံသို့ မြန်မာနိုင်ငံ နာဂတောင်တန်း ဒေသရှိ မြို့နယ်အသီးသီးမှ ကိုယ်စားလှယ်များ တက်ရောက်ခဲ့ပြီး ဆွေးနွေးဆုံးဖြတ်ချက်များနှင့်ပတ်သက်၍ “စစ်မှန်သော ဒီမိုကရေစီ ရရှိရေး၊ ဖက်ဒရယ် နိုင်ငံ ထူထောင်ရေး၊ နာဂတိုင်းရင်းသားများအတွက် နိုင်ငံရေး အခွင့်အရေး (Political Status) ဖြစ်ရမယ်” ဟု ပါတီဥက္ကဋ္ဌ က ဆိုသည်။

၂ဝ၁၅ ခုနှစ်၊ ရွေးကောက်ပွဲကိုမူ တိုင်းပြည်၏ ဒီမိုကရေစီအခွင့်အရေး ရရှိမှု အခြေအနေအပေါ် မူတည်၍ ဝင်ရောက် ယှဉ်ပြိုင်မည်/မပြိုင်မည်ကို ဆုံးဖြတ်မည်ဟုလည်း သိရှိရသည်။

ဒေါ်အောင်ဆန်းစုကြည် အိန္ဒိယနိုင်ငံသို့ နိုဝင်ဘာ လလယ်တွင် လာရောက်သည့်အခါ နယူးဒေလီမြို့တွင် လာရောက် ကြိုဆိုမည်ဖြစ်ပြီး တွေ့ဆုံခွင့်ရရန် ကြိုးပမ်းကာ ပါတီမှတ်ပုံတင်ရေးကိစ္စများကို ဆက်လက်ဆောင်ရွက်မည်ဟုလည်း ဦးစောစ က ပြောသည်။

လက်ရှိတွင် နာဂတောင်တန်းဒေသများ၌ နိုင်ငံရေးပါတီများအဖြစ် ကြံ့ခိုင်ရေးပါတီနှင့် တိုင်းရင်းသား စည်းလုံး ညီညွှတ်ရေးပါတီတို့သာ ရှိပြီး အမျိုးသားဒီမိုကရေစီအဖွဲ့ချုပ်လည်း စည်းရုံးမှုများ စတင်လာနေကြောင်း တွေ့ရှိရ သည်ဟု ဆိုသည်။

ဖွံ့ဖြိုးမှု နိမ့်ကျလျက်ရှိနေသေးသည့် နာဂတောင်တန်းဒေသအတွက် “လမ်းပန်း ဆက်သွယ်ရေး အရင်လုပ်ရမယ်။ သူက ဖွံ့ဖြိုးရေးရဲ့ မိခင်ကျောရိုးပဲ။ ဒါမရှိတဲ့ အခါကျတော့ ဘာမှလုပ်လို့မရဘူး။ ပြီးတော့ အုပ်ချုပ်ခဲ့တဲ့ အစိုးရက လည်း တော်တော်လေးကို လျစ်လျူရှုခဲ့တယ်။ အမှန်အတိုင်း ပြောရရင် ဂရုမပြုသလောက်ပါပဲ” ဟု NNLD ပါတီဥက္ကဋ္ဌက သုံးသပ်သည်။

၂ဝဝ၈ ဖွဲ့စည်းပုံ အခြေခံဥပဒေအရ စစ်ကိုင်းတိုင်း အထက်ပိုင်းရှိ လေရှီး၊ လဟယ်၊ နန်းယွန်း မြို့နယ်များကို စုစည်းပြီး နာဂ ကိုယ်ပိုင်အုပ်ချုပ်ခွင့်ရ ဒေသအဖြစ် သတ်မှတ်ထားသည်။

http://www.mizzimaburmese.com/news/inside-burma/10312-2012-10-24-14-53-54.html

ဘာကြောင့် ဇာဂနာ နော်ဝေနိုင်ငံကို ရောက်နေသလဲ

နော်ဝေရောက် လူရွှင်တော် ဇာဂနာ၊ ဓာတ်ပုံ- ကိုညို ( အော်စလို)

“ပိတ်ဆို့ခံထားရတဲ့လိုအင်ဆန္ဒတွေ” ဆိုတဲ့ ခေါင်းစဉ်ဖြင့် အနုပညာနဲ့ လွတ်လပ်စွာ သဘောထား ထုတ်ဖော်တဲ့ နိုင်ငံတကာ အနုပညာရှင်တွေရဲ့ ဟောပြောတင်ဆက်မှုမှာ ပါဝင်ဖို့ မြန်မာ့ နာမည်ကျော် လူရွှင်တော် ဇာဂနာ ဟာ နော်ဝေနိုင်ငံ အော်စလိုကို ရောက်နေပါတယ်။

နော်ဝေနိုင်ငံ၊ အော်စလိုမြို့က နာမည်ကျော် အော်ပရာ အမျိုးသားဇာတ်ရုံကြီးမှာ အောက်တိုဘာလ၊ ၂၅ ရက်၊ ၂၆ရက် ၂ ရက်မှာ သက်ဆိုင်ရာနိုင်ငံ၊ အာဏာရှိသူတွေရဲ့ တားမြစ်ပိတ်ဆို့ထားတဲ့ အခြေခံ အခွင့် အရေးတွေကို မီးမောင်းထိုးပြ သူတို့ရဲ့အနုပညာတွေကို ဟောပြောရှင်းလင်းချက်တွေနဲ့ အတူ ဖော်ထုတ်ဲပြသမှာဖြစ်တယ်။

အော်စလိုက အော်ပရာ အဆောက်အအုံ

အဲဒီမှာသီချင်း၊ ပြဇာတ်၊ ရုပ်ရှင်၊ မှတ်တမ်းဗွီဒီယိုတွေလည်း ပါဝင်မှာဖြစ်ပြီး၊ လူရွှင်တော် ဇာဂနာက မြန်မာ့ လက်ရှိ နိုင်ငံရေး အခြေအနေကို မှတ်တမ်းရိုက်ကူးထားတဲ့ Documentary ရုပ်ရှင်ကားပိုင်း အတို တွေ ပြသပြီး ရှင်းပြမှာဖြစ်တယ်။

ဇာဂနာနဲ့အတူ မှတ်တမ်း ရုပ်ရှင် ဒါရိုက်တာ မင်းထင်ကိုကိုကြီးလည်း လိုက်ပါလာတယ်။ မူလက လိုက်ပါဖို့ စီစဉ်ထား တဲ့ ရွှေသံစဉ် တီးဝိုင်း ခေါင်းဆောင် နိုင်ငံရေး အကျဉ်းသားဟောင်း ကိုဝင်းမော်ကတော့ နိုင်ငံကူး လက်မှတ်(Pass Port) မရလို့ မပါလာပါဘူးလို့ဇာဂနာရဲ့ အပြောအရ သိရတယ်။

၂ ရက်တိုင်ကျင်းပမယ့် နိုင်ငံတကာ အနုပညာရှင်တွေရဲ့ဖော်ထုတ်ပြသပွဲမှာ အင်္ဂလန်၊ အမေရိကန်၊ တောင် အာဖရိက ပါလက်စတိုင်း၊ အာဂျင်တီးနား၊ ပြင်သစ်၊ ဒိန်းမတ်၊ ဆွီဒင်၊ နော်ဝေး၊ ဂျာမဏီ၊ အီတလီနဲ့ အာရှ နိုင်ငံတွေဖြစ်တဲ့ တိဗက်၊ မြန်မာ၊ မလေးရှား နိုင်ငံတွေက အနုပညာရှင်ပေါင်း ၅၀ကျော် ပါဝင်မှာ ဖြစ်ပါ တယ်။

http://blog.irrawaddy.org/2012/10/blog-post_7751.html

အစိုးရ ငြိမ်းအဖွဲ့ နှင့် KIO တို့ အောက်တိုဘာလ ၃၀ ရက်နေ့မှာ ပြန်တွေ့မည်

သမ္မတရုံးဝန်ကြီး ဦးအောင်မင်း ဦဆောင်သော ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီနှင့် ကချင်ပြည်လွတ်လပ်ရေးအဖွဲ့ KIO တို့ အောက်တိုဘာလ ၃ဝ ရက်နေ့တွင် တရုတ်နိုင်ငံ၊ ရွှေလီမြို့၌ ပြန်လည်တွေ့ဆုံ ဆွေးနွေးကြမည် ဖြစ်သည်။

ထိုသို့ ဆွေးနွေးမှု စတင်ပြုလုပ်ရန် သဘောတူကြောင်း ဗုဒ္ဓဟူးနေ့က ဝန်ကြီး ဦးအောင်မင်း ထံမှ အကြောင်းကြား လာခြင်း ဖြစ်ကြောင်း “စာထဲမှာက ၃ဝ ရက်နေ့ ရွှေလီမှာ စတင်လုပ်ကိုင်သွားရန် ဆန္ဒရှိတယ်။ ဘယ်နှစ်ရက် ဆိုပြီး သတ်မှတ်တာ မရှိဘူး။ ဒီနေ့ အီမေးနဲ့ အကြောင်းပြန်လာပါပြီ” ဟု ကချင် ငြိမ်းချမ်းရေး အကျိုးဆောင်အဖွဲ့ဝင် တဦးဖြစ်သူ ဦးဆန့်အောင် က မဇ္စျိမကို ပြောသည်။

မြန်မာအစိုးရ၏ အထူးကိုယ်စားလှယ် အဖွဲ့နှင့် ကချင်လွတ်မြောက်ရေးအဖွဲ့ ခေါင်းဆောင်များ နှစ်ဖက် အပစ်ခတ် ရပ်စဲနိုင်ရေး အတွက် အင်္ဂါနေ့ညနေပိုင်းက တရုတ်နိုင်ငံ အနောက်တောင်ဘက်ရှိ ယူနန်ပြည်နယ် ရွှေလီမြို့တွင် အင်္ဂါနေ့ညနေက နှစ်နာရီခန့်ကြာ ဆွေးနွေးကြသည်။

“ငြိမ်းချမ်းရေး ဆွေးနွေးမယ်ဆိုတာက ကြာကြာဆွေးနွေးရင် ပိုကောင်းတယ်။ ဒီတခေါက် တွေ့ဆုံတာက တရားဝင် ဆွေးနွေးပွဲ ဖြစ်လို့ အဖြေတခုခုတော့ ရမယ်လို့ မျှော်လင့်တယ်” ဟု ဦးဆန့်အောင် ကဆက်ပြောသည်။

နှစ်ဖက် တွေ့ဆုံဆွေးနွေးမှုများ လေးလခန့်ကြာ ရပ်ဆိုင်းသွားပြီးနောက် ယခုကဲ့သို့ ပြန်လည် တွေ့ဆုံရန် ညှိနှိုင်း စီစဉ်နိုင်ခဲ့ခြင်း ဖြစ်သည်။

ဇွန်လ ၂ဝ ရက်နေ့က လွယ်ဂျယ်မြို့နယ် ပရန်ငေါန်ဒေသတွင် အလွတ်သဘော သုံးကြိမ်ခန့် တွေ့ဆုံခဲ့ပြီးနောက်နှစ်ဖက် စစ်ဘက်ဆိုင်ရာ ကိစ္စများ ဆွေးနွေးရန်အတွက် KIA ဒု စစ်ဦးစီးချုပ် ဗိုလ်မှူးချုပ် ဂွမ်မော်နှင့် အစိုးရ တပ်မတော် ဒု-ကာကွယ်ရေး ဦးစီးချုပ် ဗိုလ်ချုပ်ကြီး စိုးဝင်းတို့ တွေ့ဆုံဆွေးနွေးရန် သဘောတူခဲ့သည်။ သို့သော် ယခု တွေ့ဆုံမှုတွင် ဗိုလ်ချုပ်ကြီး စိုးဝင်း ပါဝင်နိုင်မှု ရှိမရှိကိုမူ မသိရသေးပေ။

ယခင်ဆွေးနွေးမှုများအတွင်းက အပစ်အခတ် ရပ်စဲရန် သဘောတူညီချက် တစုံတရာ မရရှိခဲ့၍ ရှမ်းပြည် မြောက်ပိုင်း အပါအ၀င် KIO ဌာနချုပ် အနီးတ၀ိုက်နှင့် ဖားကန့်မြို့နယ်အတွင်း၌လည်း နေ့စဉ် တိုက်ပွဲများ ဖြစ်ပွားလျက်ရှိသည်။

တပ်မတော်ဘက်မှ ထိုးစစ်များ ရပ်ဆိုင်းထားရန် ၂ဝ၁၁ ခုနှစ်၊ ဒီဇင်ဘာလအတွင်းက သမ္မတ က ထုတ်ပြန်ထားသော် လည်း KIO ဘက်မှ အလားတူ အမိန့်ပေးခြင်းမရှိ၍ တိုက်ပွဲများ ဆက်လက်ဖြစ်ပွားနေ ရခြင်းဖြစ်ကြောင်း တနင်္ဂနွေနေ့ က ပြုလုပ်သည့် သတင်းစာ ရှင်းလင်းပွဲ၌ သမ္မတ ဦးသိန်းစိန် က ပြောဆိုသွားခဲ့သည်။

“သူတို့ဘက်က ပစ်ခတ်တိုက်ခိုက်မှုကို ရပ်မယ်ဆိုတဲ့ အမိန့်တော့ ထုတ်ထားတာ မရှိသေးဘူး။ ဒီဘက်က တပ်မတော် သားတွေ အုပ်ချုပ်မှုကိစ္စတွေ၊ သင်တန်းတက်ဖို့၊ ရိက္ခာ ထုတ်ဖို့ သွားကြလာကြတဲ့အခါမှာ လမ်းခုလပ်မှာ ခုနကလိုဖြတ်ပြီးတော့ တိုက်တာတွေ၊ မိုင်းချတာတွေ ဒါမျိုးတွေ ရှိနေတယ်။ ဒီတော့ အောက်ခြေက ရဲဘော်ဆိုတော့ သူက အသက်ကိုလည်း စိုးရိမ်တော့ ဟိုကပစ်ရင် ဒီကလည်း ခံပြီး ပစ်တာပေါ့။ အဲဒီလိုနဲ့ပဲ ဒီပြဿနာဟာ ဒီကနေ့အထိ ရှင်းလို့မရသေးတဲ့ ကိစ္စပါ” ဟု လျှပ်တစ်ပြက် ဂျာနယ်၏ မေးခွန်းအား ဦးသိန်းစိန် က ဖြေကြားခဲ့ခြင်းဖြစ်သည်။

တနှစ်ကျော်ကြာ တိုက်ပွဲများကြောင့် ထွက်ပြေး တိမ်းရှောင်နေရသော စစ်ပြေးဒုက္ခသည် စုစုပေါင်း ၉ဝ,ဝဝဝ ခန့်ရှိ နေပြီ ဖြစ်ပြီး ယင်းတို့၏ စားဝတ်နေရေးမှာ လိုအပ်နေဆဲ ဖြစ်သည်ဟု KIO မှ ဒုက္ခသည်များ ကူညီစောင့်ရှောက်ရေး ကော်မတီက မဇ္စျိမကို ပြောဆိုထားသည်။

http://burmese.bnionline.net/index.php/news/mizzima/11893----kio-----.html

အမြန်ကားများ နှေးရခြင်း အကြောင်းရင်း

ရန်ကုန် အောင်မင်္ဂလာ အဝေးပြေးဝင်း (ဓာတ်ပုံ - သက်မွန်ကိုကို/ဧရာဝတီ)

အဝေးပြေး ခရီးစဉ်တွေမှာ အမြန်ကားတွေ သတ်မှတ်ချိန်ထက် ပိုပြီး မောင်းနေကြတဲ့ အဓိက အကြောင်းအရင်းကတော့ တလိမ့်ချင်း လိမ့်နေရတဲ့အချိန်က ၂ နာရီလောက် ရှိတာကြောင့်ပါပဲ လို့ အဝေးပြေး ယာဉ်မောင်းတချို့က ပြောပါတယ်။

“ရန်ကုန်-မန္တလေး ခရီးစဉ်က ၉နာရီကြာတယ် ဆိုတာက အမှန်တကယ် လမ်း ပေါ်မှာ မောင်းနှင်ရတဲ့အချိန်က ပျှမ်းမျှ ၇နာရီလောက်ပဲ ရှိပါတယ်။ ဒီဘက်က ကားဝင်းမှာ ပိတ်နေတဲ့ အချိန်နဲ့ ဟိုဘက် ရောက်တော့ ကားဝင်းထဲ ၀င်ရတဲ့အချိန်က တော် တော်ယူရတဲ့အတွက်ကြောင့် မလိုအပ်ဘဲ အချိန် ပိုကြာမြင့်နေတာပါ” လို့ အဆင့်မြင့် ယာဉ်လိုင်းတခုက ကားဆရာတယောက်က ပြောပါတယ်။

ရန်ကုန်မြို့ကနေ နယ်မြို့များကို သွားရောက်တဲ့ ခရီးသည်တွေအများစုက အောင်မင်္ဂလာ အဝေးပြေးဝင်းမှာ သွားရောက် စီးနင်းကြတယ်၊ အဲဒီမှာလည်း ဈေးဆိုင်တန်းများ၊ ကားဂိတ်များ တိုးပွားလာတာကြောင့် ကားကျပ်မှုတွေ ပိုမို ဖြစ်ပွားလာတယ်လို့ ယာဉ်လိုင်းများက ပြောကြပါတယ်။

“အခုနောက်ပိုင်းဆိုရင် ယာဉ်လိုင်းတွေကလည်း များလာတယ်။ ယာဉ်အစီး ရေ တွေကလည်း တိုးလာကြတယ်။ ခရီးစဉ် ပြေးဆွဲတော့မယ် ဆိုရင် ဒီဝင်းအထဲကနေ အပြင်ကိုထွက်ဖို့ကို အချိန်တော်တော်ယူရတယ်” လို့ အဝေးပြေး ယာဉ်မောင်း တဦးက ပြောပါတယ်။

“အမြန်လမ်းမကိုရောက်ဖို့အတွက် အနည်းဆုံး နာရီဝက်ကနေ ၄၅ မိနစ်၊ တနာရီလောက်ထိ ကြာ ပါတယ်။ အခါကြီး ရက်ကြီးတွေမှာဆိုရင် ပိုဆိုးတယ်” လို့ သူက ရှင်းပြပါတယ်။

ခရီးသည် တဦးကလည်း “ သင်္ကြန်ကာလတို့ ၊ သီတင်းကျွန်တို့လို အခါကြီးရက်ကြီးတွေမှာ အိမ်ပြန်တဲ့အခါ ကားဝင်းထဲကနေ အပြင် ထွက်ဖို့ မပြောနဲ့ ကားက ဂိတ်ကနေ ကားခေါင်းလှည့်တာတောင် နာရီဝက်လောက် ကြာနေတယ်။ ကားဝင်းထဲကို တက္ကစီ ငှားပြီး ၀င်တဲ့ အခါမှာလည်း အပြင်မှာတင် ပိတ်နေတဲ့အချိန်ကြောင့် အ၀ကနေပဲ ကိုယ့်အထုပ်ကိုယ်ဆွဲပြီး အထဲကို ၀င်ရတာတွေ ရှိပါတယ်” လို့ ပြောပါတယ်။

မန္တလေး ကျွဲဆည်ကန် ကားဝင်းထဲမှာ ကားကျပ်မှုက ပိုမိုဆိုးရွားနေတာကြောင့် ယာဉ်မောင်းသမားတွေနဲ့ ခရီးသည်တွေက စိတ်အနှောင့်အယှက်ဖြစ်ရပါတယ်။

ကား ကျပ်မှုကို ဖြေရှင်းနိုင်မယ့် နည်းလမ်းရှာပေး စေချင်ပါတယ်လို့ သူတို့က ပြောကြပါတယ်။

http://blog.irrawaddy.org/2012/10/blog-post_3267.html

ထိုင်းတော်ဝင်မိသားစု ဂုဏ်ပြုဆု ချီးမြှင့်ခံရသူ မြန်မာသူနာပြု

သူနာပြု ဆရာမကြီး ဒေါ်အီး-ဘာဘရာအား ထိုင်းဘုရင့်သမီးတော် သီရိဒုံက ဆု အပ်နှင်းစဉ်၊

ဓာတ်ပုံ- www.brh.thaigov.net

မြန်မာတွေ ကမ္ဘာ့အလယ် ၀င့်ကြွားစရာတွေ အခုရက်ပိုင်း ဆက်တိုက် ပေါ်ထွက်လာနေပါတယ်။

လတ်တလော ထိုင်း နိုင်ငံ သတင်းတွေမှာလည်း မြန်မာနဲ့ပတ်သက်တာတွေထဲက ဂုဏ်ယူစရာ သတင်း တခု အကြောင်း မျှဝေပေးလိုပါတယ်။

ဒါကတော့ ထိုင်းတော်ဝင် မိသားစု၊ ထိုင်းဘုရင့်သမီးတော် မင်းသမီး မဟာ ချက်ကရီ သီရိဒုံက မြန်မာနိုင်ငံ က သူနာပြု အမျိုးသမီး တဦးကို အောက်တိုဘာလ ၂၂ ရက်နေ့က ဂုဏ်ပြုဆု ချီးမြှင့်တာပါ။

အသက် ၈၃ နှစ် ရှိပြီဖြစ်တဲ့ မြန်မာအမျိုးသမီး သူနာပြု ဆရာမကြီး ဒေါ် အီလင်း ဘာဘရို (Matron Eileen Barbaro) အား ထိုင်း ဘုရင့် မယ်တော်၏ ကျန်းမာရေး၊ လူမှုရေးဆိုင်ရာ စွမ်းဆောင်ရှင်ဆုကို မင်းသမီး သီရိဒုံက အပ်နှင်းခဲ့တာနဲ့ပတ်သက်ပြီး ထိုင်းနိုင်ငံ၊ သတင်း စာမျက်နှာများမှာ ဖော်ပြထား ပါတယ်။

ဆရာမကြီးရဲ့ နှစ်ပေါင်း ၆၀ ကျော် တစိုက်မတ်မတ် ကျန်းမာရေး စောင့်ရှောက်မှုလုပ်ငန်းတွေကို စေတနာ ထားလုပ်ဆောင်ခဲ့မှုတွေကြောင့် အခုလို ယခုနှစ်အတွက် ဂုဏ်ပြုဆုကို ချီးမြင့်ခံရတာလည်းဖြစ်ပါတယ်။

အဆိုပါ ဆုတံဆိပ်အပ်နှင်းပွဲမှာ ထိုင်းဘုရင့်သမီးတော်က ဆရာမကြီးကို ထိုင်းတော်ဝင်နန်းတော်တွင်းမှာ ရှိတဲ့ Boromrajasathitmaholarn ခန်းမကြီးမှာ ညစာနဲ့လည်း တည်းခင်း ဧည့်ခံပါသေးတယ်။

ဆရာမကြီးကို မင်းသမီး သီရိဒုံက ညစာဖြင့် တည်းခင်းဧည့်ခံစဉ်

သူနာပြု ဆရာမကြီး အီး- ဘာဘရိုဟာ တချိန်က မြန်မာနိုင်ငံ သူနာပြု အသင်း ဥက္ကဌအဖြစ်လည်း တာဝန်ယူခဲ့ဖူးပြီး ကလေးဆေးရုံကြီးမှာလည်း တာဝန်ထမ်းဆောင်ခဲ့ဖူးပါတယ်။

ဆရာမကြီးဟာ အင်္ဂလို- မြန်မာ ကပြားအမျိုးသမီးတဦး ဖြစ်ပြီး မြန်မာယဉ်ကျေးမှုကိုလည်း အလွန် နှစ်သက်မြတ်နိုးတွယ်တာသူဖြစ်တယ်လို့ ရင်းနှီးသိကျွမ်းတဲ့သူတွေက ဆိုကြပါတယ်။

ဆရာမကြီး အီး-ဘာဘရိုဟာ ဒေါ်အောင်ဆန်းစုကြည်ရဲ့ မိခင်ဖြစ်သူ ဒေါ်ခင်ကြည်နဲ့လည်း အလွန် ရင်းနှီးတဲ့ မိတ်ဆွေတွေလည်း ဖြစ်ပါတယ်။

HRH Princess Maha Chakri Sirindhorn's. HRH Princess Maha Chakri Sirindhorn presided over the awards ceremony.

HRH the Princess Mother. The year on the Miss Eileen Barbara (Miss Eileen Barbaro) has been regarded as the mother of the nurses from Myanmar.

An example of a good pediatric nurse. And visionary leadership. And a commitment to continuous professional development.

For a period longer than 60 years, and on this occasion the royal tea party in honor of the winners at the yacht value of property arch seat. Boromrajasathitmaholarn Hall and dining tables. In the palace.

မြန်မာပြည် အကြွေးဘယ်လောက် ရှိလဲ

နေပြည်တော်မှာ ကျင်းပနေတဲ့ လွှတ်တော်အစည်းအဝေးများမှာ ယမန်နေ့က မြန်မာနိုင်ငံမှာ သူတပါး ကို ပေးရန် ရှိတဲ့ ကြွေးမြီ ဘယ်လောက်ရှိသလဲ၊ လည်ပတ်နေတဲ့ ငွေကြေး ဘယ်လောက် ရှိလဲ ဆို တဲ့ မေးခွန်းတခုကို မင်းလှ မဲဆန္ဒနယ်က ဦးမောင်တိုးက မေးမြန်းခဲ့ပါတယ်။

ဒီအခါမှာ ဘဏ္ဍာရေးနဲ့ အခွန်ဝန်ကြီးဌာန ဒု ၀န်ကြီး ဒေါက်တာ မောင်မောင်သိမ်းက ပြန်လည်ဖြေကြားရာ မှာ ပြည်ပကြွေးမြီ တိုးရင်းစုစုပေါင်း အမေရိကန် ဒေါ်လာ သန်းပေါင်း ၁၅၀၈၉.၄၃၄ ရှိပြီး ပြည်တွင်း ကြွေးမြီ ကျပ်သန်းပေါင်း ၉၉၈၈၈၅၇ ရှိတယ်လို့ ဖြေကြားခဲ့ပါတယ်။

ပြီးခဲ့တဲ့ ဘဏ္ဍာနှစ် လည်ပတ်ငွေ စုစုပေါင်းကိုတော့ ကျပ်သန်းပေါင်း ၆၁၉၉၁၂၂. ၉၅ ဖြစ်တယ်လို့ ဆို ပြီး နိုင်ငံခြား အရံငွေကြေးနဲ့ ရွှေတန်ဖိုးတွေကိုတော့ စိစစ်ပြီး သီးခြား ဖြေဆိုမယ်လို့ ဖြေဆိုသွားခဲ့ပါတယ်။

တချိန်က မြန်မာ စကားပုံတခုရှိပါတယ်။ ကြွေးတင် ရှင်ဘုရင်ဆပ်လိမ့်မယ် ဆိုတာပါ။ အခုတော့ နိုင်ငံမှာ အကြွေးတွေ အလွန်များတာကိုတော့ နိုင်ငံသား တဦးချင်းစီနဲ့ စုဖွဲ့ထားတဲ့ နိုင်ငံက ပြန်ဆပ်ကြရမှာပါ။

နိုင်ငံတိုင်း ကြွေးမြီဆိုတာ ရှိကြပေမယ့် မြန်မာနိုင်ငံက ကြွေးမြီများရခြင်းတွေမှာ တခြားနိုင်ငံတွေနဲ့ မတူတဲ့ အကြောင်းရင်းတွေက ရှိမယ်ဆိုတာ အသေအချာပါ။

http://blog.irrawaddy.org/2012/10/blog-post_1731.html