ဗဟိုဘဏ် ဖွဲ့စည်းပုံအသစ် အတည်ပြု

ဗဟိုဘဏ် သီးခြားရပ်တည်ဖို့ ဖွဲ့စည်းပုံအသစ်ကို အစိုးရအဖွဲ့က အတည်ပြုလိုက်ပြီဖြစ်ပြီး ဖွဲ့စည်းပုံအသစ်အရ ဝန်ထမ်းဦးရေ နှစ်ဆကျော် ပိုမိုပါဝင်တယ်လို့ ဗဟိုဘဏ်မှ သိရသည်။ ဗဟိုဘဏ်ဖွဲ့စည်းပုံအသစ်မှာ သူ့ကော်မတီနဲ့သူ ပါဝင်မှာ ဖြစ်တယ်။

ကော်မတီအသစ်မှာ ပညာရှင်တွေနဲ့ အရာထမ်း၊ အမှုထမ်းတွေ အများကြီးခန့်ဖို့ လိုအပ်ပါတယ်။ ဗဟိုဘဏ် တာဝန်ရှိသူတစ်ဦးက “လက်ရှိ ဖွဲ့စည်းပုံမှာ လူဦးရေ ၁၂၀၀ ရှိတယ်၊ ဖွဲ့စည်းပုံအသစ်မှာ ၂၅၀၀ လောက် ဖွဲ့မှရမယ်” လို့ ပြောပါတယ်။

ဗဟိုဘဏ် သီးခြားရပ်တည်တာက ခွဲထွက်တာမဟုတ်ဘဲ ငွေကြေးမူဝါဒ ချမှတ်ဖို့ လုပ်ပိုင်ခွင့်ရရှိတာ ဖြစ်တယ်။ သည်အချိန်မှာ အတိုးနှုန်း ပြောင်းချင်ရင် အစိုးရအဖွဲ့ကို တင်ပြရပါတယ်။ ဗဟိုဘဏ် သီးခြားရပ်တည်ရင် ငွေကြေးမူဝါဒတွေဖြစ်တဲ့ အတိုးနှုန်း၊ နိုင်ငံခြားငွေဈေးကွက်၊ သီးသန့်ငွေကြေး ထားရမယ့်အချိုး၊ ငွေတိုက်စာချုပ် အရောင်းအဝယ်၊ ငွေစက္ကူကျပ်ငွေ ထုတ်ခွင့်တွေကို ဗဟိုဘဏ်ရဲ့ အဆုံးအဖြတ်နဲ့ လုပ်ကိုင်နိုင်မှာ ဖြစ်တယ်။

ဘဏ္ဍာရေးဝန်ကြီးဌာနကတော့ အစိုးရရငွေ၊ သုံးငွေ၊ အခွန်စတဲ့ မူဝါဒတွေသာ ချမှတ်မှာ ဖြစ်တယ်။ ဗဟိုဘဏ် သီးခြားရပ်တည်ပြီ ဆိုရင်လည်း ဘဏ္ဍာရေးဝန်ကြီးဌာနနဲ့ နီးနီးစပ်စပ် ပူးပေါင်းလုပ်ဆောင်မှာ ဖြစ်တယ်လို့ သိရတယ်။

ဗဟိုဘဏ် သီးခြားရပ်တည်ဖို့ ၁၉၉၀ ပြည့်နှစ်က ဗဟိုဘဏ်ဥပဒေကို ပြင်ဆင်ရေးဆွဲရမှာ ဖြစ်တယ်။ ဘတ်ဂျက်ကလည်း သီးခြားဖြစ်ရမယ်လို့ သိရတယ်။ ၂၀၀၃-၂၀၀၄ ခုနှစ်အတွက် ဘတ်ဂျက်ကို ပြည်ထောင်စု အစိုးရထဲက ဘတ်ဂျက်နဲ့ပဲ ရေးဆွဲထားပါတယ်။

ဗဟိုဘဏ်က တာဝန်ရှိသူက “ဗဟိုဘဏ်ရဲ့ ဝင်ငွေတွေက ဘဏ်တွေအပေါ်ရတဲ့ ကြီးကြပ်ခ၊ ငွေတိုက်စာချုပ် အတိုးတွေ၊ ဗဟိုဘဏ်က ငွေကြေးအဖွဲ့အစည်းတွေဆီက ဘီလျံနဲ့ချီပြီး ငွေချေးပေးတဲ့ အတိုးတွေရမယ်၊ ဘတ်ဂျက်ဘယ်လိုလုပ်မယ် ဆိုတာ ခုထိ မဆုံးဖြတ်ရသေးဘူး” လို့ ဆိုတယ်။

ဗဟိုဘဏ် ဖွဲ့စည်းပုံ အသစ်အရ လိုအပ်တဲ့ ပညာရှင်နဲ့ ဝန်ထမ်းတွေကို ပြည်တွင်း ကနေ ခေါ်ယူမှာဖြစ်တယ်။ အထူးကိစ္စရပ် အနေနဲ့ စီးပွားရေး တက္ကသိုလ်က ပါမောက္ခကို ခန့်မယ်ဆိုရင်တော့ ဝန်ကြီးဌာနနှစ်ခု ညှိနှိုင်းပြီး ခန့်မယ်လို့ သိရပါတယ်။

ဖွဲ့စည်းပုံနဲ့ လိုအပ်တဲ့ ဥပဒေတွေ လွှတ်တော်မှာ ဆွေးနွေးအတည်ပြုပြီးရင် ဗဟိုဘဏ်သီးခြား ရပ်တည်မှာဖြစ်ကြောင်း သိရသည်။

Myanmar Express

ဒေါ်စုကြည်ရဲ့ သားသမီးတွေ မီဒီယာအားကိုး နဲ့ ပြည်သူ့ ၀န်ထမ်းတွေအား မိုက်ရိုင်း စော်ကားမှုဖြစ်ပွား

ရန်ကုန်ပြည်သူ့ ဆေးရုံကြီးမှာ ဒေါ်စုကြည် အားကိုးနဲ့ အမေ့ ဘေးနားမှာ နေတဲ့ ကောင် ငါ့ကို ဘာမှတ်လဲ မင်းတို့ကို အလုပ်ဖြုတ်ပစ်လို့ ရတယ် ဟုဆိုတာ တာဝန်ကျ ၀န်ထမ်းများကို ချိန်းခြောက်မှု ဖြစ်ပွားခဲ့တယ် လို့ သိရှိရပါတယ်... အဲဒီလို ခြိမ်းခြောက်မှုတွေ ကြောင့် တာဝန်ကျ ဆေးရုံအုပ်ကြီးနှင့် တကွ သက်ဆိုင်ရာ ဌာနမှ ဒေါ်အောင်ဆန်းစုကြည် နဲ့ ဒီမိုကရေစီအဖွဲ့ ချုပ်ထံ သို့ စာရေးပြီး တိုင်တန်းထားသော်လည်း အရေးယူဆောင်ရွက်မှု တစ်စုံတစ်ရာ မရှိသေး ( အဆိုပါဖြစ်စဉ်နဲ့ ပတ်သက်၍ အရေးယူဆောင်ရွက်ပေးမှု တစ်စုံတစ်ရာ ထုတ်ပြန် ကြေငြာထားခြင်း မရှိသေးကြောင်း သိရှိရပါတယ်...)




http://viewsofmyanmar.blogspot.com/2012/08/blog-post_30.html

ပြည်သူ့အသံ နားထောင်မယ့် ပြန်ကြားရေး ၀န်ကြီးသစ်

ပြန်ကြားရေး ၀န်ကြီးသစ်ဖြစ်လာတဲ့ ဦးအောင်ကြည်ဟာ စာရေးကောင်းသူတဦးလည်း ဖြစ်ပါတယ်။ ထူးခြား တာက မြန်မာအစိုးရ ၀န်ကြီးတွေထဲမှာကိုယ်ပိုင်အင်တာနက် ၀က်ဆိုက်စာမျက်နှာ ရှိတာ ကြားဖူးသလောက် သူတယောက်ထဲရှိတယ် ထင်ပါတယ်။

သူ့ရဲ့ ကလောင်အမည်ကတော့ မင်းဗထူး ဖြစ်ပါတယ်။ သူ့ရဲ့ အင်တာနက် စာမျက်နှာမှာ သူရေးခဲ့ဖူး တဲ့ ဆောင်းပါးတွေ၊ စစ်ပညာ၊ နည်းပညာ စတဲ့ စာအုပ်တွေအကြောင်းစုံကို တင်ပြထားပါတယ်။

ပြန်ကြားရေး ဒုဝန်ကြီး အသစ်စက်စက် ဦးရဲထွဋ်ကတော့ ပြန်ကြားရေး ၀န်ကြီး ဦးအောင်ကြည်ကို အကြံပြု လိုသူတွေဟာ သူ့ အင်တာနက် ၀က်ဆိုက်စာမျက်နှာမှာလည်း ပေးပို့ နိုင်တယ်လို့ အကြံပြုထားတာ တွေ့ရ ပါတယ်။

"၀န်ကြီးထံသို့အကြံဥာဏ်များ တိုင်ကြားချက်များပေးပို့လိုပါက ပြန်ကြားရေး ၀န်ကြီးဌာန ၀က်ဘ်ဆိုက် www.ministryofinformation.gov.mm မှာ ဖော်ပြထားတဲ့မေးလ်လိပ်စာကနေ ပေးပို့နိုင်ပါ တယ်။

ရေးသား ချက်များကို နေ့စဉ် ကျွန်တော်က ဖတ်ရှုပြီး ၀န်ကြီးထံတင်ပြခြင်း၊ ပေးပို့သူထံသို့ အကျိုးအကြောင်း ပြန်ကြားခြင်းများကို လုပ်ဆောင် ပေးသွားပါ့မယ်။" တဲ့။

အရင့် အရင် အစိုးရ ၀န်မင်းများကတော့ တပါးသူပေးတဲ့ အကြံဥာဏ်ကို လေးစားစွာ နာယူလေ့မရှိခဲ့ပါဘူး။ သမ္မတ ဦးသိန်းစိန်နဲ့ အခု နောက်ထပ် ၀န်မင်း တပါးကလည်း အခုလို တပါးသူရဲ့ အကြံပြုချက် ကို လေးစား စွာ နာယူတာဟာ မင်္ဂလာ တပါးပါ။

ဒါကြောင့် အကြံပြုလိုသူတွေအနေနဲ့ ပြန်ကြားရေး ၀န်ကြီးသစ်ရဲ့ ဒီနေရာ က အင်တာနက် ၀က်ဆိုက်စာမျက်နှာ ကို သွားပြီး အကြံပြု နိုင်ပါတယ်။

သူတို့အရေးနဲ့ ကိုယ်တို့အရေး

ပြည်ပ အတိုက် အခံများ အစိုးရပေါ် ယုံကြည်မှု တိုးလာ ဟုဆို

မြန်မာ နိုင်ငံရေး အပြာင်းအလဲ များနှင့် ပြည်တွင်း ငြိမ်းချမ်းရေး ဖော်ဆောင်ရေး လုပ်ငန်း စဉ်များ၊ နိုင်ငံသား အားလုံး ပါဝင်နိုင်မည့် နိုင်ငံရေး လုပ်ငန်းစဉ် တစ်ရပ် ဖော်ဆောင် နေမှုကြောင့် ပြည်ပအတိုက်အခံများ ကြား နိုင်ငံတော်သမ္မတကြီး ဦးသိန်းစိန် ဦးဆောင် သော အစိုးရ အဖွဲ့ ပေါ်ယုံကြည် မှု တိုးလာကြောင်း ဇွန်လ၁ ရက် နေ့တွင် မြန်မာနိုင်ငံသို့ ပြန်လည် ရောက်ရှိလာသော ABSDF ဥက္ကဋ္ဌဟောင်း ဦးမိုးသီးဇွန် က ပြောကြားသည်။

အဆိုပါ ပြောကြားချက်ကို စက်တင်ဘာ လ ၂ ရက်နေ့ ရန်ကုန်မြို့ ဦးဝိစာရ လမ်းရှိ ငြိမ်းချမ်းရေး စင်တာ တွင် ကျင်းပ ပြုလုပ်သော အစိုးရ ငြိမ်းချမ်းရေး လုပ်ငန်း ကော်မတီ ဒုတိယ ဥက္ကဌ ဦးအောာင်မင်း နှင့် တွေ့ဆုံသည့် ပွဲတွင် သတင်းထောက်များအား ဦးမိုးသီးဇွန် ပြောကြားခဲ့သည်။

“ ကျွန်တော်တို့ ဒီနေ့ ဆွေးနွေးမှု ရလဒ်အရ အစိုးရနဲ့ ယုံကြည်မှု တော်တော် တည်ဆောက် နိုင်ခဲ့တယ် ပြည်ပ အတိုက်အခံတွေလည်း ယုံကြည်မှု တော်တော်လေး ရလာကြပြီ၊ ကျွန်တော်တို့လိုပဲ ပြည်ပက လူတွေ အများကြီး ပြန်လာ ကြဦးမယ် ” ဟု ဦးမိုးသီးဇွန်က ဆိုသည်။

ငြိမ်းချမ်း ဖော်ဆောင်ရေး လုပ်ငန်း ကော်မတီ ဒုတိယ ဥက္ကဋ္ဌ ပြည်ထောင်စု ၀န်ကြီး ဦးအောင်မင်း ကလည်း “ကျွန်တော်တို့ ငြိမ်းချမ်းရေး ကိစ္စ တွေ ၊ All Inclucive လူတွေ အားလုံး ပါဝင်နိုင် မယ့် နိုင်ငံရေး လုပ်ငန်းစဉ်တွေမှာ ခုလိုမျိုး ပဲ ပွင့်လင်း မြင်သာမှု ရှိရှိ ဆက်လက် လုပ်ဆောင်သွားပါမယ် ၊ ဘယ်သူ့မှ ချန်မသွားဘူး ဟု ပြည်ထောင်စုဝန်ကြီး ဦးအောင်မင်းက ပြောကြားသည်။

ABSDF ဥက္ကဋ္ဌ ဟောင်း ဒေါက်တာနိုင်အောင် ၊ ဒေါက်တာသောင်းထွန်း၊ ဦးညိုအုန်းမြင့် ၊ ABSDF ဥက္ကဋ္ဌ ဟောင်းနှင့် လူ့ဘောင်သစ် ဒီမိုကရေစီ ပါတီခေါင်းဆောင် ဦးမိုးသီးဇွန် အပါအ၀င် ၊လူ့ဘောင်သစ် ဒီမိုကရေစီ ပါတီဝင် များသည် သြဂုတ်လ ၃၁ ရက်နေ့ နှင့် စက်တင်ဘာလ ၁ ရက်နေ့တို့ တွင် မြန်မာနိုင်ငံသို့ ဆက်တိုက် ပြည်တော်ဝင်ခဲ့ ကြသည်။

Myanmar Express

ထမင်းကျွေးတဲ့လက်ကို ပြန်ကိုက်နေတဲ့...KIA

ကျွန်တော်တို့ ကချင်ပြည်နယ်အတွက် မည့်သည့်အချိန်ကမှ ကောင်းကျိုးမပေးခဲ့တဲ့ KIA အဖွဲ့ဟာ ငြိမ်းချမ်းရေး ကိုမျက်ကွယ်ပြုထားပြီးအကြမ်းဖက်အဖွဲ့အစည်းဖြစ်ကြောင်း ဘီလူးမှန်းသိအောင်အစွယ် ထုတ်ပြလျက်ရှိပါတယ်၊ KIA ဟာ ကချင်ပြည်နယ်နဲ့ ကချင်တိုင်းရင်းသားတွေကို ကိုယ်စားပြုတဲ့ အဖွဲ့အစည်းမဟုတ်တဲ့အတွက် ပြည်နယ်ရဲ့အလှအပတွေ၊ ဖွံ့ဖြိုးတိုးတက်မှုအတွက်အရေးပါတဲ့ လမ်း၊ တံတား၊ စက်ရုံအလုပ်ရုံတွေ စတဲ့ ရုပ်ပိုင်း ဆိုင်ရာတွေကို ဖျက်ဆီးပစ်ခဲ့ရုံသာမက ကျွန်တော်တို့ပြည်နယ်အတွင်းက တိုင်းရင်းသားတွေရဲ့ စိတ်ဓာတ်ရေးရာအပိုင်းကိုလည်း ရိုက်ချိုးဖျက်ဆီးပစ်ခဲ့ပါတယ်၊ နောက်ဆုံး လုပ်ဆောင် မှုကတော့ ကချင်ပြည်နယ် ဖားကန့်မြို့နယ်ထဲက ကျောက်စိမ်းကုမ္ပဏီတွေကို ပြင်း ထန် စွာဖောက်ခွဲဖျက် ဆီး လာခြင်းပဲ ဖြစ်ပါတယ်။

ပြီးခဲ့တဲ့ ၂၉ ရက်နေ့က ဖားကန့်မြို့နယ်အတွင်း ကြီးမားတဲ့ဖောက်ခွဲဖျက်ဆီးမှုကြီးနှစ်ခုကို KIA မှ ဆောင်ရွက်ခဲ့ပါတယ်၊ ပထမ ဖောက်ခွဲမှုကြီးက မှော်မောင်းလျှံရွာက ဝေကုမ္ပဏီ ကို ဖောက်ခွဲဖျက်ဆီးခဲ့ တာဖြစ်ပြီး ဒုတိယကတော့ မက်လင်ချောင်ရွာမှာရှိတဲ့ ရွှေဂေါင်ဂေါင်ကုမ္ပဏီကို ဖောက်ခွဲဖျက်ဆီး ခဲ့တာပါ၊ ဝေကုမ္ပဏီက အသက်မသေဘဲ လွတ်မြောက်လာသူတစ်ဦးက အဖြစ်မှန်ကို ဒီလိုပြောပြခဲ့ပါတယ်။

“ညနေဘက်မှာ ကံဆီး KIA တပ်ရင်းက ကားနှစ်စီး ကုမ္ပဏီဝန်းထဲကို တရကြမ်းမောင်းဝင်လာတယ်၊ KIA ၁၀ ယောက်ကျော်လောက်ပါမယ်ထင်တယ်၊ ကုမ္ပဏီဝန်းထဲရောက်ပြီး တစ်ဖွဲ့က မြင်သမျှလူတွေကို မဲမဲမြင်ရာ ပစ်ခတ်ပါတော့တယ်၊ ပစ်ခတ်နေတုန်း ကျန်တဲ့အဖွဲ့က သူတို့မှာအသင့်ပါလာတဲ့ မိုင်းတွေကို အဆောက်အဦတွေ၊ ဓါတ်ဆီ/ ဒီဇယ်ပေပါတွေ၊ ဆီလှောင်ကန်တွေမှာ လိုက်ကပ်တယ်၊ ပြီးတာနဲ့ချက်ချင်းပြန်ထွက်သွားတယ်၊ သိပ်မကြာခင်မှာ ၀ုန်းဆိုတဲ့ အသံကြီးကြားရပြီး ကျွန်တော်တို့ ကုမ္ပဏီဝန်းတစ်ခုလုံး သိမ့်သိမ့်ခုန်ကာမီးခိုးလုံးကြီး တက်သွားတယ်၊ပေါက်ကွဲသံဟာ နားကွဲမတတ် ကျယ်လောင်လှပါတယ်၊ ကုမ္ပဏီကလူတွေကို KIA က ပစ်ခတ် သတ်ဖြတ်နေတဲ့ အသံကြောင့်မလှမ်းမကမ်းမှာရောက်နေတဲ့ စစ်တပ်ကအဖွဲ့တစ်ဖွဲ့ ပြေးလာတာ တွေ့ရတယ်၊ KIA က ကားနဲ့ပြန်ထွက်သွား တာဖြစ်တဲ့အတွက် မမှီလိုက်ဘူး၊ ရောက်လာတဲ့ စစ်တပ်အဖွဲ့ ကျွန်တော့်အထင်၉ ယောက်၁၀ယောက်လောက်ရှိမယ်၊ သူတို့အားလုံး ပေါက်ကွဲမှုကြောင့် သေဆုံးခဲ့ရတယ်” KIA ရဲ့ ရက်စက်တဲ့လုပ်ရပ်ကြောင့် ကုမ္ပဏီဝန်းထဲမှာရှိနေသူ ဘယ်နှစ်ယောက်လောက် သေဆုံး သွားသလဲ၊ ဘာတွေပျက်စီးသွားသလဲလို့ ဆက်မေးကြည့်တဲ့အခါ သူက ဒီလိုဆက်ပြောပါတယ်။

“KIAကမဲမဲမြင်ရာပစ်လို့သေတဲ့လူက၁၅ယောက်လောက်ရှိမယ်၊ထွက်မပြေးနိုင်တဲ့ အသက်ကြီးသူတွေ၊ ကလေးတွေအားလုံး ၂၀ ကျော်လောက်ဟာ ပေါက်ကွဲမှုကြီးကြောင့် ကိုယ်ခန္ဓာတွေ မီးလောင်ပြီး အပိုင်းပိုင်းပြတ် သေဆုံးခဲ့တယ်၊ ကုမ္ပဏီက ယာဉ်ကြီး၊ ယာဉ်ငယ် အစီး ၆၀ ကျော် ပျက်စီး ခဲ့ပါတယ်”

အဲဒီနေ့ညမှာပဲရွှေဂေါင်ဂေါင်ကျောက်စိမ်းကုမ္ပဏီကိုလည်းအလားတူဖောက်ခွဲဖျက်ဆီးမှုတွေ ဆက်လုပ်ခဲ့ပါတယ်၊ နောက်ဆုံးသိရှိရတဲ့သတင်းအရရွှေဂေါင်ဂေါင်ကုမ္ပဏီဝန်းအတွင်းကလုပ်ငန်း အသုံးပြုတဲ့ ယာဉ်တွေ၊ စက်ပစ္စည်းတွေ၊အဆောက်အဦတွေ၊စက်သုံးဆီတွေစတဲ့တန်ဖိုးကြီးပစ္စည်းအားလုံးပျက်စီးခဲ့ရပြီး ကျန်းမာရေးမကောင်းသူ၊အသက်အရွယ်ကြီးရင့်သူနဲ့နို့စို့အရွယ်ကလေးငယ်တွေစုစုပေါင်း ၃၀ လောက် သေကြေခဲ့ရတယ်။

KIAရဲ့ဖျက်ဆီးခြင်းခံရတဲ့ ကျောက်စိမ်းကုမ္ပဏီတွေအပါအ၀င်ဖားကန့်ကကုမ္ပဏီအားလုံးဟာ KIAကို လစဉ်ကြေး၊ နှစ်စဉ်ကြေးနဲ့ လုပ်ပိုင်ခွင့်အတွက်ဆက်ကြေးအမျိုးမျိုးကို ပေးနေရတာပါ၊ ကုမ္ပဏီတစ်ခုအတွက် သန်းငါးရာကနေ သန်းသုံးထောင်ကြားရှိပါတယ်၊ ဖားကန့်ဒေသမှာကုမ္ပဏီပေါင်းရာချီရှိတဲ့အတွက်KIAတွေရနိုင်မယ့်ဆက်ကြေးငွေကို တွက်ချက်ကြည့်နိုင်ပါလိမ့်မယ်။ ကုမ္ပဏီနဲ့နီးစပ်သူ ဒေသခံတစ်ဦးကတော့ သူ့ခံစားချက်ကို အခုလိုပြောပြပါတယ်။

“ဖျက်ဆီးခံရတဲ့ ကုမ္ပဏီတွေဟာ KIA အတွက် နှစ်ပေါင်းများစွာ ဆက်ကြေးပေးဆောင်ခဲ့တဲ့ ကုမ္ပဏီတွေ ပါဗျာ၊ KIA အတွက် လက်နက်/ခဲယမ်း၊ မိုင်း၊ ၀တ်စုံ တွေအပြင် သူတို့စားနေတဲ့ ဆန်ဟာလည်း ကုမ္ပဏီတွေက ပေးတဲ့ ဆက်ကြေးငွေနဲ့ ၀ယ်နေရတာဖြစ်ပါတယ်။

KIA ဟာ ထမင်းကျွေးတဲ့ လက်ကိုပြန်ကိုက်တဲ့ ခွေးလိုပါပဲ သစ္စာမဲ့လုပ်ရပ်တွေအတွက် ဘုရားသခင် ဒဏ်ခတ်ပါ လိမ့်မယ်ဗျာ။” KIA ရဲ့ ယုတ်မာကောက်ကျစ်တဲ့ အကျင့်စရိုက်အရ ဖောက်ခွဲဖျက်ဆီးမှုတွေနဲ့ပတ်သက်ပြီး စစ်တပ်ကပဲလုပ်သလိုလို ဦးအောင် သတင်းလွှင့်နေတာတွေလည်းရှိပါတယ်၊အဖြစ်မှန်ကိုသိတဲ့ ဖားကန့်ဒေသခံတွေကတော့ပျက်စီးသေဆုံးရသူများရဲ့ကိုယ်စား KIAအပေါ်ပြင်းထန်တဲ့နာကျည်း မုန်းတီးမှုများ ဖြစ်ပေါ်လျက်ရှိပါတယ်။

ဒါ့အပြင်ထိုးစစ်မဆင်တဲ့စစ်တပ်အပေါ်ကိုလည်းအားမလို အားမ ရဖြစ်နေပြီး ဖားကန့်နားမှာသာမက ကချင်ပြည်နယ်ထဲမှာ ရှိတဲ့ KIA အားလုံးကို စစ်တပ် က ပြတ်ပြတ်သားသား တိုက်ခိုက်ချေမှုန်းပစ်ရေးကို အထူးလိုလားလျက်ရှိနေကြောင်း သိရပါတယ်။

Myanmar Express

အရှုပ်ထဲမှာ ရှင်းအောင်နေ ဦးဝင်းတင်နဲ့ မေးခွန်းများ

အင်န်အယ်ဒီပါတီနဲ့ ခေါင်းဆောင်တွေ၊ နောက်လိုက်တွေရဲ့ စည်းရုံးရေး အတော်ခရီးရောက်နေပြီလား။ ညီလာခံလုပ်မယ်ဆိုကာမှ အချင်းချင်းတွေကြား ဆန္ဒပြတာတွေ၊ ကန့်ကွက်တာတွေ ကြားနေရတယ်။

၁၉၈၈ နောက်ပိုင်း၊ ပါတီကို ထူထောင်ပြီးနောက်မှာ ပါတီညီလာခံတွေ လုပ်ဖို့ ကျိုးစားခဲ့တယ်။ အဲဒီလုပ်ငန်းတွေကို စစ်အစိုးရက ဖြိုခွဲတားဆီးခဲ့တယ်။ ပါတီညီလာခံလိုင်းတွေ မအောင်မြင်ခဲ့တော့ ရှိတဲ့ ခေါင်းဆောင်တွေနဲ့ပဲ ဆက်ပြီး ဦးဆောင်မှုပေးပြီးလုပ်ခဲ့ရတယ်။ အဲသည်နောက်က ပါတီဝင်တွေက ရှိပြီးသား စုဖွဲ့မှုနဲ့ပဲ နောက်ကလိုက်ကြရတယ်။ ဒီလိုပဲ ရုန်းရုန်း၊ ရူန်းရုနူ်းနဲ့ ဖြတ်သန်းလာခဲ့ကြတယ်။ အပေါ်ပိုင်းက ခေါင်းဆောင်တွေက ပြောင်းလဲမှုမရှိပေမယ့်၊ အောက်ခြေအဆင့်ဆင့်မှာတော့ သူ့ဖာသာသူ အပြောင်းအလဲတွေတော့ ရှိခဲ့တယ်။

အဲသည်လိုနဲ့ ပါတီကို ၂၀၁၀ စက်တင်ဘာ ရွေးကောက်ပွဲမတိုင်မီမှာ တဖက်သတ် ဖျက်သိမ်းခံရတာမျိုး ရင်ဆိုင်ရတယ်။ ၂၀၁၂ နှစ်ဆန်းမှာ အသစ်ပြန်လည် မှတ်ပုံတင်ပြီး ဖွဲ့စည်းတယ်။ အဲသည်တုံးမှာကျတော့ အပေါ်ပိုင်းအဆင့် ခေါင်းဆောင်တွေ ပြောင်းလဲမှုတွေ လုပ်လာခဲ့တယ်လို့ ပြောရင် ရမလားဆရာ။

ဟုတ်တယ်။ အဲသည်မှာ ၂၀၁၂ ကြားဖြတ်ရွေးကောက်ပွဲကို ၀င်ရောက်ခဲ့တယ်။ ဒီလိုပဲ တရုန်းရုန်းနဲ့ အဖွဲ့ချုပ်က ရင်ဆိုင်ဖြတ်သန်းတဲ့အခါမှာ ဘာတွေ့ရသလဲဆိုတော့ ၀င်ပြိုင်တဲ့ အမတ်တွေအားလုံးထဲမှာ တဦးကလွဲရင် အားလုံး ပြည်သူလူထုရဲ့ ရွေးချယ်တင်မြောက်ခြင်းကို ခံကြရတယ်။ ဘာတွေပဲ ပြောနေ ပြောနေ၊ ဖြစ်နေ ဖြစ်နေ ပါတီဟာ ဟိုးယခင် စတင်ဖွဲ့စည်းကတည်းက ဒီလိုမျိုး တရုန်းရုန်းနဲ့ကော၊ ဖမ်းဆီးထောင်ချ နှိမ်နှင်းတာတွေကိုပါ ရင်ဆိုင်ဖြတ်သန်းခဲ့တဲ့ အတွေ့အကြုံက ခုမှမဟုတ်ဘူး ဆိုတာ သိစေချင်တယ်။ အဲသည်ကြားထဲက ဦးဆောင်မှုကို ထူထောင်နိုင်ခဲ့တယ်လို့ ပြောချင်တယ်။

ဒါက ဒေါ်အောင်ဆန်းစုကြည်ကိုယ်တိုင် ဦးဆောင်မှုတွေ ပြည်သူလူထုရဲ့ ၀န်းရံ ထောက်ခံမှုတွေကလည်း ပါတာပေါ့။

ဟုတ်တာပေါ့။ ပါတီဟာ ဖရိုဖရဲနဲ့ လို့ ဘယ်လိုပဲ ပြောပြော၊ ဒေါ်အောင်ဆန်းစုကြည်ကိုယ်တိုင်ရဲ့ ဦးဆောင်မှု အခမ်းကဏ္ဍကလည်း ပိုမိုမြင့်မားလာတယ်။ ပြည်သူလူထုကိုယ်တိုင်ရဲ့ နိုင်ငံရေး နိုးကြားမှုတင်သာမက အကြောက်တရားကနေ ဖယ်ရှား ရုန်းထမှုတွေကလည်း တိုးမြှင့်လာတာကြောင့် ကြားဖြတ်ရွေးကောက်ပွဲကို အနိုင်ရတယ်။ အဲသည်လို အချိန်မျိုးမှာ ကျနော်တို့ကနေပြီးတော့ ပါတီထူထောင်စကတည်းက ချထားတဲ့ မူအတိုင်း ပါတီကို အောက်ခြေအစုအဖွဲ့တွေကနေပြီး ပြန်လည်ဖွဲ့စည်းကြဖို့ ပါတီညီလာခံတွေ လုပ်ဖို့ အခုအချိန်မှာ ပြင်ဆင်နေကြတာပဲ။

ညီလာခံလုပ်မယ်ဆိုတော့လည်း အခုက ဘယ်လိုတွေ ဖြစ်နေတာလဲ။

ပါတီကို ဒီနှစ် ၂၀၁၂ အတွင်း အကုန်မတိုင်မီ ပြန်လည်ထူထောင် ဖွဲစည်းဖို့ ဆုံးဖြတ်ချက်ချပြီး အကောင်အထည်ဖော်တဲ့နေရာမှာ ပါတီထဲမှာ အခက်အခဲလေးတွေ ရှိတယ်။ ညီလာခံတွေမှာ အင်အားစု ၂ စုနဲ့ သွားတွေ့ကြရတယ်။ တစုကတော့ “လူဟောင်း”တွေ။ သူတို့တွေက ခေါင်းဆောင်ဟောင်းတွေ၊ ပါတီကို မစွန့်လွှတ်တဲ့သူတွေ၊ ထွက်မပြေးတဲ့သူတွေ၊ နောက်တစုကတော့ “လူသစ်”တွေ။ ဒေါ်စုရွေးကောက်ပွဲနိုင်လိုက်တဲ့နောက်ပိုင်းမှာ နိုင်ငံရေး နိုးကြားတက်ကြွမှုတွေထဲမှာ ပိုမို အားကောင်းလာတဲ့ မျိုးဆက်သစ်တွေ၊ လူသစ်တွေပေါ့။ အဲသည် လူဟောင်း လူသစ် အားပြိုင်မှုတွေက အတော်ကို အားကြီးတယ်။ လူဟောင်းတွေကိုလည်း လူသစ်တွေက အားမရဘူး။ လူသစ်တွေကိုလည်း လူဟောင်းတွေက အပြစ်မြင်တာတွေ ရှိတယ်။ ဥပမာ အခုလို အခြေအနေကောင်းတွေမှာ ၀င်ပြီး နေရာယူလာတဲ့ အခွင့်အရေးသမားတွေ၊ ဘာတွေပေါ့ကွာ။ ဒါကြောင့်လည်း အဲသည်ပြသနာလေးတွေကြောင့် သပိတ်မှောက်တယ်လို့ ဆန္ဒပြတယ်တို့တွေ ဖြစ်လာတယ်။ သွေးထိုးလှုံဆော်မှုတွေလည်း ရှိလာတယ်။

ညီလာခံကနေ ဒီပြသနာတွေကို ဖြေရှင်းပေးနိုင်ပါ့မလား။

ညီလာခံဆိုတာက ဟိုတုန်းကတည်းက လုပ်ဖို့ ရေးဆွဲထားပြီးသားဖြစ်တယ်။ အများဆန္ဒတွေ၊ ဒီမိုကရေစီနည်းကျ ရွေးချယ်တင်မြှောက်မှုတွေနဲ့ အဆင့်ဆင့် ခေါင်းဆောင်မှုတွေကို တင်မြှောက်ဖို့ ဖြစ်တယ်။ ဒီမိုကရေစီအတွက် ညီလာခံလုပ်တာပဲ။ ညီလာခံတွေ ရွေးကောက်ပွဲတွေ လုပ်သော်ငြားလည်း ပါတီထဲမှာ အုပ်စုတွေ အချင်းချင်း အားပြိုင်မှုတွေ အရမ်းကြီးမားလာရင်တော့ ပါတီဟာ ဖရိုဖရဲဖြစ်သွားနိုင်တယ်။ အဲသည်မှာ တခုပြောနိုင်တာကတော့ အောက်ခြေကနေ အထက်အထိ ဒီမိုကရေစီနည်းကျ ရွေးကောက်ပွဲတွေလုပ်မယ်။ ဒါကို စည်းကမ်းတကျ လိုက်နာမှု ရှိရမယ်။ အပြင်ကနေ ကြံ့ဖွံ့တွေလိုမျိုး ၀င်ရောက် သွေးထိုးတာတွေလည်း ကျော်လွှားနိုင်ရမယ်။

အဲသည်ကျရင် ရှေးကအစဉ်အလာရှိတဲ့အတိုင်း ပါတီအင်အားစုဟာ ဖြတ်ကျော်နိုင်မယ်လို့ ထင်ပါသလား။

ကျနော် ဒီနေရာမှာ ပြောရတယ်။ ကျနော်တို့ရဲ့ ကြီး၃ ကြီး လို့ ပြောမလား။ အား ၃ အားလို့ ပြောမလား။ ဒါကို ပြန်ပြောပြချင်တယ်။ နံပါတ် ၁က ကျနော်တို့မှာ ခေါင်းဆောင်ကြီးမားမှု ရှိတယ်။ ဒေါ်အောင်ဆန်းစုကြည်ရဲ့ အားကောင်းတဲ့ ဦးဆောင်မှု ရှိတယ်။ နံပါတ် ၂ ကတေ့ ကျနော်တို့ပါတီဟာ လက်ရှိမှာ အင်အားကြီးတဲ့ ပါတီဖြစ်တယ်။ မြန်မာပြည်မှာ မြို့နယ်ပေါင်း ၃၃၀ ကျော် ရှိတယ်လို့ ဆိုကြတဲ့နေရာမှာ ကျနော်တို့ ပါတီတွေ ရှိတဲ့မြို့နယ်ပေါင်း ၃၀၀ နီးပါး ရှိတယ်။ စုဖွဲ့မှုတွေ ရှိပြီးသားဖြစ်တယ်။ နံပါတ် ၃ ကတော့ လူထုထောက်ခံမှု အား ရှိတယ်။ လက်ရှိ ရွေးကောက်ပွဲမှာ အနိုင်ရခဲ့တဲ့ ပုံစံကို ကြည့်နိုင်တယ်။

ဒါဆိုရင် အခုလို ကြီး ၃ ကြီး၊ အား ၃ အားနဲ့ ဘာတွေကို ဖော်ဆောင်မယ်လို့ ထင်မြင်ယူဆထားသလဲ။

အခုလို ကြီးမားတဲ့ အင်အား ၃ ခုကို ကိုင်စွဲထားမယ်သာ ဆိုရင် ဆင်သွားရာ လမ်းဖြစ်ဆိုသလိုပဲ အင်အားကြီးမားတဲ့ ဆင်ကြီး လျောက်သွားတဲ့လမ်းဟာ သူ့ကြောင့် လမ်းအဖြစ် ပေါ်လာသလိုမျိုး ကျနော်တို့ ပါတီဟာ ဒီမိုကရေစီလမ်းကြောင်းကို ကိုယ့်အင်အားနဲ့ ကိုယ် ဖော်ဆောင်လာနိုင်လိမ့်မယ်လို့ ထင်ပါတယ်။ ပါတီကို ပြိုကွဲအောင် အတွင်းကနေကော အပြင်ကနေ ဆန္ဒပြတာတွေ၊ သပိတ်မှောက်တာတွေကိုလည်း ကျနော်တို့ ရင်ဆိုင်သွားရမှာပါပဲ။ ပါတီညီလာခံကိုသာ အောင်မြင်အောင် ဖော်ဆောင်နိုင်ခဲ့မယ်သာဆိုရင် ကျနော်တို့ဆီမှာ ပထမဦးဆုံးသော ဒီမိုကရေစီနည်းကျ ဆောင်ရွက်ပြီး ခေါင်းဆောင်အဆင့်ဆင့် ရွေးချယ်တင်မြှောက်နိုင်တဲ့ နိုင်ငံရေးပါတီအဖြစ်နဲ့ မော်ကွန်းတင်ကျန်ရစ်မှာပဲ။

ဟုတ်ပါပြီ။ အခု လွှတ်တော်ထဲဝင်သွားတဲ့ ပါတီကကိုယ်စားလှယ်တွေကကော ဘယ်လိုမျိုး ရင်ဆိုင်နေရတယ် ထင်သလဲ။ သူတို့တွေလည်း ပြည်ထောင်စုအဆင့် အငြင်းပွားမှုတွေကို ရင်ဆိုင်နေရတယ် မဟုတ်လား။

အစိုးရနဲ့ လွှတ်တော်ကြားမှာ ပြည်ထောင်စုအဆင့် ဟုတ်မဟုတ် ကိစ္စတွေ ပေါ်နေတယ်။ ပြောချင်တာကတော့ အစိုးရမှာ ၀န်ကြီးတွေနဲ့ လုပ်ပိုင်ခွင့်၊ ခံစားခွင့်တွေ ရှိတယ်။ လွှတ်တော်မှာလည်း အဖွဲ့တွေ၊ ကော်မီတီတွေ အများကြီးရှိတယ်။ သူတို့ကို ပြည်ထောင်စုအဆင့်သတ်မှတ်လိုက်ရင် လွှတ်တော်က များစွာသော အဖွဲ့တွေ၊ လူတွေက ပြည်ထောင်စုအဆင့်လို အစိုးရက ၀န်ကြီးတွေလို ဖြစ်လာမှာလား၊ ခံစားခွင့်တွေ ဘာတွေ ရှိလာမှာလား ဒါတွေ အငြင်းပွားနေကြတယ်လို့လည်း ပြောကြတယ်။ အစိုးရကလည်း ဒါကို တုန့်ပြန်တယ်။ လွှတ်တော်ကလည်း ဒါကို လက်မခံဘူး။ အခုဟာက အုပ်ချုပ်ရေးမဏ္ဍိုင်နဲ့ ဥပဒေပြုရေးမဏ္ဍိုင် အငြင်းပွားနေကြတဲ့ သဘောပဲ။

အဲသည်လိုဖြစ်နေတာကို အစိုးရဖက်က အုပ်ချုပ်ရေးမဏ္ဍိုင်ဖက်က ဘာပြောသလဲဆိုတော့ ပြင်ချင်ရင် အခြေခံဥပဒေကနေ ပြင်လို့ ပြောလိုက်တာကလည်း လွှတ်တော်ကို ပိုပြီးတော့ တင်းမာတဲ့ တုန့်ပြန်မှု ဖြစ်စေသလားလို့ တွေးမိတယ်။ ဟုတ်တယ်။ နိုင်ငံတော်သမ္မတက ပေးတဲ့သ၀ဏ်လွှာမှာ ပြည်ထောင်စုအဆင့်တွေ အငြင်းပွားနေရင် ပြင်ဆင်တာတွေကို အခြေခံဥပဒေထဲကနေ စပြင်ကြမှ ဖြစ်မယ်လို့ အချက်ပေးလိုက်တယ်။ ထုတ်ပြန်လိုက်တယ်။ အဲသည်မှာ အစိုးရနဲ့ လွှတ်တော် ဘယ်လိုပဲ အငြင်းတွေ ပွားပွား လွှတ်တော်ထဲမှာ ထိုင်နေတဲ့ တပ်မတော်ကိုယ်စားလှယ် တမတ်သားက ဘယ်ဆန္ဒမှ မပေးဘဲနဲ့ သည်အတိုင်းချည်း သီးခြားကြီး ရပ်တည်နေတာကိုလည်း သတိပြုမိကြဖို့ လိုတယ်။

ဆိုတော့ အခြေခံဥပဒေပြင်ဆင်ဖို့ဆိုတာမှာ ပြင်နိုင်တဲ့ အနေအထားလည်း မရှိဘူးပေါ့။

စစ်တပ်က အမတ်တွေကလည်း ဘာဆန္ဒမှ ထုတ်ဖော်ပြောဆိုခြင်း မတွေ့ရဘူး။ အခြေခံဥပဒေပြင်ဆင်ရေးကို ပြောလာတော့လည်း အင်န်အယ်ဒီပါတီက အမတ်တွေကလည်း ဒါကို လက်ခံတယ်ဆိုတဲ့ သဘောထားရှိပါတယ်။ သို့သော် အစိုးရကော၊ လွှတ်တော်ကော၊ စစ်တပ်ကိုယ်စားလှယ်တွေက ဒီကိစ္စကို ဘယ်လိုနည်းနဲ့မှ အလျော့မပေးကြတာကြောင့် အကြပ်အတည်းကြီး ပြန်ဖြစ်နေတယ်။ Dead Lock ဖြစ်နေတယ်လို့ ပြောချင်တယ်။ အဲသည်မှာ ခုံရုံးလိုမျိုး တရားစီရင်ရေးမဏ္ဍိုင်ကိုယ်တိုင်ကလည်း လွှတ်တော်ပြောတာက အခြေခံဥပဒေနဲ့ မညီပါဘူးဆိုပြီး ငြင်းဆန်တဲ့ အနေအထားတွေပါ ဖြစ်လာတော့ ပိုပြီး ရှုပ်ထွေးလာတယ်။

ဒါတွေက ဘယ်အထိဖြစ်သွားနိုင်သလဲ။

ဒါတွေက သူတို့ရဲ့ လူတွေချည်းနဲ့ ထူထောင်ထားတဲ့ အုပ်ချုပ်ရေး၊ ဥပဒေပြုရေး နဲ့ တရားစီရင်ရေး မဏ္ဍိုင် ၃ ခုလုံးမှာ အကြပ်အတည်း အရှုပ်အထွေးဖြစ်လာတယ်။ အခြေခံဥပဒေကို ပြုပြင် ပြင်ဆင်နိုင်တဲ့အထိလည်း မလုပ်ကိုင်နိုင်ကြရင် လက်ရှိ စစ်တပ်လက်ထဲကို အာဏာတွေ ပြန်ရောက်သွားနိုင်တဲ့အထိကို အန္တရာယ်ရှိတယ်လို့ ပြောချင်ပါတယ်။

ဘာပဲဖြစ်ဖြစ် လက်ရှိမှာ သိန်းစိန်အစိုးရက ၀န်ကြီးအပြောင်းအလဲတွေ လုပ်နေတာတွေလည်း ရှိတယ်လေ။ ဒါတွေကိုကော အကောင်းမြင်လို့ မရဘူးလား။

အင်း … အစိုးရအဖွဲ့အတွင်းမှာ hardlinerတွေကို ရွှေ့ပြောင်းတာ၊ ဖြုတ်ပစ်တာတွေ လုပ်လိုက်တယ်။ ဥပမာ ကျော်ဆန်းကို ၀န်ကြီးဌာနတခုတည်းကို ပြောင်းလိုက်တာ။ ဇော်မင်းကို ရာထူးကနေ အနားပေးလိုက်တာတွေ တွေ့ရတယ်။ ဒ့ါအပြင် သမ္မတနဲ့ ရင်းနှီးတဲ့သူတွေကိုလည်း ၀န်ကြီးဌာနတွေကနေပြီး သမ္မတရုံးကို ဆွဲခေါ်လိုက်တယ်။ consolidate လုပ်တယ်ပေါ့။ စုစည်းလိုက်တယ်။ ဒါမျိုးတွေ တွေ့နေရတယ်။ ဒုဝန်ကြီးတွေကိုကျတော့ ပညာတတ်တွေ တက်ခရိုကရက်တွေ ခန့်လိုက်တယ်လို့ ပြောတယ်။ ဒါတွေကို ဘယ်လိုမြင်သလဲဆိုရင် သမ္မတကြီးသိန်းစိန်က ဒါတွေကို အစောကြီးကတည်းက လုပ်ရမှာ နောက်တောင် ကျနေတယ်လို့ ပြောချင်တယ်။ ဥပမာ ဧပြီလလောက်ကတည်းက အင်န်အယ်ဒီပါတီ လွှတ်တော်ထဲကို မရောက်ခင်မှာ သူ့ဖက်က အမာသမားတွေကို ဖယ်ရှားပစ်မယ်လို့ ပြောတယ်လို့ အပြင်သတင်းတွေ ကြားခဲ့ရပေမယ့် အခုမှ စက်တင်ဘာလောက်မှ သူ့ဖက်ကလုပ်ဖြစ်တယ်ဆိုတာဟာ အတော် နောက်ကျနေပြီလို့ ပြောရမယ်။ စောစောကတည်း လုပ်ရမှာဖြစ်တယ်။

စောစောပဲလုပ်လုပ် နောက်ကျကျပဲ လုပ်လုပ်၊ ဒါတွေက ကောင်းတယ်လို့ ပြောမှာလား။

ဝန်ကြီးဌာနတွေမှာကော၊ အစိုးရလူကြီးတွေ အသီးသီးမှာပါ hardlinerတွေပဲ ရောက်ရောက်၊ soft liner တွေပဲ ခန့်ခန့်၊ အရိုးစွဲနေတဲ့ အကျင့်ဟောင်းတွေ၊ လုပ်ရပ်အမှားတွေကို ပြုပြင်ခြင်းမရှိရင် ပြည်သူတွေအတွက်ကော၊ တိုင်းပြည်အတွက်ကတော့ ဘာမှ ထူးမှာမဟုတ်ဘူးလို့ ပြောချင်တယ်။ သူ့ဖာသာသူ တက်ခရိုကရက်ပဲ ခန့်ခန့်၊ သူတို့တွေရဲ့ လုပ်နည်းကိုင်နည်း လုပ်ပုံကိုင်ပုံ အတွေးအခေါ် အယူအဆတွေ မပြင်သေးသ၍ကတော့ ထူးခြားမှာ မဟုတ်ဘူးလို့ ပြောချင်တယ်။ ၀န်ကြီးဌာနတွေက ဥပဒေတွေ မပြင်ဘဲ မပြောင်းဘဲနဲ့ ဒီအတိုင်းလုပ်နေကြတာမျိုးနဲ့တော့ ကောင်းသွားမှာ မဟုတ်ဘူးပေါ့။

ကဲ ဟုတ်ပါပြီ။ လက်ရှိမှာ အဲသည်လို လှုပ်လှုပ်ရှားရှားတွေဖြစ်နေချိန် တဆက်တည်းမှာပဲ ဒေါ်အောင်ဆန်းစုကြည်ရဲ့ ပြည်ပ၊ အမေရိကန်ခရီးစဉ်နဲ့ ပတ်သက်ပြီးတော့လည်း ပြည်ပက မြန်မာပြည်သူလူထုကိုယ်တိုင်က စိတ်တွေ လှုပ်ရှားနေကြတယ်။ ကြိုဆိုဖို့၊ တွေ့ဆုံဖို့၊ မေးမြန်းချင်တာတွေ မေးဖို့ စသည်ဖြင့် တက်ကြွနေကြတယ်။ ကျနော်တို့ ဆန်ဖရန်စစ္စကိုမှာလည်း ပြင်ဆင်နေကြပြီ ဖြစ်တယ်။ ဒေါ်အောင်ဆန်းစုကြည်ရဲ့ ပြည်ပခရီးစဉ်တွေက ဘာတွေ ထူးခြားလို့လဲ ဆရာ။

အင်း … အခုတလောပိုင်းမှာ ဒေါ်အောင်ဆန်းစုကြည်ကိုယ်တိုင် အလုပ်တွေများ၊ ခရီးတွေ သွားနေရတော့ ကျနော်ကိုယ်တိုင်လည်း သူ့ခရီးစဉ်အသေးစိတ်ကို မသိဘူး။ ဒါပေမယ့် လက်ရှိသူသွားတဲ့ ခရီးစဉ်တွေကို အဆင့်ဆင့် သုံးသပ်ရရင်တော့ အိမ်နီးချင်းခရီးစဉ်က ထိုင်းနိုင်ငံ၊ ပြီးတော့ ဥရောပ၊ အင်္ဂလန် ခရီးစဉ်နဲ့ လာမယ့် အမေရိကန်ခရီးစဉ်ဆိုပြီး ကြည့်ရမယ်။ ထိုင်းကို သွားတဲ့ခရီးမှာ ဒေါ်စုဟာ ပြည်ပမှာ အလွန်သြဇာကြီးတယ်ဆိုတာ လက္ခဏာတွေ စတင်တွေ့ကြရတယ်။ သူရဲ့ မိန့်ခွန်းတွေဟာ ပြည်ပမှာလည်း အလွန် ထိရောက်တယ်။ လေးနက်တယ်ဆိုတာ စတင်တွေ့ကြရတယ်။ ပြည်ပက အစိုးရတွေ ပြည်သူတွေကိုယ်တိုင်က အလွန် အလေးအနက်ထားကြတယ်ဆိုတာကို တွေ့ကြရတယ်။ ဒါကြောင့် အဲသည်တုန်းက သမ္မတသိန်းစိန်ကိုယ်တိုင် ပြည်ပခရီးထွက်မယ့် အစီအစဉ်ကိုတောင် နောက်ဆုတ်လိုက်ရတာကိုပါ တွေ့လိုက်ရတယ်။ အဲသည်မှာ လက်ရှိအစိုးရကိုယ်တိုင်က မလိုတမာဖြစ်တဲ့ တုန့်ပြန်မှုမျိုးကို တွေ့ရတယ်လို့ ပြောချင်တယ်။ အဲ နောက်ခရီးစဉ်တခုကတော့ ဥရောပနဲ့ ဗြိတိန်ခရီးစဉ်ဖြစ်တယ်။ မြန်မာပြည်ကနေ အလွန်ဝေးကွာတဲ့ နိုင်ငံတွေအများအပြားဆီကို သွားရတာ ဖြစ်တယ်။ အဲသည်မှာ ဒေါ်အောင်ဆန်းစုကြည်က အဲသည်ပြည်ပနိုင်ငံတွေရဲ့ ပြည်တွင်းရေးတွေကို ဆွေးနွေးနိုင်တယ်။ မြန်မာကွန်မြူနီတီတွေကိုလည်း ရင်းနှီးစွာ တွေ့ဆုံဆွေးနွေးတာတွေ ဆောင်ရွက်ခဲ့တယ်။ အဲသည်မှာ ဒေါ်အောင်ဆန်းစုကြည်ရဲ့ ခေါင်းဆောင်မှုနဲ့ ဂုဏ်ရည်တွေက ပိုပြီး ထင်ရှားသွားတယ်။ အဲသည် ခရီးစဉ်မှာ အစိုးရရဲ့ တုန့်ပြန်မှုဟာ ပြောင်းလဲသွားတယ်။ သူတို့အစိုးရရဲ့ ကိုယ်စားလှယ်တွေ၊ ၀န်ကြီးတွေကိုယ်တိုင် သူတို့ရဲ့ပြည်ပခရီးစဉ်တွေမှာ ဒေါ်စုအတွက် မြန်မာပြည်အတွက် ဂုဏ်ယူတဲ့ ၀မ်းမြောက်တဲ့ အမူအရာတွေကိုပါ ဖော်ပြလာရတာကို တွေ့ရတယ်။ အခုကျတော့ အမေရိကန်ခရီးစဉ်ပေါ့။ နှစ်ပေါင်း ၄၀ လောက် မရောက်ဖြစ်ခဲ့တဲ့ ဒေါ်စုရဲ့ ခရီးစဉ်ဖြစ်တယ်။ အမေရိကန်ပြည်ကိုယ်တိုင်ကလည်း အရေးကြီးတဲ့ နိုင်ငံတခုဖြစ်နေတယ်။ သွားရောက်မယ့်အချိန်ကာလကလည်း အမေရိကန်နိုင်ငံရေးလှုပ်ရှားမှုတွေ အားကောင်းနေတဲ့ သူတို့ရဲ့ သမ္မတရွေးကောက်ပွဲကာလနားနီးတဲ့အချိန်လည်း ဖြစ်တယ်။ အမေရိကန်ပြည်မှာ ရောက်ရှိနေထိုင်ကြတဲ့ အင်အားကောင်းတဲ့ အလွန်များပြားတဲ့ မြန်မာပြည်သူလူထုတွေနဲ့လည်း မင်းပြောသလို မြို့နယ် အသီးသီးမှာ တွေ့ဆုံပွဲတွေ လုပ်ကိုင်ကြဖို့ ရှိနေတယ်။ အဲလိုဆိုရင် အခုလာမယ့် ခရီးစဉ်ဟာ ဒေါ်အောင်ဆန်းစုကြည်အတွက် အစစ အရာရာမှာ ပိုပြီး ဂုဏ်သိက္ခာတွေ၊ သြဇာတွေ ပိုမို ကျယ်ပြန့်မယ့် အားတက်စေမယ့် ခရီးစဉ်တခုဖြစ်တယ်ဆိုတာ သေချာတယ်။ မြန်မာပြည်ကြီးရဲ့ ဒီမိုကရေစီအရေးကို ပိုမိုအားတက်စေမယ့် အလားအလာတွေကို ဖော်ဆောင်ပေးနိုင်မယ့် ခရီးစဉ်လို့လည်း မြင်ယောင်ကြည့်နိုင်တယ်။ အဲသည်တော့ လက်ရှိမြန်မာအစိုးရကိုယ်တိုင်ကကော ဒါကိုဘယ်လိုမျိုး လက်သင့်ခံပြီး ရင်ဆိုင်ဖြတ်ကျော်မလဲဆိုတာက တချက်ဖြစ်လာတယ်။ ဦးသိန်းစိန်ကိုယ်တိုင်ကလည်း အဲသည် စက်တင်ဘာအချိန်မှာ အမေရိကန်ခရီးစဉ်ကို လာဖို့ အချိန်စာရင်းဆွဲပြီးသားလို့ ဆိုတယ်။ လက်ရှိအစိုးရအပေါ်မှာ ပ်ိတ်ဆို့မှုတွေ၊ အရေးယူမှုတွေ၊ ကန့်သတ်မှုတွေကို အမေရိကန်အစိုးရဖက်ကနေ လျော့ချပေးဖို့၊ ဖယ်ရှားပေးဖို့ သူတို့ဖက်ကလ လိုချင်တယ်ဆိုရင် ခုချိန်မှာ မြန်မာအစိုးရဖက်ကလည်း သက်သေပြဖို့ အချိန်အခါ အခြေအနေလည်း ဖြစ်တယ်လို့ ပြောချင်တယ်။

ဒါဆိုရင် ဒေါ်အောင်ဆန်းစုကြည်ရဲ့ အမေရိကန်ခရီးစဉ်ကို ကျနော်တို့က ဘယ်လိုမျိုး သဘောထားကြမှာလဲ ဆရာ။

အမေရိကန်ပြည်ထောင်စုမှာ မြန်မာမိသားစုတွေက ဒေါ်အောင်ဆန်းစုကြည်ကို ၀ိုင်းဝန်းကြိုဆိုကြတဲ့နေရာမှာ သာမန် အဆိုတော်တွေ၊ ရုပ်ရှင်မင်းသားတွေ လာသလို ကြိုဆိုကြတာမျိုးတွေထက်၊ ပျော်ပွဲရွှင်ပွဲတွေလုပ်တာမျိုးတွေထက်၊ ပန်းပေးတာတွေ၊ ဓာတ်ပုံတွဲရိုက်ကြတာတွေမျိုးထက် မြန်မာပြည်ကပြည်သူတွေရဲ့ မျှော်လင့်ချက်တွေမြင့်မားစေဖို့ စုစည်းညီညွတ်တဲ့ ပုံသဏ္ဍန်ကို ဖော်ပြစေချင်တယ်။ နိုင်ငံရေးအနှစ်သာရအားဖြင့်လည်း တိုင်းပြည်ရဲ့ အနာဂတ်အတွက် အကျိုးရှိမယ့် ဒီမိုကရေစီလမ်းကို အင်နဲ့ အားနဲ့ ခင်းပေးနိုင်တာမျိုးကို ဦးတည်သွားစေချင်ပါတယ်။

ကျေးဇူးတင်ပါတယ်ဆရာ။ ။

ခံစားခွင့်အပြည့်ရရေး အလုပ်သမားတွေ ဆန္ဒပြ

မြန်မာနိုင်ငံမှာ အလုပ်သမား အခွင့်အရေး တောင်းဆိုတာတွေကို အလုပ်ရှင်တွေဘက်က အလုပ်ထုတ်ပစ်တာတွေ များလာတဲ့အတွက် အလုပ်သမား ခေါင်းဆောင်တွေ စုပေါင်းပြီး ဆန္ဒပြပွဲတခုကို လှိုင်သာယာ စက်မူဇုံ အမှတ် (၆) ရပ်ကွက် ဘောလုံးကွင်းမှာ ပြုလုပ်ခဲ့ပါတယ်။ ဒီ အလုပ်သမား ဆန္ဒပြပွဲဟာ လှိုင်သာယာ စက်မှုဇုံနဲ့ ပဲခူး နဲ့ မန္တလေးတိုင်းတွေက စက်ရုံတွေ အပါအ၀င် စက်ရုံပေါင်း ၉၀ ကျော်ကို ကိုယ်စားပြုတဲ့ ဆန္ဒပြပွဲ ဖြစ်တယ်လို့ ပြောပါတယ်။

မြန်မာနိုင်ငံမှာ မေလ နဲ့ ဇွန်လအတွင်းမှာ ရန်ကုန်၊ မန္တလေး စတဲ့ စက်မူဇုံတွေက အလုပ်သမား ဆန္ဒပြပွဲတွေ ဖြစ်ခဲ့ပြီး နောက်ပိုင်းမှာတော့ စက်ရုံတွေ အချင်းချင်း စုပေါင်းပြီး ရန်ကုန်၊ မန္တလေး၊ ပဲခူး စတဲ့ စက်ရုံတွေ စုပေါင်း ဆန္ဒပြပွဲကို လုပ်ခဲ့တာပါ။ လှိုင်သာယာ စက်မူဇုံမှာ ဆန္ဒပြတာနဲ့ ပတ်သက်ပြီး ရန်ကုန် လှိုင်သာယာ စက်မူဇုံကို ကိုယ်စားပြုတဲ့ အလုပ်သမား ခေါင်းဆောင်တဦးက အခုလို ပြောပါတယ်။

"လှိုင်သာယာ တဇုံလုံးမှာရှိတဲ့ စက်ရုံတွေကို ဖိတ်ပါတယ်။ လက်ရှိ လာတာကတော့ ၃၅ ရုံ၊ ၃၆ ရုံလောက်တော့ လာပါတယ်။ အောင်မြေသာယာ ရှေ့က ဘောလုံးကွင်းမှာ ပြတာပါခင်ဗျ။ တောင်းဆိုချက်က အလုပ်ချိန် ၈ နာရီမှာ လုပ်ခလစာ ၃,၀၀၀ ရရှိရေးက တချက်ပေါ့။ လာဘ်ပေးလာဘ်ယူ ပပျောက်ရေးနဲ့ တရားဥပဒေ စိုးမိုးရေး၊ အလုပ်သမား အခွင့်အရေးတွေကို ကာကွယ် စောင့်ရှောက်ရေး၊ အဓိက ကျတာကတော့ အလုပ်ချိန် ၈ နာရီကို လုပ်ခလစာ ၃,၀၀၀ ရရှိရေးကတော့ အဓိက အကျဆုံးပေါ့နော်။ နောက်ပြီးတော့ အလုပ်ရှင်က အလုပ်သမားတွေကို အလုပ်ထုတ်နေတာတွေ အတွက်လည်း ပြတာပါခင်ဗျ။ အလုပ်သမားတွေရဲ့ ဆုံးရှုံးမှုတွေ များနေပါတယ်။ အလုပ်သမား အဖွဲ့အစည်း ဖွဲ့ပြီးသော်လည်း အဲဒီ အလုပ်သမား အဖွဲ့အစည်း ဖွဲ့တဲ့သူတွေကို အလုပ်ရှင်က ဖိအားပေးပြီးတော့ တချို့တွေဆို အလုပ်ထုတ် ခံရတယ်ခင်ဗျ။ ရန်ကုန်မှာရှိတဲ့ တခြား စက်မှုဇုံတွေက လှိုင်သာယာမှာရှိတဲ့ ကျနော်တို့ စက်မှုဇုံကို ထောက်ခံတယ်။ မန္တလေးကလည်း ဒီလို ဆန္ဒပြ ထုတ်ဖော်တာကို ထောက်ခံပါတယ်ခင်ဗျ။ ပဲခူးတိုင်းက စက်ရုံတွေကလည်း ထောက်ခံတယ်။ အဲဒါမျိုးတွေ ရှိပါတယ်။ ပူးပေါင်း ပါဝင်ဖို့က မန္တလေးကလည်း လာပါတယ်ခင်ဗျ။ ပဲခူးကလည်း လာပါတယ်။ အခုလက်ရှိ ခေါင်းဆောင်တွေ ကိုယ်စားပြုပြီး တက်လာပါတယ်။ မန္တလေးနဲ့ ပဲခူးကလည်း ကိုယ်စားပြု ကိုယ်စားလှယ်တွေ ပါပါတယ်။ အထက် မြန်မာပြည် အောက်မြန်မာပြည် ပေါင်းပြီးလုပ်တဲ့ ပွဲပါခင်ဗျ။"

လှိုင်သာယာမြို့နယ် ရဲကတော့ အင်အား ၁,၀၀၀ လောက် ဆန္ဒပြမှုကို လက်မခံဘဲ အင်အား ၂၀၀ လောက်ကိုသာ ခွင့်ပြုခဲ့တာကြောင့် အမျာစုကြီးနဲ့ ဆန္ဒပြမှုကို လက်လျှော့ခဲ့ရကြောင်း၊ ဆန္ဒပြနေစဉ်မှာတော့ အနှောက်အယှက်ပေးမှု မရှိဘဲ ဓာတ်ပုံ လာရိုက်တာတွေတော့ လုပ်ခဲ့တယ်လို့ အလုပ်သမား ခေါင်းဆောင်တွေက ပြောခဲ့ပါတယ်။

"သူတို့ ကင်မရာတွေ ပါလာတယ်။ သူတို့ ဖုန်းတွေနဲ့ရော ကင်မရာတွေ နဲ့ရော၊ ဗွီဒီယို ကင်မရာတွေနဲ့ပါ ရိုက်ပါတယ်ခင်ဗျ။ သူတို့ မှတ်တမ်းတင်တယ်။ ကျနော်တို့ လူဦးရေ ၁,၀၀၀ ကျော်ပါတယ်ခင်ဗျ။ သူတို့ ဖြတ်ချတာ ၂၀၀ ပဲ ကျနော်တို့ လုပ်ခွင့်ရှိတယ် ဆိုပြီး ဖြတ်ချပါတယ်ခင်ဗျ။"

ဒီတခေါက် ဆန္ဒပြမှုမှာတော့ နိုင်ငံခြားက ရင်းနှီးမြှုပ်နှံမှုတွေကို လာရောက်ဖို့ ဖိတ်ခေါ်ခဲ့ပြီး အလုပ်အကိုင် အခွင့်အလန်းကောင်းတွေ လိုအပ်နေတယ်လို့ အလုပ်သမားတွေက ပြောပါတယ်။ အခုချိန်ထိတော့ တနေ့ အလုပ်ချိန် ၈ နာရီ သတ်မှတ်ဖို့အတွက် တောင်းဆိုနေရဆဲ ဖြစ်တယ်လို့ ဆိုပါတယ်။

မြန်မာနိုင်ငံမှာ ပြီးခဲ့တဲ့ မေလ နဲ့ ဇွန်လကတော့ အလုပ်သမားတွေရဲ့ လုပ်အားခ နစ်နာမှုတွေအပြင် အလုပ်သမား အခွင့်အရေး တောင်းဆိုဆန္ဒပြပွဲတွေ ဖြစ်ပွားခဲ့ပြီး အလုပ်သမားညွန်ကြားရေးမှူး ဦးစီးဌာနက တာဝန်ရှိသူတွေက ကြားဝင် ဖြန်ဖြေ ဆောင်ရွက်ပေးမှုတွေ ရှိခဲ့ပေမဲ့ နောက်ပိုင်းမှာ ဆန္ဒပြမှုမှာ ပါဝင်ခဲ့သူတွေကို အလုပ်ရှင်တွေက အကြောင်းအမျိုးမျိုးနဲ့ အလုပ် ထုတ်ပယ်မှုတွေ၊ အလုပ်သမား သမဂ္ဂကို ဦးဆောင်ဖွဲ့သူတွေကို အလုပ် ထုတ်ပစ်မှုတွေဟာ အများအပြား ဖြစ်လာတဲ့အတွက် အခုလိုမျိုး စက်မူဇုံတွေက စက်ရုံတွေ စုပေါင်းပြီး သူတို့ သဘောထားတွေကို ထုတ်ဖော်လာတာလည်း ဖြစ်ပါတယ်။

အဓိပ္ဗါယ်မရှိတဲ့ ဥပဒေစည်းမျဉ်းမှန်သမျှ တာဝန်အရ ပြုပြင်ကြ

ခုနှစ်ရက် သားသမီးများအတွက် ( ၃.၉.၁၂ ) မှ ( ၉.၉.၁၂) အထိ တပတ်စာဗေဒင် ဟောစာတမ်း

တနင်္ဂနွေသားသမီးများ၏ကံကြမ္မာ

ငွေဝင်မည်။ သို့သော်အကျိုးမရှိကုန်သွားတတ် သည်။ အလုပ်တွင်စိတ်ဖိစီးမှုများနေမည်။ အလုပ်တွင်လည်းအောက်လက်ငယ်သား များကြောင့်စိတ်ညစ်နေရတတ်သည်။ ငွေအတွက် ပူပင်သောကဖြစ်ပြီး စိတ်များလေနေမည်။ စိတ်လေမှုကြောင့် လောင်းကစားလုပ် နေဖြစ်အောင်ဖြစ်နေတတ်သည်။ အကျိုးမပေးပါ။ ရသလောက်နှင့်ရပ်လိုက်ပါ၊ လောဘကြီးနေလျှင်ရမလိုရမလိုနှင့် ကုန်မည်။သတိရှိပါ။

ကျန်းမာရေး။ အကြောနာခြင်း၊ အစာအိမ်နာခြင်းဖြစ်နေတတ်သည်။
အချစ်ရေး။ နားလည်မှုရှိပြီး၊ ကောင်းမွန်ရာကိုပြောဆိုနိုင်သောလက်တွဲဖေါ်ကောင်းရှိနေမည်။
ယတြာ။ မွေးနေ့နံနက်တွင် မိမိကိုးကွယ်ရာဘာသာမှဘုရားသခင်အား ကြံရည်ကပ်လှူဆုတောင်းပါ။
အကျိုးပေးဂဏန်း ( ၈ ၀ ၈ ၅)

တနင်္လာသားသမီးများ၏ကံကြမ္မာ

စီးပွားရေးကျနေသောကြောင့်၎င်း၊ သွေးသားအမကြီးကျန်းမာရေးညံ့နေေ သာကြောင့် ၎င်းစိတ်ပူပင်နေရတတ်သည်။ သို့သော်ပျော်ပျော်နေ တတ်သောကြောင့်သက်သာရာရနေမည်။ စီးပွားမကြာခင်ကောင်းလာပါလိမ့် မည်။ ရွှေဝင်ခြင်း၊ အ၀တ်အထည်များဝင်ခြင်းဖြစ်မည်။ သားသမီးရှိလျှင်သားသမီး၏ကောင်း သတင်ကြားရတတ်သည်။ အစစအရာရာကောင်းလာပါမည်။

ကျန်းမာရေး။ လက်မောင်းတွင်အဖုအကျိတ်ဖြစ်ပြီး နာကျင်နေတတ်သည်။
အချစ်ရေး။ တကွဲတပြားဖြစ်နေတတ်သည်။ (တယောက်တနေရာစီဖြစ်နေတတ်သည်)။
ယတြာ။ မွေးနေ့နံနက်တွင် မိမိကိုးကွယ်ရာဘာသာမှဘုရားသခင် အား ကော်ဖီကပ်လှူဆုတောင်းပါ။
အကျိုးပေးဂဏန်း ( ၁ ၀ ၈ ၀)

အင်္ဂါသားသမီးများ၏ကံကြမ္မာ

နိုင်ငံခြားနှင့်ပတ်သက်သောလုပ် ငန်းများလုပ်ကိုင်ရခြင်း၊ သင်တန်းတက်ရခြင်း စာမေးပွဲဖြေဆိုရခြင်း၊ အင်တာဗြူးဖြေဆိုရခြင်းများဖြစ်တတ်သည်။ စိတ်တွင်အလိုမကျဖြစ်နေခြင်း၊ ဟိုလိုလို၊ဒီလိုလိုဖြစ်နေခြင်း၊ ဟာတာတာဖြစ်နေခြင်းများဖြစ်နေတတ် သည်။ စိတ်၏ဖြေရာ စကားပြောဖေါ်ရှာနေတတ်သည်။ အလုပ်တွင်စိတ်ပင်ပမ်းခြင်း၊ လူပင်ပမ်းခြင်းဖြစ်လိမ့်မည်။ သည်းခံပါ။ ငွေကုန်များနေမည်။ ကျန်းမာရေး။ ကျန်းမာရေးကောင်းမွန်နေမည်။
အချစ်ရေး။ ဘ၀လက်တွဲဖေါ်မရသေးသောအချိန်ဖြစ်ေ နမည်။
ယတြာ။ မွေးနေ့နံနက်တွင် မိမိကိုးကွယ်ရာဘာသာမှဘုရားသခင်အား လ္ဘက်ရည်ကပ်လှူဆုတောင်းပါ။
အကျိုးပေးဂဏန်း ( ၁ ၈ ၅ ၀)

ဗုဒ္ဓဟူးသားသမီးများ၏ကံကြမ္မာ

ကွန်ပြူတာဝင်ခြင်း၊ ဖုန်းဝင်ခြင်း ဆက်တိုက်ဖြစ်မည်။ စီးပွားရေးကောင်းနေသလို၊ အပိုဝင်ငွေများလည်းဝင်နေမည်။ အဝေးရောက် ဆွေမျိုးသားချင်းများနှင့်အဆက် အသွယ်ကောင်းများရနေမည်။ အလှူအတန်းများလည်းလုပ်ကိုင်နေရမည်။ အလုပ်တွင်နာမည်ကောင်း ရနေမည်။ စက်ပစ္စည်းဝင်ကိန်းရှိနေသေးသည်။

ကျန်းမာရေး။ အဆုတ်နှင့်ပတ်သက်သောရောဂါကြောင့် ဆေးခန်းသွားနေရတတ်သည်။
အချစ်ရေး။ ၀ိုင်းဝိုင်းလည်နေသော်လည်းစိတ် မ၀င်စားဘဲဖြစ်နေမည်။
ယတြာ။ မွေးနေ့နံနက်တွင် မိမိကိုးကွယ်ရာဘာသာမှဘုရားသခင် အား နွားနို့ကပ်လှူဆုတောင်းပါ။
အကျိုးပေးဂဏန်း ( ၂ ၀ ၇ ၇)

ကြာသပတေးသားသမီးများ၏ကံကြမ္မာ

ရင်းနှီးမြုပ်နှံထားသောငွေများပြန်လည်မ၀င်လာသောကြောင့် မိမိလုပ်ချင်သောကိစ္စများထင်သလော က်မလုပ်ကိုင်နိုင် သေးသော အချိန်ဖြစ်နေသည်။ ဘာသာရေးနှင့် ပတ်သက်သောအလှူအတန်း များဆက်တိုက်လုပ်ကိုင်နေရမည်။ သွေးသားအရင်းထဲမှကျန်းမာ ရေးမကောင်းသူများတယောက်ပြီးတယော က်ဖြစ်နေသောကြောင့် ငွေအား၊ လူအားပြုစုလုပ်ကိုင်ပေးနေရ တတ် သည်။ ပုံမှန်စီးပွားရေးကောင်းနေပါမည်။ နိုင်ငံရပ်ခြားနှင့်ပတ်သက်သော သတင်းကောင်းကြားရ တတ်သည်။

ကျန်းမာရေး။ ခါးမျက်နေတတ်သည်။
အချစ်ရေး။ ပုံမှန်အတိုင်းစိတ်ချမ်းသာနေရမည်။
ယတြာ။ မွေးနေ့နံနက်တွင် မိမိကိုးကွယ်ရာဘာသာမှဘုရားသခင် အား ဒိန်ချဉ်ကပ်လှူဆုတောင်းပါ။
အကျိုးပေးဂဏန်း ( ၂ ၁ ၁၂)

သောကြာသားသမီးများ၏ကံကြမ္မာ

စီးပွားရေးပုံမှန်ဖြစ်နေမည်။ စက်ပစ္စည်းပျက်နေသောကြောင့်စိတ် ညစ်ရခြင်း၊ ငွေကုန်ခြင်းဆက်တိုက်ဖြစ်နေမည်။ စိတ် ညစ်စရာများလည်းဖြစ်နေတတ်သည်။ စီးပွားလက်တွဲဖေါ်အလောင်းအစား ကိစ္စများလုပ်ကိုင်နေသောကြောင့်စိတ် ညစ်နေရတတ်သည်။ နိုင်ငံရပ် ခြားကိစ္စအတွက် အဆက်အသွယ်ကောင်းရနေမည်။ ထူးခြားသောသတင်းကောင်းကြားရမည်။ ငွေများလည်းဆက်တိုက်ဝင်ကိန်းရှိ သည်။

ကျန်းမာရေး။ သွေးတိုးခြင်းဖြစ်နေသည်။
အချစ်ရေး။ မိမိမကြိုက်သောကိစ္စများလုပ်ကို င်နေသောကြောင့် စိတ်ညစ်နေရတတ်သည်။
ယတြာ။ မွေးနေ့နံနက်တွင် မိမိကိုးကွယ်ရာဘာသာမှဘုရားသခင် အား ဖာလူဒါကပ်လှူဆုတောင်းပါ။
အကျိုးပေးဂဏန်း ( ၅ ၄ ၇ ၆)

စနေသားသမီးများ၏ကံကြမ္မာ

ထီပေါက်တတ်သည်။ အလုပ်သစ်၊ နေရာသစ်ပြောင်းရတတ်သည်။ အလုပ်သစ်တွင်ဝင်ငွေကောင်းသော် လည်း စိတ်ပင်ပမ်းခြင်း၊ ဖြစ်တတ်သည်။ မိဘများအတွက်စိတ်ပူပင်စရာဖြစ်ေ နရတတ်သည်။ မိခင်၊ ဖခင်နှစ်ဦး စလုံးကျန်းမာရေးအနည်းငယ်ညံ့နေတတ်သည်။ အမိနိုင်ငံသို့မကြာခဏပြန်နေရတတ်သည်။ နိုင်ငံရပ်ခြားသွားရန် လုပ်ကိုင် ထားသူများ နိုင်ငံရပ်ခြားခရီးအားကောင်းနေသည်။
ကျန်းမာရေး။ မျက်စိနှင့်ပတ်သက်သောရောဂါ၊ မျက်မှန်တပ်ရခြင်းဖြစ်တတ်သည်။
အချစ်ရေး။ စိတ်တိုင်းတကျမတွေ့သေးသောအချိန်ဖြစ်နေသည်။
ယတြာ။ မွေးနေ့နံနက်တွင် မိမိကိုးကွယ်ရာဘာသာမှဘုရားသခင်အား ရွှေရင်အေးကပ်လှူဆုတောင်းပါ။
အကျိုးပေးဂဏန်း ( ၈ ၄ ၇ ၄)

*ကောင်းကျိုးလိုရာဆန္ဒပြည့်ဝကြပါစေ*

ဗေဒင်ပညာရှင်- ဆွေဇင်ဝတီ ( ဆရာကြီးမင်းသိင်္ခ၏တပည့်)
ဟောချိန်- နံနက် ၁၀း၀၀ နာရီ မှ ညနေ ၅း၀၀ နာရီထိ
ဟောခန်း- နန်းထိုက်ပဒုမ္မာစားသောက်ဆိုင်၊ ကလန်း
ကလန်းကားဂိတ် နှင့် Mydin Supermarket အနီး
ဖုန်း -+6016 6903 513 ,+6018 2250 510
E-mail:swezinwati@gmail.com