မြန်မာ အစိုးရ ကို OIC ဖြေရှင်းချက်တောင်း

အစ္စလာမ် ဘာသာဝင် နိုင်ငံပေါင်း ၅၇ နိုင်ငံဖြင့် ဖွဲ့စည်း ထားသော OIC (အစ္စလာမ် နိုင်ငံများ ပူးပေါင်း ဆောင်ရွက် ရေး အဖွဲ့) ၏ ယာယီ ဆက်ဆံရေး ရုံးဖွင့်လှစ်ရေး ကိစ္စကို မြန်မာ အစိုးရက တရားဝင် ငြင်းပယ် လိုက်သော်လည်း အ ကြောင်းကြားစာ တစ်စုံတစ်ရာ ပေးပို့ခြင်း မရှိ သဖြင့် ဖြေရှင်းချက် တောင်းခံစာ တစ်စောင် ပေးပို့ ထားကြောင်း OIC ပြန်ကြားရေးဌာန မှ မစ္စ မဟာရက်ခီးက VOA ကို ပြောပါသည်။

OIC ကို ကန့်ကွက်သော အနေဖြင့် ဆန္ဒ ဖော်ထုတ်မှုများ တစ်နိုင်ငံလုံး အတိုင်း အတာထိ ဖြစ်ပေါ်ခဲ့ပြီး နောက် OIC ဆက်ဆံရေး ရုံး များ ဖွင့်လှစ်ရန် ကိစ္စမှာ ပြည်သူ့ ဆန္ဒနှင့် မကိုက်ညီ သဖြင့် ခွင့်ပြုမည် မဟုတ်ကြောင်း နိုင်ငံတော် သမ္မ္မတရုံးက အောက်တိုဘာလ ၁၆ရက် နေ့ မွန်းလွဲ ၃နာရီ ၃ဝမိနစ်ခန့် တွင် ထုတ်ပြန်ခဲ့ခြင်းနောက်ပိုင်း ယခုကဲ့သို့ ပြောကြားလာခြင်း ဖြစ်ပေသည်။

OIC ဆက်ဆံရေး ရုံးများကို ရန်ကုန်နှင့် စစ်တွေမြို့ တို့တွင် ရုံးခန်း ဖွင့်လှစ်ရန် မြန်မာ အစိုးရ နယ်စပ်ဝန်ကြီး နှင့် နားလည်မှု စာချွန်လွှာကို စက်တင်ဘာလ အတွင်းက သဘောတူ လက်မှတ်ရေး ထိုးခဲ့ပြီး ဖြစ်၍ ယခုကဲ့သို့ ဖျက်သိမ်းလိုက်ခြင်းကို မြန်မာအစိုးရ အနေဖြင့် တရားဝင် ဖြေရှင်း သင့်ကြောင်း မစ္စမဟာ ရက်ခီးကဆိုသည်။

ဤOIC ဆက်ဆံရေး ရုံးထားရှိမည့် အရေးကို ကန့်ကွက်သည့် အနေဖြင့် သံဃာတော်များနှင့် ပြည်သူလူထုများသည် ရန်ကုန်မြို့၊ မန္တလေးမြို့၊ ပခုက္ကူမြို့၊ မုံရွှာ၊ ဖျာပုံမြို့၊ စစ်တွေမြို့ အပါအဝင် မြို့ပေါင်း (၂၀)ခန့်တွင် ပြီးခဲ့သည် အောက် တိုဘာလ ၁၅ရက် နေ့တွင် ဆန္ဒပြခဲ့ကြသည်။

အစိုးရတပ် လက်နက်ကြီး ပစ်ခတ်မှုကြောင့် KIA နှစ်ဦးနှင့် ရွာသား သုံးဦး သေဆုံး

ဖားကန့်မြို့ပေါ်ရှိ အစိုးရတပ်မှ လက်နက်ကြီးများဖြင့် ပစ်ခတ်ခဲ့၍ ကချင်လွတ်လပ်ရေးအဖွဲ့ KIO ရဲဘော် နှစ်ဦးနှင့် ဒေသခံရွာသား သုံးဦး သေဆုံးခဲ့ပြီး ငါးဦး ဒဏ်ရာရှိခဲ့သည်ဟု ဖားကန့် ဒေသခံများနှင့် KIO က ပြောသည်။

ဗုဒ္ဓဟူးနေ့ ည ၉ နာရီမှ ၁၁ နာရီဝန်းကျင်ထိ ဖားကန့် ဗျူဟာကုန်း အစိုးရတပ်စခန်းမှ တမိုင်ကျော် အကွာအဝေးရှိ KIA တပ်မဟာ ၂ လက်အောက်ခံ တပ်ရင်း ၆ တပ်ဖွဲ့များရှိရာ မော်မောင်ဘွမ်းသို့ လက်နက်ကြီးများဖြင့် ပစ်ခတ်ခဲ့ ခြင်း ဖြစ်သည်။

သေဆုံးသူများမှာ ကိုခခူးတူးခေါင်၊ ကိုစဂ နော်အောင်၊ ကိုမဂေါင် နော်ဆန့်၊ ကိုကီလ တူးအောင်၊ ကိုဂွမ်ယောင် တန်ဂွန်း တို့ဖြစ်ပြီး ကိုစက လဂျာ၊ ကိုဇော်ခွမ်၊ ကိုဘရန်အောင်၊ လယန် ဇော်ဆိုင်း၊ လဖိုင် ဇော်လတ်အောင်တို့ ငါးဦး ဒဏ်ရာရရှိခဲ့သည်ဟု ကက်သလစ် အသင်းတော်မှ ဓမ္မဆရာ နော်ဂျာက ပြောသည်။

“မနေ့က လက်နက်ကြီးနဲ့ မော်မောင်းဘွမ်ဘက် ပစ်လို့ ပြန်သွားတဲ့ ပြည်သူတွေ တော်တော်ထိခိုက်သွားတယ်။ အားလုံး ငါးဦး သေတယ်။ ကိုကီလ တူးအောင်က ဆယ်အိမ်မှူး ကျနော်တို့ ဒုက္ခသည်စခန်းကပဲ။ နယ်မြေ တည်ငြိမ် လာပြီဆိုပြီး ရွာကို ပြန်သွားတာ။ ခုလို ခဏပြန်တဲ့အချိန်မှာ သေဆုံးသွားတယ်” ဟု သူက မဇ္စျိမကို ပြောသည်။

ထိုဒဏ်ရာရသူများထဲမှ တချို့မှာ အခြေအနေ စိုးရိမ်ရသဖြင့် မြစ်ကြီးနားဆေးရုံသို့ ပို့မည်ဟု ဆိုသည်။

KIA တပ်ရင်း ၆ မှ အရာရှိ တဦးကလည်း “ကျနော်တို့ဘက်က နှစ်ဦးသေတယ်။ သုံးဦး ဒဏ်ရာရတယ်။ သေတဲ့လူ တချို့က ခေါင်းပြတ်သွားတယ်။ တချို့ ပုခုံး ပြတ်သွားတယ်။ ကိုယ်တပိုင်း ဖြစ်သွားတဲ့ လူလည်း ပါတယ်။ ဝန်ထမ်း နှစ်ယောက်က တယောက်က ရင်ပတ်မှာ ကျည်ဆံ ထိသွားလို့ ပွဲချင်းပြီး သေသွားတယ်။ တယောက်က ဝမ်းပိုက် မှာ ထိသွာလို့ ပွဲချင်းပြီး သေသွားတယ်” ဟု မဇ္ဈိမကို ပြောသည်။

အစိုးရဘက်မှ ပစ်ခတ်သည့် လက်နက်ကြီးကို ဖားကန့်ဗျူဟာကုန်းတွင် မကြာသေးမီက လာရောက်တပ်ဆင်ထား ပြီး ဖြစ်သည်ဟု သိရပြီး KIO ဘက်မှ ပြန်လည် ပစ်ခတ်ခြင်း မရှိသေးကြောင်း “ဘာလက်နက်ကြီးလဲ ဆိုတာ တောင် သေသေချချာ မသိသေးဘူး။ အလုံး ၂၀ ကျော်လောက် ပစ်တယ်။ ကျနော်တို့ ပြန်ပစ်ဖို့က ဖားကန့် ဒေသခံတွေကို ထိမှာဆိုးလို့ ခက်နေတယ်။ ခုထိတော့ ကျနော်တို့ဘက်က ပစ်တာ မရှိသေးဘူး။ သူတို့က ကျနော် တို့ဘက် ထိုးစစ်ဆင်မယ်လို့ သတင်းတွေတော့ ထွက်နေတယ်” ဟု အဆိုပါအရာရှိက ပြောသည်။

ဖားကန့်မြို့နယ်အတွင်း တလခန့်ကြာ တိုက်ပွဲများ ငြိမ်သက်နေခဲ့ပြီးနောက် ယခုလ ၉ ရက်နေ့နှင့် ၁၀ ရက်နေ့များ တွင် လုံးခင်းကျေးရွာ အုပ်စုအတွင်း တိုက်ပွဲထပ်မံ ဖြစ်ပြီးခဲ့ပြီး ပြန်လည်ငြိမ်သက်နေခဲ့ရာမှ ယမန်နေ့ညက ထိုသို့ ဖြစ်ပျက်ခဲ့ခြင်း ဖြစ်သည်။

သေဆုံးသူများ၏ ရုပ်အလောင်းများအား ကြာသပတေးနေ့ နံနက် ၉ နာရီချိန်တွင် မော်မောင်းဘွမ် နှစ်ခြင်းဘုရား ကျောင်းတွင် ဝတ်ပြုဆုတောင်းမှု ပြုလုပ်၍ သင်္ဂြိုလ်လိုက်ပြီ ဖြစ်ကြောင်း ဓမ္မဆရာ ဂျာနော်က ပြောသည်။

ဖားကန့်မြို့ပေါ်တွင် ခိုလှုံနေထိုင်ကြသော စစ်ပြေး ဒုက္ခသည်များအနက် တချို့မှာ တိုက်ပွဲများငြိမ်သက်နေ၍ အောက်တိုဘာလဆန်းက မိမိနေရပ်သို့ ပြန်သွားခဲ့သော်လည်း ယနေ့နံနက်ပိုင်းတွင် ဒုက္ခသည် ၁၀၀ ကျော် ပြန်လည် ရောက်ရှိလာသည်ဟု ဆရာနော်ဂျာ က ဆိုသည်။

သြဂုတ်လဆန်းပိုင်းမှစတင်၍ အစိုးရနှင့် KIA တပ်များအကြား တိုက်ပွဲများ ဖြစ်ပွားခဲ့ပြီးနောက် ဒေသခံ ရွာသားများ သေဆုံးမှု အနည်းဆုံး ရှစ်ဦးခန့် ရှိသွားပြီဟု သိရှိရသည်။

ဖားကန့်မြို့ပေါ်တွင် စစ်ပြေးဒုက္ခသည် ၈,၀၀၀ ကျော် ခိုလှုံနေသည်။

အောက်တိုဘာလ ၁၇ ရက်နေ့က ရန်ကုန်မြို့တွင် ကျင်းပသည့် အမျိုးသားဒီမိုကရေစီ အဖွဲ့ချုပ်

ဗဟို-တိုင်း-ခရိုင်-မြို့နယ် ညီလာခံ ကျင်းပရေး ကော်မရှင်များ ညှိနှိုင်းကျင်းပရေး စီမံချက် ရှင်းလင်းပွဲ

(ဓာတ်ပုံ – စိမ်းနုနု / ဧရာဝတီ)

အမျိုးသားဒီမိုကရေစီ အဖွဲ့ချုပ် (NLD) ညီလာခံမခေါ်ယူမီ ဖြစ်ပေါ်နေသည့် ပါတီတွင်းပြဿနာများကို အချင်းချင်း ပြေလည်အောင် ဖြေရှင်းကြရန် NLD နာယက ဦးတင်ဦးက တိုက်တွန်းလိုက်သည်။

အဆိုပါ ပြဿနာအများစုမှာ ရန်ကုန်တိုင်းဒေသကြီးထက် တခြားနယ်ဒေသများတွင် အဖြစ်များကြောင်း ဦးတင်ဦးက ယမန်နေ့တွင် ရန်ကုန်မြို့၌ ကျင်းပသည့် အမျိုးသားဒီမိုကရေစီ အဖွဲ့ချုပ် ဗဟို-တိုင်း-ခရိုင်-မြို့နယ် ညီလာခံ ကျင်းပရေး ကော်မရှင်များ ညှိနှိုင်းကျင်းပရေး စီမံချက် ရှင်းလင်းပွဲ တွင် ပြောကြားခဲ့သည်။

“အများဆုံးက ပါတီအဖွဲ့ဝင်ဟောင်းနဲ့ ပါတီအဖွဲ့ဝင်သစ်တွေပေါ့။ လူဟောင်းက လူသစ်တွေကို ပါတီဝင်ခွင့် မပေးတဲ့ကိစ္စကတော့ မဖြစ်သင့်ပါဘူး” ဟု ဦးတင်ဦးက ဆိုသည်။

ပါတီဝင် အချင်းချင်းဖြစ်သည့် ပဋိပက္ခကိစ္စကို မိမိ အဖွဲ့အစည်းက ပြေလည်အောင် ဖြေရှင်းသင့်ကြောင်း၊ တခြား အပြင် ရပ်ရွာအုပ်ချုပ်ရေး၊ လုံခြုံရေး ရဲများကို ဖြေရှင်းခိုင်းပါက ပါတီ၏ဂုဏ်သိက္ခာကို ထိခိုက်နိုင်ကြောင်း၊ ထိုသို့ မညီမညွတ် ဖြစ်မှုကြောင့်လည်း လုံးခြုံရေးအရ ပါတီအတွင်းသို့ လာရောက်စစ်ဆေးမှုများ ဖြစ်ပွားနိုင်သဖြင့် ပါတီအတွက်လည်း မကောင်းကြောင်း ဦးတင်ဦးက ဆက်ပြောသည်။

“မြို့နယ်တခုတည်းကနေ ပါတီရုံး နှစ်ခုဖွင့်တဲ့အပေါ် ဗဟိုကနေပြီးတော့ ဖွင့်တဲ့မြို့နယ်တွေက ပါတီရုံးမှန်သမျှကို အသိအမှတ်ပြုမှာ မဟုတ်ဘူး။ အဲ့ဒါကိုတော့ မြို့နယ်အတွင်းမှာရှိတဲ့ ပါတီဝင်အချင်းချင်း ညှိဖို့လည်း ဗဟိုကနေ ထုတ်ပြန်ထားပါတယ်” ဟု ဒဂုံမြို့သစ် တောင်ပိုင်းမြို့နယ် NLD ပါတီဝင် ဒေါ်ယဉ်ယဉ်ထိုက်က ဧရာဝတီသတင်းဌာနသို့ ပြောသည်။

သုံးခွမြို့နယ်အတွင်းရှိ NLD ပါတီတွင်း ပြဿနာများနှင့် ပတ်သက်၍ ပါတီဥက္ကဋ္ဌ ဒေါ်အောင်ဆန်းစုကြည်က အဆိုပါမြို့နယ်သို့ ယခုလ ၁၁ ရက်နေ့တွင် သွားရောက် ဖြေရှင်းမှုများ ပြုလုပ်ပေးခဲ့သည်။

“NLD ပါတီအတွင်း ဖြစ်နေတဲ့ ပဋိပက္ခတွေကို ကျမအနေနဲ့ ပြည်သူတွေကို တောင်းပန်ပါတယ်။ ဒီမိုကရေစီ အဖွဲ့အစည်းတိုင်းမှာ ဒီလိုပြဿနာတွေက ရှိတာပေါ့။ NLD ပါတီ အဖွဲ့ချုပ်အနေနဲ့ ပြည်သူလူထုကို ပွင့်လင်းစွာ ဆက်ဆံဖို့ လိုအပ်ပါတယ်”ဟု ဒေါ်အောင်ဆန်းစုကြည်က သုံးခွမြို့နယ် NLD ရုံး၌ ပြောကြားသည့် မိန့်ခွန်းတွင် ထည့်သွင်း ပြောခဲ့သည်။

ဒီမိုကရေစီ ဆိုသည့်အတိုင်း လုပ်ပိုင်ခွင့်ရှိတိုင်း မလုပ်ရန်၊ ပြောပိုင်ခွင့်ရှိတိုင်း မပြောရန် ၊လူပုဂ္ဂိုလ်ကို မဲဆွယ်သည့် အခါလည်း စကားပြောကို မကြည့်ဘဲ အလုပ်လုပ်သည့်ကိုကြည့်၍ မဲမေးရန်၊ နိုးကြားထကြွစွာ လေ့လာပြီးမှသာ မဲပေးရန်၊ ဝေဖန်သည့်အခါတွင်လည်း ယဉ်ကျေးစွာ ဝေဖန်ကြရန်၊ ပြည်သူ၏ ဝေဖန်မှုကိုလည်း လက်ခံသွားမည်ဟုလည်း ပြောကြားသည်။

သုံးခွမြို့နယ် NLD ပါတီဝင် အမျိုးသားတဦးက “ပါတီဝင်တချို့က အရင်ကတည်းက ဘာရယူလိုမှု မရှိဘဲ ၀င်ရောက်တယ်။ တချို့ကျတော့ ရယူလိုမှုတွေနဲ့ ပါတီဝင်အဖြစ် လျှောက်တယ်။ ၀င်လာတော့ အဲဒီပြဿနာတွေ ဖြစ်တာပေါ့။ ဒီပြဿနာက လွယ်လွယ်နဲ့ ပြီးသွားမယ်လို့ မထင်ဘူး။ အချိန်တော့ယူ ဖြေရှင်းရမယ်လို့လည်း အမေစုက ပြောသွားတယ်လေ” ဟု ဆိုသည်။

လက်ရှိတွင် တိုင်းနှင့် ပြည်နယ်များ၌ NLD ညီလာခံများ ပြုလုပ်နေချိန်တွင် မကွေးမြို့၊ ဒေါင်းနေကျေးရွာမှ NLD ပါတီဝင် ၁၅ ဦးခန့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသို့ ကူးပြောင်းသွားကြသည်ဟု မကွေးခရိုင် NLD ညီလာခံ ကျင်းပရေး ကော်မရှင်အဖွဲ့ဝင် ဦးရဲတင့်က ဧရာဝတီသို့ ပြောသည်။

ဒေါင်းနေကျေးရွာတွင် NLD ပါတီဝင် ၃၀ ခန့် ရှိသည့်အနက် ထက်ဝက်ခန့် ပါတီကူးပြောင်းကြောင်း၊ ဘက်ပြောင်းသွားသူများကို ပြန်စည်းရုံးမည်ဟုလည်း ပြောကြောင်း၊ ပါတီတွင်းပဋိပက္ခိသည်လည်း ဖြစ်ရိုးဖြစ်စဉ် ဖြစ်ကြောင်း ၄င်းက ဆက်လက်ပြောသည်။

မန်းတိုင်းဒေသကြီးအတွင်းရှိ တရားမဝင် စက်သုံးဆီဆိုင်များ နှစ်ပတ် အတွင်း ပိတ်သိမ်းရမည်

မန်းတိုင်းဒေသကြီးအတွင်းရှိ တရားမဝင် စက်သုံးဆီဆိုင်များကို အောက် တိုဘာ ၇ ရက်မှစတင်ကာ နှစ်ပတ်အတွင်း ပိတ်သိမ်းရမည် ဖြစ်ကြောင်း မန်းတိုင်းဒေသကြီး လျှပ်စစ်၊ စ က်မှုလက်မှုနှင့် စွမ်းအင်ဝန်ကြီးဌာန ဝန်ကြီး ဒေါက်တာမြင့်ကြူက ပြောသည်။

''ပြည်ထောင်စုက ချထားတဲ့ စည်းကမ်းတွေနဲ့ မညီလို့ပါ။ ဆီ အခြင်အတွယ် မမှန်တာ၊ အရည် အသွေးမပြည့်ဝတာ၊ လုပ်ငန်းလိုင်စင် မရှိတာတွေကြောင့် ပါဟု ဝန် ကြီးဒေါက်တာ မြင့်ကြူက ပြောသည်။

မန္တလေး မြို့တော်အတွင်းရှိ စက်သုံးဆီဆိုင်များကို မီးဘေး အန္တရာယ် လုံခြုံစေရေးအတွက် ၂ဝဝ၂ ခုနှစ်ကပင် မြို့အပြင်သို့ ပြောင်းရွှေ့ရောင်း ချစေခဲ့ပြီး ယခု အခါ တရားဝင် စက်သုံးဆီဆိုင် မဟုတ်ပါက ပိတ်သိမ်း ရမည်ဟု မြို့နယ်အုပ်ချုပ်ရေးမှူးက အောက်တိုဘာ ၆ ရက်နေ့တွင် ခေါ် ယူ ဆွေးနွေးခဲ့ကြောင်း ပုသိမ်ကြီးမြို့ နယ်၊ မန္တလေး-မတ္တရာ ကား လမ်း ဘေးရှိ ရွှေကျင်ဆီဆိုင်တန်းတွင် ရောင်းချနေသူများထံမှသိရသည်။

''ကျွန်တော်တို့ကို ပန့်ဆိုင်ကြီးတွေ ပြောင်းဖုိ့ ခေါ်ဆွေးနွေးတ ပါ။ မြေပိုင် ဆိုင်မှုလည်း မရှိဘူး။ ပန့်ဆိုင်ပြောင်းဖို့ဆိုတာက အရင်းအနှီးကလည်း မလွယ်ဘူး။ ဒီတစ်ခုတည်းနဲ့ပဲ အသက်မွေးဝမ်းကျောင်း လုပ်လာတာ ဆိုတော့ ဖြစ်နိုင်ရင် ဆက်ပြီးလုပ်ခွင့်ရချင်ပါတယ်'' ဟု တော်ဝင်ဆီဆိုင် ပိုင်ရှင် ဦးမြင့်နိုင်က ပြောသည်။

မန္တလေးတိုင်း ဒေသကြီးအတွင်းတွင် ၂ဝ၁၁ ခုနှစ် မတ်လအထိ ပန့်များဖြင့် စနစ်တကျ ရောင်းချသော စက်သုံးဆီဆိုင် ၄၃ ဆိုင်သာ ရှိခဲ့ကြောင်း သိရ သည်။

တိုင်းဒေသကြီး အစိုးရအဖွဲ့ တာဝန်ယူပြီးနောက်ပိုင်း ပန့်ဖြင့် စနစ် တကျ ရောင်းချသည့် စက် သုံးဆီဆိုင်များ ဖွင့်လှစ် ရောင်းချခွင့်ပြုခဲ့ ရာ လျှောက်ထားသူ ၁၄၅ ဦးရှိခဲ့ပြီး ၄င်းတို့ကို တိုင်းဒေသ ကြီး အစိုးရအဖွဲ့မှ ဆီဆိုင်ဖွင့်လှစ် ရောင်းချရန် ထောက်ခံပေးခဲ့ပြီး သတ္တုတွင်းဝန်ကြီးဌာနနှင့် စွမ်း အင်ဝန်ကြီးဌာနမှ စစ်ဆေးကာ ဆိုင် ၂၅ ဆိုင်အား စက်သုံးဆီ ရောင်း ချခွင့် လိုင်စင်ထုတ်ပေးပြီး ဖြစ်ကြောင်း မန္တလေးတိုင်းဒေသကြီး လျှပ်စစ်၊ စက်မှုလက်မှုနှင့် စွမ်းအင်ဝန်ကြီးဌာန ဝန်ကြီး ဒေါက်တာမြင့်ကြူက ပြီးခဲ့သော ဇူလိုင်လအတွင်းက ပြောကြားခဲ့သည်။

ဝန်ကြီးက ယခု နှစ်ပတ် အတွင်း ပိတ်သိမ်းရမည့် ဆီဆိုင်များသည် တရားဝင်ဆီဆိုင်အဖြစ် လျှောက်ထားပါက ချက်ချင်းချပေးသွား မည် ဖြစ်ကြောင်း ပြောသည်။

Myanmar Express

မြန်မာ့အလင်းသတင်းစာအား ရောင်စုံကာလာဖြင့် ထွက်ရှိလာမှု

နှစ်များစွာ မြန်မာ့အလင်းသတင်းစာ အား အဖြူအမည်းဖြင့်သာတွေ့နေရာက ယနေ့တွင် ရောင်စုံကာလာ စာရွှက်များဖြင့် ထွက်ရှိလာပါသည် ။မြန်မာ့အလင်းမှ သတင်းထောက်တစ်ဦးကိုယ်တိုင် လက်ပွေ့သယ် ရောင်းခဲ့ပြီး ဈေးကွက်အတွင်း ဖြန့်ချီခဲ့ပါသည်။

Coca Cola အချိုရည်၏ အသုံးဝင်ပုံများ

ကိုကာကိုလာအချိုရည်မှာ အခြား အသုံးပြုလို့ရ တဲ့ နည်းလမ်းများလည်း ရှိနေပါသေးတယ်။

သံချေးများ ဖယ်ရှားခြင်း

ကိုကာကိုလာအချိရည်ကလည်း အက်ဆစ်တစ်မျိုးဖြစ်ပါတယ်။ သံချေးစား ထားတဲ့ ဝက်အူရစ်၊ ပလယ်ရာ အစရှိသဖြင့် သံတိုတဆ အစိတ်အပိုင်းများ အားလုံးကို ကိုကာကိုလာအရည်နဲ့ ဆေးချပြီး သေချာ သုတ်ပေးရင် သံချေး များ ပြောင်စင်သွားပါတယ်။

ဖိုက်ဘာ၊ကြွေတို့မှ အပေအကြံများ ဖယ်ရှားခြင်း

ဖိုက်ဘာ၊ ကြွေအလွာတို့မှာ ကပ်ပြီး ကျန်ရှိတတ်တဲ့ အညစ်အကြေးများကို ကိုကာကိုလာနဲ့ ဆေးထုတ်ရင် ပြောင်ပါတယ်။ အဝတ်လျှော်စက်တွင် ညစ်ပတ်နေတာမျိုး၊ လက်ဆေး ကြွေခွက်တို့မှာ အစွန်းအထင်းပေနေ တာမျိုး၊ မည်းနေတာမျိုးဆိုရင် ကိုကာကိုလာအချိုရည်နဲ့ ဆေးကြောလို့ ရပါတယ်။

ဆေးဝါးအဖြစ် သုံးစွဲခြင်း

ဝမ်းလျှောရောဂါအပြင် ဝမ်းနဲ့ ပက်သက်တဲ့ ရောဂါအချို့ ကို ကိုကာကိုလာ အချိုရည်သောက်ပြီး ပျောက်ကင်းစေ နိုင်ပါတယ်။ ဗိုက်မအီမသာဖြစ်နေတာ၊ အစာမကြေတာ၊ လေအောင့်တာဆိုရင် ကိုကာကိုလာအချိုရည်သောက်ချပြီး သက်သာစေပါတယ်။ ဝမ်းပျက်၊ဝမ်းလျှော ဖြစ်နေသူများလည်း ကိုကာကို လာ အချိုရည်သောက်ပြီး ကုသလို့ ရပါတယ်။

ပိုးသတ်ဆေးအဖြစ် သုံးစွဲခြင်း

အိမ်မှာ ကပ်တွယ်တတ်တဲ့ ပိုးကောင်တွေ၊ ခရုတွေ၊ အင်းစက်တွေကို ကိုကာကိုလာ အချိုရည်လောင်းပြီးတော့ လည်း ဖယ်ရှားပါတယ်။ ပထမတော့ သကြားဓာတ်ပါတဲ့အတွက် သောက်သုံးမိပြီး ပါဝင်တဲ့ အတွင်း အက်ဆစ်ဓာတ်ကို ပိုးကောင်တို့ မခံနိုင်ပါဘူး။ ကားမှန်နဲ့ ကားတွေပေါ်မှာ ကပ်နေတတ်တဲ့ အင်းဆက်များလည်း ဖယ်ရားနိုင်ပါတယ်။

ဟင်းချက်ရာတွင် အသုံးပြုခြင်း

ဗနီကာ၊ ရှာလကာရည် တစ်မျိုးပဲ ဖြစ်ပါတယ်။ အသားဟင်းချက်ရာမှာ ကိုကာကိုလာအချိုရည်ကို ရှာလကာရည် ထည့်သလို အချိးအစား မှန်မှန် ထည့်သွင်း အသုံးပြုနိုင်ပါတယ်။ အသားရဲ့  မကျက်နိုင်တဲ့အစိုင် အခဲတွေကြားကို ဖောက်ပေးပြီး ဟင်းအနှစ်အားလုံးကို အသားတွေထဲ ထိ ပြန့်နှံ့စေမှာ ဖြစ်ပါတယ်။ ပိုမို အရသာ ရှိတဲ့ အသားဟင်း တစ်ခွက် ရရှိစေတယ်လို့ ဆိုပါတယ်။

ကိုကာကိုလာအချိုရည်ဟာ ကာဘွန်နိုက်အချိုရည် တစ်မျိုးဖြစ်ပြီး ရေ ဓာတ်ဖြည့်ဆည်းပေးသလို အစာအိမ်တွင်းက မကြေညက်တဲ့အစား အစာများကို ချေဖျက်ပေးပါတယ်။ သကြားဓာတ်လည်း ကြွယ်ဝတဲ့အ တွက် သွေးထဲကို ဂလူးကိုစ့်ဓာတ် ကောင်းကောင်း ထောက်ပံ့ပေးပါတယ်။ သူ့မှာ ပါဝင်တဲ့ ဓာတ်များက သောက်သုံးရန်အပြင် အခြား အသုံးဝင် တဲ့ နေရာများလည်း ရှိနေတာကို ယခုလို သိရပါတယ်။

Myanmar Express

မကွေး NLD ပါတီဝင်များ ပြည်ခိုင်ဖြိုးပါတီသို့ အစုလိုက်ကူးပြောင်း

မကွေးမြို့နယ်မှ အမျိုးသားဒီမိုကရေစီအဖွဲ့ချုပ်(NLD)ပါတီဝင်များ ၂၀၁၀ ရွေးကောက်ပွဲ အနိုင်ရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ သို့ အစုလိုက်အပြုံလိုက် ကူးပြောင်းခဲ့ကြောင်း သိရ သည်။

အဆိုပါ ပါတီ ကူးပြောင်းပွဲ အခမ်းအနားကို မကွေးမြို့နယ် ဒေါင်းနေကျေးရွာ တွင်ပြုလုပ်ခဲ့ပြီး ယင်းအခမ်း အနားသို့ မကွေးတိုင်းဒေသကြီး ဝန်ကြီးချုပ် ဦးဘုန်းမော်ရွှေ တက်ရောက်ခဲ့ကြောင်း သိရ သည်။“မကွေးတိုင်းက NLD ပါတီဝင် တော်တော်များများ ကြံ့ခိုင်ရေးပါတီကို ကူးပြောင်းသွား ကြပါတယ်။ ဒီပါတီကူးပြောင်းတဲ့အခမ်းအနားကိုလည်း လုပ်ပြီးသွားပါပြီ။ ပါတီ ကူးလာတဲ့ သူတွေကိုလည်း ပြည်ခိုင်ဖြိုး ပါတီဝင်ကတ်တွေ ထုတ်ပေးပြီး သွားပါပြီ။ ဒီအခမ်း အနားကို မကွေးတိုင်းဝန်ကြီးချုပ်က ဧည့် သည်အနေနဲ့ လာတက်ခဲ့ပါ တယ်”ပာု ပြည် ခိုင်ဖြိုး ပါတီတာဝန်ရှိသူ တစ်ဦး က ပြောကြား သည်။

ယခုကဲ့သို့ မကွေး NLD ပါတီဝင်များ ပြည်ခိုင်ဖြိုးပါတီသို့ကူးပြောင်း သွားရခြင်း မှာ NLD ဗပိာု ၏ ဆက်ဆံမှုများနှင့် NLD ကျေးရွာ အုပ်စုရုံး ပြောင်းေ ရွှ့ဖွင့်လှ စ်ခြင်းအပေါ် မကျေနပ်မှု များကြောင့်ဖြစ်ကြောင်း ပါတီကူးပြောင်းခဲ့သူတစ်ဦးက ပြောကြားသည်။ လက်ရှိအချိန်တွင် အမျိုးသား ဒီမိုကရေစီ အဖွဲ့ချုပ်(NLD) ပါတီ၏ ပါတီတွင်း ဒီမိုကရေစီ ပျောက်ဆုံး မှုများ အတွက် နေရာဒေသ အတော်များများတွင် ပါတီဝင်များမှ ဆန္ဒထုတ်ဖော်မှုများ၊ ပါတီကူးပြောင်းမှုများ ကို ပြုလုပ်ခဲ့ပြီး ဗပာိုကော်မတီ အနေဖြင့်လည်း ယင်းကိစ္စရပ်များအပေါ် ထိထိရောက်ေ ရာက် ကိုင် တွယ်နိုင်ခြင်း မရှိသေးကြောင်း သိရသည်။

(မောင်ကျောက်ခဲ)

ဥပဒေမဲ့လုပ်ရပ်များအား တရားဥပဒေစိုးမိုးရေး ကော်မတီဥက္ကဌ အသုံးမကျသဖြင့် တိုင်းဒေသကြီး အရေးအဖြစ် ကိုင်တွယ်မည်

ရန်ကုန်မြို့တွင်း အုပ်စုဖွဲ့ ရိုက်နှက်ခြင်း၊ ရမ်းကားခြင်းနှင့် ပြစ်မှုကျူး လွန်ခြင်းများကို မြို့နယ်အဆင့်နှင့်မရပါက ခရိုင်၊ တိုင်းေ ဒသကြီး အရေးကိစ္စအဖြစ်သတ်မှတ်၍ အရေးယူဖော်ထုတ်သွားမည်ဟု တိုင်းဒေသကြီးရဲတပ်ဖွဲ့မှူးရုံးမှ တာဝန်ရှိသူက ပြောသည်။

''အသိဥာဏ်မဲ့ တရားဥပဒေ မဲ့လုပ်ရပ်တွေက ပိုများလာလို့ပဲ''ဟုအထက်ပါ ပုဂ္ဂိုလ်ကပြောသည်။အောက်တိုဘာလ ၁ ရက်နေ့ ည ၁၂ နာရီကျော်အချိန် ကတံတား ဖြူ အင်းလျားကန်ပေါင် လုံခြုံရေး လူငယ်အပါအဝင် ကန်ပေါင် စား သောက်ဆိုင်မှလူငယ် ၂ ဦးတို့ကို လူငယ် ၁ဝ ဦးကျော်က ဆိုင်ကယ် များဖြင့်လာရောက်ကာတုတ်၊ ဓား တို့ဖြင့် ဝင်ရောက်ရိုက်နှက်မှု ကြောင့် အရိုက်ခံရသူ ၃ ဦးမှာ ရန်ကုန်ဆေးရုံ၌ အတွင်းလူနာ နှင့် အပြင်လူနာ တို့အဖြစ် ကုသ နေသော်လည်း အောက်တိုဘာလ ၁၂ ရက်နေ့အချိန်အထိ တရားခံ ကို မမိသေးဘဲ ဆက်လက်လုပ် ဆောင်နေရသည်ကို အခြေခံ၍ အထက်ပါတာဝန်ရှိသူက ပြော ကြားလိုက်ခြင်း ဖြစ်သည်။

ရန်ကုန် တာမွေ၊ ကျောက် မြောင်း၊ မြို့သစ်ရပ်ကွက်တွင်း နေထိုင်သူအသက် ၂၄ နှစ်အရွယ် နိုင်ငံခြားကုမ္ပဏီဝန်ထမ်းတစ်ဦးက လက်ရှိရန်ကုန်တွင် အုပ်စုဖွဲ့ရိုက် နှက်မှုတို့အဖြစ်များလာနေပြီး တာ ဝန်ရှိသူရဲတို့က ဖိဖိစီးစီး မလုပ်နိုင် ခြင်းကြောင့် ဖြစ်နေသည်ဟု သူ့ အမြင်ကိုပြောသည်။

''တာမွေဘက်မှာ နေ့လယ် ပိုင်း ကားစီးလာတော့ ကားပေါ် တက်ပြေး လာတဲ့အသက်၂ဝကျော် လောက်ရှိတဲ့ လူငယ်တစ်ဦးကို လူ ၁ဝ ဦးကျော်က ကားပေါ် တက်ထိုးတာ ဘယ်သူမှ မပြောရဲ ကြဘူး။ ဒါတွေကိုက ကိုယ်တွေ့ပဲ။ ခံရသူက အနာကြီးပဲ''ဟု၎င်းက ဆက်ပြောသည်။

ရန်ကုန်တိုင်းဒေသကြီး ရဲ တပ်ဖွဲ့မှူးရုံးမှ တာဝန်ရှိသူက ဒီမိုကရေစီနိုင် ငံဖြစ်ပြီဆိုကာ လွတ် လပ်ခွင့်ကို အလွဲအသုံးချခြင်း၏နောက်ဆက်တွဲ အုပ်စုဖွဲ့ရမ်းကား ခြင်းများ ယခုနောက်ပိုင်းတွင် အဖြစ်များလာသည်ဟု လက်ရှိ အနေအထားကို ရှင်းပြသည်။

''ပြည်သူလူထု အေးချမ်း သာယာရေး၊ တရားဥပဒေ စိုးမိုး ရေးမှာ ပြည် သူလူထုမှာလည်း တာဝန်ရှိတယ်ဆိုတာကို လျစ်လျူ ရှုထားကြတယ်။ အခွင့်အရေးပဲ ယူတာများတယ်''ဟု ၎င်းက ထပ်လောင်းဆိုသည်။

Myanmar Express

စစ်တွေမြို့ သဲချောင်းရွာမှ ဘင်္ဂလီ မှုဆလင် များထံမှ ပေးပို့လိုက်သော M 79 လောင်ချာ ၅ လက်နှင့် အခြားလက်နက်မျိုးစုံ ဖမ်းဆီးရမိ

ရခိုင်ပြည်နယ် စစ်တွေမြို့တွင် အောက်တိုဘာလ(၁၆)ရက်နေ့က ဘင်္ဂလီ မူဆလင်ဘာသာဝင်များနေထိုင်သော အင်ဘာလာ ရပ်ကွက်တွင် အသုဘ တခုဖြစ်ပွားခဲ့ပြီး ထိုအသုဘကို သဲချောင်းရွာရှိ ဘင်္ဂလီ မူဆလ င် ဘာသာဝင်များအသုံးပြုသော သင်္ချိင်းသို့ သွားရောက်မြုပ်နှံပြီး အပြန်တွင် သဲချောင်းရွာမှ ဘင်္ဂလီ မူဆလင်ဘာသာဝင်များက ထည့်ပေးလိုက်သော M 79 လောင်ချာ ၅ လက်နှင့် အခြားလက်နက်မျိုးစုံကို ဖမ်းဆီးရရှိကြောင့် Arakan Review မှ သတင်းရရှိသည်။

ရခိုင်ပြည်နယ် စစ်တွေမြို့တွင် အောက်တိုဘာလ(၁၆)ရက်နေ့က ဘင်္ဂလီ မူဆလင်ဘာသာဝင်များနေထိုင်သော အင်ဘာလာ ရပ်ကွက်တွင် အသုဘ တခုဖြစ်ပွားခဲ့ပြီး ထိုအသုဘကို သဲချောင်းရွာရှိ ဘင်္ဂလီ မူဆလင် ဘာသာဝင်များအသုံးပြုသော သင်္ချိင်းသို့ သွားရောက်မြုပ်နှံပြီး အပြန်တွင် သဲချောင်းရွာမှ ဘင်္ဂလီ မူဆလင်ဘာသာဝင်များက စစ်တွေမြို့ရှိ ရခိုင်တိုင်းရင်းသားများအား အပြတ် သုတ်သင်ရန် M 79 လောင်ချာ ၅ လက်နှင့် တခြားလက်နက်မျိုးစုံကို အင်ဘာလာ ရပ်ကွက်မှ ဘင်္ဂလီ မူဆလင် ဘာသာဝင်များအတွက် အသုဘ လိုက်ပို့လာသော ကားအပြန်တွင် ထည့်ပေးလိုက်ခြင်းကို မြို့နယ်လုံခြုံရေးအတွက် အစောင့်ကျနေသော လုံထိမ်း ရဲတပ်ဖွဲ့ ၀င်တဦးမှ မြင်သော်လည်း မမြင်ဟန်ဖြင့် လွတ်ပေလိုက်သောကြောင့် တာဝန်သိ ရခိုင်ပြည်သူတဦးက စစ်တပ်သို့ ဖုံးဆက် အကြောင်းကြားခဲ့သည်ရာ စစ်တပ်မှ ထိုကားအား ဟန့်တားရှာဖွယ် စစ်ဆေးရာတွင် M 79 လောင်ချာ လက်နက် ၅ နှင့် တခြားလက်နက်မျိုးစုံကို ဖမ်းဆီးရမိကြောင်း သိရသည်။

အထက်ပါ အကြောင်းအရာနှင့်ပတ်သက်၍ အသုဘလိုက်ပို့ ရာမှပြန်လာသော ကားပေါ်မှ မသင်္ခါသူ ဘင်္ဂလီ မူဆလင်ဘာသာဝင် ၅ ဦးအား ဖမ်းဆီး စစ်ဆေးနေသည်ဟု သိရှိရသည်။

ထို့အတူ “စိန်” မုန့်တိုက်ပိုင်ရှင် ဘင်္ဂလီ မူဆလင်ဘာသာဝင်တဦး၏ အိမ်အား ဆက်လက်ရှာဖွယ် စစ်ဆေးခဲ့ရာ လက်နက်များနှင့် ထိုလက်နက်တွင် အသုံးပြုသည့် ဒုံးရှည်များအား ရှာဖွယ်တွေ့ရှိခဲ့ကြောင်း ခိုင်လုံသော သတင်းရပ်ကွက်မှ သိရှိရသည်။

ဆက်လက်ပြီး “စိန်” မုန့်တိုက်ပိုင်ရှင်အား စစ်ဆေးမေးမြန်းရာတွင် ထိုလက်နက်များအား လုံထိမ်းတပ်ဖွဲ့မှ အရာရှိတဦးက ၀ယ်ယူပေးခြင်းဖြစ်ကြောင်းနှင့် သဲချောင်းရွာမှ ကားပေါ်တွင် တင်ပေးလိုက်သော လက်နက်များမှာ သဲချောင်းရွာမှ ဘင်္ဂလီ မူဆလင်ဘာသာဝင်တို့ ပင်လယ်ပြင်သို့ ငါးဖမ်းထွက်စဉ်က ဘင်္ဂလားဒေ့ရ်ှနိုင်ငံတွင် အခြေစိုက်သည့် ရိုဟင်ဂျာ အကြမ်းဖက် သမားများက လက်ဆက်ကမ်းပေးလိုက်ခြင်းဖြစ်ကြောင်း သိရှိရသည်။

Myanmar Express

အမေရိကန်စစ်တပ် ကို မြန်မာ နိုင်ငံထဲဝင် စေချင်သူများအတွက် သတင်းကောင်း

တရုတ်နှင့် ဂျပန်အကြား လက်ရှိဖြစ်ပွားနေသော အိုကီနာဝါကျွန်းအတွင်း အမေရိကန် စစ်သား ၂ဦးက ဂျပန် အမျိုးသမီးငယ် တစ်ဦးကို မုဒိမ်းပြု ကျင့်၍ ဂျပန်အာဏာပိုင်မှ ဖမ်းဆီးလိုက်သည်ဟု သိရသည်။

မုဒိမ်းပြုကျင့်သူ အမေရိကန်စစ်သား ၂ဦးမှာ အသက် ၂၃နှစ်ရွယ်စီရှိကြပြီး ၄င်းနှုစ်ဦးတို့အား အောက်တိုဘာ ၁၆ရက်နေ့က ဂျပန်ရဲတပ်ဖွဲ့မှဖမ်းဆီး လိုက်သည်ဟု ဆိုသည်။

“တကယ့် ရက်စက်စွာ ကျူးလွန်ခြင်းဖြစ်တယ်။ အဲဒါကြောင့် အခုဒီမိန်း ကလေး"ကို"(အင်္ဂါ) ဟာ တော်တော် အခြေအနေဆိုးပါတယ်” ဟု ဂျပန်နိုင်ငံ ကာကွယ်ရေးဝန်ကြီး Satoshi Morimoto နှင့် အမေရိကန်သံတမန်အရာရှိက ဆိုသည်။ တရုတ်နှင့် လက်ရှိဖြစ်ပွားနေသော ဂျပန်နိုင်ငံ တောင်ပိုင်အိုကီနာဝါကျွန်း တွင် အမေရိကန်စစ်သား ၂၆၀၀၀ ရှိသည်ဟု သတင်း၌ဖေါ် ပြသည်။

၁၉၉၅-ခုနှစ်ကလည်း ၁၂နှစ်အရွယ် ဂျပန်အမျိုးသမီး တဦးအား အမေရိကန် စစ်သား ၃ဦး မုဒိမ်ပြုကျင့်မှု ကျူးလွန်မှုရှိခဲ့ပြီးနောက် အမေ ရိကန်စစ်သား အရေအတွက် လျှော့ချမှု ပြုလုပ်ခဲ့သည်ဟု သိရသည်။ ယခုအခါ အဆိုပါ အမေရိကန်စစ်သား ၂ဦးအား ဂျပန်ရဲတပ်ဖွဲ့မှ ဖမ်းဆီး ထားသည်ဟု ဆိုသည်။

နာဂစ်မုန်တိုင်းတိုက်စဉ်တုန်းကလည်း မြန်မာနိုင်ငံတွင်းသို့ အမေရိကန် စစ်တပ်များ အမြန်ဝင်ကြရန် ပြည်တွင်း၊ ပြည်ပ ရှိအတိုက်အခံများက ကျယ်လောင်စွာ အော်ဟစ်တိုက်တွန်းမှုများ ရှိခဲ့သည်။

Myanmar Express

ရုပ်ရှင် သူရဲကောင်းဆုတွေနဲ့ မြန်မာ့ရုပ်ရှင်နေ့ ( ရုပ်/သံ)

အမျိုးဘာသာ၊ သာသနာနဲ့ ဒီမိုကရေစီအရေး လူ့အခွင့်အရေး၊ ငြိမ်းချမ်းရေးအတွက် ဆောင်ရွက်ရင်း ရုပ်ရှင်လောကရဲ့ ဂုဏ်ရောင်ကို ထွန်းပြောင်စေခဲ့တဲ့ အနုပညာရှင်တွေကို ဒီနှစ် မြန်မာ့ ရုပ်ရှင် နေ့ အောက်တိုဘာလ ၁၃ ရက်နေ့မှာ ရုပ်ရှင် သူရဲကောင်းဆုတွေ ချီးမြှင့်ခဲ့ကြောင်း ဧရာဝတီက ရုပ်သံနဲ့ ရိုက်ကူး တင်ဆက် ထားပါတယ်။

သက်တမ်းရင့် အဆောက်အအုံများ ပုဂ္ဂလိကသို့ ရောင်းချမှု ရှေ့နေများ ဆန့်ကျင်ဆန္ဒပြ

ယနေ့ နံနက်ပိုင်းက ရှေ့နေများ ဆန္ဒပြနေစဉ် (ဓာတ်ပုံ – နန်းဆိုင်နွမ် / ဧရာဝတီ)

ရန်ကုန်ရှိ နှစ်ပေါင်း ၁၀၀ ကျော် သက်တမ်းရင့် အဆောက်အအုံများဖြစ်သည့် ဗဟိုတရားရုံးချုပ် (ယခု ရန်ကုန်းတိုင်းဒေသကြီး တရားလွှတ်တော်) နှင့် စုပေါင်းတရားရုံးကို ပုဂ္ဂလိကကို လွှဲပြောင်း ရောင်းချရန် စီစဉ်နေမှုအပေါ် ဆန့်ကျင်သည့် အနေဖြင့် ဆန္ဒပြတောင်းဆိုမှုကို ရှေ့နေကွန်ရက်မှ ရှေ့နေများက ယနေ့ ပြုလုပ်ခဲ့သည်။

ထိုကဲ့သို့ ရှေ့နေများ တညီတညွတ်တည်း ဆန္ဒပြမှုသည် ၁၉၈၈ ခုနှစ် ပြည်လုံးကျွတ် ဆန္ဒပြပွဲတွင် ပထမအကြိမ် ပြုလုပ်ခဲ့ပြီး ယခုအကြိမ်သည် ဒုတိယမြောက် ရှေ့နေများ စုပေါင်း ဆန္ဒပြခြင်း ဖြစ်ကြောင်း၊ ဆန္ဒပြ တောင်းဆိုရခြင်း၏ ရည်ရွယ်ချက်သည် မြန်မာနိုင်ငံတွင် ၁၉၄၈ ခုနှစ်ကတည်းက ဆောက်လုပ်ခဲ့ပြီး ယခုနှစ် ဧပြီလ အထိ တရားရုံးများ အဖြစ် အသုံးပြုနေသည့် အဆောက်အအုံ နှစ်ခုအား စားသောက်ဆိုင်၊ ဟိုတယ်နှင့် ပန်းဥယျာဉ်များ အဖြစ် ပြောင်းလဲလုပ်ကိုင်ရန် ပုဂ္ဂလိက လုပ်ငန်းရှင်များသို့ လွှဲပြောင်းရောင်းချ ခဲ့သောကြောင့် ဖြစ်ကြောင်း ရှေ့နေကွန်ရက်မှ ဦးကိုနီက ဧရာဝတီသို့ ပြောသည်။

ယင်း ဆန္ဒပြ တောင်းဆိုပွဲတွင် ရှေ့နေဦးရေ ၁၅၀ သာ ပါဝင်ရန် သက်ဆိုင်ရာက ခွင့်ပြုထားသော်လည်း ဘေးပတ်ဝန်းကျင်မှ စီတန်း လိုက်လာသူများ ရှိသောကြောင့် ရှေ့နေ ၂၀၀ ခန့်နှင့် ပြည်သူလူထု ၁၀၀၀ နီးပါးခန့် ရှိလာကြောင်း၊ ဆန္ဒပြ တောင်းဆိုမှုများ ပြုလုပ်ကြသော်လည်း အော်ဟစ် ကြွေးကြော်ခြင်းများ မပြုဘဲ ပိုစတာများ၊ ဆိုင်းဘုတ်များသာ ကိုင်ဆောင်၍ တောင်းဆိုလျက် ရှိကြောင်း သိရသည်။

“ကျနော်တို့က ပညာတတ် ရှေ့နေတွေ ဖြစ်တဲ့အတွက် ဥပဒေဘောင် အတွင်းကနေ ဆန္ဒပြ တောင်းဆိုမှုတွေ ပြုလုပ်တာ ဖြစ်ပါတယ်။ ခွင့်ပြုထားတာက ၁၅၀ ပဲဖြစ်ပေမယ့် ဘေးကလိုက်ပြီး အားပေးသူတွေကိုတော့ ကျနော်တို့က ဘာမှပြောပိုင်ခွင့် မရှိပါဘူး” ဟု ဦးကိုနီက ဆိုသည်။

မြန်မာနိုင်ငံသည် လာမည့် ၂၀၁၄ ခုနှစ်တွင် အာဆီယံအသင်း ဥက္ကဋ္ဌနိုင်ငံအဖြစ် ဆောင်ရွက်ရမည် ဖြစ်သောကြောင့် ရုပ်ပြ ကောင်းရန် လိုအပ်ကြောင်း၊ ထို့အပြင် လာမည့် ၂၀၁၃ ခုနှစ် Sea Game ကာလတွင်လည်း နိုင်ငံခြားသားများက မြန်မာနိုင်ငံသို့ လာရောက် ကြည့်ရှုကြမည် ဖြစ်သည့် အတွက် နိုင်ငံအတွင်းရှိ ရှေးဟောင်းအမွေအနှစ် အဆောက်အအုံ များကို တွေ့မြင်ကြမည် ဖြစ်ကြောင်း၊ ထို့ကြောင့် အဆိုပါ ရှေးဟောင်း ယဉ်ကျေးမှု အမွေအနှစ် အဆောက်အအုံများအား ယခင်ကဲ့သို့ တရားရုံးအဖြစ် ဆက်လက် ထားရှိပေးစေလိုကြောင်း ရှေ့နေ ဦးသန်းတင်က ဧရာဝတီသို့ ပြောသည်။

“သမ္မတကြီးက လွပ်လပ်စွာ ပြောဆိုပိုင်ခွင့် ရှိတယ်ဆိုလို့ ကျနော် ပြောချင်ပါတယ်။ နိုင်ငံတော်မှာ ဘတ်ဂျက်မရှိလို့ မလုပ်နိုင်ဘူး ဆိုရင် ဟိုတယ်တော့ မလုပ်ပါနဲ့၊ ကျနော်တို့ကိုပြောပါ၊ ကျနော်တို့ ရန်ပုံငွေ ကောက်ပြီးတော့ ကုလသမဂ္ဂကို အကူအညီ တောင်းပြီးတော့ တင်လိုက်ရင် မခက်ပါဘူး” ဟု သူက ဆိုသည်။

ဆက်လက်၍ ၎င်းက ခန့်ညားထည်ဝါသည့် အဆောက်အအုံး များအား တရားရုံးမှအပ တခြားအရာများ အဖြစ် မပြောင်းလဲ သင့်ကြောင်း၊ လူအများ ပျော်ရွှင်မှု၊ ဒုစရိုက်မှုများ ဖြစ်ပေါ်လာနိုင်သည့် ဟိုတယ်အဖြစ် မပြောင်းသင့်ကြောင်း၊ ထို့အပြင် တံဆိပ်ခေါင်း အခွန်အခများလည်း တိုးမြှင့် မကောက်ခံသင့်ကြောင်း ပြောသည်။

“ကိုယ့်တိုင်းပြည် ဘိုင်ကျနေတယ်ဆိုပြီး ဆင်းရဲနွမ်းပါးတဲ့ ပြည်သူလူထုဆီက တံဆိပ်ခေါင်း ခွန်တွေ၊ အခွန်အခတွေကို တိုးမြှင့် မကောက်သင့်ပါဘူး။ သယံဇာတတွေ ရောင်းရလို့ ရတဲ့ငွေတွေ ဘယ်ရောက်ကုန်ပြီလဲလို့ မေးချင်ပါတယ်” ဟု ရှေ့နေကွန်ရက်မှ အသက် ၉၁ နှစ် ရှိပြီဖြစ်သည့် ဦးသန်းတင်က ဆိုသည်။

တံဆိပ်ခေါင်း အခွန်အခ များသည် ယခင်က ကျပ် ၁ သောင်းခွဲသာ ပေးဆောင်ရသော်လည်း ယခုအချိန်တွင် ကျပ် ၁၅ သိန်း အထိ တိုးမြှင့်ပေးဆောင်နေရကြောင်း သိရသည်။

ရှေးဟောင်း ယဉ်ကျေးမှု အမွေအနှစ် ထိန်းသိမ်းရေး ဥပဒေအား ယခင် နအဖ အစိုးရလက်ထက်တွင် ပြဌာန်းသွားခဲ့ခြင်း ဖြစ်ကြောင်း၊ ရှေးဟောင်း ယဉ်ကျေးမှု အမွေအနှစ် စာရင်းဝင်ဖြစ်သည့် အဆောက်အအုံများတွင် ပါဝင်သည့် တရားရုံး များကို လေလံတင် ရောင်းချသွားသည့် ဖြစ်ရပ်သည် ယခု သမ္မတ ဦးသိန်းစိန် အစိုးရ အနေဖြင့် ယခင် ပြဌာန်းထားသည့် ဥပဒေ များအား လေးစား လိုက်နာခြင်း မရှိသည့် သဘောဆောင်ကြောင်း ဆန္ဒပြ ရှေ့နေ တဦးက ဆိုသည်။

“ဥပဒေဆိုတာ အစိုးရအတွက် မဟုတ်ဘူး၊ လိုက်နာရမယ့် ပြည်သူတွေ အတွက်ပဲ ဖြစ်တယ် ဆိုတဲ့ သဘော ဖြစ်နေတယ်” ဟု သူက ပြောသည်။

သမ္မတ ဦးသိန်းစိန် အစိုးရသည် ပါလီမန် ဒီမိုကရေစီ လမ်းကြောင်းကို ဖော်ဆောင်နေသည်၊ ပြုပြင်ပြောင်းလဲမှုများလည်း လုပ်ဆောင်နေသည်ဟု သိရကြောင်း၊ ပြည်သူလူထု လက်ခံယုံကြည်ရသည့် အစိုးရတရပ် ဖြစ်စေရန် အတွက် ရှေးဟောင်း အမွေအနှစ် တရားရုံး အဆောက် အအုံ နှစ်ခု ကို လေလံတင် ရောင်းချသွားသည့် ကိစ္စအား ပယ်ဖျက်ပေးကာ တရားရုံးများ အဖြစ် ပြန်လည် အသုံးပြုခွင့် ပေးစေလိုကြောင်း အဆိုပါ ရှေ့နေက ဆက်ပြောသည်။

ရှေ့နေများ စုပေါင်းကာ ဆန္ဒပြ တောင်းဆိုခြင်းများ ပြုလုပ်လျက် ရှိသော်လည်း လိုက်လျောပေးခြင်း မရှိပါက တရားဥပဒေ နည်းလမ်းများအတိုင်း ဆက်လက် ဆောင်ရွက်သွားမည် ဖြစ်ပြီး အသေးစိတ် လုပ်ဆောင်မည့် အချက်များကိုမူ ယခု ပြောပြနိုင်ခြင်း မရှိသေးကြောင်း ဦးကိုနီက ဆိုသည်။

စစ်တပ် သရော်သည့် ကာတွန်း သတိပေးခံရ

မြန်မာတိုင်းမ် ဂျာနယ်၌ ဖော်ပြထားသော ကာတွန်း ဟန်လေး၏ စစ်တပ်ကို သရော်သည့် ကာတွန်း

အစိုးရ တပ်မတော်ကို သရော်ထားသည့် ကာတွန်းပုံ တပုံ ပြည်တွင်းထုတ် မြန်မာတိုင်းမ် ဂျာနယ်တွင် ဖော်ပြခဲ့ခြင်းနှင့် ပတ် သက်ပြီး တပ်မတော် ကိုယ်စားပြုထားသည့် မြ၀တီ သတင်းဌာနက အင်တာနက် စာမျက်နှာမှတဆင့် ဆောင်းပါး ရေးသားပြီး သတိပေးလိုက် သည်။

လက်ရှိတပ်မတော်၏ အနှောင့်အယှက်ကြောင့် သမ္မတ ဦးသိန်းစိန် ဆောင်ရွက်နေသော ပြည်တွင်းငြိမ်းချမ်းရေး လုပ်ငန်းစဉ် များ မအောင်မြင်သည့် အဓိပ္ပာယ် ယူဆရသော ကာတွန်းကို အောက်တိုဘာ ၈ ရက်နေ့ထုတ် မြန်မာတိုင်း(မ်)ဂျာနယ်၏ အင်္ဂလိပ် ပိုင်းတွင်ဖော်ပြခဲ့သည့်အတွက် ဆောင်းပါးရှင် ပြည်ချစ်သား က“အမှန်က ဤသို့ဖြစ်ပါသည်”ဟူသော ဆောင်းပါးဖြင့် ယမန်နေ့က တုံ့ပြန်ရေးသား၍ သတိပေးထားခြင်း ဖြစ်သည်။

ကာတွန်းရေးဆွဲသူနှင့် တည်းဖြတ်သူများ၊ အယ်ဒီတာချုပ်၊ ဂျာနယ်တိုက် ပိုင်ရှင်များအနေဖြင့် နောင်တွင် ထပ်မံ မမှားယွင်း စေ ရေး သတိပြုဆောင်ရွက်သွားကြရန် လိုအပ်ကြောင်း ဆောင်းပါးက ဆိုထားသည်။

ထိုကာတွန်းပုံသည် တပ်မတော်၏ မူဝါဒနှင့်လုံးဝ ဆန့်ကျင်လျက်ရှိသည်ကို အများပြည်သူ သိစေလိုကြောင်း၊ တပ်မတော် သည် နိုင်ငံတော်၏ လက်ရှိဆောင်ရွက်နေသော ငြိမ်းချမ်းရေး လုပ်ငန်းစဉ်များတွင် နိုင်ငံတော်နှင့် တသွေးတည်း တသား တည်း ရှိကြောင်းလည်း ဆောင်းပါး၌ ပါရှိသည်။

အဆိုပါ မြ၀တီ က ဆောင်းပါးသည် တပ်မတော် ကာကွယ်ရေးဦးစီးချုပ် ဒု ဗိုလ်ချုပ်မှူးကြီး မင်းအောင်လှိုင် ၏ အာဘော် ဖြစ်ကြောင်း သမ္မတရုံး ညွှန်ကြားရေးမှူးနှင့် စစ်တပ်အရာရှိ တဦးဖြစ်သူ ဦးဇော်ဌေး(မှူးဇော်)၏ ဖေ့စ်ဘုတ်တွင်လည်း ယမန်နေ့က ရေး သား ထားသည်။

ပြန်ကြားရေး ဒု ၀န်ကြီးနှင့် တပ်မတော် အရာရှိဟောင်း ဦးရဲထွဋ်ကလည်း“မြန်မာတိုင်းမ် ဂျာနယ်ပါ ကာတွန်းနဲ့ပတ်သက်ပြီး တပ်မတော်သား တဦးရဲ့ခံစားချက် အတိုင်းပဲ တပ်မတော်သားဟောင်း တဦးဖြစ်တဲ့ ကျနော်လည်း ဆောင်းပါးရှင်လိုပဲ အဲဒီ ကာတွန်းကြောင့် စိတ်မကောင်း ဖြစ်ရပါတယ်”ဟု သူ၏ ဖေ့စ်ဘုတ် စာမျက်နှာတွင် ရေးသားသည်။

စစ်တပ်အနေဖြင့် ၎င်းတို့၏ သဘောထားကို ပြည်သူများထံ ထိုသို့ အသိပေးလာခြင်းသည် ကောင်းမွန်သည့် လုပ်ရပ် ဖြစ်ကြောင်း၊ ကလောင်ဝှက်နှင့် ရေးသားခြင်းထက် သတင်းစာ ရှင်းလင်းပွဲပြုလုပ်ကာ စစ်တပ်၏ လုပ်ဆောင်ချက် သဘောထားများကို ပြည်သူများထံ ထုတ်ဖော်ချပြ ပေးပါက ပိုမိုကောင်းမည်ဟု ထင်ကြောင်း မြန်မာတိုင်းမ် ဂျာနယ်၏ အင်္ဂလိပ်ပိုင်း အယ်ဒီတာ Thomas Kean က ဧရာဝတီ ကို ပြောသည်။

ထိုကိစ္စနှင့်ပတ်သက်၍ ပြန်ကြားရေး ၀န်ကြီးဌာန မှ တစုံတရာ ပြောဆိုခြင်း မရှိသေးသကဲ့သို့ မည်သည့် ခြိမ်းခြောက်မှုမှ မရှိ ကြောင်းလည်း ၎င်းက ဆိုသည်။

ဧရာဝတီ၌ ပင်တိုင် နိုင်ငံရေး ကာတွန်းများ ရေးဆွဲခဲ့သော အဆိုပါ ကာတွန်းရေးဆွဲသူ ကိုဟန်လေး က“ကျနော်က အဖြစ်မှန် ကို ရေးဆွဲထားတာပါ၊ ဆောင်းပါးက သတိပေး ရေးသားထားတဲ့ အပေါ်မှာလည်းပဲ ဘယ်လိုမှ မခံစားရပါဘူး၊ နောင်လည်း ဆွဲဦးမှာပါ”ဟု ပြောသည်။

မြန်မာနိုင်ငံ၏ ပြည်တွင်းစစ် ရပ်စဲမှု မရှိခြင်းသည် စစ်တပ်က တိုက်ခိုက်နေ၍ ဖြစ်ကြောင်း၊ ထိုကာတွန်းသည် မည်သူ့ကိုမျှ ထိ ခိုက်စေလိုသည့် ဆန္ဒဖြင့် ရေးဆွဲခြင်း မဟုတ်ကြောင်းလည်း ဧရာဝတီသို့ ကာတွန်း ဟန်လေးက ပြောသည်။

“ငြိမ်းချမ်းရေး ကိစ္စတွေနဲ့ပတ်သက်ပြီး ပြီးခဲ့တဲ့ ၆ လ လောက် ကတည်းကဆွဲထားတာပါ၊ ဒါပေမယ့် အခုချိန်မှာလည်းပဲ စစ်တပ် က တိုက်တာ မရပ်သေးတာရယ်၊ သူတို့ကလည်း ကာတွန်းလို ချင်တယ်ပြောတော့ ဒီပုံပေး လိုက်တာပါ”ဟု ကိုဟန်လေး က ဆို သည်။

ဒီမိုကရေစီ ဖော်ဆောင်နေခြင်း၊ ဒီမိုကရေစီ စနစ် ကျင့်သုံးနေခြင်း ဖြစ်သည်ဟု ပြောဆိုနေသည့်တိုင် ယခုကဲ့သို့ ကာတွန်းပုံ တပုံ ကိစ္စ သည်းမခံနိုင်ခြင်း အပေါ် နားလည်ရခက်ခဲကြောင်း ၎င်းက ဆက်ပြောသည်။

ကာတွန်းဆရာ ဟန်လေးသည် နိုင်ငံရေး ကာတွန်းရုပ်ပြောင်များကို အဓိကရေးဆွဲလေ့ရှိသူဖြစ်ပြီး စစ်တပ်အကြီးအကဲဟောင်း ဗိုလ်ချုပ်မှူးကြီးဟောင်း ဦးသန်းရွှေနှင့် စစ်တပ်နှင့်ပတ်သက်သော ကာတွန်းများကို အစဉ်တစိုက်ရေးဆွဲနေသူလည်း ဖြစ်သည်။

ကာတွန်းပုံသည် တဦးတယောက်ကို ထိခိုက်စေရန် ရည်ရွယ်ခြင်း မဟုတ်ဘဲ အများပြည်သူ အကျိုးပြုမည်ဟုယူဆပါက ဖော်ပြ ထည့်ပေးသင့်ကြောင်း၊ ဆောင်းပါးတွင် ရေး သား သတိပေးချက်သည်လည်း စာရေးသူ၏ အာဘော်ဖြစ်၍ လွတ်လပ်စွာ ရေးသား ခွင့်ရှိကြောင်း မြန်မာတိုင်းမ် ဂျာနယ် တာဝန်ခံ အယ်ဒီတာ(မြန်မာပိုင်း) ဦးဇော်မြင့်ကလည်း ပြောဆိုသည်။

စိစစ်ရေးကို တင်ပြရခြင်း မရှိတော့သော်လည်း စာပေလွတ်လပ်ခွင့် အပြည့်မရှိသေးကြောင်း၊ မိမိတို့စာစောင်တွင် ဖော်ပြချက် များနှင့် ပတ်သက်၍ ပြဿနာ တစုံတခု ဖြစ်ပေါ်ပါက တာဝန်ယူရမည်သာ ဖြစ်ကြောင်း၊ ထို့ကြောင့် ပြည်သူများကို အကျိူးပြု မည်ဟု ယူဆပြီး မည်သူ့ကိုမျှ ထိခိုက်မှုမရှိသည်များကို ထည့်သွင်းဖော်ပြမည်ဟုလည်း ပြောသည်။

Viber ကြောင့် ဖုန်းလိုင်းပိတ်မည့်ကိစ္စ မဟုတ်မှန်ဟု မြန်မာ့ဆက်သွယ်ရေးငြင်း

မိုဘိုင်းဖုန်းများ မှတဆင့် အင်တာနက်ရှိသည့် နေရာတွင် အခမဲ့ ဖုန်းခေါ်ဆိုနိုင်သော Viber အသုံးပြုခြင်း ကြောင့် ဖုန်းလိုင်းများ ပိတ်သိမ်းသွားမည် မဟုတ်ကြောင်း မြန်မာ့ဆက်သွယ်ရေးလုပ်ငန်းမှ မိုဘိုင်းအင်ဂျင်နီ ယာချုပ် ဦးဌေးဝင်း က မဇ္ဈိမ၏ မေးမြန်းမှုကို ပြန်လည်ဖြေကြားလိုက်သည်။

ပြည်တွင်း ဂျာနယ် တစောင်တွင် ဖော်ပြပါရှိခဲ့သော Viber သုံးခြင်းကြောင့် မိုဘိုင်းဖုန်းလိုင်းများ ပိတ်သိမ်းမည် ဆိုသည့် သတင်းကြောင့် Viber အသုံးပြုသူများ အကြား မကျေနပ်မှုများ ဖြစ်ပွားခဲ့ရသည်။

“Viber သုံးရင် ဖုန်းလိုင်း ဖြတ်မယ်လို့ ကျနော်တို့ တခါမှ မကြေညာဖူးပါဘူး။ ဒီဘက်က SIM ကတ်နဲ့ ဟိုဘက် (နိုင်ငံခြား)က SIM ကတ်ကို စက်တခုနဲ့ ချိတ်ပြီး နိုင်ငံခြားကနေ ခေါ်ရင် ဒီဘက်ကို local Call အနေနဲ့ ဝင်တယ်။ အဲဒါမျိုး နယ်စပ်တွေမှာ လုပ်နေတာ ရှိတယ်။ ဒါဆို ကျနော်တို့ နိုင်ငံခြား ဝင်ငွေ နစ်နာ ပါတယ်။ ကျနော်တို့ ဆိုလိုတာ အဲဒါမျိုးပါ။ ပြီးတော့ အင်တာနက်ကနေ VOIP သုံးပြီး ခေါ်တဲ့ Pfingo လိုမျိုး ရှိတယ်။ အဲဒါတွေ ပိတ်တယ်ဆိုတာ မှန်ပါတယ်။ Viber က ကျနော်တို့ ပိတ်တယ်ဆိုတာ တခါမှ မကြေညာဖူး ပါဘူး” ဟု ဦးဌေးဝင်း က မဇ္ဈိမကို ပြောသည်။

ပြည်တွင်း မိုဘိုင်းဖုန်း အသုံးပြုသူများအနေဖြင့် အဆိုပါ Viber application ကို အသုံးများပြီး မိုဘိုင်းဖုန်းဆိုင်များတွင် လာရောက်ထည့်သွင်းမှုလည်း များကြောင်း မိုဘိုင်းဖုန်းဆိုင်များက ပြောသည်။

“ဆိုင်မှာ လာထည့်တာတွေ ရှိပါတယ်။ ပိတ်မယ် ဆိုတာ မဖြစ်နိုင်ပါဘူး။ တချို့ဆို Wifi အင်တာနက်နဲ့ သုံးတာ ရှိတယ်။ အင်တာနက်နဲ့ သုံးတာကို ပိတ်ဖို့ဆိုတာ မလွယ်ပါဘူး” ဟု ‘လူကြီးမင်း’ မိုဘိုင်းဆိုင်မှ အထွေထွေ မန်နေဂျာ ဦးကိုကိုအောင် ကလည်း သုံးသပ်သည်။

မြန်မာ့ဆက်သွယ်ရေး လုပ်ငန်း အနေဖြင့် ယခင်က အွန်လိုင်းပေါ်မှ ဖုန်းခေါ်ဆိုခြင်း ဖြစ်သော pfingo ကဲ့သို့ အသုံးပြုမှု များကို ပိတ်ခဲ့ခြင်းမှာ အင်တာနက်ဆိုင်များ မှတဆင့် ဖုန်းခေါ်ဆိုမှု များသောကြောင့် ထိုဆိုင်များသို့ တရားဝင် အကြောင်းကြား ခဲ့ခြင်းဖြစ်သည်။

ယခုတွင်မူ လိုင်းပိတ်သည် ဆိုသည့် ဖုန်းများမှာ ပြည်ပနိုင်ငံများမှ လိုင်းများနှင့် ချိတ်ဆက်ပြီး ပြည်ပမှ ခေါ်ဆိုသည့် ဖုန်းများကို ပြည်တွင်းခေါ်ဆိုမှုအနေနှင့် ပြုလုပ်သည့် လိုင်းများကို ပိတ်သိမ်းမည်ဟု ပြောခြင်းဖြစ်ပြီး Viber ပါဝင်ခြင်း မရှိဟု သိရသည်။

Viber အသုံးပြုသူ အသက် ၂၈ နှစ် အရွယ်ရှိ ကုမ္မဏီဝန်ထမ်း မသိမ့်သိမ့် က “Viber ကို ပိတ်မယ် ဆိုရင်တော့ သုံးတဲ့ သူ တယောက်အနေနဲ့ မကြိုက်ပါဘူး။ သုံးရတာ သူက အဆင်ပြေတယ်လေ။ အင်တာနက် ရှိနေရင် နိုင်ငံခြားကို ဖုန်းခေါ်တာ အခမဲ့ ဖြစ်တယ်။ ကိုယ့်ဖုန်း အင်တာနက်က သုံးရင်လည်း တမိနစ်မှ နှစ်ကျပ်လောက်ပဲ ကျတယ်။ သူက ဖုန်းသုံးရင်းနဲ့ ဓါတ်ပုံတွေ ဘာတွေ ပို့ချင်တယ်ဆိုလည်း အီးမေးလ် သုံးစရာ မလိုဘဲ Viber က ပို့လို့ရတယ်။ သုံးရတာ အဆင်ပြေတယ်” ဟု ပြောသည်။

မြန်မာ့ဆက်သွယ်ရေးလုပ်ငန်းမှ မိုဘိုင်းဖုန်းများ အရစ်ကျ ပေးချေသည့် စနစ်ဖြင့် ရောင်းချသည့် သဘောတူ စာချုပ်တွင် တယ်လီဖုန်းအရစ်ကျ သုံးစွဲသူမှ အရစ်အလိုက် လစဉ်ပေးသွင်းရမည့် ငွေအား ပေးသွင်းခြင်း မပြုပါကလည်းကောင်း၊ သုံးစွဲနေစဉ်အတွင်း ပြည်ပနိုင်ငံများနှင့် တရားမဝင် ခေါ်ဆိုမှုများအတွက် သံသယဖြစ် ဖွယ် စစ်ဆေး တွေ့ရှိရပါက လည်းကောင်း လိုင်းဖြတ်တောက်မည်ဟု ပါရှိသည်။

ထိုသို့ မိုဘိုင်းဖုန်းများ အရစ်ကျ ရောင်းချပေးခြင်းကို ကျေးလက်ဒေသများတွင် အောက်တိုဘာလအတွင်း စတင် ရောင်းချပေးနေခြင်း ဖြစ်သည်။

Win Win Game ဖြစ်ပေါ်ခဲ့သည့် ၂၀၁၂ ပြည်ခိုင်ဖြိုးပါတီ ပထမအကြိမ်ညီလာခံမှ ရလဒ်များထွက်ပေါ်

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ ပထမအကြိမ်ပါတီညီလာခံအား အောက်တိုဘာလ ၁၄ ၇က်နေ့မှစတင်ကာကျင်းပခဲ့ပြီး အောက်တိုဘ ၁၆ရက်နေ့၌မူ ပါတီ၏ ဥက္ကဌတာဝန်များ ၊ ဒုဥက္ကဌတာဝန်များအပြင် ပါတီဗဟိုအတိုင် ပင်ခံအဖွဲ့ ၊ ပါတီဗဟိုအကြံပေးအဖွဲ့ ၊ အတွင်းရေးမှူးအဖွဲ့တို့အားထပ်မံဖွဲ့စည်းခဲ့ပြီး ပါတီဥက္ကဌအဖြစ် လက်ရှိနိုင်ငံတော် သမ္မတကြီးဦးသိန်းစိန်ကိုသာ ပါတီညီလာခံကိုယ်စားလှယ်အများစု၏ ဆန္ဒဖြင့် ပြန်လည်ရွေးချယ်ခဲ့ကြောင်းသိရှိ ရသည်။

အဆိုပါ ပါတီညီလာခံရလဒ်များ နှင့် ပတ်သက်၍ ပါတီဗဟိုကော်မတီဝင် ဦးအောင်သိန်းလင်းအား Hot News သတင်းဂျာနယ်မှ ဆက်သွယ်ရေးမေးမြန်းခဲ့ရာ“သမ္မတကြီးကိုပြန်ရွေးတယ်ဆိုတာ အားလုံးရဲဆန္ဒပါ ပါတီညီလာခံ ကိုယ်စားလှယ်တွေအားလုံးက သဘောကျတဲ့သူကို ပြန်ရွေးတာဖြစ်ပါတယ်။ သမ္မတကြီးက အရင်ထဲက ပါတီဥက္ကဌပါ ၊ ဒီညီလာခံကြီးမှာ ဒုဥက္ကဌတွေ ပြန်ရွေးတယ် ။ အဲဒီမှာ အရင် ပါတီဗဟိုကော်မတီက ပုဂ္ဂိုလ်တွေပြန်ရွေးခံရတယ် ၊ ပြီးတော့ ဗဟိုပါတီအတိုင်ပင်ခံအဖွဲ့ ၊ ဗဟိုပါတီအကြံပေးအဖွဲ့တွေလည်း ဖွဲ့စည်းတာဝန်ပေးနိုင်ခဲ့ပါတယ်။တခုရှိတာက သမ္မတကြီးဦးသိန်းစိန်ဟာ ဖွဲ့စည်းပုံအခြေခံဥပဒေအရ ပါတီတာဝန်ကို ထမ်းဆောင်နိုင်ခြင်းမရှိတော့တဲ့အတွက် ပါတီညီလာခံကိုယ်စားလှယ်အများစု က သမ္မတကြီးကို ဆန္ဒပေးပြီး ဥက္ကဌအဖြစ် ရွေးချယ်ခဲ့သော်လည်း ပါတီဒုဥက္ကဌ သူရဦးရွှေမန်းက ဒုဥက္ကဌတာဝန်အပြင် ဥက္ကဌတာဝန်ကိုပါ ပူးတွဲထမ်းဆောင်ရမှာပါ။ သူအနေနဲ့လည်း ပါတီကို ဦးဆောင်နိုင်တဲ့ လမ်းညွန်မှုတွေအပြည့်အ၀ပေးနိုင်တဲ့ ၀ါရင့်ခေါင်းဆောင်တစ်ယောက်ပါပဲ´´ဟုပြန်လည်ဖြေကြားပေးသွားခဲ့သည်။

ပြည်ခိုင်ဖြိုးပါတီကြီး၏ ပထမအကြိမ် ပါတီညီလာခံကြီးအား ၂၀၁၂ အောက်တိုဘာ ၁၄ ရက်နေ့ ၌ စတင်ကာ နေပြည်တော်ရှိပါတီဌာနချုပ်၌ ကျင်းပခဲ့ပြီး ညီလာခံတတိယရက်၌မူ တိုင်းနှင့်ပြည်နယ်များအားလုံးမှ ပါတီဗဟိုကော်မတီဝင် ၂၂၅ ဦး ၊ အရံကော်မတီဝင် ၂၅ ဦး ရွေးချယ်ခဲ့ပြီး ၊ ယင်းမနက် မှ ဗဟိုအလုပ်အမှုတောင် ၄၄ ဦး ပြန်လည်ရွေးချယ်ခဲ့သည်။ ပါတီညီလာခံရလာဒ်များအရ ပါတီဥက္ကဌ အဖြစ် ဦးသိန်းစိန် ၊ ဒုဥက္ကဌများအဖြစ် သူရဦးရွှေမန်း ၊ ဦးဌေးဦး ၊ သူရဦးအေးမြင့် ၊ ပါတီဗဟိုကော်မတီအတိုင်ပင်ခံအဖွဲ့ဝင်များအဖြစ် ဦးအောင်သောင်း ၊ ဦးတင်ထွဋ် ဦးစိုးသာ ၊ ပါတီဗဟိုအကြံပေးများအဖြစ် ဦးသောင်း ၊ ဦးလွန်းသီ ၊ ဦးမောင်ပါ ၊ ဒေါက်တာမြဦး ၊ အတွင်းရေးမှူးအဖွဲ့ဝင်များအဖြစ် ဦးခင်အောင်မြင့် ၊ ဦးသိန်းဆွေ ၊ သူရဦးအောင်ကို တို့အား တာဝန်အများအသီးသီးပေးအပ်ခဲ့ပြီး ပါတီဗဟို ကော်မတီ အထွေထွေအတွင်းရေးမှူးမှာ ပါတီ ဒုဥက္ကဌအဖြစ်ရွေးချယ်ခံရသဖြင့် ယင်းနေရာအား ရန်တိုင်းဒေသကြီး ပါတီတာဝန်ခံ ဦးမောင်မောင်သိမ်းအား ရွေးချယ်တာဝန်ပေးအပ်ခဲ့ကြောင်းသိရှိရသည်။

ကျောက်ဖြူ၊ ရမ်းဗြဲနှင့် တောင်ကုတ်မြို့နယ်များတွင် OIC အား ကန့်ကွက်ဆန္ဒထုတ်ဖော်မည်

ကျောက်ဖြူ၊ ရမ်းဗြဲနှင့် တောင်ကုတ်မြို့များတွင် OIC ရုံးဖွင့်လှစ်ခြင်းကို ထပ်မံဆန္ဒထုတ်ဖော်ရန်အတွက် ဒေသခံအာဏာပိုင်များက လူဦးရေ အကန့်အသတ်ဖြင့် ခွင့်ပြုလိုက်ပြီ ဖြစ်ကြောင်း သတင်းရရှိသည်။

ယင်းဆန္ဒပြပွဲကို အောက်တိုဘာလ(၂၀)ရက်နေ့ နေ့လည် (၂)နာရီမှ (၄)နာရီအထိ ပြုလုပ်မည်ဖြစ်ပြီး အာဏာပိုင်များက လူထုအင်အား (၂၀၀)ခန့်သာ ခွင့်ပြုထားကြောင်း သိရှိရသည်။

"အခု OIC ရုံးဖွင့်ခွင့်ကို အစိုးရက ခွင့်မပြုဘူးလို့ ရုပ်မြင်သံကြားမှာ ကြေငြာထားပေမယ့်။ OIC ကို တရားဝင်အကြောင်းကြားထားတွေမရှိသေးတဲ့အတွက် သူတို့ရုံးမစိုက်နိုင်တော့ဘူး ဆိုတဲ့ကိစ္စရပ်ဟာ ပြည်သူတွေအနေနဲ့ စိတ်မချရသေးတဲ့ အခြေအနေမှာဘဲရှိပါသေးတယ်။ ဒါကြောင့် ကျနော်တို့ ဆန္ဒထုတ်ဖော်ပွဲပြုလုပ်ဖို့ ကျောက်ဖြူ၊ ရမ်းဗြဲနဲ့ တောင်ကုတ်မြို့နယ်သုံးခုက လူငယ်တွေနဲ့ တခြားလူမှုအဖွဲ့အစည်းတွေ စုပေါင်းပြီးတော့ ဒေသအာဏာပိုင်တွေဆီ စာတင်ထားတာ၊ အခု လူဦးရေအကန့်အသတ်နဲ့ ခွင့်ပြုလိုက်ပါတယ်။"ဟု ကျောက်ဖြူမှ ဒေသခံတစ်ဦးက ပြောသည်။

ဒေသခံ အာဏာပိုင်များက လူဦးရေ (၂၀၀)ကန့်သတ်ထားသော်လည်း ဆန္ဒထုတ်ဖော်ပွဲသို့ ကျောက်ဖြူမြို့နယ် ကျေးရွာများမှလည်း လာရောက်ဆန္ဒထုတ်ဖော်လိုနေကြကြောင်း သိရှိရသည်။

ရခိုင်ပြည်အတွင်း ပဋိပက္ခများဖြစ်ပွားပြီးနောက် လူသားချင်းစာနာထောက်ထားသည့် အကူအညီပေးရန်အတွက် ရန်ကုန်နှင့် စစ်တွေမြို့တွင် လာရောက်ရုံးစိုက်မည့် OIC အနေဖြင့် သွေးရိုးသားရိုး အကူအညီပေးခြင်းမဟုတ်ဟု မြန်မာနိုင်ငံပြည်သူများအနေဖြင့် ယုံကြည်၍ ယခုကဲ့သို့ ဆန္ဒထုတ်ဖော်မှုများ ပြုလုပ်လာခဲ့ရာ အောက်တိုဘာလ(၁၅)ရက်နေ့က မြန်မာနိုင်ငံတ၀ှမ်း မြို့နယ်တော်တော်များများတွင် ကြီးမားသော ဆန္ဒထုတ်ဖော်ပွဲတစ်ရပ် ပြုလုပ်ခဲ့ကြပြီး ယခုလာမည့် စနေနေ့တွင်လည်း ကျောက်ဖြူ၊ ရမ်းဗြဲနှင့် တောင်ကုတ်မြို့တို့တွင် ဆန္ဒထုတ်ဖော်သွားမည် ဖြစ်သည်။

မူးယစ်ရာဇာ စိုင်းနော်ခမ်းအတွက် ဟောင်ကောင်ရှေ့နေ အမှုလိုက်ပေးမည်

တရုတ်နိုင်ငံ ခွန်းမင် (ကူမင်း) မြို့တရားရုံးရောက် ရွှေတြိဂံဒေသမူးယစ်ရာဇာအမည်ရ စိုင်းနော်ခမ်း အတွက် မိသားစုဝင်များက ဟောင်ကောင်မှရှေ့နေတဦးအား အမှုလိုက်ပေးရန်ငှားရမ်းလိုက်ကြောင်း နီးစပ်သူတဦးကပြောသည်။

တရုတ်နိုင်ငံ ခွန်းမင် (ကူမင်း) မြို့တရားရုံးရောက် စိုင်းနော်ခမ်း

“မိသားစုဝင်က ကြောက်လို့ထွက်ပြေးကြတယ်။ အဲတာကို ထွက်မပြေးဖို့၊ ရှေ့နေငှားပေးဖို့ နော်ခမ်းနဲ့ လုပ်ဖော်ကိုင်ဖက်တချို့ကပြောလာကြတယ်လေ။ ဒါကြောင့် ဒီလထဲမှာဘဲ ဟောင်ဟောင်က ရှေ့နေ တယောက်ကို ငှားပေးလိုက်ပြီ” ဟု မိသားစုနှင့်နီးစပ်သူတဦးက သျှမ်းသံတော်ဆင့် အားပြောပြသည်။

စိုင်းနော်ခမ်းအားကူမင်းတရားရုံး၌ စက်တင်ဘာ ၂၀ ရက် မှ ၂၁ ရက်ထိ စစ်ဆေးမေးမြန်းပြီး နောက် ပြစ်ဒဏ်စီရင်ချမှတ်ရန် တရုတ်အစိုးရက Collegiate Bench အထူးခုံရုံး ဖွဲ့ထားကြောင်း သိရှိရပါသည်။

“တရုတ်မှာ ဥပဒေ ဘယ်လိုရှိတယ်ဆိုတာ ကျနော်တို့ မသိရဘူး။ ဘယ်လိုဘဲဖြစ်ဖြစ် ကြီးသောအမှု ငယ်စေ၊ ငယ်သောအမှု ပပျောက်စေ ဖြစ်သွားအောင် သူ့ရဲ့မိသားစုလည်း တရုတ်ရှေ့နေရှာပြီးတတ် နိုင်သလောက် ကူညီသင့်တယ်” - ဟု ထိုင်းရှေ့နေတစ်ဦးက သျှမ်းသံတော်ဆင့်အား ပြောပြဖူးသည်။

မူးယစ်ရာဇာအမည်ရ ရွှေတြိဂံဒေသ၌ လှုပ်ရှားနေသော စိုင်းနော်ခမ်းအား ထိုင်းဒု-ဝန်ကြီးချုပ် က ဖမ်းမိန့်ကြေငြာပြီး မကြာခင် (ဧပြီ ၂၅ ရက် ၂၀၁၂ ) လောဝ်နိုင်ငံ အာဏာပိုင်များက ဖမ်းဆီးခဲ့သည်။ တရုတ်နိုင်ငံသို့ လွဲအပ်ပေးပြီးနောက် စက်တင်္ဘာ ၂၀-၂၂ ရက်နေ့အထိ ခွန်းမင် တရားရုံး၌ ရုံးတင် စစ်ဆေးခြင်းခံရသည်။

ရွှေတြိဂံဒေသအတွင်း စိုင်းနော်ခမ်း မရှိသော်လည်း လက်ကျန် တပည့်တပန်း(ဟောင်း) တစုက လက် နက်ကိုင်ကာ ပြန်လည်လှုပ်ရှားလာနေကြောင်း ဒေသခံများက ပြောသည်။

ရပ်ကွက်ထဲမှာ ဒီလိုပဲရှိတယ် (၂)

စကိတ်စီးလို့ရတဲ့ မိုက္ကရိုဆော့ဖ်ရဲ့ Tablet

နည်းပညာခောတ်မှာတော့ တနေ့တမျိုး မရိုးရအောင် ဖန်တီးမှုတွေက အံ့အားသင့်စရာပါ။

အခုလည်း မိုက္ကရိုဆော့ဖ် ကုမ္ပဏီက Window Sk8 လို့ ခေါ်တဲ့ Tablet ဟာ ဘယ်လို ခိုင်ခံ့တယ်ဆို တာ ပြသချင်လို့ စကိတ်ဘုတ်ပြားအဖြစ် ပြောင်းလဲ သုံးနိုင်တဲ့ Tablet အသစ်တမျိုးကို ရောင်းချပေးပါတော့ မယ်။

လာမယ့် အောက်တိုဘာ ၂၆ ရက်နေ့မှာ စတာလင်ပေါင် ၃၉၉ တန်ဘိုးနှုန်းလောက်နဲ့ ရနိုင်တော့မှာ ဖြစ် တယ်လို့ အောက်တိုဘာလ ၁၇ ရက်နေ့ The Sun သတင်းစာအွန်လိုင်းမှာ ဖော်ပြထားပါတယ်။

အခု Tablet မျက်နှာပြင်က ၁၀.၈ လက်မ ရှိပါတယ်။ မိုက်ခရိုဆော့ဖ်က သူတို့ပစ္စည်း ဘယ်လို အကြမ်းခံ တယ်ဆိုတာကို ကုမ္ပဏီရဲ့ Window အကြီးအကဲဖြစ်တဲ့ Steven Sinofsky က သူကိုယ်တိုင် Tablet ကို စကိတ်ပြားလို လုပ်စီးပြထားတဲ့ ဓာတ်ပုံကို Twitter ကနေ တင်ပြလိုက်ပါတယ်။

ပုံမှာမြင်ရတဲ့အတိုင်း Tablet ကို ဘီးတွေတပ်၊ စကိတ်ဘုတ်ပြားလို လုပ်ပြီး မိုက်ခရိုဆော့ဖ် ရုံးချုပ် အပြင် ဘက်မှာ စီးနေတုန်း ရိုက်ထားတဲ့ ဓာတ်ပုံကို သူက တွိ ( Tweet) ပြထားတာပါ။

Tablet ကာဗာကို တိုက်တေနီယမ်နဲ့ မဂ္ဂနီဆီယမ် သတ္တုစပ်နဲ့ လုပ်ထားပြီး မျက်နှာပြင်ကိုတော့ Gorilla Glass 2.0 ကို သုံးထားပါတယ်။

မြန်မာ့ဆက်သွယ်ရေးက ADSL တပ်ဆင်ခနှင့် လစဉ်ကြေးများ လျော့ချမည်

ဘိလပ်မြေ စက်ရုံ ကုမ္ပဏီ ကရင် ဒေသခံများ ကန့်ကွက်

လှိုင်းကလေးတောင် (ဓာတ်ပုံ – ဧရာဝတီ)

ကရင်ပြည်နယ် ဘားအံခရိုင် ကော့ရင်းအောက် ကျေးရွာအုပ်စုရှိ တောင်နှစ်တောင်ကို ဖြိ်ု၍ ထုံးကျောက်မှုန့်များ ထုတ်ယူပြီး ဘိလပ် မြေ စက်ရုံ ဆောက်မည့် ပုဂ္ဂလိက ကုမ္ပဏီအား ဒေသခံများက ကန့်ကွက်နေကြကြောင်း သတင်းရရှိသည်။

ဘိလပ်မြေ စက်ရုံ ဆောက်မည့် စိုးနိုင်ဖြိုး ကုမ္ပဏီ၏ လုပ်ကွက် ဧရိယာ ၃၂၀ ဧက တွင် လေထိတောင်၊ လှိုင်းကလေးတောင်၊ ဒေ သခံရွာ ၆ ရွာ၊ သာသနိက မြေနေရာများနှင့် လယ်မြေ အင်းအိုင်များ ပါဝင်နေကြောင်း ကန့်ကွက်မှုအား ဦးဆောင်နေသော ကော့ ရင်း အောက် ကျေးရွာ အုပ်စု မရင်းကုန်း ကျေးရွာကျောင်းတိုက် ဆရာတော် ဥူးဝီရိယ က ပြောသည်။

“စက်ရုံက တရားဝင်ပြောတာကတော့ ဧက ၃၂၀ ဆိုပေမယ့် တကယ်ထည့်တွက်ရင် ဖုန်းဆိုးမြေတွေ အပါအ၀င်ဆိုရင် ဧက ၈၀၀ လောက် ရှိတယ်။ အခုထိကို စက်ရုံဘက်က လူတွေက ဒေသခံတွေနဲ့ လာမညှိဘဲနဲ့ သူတို့လာချင် သလိုလာ၊ လုပ်ခြင်သလို လုပ်နေ တယ်”ဟု ဆရာတော် က ဆိုသည်။

ထုံးကျောက် ထုတ်ယူရန် စီစဉ်ထားသော တောင်များနှင့် ဒေသခံများ၏ ရွာများက အလွန်နီးကပ်ကြောင်း၊ ယင်းတောင်များ အပေါ်ကနေ ဒေသအတွက် လိုအပ်သော ထင်း၊ ၀ါးများ ခုတ်ယူ သုံးစွဲနေရခြင်းနှင့် အင်းများကနေ အသား၊ ငါးများ ရှာဖွေစားသောက် နေ ကြောင်းနှင့် လယ်မြေများတွင်လည်း စိုက်ခင်းများ စိုက်ပျိုးထားပြီး ဖြစ်သောကြောင့် ယခု စက်ရုံ ဆောက်မည့် စီမံကိန်းအား ကန့်ကွက် ရခြင်းဖြစ်ကြောင်း သိရသည်။

လက်ရှိကာလ၌ ပထမဆုံးအကြိမ် အဖြစ် ဒေသခံ အင်အား ၆၀၀ ခန့်က လတ်မှတ်ထိုးပြီး ကရင်ပြည်နယ်ဝန်ကြီးချူပ် နှင့် ခရိုင် အုပ်ချူပ်ရေးဌာနသို့ အသနားခံစာများ တင်ထားကြောင်းနှင့် ပြည်သူ့လွတ်တော် ကိုယ်စားလှယ် ဒေါ်နန်းစေးဝါ နှင့် အမျိုးသား ဒီမိုကရေစီ အဖွဲ့ချူပ်(ဘားအံမြို့) တို့က ဒေသခံများအား အကူအညီ ပေးနေသည်။

ယခုလ ၂ရက်နေ့က ဘားအံ ခရိုင် အထွေထွေ အုပ်ချူပ်ရေးဌာနကနေ ကေ့ာရင်းအောက်ကျေးရွာ အုပ်ချူပ်ရေးမှူး ထံသို့ ယင်း ဒေသ တွင် စိုးနိုင်ဖြိုး ကုမ္ပဏီကနေ ထုံးကျောက် ကုန်ကြမ်း ထုတ်ယူမည်ဖြစ်ကြောင်း အကြောင်းကြားစာများ ပို့ခဲ့သည်။

“ကုမ္ပဏီက ပထမ ဆင့်အနေနဲ့ မြေစာရင်းပုံစံ(၁၀၅)လျှောက်ထားတယ်၊ ဒေသခံတွေဘက်က ပြင်းပြင်းထန်ထန် ကန့်ကွက်မှုတွေဖြစ်နေတာ ဟုတ်ပါတယ်။ ဒါကြောင့် ပြန်လည်စဉ်းစားကြဖို့အတွက် ကုမ္ပဏီနဲ့ဒေသခံတွေကို တွေ့ဆုံပြီး ညှိပေးဖို့ကို လတ်တလော ကုမ္ပဏီက ဘားအံမှာ မရှိဘူးဖြစ်နေတယ်”ဟု ဘားအံခရိုင် အထွေထွေအုပ်ချူပ်ရေး ဦးစီးဌာနမှ ဦးစီးအရာရှိ ဦးဖြိုးမြင့်ဝေ က ပြော သည်။

ယင်းကျေးရွာအုပ်စုများ အနီးတွင်လည်း မြန်မာ့စီးပွားရေး ဦးပိုင်လိမိတက် ပိုင်ဆိုင်သော ဘိလပ်မြေစက်ရုံ နှစ်ရုံရှိကြောင်း၊ ယင်း စက်ရုံနှစ်ရုံက ဒေသခံတို့၏ လယ်မြေများအတွင်း မြေကြီးများအား မြေတူးစက်များဖြင့် မကြာခဏ လာရောက်တူးယူသဖြင့် ချိုင့်ဝှမ်း များဖြစ်ပြီး စိုက်ပျိုးရေးလုပ်ရာတွင် အခက်ခဲဖြစ်နေရကြောင်း သိရသည်။

စိုးနိုင်ဖြိုး ကုမ္ပဏီမှ တာဝန်ရှိသူတဦးက စက်ရုံဆောက်ရန်ကာလကို ၁၈ လ သတ်မှတ်ထားကြောင်း၊ ပြီးစီးသွားပါက ဒေသခံ ၅၅၀ ခန့် အလုပ်အကိုင်များ ရရှိမည် ဖြစ်ကြောင်း၊ တရက်လျှင် ဘိလပ်မြေ တန်ချိန် ၅၀၀၀ ထုတ်ယူနိုင်ကြောင်း နှင့် ထုံးကျောက် ထုတ် ရန် အတွက် တောင်များအား မိုင်းခွဲပါကလည်း အခြားလုပ်ငန်းခွင်များ ထက် အသံဆူညံမှု နည်းရန် နည်းပညာအသစ်များဖြင့် ပြုလုပ် သွားမည်ဖြစ်ကြောင်း ပြောသည်။

သို့သော် ကရင်ပြည်နယ် မြေယာ စုံစမ်းရေး ကော်မတီအဖွဲ့ဝင် ပြည်သူ့လွှတ်တော်ကိုယ်စားလှယ် ဒေါ်နန်းစေးဝါ ကမူ ယခင်က ဒေ သခံများ အလုပ်အကိုင် ရရှိမည်ဟု ပြောခဲ့ပြီး အမှန်တကယ်တွင် အလုပ်ရရှိမှု နည်းနေကြောင်း၊ လူစိမ်းများ ၀င်လာခြင်းကြောင့် လူမှုရေးနှင့် အကျင့် စာရိတ္တပိုင်းဆိုင်ရာ ထိခိုက်ပျက်စီးစေသည့် လုပ်ငန်းများ ရှိလာကြောင်း ပြောဆိုသည်။

KNU အရေးပေါ် ဗဟိုကော်မီတီ အစည်းအဝေး ကျင်းပမည်

ကရင် အမျိုးသား အစည်းအရုံး (KNU) သည် လာမည့် အောက်တိုဘာလ (၂၂) ရက်နေ့ ဝန်းကျင်၌ တပ်မဟာ (၇) ဌာနချုပ် စခန်းတွင် အရေးပေါ် ဗဟိုကော်မီတီ အစည်းအဝေး ကျင်းပဖွယ် ရှိကြောင်း ဗဟို ကော်မီတီဝင် တဦးဖြစ်သူ ဘားအံခရိုင် ဥက္ကဋ္ဌ ပဒို အောင်မောင်အေးမှ ပြောပါသည်။

“သတင်းတွေ အရတော့ ကျွှန်တော်တို့ အောက်တိုဘာ (၂၂) ရက်နဲ့ (၂၃) ဝန်းကျင် လောက်မှာ ပေါ့နော် လုပ်ဖြစ် မှာပါ။ ဒီကြားထဲမှာ အချင်းချင်း ရင်ကြားစေ့ရေး အစည်းအဝေး လိုမျိုးတော့ အရင်ထိုင်မယ်၊ ပြီးမှ တရားဝင် မျက်နှာစုံ ညီ ဗဟို ကော်မီတီ အစည်းအဝေးကို ထိုင်ကြမှာပါ” ဟု ဆိုပါသည်။

ယခုကဲ့သို့ အရေးပေါ် ဗဟိုကော်မီတီ အစည်းဝေး ကျင်းပရခြင်းသည် ပြီးခဲ့သည့် စက်တင်ဘာလအတွင်း ဘားအံမြို့၌ ဖွင့်လှစ်ခဲ့သော ကေအဲန်ယူ၏ ဗဟို ဆက်သွယ်ရေးရုံး ဖွင့်ပွဲ ကိစ္စနှင့် ပတ်သက်၍ စစ်ဦးစီးချုပ် ဦးဆောင်သည့် ကိုယ်စားလှယ် အဖွဲ့နှင့် ဗဟို အထွေထွေ အတွင်းရေးမှူး အဖွဲ့တို့အကြား သဘောထား တင်းမာမှု ဖြစ်ခဲ့ရာက စတင်ခြင်း ဖြစ်ပါသည်။

ဗိုလ်ချုပ်ကြီး မူတူးဆေးဖိုး၊ ဗိုလ်မှူးချုပ်ဂျော်နီ၊ ပဒိုရောဂျာခင်၊ ပဒိုဒေးဗစ်ထော (ဓါတ်ပုံ KNU)

နောက်ဆုံး၌ KNU ထိပ်တန်း ခေါင်းဆောင် သုံးဦး ဖြစ်သည့် KNLA စစ်ဦးစီးချုပ် ဗိုလ်ချုပ်ကြီး မူတူးဆေးဖိုး၊ အတွင်း ရေးမှူး (၂) စောဒေးဗစ်ထော၊ လူမှုဝန်ထမ်းနှင့် ကယ်ဆယ်ရေး ဌာန တာဝန်ခံ ပဒို ရောဂျာခင်တို့အား အဖွဲ့မှ ထုတ်ပယ် လိုက်ပါသည်။

ဤကိစ္စကြောင့် ဗိုလ်ချုပ်ကြီး မူတူးဆေးဖိုးသည် မိမိ၏ လုပ်ရပ် မှန်ကန်သည်ဟု သက်သေပြရန် မြဝတီ မြို့၌ သတင်း စာ ရှင်းလင်းပွဲ တစ်ရပ် ပြုလုပ်ပြီး ဖြေရှင်းရန် ဖြစ်လာခဲ့ပါသည်။ သို့သော် ကရင်ပြည်သူ တို့၏ ၀ိုင်းဝန်း ဖိအားပေးမှု ကြောင့် သတင်းစာ ရှင်းလင်းပွဲ အစီအစဉ်ကို ဖျက်သိမ်းပြီး အရေးပေါ်ဗဟို ကော်မီတီ ခေါ်ယူရေး ဖြစ်လာခဲ့ပါသည်။

ဤဗဟို ကော်မီတီ အစည်းအဝေးမှ ကေအဲန်ယူ၏ (၁၅) ကြိမ်မြောက် ကွန်ဂရက် ကျင်းပ နိုင်ရေးကို အဆိုပြု ကြမည်ဖြစ် သည်ဟု ဆိုပါသည်။ KNU အဖွဲ့ထဲတွင် လက်ရှိ၌ ဗဟိုကော်မီတီ (၃၀) ဦး အရန် ဗဟို ကော်မီတီ (၁၅) ဦးနှင့် ဗဟို အလုပ် အမှုဆောင် ကော်မီတီ (၁၁) ဦး ရှိပါသည်။ KNU တွင် တပ်မဟာ (၇) ခု ရှိပြီး တပ်မ ဟာ (၂) နှင့် တပ်မဟာ (၅) တို့မှာ အတွင်းရေးမှူးတို့ အဖွဲ့အား ထောက်ခံကြပြီး တပ်မဟာ (၁) (၃) (၄) (၆) (၇) မှာ စစ်ဦးစီးချုပ်အား ထောက်ခံသည့် အင်အားစုများ ဖြစ်သည်ဟု ကေအဲန်ယူ တပ်တွင်း သတင်းများက ဆိုပါသည်။

ဂက်စ်ပိုက်လိုင်း နှင့် စစ်ကြောင်းများကြောင့် တောင်သူများလုပ်ငန်းအခက်တွေ့

သျှမ်းပြည်မြောက်ပိုင်း ရေနံနှင့် ဂက်စ်ပိုက်လိုင်းဖြတ်သန်းရာ နမ္မတူမြို့နယ်အတွင်း စစ်ရေးမငြိမ်သက်မှု ကြောင့် ဘိန်းခြံအပါအဝင် လယ်ယာခြံမြေ လုပ်ကိုင်မှု ခေတ္တရပ်ဆိုင်းထားရကြောင်း သျှမ်းပြည်မြောက်ပိုင်း သတင်း ရပ်ကွက်က ဆိုပါသည်။

“ဘိန်းခြံရော၊ တခြားသီးနှံစိုက်ပျိုးရေးခြံတွေကိုရော ခဏရပ်ထားကြရတယ်။ စစ်မြေပြင်ဘက်က ခြံတွေဆို ရင်လဲ ဒေသခံတွေက ခြံမဆင်းရဲဘူး။ ဒီဖက် ပိုက်လိုင်းဖြတ်တဲ့ဘက်မှာကျတော့ မိုးရွာလို့ မြေစာပုံတွေ ပြိုတယ်။ ဒါလဲ သီးနှံတွေပျက်စီးတယ်။ လုပ်လို့မရဘူး။ ရပ်ထားကြရတယ်” ဟု နမ္မတူဒေသခံ စိုင်းနုက ပြောသည်။

မန့်တုန့်မြို့နယ် နမ့်ဟိုင်းနှင့်မုံးဝီးကြား၊ နမ္မတူမြို့နယ်နှင့်သီပေါမြို့ နယ်ကြား၊ မန်တုံမြို့နယ် နှင့် သီပေါမြို့နယ်ကြားရှိ လယ်ယာမြေများအတွင်း ဂက်စ်ပိုက်လိုင်းသွယ်တန်းထားသည့် နေရာရှိ မြေစာပုံများ သည် မိုးသည်းထန်စွာ ရွာသွန်းမှုကြောင့် ပျက်စီးကုန်သည့်အတွက် လယ်ယာမြေစိုက်ပျိုးမှု ခေတ္တရပ်ဆိုင်း ထားရကြောင်း၊ သီးနှံရင့်သီးပြီဖြစ်သဖြင့် အချို့ လယ်မြေများ၌ သီးနှံကောက်ရန် အဆင်မပြေ ဆုံးရှုံးမှုများ လည်း များပြားကြောင်း၊ ထို့ပြင်ဂက်စ်ပိုက်လိုင်း လုံခြုံရေးတပ်ဖွဲ့များနှင့် နယ်မြေခံ တိုင်းရင်းသားလက် နက်ကိုင် တပ်ဖွဲ့များ အပြိုင်စစ်ရေးလှုပ်ရှားမှုကြောင့် လုပ်ငန်းအခက်အခဲကြုံတွေ့ရကြောင်း ဒေသခံများက ဆိုသည်။

“တချို့နေရာမှာလည်း လျော်ကြေးမရလို့ဗျာ။ ခြံတွေက ဆက်မလုပ်နိုင်သေးဘဲ ရပ်ထားရတယ်။ ပါးစပ်ကဘဲ ပေးမယ်ပြောတာလေ။ လက်က မလာဘူးဖြစ်နေတယ်” - ဟု ဒေသခံ စိုင်းခမ်းညိုကပြောသည်။

နမ္မတူမြို့နယ် ဒေသခံများ၏စိုက်ပျိုးခြံမြေများအတွင်းဖြတ်သန်းသော ဂက်စ်ပိုက်လိုင်း

အလားတူ တောင်ကြောတလျှောက်ရှိ ဘိန်းခြံအများစုမှာလည်း အစိုးရတပ်နှင့် တိုင်းရင်းသားတပ်ဖွဲ့တို့ အကြား တိုက်ပွဲများ၊ လှုပ်ရှားစစ်ကြောင်းများကြောင့် ခြံလုပ်သားများအလုပ်မဆင်းရဲကြကြောင်း နမ္မတူဒေသခံ နောက် တဦးကပြောသည်။

လွယ်မောတောင်၊ ခမောက်တောင်ကြောတလျှောက်၌ ဘိန်းခြံလုပ်သားတယောက်အတွက် ထမင်း ၃ နပ် နှင့် အတူ လုပ်အားခ တရက် ၃၀၀၀ ပေးကြောင်း၊ ဘိန်းခြစ်သည့်ရာသီတွင် ပိုက်ဆံမယူပါက ဘိန်းစိမ်း ၁ မတ်သား (တကျပ်သား၏ ၄ ပုံတပုံ) ပေးကြောင်း ဘိန်းခြံလုပ်ငန်းရှင်တရုတ်အမျိုးသားတဦးကပြောပါသည်။

၃၂ ခုမြှောက် NLD ရုံး ရခိုင်က ချင်းကျေးရွာတွင် ဖွင့်လှစ်

တာရဲ ကျေးရွာသည် အိမ်ခြေ ၃၅၀ ခန့်ရှိပြီး တောင်ကုတ်မြို့ အရှေ့ဖက် တောင်ကုတ် ချောင်းဖျားတွင် တည်ရှိသည်။ ယခုကဲ့သို့ ချင်းတိုင်းရင်းသား ကျေးရွာ တစ်ခုတွင် NLD ရုံးကို ပထမဆုံး အကြိမ် ဖွင့်လှစ်နိုင်ခဲ့သဖြင့် မြန်မာ တိုင်းရင်းသားများ အကြား ချစ်ကြည် ရင်းနှီးမူကို ပိုမို ရရှိစေသည်ဟု တောင်ကုတ်မြို့နယ် ကော်မရှင် ဥက္ကဌ ဦးစိုးချစ်မောင်က နိရဉ္စရာသို့ ပြောသည်။

ချင်းတိုင်းရင်းသားကျေးရွာတွင် NLD ရုံးဖွင့်လှစ်ရသည့် ရည်ရွယ်ချက်နှင့်ပတ်သက်ပြီး ကိုယ်တိုင်သွားရောက် ဖွင့်လှစ်ပေးခဲ့သော ဥက္ကဌ ဦးစောချစ်မောင်က ခုလို ဆက်ပြောသည်။

“ ကျွန်တော်တို့ အခုလို ချင်းတိုင်းရင်းသားတွေ နေထိုင်တဲ့ ကျေးရွာမှာ NLD ရုံးဖွင့်ရတာက တိုင်းရင်း သားတွေ အားလုံး ရခိုင်၊ ချင်း၊ ဗမာ စုပေါင်းပြီး လက်တွဲညီညီ လုပ်ကိုင်ဆောင်ရွက်သွားဖို့၊ လူနေမှု နိမ့်ကျလှတဲ့ ချင်းတိုင်း ရင်းသားတွေရဲ့ဘ၀ကို ညီအစ်ကိုရင်းပမာ ကူညီလက်တွဲပြီး ဒီမိုကရေစီ စနစ်ကို အကောင်အထည်ဖေါ် ဆောင် ရွက်သွားဖို့ ရည်ရွယ်ချက်နဲ့ ဖွင့်လှစ်ခဲ့တာ ဖြစ်ပါတယ်” ဟု ဆိုသည်။

အမျိုးသားဒီမိုကရေစီအဖွဲ့ချုပ် NLD အနေဖြင့် သူတို့ ရွာသို့ လာရောက် ရုံးဖွင့်သည့် အတွက် လှိုက်လှဲစွာ ကြိုဆိုကြောင်း ချင်းတိုင်းရင်းသား တစ်ဦးဖြစ်သူ ဦးထွန်းရင်က နိရဉ္စရာသို့ ပြောသည်။

“ ကျွန်တော်တို့ လှိုက်လှဲစွာကြိုဆိုပါတယ်။ အမျိုးသားဒီမိုကရေစီအဖွဲ့ချုပ်အနေနဲ့ ခုလို တိုင်းရင်း သားတွေ အပေါ် မှာ ထားရှိတဲ့ မူဝါဒတွေနဲ့ ဒေါ်အောင်ဆန်းစုကြည်ရဲ့ ဒုတိယ ပင်လုံ စိတ်ဓါတ်ကို သဘောကျတဲ့အတွက် ကျွန် တော်တို့ ချင်းတိုင်းရင်းသားတွေကို ကြိုဆို လက်ခံကြပါတယ်။ ဒါကြောင့် ၂၀၁၅ မှာ ကျင်းပမည့် ရွေးကောက် ပွဲမှာလဲ ရာနှုန်းပြည့် NLD ကို မဲပေးဖို့လဲ ကျွန်တော်တို့ ဆန္ဒရှိကြပါတယ်။”

ရုံးဖွင့်ပွဲနှင့် ဆိုင်းဘုတ်တင်ပွဲ အခမ်းအနားကိ်ု တောင်ကုတ်မြို့နယ် ကော်မရှင်ဥက္ကဌ ဦးစိုးချစ်မောင်၊ ရခိုင်ပြည် နယ် ကော်မရှင်အဖွဲ့ဝင်များ ဖြစ်ကြသည့် ကိုမောင်ဖြူနှင့် မအေးအေးနိုင်တို့ တက်ရောက် ဖွင့်လှစ်ခဲ့သည်။

တိုင်းရင်းသား အချင်းချင်း ချစ်ခင်အားကိုးမှု ပိုမိုတိုးတက် ကောင်းမွန်လာအောင် နောက်ထပ် ချင်းတိုင်းရင်းသား ကျေးရွာများတွင်လည်း ရုံးများ ဆက်လက် ဖွင့်လှစ်သွားမည်ဟု ဦးစိုးချစ်မောင်က ပြောသည်။

ရုံးဖွင့်ပွဲ အခမ်းအနားကို ဒေသခံ ချင်းတိုင်းရင်းသား ၅၀၀ ခန့်တက်ရောက်ခဲ့ပြီး တက်ရောက်သူများကို ချင်းရိုးရာ ၀က်သားဆန်ကောသုတ်နှင့် တည်ခင်းဧည့်ခံခဲ့သည်။

အမျိုးသားဒီမိုကရေစီအဖွဲ့ချုပ် NLD ရုံးများကို တောင်ကုတ်မြို့နယ်အတွင်း ကျေးရွာအနှံ့ ဖွင့်လှစ်ထားခဲ့ရာ ဖွင့်လှစ်ပြီးသော ကျေးရွာများမှာ ဆားပြင်ကျေးရွာ၊ ကျော်ကိုင်းကျေးရွာ၊ ဘူးရွှေ မော်ကျေးရွာ၊ ကုလရောင် ကျေး ရွာ၊ ပန်းထော်ကျွန်းရွာ၊ နတ်ကန်ရွာ၊ ငရုတ်တောင်ရွာ၊ မောင်းကျေးရွာ၊ နတ် မော်ကျေးရွာ၊ ခရိုင်ကျေးရွာ၊ ကင်း တောင်ရွာ၊ ဆင်တောင် စံပြကျေးရွာ၊ မအီမြို့နှင့် တောင်ကုတ်မြို့အတွင်းရှိ ချောင်းကောက်ရပ်ကွက်များတွင် ဖွင့်လှစ်ထားခဲ့ပြီဖြစ်ကြောင်း သိရသည်။

အမျိုးသားဒီမိုကရေစီအဖွဲ့ချုပ် မြို့နယ်ရုံးများ ရခိုင်ပြည်နယ်အတွင်းရှိ ဂွ၊ သံတွဲ၊ တောင်ကုတ်၊ ရမ်းဗြဲ၊ ကျောက်ဖြူ၊ မာန်အောင်၊ မြေပုံ၊ မင်းပြား၊ ရသေ့တောင်နှင့် စစ်တွေမြို့များတွင် ဖွင့်လှစ်ထားပြီ ဖြစ်ကြောင်း သိရှိရသည်။

KIA ဌာနချုပ်နယ်မြေတွင်း အစိုးရတပ်နှင့် တိုက်ပွဲဖြစ်ပွားနေ

ကချင်လွတ်မြောက်ရေးတပ်ဖွဲ့ (KIA) ဌာနချုပ်နယ်မြေ KIA တပ်မဟာ (၅)နယ်မြေတွင် အစိုးရတပ်များနှင့် ၁၇.၁၀.၂၀၁၂ နေ့လည် ၁၂ နာရီချိန်မှ စ၍ နှစ်ဖက်တိုက်ပွဲများဖြစ်ပွားနေသည်။

KIA တပ်မဟာ (၅) လက်အောက်ခံ တပ်ရင်း (၂၄) နှင့် မြန်မာအစိုးရ ခြေမြန်တပ်ရင်း ခမရ (၃၂၀၊ ၃၈၇) နှင့် ခြေလျင်တပ်ရင်း ခလရ (၁၄၂) တပ်ဖွဲ့တို့ ဒေါ့ဖုန်းယန်မြို့ အနီးရှိ တိန်းကျန့် (Ting Jang) ရွာတွင် ပစ်ခတ်တိုက်ခိုက်နေခြင်းဖြစ်ကြောင်း ရှေ့တန်းမှ အရာရှိတဦးက KNG ကချင်သတင်းဌာနသို့ပြောသည်။

“ခုတိုက်နေကြတယ်။ ဘယ်နှစ်ယောက်သေတယ် မသိသေးဘူး။ ကျနော်တို့ဘက်ကတော့ ဘာမှမဖြစ်ဘူး။”

ဒေါ့ဖုန်းယန်မြို့ အရှေ့ဘက်ရှိ ဘွမ်ဆောန်ဘွမ် (Bum Sawn Bum) တပ်စခန်းသို့ ရိက္ခာလာပို့သော မြန်မာအစိုးရတပ်ဖွဲ့ အင်အား ၇၀ ကျော်နှင့် ဖြစ်ပွားနေခြင်းဖြစ်ကြောင်းသိရသည်။

တိုက်ပွဲများဖြစ်ပွားမှုကြောင့် တိန်းကျန့် (Ting Jang) ကျေးရွာရှိ ဒေသခံများ KIA ဌာနချုပ် တည်ရှိရာ လိုင်ဇာမြို့ ဒုက္ခသည်စခန်းသို့ ထွက်ပြေးခိုလှုံလျက်ရှိကြောင်းသိရသည်။

ထို့အပြင် ဒေါ့ဖုန်းယန် အခြေစိုက် မြန်မာအစိုးရတပ် ခလရ (၁၄၂) သည်လည်း KIA တပ်ဖွဲ့ဝင်များ စခန်းချထားရာသို့ (၁၂၀) မမ လက်နက်ကြီး များဖြင့် ပစ်ခတ် နေကြောင်းသိရသည်။

“၂ နာရီခြားပစ်နေတယ်။ မနေ့ည ၉ နာရီကနေ ဒီမနက် ၃ နာရီထိ ပစ်နေတယ်။”

ယနေ့ နံနက် ၂ နာရီချိန်ကလည်း တိန်းကျန့် (Ting Jang) ရွာမှ ၅ မိုင်အကွာရှိ မန်ဆိုင်း (Man Sai) ရှမ်းရွာတွင် မြန်မာ အစိုးရတပ်ပေါင်းစုနှင့် KIA တပ်မဟာ (၅) တပ်ရင်း (၂၄) သို့ ပစ်ခတ်တိုက်ခိုက် ခဲ့ကြောင်း သိရသည်။

KIA က ပျောက်ကြားစနစ်ဖြင့် တိုက်ခိုက်နေပြီး နှစ်ဖက်တပ်မှ သေဆုံးဒဏ်ရာရရှိမှုကို အသိအကျ မသိသေးကြောင်း ရှေ့တန်းမှ အရာရှိဆိုသည်။

မြန်မာအစိုးရသည် ကချင်လွတ်မြောက်ရေးတပ်ဖွဲ့ (KIO)အား ငြိမ်းချမ်းရေးဆွေးနွေးရန် မကြာသေးခင်က ကမ်းလှမ်းထားခြင်းဖြစ်သော်လည်း ကချင်ပြည်နယ် နေရာ အနှံ့တွင် တိုက်ပွဲများ နေ့စဉ် ဖြစ်ပွားနေပြီး တင်းမာမှုများဆက်လက်ဖြစ်ပွားနေသည်။