စက်မှုဝန်ကြီးဌာန (နေပြည်တော်ရုံးချုပ်) ၀န်ထမ်းများ ရာထူးတိုးမြှင့်ရေးနှင့် ပတ်သက်ပြီး ဌာနတွင်း မကျေမနပ်မှုများ ဖြစ်ပေါ်နေ

စက်မှုဝန်ကြီးဌာန နေပြည်တော်ရုံးချုပ်တွင် တာဝန်ထမ်းဆောင်နေသော ၀န်ထမ်းများ ရာထူးတိုးမြှင့်ရေးနှင့် ပတ်သက်ပြီး ဌာနမှ ၀န်ထမ်းရွေးချယ်ရေးအဖွဲ့သို့ (၄၈) ဦးစာရင်းတင်ပြလိုက်ပါတယ်။

၎င်း (၄၈)ဦးထဲတွင် ဌာနအတွက် အနစ်နာခံဆောင်ရွက်သူများနှင့် စီနီယာဝန်ထမ်းများကို ချန်ထားခဲ့ပြီး၊ လူကြီးနားနေသူများ၊ အရှာရှိထမင်းခူးပေး၊ လက်ဖက်ရည်ဖျော်ပေးသူများနှင့် နီးစပ်သူတွေကိုသာ ဦးစားပေးရွေးချယ်လိုက်ပါတယ်လို့ ဌာနတွင်း သတင်းများအရ သိရပါသည်။

တစ်ချို့မှာ လုပ်သက် (၆) နှစ်ကျော်နှင့်ရွေးချယ်ခံခဲ့ရပြီး လုပ်သက် (၃၀) ကျော် စီနီယာသမားများမှာ ချန်ထားခံခဲ့ရသည့်အတွက် မကျေမနပ်ဖြစ်နေကြပါတယ်။ ၀န်ထမ်းများမျှော်လင့်ထားသည့်က ရွေးချယ်သည့်အထဲတွင် တကယ့်ပါသင့်ပါထိုက်သူများ ပါဝင်မယ်လို့များစွာ မျှော်လင့်ခဲ့ကြပါတယ်။ တကယ်တမ်း စာရင်းတင်ပို့သည့်အခါကျမှ ၎င်းတို့အမည်များပါမလာကြောင်းသိရပြီး မကျေမနပ်ဖြစ်နေကြပါတယ်။

၎င်းတို့ မကျေမနပ်ဖြစ်နေသည်ကို သိသောကြောင့် (၄၈) ဦးစာရင်းတင်ပြသော အသက်(၄၆)နှစ်အောက်သာရွေးချယ်ကြောင်း သတင်းလွှင့်ထားပါတယ်။ တစ်ချို့ဝန်ထမ်းများမှာ နေပြည်တော်ရုံးချုပ်သို့ ရောက်ရှိလာသည်မှာ မကြာသေးပဲ ရုံးချုပ်လုပ်ငန်းများကို နားမလည်သေးပဲ ရုံးချုပ်လုပ်ငန်းများကို ကျွမ်းကျင်စွာလုပ်ဆောင်နေသူများထက် ဦးစားပေးရွေးချယ်ခဲ့ခြင်းကြောင့် အံ့သြရကြောင်း၊ ၎င်းတို့မှာတော့ ရာထူးတိုးမြင့်ရေးအတွက် ဒုဝန်ကြီးကိုယ်တိုင် လူတွေ့စစ်ဆေးမည်ဆိုသောကြောင့် လုပ်ငန်းနှင့် ပတ်သက်ပြီး ကြိုတင်ပြင်ဆင်ခဲ့ရသည့်အတွက် စိတ်ပန်လူပန်း ဖြစ်ခဲ့ကြပါတယ်။

တကယ်တမ်းလူတွေ့စစ်ဆေးမေးမြန်းသောအခါ အလုပ်အကိုင်နှင့်ပတ်သက်သောကိစ္စများကို အနည်းငယ်သာမေးပြီး၊ ဘယ်လိုဟင်းချက်တတ်လဲ?ကြက်သားဟင်းချက်တတ်လားစသည့်လုပ်ငန်းနှင့်မဆိုင် သော မေးခွန်းများသာဖြေဆိုနေ ရကြောင်းသိရှိရပါသည်။

ရွေးချယ်ရေးနှင့် ပတ်သက်ပြီး နိုင်ငံတော်သမ္မတနှင့် သက်ဆိုင်ရာများသို့ တိုင်ကြားမည် ဖြစ်ကြောင်း ၎င်းတိုင်းကြားမှုအတွက်လည်း ဌာနအရာရှိမှ မကျေနပ်လို့ ပို့ချင်တဲ့နေရာပို့ သွားနိုင်လျှင်သွားမည်၊ မသွားနိုင်လျှင်ထွက်စာတင် နှုတ်ထွက်မယ်၊ အကြောင်းရှာ၍ အလုပ်ဖြုတ်လျှင်လည်း အလုပ်ဖြုတ်ခံပြီး မှန်မှန်ကန်ကန် ဆောင်ရွက်ပေးရန်တောင်ဆိုမည်ဖြစ်ကြောင်း နောက်ဆုံးသိရှိရပါသည်။

Anomymous အမည်ဖြင့် မူရင်း Website မှာ အခုလို Comment ရေးသွားတာတွေ့ရပါတယ်။

``လေးမိမိစိုးဆိုရင်ခိုးလဲခိုးသေး။ပြည်သူကိုရောင်းမဲ့ချယ်ရီကား(၂)စီးကိုလဲတိုက်လိုက်သေးတယ်။လုပ်သက်(၆)နှစ်နဲ့AGMဖြစ်သွားတယ်။လူကြီးကဘာကိုကြိုက်လဲတော့မသိဘူး။ဒါတောင်မှ သူက DGM ရာထူး မှန်းနေသေး တယ်နော်။ ဟေမွန်ဆိုရင်လဲ အရင်ဝန်ကြီးက သူ.အနားခေါ်ထားပြီး ရာထူးတိုးပေးထားတယ်။´´

မူရင်း
ဒေါင်းမာန်ဟုန် Website မှ
ကိုခင်မောင်ဝင်း (Nld)၏ Post ဖြစ်ပါသည်။

ရန်ကုန်-မန္တလေး လမ်းမကြီးတွင် အရှိန်ထိန်းတိုင်းစက် တပ်မည်

အရှိန်ထိန်းတိုင်းစက် စမ်းသပ်နေစဉ် (ဓာတ်ပုံ – မေစစ်ပိုင် / ဧရာဝတီ)

ရန်ကုန်-မန္တလေး အမြန်လမ်းမကြီးပေါ်တွင် သတ်မှတ်အရှိန်ထက် ပိုမိုမောင်းနှင်သော မော်တော်ယာဉ်များကို မောင်းနှင်သွားသည့် အချိန်၊ မောင်းနှင်သွားသည့် အရှိန်နှုန်း၊ GPS တည်နေရာတို့ကို အရှိန်ထိန်း တိုင်းတာမည့် စက်ကိရိယာကို တပ်ဆင်သွားမည်ဟု အမြန်လမ်းမကြီး ယာဉ်စည်းကမ်းထိန်းသိမ်းရေး ရဲတပ်ဖွဲ့မှူး ရဲမှူးကြီး နေဝင်းက ပြောသည်။

အရှိန်ထိန်းတိုင်းစက်သည် အရှိန်နှုန်း ၄၀၀ ကီလိုမီတာအထိ မှတ်တမ်းတင်နိုင်ပြီး ရေဒါစနစ် ပါဝင်ကြောင်း၊ လမ်းမကြီးပေါ်တွင် မိုင်နှုန်းပိုမို မောင်းနှင်လာသည့် ယာဉ်၏ နံပါတ်ပြား၊ ယာဉ်ပုံစံ၊ ယာဉ်မောင်းသူပုံစံတို့ကို မှတ်တမ်းတင်ထားနိုင်ကြောင်း သိရသည်။

“အမြန်လမ်းပေါ်မှာ ကားတွေက သတ်မှတ်နှုန်းထက် ပိုမောင်းနေလို့ ကြပ်မတ်ဖို့ လိုလာတယ်။ ဒါကြောင့် အရှိန်တိုင်းတာမယ့် ကိရိယာကို တပ်ဆင်ပြီး လမ်းအသုံးပြုသူတွေ သတ်မှတ်ရှိန်ထက် ပိုမောင်းနှင်ရင် မှတ်တမ်းတင်မယ်၊ ပြီးတော့ အမြန်လမ်း ဥပဒေအရ အရေးယူမယ်” ဟု ရဲမှူးကြီး နေဝင်းက ဆိုသည်။

ယင်းကိရိယာ၏ တန်ဖိုးမှာ အမေရိကန်ဒေါ်လာ ၇ သောင်း ရှိကြောင်း၊ လတ်တလောတွင် ရန်ကုန်-မန္တလေး အမြန်မလမ်းမကြီးပေါ်၌ ၂ လုံး စတင် တပ်ဆင်မည်ဖြစ်ပြီး လုံခြုံရေးအရ ထားရှိမည့်နေရာကိုမှု ထုတ်ဖော်ပြောကြားထားမည် မဟုတ်ကြောင်း သိရသည်။

“မိုဘိုင်းရေဒါစနစ်နဲ့ လုပ်ထားတာကြောင့် လွဲမှားနိုင်ခြေက ၁ ရာခိုင်နှုန်းပဲရှိမယ်။ မှတ်တမ်းတင်ခံရတဲ့ကားက ငြင်းလို့ ဥပဒေကြောင်းအရ ပြောရဆိုရတာတွေ ရှိမယ်ဆိုရင်လည်း ကျနော်တို့က ရှင်းပေးမယ်” ဟု ယင်းကိရိယာအတွက် အရှေ့တောင်အာရှ တာဝန်ခံ မစ္စတာ ကူးမားရက်ရ်ှက ပြောသည်။

အရှိန်ထိန်းတိုင်းကိရိယာသည် လမ်းမကြီးပေါ်တွင် ဖြတ်သန်းလာသော ယာဉ်တစီး၏ အရှိန်နှုန်းထားကို မိုဘိုင်းစနစ် GPS အရ ကား၏ ၂၂ ဒီဂရီအနေအထားမှ ဓာတ်ပုံမှတ်တမ်း တင်မည်ဖြစ်သည်။ ညဘက်တွင် မောင်းနှင်သောကားများကိုလည်း အလားတူနည်းဖြင့် မှတ်တမ်းတင်ကာ အရေးယူသွားမည်ဟု သိရသည်။

အဆိုပါ အရှိန်ထိန်းတိုင်းကိရိယာကို အမြန်လမ်းမကြီးနှင့်ဆိုင်သည့် ဆောက်လုပ်ရေး ၀န်ကြီးဌာနနှင့် ပြည်ထဲရေးဝန်ကြီးဌာနတို့သို့ တင်ပြကာ ဆောက်လုပ်ရေးဝန်ကြီးဌာန ဘတ်ဂျက်ဖြင့် အသုံးပြုသည်ဟု သိရှိရသည်။

ယင်းကိရိယာကို လက်ရှိ အရှေ့တောင်အာရှ နိုင်ငံများအပါအ၀င် ယာဉ်မတော်တဆ ဖြစ်ပွားမှုများအတွက် အလုံးရေ ၂၅၀၀ ကျော် အသုံးပြုလျက်ရှိကြောင်း သိရသည်။

အမြန်လမ်းမကြီးပေါ်တွင် အရက်သေစာသောက်စား မူးယစ်မောင်းနှင်မှုကိုလည်း အရက်မူးတိုင်း စက်ကိရိယာဖြင့် အသုံးပြုစစ်ဆေး မည်ဖြစ်သည်။

လက်ရှိတွင် အမြန်လမ်းမကြီးပေါ်တွင် ယာဉ်များ သတ်မှတ်အရှိန်နှုန်းထက် ပိုမိုမောင်းနှင်နေခြင်းကြောင့် နေ့စဉ်ယာဉ်တိုက်မှု နှစ်မှုနီးပါး ပုံမှန်ဖြစ်နေကြောင်း ရဲမှူးကြီး နေ၀င်းက ဆိုသည်။

အရှိန်ထိန်းတိုင်းစက် အလုပ်လုပ်ပုံ (ဓာတ်ပုံ – မေစစ်ပိုင် / ဧရာဝတီ)

လက်ရှိ အဓိကကားလမ်းမကြီးများ၏ မိုင်နှုန်းသတ်မှတ်ချက်မှာ အမှတ် ၃ လမ်းမကြီးပေါ်တွင် မိုင် ၆၀ နှုန်း၊ ပြည်လမ်းပေါ်တွင် မိုင် ၄၀ နှုန်း၊ ရန်ကုန် ပဲခူးလမ်းတွင် မိုင် ၆၀ နှုန်း၊ အင်းလျားလမ်းနှင့် ကမ္ဘာအေးဘုရားလမ်းပေါ်တွင် ၃၉ မိုင်နှုန်းဖြစ်သည်။ ယင်းသို့ သတ်မှတ်ထားသော်လည်း မော်တော်ယာဉ်အများစုမှာ နေ့စဉ် သတ်မှတ်မိုင်နှုန်းထက် မိုင် ၂၀၊ ၃၀ ကျော် ပိုမိုမောင်းနှင်နေကြကြောင်း သိရသည်။

အဆိုပါလမ်းမကြီးများတွင် နေ့စဉ်ဖြတ်သန်းသွားလာနေသော ယာဉ်အစီးရေမှာ ပျှမ်းမျှ ၂၀၀၀ မှ ၃၀၀၀ ကြားရှိကြောင်း၊ မဆင်မခြင် မောင်းနှင်မှုကြောင့် ယာဉ်မတော်တဆမှုများ ဖြစ်ပွားနေပြီး ထိခိုက်ဒဏ်ရာရရှိမှု သေဆုံးမှုနှင့် ယာဉ်ပျက်စီးမှုများ မကြာခဏဖြစ်ပွားနေကြောင်း၊ ယခုနှစ် ဇွန်လမှ သြဂုတ်လကုန်အထိ ယာဉ်တိုက်မှုများကြောင့် သေဆုံးသူ ၁၇ ဦးရှိပြီး ဒဏ်ရာရသူ ၇၄ ဦး ရှိကြောင်းသိရသည်။

အမြန်လမ်းမကြီးများပေါ်တွင် လုံခြုံရေးအတွက် အမြန်လမ်းရဲစခန်း ၂၁ ခုကို ဖွင့်လှစ်ထားပြီး အသစ်နှစ်ခုကိုလည်း ထပ်မံဖွင့်လှစ်မည်ဟု သိရရှိရသည်။

စစ်တိုင်းမှူးနှင့် တပ်မမှူးများ ပြောင်းရွှေ့

နေပြည်တော်တွင် ပြီးခဲ့သည့် မတ်လ ၂၇ ရက်က ကျင်းပသော ၆၇ နှစ်မြောက် တပ်မတော်နေ့

စစ်ရေးပြ အခမ်းအနား (ဓာတ်ပုံ – ဧရာဝတီ)

မြန်မာ့ တပ်မတော်အတွင်း မြောက်ပိုင်းတိုင်း၊ အရှေ့မြောက်ပိုင်းတိုင်း၊ အလယ်ပိုင်းတိုင်းနှင့် အရှေ့အလယ်ပိုင်းတိုင်း စစ်ဌာနချုပ်မှ စစ်တိုင်းမှူး အပါအ၀င် တပ်မမှူးများ အပြောင်းအရွှေ့ကို ပြီးခဲ့သည့် သောကြာနေ့က စတင်ပြုလုပ်သည်။

မန္တလေး အခြေစိုက် အလယ်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် ရဲအောင် အား စစ်ဥပဒေချုပ်၊ မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် ဇေယျာအောင် ကို မီးရထားဝန်ကြီးအဖြစ် လွှတ်တော်တွင် အမည်စာရင်းတင်သွင်းခံရပြီး အရှေ့မြောက်ပိုင်းတိုင်း စစ်ဌာနချုပ်တိုင်းမှူး ဗိုလ်ချုပ် အောင်ကျော်ဇောကို ပဲခူးတိုင်း တောင်ငူ အခြေစိုက် တောင်ပိုင်းတိုင်း စစ်ဌာနချုပ်သို့ ပြောင်းရွှေ့ တာဝန် ထမ်းဆောင်စေခြင်း ဖြစ်သည်။

၎င်းတို့၏ နေရာတွင် တောင်ပိုင်းတိုင်းစစ်ဌာနချုပ် တိုင်းမှူး ဗိုလ်မှူးချုပ် ညိုစောအား အလယ်ပိုင်းတိုင်း၊ အရှေ့ အလယ်ပိုင်းတိုင်း စစ်ဌာနချုပ်တိုင်းမှူး ဗိုလ်မှူးချုပ် ထွန်းထွန်းနောင်ကို မြောက်ပိုင်းတိုင်း၊ တပ်မတော် နည်းပညာ ကျောင်းအုပ်ကြီး ဗိုလ်မှူးချုပ် အောင် စိုးကို အရှေ့မြောက်တိုင်းသို့ လည်းကောင်း တိုင်းမှူးများအဖြစ် ပြောင်းရွှေ့ တာဝန်ပေးလိုက်သည်။

ယခု စစ်တိုင်းမှူးများ အပြောင်းအရွှေ့ ပြုလုပ်ချိန်သည် ကချင်ပြည်နယ်နှင့် ရှမ်းပြည်နယ်အတွင်း ကချင်ပြည် လွတ်လပ်ရေး တပ် မတော်(KIA) အပါအ၀င် တိုင်းရင်းသား လက်နက်ကိုင်တပ်များနှင့် တိုက်ပွဲပြင်းထန်ချိန်နှင့် တိုက်ဆိုင်နေသည်။

စစ်ဘက်အသိုင်းအ၀ိုင်း အဆိုအရ မြောက်ပိုင်းတိုင်းနှင့် အရှေ့မြောက်တိုင်း စစ်ဌာနချုပ် တိုင်းမှူးများ ပြောင်းရွှေ့ခံရခြင်းသည် KIA တပ်များနှင့် တိုက်ခိုက်ရာတွင် အကျအဆုံးများခြင်း၊ စခန်းသိမ်းတိုက်ပွဲ ရရှိမှု နည်းပါးခြင်းတို့ကြောင့်ဖြစ်သည်ဟု သိရသည်။

“တချို့က ငြိမ်းချမ်းရေး အတွက်လို့ ထင်တယ်၊ မဟုတ်ပါဘူး၊ တိုက်ပွဲမှာ အကျအဆုံးများရင် ရည်မှန်းချက်ကို မသိမ်းနိုင်ဘူးဆိုရင် ဒီလိုပဲ အပြောင်းအရွှေ့ လုပ်ကြတာပါပဲ”ဟု စစ်ဘက် အသိုင်းအ၀ိုင်း နှင့် နီးစပ်သူ တဦးက ပြောဆိုသည်။

မြန်မာ့တပ်မတော်သည် တိုက်ပွဲများ၌ သေကျေ၊ ဒဏ်ရာရ စာရင်းနှင့်ပတ်သက်ပြီး တရားဝင်ပြောဆိုလေ့မရှိသော်လည်း မကြာ သေး ခင်က ဖြစ်ပွားခဲ့သည့် ကချင်ပြည်နယ် ဖားကန့် ဒေသတိုက်ပွဲ၌ စစ်တပ်မှ အရာအရှိ အရာခံများ အပါအ၀င် ၇၀ ခန့် ကျဆုံး သည် ဟု KIA အဖွဲ့ က ဆိုသည်။

တရုတ်-မြန်မာ နယ်စပ်ရှိ စစ်ရေးလေ့လာသူ ဦးအောင်ကျော်ဇော ကလည်း“သြဂုတ်လထဲမှာ လားရှိုးနဲ့ ကျောက်မဲမှာ KIA ရယ်၊ နောက် ရှမ်းတပ်တွေနဲ့ ဖြစ်တဲ့ တိုက်ပွဲတွေမှာ သေကျေ ဒဏ်ရာရတာ များတယ်၊ ဒါကြောင့် ရမခ (အရှေ့မြောက်ပိုင်း) တိုင်းမှူးကို ပြောင်းတာ ဖြစ်မယ်”ဟု ဆိုသည်။

ဗိုလ်ချုပ် ဇေယျာအောင်၊ ဗိုလ်ချုပ် အောင်ကျော်ဇောနှင့် ဗိုလ်ချုပ် ရဲအောင် တို့မှာ ၂၀၁၀ ပြည့်နှစ် သြဂုတ်လအတွင်းက စစ်တိုင်းမှူးများ အဖြစ် တာဝန်ပေး ခံရသူများ ဖြစ်သည်။

မြောက်ပိုင်းတိုင်းနှင့် အရှေ့မြောက်တိုင်း စစ်ဌာနချုပ် တိုင်းမှူးများ အပြောင်းအရွှေ့နှင့် ပတ်သက်ပြီး KIA အဖွဲ့ ပြောခွင့်ရ ဦးလနန် ကမူ ငြိမ်းချမ်းရေး အတွက် ထူးခြားမှုရှိမည် မထင်ဟု ဆိုသည်။

ယခုပြုလုပ်သည့် စစ်ဘက်ဆိုင်ရာ ရာထူးအပြောင်းအရွှေ့များတွင် လစ်လပ်နေသည့် တပ်မမှူးများ နေရာအတွက် ဗိုလ်မှူးကြီးတင် မောင်ဆွေ အား တပ်မ ၇၇ တပ်မ မှူး၊ ဗိုလ်မှူးကြီး အောင်ဇော်အေးမှာ စစ်ဆင်ရေး ကွပ်ကဲမှု ဌာနချုပ်(စကခ) ၁၄ တပ်မမှူး အဖြစ် ခန့်အပ် ခဲ့ပြီး လွှတ်တော် နှစ်ရပ်တွင် တက်ရောက်နေသည့် တပ်မတော်သား ကိုယ်စားလှယ်များ ဖြစ်သည့် ဗိုလ်မှူးကြီး လှမြင့်စိုးနှင့် ဗိုလ်မှူးကြီး သန်းထွတ်သိန်း တို့လည်း တပ်မမှူးများအဖြစ် ရာထူးတိုးမြှင့် ခံရကြောင်း သိရသည်။

ဧရာဝတီ သတင်းထောက် သန်းထိုက်ဦး ပူးပေါင်းရေးသားသည်။

ဇယား ၃ နဲ့ ငြိနေတဲ့ ဦးအောင်သိန်းလင်း

ဒီတပတ် တနင်္လာနေ့လွှတ်တော်မှာ ဦးအောင်သိန်းလင်းရဲ့ စားကျက်မြေဆိုင်ရာ အဆိုကို ဒေါ်အောင်ဆန်းစုကြည်အပါအ၀င် NLD အမတ်တွေ၊ ဒီမိုကရက်တစ်ပါတီအမတ်တွေနဲ့ စစ်တပ်ကိုယ်စားလှယ်တွေက ထိုင်နေခြင်းဖြင့် ကန့်ကွက်ခဲ့ပါတယ်။

ဒါပေမယ့် လွှတ်တော်မှာ အင်အားအများဆုံးဖြစ်တဲ့ ကြံ့ဖွံ့ပါတီအမတ်တွေက ထောက်ခံတဲ့အတွက် မဲအများဆုံးရပြီး ပြည်သူ့လွှတ်တော်က ဒါကို လက်ခံဆွေးနွေးဖို့ ဆုံးဖြတ်လိုက်ပါတယ်။

ဒေါ်အောင်ဆန်းစုကြည်တို့က ဘာကြောင့် ကန့်ကွက်ရပါသလဲ ဆိုတာ စိတ်ဝင်စားစရာပါ။

ဦးအောင်သိန်းလင်းအဆိုက "တိုင်းနှင့်ပြည်နယ် အသီးသီးတွင် စားကျက်မြေများကို ဌာနဆိုင်ရာ အမည်ဖောက်၍လည်းကောင်း၊ ကုမဏီအမည်ဖောက်၍လည်းကောင်း ခွဲဝေချထားပြီး တောင်သူလယ်သမားများကို ထိုမြေများ၌ စိုက်ပျိုးစေပြီး ဌာနဆိုင်ရာများ၊ ကုမဏီများမှ သီးစားခရယူနေခြင်းများ ရှိနေပါသဖြင့် လယ်ယာမြေကို အမှန်တကယ် လုပ်ကိုင်နေသူများ လယ်သမားများကိုသာ ဦးပိုင်အမည်ပေါက် သတ်မှတ်၍ လုပ်ကိုင်ခွင့် ချထားပေးသင့်ကြောင်း" တဲ့။

စာစီထားတာ ဖတ်ကြည့်ရင်တော့ လယ်သမားတွေအတွက် ရှေ့ရှုတင်တဲ့အဆိုလို့ ထင်ရပါတယ်။ ဒါပေမယ့် နောက်ကွယ်က ၀ှက်ဖဲကိုလည်း သံသယ ရှိနေကြတာပေါ့လေ။

သုံးသပ်သူတချို့ကတော့ တောင်ဥက္ကလာပအမတ် ဦးအောင်သိန်းလင်းက သူ့သိက္ခာပြန်ဆယ်ချင်လို့ လယ်သမားအရေးဆိုင်ရာ အဆိုကို တင်တယ်လို့လည်း မြင်ကြတယ်။ တကယ်သာ ဒီအဆိုကို လက်ခံဆွေးနွေးပီး ဥပဒေဘာညာ ထွက်လာရင် ဦးပိုင်အမည်ပေါက် ဟာ တကယ့်လယ်သမားတွေနာမည် ဖြစ်ဖို့တော့ သတိထားသင့်တယ်လို့ သုံးသပ်ကြတယ်။

ကန့်ကွက်တဲ့ လွှတ်တော်ကိုယ်စားလှယ်တွေကို မေးကြည့်တဲ့အခါကျတော့ သူ့အဆိုက ဖွဲ့စည်းပုံအခြေခံဥပဒေ ဇယား ၃ နဲ့ ငြိနေလို့ပါတဲ့။

ကဲ ... လာပြန်ပြီ။ ဖွဲ့စည်းပုံနဲ့ ငြိတဲ့ နောက်တခု။ ဘယ်လိုငြိတာပါလဲ။

ဇယား ၃ ပါ ဥပဒေပြုစာရင်းတွေထဲမှာ စားကျက်မြေများထိန်းသိမ်းရေး နဲ့ဆိုင်တာ ဥပဒေပြုရမှာ ပါပါတယ်။ ပုဒ်မ ၁၉၆ အတိုင်းဆိုရင် ဇယား ၃ ပါ ဥပဒေပြုစာရင်းကို ဥပဒေပြုခွင့်ရှိသူတွေဟာ ကိုယ်ပိုင်အုပ်ချုပ်ခွင့်ရ တိုင်း (သို့) ဒေသ ဦးစီးအဖွဲ့၊ တိုင်းနဲ့ဒေသကြီးလွှတ်တော်တွေက ဖြစ်ပါတယ်။

ပြည်နယ် တိုင်းလွှတ်တော်တွေရဲ့ ဥပဒေပြုခွင့်အာဏာကို ပြည်သူ့လွှတ်တော်က ဥပဒေပြုဖို့ တင်တဲ့အမတ်က တင်တယ်။ ဆွေးနွေးဖို့လည်း ထောက်ခံတယ်ဆိုတော့ ဗိုလ်ပြုတ် အမတ်တွေ ကိုယ့်ခေါင်းဆောင်ကြီးရေးခဲ့တဲ့ ဖွဲ့စည်းပုံကို ဆန့်ကျင်တာလား။ တိုင်း၊ ဒေသတွေရဲ့ ဥပဒေပြုရေး အာဏာကို စွက်ဖက်ချင်တာလား။ ဒါမှမဟုတ် ဖွဲ့စည်းပုံမှာ ပါတာတွေ သေချာ မလေ့လာဘဲ ပြည်သူ့အကျိုးပြုသယောင်ယောင် ပြည်သူကို ဆွယ်ချင်တာလား။

၂၀၀၈ ဖွဲ့စည်းပုံပါ ဇယား ၃ ကို ပူးတွဲ ဖော်ပြလိုက်ပါတယ်။

ဇယား ၃

ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့၏ ဥပဒေပြုစာရင်း
(ပုဒ်မ ၁၉၆ ကို ရည်ညွှန်းသည်)

၁။ မြို့ပြနှင့် ကျေးရွာ စီမံကိန်းများ
၂။ လမ်းတံတားများ ဖောက်လုပ်၊ တည်ဆောက်၊ ပြုပြင်ထိန်းသိမ်းရေး၊
၂။ ပြည်သူ့ကျန်းမာရေး
၎။ စည်ပင်သာယာရေးလုပ်ငန်း၊
၅။ မီးဘေးအန္တရာယ် ကြိုတင်ကာကွယ်ရေး
၆။ စားကျက်မြေများ ထိန်းသိမ်းရေး
၇။ သစ်တော်များ ကာကွယ်ထိန်းသိမ်းရေး
၈။ ပြည်ထောင်စုက ပြဌာန်းသည့် ဥပဒေနှင့်အညီ သဘာဝပတ်ဝန်းကျင် ထိန်းသိမ်းရေး
၉။ မြို့နှင့် ကျေးရွာများအတွင်း ရေနှင့် လျှပ်စစ်မီးဆိုင်ရာကိစ္စ၊
၁၀၊ မြို့များနှင့် ကျေးရွာများ၏ ဈေးများဆိုင်ရာကိစ္စ၊

ပုဒ်မ ၁၉၆။ ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့များအား မိမိတို့ တိုင်း သို့မဟုတ် ဒေသအတွက် ဇယား ၃ တွင် ဖော်ပြထားသော ဥပဒေပြုစာရင်းပါ ကိစ္စရပ်များနှင့် စပ်လျဉ်းသည့် ဥပဒေပြုခွင့်အာဏာများကို ခွဲဝေအပ်နှင်းသည်။

ရေသတိပြု

ကမ္ဘာလုံးဆိုင်ရာ ရေညီလာခံမှာ ပြသထားသော ကမ္ဘာလုံးမှာ ချိတ်ဆွဲထားသည့် ရေပုလင်းများကို လှည့်လည်ကြည့်ရှုနေစဉ်။

ကမ္ဘာနဲ့တ၀ှန်း တဖြည်းဖြည်း သောက်သုံးရေရှားပါးလာနေတဲ့ ပြဿနာနဲ့ လူတိုင်းအတွက် လိုအပ် တဲ့ သောက်သုံးရေနဲ့ ပတ်သက်ပြီး ပြဿနာဖြစ်မလာအောင် သတိရှိကြဖို့ ရည်ရွယ် လှုပ်ရှားတဲ့ World Water Week လို့ခေါ်တဲ့ နိုင်ငံတကာ ရေသီတင်းပတ် အကြောင်းတင်ပြပေးထားပါတယ်။ သြဂုတ်လ ၂၆ ရက်နေ့ကနေ ၃၁ ရက်နေ့ကို ၂၀၁၂ ခုနှစ်အတွက် ရေသီတင်းပတ်အဖြစ် သတ်မှတ်ပြီး ဒီနှစ်မှာတော့ ရေနဲ့ စားနပ်ရိက္ခာ ဖူလုံရေး ဆိုတဲ့ ဆောင်ပုဒ်ထားပြီး ကျင်းပပါတယ်။ ဆွီဒင်နိုင်ငံ Stockholms စတော့ဟုမ်းမြို့မှာရှိတဲ့ စတော့ဟုမ်း နိုင်ငံတကာ ရေသိပ္ပံ SIWI က ၁၉၉၁ ခုနှစ် ကစပြီး ကမ္ဘာနဲ့တ၀ှန်း ရေပြဿနာပေါ်နေတာကို အဖြေရှာဖို့ နှစ်စဉ် ကြီးမှူးကျင်းပနေတာပါ။

သောက်သုံးရေ ပြဿနာမှာ ရေဘယ်လောက်လိုအပ်တယ်ဆိုတာနဲ့ ရေကို ဘယ်အတိုင်းအတာ အထိ ဖြန့်ဖြူးပေးနိုင်တယ်ဆိုတဲ့ အပေါ်မှာ မူတည်နေတာ တွေ့ရတယ်လို့ နိုင်ငံတကာရေသိပ္ပံက ရေ သီတင်းပတ် အစည်းအဝေးကျင်းပရေး တာဝန်ခံ Jans Berggren က ပြောပါတယ်။

“သက္ကရာဇ် ၂၀၃၀ ကိုရောက်တဲ့အခါ ကမ္ဘာတ၀ှ်eးမှာ လိုအပ်တဲ့ ရေပမာဏထဲက ၄၀ % လောက် ပဲ ရေပေးဝေနိုင်တော့မယ်လို့ ကုလသမဂ္ဂက တွက်ချက်ထားတာပါ။”

၁၉၉၀ ကနေ ၂၀၁၀ နှစ်တွေအတွင်းမှာ လူသန်းပေါင်း ၁,၈၀၀ အတွက် သန့်ရှင်းရေးအတွက် သုံးရေ ရရှိမှု ပိုတိုးတက်လာသလို သန်းပေါင်း ၂,၀၀၀ လောက်အတွက် သောက်သုံးရေသန့်ပါ ဖူလုံခဲ့ပေ မယ့် လူသန်းပေါင်း ထောင်နဲ့ချီပြီး ဒီလိုအခြေခံရပိုင်ခွင့်တွေ ဆုံးရှုံးခဲ့ရတယ်လို့ ကုလသမဂ္ဂက အစီရင်ခံစာ ထုတ်ပြန်ပါတယ်။

ကုလသမဂ္ဂ ရဲ့ WHO ကမ္ဘာ့ကျန်းမာရေးအဖွဲ့ သဘာဝပတ်ဝန်းကျင်နဲ့ လူထုကျန်းမာရေးဆိုင်ရာဌာန ဒါရိုက်တာ Maria Neira ကတော့ ဒီလူတွေအတွက် ကျန်းမာရေးဟာ သောက်ရေ သုံးရေသန့် ရရှိ နိုင်တဲ့ အပေါ်မှာ မူတည်နေတယ်လို့ ဆိုပါတယ်။ ဒါဟာလည်း နိုင်ငံအစိုးရပိုင်းက ဘယ် အတိုင်း အတာ အထိ ဒီကိစ္စမှာ ရင်းနှီးမြှုပ်နှံပြီး ပါဝင်ဆောင်ရွက်ပေးတယ် ဆိုတဲ့အပေါ်မှာ အများကြီး တည် နေတယ်လို့ ပြောပါတယ်။

“တကယ်ဆို လူပေါင်း နှစ်သန်းလောက် တနှစ်-တနှစ် သေဆုံးနေကြရတာဟာ သန့်ရှင်းတဲ့ သောက် သုံးရေ မရတဲ့အတွက် ဖြစ်တတ်တဲ့ ၀မ်းပျက်ဝမ်းလျှော ရောဂါလိုမျိုး ကျန်းမာရေးနဲ့ ဆက်နွယ်နေ တဲ့ ရောဂါမျိုးစုံကြောင့် ပါ။ ဒီလိုနှစ်စဉ် လူ၂ သန်းလောက် သေဆုံးနေတာတွေအတွက် တကယ်ဆို ရင် ကြိုတင်ကာကွယ်နိုင် ပါရက်နဲ့ ကြုံနေရတာပါ။

ကုလသမဂ္ဂက ဖွံ့ဖြိုးဆဲ နိုင်ငံပေါင်း ၇၄ နိုင်ငံမှာ အချက်အလက်တွေ စုဆောင်းပြီး တွေ့ခဲ့တာတွေကို အစီရင်ခံစာ ရေးသားခဲ့ပါတယ်။ အများအားဖြင့်ဆိုရင် ဝေးလံတဲ့ ကျေးလက်ဒေသတွေမှာ ဒီလို ရေ သန့် မရနိုင်ရတဲ့ အကြောင်းရင်းဟာ တတ်သိနားလည်မှု မရှိတာအပြင် ကျွမ်းကျင်လုပ်သား မရှိတာ ကလည်း အဓိကအကြောင်းအနေနဲ့ ပါနေတာကို တွေ့ခဲ့ရပါတယ်။

ဥပမာ ရွာတရွာမှာ ရေရဖို့ အတွက် ရေတွင်းက မောင်းတံကို လက်နဲ့ပဲ မောင်းတင်ရတာမို့ တကယ် လို့ ဒီမောင်းတံပျက်လို့ ပြင်တတ်တဲ့ သူမရှိရင် ရေရဖို့ ခက်ခဲတာမျိုးကအစ တတ်သိနားလည်သူ မရှိတာနဲ့ အစိုးရပိုင်းက လျှစ်လျှူရှုတာခံရလို့ အသိပညာချို့တဲ့ရာကနေ ကျန်းမာရေးအတွက်ပါ ထိခိုက်တာမျိုး ကို ၃၀ % လောက် တွေ့ရတယ်လို့ ဆိုပါတယ်။

ရေသီတင်းပတ် ညီလာခံတာဝန်ခံ Breggren ကတော့ အစိုးရပိုင်းက သောက်သုံးရေ ဖြန့်ဖြူးပေး တဲ့ နေရာမှာလည်း အတော်များများ အလေအလွင့်တွေ ရှိနေတာ တွေ့ရတယ်လို့ ဆိုပါတယ်။

“ဆိုးတာတခုက ကျွန်တော်တို့တွေဟာ ရေကိုမလိုအပ်ဘဲ အလွန်အကျွံ ဖြုန်းတီးနေကြတာ တွေ့ရ ပါတယ်။ အစားအသောက်ထုတ်လုပ်တဲ့ နေရာတွေမှာဆို ရေကို သုံးသင့်တာထက်လွန်ပြီး အတော်လေးဖြုန်းကြသလို အစားအသောက်တွေကို ကြည့်ရင်လဲ ထုတ်သလောက် တကယ် မစားဘဲ အလေအလွင့်ဖြစ်စေတာက ပိုများ နေတာပါ။ တကယ်တမ်းပြန်ကြည့်ရင် ကမ္ဘာပေါ်မှာ ထုတ်လုပ်တဲ့ စားနပ်ရိက္ခာတွေရဲ့ ထက်ဝက်ဟာ တကယ်စားသုံးသူတွေ စားရတာမဟုတ်ဘဲ စိုက်ပျိုးမြေတွေမှာ ဖြစ်စေ စားသုံးသူတွေဆီပို့ပေးတဲ့ လမ်းကြောင်းမှာပဲ လေလွင့် ပျက်စီးကြ တာ တွေ့ရပါတယ်။”

စားနပ်ရိက္ခာပိုင်းမှာတင် အလဟဿ ဖြစ်ကြရတာမဟုတ်ဘဲ ဒါဟာ ရေကိုပါ ဖြုန်းတီးရာ ရောက် တယ်လို့လည်း သူကမြင်ပါတယ်။ ဘာလို့လဲဆိုတော့ အစားအသောက်တွေရအောင် ရေကို အဓိက သုံးရလို့ပါ- လို့ ဆိုပါတယ်။

“ဖွံ့ဖြိုးဆဲနိုင်ငံတွေမှာဆိုရင် စံနစ်တကျ သိုလှောင်နိုင်ဖို့ နေရာတွေနဲ့ အခြေခံ အဆောက်အအုံတွေ မရှိကြတဲ့အတွက် စိုက်ကွင်းတွေက ထွက်သမျှ စားနပ်ရိက္ခာ တွေထဲက အတော်များများ ဟာလေ လွင့်ကုန်ပါတယ်။ ပုပ်သိုးကုန်ပါတယ်။ အလကား ဖြစ်ကုန်တာပါ။ ဒီအခြေခံ အဆောက်အအုံတွေ ထဲမှာ လမ်းတွေ၊ တံတားတွေလည်း ပါပါ တယ်။ စားသောက်ကုန်တွေကို ချောချောမောမော မတင်ပို့နိုင်တဲ့အတွက် ဒီ စားသောက်ပင်တွေ စိုက်ပျိုးရာမှာ သုံးတဲ့ရေတွေကို ဖြုန်းပစ်ရာ ရောက် ပါတယ်။ အနောက်နိုင်ငံတွေမှာဆိုရင် အစားအသောက်တွေကို လွှင့်ပစ်တတ်ကြ တာကြောင့် ရေ ကိုပါ ဖြုန်းရာရောက်တာပါ။”

အမေရိကန် နိုင်ငံနဲ့ ဥရောပနိုင်ငံတွေမှာ တနှစ်တနှစ် မစားမသောက်ဘဲ လွှင့်ပစ်နေတဲ့ စားစရာတွေ ဟာ တန်ဖိုးအနေနဲ့တွက်ရင် အမေရိကန်ဒေါ်လာ သန်းထောင်ပေါင်း ၃ သန်းဖိုးလောက် ရှိနေတယ်လို့ သူကတွက်ပြပါတယ်။

“ရေနဲ့ စိုက်ပျိုးပြီးမှရတဲ့ အစားအသောက်တွေကို ဖြုန်းတီးလို့ ရေတွေ အလကားဖြစ်ရရုံ တင်မက ဘဲ ရေဖြန့်ဝေတဲ့စံနစ်မှာလည်း ရေအလဟဿ ဖြစ်တာတွေ ရှိနေပါတယ်။ တကယ်ဆို အလွယ် တကူ ပြင်လိုက်လို့ရတဲ့ အိမ်သုံးရေပိုက်တွေ၊ ပိုက်ခေါင်းတွေမှာ ရေယိုနေတာမျိုးကို မပြင်ကြတာတွေ ရှိနေသလို ရေသွယ်မြောင်းတွေ စံနစ်မကျတာနဲ့ အပင်တွေအတွက် ရေကို လိုသလို မပေးတတ် တာတွေကလည်း ရေကို ဖြုန်းတီးနေ သလို ဖြစ်နေပါတယ်။ တခါတလေ အပင်အတွက် ရေ လိုသလောက်မရသလို တခါတလေမှာ ရေမြုပ်ပြီး အပင်တွေ ပျက်စီးကုန်တတ်ပါတယ်။

တခါတလေလည်း သဲကန္တာရလို နေရာမျိုးမှာ စပါးသွားစိုက်ပြီး ရေပမာဏအတော်များများကို အငွေ့ပျံပြီး ဆုံးစေတာမို့ ရေမလိုအပ်ဘဲ ဆုံးရှုံးရတာကို ပုံစံမျိုးစုံနဲ့ တွေ့ရတတ်ပါတယ်။”

ဒီလို ရေနဲ့ အစားအစာတွေကို အတော့်ကို ပြုန်းတီးကုန်တာတွေ တွေ့နေရပေမယ့် တကယ် သတိထားရင် ရေကိုရော အစားအစာတွေကိုပါ ထိမ်းသိမ်းစောင့်ရှောက်နိုင်တဲ့ နည်းလမ်းတွေက လက်တကမ်းမှာ ရှိနေတာကို တွေ့ရမှာပါလို့လည်း ပြောပါတယ်။

“ဒီလို လက်ရှိကြုံနေရတဲ့ ပြဿနာတွေဖြေရှင်းနိုင်ဖို့ ရေကို အလဟဿမဖြစ်စေဖို့ နည်းပညာတွေ၊ စီမံခန့်ခွဲမှု အတတ်ပညာတွေ အများကြီး ရှိပါတယ်။ စာအုပ်စာတမ်း တွေ ရှိနေပေမယ့် လက်တွေ့ လိုက် မလုပ်ကြလို့ပါ။ ဒါဟာ ရေပြဿနာ အတွက် ဖြေရှင်းရမယ့်နည်းတွေကို လူထုတင်မက အုပ်ချုပ်ရေးပိုင်းကပါ မသိကြလို့ ကြုံနေရတယ်လို့လည်း ကျနော် ထင်ပါတယ်။”

မကြာသေးခင်က ကျင်းပခဲ့တဲ့ ကမ္ဘာစီးပွားရေး ညီလာခံမှာတော့ ကမ္ဘာ့စီးပွားရေး ခေါင်းဆောင်တွေ က ရေချွေတာရေးနဲ့ သောက်သုံးရေ မပြတ်လပ်အောင် ကာကွယ် ထိမ်းသိမ်းဖို့ တကမ္ဘာလုံး အတိုင်း အတာနဲ့ လုပ်ဆောင်ဖို့ လိုအပ်နေပြီဆိုတာကို သဘောပေါက်ကြပါတယ်လို့ နိုင်ငံတကာ ရေသိပ္ပံ က ရေသီတင်းပတ်ညီလာခံ ကျင်းပရေးတာဝန်ခံက ပြောပါတယ်။

လူတိုင်းအတွက် ရေကောင်းရေသန့်ရဖို့ အရေးကြီးတာမို့ တကမ္ဘာလုံး အတိုင်းအတာနဲ့ ရေကို ချွေချွေတာတာသုံးစွဲပြီး လေလွင့်မှုမရှိအောင် ၀ိုင်းဝန်းထိမ်းသိမ်းဖို့ လိုအပ်ပါ တယ် ။

ဖွဲ့စည်းပုံခုံရုံး ဥက္ကဌနဲ့အဖွဲ့ဝင်များ နုတ်ထွက်

အငြင်းပွားဖွယ်ရာဖြစ်နေတဲ့ နိုင်ငံတော် ဖွဲ့စည်းပုံဆိုင်ရာခုံရုံးရဲ့ ဥက္ကဌနဲ့ ခုံရုံးအဖွဲ့ဝင်တွေကို တာဝန်တွေကနေ နူတ်ထွက်ခွင့်ပြုတယ်လို့ သမ္မတ ဦးသိန်းစိန်ရဲ့အမိန့်နဲ့ အခုညမှာပဲ သမ္မတရုံးကနေ ထုတ်ပြန်ကြေညာသွားပါတယ်။ ဖွဲ့စည်းပုံခုံရုံးဥက္ကဌနဲ့ ခုံရုံးအဖွဲ့ဝင်တွေကို ရာထူးကနေ ဖယ်ရှားဖို့ လွှတ်တော် နှစ်ရပ်ကနေ ဆုံးဖြတ်လိုက်တဲ့ ဒီကနေ့မှာပဲ အချိန်မဆိုင်းဘဲ သမ္မတရဲ့ ခွင့်ပြုမိန့် ကြေညာချက် ဒီညပိုင်းမှာ ထွက်လာတာဖြစ်ပါတယ်။

ဖွဲ့စည်းပုံဆိုင်ရာခုံရုံး တာဝန်ရှိသူတွေကို ရာထူးကနေ အနားပေး ဖယ်ရှားဖို့ဆိုတဲ့ အဆိုကို လွှတ်တော်တွင်း သတ်မှတ်ထားတဲ့ မဲအရေအတွက် သုံးပုံနှစ်ပုံ ထောက်ခံမှုရပြီး ဆုံးဖြတ်လိုက်ပြီး၊ ညပိုင်းမှာပဲ ခုံရုံး တာဝန်ရှိသူအားလုံးကို ရာထူးကနေ အနားပေးလိုက်ပြီလို့ သမ္မတ ဦးသိန်းစိန် အမိန့်ထွက်လာတာပါ။ ခုံရုံးတာဝန်ရှိသူတွေက နုတ်ထွက်ခွင့်တင်တာကြောင့် သမတက ခွင့်ပြုလိုက်တာဖြစ်တယ်လို့ နိုင်ငံတော်သမ္မတရုံး ညွန်ကြားရေးမှုး ဦးဇော်ဌေးက ဗွီအိုအေကို ပြောပါတယ်။

“နူတ်ထွက်ခွင့်ပြုလိုက်တာပါ။ နူတ်ထွက်ခွင့်တင်လို့ နူတ်ထွက်ခွင့်ပြုလိုက်တာပါ။ နေရာလစ်လပ် သွားတော့ ပြန်ပြီးတော့ ရွေးချယ်တင်မြှောက်ရမှာပေါ့။ ဟုတ်ကဲ့။ ပြည်သူ့လွှတ်တော်က သုံးယောက်၊ အမျိုးသားလွှတ်တော်က သုံးယောက်။ သမ္မတက သုံးယောက်၊ ကိုးယောက် ရွေးချယ် တင်မြှောက်ရမှာပါ။”

လွှတ်တော် ကော်မတီတွေနဲ့ ကော်မရှင်တွေဟာ ပြည်ထောင်စုအဆင့်မဟုတ်ဘူးလို့ ဖွဲ့စည်ုးံ့ အခြေခံ ဥပဒေဆိုင်ရာ ခုံရုံးက ဆုံးဖြတ်လိုက်ပြီးနောက်၊ ဒါဟာ တည်ဆဲဥပဒေတွေနဲ့ ကိုက်ညီမှု ရှိမရှိ စုံစမ်းဖို့ လွှတ်တော်ကနေ လွှတ်တော်ရဲ့ စုံစမ်းရေးကော်မရှင်တရပ် ဖွဲ့ခဲ့ပါတယ်။

အဲဒီ့ ကော်မရှင်က ခုံရုံးဥက္ကဌနဲ့ အဖွဲ့ဝင်တွေ အနေနဲ့ ကော်မရှင်ရှေ့မှောက် လာရောက် အစစ်ဆေးခံ ရှင်းလင်းဖို့ ၃ သုံးကြိ်မ်တိတိ အသိပေး အကြောင်းကြားခဲ့ပေမယ့် လာရောက်ဖြေရှင်းမှုမရှိတာကြောင့်၊ ကော်မရှင်အနေနဲ့ သူတို့ရထားတဲ့ အချက်အလက်တွေနဲ့ပဲ အစီရင်ခံစာရေးပြီး လွှတ်တော်အတွင်း ဒီကနေ့ တင်ပြခဲ့တယ်လို့ သီပေါမြို့နယ် ပြည်သူ့လွှတ်တော်ကိုယ်စားလှယ် ဦးရဲထွန်းက ပြောပါတယ်။

“အဲ့ဒီ့အစီရင်ခံစာကတော့ စုံစမ်းစစ်ဆေးရေးအဖွဲ့ခေါ်တာကို ခုံရုံးက မလာတဲ့အတွက်ကြောင့်မို့လို့ သူတို့မျက်ကွယ်မှာပဲ အစီရင်ခံစာကို ရေးပြီးတော့ လွှတ်တော်ကို တင်ပြတာပေါ့။ တင်ပြတဲ့အခါမှာ ကျနော်တို့ လွှတ်တော်ကိုယ်စားလှယ်များက အပြန်အလှန်ဆွေးနွေးတာ မလုပ်တော့ဘဲနဲ့ ကျနော်တို့ မဲဆန္ဒရယူတာပေါ့။ မဲဆန္ဒရယူတဲ့အခါမှာလည်း နဂိုက လက်မှတ်ထိုးပြီးတော့ တောင်းဆိုထားတဲ့ မဲဆန္ဒလက်မှတ် ၃၀၇မဲ ရှိတယ်။ နောက်ခွင့်တင်လို့ မတက်တဲ့သူတွေလည်းရှိတယ်။

တပ်မတော်သားကိုယ်စားလှယ်တွေကတော့ အရင်ဆန္ဒပြုတုန်းကလည်း မပါတဲ့အတွက် သူတို့ကို ဖယ်လိုက်ရင်တောင်မှ ၃၀၇ ကျနော်တို့ ဥက္ကဌ နူတ်လိုက်လို့ရှိရင် ၃၀၆မဲပေါ့။ ၃၀၆မဲရှိတဲ့ အတွက်ကြောင့် လိုအပ်တဲ့ ၂၈၆မဲကျော်တဲ့အတွက် သုံးပုံနှစ်ပုံကျော်တဲ့အတွက် အဲ့ဒီ့စုံစမ်းစစ်ဆေးရေး အစီရင်ခံစာဟာ အတည်ဖြစ်တယ်ဆိုပြီးတော့ ခုံရုံးကို အပြစ်ရှိကြောင်း ဆုံးဖြတ်လိုက်တယ်။”

အလားတူလိုပဲ ဖွဲ့စည်းပုံခုံရုံးပြဿနာကို အမျိုးသားလွှတ်တော်ထဲမှာလည်း ဒီနေ့ ဆွေးနွေး မဲခွဲ ဆုံးဖြတ်ခဲ့တယ်လို့ ရန်ကုန်တိုင်း အမျိုးသားလွှတ်တော်အမတ် ဦးဖုန်းမြင့်အောင်က ပြောပါတယ်။

“ဦးဇော်မြင့်ဖေက စွတ်စွဲချက်နှစ်ခု တင်ပြပါတယ်။ သူက ဖွဲ့စည်းပုံအခြေခံဥပဒေကို မလိုက်နာတာ။ ဖွဲ့စည်းပုံအခြေခံဥပဒေကို ဖောက်ဖျက်တာပေါ့နော်။ စွတ်စွဲချက် ဖွဲ့စည်းပုံအခြေခံဥပဒေ အချက်နှစ်ချက်နဲ့ ညီတဲ့အတွက် ခုံရုံးအဖွဲ့ကို စွတ်စွဲပြစ်တင်ပါတယ်ဆိုပြီး သူက အဆိုတင်ပါတယ်။ ဒီအဆိုကို တပ်မတော်သားကိုယ်စားလှယ် ခြောက်ယောက်နဲ့ ကျနော်တို့အရပ်ဖက်က လွှတ်တော်ကိုယ်စားလှယ် ဆယ်ယောက် စုစုပေါင်း ၁၆ယောက် ဆွေးနွေးပြီးတော့ ဆုံးဖြတ်တာပါ။ ကျနော်တို့ ဒီစွတ်စွဲပြစ်တင်တာ အဆိုအောင်မြင်တယ်ဆိုရင်သူက ထွက်ရတာပါ။

လုပ်ထုံးအရတော့ လွှတ်တော်နှစ်ရပ်စလုံးက အခု ဆုံးဖြတ်ချက်ကို ပြည်ထောင်စု လွှတ်တော်ဥက္ကဌ အနေနဲ့ နိုင်ငံတော်သမ္မတထံကို တရားဝင် အသိပေး အကြောင်းကြားရမှာဖြစ်ပေမယ့်၊ နေ့တွင်းချင်းမှာပဲ ခုံရုံးအဖွဲ့ဝင်တွေရဲ့ နုတ်ထွက်လွှာကို လက်ခံပြီးတော့ နုတ်ထွက်ခွင့်ပေးလိုက်တယ်ဆိုပြီး သမ္မတဦးသိန်းစိန်က ကြေညာသွားတာပါ။

လွှတ်တော်နဲ့ ခုံရုံးအကြား လအတန်ကြာ တင်းမာမှုကိစ္စဟာ လွှတ်တော်နဲ့ အစိုးရအကြား အာဏာပြိုင်မှုဖြစ်တယ်လို့လည်း အတော်များများက တွက်ဆကြသလို၊ အချို့ကတော့ ဒါဟာ ဖွဲ့စည်းပုံဆိုင်ရာ အကြပ်အတည်းဖြစ်တယ်လို့ ယူဆကြပါတယ်။

လွှတ်တော်ဖက်က ကော်မတီတွေက ခေါ်ယူကြားနာစစ်ဆေးတာမျိုး အစိုးရအဖွဲ့ဖက်က မလုပ်လိုတာ ကြောင့်၊ လွှတ်တော်ကော်မတီတွေဟာ ပြည်ထောင်စုအဆင့်မဟုတ်ဘူးဆိုပြီး အစိုးရဖက်က စွဲဆိုခဲ့တာလို့ ဆိုကြပါတယ်။ ခုံရုံးနဲ့ လွှတ်တော်အကြား တင်းမာမှုဖြစ်လာတော့ ဒီကိစ္စနဲ့ ဆက်နွယ်လို့ ဖွဲ့စည်းပုံပြင်ဖို့ သမ္မတဖက်က အဆိုပြုခဲ့ပါတယ်။

ဒါပေမယ့် အရင် စစ်အစိုးရလက်ထက်က ပြဌာန်းခဲ့တဲ့ တည်ဆဲဥပဒေအရ လွှတ်တော်ကော်မတီ နဲ့ ကော်မရှင်တွေဟာ ပြည်ထောင်စုအဆင့်ဖြစ်တာမို့လို့ ဖွဲ့စည်းပုံပြင်စရာမလိုဘူးလို့ လွှတ်တော် အမတ်တွေဘက်ကလည်း ယူဆပါတယ်။

အခုတော့ သမ္မတရုံး ကြေညာချက်ထွက်လာတာကြောင့် ခုံရုံးကိစ္စနဲ့ပတ်သက်လို့ အငြင်းပွားမှုဟာ ပြီးဆုံးသွားပြီလို့ ပြောနိုင်ပါတယ်။ ဒါပေမယ့် အခု ခုံရုံးအဖွဲ့ဝင်သစ်တွေကို ရွေးချယ်ရဦးမှာဖြစ်ပြီး၊ အဓိက အငြင်းပွားမှုအကြောင်းရင်းဖြစ်တဲ့ လွှတ်တော်ကော်မတီတွေဟာ ပြည်ထောင်စုအဆင့် ဟုတ်မဟုတ်ဆိုတာကတော့ ယတိပြတ် အဖြေမရှိသေးဘူး။

ကိုကိုကြီး ၈၈-မျိုးဆက်ကျောင်းသားခေါင်းဆောင်သို့ ပေးစာ

သို့
တူတော်မောင်ကိုကိုကြီး
၈၈ မျိုးဆက်ကျောင်းသားခေါင်းဆောင်

ဦးအနေနဲ့ ဒီစာကို ရေးရကောင်းနိုး၊ မရေးရကောင်းနိုး ချီတုံချတုံ စဉ်းစားခဲ့ပြီးမှ လူအုပ်စုတစ်စု၊ ရွာတစ်ရွာကို ရပ်တည်ရာမဲ့အောင် သေဒဏ်ပေးသလို အခြေအနေမျိုး ဆိုက်သွား နိုင်တာမို့ ၀င်ရှင်းမပြရင် တာဝန် မကျေ သလို ခံစားရလို့ ဒီစာကို ရေးလိုက်ရခြင်း ဖြစ်ပါတယ်။

ငါ့တူအနေနဲ့ အကျဉ်းထောင်က လွတ်လာခါစက မီဒီယာတွေနဲ့ တွေ့တဲ့အခါ လက်လွတ် စပယ် မဖြေသေး ဘဲ ပြင်ပနဲ့ကင်းကွာနေတာကြာပြီဖြစ်လို့ လေ့လာစရာတွေ လေ့လာရဦးမယ်လို့ ချင့်ချင့်ချိန်ချိန်ပြောခဲ့ တာကြောင့် ငါ့တူတွေ ရင့်ကျက်လာပြီဆိုပြီး လေးစားချီးကျူးမိခဲ့ပါတယ်။

နိုင်ငံရေးသမားလုပ်မဲ့ လူတစ်ယောက်အနေနဲ့ သမိုင်း၊ ပထ၀ီ၊ ဒဿနိက၊ စီးပွားရေး၊ နိုင်ငံ တကာရဲ့ မျက်မှောက် အခြေအနေ စတာတွေကို မသိဘဲ မလေ့လာဘဲ ရှေ့ဆက်လို့မရနိုင်ဘူး ဆိုတာ အမှန်ပဲ မဟုတ်လား။

ဒီနောက်ပိုင်းမှာ ငါ့တူတို့ ၈၈-လူငယ်တွေ တစ်ပြည်လုံးအနှံ့သွားပြီး လူ့အခွင့်အရေးနဲ့ ဒီမိုကရေစီရေးအခြေခံနဲ့ လွတ်လပ်လူ့အဖွဲ့အစည်းပေါ်ပေါက်ရေးဆိုပြီး ရဲရဲဝံ့ဝံ့ အလုပ်လုပ် နေကြတာကိုလည်း အားတက် ဂုဏ်ယူမိ သလို ငါ့တူတို့ ခလုတ်မထိ ဆူးမငြိစေဖို့၊ အသက်ရှည်ရာ အနာမဲ့ကြောင်း ဆုတောင်းမပျက်ခဲ့တာ အမှန်ပါ။ လူထုကို ပန်းတိုင်မပျောက်အောင် လမ်းပြ ထိန်းသိမ်းတည့်မတ်ပေးနေတာတွေကိုကြည့်ပြီး ဒီမိုကရေစီ ဘက်တော် သား ပြည်သူတစ်ယောက် အနေနဲ့ ကျေးဇူးကမ္ဘာပါ။

၈၈-ဆိုတာ ဦးကိုယ်တိုင် ယုံကြည်အားကိုးတဲ့ နိုင်ငံရေးအရိယာလေးတွေ၊ ဖြူစင်တယ်၊ ပြတ်သားတယ်၊ ဘက် မလိုက်ဘဲ အမှန်တရားအတွက် တည့်တည့်ပြောတတ်သူတွေလို့ နှလုံးသားမှာ သစ္စာဆိုထားခဲ့တာပါ။ ၈၈ ဆို တာကို စကတည်းက ယုံကြည်လို့လဲ ဦးရဲ့ တစ်ဦးတည်း သော သားကို ခွပ်ဒေါင်းသစ္စာနဲ့ တူမောင်တို့ လက်ထဲကို ၀ကွက်အပ်နှံခဲ့တယ်။

မိုးဒဏ်၊ လေဒဏ် ကြံ့ကြံ့ခံရင်း သားပျောက်၊ သမီးပျောက်နဲ့ ၀ရုန်းသုန်းကား မိသားစုဘ၀ ပြိုကွဲ ပြီး ကျောက်ကပ် ရောဂါသည် ဇနီးဖြစ်သူကို အနီးကပ်ပြုစုနေရလို့ အဝေးရောက် သားသမီးတွေအတွက် အလွမ်းပြေအောင် တူတော်မောင်တို့ လူသိုက်ကိုကြည့်ရင်း အားမွေးနေရသူပါ။

ဦးကိုယ်တိုင်က အညတရ နိုင်ငံရေး ခရီးသည်ဘ၀အစ ၁၉၆၂-ခုနှစ်၊ သတ္တမတန်း ကျောင်းသားဘ၀မှာ ပုသိမ် ဥပစာကောလိပ်က ကျောင်းသားခေါင်းဆောင် ကိုနေ၀င်းစံ၊ မမိမိစံ၊ ကိုလှိုင်ဘွားနဲ့ အလွတ် ပညာသင်ကျောင်း သိန်းကောလိပ်က ခေါင်းဆောင် ကိုဖြူတို့နောက်က ကလေးပီပီ ထုံးပုံးနဲ့ တံမြက်စည်းတံကိုကိုင်ပြီး၊

““ကျောင်း တိုင်းဖွင့်ရမည်၊ ပန်းတိုင်းပွင့်ရမည်””
““ဒို့ကျောင်းသားသွေးနဲ့ ရေးတဲ့ဥပဒေ ဒို့အလိုမရှိ”” ဆိုတဲ့ ကြွေးကြော်သံတွေကို ကတ္တရာလမ်း မှာရေးရင်း ပါဝင်ခဲ့ဖူးသူပါ။

ဦးရဲ့သားကလေးဟာလည်း ဒီလိုဆယ်ကျော်သက်အရွယ်မှာပဲ မင်းတို့လက်ထဲကို ရောက်လာခဲ့တာ မဟုတ် လား။ ဒါတွေကို ရေးပြနေရတာက ဦးရှေ့ဆက်ပြောမဲ့ အကြောင်းတရားတွေဟာ မလိမ်၊ မညာ၊ မကွယ်၊ မ၀ှက်ဘဲ ရိုးဖြောင့်တဲ့ခွပ်ဒေါင်းသစ္စာနဲ့ ပြောနေကြောင်း ငါ့တူသိစေချင်လို့ပါ။

၁၉၆၉ ကျွန်းဆွယ်အရေးအခင်းမှာ အဖမ်းခံရပြီး ကျောင်းပါအထုတ်ခံရတယ်။ ဒါပေမဲ့ ၁၉၇၄ အလုပ်သမား အရေးအခင်းနဲ့ ဦးသန့်အရေးအခင်းကာလတွေမှာ ကလေး(၃)ယောက်အဖေ ဖြစ်နေပေမဲ့ မာန်မလျှော့စတမ်း ၀င်ကခဲ့ပါတယ်။ ကျောင်းထဲက သမဂ္ဂနေရာဟောင်းမှာ ဦးသန့်ရဲ့ဂူဗိမာန်ကို ဆောက်ကြတဲ့အထဲ ဦးလည်း ပါဝင်ခဲ့ပါတယ်။ ဒီလို မြန်မာ့နိုင်ငံရေး ဒီရေလှိုင်းတံပိုးတက်တိုင်း အညတရဘ၀နဲ့ ၀င်ကခဲ့ဖူးသူ တစ်ယောက်ပါ။

၈၈-အရေးအခင်းရယ်လို့ စစချင်း ဘုန်းမော်ကိစ္စအလွန် မတ်လမှာ ဦးအဖမ်းခံရတယ်။ ဇွန်လမှာ တစ်ကျော့ ပြန်ဖြစ်ပြီး တောင်းဆိုကြလို့ ဇူလိုင်လမှာ ဦးတို့ပြန်လွတ်လာခဲ့တယ်။ ထောင်ထဲက ပါလာတဲ့ဒဏ်ရာ တွေ ကို ဆေးကုနေတဲ့ကြားက ၈ လေးလုံးဆိုပြီး ရက်ချိန်းပေး လိုက်တော့ ““မြန်မာမွတ်စလင် သပိတ်ကော် မတီ””ကို ၀မ်းအိုဝမ်း ဦးကျော်ဝင်းမောင်၊ ဦးထွန်းကြည်(ကွယ်လွန်)၊ ကိုဌေးလှိုင်(ကွယ်လွန်)တို့နဲ့ အတူ ဦးဆောင် ဖွဲ့စည်းပြီး S.C.S မှာ ပူးပေါင်းပါဝင်ရင်း ရန်ကုန်ဆေးရုံကြီး သပိတ်စခန်း မှာ နေ့ရော ညပါ တောက်လျှောက်ပါဝင်ခဲ့ သူပါ။ ဒါလည်း အညတရဘ၀နဲ့ပါပဲ။

အကသ ကျောင်းသားလေးတွေဖြစ်တဲ့ မင်းဇင်၊ သက်ဝင်းအောင်၊ ရဲတေဇာ၊ဗထူးအောင်၊ မောင်ဆန်း၊ ဇေယျကြီး (အင်းစိန်)၊ စိုးမိုး၊ ကျော်သူရ စတဲ့ကလေးတွေဟာ ဦးရဲ့သား ဇေယျာဝင်း ကို အကြောင်းပြုပြီး ဦးရဲ့အိမ်ကို စားအိမ်၊ သောက်အိမ်၊ ဆုံရပ်အဖြစ် သုံးခဲ့ကြတယ်။ ၈-လေးလုံးကို ဖြိုခွင်းပြီးစစ်အာဏာသိမ်းလိုက် တဲ့ အခါ ကျောင်းသားတွေ တပ်ဖျောက်ခဲ့ကြပေမဲ့ ဒီကလေးတွေကတော့ ဦးတို့ မိသားစုနဲ့ တစ်သားတည်းရှိနေ ဆဲပါ။

နောက်ပိုင်းမှာ ဦးရဲ့သား ဇေယျာဝင်းလည်း ထောင်ထဲကို ၀င်လိုက်ထွက်လိုက်နဲ့ နောက်ဆုံး အကြိမ် မှာ တော့ တော်တော် နှစ်ကြာသွားခဲ့တယ်။ ဒီအတောအတွင်း ငါ့တူလည်း ထောင်ထဲရောက်နေတုန်း အပြင်မှာ အဖေ ဆုံးသွားတာကအစ ဦးသိနေခဲ့ပါတယ်။ ဒါပေမဲ့ ၈၈ ရဲ့ရဲမာန်နဲ့သတ္တိဟာ ဓားတောင်ကိုကျော်ပြီး မီး ပင်လယ်ကိုပင်ဖြတ်ရဲတယ်ဆိုတာကို ဦးအသေအချာ ယုံကြည်နေတဲ့အတွက် ငါ့တူတို့ ဘာကိုပဲလုပ် လုပ် ထောက်ခံပြီးသားပါ။ ဦးရဲ့ဒီသဘောထားကို ငါ့တူတို့အထဲက ကိုဂျင်မီနဲ့ မနီလာသိန်းတို့ ဇနီးမောင်နှံ အသိဆုံးပါ။ ဒီနေ့ထိလည်း ၈၈ ကို စိတ်နဲ့တောင်မပြစ်မှားသေးပါဘူး။

ဒါပေမဲ့ ငါ့တူရယ်- ငါ့တူရဲ့ရခိုင်ခရီးစဉ်က အပြန် သြဂုတ်လ (၅)ရက်နေ့သတင်းစာ ရှင်းလင်းပွဲ မှာ ကျောက်နီမော် နဲ့ ပတ်သက်ပြီး ငါ့တူရဲ့ရိုက်ချက်ကတော့ ပြင်းလွန်းလှတယ်။ ငါ့တူအပေါ် အမျိုးသားရေး ဆိုတဲ့ မျက်မှန်စိမ်းကိုတပ်ပြီး၊ မျက်ရည်ခံထိုးရင်း အိပ်မွေ့ချ၊ နဖားကြိုး ထိုးသွားတဲ့ မြန်မာပြည်ရဲ့ နာဇီလက်သစ် ၀ါဒီတွေရဲ့ အငိုကောင်းကောင်းနဲ့ သရုပ်ဆောင်မှုတွေကြားမှာ ငါ့တူရဲ့ ဖြူစင်တဲ့နှလုံးသားဟာ ညစ်နွမ်းခဲ့ရပြီ။

ငါ့တူတို့ ရခိုင်ကိုမသွားခင် ရခိုင်သမိုင်းကို လေ့လာသင့်တယ်။ ရခိုင်မှာ ရှိခဲ့တဲ့ ဓည၀တီ ခေတ်၊ ဝေသာလီ ခေတ် နိုင်ငံတော်တွေဟာ ပုဂံထက်တောင်ရှေးကျတယ်။ ဒီခေတ်က ရခိုင် ပြည်သားတွေဟာ အင်ဒိုအာရိယန် ဆိုတဲ့ အိန်္ဒိယနွယ်ဖွားတွေ၊ မွန်ဂိုလွိုက် ဒါမှမဟုတ် တိဘက် တိုဘာမင်လို့ခေါ်တဲ့ ဗမာနဲ့အနွယ်တူသူတွေ က အေဒီ ၉ရာစု၊ ၁၀ ရာစုကမှ ရခိုင်ကိုဝင်လာပြီး လေးမြို့ခေတ်၊ မြောက်ဦးခေတ်တွေမှာ မင်းဆက်တွေ ထူထောင်ခဲ့ကြတာ။

ငါ့တူရောက်ခဲ့တဲ့ ကျောက်နီမော်၊ ကျောက်ထရံရွာတွေက လူတွေဟာ ဝေသာလီလား၊ ဘင်္ဂါလီလား ခွဲခွဲခြားခြား နားလည်ဖို့တော့လိုလိမ့်မယ်။ ငါ့တူနဲ့ အတူပါတဲ့ သမိုင်းပညာရှင်ဆိုတဲ့လူက လာတုန်းက နည်းနည်းလေး အခု များလာတော့ ပင်လယ်ဝင်ပေါက် ထွက်ပေါက်ကို လုံခြုံအောင်ပိတ်ပေါ့၊ ငါးဖမ်းလှေထဲမှာ လူပိုတွေ ပါလားမပါ လား ဘယ်သူသိမှာလဲဆိုတဲ့ မေးခွန်းတွေကို ကြားရတော့ ဦး ရယ်ချင်မိတယ်။

ကဲ-ပြောစရာရှိလာပြီဆိုတော့ ဦးပြောရတော့မယ်။ ကျောက်ထရံ၊ ကျောက်နီမော်စတဲ့ ရွာတွေဟာ အေဒီ ၇ ရာစု လောက်ကတည်းက ရှိနေတဲ့ရွာတွေဆိုတာ အထောက်အထား အခိုင်အမာရှိတယ်။ မူလက ဝေသာလီ ဟိန္ဒူတွေ၊ ဇာတ်မျိုးရိုးအရ ငါးဖမ်းတဲ့လူမျိုးတွေ ဖြစ်တယ်။

၇ ရာစု ၈ ရာစုတွေမှာ သင်္ဘောပျက် အာရဗ်တွေနဲ့ အိမ်ထောင်ပြုတာရော၊ အိမ်ထောင်မပြုဘဲ ယုံကြည်မှု ကူးပြောင်းတာ တွေကြောင့်ရော အစ္စလာမ်ဘာသာဝင်တွေဖြစ်လာကြတယ်။ တဖြည်း ဖြည်း လူဦးရေ တိုးပွားလာကြတယ်။

ငါ့တူတို့ရောက်ခဲ့တဲ့ ကျောက်ထရံရွာမှာ လွန်ခဲ့တဲ့ နှစ် ၈၀၀ လောက်က ဆောက်ခဲ့တဲ့ ပလီချေ(ပလီအသေး) နဲ့ နှစ် ၇၀၀ လောက်က ဆောက်ခဲ့တဲ့ ဗလီကြီးဆိုတာ အထင်အရှားရှိတယ်။ ငါ့တူတို့ မရောက်ခဲ့ဘူး ထင် တယ်။

ကျောက်နီမော်ဆိုတာ မူလ ကျောက်ထရံရွာသားတွေ လာပြီး ပိုက်စခန်းချရာကနောက်ပိုင်းမှာ ရွာ အတည် တကျ ဖြစ်လာတာ။ အဲဒီမှာလည်း လွန်ခဲ့တဲ့ နှစ် ၄၀၀ လောက်က ဆောက်ခဲ့တဲ့ မကျီးတောဗလီဆိုတာ ရှိတယ်။ သူတို့ပြောတဲ့စကားမှာ အာရဗီ၊ ဟင်ဒီ၊ အူရဒူ၊ ရခိုင်၊ ဘင်္ဂါလီ၊ အင်္ဂလိပ် စတဲ့ဘာသာ စကား တော်တော် များများရောနေတာ တွေ့ရမယ်။ ဒါက ဘာသာဗေဒဆိုင်ရာ ကျွမ်းကျင်သူ ပညာရှင်တွေ သုတေသနလုပ်ပြီးမှ အဖြေထုတ်နိုင်မဲ့ ကိစ္စပါ။ ကိုယ်နားမလည်တဲ့ ဘာသာစကား တစ်ခုကို ပြောတိုင်း ဘင်္ဂါလီစကားပါလို့ လိုရာဆွဲပြောလို့မရဘူး။

လာတုန်းက နည်းနည်းလေး အခုအများကြီးဖြစ်နေတယ်လို့ ကောက်ချက်ချတာ ဟာ တော်တော် ဉာဏ်ပညာ မရှိတဲ့ ကောက်ချက်မျိုးလို့ ပြောချင်တယ်။ နှစ်ပေါင်းထောင်ကျော် သက်တမ်းရှိတဲ့ လူတစ်စုမပြောနဲ့ လူတစ်ယောက်ကတောင် သားစဉ်မြေးဆက်ထူထောင်ရင် ရွာတစ်ရွာဖြစ်နိုင်တယ်ဆိုတာ သာမန်ဉာဏ် နဲ့တွေးကြည့်ရင်တောင် သိနိုင်တဲ့ကိစ္စပါ။

နောက်ပြီး ငါးဖမ်းလှေထဲမှာ လူပိုတွေ ပါလားမပါလား ဘယ်သူသိနိုင်မှာလဲဆိုတဲ့စကားက အခြေအနေမှန် ကို မသိဘူးဆိုတာ ၀န်ခံရာရောက်နေပါတယ်။ ကျောက်နီမော်က ပင်လယ်ကို ငါးဖမ်းထွက်မဲ့ စက်လှေတစ်စီးမှာ ပါတဲ့ လူအားလုံး (၁) ဓာတ်ပုံကိုကပ်ပြီး ပုံစံဖြည့်ရတယ် ပြီးတော့ (၂) ရယက (၃) လ-၀-က (ပိတ်ဆို့ရေး) (၄) စ-ရ-ဖ (၅) ရဲစခန်း (၆) ရေလုပ်ငန်းဦးစီး ဆိုတဲ့ ထောက်ခံချက် အဆင့်ဆင့်ကို စရိတ်အကုန်ခံရယူပြီးမှ စက်လှေ ကိုပါ စစ်ဆေးပြီး ပင်လယ်ကို ထွက်ခွင့်ရတယ်။

ပြန်ရောက်ရင်လည်း ကမ်းကိုမကပ်ခင်မှာ သက်ဆိုင်ရာပိတ်ဆို့ရေးအဖွဲ့တွေ က လှေပေါ်အရောက် စစ်ဆေးပြီးမှ ကမ်းကပ်ခွင့်ရတာပါ။ ဒါတွေလုပ်လို့ ဘယ်လိုစရိတ်တွေ ကုန်နိုင်တယ်ဆိုတာ ငါ့တူ ခန့်မှန်းကြည့်ပေါ့။

ဒီလိုချုပ်ကိုင်မှုတွေကြားမှာ အသက်မွေးဝမ်းကျောင်း နေတဲ့ တံငါသည်တွေက ဘာအကြောင်းကြောင့် လူပိုတွေကို ခေါ်လာမှာလဲ။ ပြီးတော့ ဘင်္ဂလားဒေ့ရ်ှကလူတွေကရော ဒီလိုတံငါရွာကို ဘာမျှော်လင့်ချက်ရှိလို့ လာကြမှာလဲ။ ငါတူ စေ့စေ့တွေးကြည့်ပါ။ မ-ဆ-လ ခေတ်နဲ့ ဒီဘက်ပိုင်းမှာ ဖွတ်ကျောပြာစုနေတဲ့ ရခိုင်ပြည်နယ် ကို ဘယ်ဘင်္ဂါလီမှမလာဘူး။ ချမ်းသာတဲ့ အာဆီယံနိုင်ငံ၊ အရှေ့အလယ်ပိုင်းနိုင်ငံတွေ ဆီကိုသာ သွားကြ မှာပေါ့။ ဒါကိုသိတဲ့ သမ္မတကြီးဦးသိန်းစိန်ကတောင် နောက်ပိုင်းမှာ ၀င်လာတဲ့သူ မရှိသလောက်ပါ လို့ ပြောနေပြီလေ။

ဦးရဲ့စကားကို ပြန်ကောက်ရရင် ဒီကျောက်ထရံ၊ ကျောက်နီမော်သားတွေဟာ အစ္စလာမ် ဘာသာဝင်တွေဖြစ် လာကြပေမဲ့ သူတို့ရဲ့မူလဇစ်မြစ်ဖြစ်တဲ့ ဟိန္ဒူယဉ်ကျေးမှုတချို့ဟာ အခုထိ ကျန်နေပါသေးတယ်။ ဒီယဉ်ကျေးမှု ဓလေ့စရိုက်တွေ ပပျောက်ဖို့နဲ့ ပြည်ထောင်စုစိတ်ဓာတ်၊ မြန်မာ့ယဉ်ကျေးမှုတွေထွန်းကားဖို့ အစ္စလာမ် သာသနာ့ဘောင်အတွင်းက တိုင်းရင်းသား ပီသအောင် နေထိုင်ဖို့ တိုက်တွန်းနှိုးဆော်သူတွေဟာ ဒီရွာ မှာ ပေါ်ပေါက်ခဲ့ဖူးပါတယ်။ ဦးအနေနဲ့ ဒီစာကို ရေးရတဲ့အကြောင်းရင်းဟာ ဒီကိစ္စကြောင့်ပဲ။

ငါ့တူရောက်ခဲ့တဲ့ ကျောက်နီမော်ရွာက မင်္ဂလာတောင်ပေါ်မှာ အုတ်ဂူဗိမာန်တစ်ခုရှိတယ်။ ဒီအုတ်ဂူဟာ ဦးရဲ့ ဥပဇ္ဈာယ်ဆရာဖြစ်သူ နယ်ချဲ့ဆန့်ကျင်ရေး၊ ဖက်ဆစ်ဆန့်ကျင်ရေးသမား သခင်ဇွာ ခေါ် ဆရာကြီး ဦးနဇွာမွဒ္ဒင်ရဲ့အုတ်ဂူပါပဲ။

သူ့ကို အစ္စလာမ်ဘာသာရဲ့ သူတော်စင် တစ်ဦးလို့ ယုံကြည်ကြပါတယ်။ သူဟာ အင်္ဂလိပ်နယ်ချဲ့နဲ့ ဂျပန်ခေတ်တွေမှာ ရွှေဘို၊ ကန့်ဘဘူ၊ ဘုံးအိုးစတဲ့ဒေသတွေမှာ ပညာသင်ရင်းနဲ့ အမျိုးသားလွတ်မြောက်ရေး၊ နယ်ချဲ့နဲ့ဖက်ဆစ် ဆန့်ကျင်ရေးတွေကို ဆရာချယ်(နိုင်ငံ့ဂုဏ်ရည်ပထမဆင့်) (၁၉၉၀ ပါတီစုံ ဒီမို ကရေစီ ရွေးကောက်ပွဲ ကျင်းပရေးကော်မရှင်အဖွဲ့ဝင်)၊ အခု အသက် ၉၈ နှစ်ရှိပြီဖြစ်တဲ့ သခင်မင်းညို (ဗန်းမော်)၊ အာဇာနည် ဆရာကြီးဦးရာဇတ် စတဲ့ပုဂ်္ဂိုလ်ကြီးတွေနဲ့အတူ ဆောင်ရွက်ခဲ့သူဖြစ်တယ်။

ဂျပန်ခေတ် ဘုံးအိုးရွာသားတွေနဲ့ B.I.A တပ်ကြားမှာ သဘောထားကွဲလွဲတဲ့ကိစ္စကို ဆရာကြီး ဦးရာဇတ်နဲ့အတူ ညှိနှိုင်းဖြေရှင်းပေးခဲ့သူပါ။ (သခင်တင်မြရဲ့ ဘုံဘ၀မှာဖြင့်ကိုကြည့်) ဒီဆရာကြီးဟာ လွတ်လပ်ရေးရအပြီးမှာ ရခိုင်ကိုပြန်လာပြီး ကျောက်နီမော်ရွာမှာ ““ဟေမာယတွလ် အစ္စလာမ်”” ခေါ်တဲ့ အစ္စလာမ့်အကျိုးဆောင် အဖွဲ့တစ်ဖွဲ့ကိုဖွဲ့စည်းပြီး တိုင်းတစ်ပါးသြဇာကင်းရေး၊ ဘာသာရေးအယူသီးမှုတွေ ပပျောက်ရေး၊ ဆင်းရဲသား များ ကောင်းစားရေး၊ အမျိုးသမီးများ ဘ၀မြှင့်တင်ရေး၊ အစ္စလာမ်ဘာသာရေးနဲ့အတူ ခေတ်ပညာကိုပါ သင်ယူရေး၊ ဘာသာပေါင်းစုံ ချစ်ကြည်ရင်းနှီးစွာ နေထိုင်ရေးစတာတွေကို အမြော်အမြင်ကြီးစွာနဲ့ လှုံ့ဆော် တိုက်တွန်း သင်ကြား ပေးခဲ့တယ်။ ကျောက်နီမော်ရွာသား လူငယ်တချို့ကို သူအခြေစိုက်ရာ သံတွဲ ကိုခေါ်သွားပြီး ဘာသာရေးရော ခေတ်ပညာကျောင်းမှာပါ ပညာသင်ကြားပေးခဲ့ပါတယ်။

နောက်ပိုင်းမှာ ဒီလူငယ် တွေထဲက တက္ကသိုလ်ဘွဲ့ရ၊ ဆရာဝန်၊ အင်ဂျင်နီယာ၊ ကျောင်းဆရာ၊ ရှေ့နေ စတဲ့ နိုင်ငံ့ဝန်ထမ်း ရော ၀န်ထမ်းမဟုတ်သူတွေပါ အမြောက်အမြား ပေါ်ပေါက်ခဲ့တယ်။ ဒီဆရာကြီးရဲ့ တပည့်တွေ ဟာ ခုချိန်ထိ အနယ်နယ်အရပ်ရပ်သာမက တစ်ကမ္ဘာလုံး နိုင်ငံအတော်များများကို ရောက်ရှိ ပြီး ပညာသင်ကြားနေကြတယ်။

ဦးကိုယ်တိုင်က တောင်ငူ၊ ပုသိမ်၊ သံတွဲ အဆက်ဆိုပေမဲ့ ဒီဆရာကြီးနဲ့ ဆုံစည်းခွင့်ရခဲ့လို့ သူ့အကြောင်း၊ သူ့ရွာ ကျောက်နီမော်အကြောင်းကို ၁၉၆၇ လောက်ကစပြီး ခုချိန်အထိ ကောင်းကောင်းသိတယ်။ ဒါပေမဲ့ ရခိုင်နယ်က အစ္စလာမ်ဘာသာရေး အယူသီးသမား ရှေးရိုးစွဲဝါဒီတချို့ကတော့ ဒီဆရာကြီး ရဲ့သွန်သင်ချက်တွေကို မိစ္ဆာအယူ အဆတွေဆိုပြီး လက်မခံကြဘူး။

ဒါကြောင့်လည်း ခုနောက်ပိုင်းမှာ သမ္မတကြီးဦးသိန်းစိန်က ဒီအစ္စလာမ်ဘာသာဝင်တွေဟာ ခေတ်ပညာမတတ်၊ ပတ်ဝန်းကျင်နဲ့ ဆက်ဆံရေးမရှိတဲ့အတွက် ပတ်ဝန်းကျင်နဲ့ သဟဇာတဖြစ်အောင် မနေတတ်ဘူး လို့ ကောက်ချက် ချပြီး ပညာမျက်စိဖွင့် ပေးရမယ်လို့ ပြောတာကို ကျောက်နီမော်ရွာက ဒီဆရာကြီး ရဲ့တပည့်တွေအနေနဲ့ လှိုက်လှိုက် လှဲလှဲ ကြိုဆိုကြပါတယ်။ ဒါဟာ အနှစ်နှစ်အလလက သူတို့မျှော်လင့်နေတဲ့ ပညာရေးပန်းတိုင် ဖြစ်နေလို့ပါပဲ။

ငါ့တူတို့ထူထောင်ချင်တဲ့ ပွင့်လင်းလူ့အဖွဲ့အစည်းဆိုတာကိုလည်း ကြိုဆိုပါတယ်။ ဒါကြောင့် ဦးအနေနဲ့လည်း ပွင့်ပွင့်လင်းလင်းပဲပြောချင်ပါတယ်။ ကျောက်နီမော်ကလူတွေဟာ ဘင်္ဂါလီ တွေမဟုတ် ဘူး။ ဝေသာလီ အဆက်တွေလို့ ပြောခဲ့ပြီးပြီ။ ငါ့တူပြောသလို သူတို့ကို ဘာကြောင့် ကမန်ထဲမှာ ထည့်ရတယ်ဆိုတာ အခုပြောမယ်။

အမှန်က ဒီလူတွေဟာ ကမန်တွေ ရဲ့ဘိုးအေ တွေလို့ ပြောလို့ရတယ်။ ကမန်ဆိုတာ AD (၁၆)နဲ့ (၁၇) ရာစုကျမှ ရခိုင်ကိုရောက်တာ သူတို့က (၇)ရာစုကတည်းက ရှိနေခဲ့တာ။ ၁၉၄၉ ခုနှစ် နိုင်ငံသားမှတ်ပုံတင်ဥပဒေအရ ၁၉၅၇ ခုနှစ်မှာ မှတ်ပုံတင်ကတ်ပြားတွေ ထုတ်ပေးစဉ်က ကျောက်နီမော် ရွာသားတွေကို ရခိုင်လူမျိုး၊ အစ္စလာမ် ဘာသာဝင်တွေအဖြစ် မှတ်ပုံတင်၊ သန်းခေါင်စာရင်းတွေ မှာ ဖော်ပြခဲ့ကြတယ်။

ဒါပေမဲ့ ၁၉၈၂ ခုနှစ် ဦးနေ၀င်းရဲ့ မြန်မာနိုင်ငံသားဥပဒေ ထွက်လာပြီးနောက်ပိုင်းမှာ ရခိုင်မှန်ရင် ဗုဒ္ဓဘာသာ ပဲရှိတယ်၊ ရခိုင်လူမျိုး၊ အစ္စလာမ်ဘာသာဆိုတာမရှိဘူးဆိုပြီး ကမ္ဘာမှာမရှိတဲ့ပြဋ္ဌာန်းချက်ကို ရခိုင်ခေါင်းဆောင်တွေက ပြောလာကြတယ်။

ဒါကြောင့် အဲဒီဥပဒေမှာ သတ်မှတ်ထားတဲ့ ၁၈၂၄ ခုနှစ်မတိုင်မီ ရခိုင်ပြည်ကိုရောက်နေတဲ့ အာရဗ်အနွယ်၊ ပါရှန်းအနွယ်တွေဟာ ကမန်တိုင်းရင်းသား တွေသာဖြစ်တယ်လို့ လ-၀-က ကသတ်မှတ်ပြီး၊ နောက်ပိုင်း ထုတ်ပေးတဲ့ နိုင်ငံသားစိစစ်ရေး ကတ်တွေမှာ ကျောက်နီမော်ရွာသားတွေဟာ ကမန်တွေ အဖြစ် ဖော်ပြခြင်း ခံရတယ်။

ဒါဟာ တကယ်တော့ လ-၀-က ရဲ့အမှားလို့လည်း မဆိုနိုင်ဘူး။ ““ရခိုင်အစ္စလာမ်ဆိုတာ မရှိဘူး”” လို့ ဇွတ်ငြင်းနေတဲ့လူတွေမှာသာ တာဝန်ရှိတာပါ။

ဦးလှဝင်း (မင်းညိုငယ်-သံတွဲ)
B.A(Hist), H.G.P., R.L.I, C.B.D.S
တွဲဖက်အထွေထွေ အတွင်းရေးမှူးဟောင်း အမျိုးသားညီညွတ်ရေး ကွန်ဂရက် (၁၉၉၀)