ရပ်ဆိုင်းထားသည့် KNU နှင့် အစိုးရုငြိမ်းချမ်းရေးဆွေးနွေးပွဲ စက်တင်ဘာ ကျင်းပမည်

အစိုးရဘက်မှ ရက်ရွှေ့ဆိုင်းခဲ့သည့် တတိယအကြိမ်မြောက် အပစ်အခတ်ရပ်ဆိုင်းရေးဆိုင်ရာငြိမ်းချမ်းရေးဆွေးနွေးပွဲကို စက်တင်ဘာ ၂ရက်နှင့် ၃ ရက်တွင် ကျင်းပမည်ဟု သိရသည်။

KNU အဖွဲ့သည် တတိယအကြိမ်မြောက် အပစ်အခတ်ရပ်ဆိုင်းရေးဆိုင်ရာငြိမ်းချမ်းရေးဆွေးနွေးပွဲကို မူလအစီအစဉ်အရ ယခုလ ၂၇-၂၈-၂၉ ရက်နေ့များတွင် ဘားအံမြို့၌တွေ့ဆုံမည်ဟု နှစ်ဖက်သဘောတူညီထားသော်လည်း အစိုးရကိုယ်စားလှယ်အဖွဲ့မှ အကြောင်းပြချက်မရှိဘဲ ရက်ရွေ့ဆိုင်းလိုက်သဖြင့် လာမည့်လဆန်းသို့ ပြန်လည်သတ်မှတ်လိုက်ခြင်းဖြစ်သည်။ အစိုးရနှင့်KNU တို့ကြား ပဏာမသဘောတူညီထားသည့် အပစ်အခတ်ရပ်စဲရေးဆိုင်ရာ လိုက်နာရမည့်ကျင့်ဝတ်များကို အဓိကထား ဆွေးနွေးနိုင်ရန်အတွက် စက်တင်ဘာလ၂-၃ ရက်နေ့တွင် နှစ်ဖက်ကိုယ်စားလှယ်များ ဘားအံမြို့တွင်ဆွေးနွေး ကြမည်ဟု KNUဘက်မှခေါင်းဆောင်တဦးကပြောသည်။

Myanmar Express

ထမင်းစားပြီးပြီးချင်း ဒါတွေလုပ်ဖို့မလောပါနှင့်

၁။သစ်သီးစားရန်မလောပါနှင့်

ထမင်းစားပြီးနောက်သစ်သီးတစ်ခုခုကိုစားခြင်းသည်ကျန်းမာရေးကိုပိုကောင်းစေသည်ဆိုသောမှတ်ယူချက်သည်တကယ်တော့မှားယွင်းပေသည်။ အစာအိမ်ထဲသို့အစာရောက်ပြီးတစ်နာရီနှစ်နာရီအတွင်းအစာများသည်အစာခြေစနစ်ကိုဖြတ်သန်းရပေမည်။ထို့နောက်မလိုချင်သောအညစ်အကြေးများကိုစွ့န်မည်။ လိုအပ်သည်များကိုယူထားမည်။ထမင်းစားပြီးသစ်သီးစားလိုက်ပါကအရင်အစာများသည်အစာအိမ်ထဲတွင်စုပြူံနေပြီး စားလိုက်သောသစ်သီးကိုလည်းမစုပ်ယူနိုင်ဘဲအစာမကျေခြင်းဗိုက်တင်းခြင်းရင်ပြည့်ရင်ကယ်ဖြစ်ခြင်းများဖြစ်တတ်ပါသည်။

၂။စားပြီးပြီးချင်းခါးပတ်မလျှော့ပါနှင့်

အချိူ့သူမျာများသည်စားနေချိန်တွင်ခါးပတ်ပတ်ထားမိတတ်သည်။ထို့အခါမျိူးတွင်စားပြီးပြီးချင်းခါးပတ်မလျှေုာ့လိုက်ပါနှင့်။ ခါးပတ်လျှော့လိုက်ပါကအစာအိမ်ထဲရှိအစာခြေမှုနေရာသည်ကျယ်လာမည်။စားနေချိန်တွင်ကျဉ်ုးပြီးစားပြီးမှကျယ်လာပါကအစာအိမ်အောက်သို့ကျလာမည်။ ထို့ကြောင့်အစာအိမ်နှင့်ပတ်သက်သောရောဂါများဖြစ်တတ်ပါသည်။

၃။ ဆေးလိပ်သောက်ရန်မလောပါနှင့်

ထမင်းစားပြီးနောက်ချက်ချင်းဆေးလိပ်မသောက်ပါနှင့်ခါတိုင်းအချိန်သောက်ခြင်းထက်ထမင်းစားပြီးသောက်ခြင်းသည် ကျန်းမာရေးကိုပိုမိုထိခိုက်စေနိုင်ပါသည်။ထမင်းစားပြီးနောက်အစောခြေလမ်းကြောင်းတွင်သွေးလည်ပတ်မှုပမာဏပိုများလာမည်။ အစာချေစနစ်သည်ချက်ချင်းလျင်မြန်စွာလှုပ်ရှားလာမည်။ထိုအချိန်တွင်ဆေးလိပ်သောက်ပါကအစာခြေစနစ်ကိုဟန့်တားပါမည်။ ဆေးလိပ်တွင်ပါဝင်သောအကျိုးမဲ့သည့်အရာများကအကျိူးရှိသည့်အရာများကိုစုပ်ယူသွားပါမည်။ထို့ကြောင့်အဆုတ်၊အသည်း၊နှလုံးနှင့်ဦးနှောက်သွေးကြောများကိုထိခိုက်စေပါမည်။

၎။လက်ဖက်ရည်သောက်ရန်မလောပါနှင့်

ထမင်းစားပြီးနောက်လက်ဖက်ရည်သောက်ခြင်းသည်အစာအိမ်ကိုပိုထိုခိုက်စေနိုင်ပါသည်။လက်ဖက်ရည်ထဲတွင်ပါဝင်သောတင်းနစ်အက်ဆစ်များသည် အစာထဲရှိသံဓာတ်ဇင့်ဓာတ်များကိုစုပ်ယူသွားပါမည်။ အစာစားပြီးနောက်လက်ဖက်ရည်သောက်ခြင်းသည် အစာအိမ်ထဲရှိအစာခြေအရည်ကိုကျဲသွားစေနိုင်သည်။ ထိုကြောင့်အစာအိမ်ကိုဝန်ထုပ်ဝန်ပိုးဖြစ်စေနိုင်ပါသည်။

၅။ ရေချိူးရန်မလောပါနှင့်

ရှေးယခင်ကဆိုရိုးစကားတစ်ခုရှိခဲ့ပါသည်.ဗိုက်ဝလျှင်ခေါင်းမရိတ်နှင့် ဗိုက်ဆာလျှင်ရေမချိုးရထိုဆိုရိုးစကားကြောင့် အယူအဆများလွဲပြီးလုပ်ဆောင်မိတတ်သည်.ထို့ကြောင့်ထမင်းစားပြီးပြီးချင်းရေချိူးတတ်ကြသည်။ ထမင်းစားပြီးချိန်တွင်အစာအိမ်ထဲတွင်သွေးများစုနေတတ်သည်။အစာအိမ်ထဲတွင်သွေးများစုနေသောကြောင့်တစ်ခြားအစိတ်အပိုင်းများ တွင်သွေးများလျော့နည်းနေမည်။ ထိုအချိန်တွင်ရေချိူးလိုက်ပါကတစ်ကိုယ်လုံးရှိအရေပြားနှင့်အသားများရှိသွေးကြောများပွင့်သွားကာ သွေးပြန်ကြောများပြန်ကျယ်သွားမည်။ထို့ကြောင့်အစာခြေဖျက်မှုကိုထိခိုက်စေနိုင်သည်။ထိူ့ကြောင့်ထမင်းစားပြီးပြီးချင်းရေမချိူးဘဲတစ်နာရီနှစ်နာရီလောက်ကြာမှချိူးသင့်ပေသည်။

၆။အိပ်စက်ရန်မလောပါနှင့်

အချို့သောသူများသည်ထမင်းစားပြီးနောက်ချက်ချင်းအိပ်တတ်သည့်အကျင့်များရှိသည်။ချက်ချင်းအ်ိပ်ပါက ကိုယ်ခန္ဒာဝလာဖို့အခြေအနေအလွန်များသည်။ထို့ကြောင့်Dietလုပ်ချင်သူများထမင်းစားပြီးချက်ချင်းအိပ်စက်ခြင်းကိုရှောင်ကျဉ်ပါ။ အိပ်ချင်ပါက မိနစ်၂၀လောက်ခနနားပြီးမှအိပ်စက်ပါ။

၇။လမ်းလျှောက်ရန်မလောပါနှင့်

ထမင်းစားပြီးနောက်ချက်ချင်းလမ်းလျှောက်ထွက်တတ်သူများလည်းရှိပါသည်။ထမင်းစားပြီးပြီးချက်းခြေလှမ်းတစ်ရာလောက်မလျောက် မိပါစေနှင့်။ထိုသို့လုပ်ဆောင်ပါကအစာအိမ်ထဲရှိအာဟာရစုပ်ယူခြင်းကိုသွားထိခိုက်စေမည်။အစာစားပြီးနောက်သွေးဖိအားသည်ကျဆင်းနေ ချိန်ဖြစ်သည်။အထူးသဖြင့်အသက်ကြီးသူများတွင်နှလုံးစွမ်းရည်လျော့နည်းသွားမည်။သွေးကြောများမာသွားမည်။ ထို့ကြောင့်ထမင်းစားပြီးမိနစ်၃၀အကြာမှလမ်းလျောက်ပါကအစာခြေစနစ်ကိုထိခိုက်မှုနည်းမည်ဖြစ်သည်။

၈။ကားမောင်းရန်မလောပါနှင့်

ထမင်းစားပြီးပြီးချင်းကားထမောင်းပါကယဉ်တိုက်မှုကိုအလွယ်တကူဖြစ်စေနိုင်သည်။ထမင်းစားပြီးနောက်အစာအိမ်ရှိအူများကအစာကိုခြေဖျက်နိုင်ရန်သွေးအများကြီးလိုသည်။ ကားမောင်းသည့်အခါထိုအစာအိမ်ထဲသို့သွေးရောက်မှုနည်းသောကြောင့်ချက်ချင်းအစာမကျေဖြစ်ကာ မူးမော်လာပြီးနေမကောင်းဖြစ်လာနိုင်ချေပိုများမည်။

Myanmar Express

ဒုတိယ သမ္မတ ဦးဥာဏ်ထွန်း အကြောင်း

ဒုတိယ သမ္မတ အဖြစ် ရွေးချယ် တင်မြောက် ခံရသူ ဦးဥာဏ်ထွန်းမှာ စစ်တက္ကသိုလ် အမှတ်စဉ် ( ၁၆ ) ကျောင်းဆင်း တစ်ဦး ဖြစ်ပြီး ကိုယ်ပိုင် အမှတ်စဉ်မှာ (ရေ - ၁၁၉၆ )ဖြစ်ကြောင်း၊ ကာကွယ်ရေး ဦးစီးချုပ် ( ရေ ) ရာထူး၌ ဗိုလ်ချုပ်ကြီး ရာထူးဖြင့် ပထမဦးဆုံး တာဝန်ထမ်းဆောင်ခဲ့သူ ဖြစ်ကြောင်း သိရသည်။

တပ်မတော်(ရေ)တွင်ဒုဗိုလ်မှဗိုလ် ချုပ်ကြီး အထိတာဝန်ထမ်းဆောင်ခဲ့သည်။ အိပ်(ဂျ)ဂျီပီ ၊အာအယ်(လ) သင်တန်းတွင် မြန်မာ တပြည်လုံး ပထမ ရရှိခဲ့ပါတယ်။

ဖခင် ဒုတိယတောအုပ် (သစ်တော) ဦးစိန်မောင်နှင့် မိခင်မူလတန်းပြဆရာမ ဒေါ်သိန်းတင်တို့က ၁၉၅၄ ခုနှစ်၊ ဇန်န၀ါ ရီ (၁၂) ရက်တွင် ပဲခူးတိုင်း၊ သာယာဝတီ ခရိုင်၊ ဇီးကုန်းမြို့၊ ဂုံးလမ်း (သံပုရာကုန် လမ်း)၌ မွေးဖွားသည်။ ဂုံးလမ်းအစိုးရ မူလတန်းကျောင်းနှင့် ဇီးကုန်းမြို့ အစိုးရ အထက်တန်းကျောင်းတို့တွင် ပညာသင် ယူပြီး ၁၉၇၀ ပြည့်နှစ်တွင် အခြေခံပညာ အထက်တန်းစာမေးပွဲအောင်မြင်ခဲ့ပါသည်။ ၁၉၇၁ ခုနှစ်မှ ၁၉၇၄ ခုနှစ်အထိ စစ် တက္ကသိုလ်ဗိုလ်လောင်းသင်တန်းအမှတ် စဉ် (၁၆)သို့ တက်ရောက်ခဲ့ပြီး သိပ္ပံဘွဲ့ရ ရှိခဲ့သည်။

၁၉၈၃ ခုနှစ်တွင် အထက်တန်းရှေ့ နေ Higher Grade Pleader (H.G.P) စာမေးပွဲကိုလည်းကောင်း၊ ၁၉၈၄ ခုနှစ် တွင် မှတ်ပုံတင်ရှေ့နေ Register Lawyer (R.L) စာမေးပွဲကိုလည်းကောင်း၊ဖြေ ဆိုအောင်မြင်ခဲ့ပါသည်။ ၁၉၈၇ ခုနှစ်တွင် အမေရိကန်ပြည်ထောင်စုတက္ကဆပ်ပြည် နယ် Lackland Ariforce Base & Sd Defence Language Institute တွင် English Language Course ကိုလည်းကောင်း Rhode Isiand ပြည်နယ် Newport မြို့ရှိ Naval Education and Training Center (NETC) တွင် International Officer Candidate Couse ကိုလည်းကောင်း တက်ရောက်အောင်မြင်ခဲ့ပါသည်။

၂၀၀၃ ခုနှစ်တွင် နိုင်ငံတော်ကာ ကွယ်ရေးတက်္ကသိုလ်သို့ တက်ရောက်ခဲ့ ပြီးမဟာဝိဇ္ဇာဘွဲ့ (ကာကွယ်ရေးပညာ) M.A (Defence Studies) ရရှိခဲ့ပါသည်။

၁၉၇၄ ခုနှစ်တွင် တပ်မတော် (ရေ) ပြန်တမ်းဝင်အရာရှိ ဒုတိယဗိုလ်အဖြစ်ခန့် အပ်ခြင်းခံခဲ့ရပါသည်။ ၁၉၇၅ ခုနှစ်မှ ၂၀၀၄ ခုနှစ်ထိ တပ်မတော် (ရေ) စစ်ရေ ယာဉ်စုများရှိ စစ်ရေယာဉ်အမျိုးအစား အမျိုးမျိုးတွင် ဒုတိယစစ်ရေယာဉ်မှူး စစ်ရေယာဉ်မှူးအဖြစ်လည်းကောင်း၊ ရေတပ်လေ့ကျင့်ရေးကျောင်းသင်တန်း ဌာနများတွင် သင်တန်းနည်းပြအရာရှိ အဖြစ်လည်းကောင်း၊ ကုန်းမြေအခြေစိုက် တပ် ရေတပ်ရှေ့တန်းစခန်းရေတပ်အခြေ စိုက်စခန်းနှင့် ရေတပ်စခန်းဌာနချုပ်များ တွင် တပ်မှူး၊ စခန်းမှူး၊ စစ်ဦးစီးအရာရှိ၊ ဒုတိယဌာနချုပ်မှူး၊ ခေတ္တဌာနချုပ်မှူး အဖြစ်လည်းကောင်းတာဝန်ထမ်းဆောင် ခဲ့သည်။

တပ်မတော်ရေအမှတ် (၁ ) ထောက်လှမ်းရေးတပ်မူး၊ကကလှမ်းရုံးချုပ် စစ်ဦးစီးဒုတိယတန်းထိုမှတပ်မတော် ( ရေ ) တွင်စစ်ဦးစီးဗိုလ်မူးကြီးမှစစ်ဦးစီးအရာရှိချုပ် မှ ရေချုပ်ဖြစ်လာခဲ့သည်။

၂၀၀၄ ခုနှစ်မှ ၂၀၀၈ ခုနှစ်အထိ ကာကွယ်ရေးဝန်ကြီးဌာန၊ ကာကွယ်ရး ဦးစီးချုပ်ရုံး (ရေ) တွင် စစ်ဦးစီးအရာရှိ ချုပ် (ရေ) တာဝန်များကိုထမ်းဆောင်ခဲ့ သည်။

ကာကွယ်ရေးဦးစီးချုပ် (ရေ)အဖြစ် ၂၀၀၈ ခုနှစ်၊ ဇွန်လတွင် စတင်တာဝန် ထမ်းဆောင်ခဲ့ပါသည်။

ဇနီးဖြစ်သူ ဒေါ်ခင်အေးမြင့်သည် B.A (Philosophy) ဘွဲ့ရရှိခဲ့ပြီး တပ်မတော် ဆေးဝန်ထမ်းတပ်ဖွဲ့တွင် ဗိုလ်မှူးအဆင့် အထိ တာဝန်ထမ်းဆောင်ခဲ့ကာအငြိမ်း စားယူခဲ့ပါသည်။ သားနှစ်ယောက်နှင့် သမီးတစ်ယောက်ထွန်းကားခဲ့ပါသည်။ သားကြီးဖြစ်သူ ဒေါက်တာဖေသက်ဇော် (M.B.B.S) နှင့် သမီးဖြစ်သူဒေါက်တာ သွယ်နီဉဏ်ထွန်း (M.B.B.S) တို့သည် ကျန်းမာရေးဝန်ကြီးဌာန၊ ဆေးသုတေသန ဦးစီးဌာနတွင် သုတေသနအရာရှိများအဖြစ် တာဝန်ထမ်းဆောင်လျက်ရှိပြီး သားငယ် မောင်လင်းထက်ဉာဏ်ထွန်းသည်အမျိုးသား စီမံခန့်ခွဲမှုပညာကောလိပ် (National Management College) မှ B.B.M ဘွဲ့ရ ရှိခဲ့ပါသည်။




ဦးဥာဏ်ထွန်းတွင် ပြည်ထောင်စုလွှတ်တော်တွင်

"ကျွန်ုပ်သည် ပြည်ထောင်စုသမ္မတ မြန်မာနိုင်ငံတော်နှင့် နိုင်ငံသားများအပေါ် သစ္စာစောင့်သိရိုသေပြီး ပြည်ထောင်စုမပြိုကွဲရေး၊ တိုင်းရင်းသား စည်းလုံးညီညွတ်မှု မပြိုကွဲရေး၊ အချုပ်အခြာအာဏာ တည်တံ့ ခိုင်မြဲရေးတို့ကို ထာဝစဉ် ဦးထိပ်ပန်ဆင် ဆောင်ရွက်ပါမည်။ ကျွန်ုပ်သည် ဤနိုင်ငံတော် ဖွဲ့စည်းပုံအခြေခံဥပဒေကို ထိန်းသိမ်းစောင့်သိလိုက်နာရိုသေပြီး နိုင်ငံတော်၏ ဥပဒေများကို လိုက်နာကျင့်သုံးဆောင် ရွက်ပါမည်။ မိမိ၏ တာဝန်ဝတ္တရားများကို ဖြောင့်မတ်မှန်ကန်စွာဖြင့် အစွမ်းကုန်ဆောင်ရွက်ပါမည်။ ပြည်ထောင်စုသမ္မတ မြန်မာနိုင်ငံတော်တွင် တရားမျှတခြင်း၊ လွတ်လပ်ခြင်းနှင့် ညီညွတ်ခြင်းတည်းဟူသော လောကပါလတရားများ ပိုမိုထွန်းကားရေးအတွက် ဆောင်ရွက်ပါမည်။ ကျွန်ုပ်သည် ပြည်ထောင်စုသမ္မတ မြန်မာနိင်ငံတော် အကျိုးငှာ နိုင်ငံတော်အား မိမိ၏အသက်နှင့် ကိုယ်ကို အပ်နှင်းသည် ဟု လေးနက်တည်ကြည်စွာ ကြေညာ၍ ကတိသစ္စာပြုသည်" ဟု မာန်ပါပါ ဖြင့် သစ္စာဆိုခဲ့သည်။

Myanmar Express

မိုဘိုင်းဖုန်း၏ တည်နေရာအား ရှာဖွေသိရှိနိုင်ခြင်းနှင့် စွယ်စုံသုံးလမ်းညွှန် ပါဝင်သည့် ဆော့ဖ်ဝဲလ်အခမဲ့ဖြန့်ချိ

မိုဘိုင်းဖုန်းတစ်လုံး၏ တည်နေရာအား ရှာဖွေသိရှိနိုင်သည့် Phone Finder နှင့် စွယ်စုံသုံးလမ်းညွှန် (Multi-Directories) ပါဝင်သည့် GOthere Myanmar မိုဘိုင်းဖုန်းဆော့ဖ်ဝဲလ်အား Giga Gates Co.,LTD မှ အခမဲ့ ဖြန့်ချိပေးသွားမည်ဖြစ်ကြောင်း သိရှိရသည်။

နေ့စဉ်အသုံးဝင်သည့် လမ်းညွှန်များ၊ တည်နေရာ အချက်အလက်များ၊ ဖတ်ရှုသင့်သော သတင်းများနှင့် ဖုန်းတစ်လုံး၏ တည်နေရာကို ရှာဖွေသိရှိနိုင်သည့် ဆော့ဖ်ဝဲလ်ဖြစ်ပြီး Android OS စနစ်သုံး မိုဘိုင်းဖုန်းများတွင် အသုံးပြုနိုင်မည်ဖြစ်သည်။

'' Android OS 2.2 နဲ့အထက်မှာ သုံးလို့ရပါတယ်။ Version အနေနဲ့ Beta 1.0 ပေးထားပါတယ်။ မကြာခင် နီးစပ်ရာ နေရာတိုင်းမှာ အခမဲ့ ရယူနိုင်အောင် လုပ်ပေးသွားမှာပါ။

အခု လတ်တလောအနေနဲ့ ကျွန်တော်တို့ ဝက်ဘ်ဆိုက်ဖြစ်တဲ့ www.go-there-myanmar.com မှာ အခမဲ့ Download လုပ်လို့ရပါတယ်'' ဟု Giga Gates မှ Projector Director ကိုမိုးသန့်ဦးက ပြောကြားခဲ့ကြောင်း သိရှိရသည်။

Myanmar Express

ဒေါ်အောင်ဆန်းစုကြည်ကို "ကုလား မယား စုကြည်" ဟု ဆိုင်းဘုတ် ထောင် ဆန္ဒပြခဲ့သည့် ရခိုင်တိုင်းရင်းသား ဒေါ်စောမြရာဇာလင်း ကို တော့ သောင်းသောင်းဖျဖျကြိုဆို

ဒေါ်အောင်ဆန်းစုကြည်ကို "ကုလား မယား စုကြည်" ဟု ဆိုင်းဘုတ် ထောင် ဆန္ဒပြခဲ့သည့် ရခိုင်တိုင်းရင်းသား ဒေါ်စောမြရာဇာလင်း ကို တော့ သောင်းသောင်းဖျဖျကြိုဆို ခဲ့ကြကြောင်း သတင်းရရှိသည်။

ရခိုင်အမျိုးသမီးအစည်းအရုံးဥက္ကဌနှင့် ALP(ရခိုင်ပြည်လွတ်မြောက်ရေးပါတီ) ၏ထိပ်တန်းခေါင်းဆောင် တစ်ဦး ဖြစ်သူ ဒေါ်စောမြရာဇာလင်းသည် ၂၇ သြဂုတ် နေ့လည် ဆယ့်နှစ်နာရီကျော်ကျော် ခန့်တွင် စစ်တွေ ဘုတ်ဆိပ်သို့ ရွှေနဒီ အမြန်ယာဉ်ဖြင့် ဆိုက်ရောက်လာရာ စုစုပေါင်းအရေအတွက် ခြောက်ရာခန့်ရှိသော ရခိုင်အမျိုးသား အမျိုးသမီးများ၊ သံဃာတော်များ၊ နိုင်ငံရေးပါတီများမှ တာဝန်ရှိသူများက စစ်တွေဘုတ်ဆိပ်တွင် လှိုက်လှိုက်လှဲလှဲ ကြိုဆိုကြသည်။

မြန်မာနိုင်ငံတွင် ကားပေါ်တွင် အမျိုးသမီး ပါလာပြီး မိုက်ကရိုဖုန်းကိုင်ကာ စကားပြောတတ်၊ လူအများက ဝိုင်းကြည့်တတ်တာ ယခင်က ဒေါ်အောင်ဆန်းစုကြည် တစ်ဦးသာ ရှိခဲ့ပေမယ့် အခုတော့ ဒေါ်စောမြရာဇာလင်းက ဒေါ်အောင်ဆန်းစုကြည်ထက် သာသွားပြီဖြစ်သည်။

ဒေါ် စောမြရာဇာလင်းကို သောင်းသောင်ဖျဖျကြိုဆိုခဲ့ကြသော ရခိုင်တိုင်းရင်းသားများသည် ဒေါ်အောင်ဆန်းစုကြည် ဥရောပမှ ပြန်လာချိန်တုန်းကတော့ "ကုလား မယား စုကြည်" ဟု ဆိုင်းဘုတ်တွင် ရေးသားကာ ဆန္ဒပြခဲ့ကြသည်။

အစိုးရ ပြုပြင်ပြောင်းလဲမှုကို အကောင်းလက္ခဏာအဖြစ် ရှုမြင်

ယခုနှစ် မေလ ၁၁ ရက်နေ့က ကျင်းပသော နိုင်ငံတော်ဖွံ့ဖြိုးတိုးတက်ရေး၊ ဒေသဖွံ့ဖြိုးတိုးတက်ရေး

လုပ်ငန်းညှိနှိုင်း အစည်းအဝေးတွင် သမ္မတ ဦးသိန်းစိန်က ရှေးရိုးစွဲ၊ ခေတ်နောက်ပြန်ဆွဲသည့်

အမြင်ရှိသူများကို ချန်ထားခဲ့မည်ဟု ပြောဆိုခဲ့သည်

(ဓာတ်ပုံ – သမ္မတရုံး)

သမ္မတ ဦးသိန်းစိန် အနေဖြင့် သက်တမ်း ၂ နှစ်ခန့်ရှိပြီဖြစ်သော အစိုးရအဖွဲ့အား ပြုပြင်ပြောင်းလဲမှုများ ပြုလုပ်လိုက်ခြင်းသည် အကောင်းဘက်သို့ ဦးတည်နေသည့် လက္ခဏာများဟု လေ့လာသူများက ရှုမြင်ကြသည်။

၈၈ မျိုးဆက် ကျောင်းသားခေါင်းဆောင် ဦးကိုကိုကြီးက “သမ္မတရုံး ၀န်ကြီး ၄ ဦး ထပ်တိုးတာကိုက ပြုပြင်ပြောင်းလဲရေးကို အားစိုက်လုပ်ဖို့ဆိုတာ သိသာပါတယ်၊ အကောင်းဘက်ကို ဦးတည်တယ်၊ ပြုပြင်ပြောင်းလဲရေးကို အကောင် အထည်ဖော်နေ တယ်ဆိုတာ ကတော့ မြင်နေ ရတယ်၊ စောင့်ကြည့် ရမယ်” ဟု ဆိုသည်။

နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက သမ္မတ ဦးသိန်းစိန်၏ ယခု ပြုပြင်ပြောင်းလဲမှုသည် ပြည်သူဆန္ဒကို အခြေခံကာ ဆောင်ရွက်ခြင်းဖြစ်ပြီး အစပထမဟု ပြောနိုင်ကြောင်း၊ မကြာမီတွင် ဆက်လက်ပြီး အရှိန်မြှင့်တင် ဆောင်ရွက်သွားမည်ဖြစ်ပြီး တိုင်းဒေသကြီးနှင့် ပြည်နယ်များတွင်လည်း ပြုပြင်ပြောင်းလဲရေးများ စတင်နေပြီ ဖြစ်ကြောင်း ဧရာဝတီသို့ ပြောသည်။

အစိုးရ သက်တမ်း ၂ နှစ်အတွင်း အားနည်းချက်၊ အားသာ ချက်များကို လေ့လာကာ ပြုပြင်ပြောင်းလဲ မှုများကို ဆောင်ရွက်ခြင်း ဖြစ်ကြောင်း၊ ပြုပြင်ပြောင်းလဲရေးနှင့် ပတ်သက်၍ ပြည်သူများ၏ အားမလို အားမရ ဖြစ်နေခြင်း၊ နိုင်ငံခြား ရင်းနှီးမြုပ်နှံမှုများ အလုံးအရင်းနှင့် ၀င်ရောက် မလာခြင်း၊ ပြည်တွင်းငြိမ်းချမ်းရေး မရရှိသေးခြင်းကိုလည်း သမ္မတ ဦးသိန်းစိန် အနေဖြင့် သိရှိထားကြောင်း ဦးဇော်ဌေးက ဆိုသည်။

အမျိုးသား ဒီမိုကရေစီအဖွဲ့ချုပ် ခေါင်းဆောင်တဦးဖြစ်သည့် ဦးဝင်းတင်ကမူ “အစောကြီးကတည်းက လုပ်ရမှာ၊ အလာကောင်းပေမယ့် အခါနှောင်းတယ်လို့တောင် ပြောလို့ရတယ်” ဟု ပြောသည်။

ဝန်ကြီးအများစုမှာ စစ်အစိုးရလက်ထက်ကတည်းက ပါဝင်ခဲ့သည့် သဘောထား တင်းမာသူများဖြစ်ပြီး ဒီမိုကရေစီ ပြုပြင်ပြောင်းလဲရေး လမ်းစဉ်နှင့် မကိုက်ညီကြောင်း၊ ပြန်ကြားရေးဝန်ကြီးဟောင်း ဦးကျော်ဆန်းဆိုလျှင် စာပေလွတ်လပ်ခွင့်နှင့် ပတ်သက်၍ ပိတ်ပင်ချုပ်ချယ်သူဟု နာမည်ကြီးပြီး သမ္မတ၊ လွှတ်တော်ဥက္ကဋ္ဌတို့၏ မိန့်ခွန်းများကိုပင် ဖြတ်တောက်စိစစ်မှု ပြုလုပ်ကြောင်း၊ အမှတ် (၁) လျှပ်စစ်စွမ်းအား ၀န်ကြီးဟောင်း ဦးဇော်မင်းဆိုလျှင်လည်း မြစ်ဆုံဆည် စီမံကိန်းနှင့် ပတ်သက်ပြီး ပြောဆိုမှုများ ပြုလုပ်စဉ်ကတည်းက ရာထူးမှ ဖယ်ရှားသင့်သူဖြစ်ကြောင်း ဦးဝင်းတင်က ဆက်လက်ပြောသည်။

ပြီးခဲ့သည့် တနင်္လာနေ့မှ စတင်ကာ ပြုလုပ်သည့် ၀န်ကြီးရာထူး အပြောင်းအရွှေ့တွင် ပြည်တွင်းငြိမ်းချမ်းရေး အကောင်အထည်ဖော်နေသူ မီးရထားဝန်ကြီး ဦးအောင်မင်း၊ စက်မှုဝန်ကြီး ဦးစိုးသိန်း အပါအ၀င် ၀န်ကြီး ၉ ဦးကို ရာထူးအပြောင်းအရွှေ့ ပြုလုပ်ခဲ့ပြီး၊ အရပ်သားပညာရှင်ရှင်များနှင့် အမျိုးသမီးများ ပါဝင်သည့် ဒုဝန်ကြီး ၁၅ ဦးကိုလည်း ထပ်မံခန့်ခဲ့သည်။

ယမန်နေ့က ဆောက်လုပ်ရေးဝန်ကြီး ဦးခင်မောင်မြင့်နှင့် အမှတ် (၁) လျှပ်စစ်စွမ်းအားဝန်ကြီး ဦးဇော်မင်း၊ ပြည်ထောင်စု စာရင်းစစ်ချုပ် ဦးလွန်းမောင်တို့အား သမ္မတ ဦးသိန်းစိန်က ရာထူးမှ နှုတ်ထွက်ခွင့်ပြုခဲ့သည်။

ပြန်ကြားရေး ၀န်ကြီးအသစ်ဖြစ်သူ ဦးအောင်ကြည်မှာ သဘောထား ပျော့ပြောင်းသူတဦးဟု လူသိများသော်လည်း စာပေမူဝါဒများအပေါ်တွင် မည်သို့သဘောထားမည်ကို မသိရသေးကြောင်း၊ စောင့်ကြည့်ရဦးမည် ဖြစ်ကြောင်း၊ လစ်လပ်သွားသည့် ၀န်ကြီးဌာနများ အားခန့်အပ်ရာတွင် သက်ဆိုင်ရာလုပ်ငန်းများနှင့် ပတ်သက်ပြီး ကျွမ်းကျင်နှံ့စပ်သူ၊ ဆုံးဖြတ်ချက် ပေးနိုင်သူများကိုသာ ခန့်အပ်သင့်ကြောင်း၊ အရပ်သားပညာရှင်များကို ခန့်အပ်ခြင်းသည် ကောင်းသော လက္ခဏာတခုဟု ပြောဆိုနိုင်ကြောင်း ၈၈ မျိုးဆက် ကျောင်းသားခေါင်းဆောင် ဦးကိုကိုကြီး ဆိုသည်။

အစိုးရသစ်အနေနှင့် ပြုပြင်ပြောင်းလဲမှုများ လုပ်ဆောင်ရာတွင် ရှေးရိုးစွဲ၊ ခေတ်နောက်ပြန်ဆွဲသည့် အမြင်ရှိသူများကို ချန်ထားခဲ့မည်ဖြစ်ကြောင်း သမ္မတ ဦးသိန်းစိန်က ပြီးခဲ့သည့် မေလတွင်တကြိမ်၊ ယခုလလယ်တွင် တကြိမ် သတိပေး ပြောဆိုခဲ့သည်။

အစိုးရနှင့် နီးစပ်သူများ အဆိုအရ ယခု အပြောင်းအလဲမှာ အစသာဖြစ်ပြီး ၀န်ကြီးအပြောင်းအလဲများကို ဆက်လက် လုပ်ဆောင်ဦးမည် ဖြစ်ကြောင်း၊ လစ်လပ်နေသည့်ဝန်ကြီးများ ခန့်အပ်ရာတွင် အမျိုးသားဒီမိုကရေစီအဖွဲ့ချုပ် (NLD) မှ ကိုယ်စားလှယ်များပင် ပါဝင်နိုင်ကြောင်း သိရသည်။

မိမိသုံးနေတဲ့ social network အကောင့်တွေ အခိုးမခံရအောင် ဘယ်လိုကာကွယ်မလဲ?

အကောင့်အခိုးခံရတယ်၊ အဟက်ခံရတယ်လို့ ခဏခဏ ကြားနေရပါတယ်။ စာရေးသူ စဉ်းစားကြည့်လိုက် ပါတယ်။ ဘာလို့ သူတို့တွေချည်း ကွက်ကြားမိုး ရွာလို့ အကောင့်တွေ အခိုးခံနေရတာပါလိမ့်လို့။ မသိသူ ကျော်သွား သိသူဖော်စားဆိုတာထက်၊ မသိသူတွေချည်း ခံနေရပုံ ပေါက်ပါတယ်။

ဘာလို့ Account တွေ အခိုးခံရ သလဲ?

အဓိကကတော့ မိမိ Account လုံခြုံရေးအားနည်းလို့ပါပဲ။ ဘာလို့လုံခြုံရေး အားနည်းတာလဲလို့ မေးရင်တော့ နံပါတ် ၁ - နည်းပညာ ဗဟုသုတ နည်းပါးမှု၊ နံပါတ် ၂ - နမော်နမဲ့နိုင်မှု ဖြစ်ပါတယ်။ အချို့ ကျ Hardware ရော၊ Software ရော ဆရာကျနေအောင် တော်ပြီး အကောင့်လေးတစ်ခုကျတော့ ခဏခဏပျောက်တတ် ကြပါတယ်။ အချို့ ကျပြန်တော့လဲ တကယ်မသိလို့ အညှပ်ချခံရပြီး အကောင့်တွေ ဆုံးရှုံးကြပါတယ်။

ဒါဆို သိသင့်တဲ့အချက်တွေက ဒီမှာ စပါပြီ။

Facebook ပဲသုံးသုံး၊ Twitter ပဲသုံးသုံး - ဆိုရှယ် Network တော်တော် များများဟာ Address bar မှာ https:// ကို တွေ့မြင်ရမှာ ဖြစ်ပါတယ်။ s ပါတယ်ဆိုတဲ့အကြောင်းက မိမိရဲ့ လျှို့ ဝှက်ကုဒ်နံပါတ်နဲ့ Data တွေကို SSL နည်းပညာနဲ့ ကာကွယ်တားဆီးပေးထားခြင်းဖြစ်ပါတယ်။ သူ့ကို Transport Layer Security လို့လည်း လူသိများပြီး မိမိ Transport လုပ်လိုက်တဲ့ အချက်အလက်တိုးကို လုံခြုံစေမှာ ဖြစ်ပါတယ်။ s သာ မပါရင်တော့ ဒါဟာ အင်မတန် လုံခြုံရေး ညံ့ဖျင်းတဲ့ ဝဘ်ဆိုဒ်ပဲဖြစ်ပါတယ်။ s မပါတဲ့ အခြား Social Network တွေလည်း ရှိကြပါတယ်။ သုံးသင့်မသုံးသင့်ဆိုတာကတော့ မိမိဘာသာ ဆုံးဖြတ်စေချင်ပါတယ်။.

နောက်တစ်ချက်ကတော့ Password ကိစ္စပါ။ စာဖတ်သူ ရဲ့  Password ဘာပေးထားတယ်ဆိုတာ ခန့်မှန်းကြည့်ပါရစေ။

၁။ Userရဲ့ နာမည် အင်္ဂလိပ်လို ( တစ်လုံး သို့မဟုတ် အားလုံး)
၂။ User ရဲ့ နာမည်နဲ့ မွေးသက္ကရာဇ် ပေါင်းစပ်ထားမှု
၃။ မိမိဖုန်းနံပါတ် နှင့် နာမည်တစ်လုံး
၎။ ပြီးပြီးရော အလွယ်မှတ် ဂဏန်းများ (ဥပမာ- 123456 /asdfghjkl;/ အစရှိသဖြင့်)
၅။ User name နှင့် Password အတူတူ

အထက်ပါ အချက်များနဲ့ တစ်ချက်ချက် ညှိနေပြီဆိုရင်တော့ အကောင့် လုံခြုံမှု အားနည်းတယ်ဆိုတာ ကြိမ်းသေ နေပါပြီ။

စာရေးသူ ကြုံဖူးပါတယ်။ မိတ်ဆွေသူငယ်ချင်းအကောင့်ကို အားအားယားယားဆိုပြီး Password မှာ သူ့နာမည် ရိုက်ထည့်လိုက်တာ အကောင့်က ပွင့်ပါလေရော။ နာမည်ရင်းအတိုင်း အပြည့်အစုံထား တာမျိုးကတော့ တကယ်ကို အလွယ်လမ်းလိုက် လွန်းပါတယ်။

ဒါကြောင့် Password ဘယ်လို ရွေးရမလဲ။

အရွေးလွန်ပြီး လျှို့ ဝှက်လိုက်တာကျတော့ ကိုယ်တောင် မမှတ်မိတာမျိုး လဲ ဖြစ်တတ်ပါတယ်။ ဒါကြောင့်

၁။ Password ကိုပေးရာမှာ မိမိ နာမည်က “အောင် “ ပါမယ်ဆိုရင် အဲဒါကို control-shit မနှိပ်ပဲ ရိုက်ရင် atmig ဆိုပြီး ရပါတယ်။ ဒါကြောင့် ထွက်လာ မယ့် စာက adfenve; အစရှိသဖြင့် လူတိုင်း သိရန် ခက်ခဲသွား ပါတယ်။ Capital Letter, Small Letter အားလုံး ပါဝင်မှာ ဖြစ်ပါတယ်။

၂။ 123 တို့တင်မကပဲ။ !@#$%^&* အစရှိသဖြင့်တို့ကိုလည်း Key Combination မှာ ထည့်သွင်း အသုံးပြုသင့်ပါတယ်။

၃။ Password က အနည်းဆုံး ၈လုံး ရှိသင့်တယ်လို့ အများက ဆိုကြပါတယ်။ အလုံးများလေ ကောင်းလေပါပဲ။ ဒါပေမယ့် မှတ်မိဖို့တော့လိုအပ်ပါတယ်။ သို့ပေမယ့် ၁၀လုံးထည့်တော့ မနည်းသင့်ပါဘူး။

ဒါဆို အထက်ပါ ဥပမာ သုံးခုထဲက အတိုင်း Password တစ်ခု ဥပမာ ပြပါမယ်။---- csrf;ajrh#99 -- ကိုယ်တိုင်အောင် မြန်မာလို စဉ်းစားပြီးရိုက်မှ သိနိုင်တဲ့ Password ဖြစ်ပါတယ်။ အင်္ဂလိပ်လိုတောင်အလွတ် ကျက်ဖို့ ခက်ပါတယ်။

ဒီထက် ပိုကောင်းတဲ့ Password ပေးနည်းပေါင်းမြောက်များစွာ ရှိပါတယ်။ စာဖတ်သူများ သိရှိပြီ ဖြစ်ပါစေ မျှဝေ ပေးကြစေချင်ပါတယ်။ Password ကို ကိုယ်တစ်ယောက်တည်းသိပါစေ။ သူများ ပေးမသိပါ နဲ့။ ပြီးတော့ Password ကို ဒိုင်ယာရီထဲမှာ ထည့်ရေးထားတတ် တာမျိုးကလည်း စိုးရိမ်စရာပါပဲ။ ဖုန်းမှာရေးထားတာမျိုးကတော့ အခိုးခံရဖို့ ပိုနီးပါတယ်။ ဒါဆို ဘယ်နေရာမှာ သိမ်းမလဲ။ အကောင်းဆုံးကတော့ မှတ်ဥာဏ်သာ ဖြစ်ပါတယ်။ မေ့တတ်တယ်၊ Password အရမ်းများတယ်ဆိုမှ ကိုယ်တစ်ယောက်တည်း နားလည်နိုင်တဲ့ လက္ခဏာ၊ အမှတ်အသား နဲ့ ရေးမှတ်ထားသင့်ပါတယ်။

Password ကို ရှိရှိသမျှ Facebook ရော၊ G-Talk ရော၊ Twitter ရော တစ်ခုတည်း ပေးတတ်တာမျိုးကလည်း ဆိုးပါတယ်။ စာဖတ်သူအချို့ အဲလို ပေးထားကြမယ်ထင်ပါတယ်။ ဒါဆိုရင်တော့ အကောင့်တစ်ခုသာ အခိုးခံရရင် အားလုံး အခိုးရမှာ ဖြစ်ပါတယ်။ တစ်မျိုးဆီ ခွဲပေးသင့်ပါတယ်။

အင်တာနက်ဆိုင် ထိုင်တဲ့အခါမှာ သေချာစစ်ဆေးပါ

အင်တာနက်ဆိုင်ထိုရင် အရေးကြီး သတိထားစရာတွေ ရှိပါတယ်။ ဥပမာ- CCTV ကင်မရာ၊ Key locker နဲ့ History remember တို့ဖြစ်ပါတယ်။ အကောင်းဆုံးကတော့ မိမိအိမ်မှာပဲ၊ သို့မဟုတ် Personal PC ကိုသာ အသုံးပြုသင့် ပါတယ်။ ကိုယ်ပိုင် မိုဘိုင်းဖုန်းနဲ့လည်း အသုံးများပါတယ်။ သို့ပေမယ့် မိုဘိုင်းဖုန်းရဲ့  လုံခြုံရေးကတော့ ကာယကံရှင်ရဲ့  တာဝန်ဖြစ်ပါတယ်။

မြန်မာပြည်မှာက အများစုဟာ အင်တာနက်ဆိုင်တွေမှာ သုံးကြရပါတယ်။ အဲဒီလိုအသုံးပြုတဲ့အခါကြရင် မိမိအသုံးပြုတဲ့ Browser ရဲ့ Setting ကိုဝင်ကြည့်ပါ။ History တွေကို Delete လုပ်ပေးပါ။ ပြီးတော့ အသုံးမပြုခင်မှာ ကွန်ပျူတာရဲ့ Password ကို မှတ်သား တဲ့ Locker Keyboard software တွေရှိနေသလားဆိုတာကို Control Panel မှာ ဝင်စစ်ပါ။ အသုံးပြုပြီးတဲ့အခါမှာလည်း clear recent history, clear recent browser ဝင်ပြီး History, save password, Site preference စသည်ဖြင့် အားလုံးကို Delete လုပ်ပေးရမှာ ဖြစ်ပါတယ်။

Facebook က ကိုယ့်ရဲ့ Personal imformation, IP address, မိမိကြည့်သမျှ ဝက်ဘ်ဆိုဒ်တွေလည်း အကုန်မှတ်ထားပါတယ်။ မိုဘိုင်းဖုန်းပဲဖြစ်ဖြစ်၊ ကွန်ပျူတာပဲဖြစ်ဖြစ်။ ဒါကိုလုံခြုံအောင်လုပ်ဖို့ ခက်သော်လည်း https ကို သုံးဖြစ်အောင်သုံးရမှာ ဖြစ်ပါတယ်။

ဒါတွေကို Privacy Setting တွေမှာ ဝင်ပြောင်းလို့ရပါ တယ်။ Facebook မှာ ဂိမ်းကစားမယ်ဆိုပြီး ခေါ်တာဖိတ်တာရှိတယ်။ Username နဲ့ password တောင်းတယ်။ ကိုယ်ကလည်း ယင်းဂိမ်းကို ဝင်ဆော့ဖြစ်မယ် ဆိုရင် မိမိရဲ့  Facebook Account ဟာ အင်မတန် အားနည်းသွားပါပြီ။ Facebook ဂိမ်းဆော့တဲ့ သူတွေ Password ခဏခဏ ပြောင်းသင့်ပါတယ်။ ယင်း Game App က မိမိရဲ့  Personal Data အားလုံးကို ထိန်းသိမ်းထားမှာမို့ ဖြစ်ပါတယ်။

စာဖတ်သူတို့မှာ Second Hand ကွန်ပျူတာ၊ Second Hand ဖုန်း သုံးသူများ ရှိပါသလား။ အကယ်၍ ရှိတယ်ဆိုရင် သေချာစစ်ဆေးယူးစေချင်ပါတယ်။ အနောက်တိုင်းတွေမှာဆိုရင် သုံးပြီးသား တစ်ပတ်ရစ် ကွန်ပျူတာတွေ မှာ ဆော့ဖ်ဝဲတွေ၊ Application တွေ ထည့်ထည့်ထားပြီး တစ်ဆင့်ဝယ် သူတွေရဲ့  အချက်အလက်တွေကို ခိုးယူတတ်ပါတယ်။

ဒါမျိုးတော့ မြန်မာပြည်မှာ သိပ်မကြားသေးပါဘူး။ သိရှိထားတာက အကောင်းဆုံးမို့ ဖြစ်ပါတယ်။

ဒီလောက် သိထားရင် စာဖတ်သူတို့ Account လုံခြုံရေး အတွက် ဘယ်လိုပြင်ဆင်ရမယ်ဆိုတာ သိရှိလောက်ပြီ ထင်ပါတယ်။ အမှန်တော့ ဒီထက်နက်နဲစွာ ဖော်ပြသင့်ပေမယ့် အကြမ်းဖျင်းလေး သိလည်း အဆင်ပြေတာမို့ အနှစ်ချုပ်ဖော်ပြ လိုက်ရ ပါတယ်။

Myanmar Express

သမ္မတကြီး၏ Political Reform နှင့် ယနေ့ မြန်မာ့ပညာရေးစနစ်အပေါ် ယခင်ဗိုလ်ချုပ်ကြီးဟောင်း ဦးခင်ညွှန့်၏ အမြင်

သမ္မတကြီးဦးသိန်းစိန် ဦး ဆောင်သော ပြည်ထောင်စုအစိုးရ သစ်တက်လာပြီးသည့်နောက်ပိုင်း သမ္မတကြီးအနေဖြင့်ပြည်တွင်း ငြိမ်းချမ်းရေး၊တိုင်းပြည်ဖွံ့ဖြိုးတိုး တက်ရေးအားရှေးရှု၍ပြည်တွင်းရှိ နိုင်ငံရေးပါတီများ၊အခြားသော အင်အားစုများနှင့်လက်တွဲကာ ပွင့်လင်းမြင်သာမှုရှိသောဆောင် ရွက်ချက်များပြုလုပ်ခဲ့ပြီး အဆိုပါ သမ္မတကြီး၏ ဆောင်ရွက်ချက် များအပေါ် ပြည်သူများအပြင် ကမ္ဘာ့နိုင်ငံများမှလည်း ထောက်ခံ ကြိုဆိုကြလျက်ရှိသည့်အတွက် သမ္မတကြီး၏ Political Reform အပေါ် ယခင်နိုင်ငံတော်ဝန်ကြီး ချုပ် ဗိုလ်ချုပ်ကြီးဦးခင်ညွှန့်အား Hot News သတင်းထောက်မှ တွေ့ဆုံ၍ အမြင်သုံးသပ်ချက် အချို့အားမေးမြန်းဖြစ်ခဲ့ရာ-

ဘဘအနေနဲ့သမ္မတကြီး ဦးသိန်းစိန်ရဲ့ စိတ်နေသဘော ထားနဲ့ သမ္မတကြီးရဲ့ Political Reform အပေါ်ဘယ်လိုမြင်မိပါ သလဲ။

ဘဘနဲ့သမ္မတကြီးဦးသိန်း စိန်တို့ဆိုတာ နှစ်တွေအကြာကြီး တပ်မတော်မှာလက်တွဲပြီး တာဝန် ထမ်းဆောင်ခဲ့ကြတာလေ ဒီတော့ သမ္မတကြီးရဲ့စိတ်နေစိတ်ထား သ ဘောထားတွေအပေါ် ဘဘအနေ နဲ့သုံးသပ်ရမယ်ဆိုရင် ဘဘမြင် တာတော့ သမ်္မတကြီးဟာ အင် မတန်ကို ရိုးသားပါတယ်။အတော့် ကိုလည်းပွင့်လင်းမှုရှိပါတယ်။ပြီး တော့ သူ့ရဲ့စိတ်ကိုက တိုင်းပြည် ကြီးကို တော်တော့်ကို ဖွံ့ဖြိုးတိုး တက်စေချင်တယ်။ကောင်းစားစေ ချင်တယ်။ဘဘကတော့ အဲ့သလို မြင်တယ်။

သမ္မတကြီးရဲ့မိန့်ခွန်းတွေအ ပေါ်မှာရော ဘဘ အနေနဲ့ဘယ် လိုသုံးသပ်မိပါသလဲ။

သူပြောတဲ့မိန့်ခွန်းတွေကို ဘဘကြားတယ်။ နားလည်းထောင် ဖူးတယ်။ အဲ့ဒီသူ့ရဲ့မိန့်ခွန်းတွေမှာ ဘာတွေ့သလဲဆိုတော့ သူ့ရင်ထဲ စိတ်ထဲကလာတဲ့ စကားတွေကို ပြောတယ်လို့ပဲ ဘဘမြင်တယ်။ သူ့မိန့်ခွန်းတွေကို ကြည့်ခြင်းအား ဖြင့်သူ့အနေနဲ့ ရိုးရိုးသားသားပြော တယ်ဆိုတာ၊မှန်မှန်ကန်ကန်ပွင့် ပွင့်လင်းလင်းပြောတယ်ဆိုတာ အရမ်းကို ထင်ရှားနေပါတယ်။ တိုင်းပြည်အတွက် သူဖြစ်ချင်တာ တွေကို အရိုးသားဆုံးပြောတယ် လို့ပဲ ဘဘက မြင်ပါတယ်။သူ့ကို လည်း ဘဘအနေနဲ့ယုံကြည်ပါ တယ်။

သမ္မတကြီးရဲ့ဆောင်ရွက် ချက်တွေအပေါ် ဘဘအနေနဲ့ဘာ များပြောချင်တာရှိပါသလဲ။

ခုနက သူ့အနေနဲ့မိန့်ခွန်း တွေမှာပြောသလို သူ့အနေနဲ့ပြော တဲ့အတိုင်းဆက်ပြီးတော့ အကောင် အထည်ဖော်သွားဖို့တော့လိုမယ် ပြီးတော့ သမ္မတကြီးနဲ့မိန့်ခွန်းတွေ၊ ပြောကြားချက်တွေနဲ့ပတ်သက်ပြီး တော့အောင်အဆင့်ဌာနဆိုင်ရာ အကုန်လုံးက သမ္မတကြီးပြောတဲ့ အတိုင်းအပြည့်အ၀ပူးပေါင်း အ ကောင်အထည်ဖော်သွားဖို့လိုမယ် တိတိကျကျ ဆောင်ရွက်သွားဖို့ လည်းလိုမယ် အဲ့သလိုလုပ်လို့ တကယ်အကောင်အထည်ပေါ် လာရင် ဘဘတို့ တိုင်းပြည်အရမ်း ကို ကောင်းသွားမယ် အရမ်းတိုး တက်သွားမယ် အဲ့သလိုအကောင် အထည်ဖော်ဖို့အတွက်လည်း သမ္မတကြီးအနေနဲ့လုပ်ဆောင် သွားနိုင်လိမ့်မယ်လို့ ဘဘအနေနဲ့ အပြည့်အ၀ယုံကြည်ပါတယ်။

ယနေ့ မြန်မာနိုင်ငံရဲ့အရေး ကိစ္စတွေထဲကနေ အားနည်းနေ တယ်လို့ ဘဘမြင်တာလေးများ ရှိရင် ပြောပြပေးပါလား။

ဘဘတို့တိုင်းပြည်မှာ သမ္မတကြီးဦးသိန်းစိန်တို့ဦးဆောင်ပြီး တိုင်းပြည်အတွက်လုပ်နေကြပြီ လေ။တစ်ခုပြောချင်တာက ဘဘ တို့ တိုင်းပြည်ရဲ့ပညာရေးစနစ်ကို ဘဘ သိပ်အားမရဘူး။တိုင်းပြည် မှာ ယနေ့ကျင့်သုံးနေတာက ကျောင်းသားဗဟိုပြုသင်ကြားရေး စနစ်မဟုတ်ဘူး။ဆရာဗဟိုပြုသင် ကြားရေးစနစ် ဖြစ်နေတယ်။ဒီ တော့ ကျောင်းသားဗဟိုပြုတဲ့အခါ ကြတော့ ကလေးတွေရဲ့ပညာရေး လျော့ရွဲမှုတွေဖြစ်လာတယ်။ကိုယ့်ကိုယ်ကိုယုံကြည်မှုတွေမဲ့လာ တယ်။တိုင်းပြည်တစ်ပြာ်အတွက် ပညာရေးစနစ်ကောင်းဖို့အရမ်း အရေးကြီးတယ်။ဒါမှပဲတိုင်းပြည် ကောင်းစားမှာလေ ဒါကြောင့် ဘဘတို့တိုင်းပြည်ရဲ့ပညာရေးစနစ် ကို ဆရာဗဟိုပြုသင်ကြားရေး စနစ်နဲ့သွားလို့မရတော့ဘူး။ကျောင်း သားဗဟိုပြုသင်ကြားရေးနဲ့သွားရ မယ် အဲ့သလိုကျောင်းသားဗဟို ပြုသင်ကြားရေးစနစ်နဲ့သွားတဲ့အခါ မှာလည်းသင်ကြားမယ့်ဆရာ၊ဆ ရာမတွေအနေနဲ့အရည်အချင်း ပြည့်ဝဖို့အရမ်းကိုလိုမယ် သူတို့ အရည်အချင်းရှိမှ သူတို့သင်ကြား ပေးမယ့် ကလေးတွေကလည်း အရည်အချင်းရှိတဲ့ကလေးတွေဖြစ် လာမှာပေါ့ ဘဘ ကတော့ ဒီလို ပဲမြင်တယ်။

ဘဘအနေနဲ့တိုင်းပြည်မှာ တာဝန်အဆင့်ဆင့်ထမ်းဆောင်ခဲ့ တဲ့ပုဂ်္ဂိုလ်ကြီးတစ်ဦးဖြစ်တဲ့အတွက် ဘဘ ရဲ့ဖြတ်သန်းမှု့အတွေ့အကြုံ တွေနဲ့ပတ်သက်ပြီး နောင်လာ နောင်သားတွေလေ့လာနိုင်ဖို့ စာအုပ်တွေရေးသားဖို့ အစီအစဉ် ရောရှိလား။

ဘဘမှာ စာရေးဖို့တော့ အချိန်သိပ်မရှိဘူး။ရေးရင်လည်း ရေးစရာတွေက အများကြီးပဲလေ ခုချိန်မှာတော့ မရေးနိုင်သေးဘူး ခု ဘဘ ဘာသာရေး၊လူမှု့ရေး လုပ်နေတာတွေနဲ့ပဲ ပီတိဖြစ်ကျေ နပ်နေပါပြီ လတ်တလောအနေ အထားအရတော့ စာအုပ်ရေး သားဖို့တော့မရှိသေးပါဘူး။ဘာလို့ ဆိုတော့ အချိန်မပေးနိုင်သေးလို့ ပါ

ဟု ယခင်ဗိုလ်ချုပ်ကြီးဟောင်းဦးခင်ညွှန့်မှ ပြန်လည်ဖြေကြားပေးသွားခဲ့သည်။ ယခင် ဗိုလ်ချုပ်ကြီးဟောင်းဦးခင်ညွှန့်သည် နေအိမ် အကျယ်ချုပ်မှပြန်လည်လွတ်မြောက် လာပြီးသည့်နောက်ပိုင်းတစ်လျှောက် လုံး ယခုအချိန်ထိလူမှု့ရေးလုပ် ငန်းများ၊ဘာသာရေးအလုပ်များ၊ အလှူအတန်းကိစ္စများနှင့်သစ်ပင် ပန်းမန်စိုက်ပျိုးရေးလုပ်ငန်းများကို သာ အထူးအလေးပေးဆောင် ရွက်နေလျက်ရှိပြီး ယခင်အတွင်း ရေးမှူး(၁)/နိုင်ငံတော်ဝန်ကြီးချုပ် တာဝန်များထမ်းဆောင်ခဲ့စဉ်က တည်းက ကလေးငယ်များ၏ ပညာရေးအား အထူးအလေးပေး ခဲ့သည့် ခေါင်းဆောင်တစ်ဦးဖြစ် သည်နှင့်ညီစွာ ယခုအခါတွင် လည်းနွမ်းပါး၍ ပညာသင်ကြား ရန်မတက်နိုင်သော ကလေးသူငယ် များ၏ ပညာဆက်လက်သင်ကြား နိုင်ရေးအတွက် ရွှေမှော်ဝန်း ပရ ဟိတအသင်း၌ နာယကကြီး အဖြစ် တာဝန်ယူကာ ဆောင် ရွက်ပေးနေလျက်ရှိသည်။

Myanmar Express

မိုဘိုင်းတာဝါတိုင်မှ ထွက်ရှိသည့် ဓာတ်ရောင်ခြည်မှာ ကျန်းမာရေး ထိခိုက်စေသည်ဟု လူထုက ယူဆသည့်အတွက် ရန်ကုန်မြို့၌ မိုဘိုင်းတာဝါများ တိုးချဲ့ရန် အခက်တွေ့

မိုဘိုင်း တာဝါတိုင်များမှ ထွက်ရှိသည့် ဓာတ်ရောင်ခြည်သည် ကျန်းမာရေးကို ထိခိုက်သည်ဟု လူထုအနေဖြင့် ယူဆလာသည့်နောက် ရန်ကုန်မြို့၌ မိုဘိုင်းတာဝါတိုင်များ ဆက်လက်တိုးချဲ့တပ်ဆင်ရန် မြန်မာ့ဆက်သွယ်ရေး အနေဖြင့် အခက်တွေ့လာခဲ့သည်ဟု အဆိုပါလုပ်ငန်းဌာနက ထုတ်ပြန်ပြောဆိုလိုက်သည်။

ကျန်းမာရေး အခြေအနေကြောင့်ဟုဆိုကာ တာဝါတိုင်ပြန်ဖြုတ်ခိုင်းတာမျိုးများလည်း ရှိကြောင်း ပြောကြားသည်။ မြန်မာ့ ဆက်သွယ်ရေး လုပ်ငန်းအနေဖြင့် ရန်ကုန်မြို့အတွက် မိုဘိုင်းကွန်ရက်များ ချဲ့ထွင်ရန် စက်ပစ္စည်း အလုံအလောက်ကို လက်ဝယ်၌ ပိုင်ဆိုင်ထားရှိသော်လည်း မြေနေရာ အခက်အခဲကြောင့် တာဝါတိုင်များ တိုးချဲ့တပ်ဆင်ရန် အကန့်အသတ်တစ်ခု ဖြစ်လာခဲ့ကြောင်း သိရသည်။

“တကယ်ကို ကျန်းမာရေး လိုက်စားပါတယ်ဆိုတဲ့ နိုင်ငံကြီးတွေမှာတောင် ဆက်သွယ်ရေး တာဝါတိုင်တွေကို သူတို့ရဲ့ ခေါင်မိုး ထိပ်တွေမှာ တွေ့မြင်နိုင်ပါတယ်။ အာဆီယံနိုင်ငံတွေဖြစ်တဲ့ မလေးနဲ့ စင်ကာပူမျာဆိုရင် အထပ်မြင့် အဆောက်အဦတွေရဲ့ အမိုးပေါ်မှာ ဆက်သွယ်ရေး အင်တာနာတွေ တပ်ဆင်ခွင့် ပြုရမည်ဖြစ်တဲ့အကြောင်းကို ဥပဒေနဲ့ အခိုင်အမာ ပြဋ္ဌာန်းပြီး ဆောင်ရွက်ပေးထားတာ တွေ့ရတယ်။

ရန်ကုန်မြို့တော် စည်ပင် သာယာရေး ကော်မတီအနေနဲ့လည်း ဥပဒေပြဋ္ဌာန်းပြီး အဆောက်အဦ ခေါင်မိုးတွေပေါ်မှာ မိုဘိုင်းအင်တာနာ တပ်ဆင်ခွင့်ပြုမယ်ဆိုရင် မြို့နေလူထုအနေနဲ့ မိုးဘိုင်းဖုန်းနဲ့ ဆက်သွယ်ပြောဆိုတဲ့နေရာမှာ ပြတ်တောက်ခြင်း ကြုံတွေ့ရမှာ မဟုတ်တော့ပါဘူး” ဟု ဆက်သွယ်ရေး သင်တန်းကျောင်းအုပ်ကြီး ဦးကျော်စိုးက ပြောကြားခဲ့သည်။

Myanmar Express

ဦးသိန်းစိန်ရဲ့ “အလှည့်” နဲ့“အပြောင်း”

ပြည်ထောင်စုဝန်ကြီး ၉ ဦး “ပြောင်းလဲ တာဝန်ပေး” တယ်ဆိုတာ တကယ်တော့ သမ္မတဦးသိန်းစိန်ဟာ သူ့ရုံးခန်းထဲမှာရှိတဲ့ အဆင့်ဆင့်သော အံဆွဲတွေကို ဟိုဆင့်ကနေ ဒီအဆင့်၊ ဒီအဆင့်ကနေ ဟိုအဆင့်၊ အဆင့်နေရာပြောင်းတာသာဖြစ်ပါတယ်။

ဒါကြောင့် မူလကပြည်ထောင်စုဝန်ကြီး ၂ ဦးသာရှိတဲ့ သမ္မတရုံးဝန်ကြီးဌာနဟာ ပြည်ထောင်စုဝန်ကြီး ၆ ဦးရှိတဲ့ ဝန်ကြီး ဌာနကြီးဖြစ်လာပါတယ်။ သမ္မတရုံးဝန်ကြီးဌာန ရဲ့လုပ်ငန်းတာဝန်တွေကဘာတွေလဲ။ လွှတ်တော်ကိုယ်စားလှယ်တွေမေးပေးကြပါဦး။ မပြီးဆုံးသေးတဲ့ “ပြည်ထောင်စုအဆင့်အငြင်းပွားမှုပြဿနာ” နောက်မှာ “ပြည်ထောင်စုဝန်ကြီးဖောင်းပွမှုပြဿနာ” ပါထပ်တက်လာပါပြီ။

ပြန်ကြားရေးဝန်ကြီးက သမဝါယမဝန်ကြီးဌာနကို စီမံကိုင်တွယ်နိုင်သလို၊ အလုပ်သမားဝန်ကြီးကလည်း ပြန်ကြားရေး ဝန်ကြီး ဌာနကိုထိန်းချုပ်ကွပ်ကဲနိုင်ပါတယ်။ ဒါကလည်းကျနော်တို့ဝန်ကြီးများရဲ့ပြိုင်စံမပေါ်တဲ့တတ်ပွန်လိမ်မာမှုတွေလို့ပြောရမှလား။ အထွေထွေ ကျွမ်းကျင်သူတွေလို့ပဲဆိုရမှာလား။ နိုင်ငံတကာကို ခေါင်းမော့ဝင့်ကြွားရမယ်အချက်များလား။

“ခရီးမတွင်တဲ့လူတွေ ကျနော်တို့အစိုးရအဖွဲ့ထဲမှာလည်းရှိပါတယ်၊ လွှတ်တော်ထဲမှာလည်းရှိပါတယ် — လေးလေးပင်ပင်နဲ့ လုပ်နေတဲ့သူတွေကတော့ နောက်ချန်ထားခဲ့ရမှာပဲ” လို့ ဦးသိန်းစိန်က ဗွီအိုအေနဲ့ဗျူးရာမှာပြောခဲ့ဖူးတယ်။ လေးလေးပင်ပင် လုပ်နေသူ တွေ က အစိုးရအဖွဲ့ထဲမှာ “လေးလေးပင်ပင်စာရင်းဝင်” ဘယ်နှယောက်ရှိသလဲ။ဘယ်သူတွေလဲ။

ဦးသိန်းစိန်ဟာ သူပြောသလို တကယ်ပဲ နောက်ချန်ထားခဲ့သလား။

ဒါတွေကိုသိဖို့ သြဂုတ်လ ၂၇ ရက်နေ့က ထုတ်ပြန်လိုက်တဲ့ ဝန်ကြီးတာဝန်အပြောင်းအလဲတွေနဲ့ တိုက်ဆိုင်ကြည့်ကြရအောင်။

ပြောလုံးကလေးတွေနဲ့စမယ်။ “လေးလေးပင်ပင်လုပ်နေသူတွေ”တဲ့ ဒါကဦးသိန်းစိန်စကား။ သဘောထားတင်းမာသူတွေလို့ သူ့ရဲဘော်တွေကိုပစ်ပစ်ခါခါ မသုံးရှာဘူး။ ဖယ်ရှားပစ်မယ်လို့လည်း ရက်ရက်စက်စက်မပြောဘူး။ “နောက်ချန်ထားခဲ့ရမှာပဲ”တဲ့။ သိပ်ပျော့ ပျောင်းတဲ့သမ္မတကြီး။ စစ်ဗိုလ်ချင်းဝံသာနုတဲ့ စစ်ဗိုလ်သမ္မတကြီး။ အတိုက်အခံတွေလေ့လာအတုယူစရာပေါ့။

“ပြည်ထောင်စုဝန်ကြီး ၉ ဦး ပြောင်းလဲတာဝန်” ပေးတာမှာ ၉ ဦးစလုံး “လေးလေးပင်ပင်စာရင်းဝင်” သမားတွေ ဟုတ် မယ်မထင်ပါဘူး။

အဲဒီအထဲမှာ မြို့မေတ္တာခံယူမယ့်သား ဦးကျော်ဆန်း တစ်ယောက်ကိုတော့အထင်းသားမြင်သည်လို့ ဆိုရမှာပဲ။ သူဟာ အစိုးရ ပြောရေးဆိုခွင့်ရအာဏာပိုင်၊ ဝန်ကြီးဌာန ၂ ခုကိုကိုင်ထားသူဖြစ်ပါတယ်။ အခုတော့သူ့ကို သမဝါယမဝန်ကြီးဌာနသို့ “ပြောင်းလဲ” ပေး လိုက်တယ်။ အစိုးရအဖွဲ့ တန်းစီဇယားအမှတ်စဉ်အရ ဆိုရင် သူဟာယခင်က အမှတ်စဉ်(၈)။ အခုတော့ အမှတ်စဉ်(၁၈)နေရာ ရောက်သွားတယ်။ အစိုးရအဖွဲ့ တန်းစီဇယားအရဆိုရင် “အောက်ရောက်သွားတယ်”လို့ သုံးသပ်ရမှာလား။ “ကျ”သွားတယ်လို့ပြောရမလား။ မီဒီယာ သမားတွေအတွက်တော့ “အဘကျော်”ရန်က လွတ်ပြီလို့ဆိုရမလား။ “အဘကျော်”ကို နေရာရွှေ့ပြီး မီဒီယာသမားတွေကို ကျောသပ်ချွေး သိပ်လိုက်တာများလား။ ဒါမှမဟုတ်နောက်လာတဲ့ “အဘကြည်”က သွားလေသူ “အဘကျော်” ထက်ကဲနေမလား။ တခြားကွဲပြားမှုတော့ မသိပါဘူး။ “အဘကျော်”နဲ့ မတူတာတော့ “အဘကြည်”က “အမေစု” နဲ့ စိမ်းလဲ့ကန်သာမှာ အကြိမ်ကြိမ်ထိတွေဆက်ဆံဖူးသူဖြစ်တယ်။ မေးဖို့လိုတာတော့ ဦးကျော်ဆန်းဟာ အစိုးရပြောရေးဆိုခွင့်အာဏာပိုင် တာဝန်ကနေရောပြောင်းလဲလိုက်ပြီလား။ အရင် တိုင်း ပဲလား။ ဦးအောင်ကြည်။ သူလည်း ဝန်ကြီးဌာန ၂ ခုကိုင်တဲ့ ပြည်ထောင်စုဝန်ကြီး၊ ဒေါ်အောင်ဆန်းစုကြည်နဲ့ ထိတွေ့ဆက်ဆံရတဲ့ စိမ်းလဲ့ကန်သာ“ဆက်ဆံရေးဝန်ကြီး”လည်းဖြစ်တယ်။ (နအဖ) စစ်အစိုးရလက်ထက်မှာ ဒေါ်အောင်ဆန်းစုကြည်နဲ့ (၉) ကြိမ်တွေ့ဆုံခဲ့ ဖူးပြီး ဦးသိန်းစိန် ကြံ့ဖွံ့အစိုးရလက်ထက်မှာ (၄) ကြိမ် ထိတွေ့ဆက်ဆံဖူးတယ်။ သူဟာ အစိုးရအဖွဲ့တန်းစီဇယားအမှတ်စဉ်အရဆိုရင် ယခင်ကအမှတ်စဉ်(၁၆) ကနေ ယခုအမှတ်စဉ် (၈)ဦးကျော်ဆန်းနေရာကို ရောက်လာတာဖြစ်တယ်။ဒါကြောင့်“အထက်တက်သွားတယ်” လို့သုံးသပ်ရမှာလား။ ဦးသိန်းစိန်စကားနဲ့ဆိုရင် ဦးကျော်ဆန်းကို “နောက်ချန်ထားခဲ့”တာမဟုတ်ဘဲ။ “နောက်ကိုပို့လိုက်တာ” လို့ ပြောရ မယ်ထင်ပါတယ်။ ဦးအောင်ကြည်ကိုရော စိမ်းလဲ့ကန်သာ “ဆက်ဆံရေးဝန်ကြီး” တာဝန်ကနေ အနားပေးလိုက်ပြီလား။

၂၀၁၂ ခုနှစ်၊ ဇန်နဝါရီ ၆ ရက်ကနေ ဇူလိုင် ၁ ရက်နေ့အတွင်း “ကျန်းမာရေးအကြောင်းပြပြီး နှုတ်ထွက်ကြသူ” ၆ ဦးရှိပါတယ်။ နုတ်ထွက်ကြသူတွေထဲမှာ ဒုတိယသမ္မတ (၁) ဦး၊ ပြည်ထောင်စုဝန်ကြီး (၁)ဦး၊ တိုင်းဒေသကြီးဝန်ကြီးချုပ် (၁) ဦး၊ ပြည်ထောင်စု ရွေးကောက်ပွဲ ကော်မရှင်အဖွဲ့ဝင် (၁) ဦး နဲ့ ဒုတိယဝန်ကြီး (၂) ဦး တို့ပါဝင်ပါတယ်။ သူတို့ဟာ ထုတ်ပယ်ခံရသူတွေမဟုတ်ပါဘူး။ သူတို့ ဟာ ဦးသိန်းစိန်ရဲ့“လေးလေးပင်ပင်စာရင်းဝင်”တွေလား။

နေမြဲအတိုင်းအပြောင်းအလဲ မရှိ၊ ထူးခြားသူတစ်ဦးတော့ရှိပါတယ်။ သူက ပြည်ထောင်စုဝန်ကြီး ဦးဇော်မင်းဖြစ်ပါတယ်။ သူဟာ ဧရာဝတီမြစ်ဆုံအရေးမှာ “ကျွန်တော်တို့ဘယ်တော့မှနောက်မဆုတ်ပါဘူး၊ ပတ်ဝန်းကျင်ထိန်းသိမ်းရေးအဖွဲ့က ကန့်ကွက်နေလို့နောက်ဆုတ်မှာလားလို့မေးခွန်းတစ်ခုမေးပါတယ်။နောက်မဆုတ်ပါဘူး။ဆက်လုပ်မှာဖြစ်ပါတယ်” ဆိုပြီး ကြမ်းခဲ့ ရမ်းခဲ့သူပါ။ သူဟာ အမှတ် (၁) လျှပ်စစ်စွမ်းအားဝန်ကြီးဌာန၊ ပြည်ထောင်စုဝန်ကြီးအဖြစ် နေမြဲပါပဲ။ ဦးသိန်းစိန်ရဲ့“လေးလေးပင်ပင်စာရင်း”ထဲ ဦးဇော်မင်း မပါဘူးလား။

သမ္မတဦးသိန်းစိန်ဟာ အစိုးရအဖွဲ့ထဲမှာပါတဲ့ (ကာလုံ)အဖွဲ့ဝင်တွေကိုတော့ အခုလို “ပြောင်းလဲတာဝန်ပေး”လို့မရနိုင်ပါဘူး။ အစိုးရအဖွဲ့ထဲက(ကာလုံ)အဖွဲ့ဝင်တွေဆိုတာက တပ်မတော်ကာကွယ်ရေးဦးစီးချုပ် ဆီကနေ စာရင်းပေးလို့ခန့်ထားရသူတွေမဟုတ်လား။ ဦးသိန်းစိန်ရဲ့ “လေးလေးပင်ပင်စာရင်း”ထဲ (ကာလုံ)အဖွဲ့ဝင်တွေ မပါနိုင်ဘူးလား။ ပါဝင်နေတယ်ဆိုရင် ဦးသိန်းစိန် ဘယ်လိုများ ပြောင်းလဲ မှာပါလိမ့်။

ဦးသိန်းစိန် အတွက် ဖွဲ့စည်းပုံအခြေခံဥပဒေ (၂၀၀၈) နဲ့အညီ လှည့်စရာ ပြောင်းစရာတွေ အများကြီးရှိပါတယ်။ ဦးသိန်းစိန်ရဲ့ “အလှည့်”၊ “အပြောင်း” မှာ နစ်ပြီး မျောမသွားကြဖို့သတိပေးချင်ပါတယ်။

မြန်မာဝန်ကြီးအပြောင်းအလဲအပေါ် တုံ့ပြန်မှု

မြန်မာအစိုးရအဖွဲ့တွင်း ၀န်ကြီးအပြောင်းအလဲတွေ ဆက်တိုက်လုပ်လာတဲ့အပေါ် အများစုက အကောင်းမြင်ကြပါတယ်။ သမ္မတဦးသိန်းစိန်အနေနဲ့ သူ့ရဲ့ ပြုပြင်ပြောင်းလဲရေးလုပ်ငန်းတွေကို ပို တွန်းအားပေးပြီး လုပ်နိုင်တော့မယ်လို့ မြင်ကြတာပါ။ ၀န်ကြီးတချို့ကို ဌာနနေရာ ပြောင်းရွှေ့ခန့်ထား လိုက်တာမှာ ပြုပြင်ပြောင်းလဲရေးလိုလားသူတွေလို့ အများက သတ်မှတ်သူတွေ ပို နေရာရ လာပြီးတော့ ပြုပြင်ပြောင်းလဲရေးကို တင်းခံနေသူတွေလို့ မြင်ကြသူတွေကတော့ တာဝန်က နုတ် ထွက်ရတာ၊ သိပ် မထင်ရှားလှတဲ့ နေရာတွေကို ရောက်ကုန်တာကြောင့်လည်း အဲဒီလိုမြင်ကြတာ ဖြစ် ပါတယ်။

မြန်မာနိုင်ငံမှာ ၂၀၁၀ ပြည့်နှစ်ရွေးကောက်ပွဲပြီး နောက်ပိုင်း သမ္မတဦးသိန်းစိန်ဦးဆောင်တဲ့ အစိုးရ အဖွဲ့ တက်လာပြီးကတည်း ကဆိုရင် အစိုးရအဖွဲ့တွင်း အဓိကအပြောင်းအလဲတွေကို တနင်္လာနဲ့ အင်္ဂါနေ့တွေမှာ သမ္မတဦးသိန်းစိန်က ကြေညာခဲ့ပါတယ်။ ဒါဟာဖြင့် တချိန်တုန်းက ကမ္ဘာ့ပြင်ပ က နိုင်ငံ တခုလိုဖြစ်နေခဲ့တဲ့ မြန်မာနိုင်ငံမှာ အပြောင်းအလဲတွေကို ရှေ့ဆက်တိုးပြီး လုပ်နိုင်တော့မယ့် အလားအလာအဖြစ် လေ့လာသူတွေက မြင်ကြပါတယ်။

အပြောင်းအလဲတွေထဲမှာ အထင်ရှားဆုံးတခုကတော့ သဘောထားတင်းမာသူအဖြစ် အများကမြင်ကြ တဲ့ ဦးကျော်ဆန်းကို ပြန်ကြားရေးဝန်ကြီးဌာနကနေ ပြောင်းရွှေ့လိုက်တာပါပဲ။ သူ့နေရာမှာ အစားထိုး ခန့်အပ်လိုက်သူက တချိန်တုန်းက ဒေါ်အောင်ဆန်းစုကြည်နဲ့ အစိုးရကြားမှာ ဆက်ဆံရေးဝန်ကြီးအဖြစ် ထမ်းဆောင်ခဲ့သူ အလုပ်သမားနဲ့ လူမှုဖူလုံရေးဝန်ကြီး ဦးအောင်ကြည်ပါ။

အခုအစိုးရအဖွဲ့တွင်း ၀န်ကြီးအပြောင်းအလဲတွေဟာ ၂၀၁၁ ခုနှစ် မတ်လမှာ အရင် စစ်ကောင်စီထံ ကနေ သမ္မတဦးသိန်းစိန် အစိုးရ အာဏာလွှဲပြောင်းယူခဲ့ကတည်းကဆိုရင် အကြီးမားဆုံးလို့ဆိုရမှာပါ။ အဲဒီအချိန်ကတည်းက ပြုပြင်ပြောင်းလဲရေးတွေ ကို အရှိန်အဟုန်နဲ့ ဆက်တိုက်လိုလုပ်ခဲ့တာကြောင့် တကမ္ဘာလုံးက အံ့အားသင့်ခဲ့ရသလို မြန်မာနိုင်ငံအပေါ် ချမှတ်ထားတဲ့ ဒဏ်ခတ်အရေးယူမှုတွေကို အနောက်နိုင်ငံတွေက ရုပ်သိမ်း ဆိုင်းငံ့ပေးခဲ့ရတဲ့ အခြေအနေထိ ရောက်ခဲ့ပါတယ်။

ဦးသိန်းစိန်ဟာ ပြုပြင်ပြောင်းလဲရေးလုပ်ငန်းစဉ်ပေါ် အခိုင်အမာ သန္နိဋ္ဌာန်ချထားတယ်ဆိုတာကို အထူးသဖြင့် ဒီ အစိုးရအဖွဲ့ အပြောင်းအလဲကို ကြည့်ခြင်းအားဖြင့် သံသယဖြစ်စရာမရှိပါဘူး လို့ မြန်မာ့အရေးလေ့လာသူ သတင်းစာဆရာ လယ်ရီ ယေဂင် (Larry Jagan) က သုံးသပ်ပါတယ်။

“မြန်မာနိုင်ငံမှာ အပြောင်းအလဲတွေကို မြန်နိုင်သမျှမြန်မြန် အတော်လေး အပြင်းအထန်လုပ်ဖို့ သူဟာ သိပ်ကို စိတ်အား ထက်သန်နေပါတယ်။ ဒါပေမဲ့လည်း အရည်အချင်းမရှိတာ၊ ထိထိရောက်ရောက် လုပ်နိုင်တဲ့ ၀န်ကြီးတွေမရှိတာ၊ အရည်အချင်း ပြည့်ဝတဲ့ အရပ်ဘက်ဝန်ထမ်းတွေမရှိတာတွေနဲ့ သူ့ရဲ့ ပြုပြင်ပြောင်းလဲရေး လုပ်ငန်းစဉ်ကို ဆန့်ကျင်တဲ့ သဘောထား တင်းမာ သူတွေကြောင့် သူ့ရဲ့ လုပ်ငန်းတွေ အဟန့်အတားဖြစ်ခဲ့ရပါတယ်။ အခုတော့ သူဟာ ရှေ့ဆက်သွားနိုင်တဲ့ အနေအထား မှာ ရောက်နေပြီလို့ ကျနော်ထင်တယ်။ ရှေ့ဆက် မြင်ရလိမ့်မယ်လို့ ကျနော်ထင်တာကတော့ အစိုးရ အဖွဲ့ထဲမှာ မျက်နှာသစ်တွေ အများကြီး ပါလာမယ်၊ ဒုတိယ၀န်ကြီးတွေလိုမျိုး နည်းနည်း နိမ့်တဲ့နေရာတွေမှာပေါ့၊ အဲဒီလူတွေဟာ အသိပညာရှင် အတတ် ပညာရှင်တွေ၊ စီးပွားရေးသမားတွေဖြစ်ပါလိမ့်မယ်။”

တနင်္လာနဲ့အင်္ဂါနေ့တွေက အပြောင်းအလဲတွေမှာ ၀န်ကြီးကိုးဦးကို ၀န်ကြီးဌာန ပြောင်းရွှေ့ ခန့်ထား တာ၊ ဒုတိယ၀န်ကြီး ၁၅ ဦး ခန့်အပ်တာ၊ ၀န်ကြီးနှစ်ဦးနဲ့ ပြည်ထောင်စုစာရင်းစစ်ချုပ်တို့ကို ရာထူး ကနုတ်ထွက်ခွင့်ပြုတာတွေပါဝင်ပါတယ်။ အခု ၀န်ကြီးအပြောင်းအလဲတွေအပေါ် အကောင်းမြင်ကြ သူများပေမဲ့လည်း သမ္မတကိုသာ ယုံကြည်ကိုးစားပြီး ၀န်ကြီးတွေ အပေါ် သိပ်ကြီးမျှော်လင့်ချက် မထားသူမျိုးလည်းရှိပါတယ်။

“သိပ်ပြီး မျှော်လင့်ချက်ကြီးရယ်လို့လည်း မရှိပါဘူး။ နိုင်ငံတော် သမ္မတကတော့ ကိုယ့်အပေါ် ကို ကောင်းအောင် လုပ်ပေးမှာပဲလေ။ နိုင်ငံတော် သမ္မတကိုတော့ မျှော်လင့်တာပေါ့။ ဒီဝန်ကြီးတွေ အနေနဲ့တော့ ပြောသလောက်ကြီး မျှော်လင့်ချက် မထားပါဘူး။”

ရန်ကုန်မြို့ခံတဦးပါ။

ပြန်ကြားရေးဝန်ကြီးဌာနဟာ ပြည်တွင်းပြည်ပ သတင်းမီဒီယာတွေ၊ ရုပ်ရှင်နဲ့ဂီတနယ်ပယ်တွေကို ကြိကြပ်တဲ့အပြင် ပြည်ပ သတင်းထောက်တွေရဲ့ ပြည်ဝင်ခွင့်ဗီဇာတွေကို စိစစ်ခွင့်ပြုတဲ့ အလုပ်ကို လည်း လုပ်ပါတယ်။ နောက် ရန်ကုန်မြို့ခံတဦး ကတော့ သမ္မတရဲ့ အခုလုပ်ရပ်ကို ၀မ်းမြောက်ဝမ်းသာ ကြိုဆိုသလို အခု ပြောင်းရွှေ့ ခန့်ထားလိုက်တဲ့ ၀န်ကြီးတွေအပေါ် မျှော်လင့်ချက် ထားသူလည်းဖြစ် ပါတယ်။

“ကျနော့်အမြင်ကတော့ လူမှန် နေရာမှန်တွေလို့ မြင်လိုက်တယ်။ ဦးကျော်ဆန်းနေရာကိုဝင်သွားတဲ့ ဦးအောင်ကြည်ကို ပိုစိတ်ဝင်စားတယ်ပေါ့နော်။ ဦးအောင်ကြည်အနေနဲ့ကတော့ flexible ဖြစ်အောင် လုပ်သွားနိုင်လိမ့်မယ်လို့ ကျနော်တို့ ယုံကြည်လိုက်တယ်။ အခု နေရာပြောင်းလဲတဲ့ ဝန်ကြီးတွေပေါ့နော်-မဆိုးပါဘူး။ အားလုံး တော်တယ်၊ ကောင်းတယ်လို့ ကျနော်တော့ မြင်ပါတယ်။ ကြိုလည်း ကြိုဆိုပါတယ်။ သမ္မတကိုလည်း နှစ်နှစ်ခြိုက်ခြိုက်ပဲ ကျေးဇူးတင်လိုက်ပါတယ်။ ဘာဖြစ် လို့လဲဆိုတော့ ဒီဝန်ကြီးတွေက တိုင်းပြည်အတွက် အလွန် အရေးကြီးပါတယ်။ တိုင်းပြည် အတွက် ဆိုတာထက် ပြည်သူအတွက်လို့ ကျနော်တို့က ပိုပြီး ပြောချင်ပါတယ်။

အရေးကြီးတာ ပြည်သူ့ အတွက်ပါပဲ။ အဲဒီအတွက်တော့ ကျနော် တိုတိုနဲ့လိုရင် ပြောလိုက်မယ်ပေါ့- အခုလုပ်ရပ်နဲ့ပတ်သက်ပြီး သမ္မတကြီးကို ကျနော်တို့က ဝမ်းမြောက် ဝမ်းသာ ထောက်လည်း ထောက် ခံ လိုက်ပါတယ်။ ကြိုလည်း ကြိုဆိုလိုက်ပါတယ်။ ဝန်ကြီးတွေကိုလည်း ထို့အတူပဲ- ကြိုဆိုပါ တယ်။ ထောက်လည်း ထောက်ခံပါတယ်။ ကျနော်တို့အနေနဲ့ ပြောချင်တာကတော့- ဒီတာဝန်ယူ လိုက်တဲ့ ဝန်ကြီးတွေက ပြည်သူအတွက် တကယ်ပဲ လေးလေးနက်နက် အလုပ် လုပ်ပေးကြပါလို့- ဒါလေးပဲ ပြောချင်ပါတယ်။”

ဝန်ကြီးနေရာ အပြောင်းအလဲတွေဟာ မပြီးဆုံးသေးဘဲ နောက်ထပ် လာလိမ့်ဦးမယ်လို့ သမ္မတ ရုံးညွှန်ကြားရေးမှူး ဦးဇော်ဌေးက ပြောထားပါတယ်။ မြန်မာနိုင်ငံမှာ အပြောင်းအလဲတွေကို ခြေလှမ်း မှန်မှန်နဲ့ မြန်မြန် ဆက်လုပ်နိုင်ရင်ဖြင့် နှစ်ပေါင်းများစွာ နောက်ကျ ကျန်ရစ်နေခဲ့တဲ့ အခြေအနေ ကနေ နိုင်ငံတကာအလယ်မှာ ဂုဏ်သိက္ခာရှိရှိ ရပ်တည်နိုင်မယ့် နိုင်ငံ တခု ဖြစ်လာလိမ့်မယ်လို့ အများက ယုံကြည် မျှော်လင့်ထားကြပါတယ်ခင်ဗျား။