ထိုင်းနယ်စပ် တိုက်ခိုက်မှုအတွင်း မူးယစ်မှောင်ခို ၈ ဦးသေဆုံး

ထိုင်းနိုင်ငံနယ်စပ်တွင် ယနေ့နံနက်အစောပိုင်းက ဖြစ်ပွားခဲ့သော မူးယစ်ဆေးဝါး မှောင်ခိုသမားနှင့် ထိုင်းစစ်တပ်၊ ရဲတပ်ဖွဲ့တို့ကြား အပြန်အလှန် ပစ်ခတ်တိုက်ခိုက်မှုတွင် မူးယစ်ဆေးဝါးမှောင်ခိုသမား ၈ ဦးသေဆုံးသွားကြောင်း ထိုင်းစစ်တပ်အရာရှိတစ်ဦးဖြစ်သူ Somsak Nilbanjerdkul ကပြောကြားသည်။ လက်နက်ကိုင်အုပ်စုတစ်စုသည် မူးယစ်ဆေးဝါးများ မှောင်ခိုသယ်ဆောင်လျက် အိမ်နီးချင်းနိုင်ငံတစ်ခုမှ ထိုင်းနိုင်ငံမြောက်ပိုင်း နယ်စပ်ကိုဖြတ်ကျော်ဝင်ရောက်လာမည်ဟု ကြိုတင်သတင်းရရှိခဲ့ကြေင်း ၎င်းက ဆက်လက်ပြောကြားသည်။

စစ်တပ်နှင့်ရဲတပ်ဖွဲ့ဝင် ၅၀ ကျော်ပါဝင်သည့် အဖွဲ့နှင့် အဆိုပါမူးယစ်မှောင်ခိုတို့ ထိပ်တိုက်တွေ့ကာ တိုက်ခိုက်မှုဖြစ်ပွားခဲ့ခြင်း ဖြစ်သည်။ ဒေသစံတော်ချိန် ယနေ့နံနက် ၅း၃၀ ခန့်တွင် လက်နက်များ ကိုင်ဆောင်ထားသော လူ ၁၂ ဦးပါဝင်သည့် အဖွဲ့တစ်ဖွဲ့အား ခြေရာခံမိခဲ့ပြီးနောက် ၎င်းတို့အား ဝိုင်းပ တ်ပိတ်ဆို့ကာ အဖမ်းခံ ရှာဖွေရန် ပြောကြားခဲ့သော်လည်း ငြင်းဆန်ခဲ့ပြီးနောက် ၁၅ မိနစ်ကြာ အပြန်အလှန် ပစ်ခတ်မှုများ ဖြစ်ပွားခဲ့သည်။

ချင်းရိုင်းမြို့(Chiang Rai) အတွင်း မယ်ဆိုင်(Mae Sai) တွင် ဖြစ်ပွားခဲ့သော အဆိုပါဖြစ်ရပ်တွင် သေဆုံးသူ မူးယစ်မှောင်ခို ၈ ဦးနှင့်အတူ မက်သ်ဖီတမင်း (methamphetamine) ခေါ် ရာဘ (yaba) ဆေးပြား ၅၅၀,၀၀၀၊ မက်သ်ဖီတမင်း ဆေးပြားမလုပ်ရသေးသော crystal methamphetamine ခေါ် ice ကီလိုဂရမ် ၇၀ ကို သိမ်းဆည်းရမိပြီး တန်ဖိုးအားဖြင့် ထိုင်းဘတ်ငွေ သန်း ၅၀၀ ကျော်ရှိကြောင်း သိရှိရသည်။ သေဆုံးသူများထံမှ ရိုင်ဖယ်သေနတ် ၃ လက်၊ ပွိုင့်တူးတူးပစ္စတို တစ်လက်တို့ကိုလည်း တွေ့ရှိကြောင်း ထိုင်းရဲတပ်ဖွဲ့က ပြောကြားကြောင်း Bangkok Post တွင် ဖော်ပြသည်။

Myanmar Express

မူရင်းသတင်းက ဒီမှာပါ။

လိင်မှုဆိုင်ရာ စော်ကားသူများကို ဖမ်းမိစေရန် Facebook သုံးစွဲသူများကို ထောက်လှမ်း

လူမှုကွန်ရက် ဝက်ဆိုက်ကြီး ဖြစ်သည့် Facebook မှာ လိင်ပိုင်းဆိုင်ရာ ကျူးလွန်သူများကို ဖမ်းမိစေရန် အတွက် အွန်လိုင်း အသုံးပြုသူများကို ထောက်လှမ်းနိုင်မည့် နည်းပညာ တစ်ခုကို အသုံးပြုလိုက်ပြီ ဖြစ်ကြောင်း သိရသည်။

သို့ရာတွင် ယင်းသို့ လုပ်ဆောင်မှုကြောင့် အသုံးပြုသူများ၏ ပုဂ္ဂလိက လွတ်လပ်ခွင့်ကို ပိတ်ပင်သလို ဖြစ်နေရကြောင်းလည်း r t သတင်း တွင် ဖော်ပြသည်။ ယခု နည်းစနစ်ကို ကွန်ပြူတာနှင့်လူသား နှစ်မျိုး ပေါင်းစပ်ပြီး စောင့်ကြည့်သည့် စနစ်ကို လုပ်ဆောင်ထားခြင်း ဖြစ်ကာ အသုံးပြုသူပေါင်း တစ်ဘီလီယံ ပမာဏရှိသည့် လူများကို စောင့် ကြည့်စေမည် ဖြစ်သည်။ ယခုလို ဖြစ်ရပ်အတွက် အသုံးပြုသူများ အနေဖြင့် လွတ်လပ်ခွင့် အတွက် စိုးရိမ်ဖွယ်ရာ မရှိကြောင်းနှင့် လိင်ပိုင်းဆိုင်ရာ သားကောင်ကို ရှာဖွေသည့် ပုံစံ အနေအထားသို့ ရောက်မှသာ ဝန်ထမ်းများမှ စစ်ဆေးစေမည် ဖြစ်သောကြောင့် ဖြစ်ကြောင်းလည်း ပြောကြား သွားခဲ့သည်။

source : rt.com

Myanmar Express

မူရင်းသတင်းက ဒီမှာပါ။

ရိုဟင်ဂျာ ဆိုသူများ အတွက် ဂျီဟက် စစ်ပွဲ ဆင်နွှဲမည်ဟု အင်ဒိုနီးရှား အဖွဲ့ (၂)ခုက ဆို

ယမန်နေ့ထုတ် ဘင်္ဂလာဒေခ်ျ့ သတင်းစာ The Independent တွင် သဘောထားတင်းမာသော အင်ဒိုနီးရှား မွတ်ဆလင် အဖွဲ့ (၂) ခုက ရိုဟင်ဂျာများ အတွက် ဂျီဟက် စစ်ပွဲ ဆင်နွှဲမည်ဆိုသော သတင်းကို တခြား မြန်မာသတင်းများနှင့် အတူ ပုံနှိပ် ဖေါ်ပြသည်။

“ FPI is ready to wage jihad” အက်ဖ်ပီအိုင် အနေဖြင့် ဂျီဟက် ဆင်နွှဲရန် အဆင်သင့် ရှိသည်ဟု ရေးသားထားသော ဆိုင်းဘုတ်များကို ကိုင်ဆောင်ပြီး သဘောထားတင်းမာသော အင်ဒိုနီးရှား မွတ်ဆလင် အဖွဲ့ (၂) ခုက ဂျာကာတာမြို့ မြန်မာသံရုံးရှေ့တွင် လွန်ခဲ့သော သောကြာနေ့က ဆန္ဒပြခဲ့ကြသည်ဟု အေအက်ဖ်ပီ သတင်းကို ကိုးကားပြီး ဘင်္ဂလာဒေခ်ျ့ ထုတ် The Independent က ဖေါ်ပြသည်။

ဆန္ဒပြခဲ့ကြသော သဘောထား တင်းမာသော မွတ်ဆလင် အဖွဲ့ (၂) ခုမှာ Islamic Defenders Front ( IDF) နှင့် Jemaah Anshorut Tauhid (JAT) တို့ ဖြစ်သည်ဟု ဆိုသည်။

ဆန္ဒပြရာတွင် ပါဝင်သူ တစ်ဦးက မြန်မာသံရုံး တာဝန်ရှိသူများနှင့် တွေ့ဆုံရန် တောင်းဆိုခဲ့ပြီး “ တောင်းဆိုမူကို ငြင်းပယ်ခဲ့ပါက သံရုံးထဲ အတင်း ချိုးဖေါက် ၀င်ရောက်ကာ သံရုံးကို ဇောက်ထိုး ပြောင်းပြန် ဖြစ်အောင် ပြုလုပ်ကြလော့” ဟုဆိုကာ အသံချဲ့စက်မှ ဆန္ဒပြသူများကို ဆော်သြခဲ့သည်ဟု ဆိုသည်။

၎င်းပြင်သူက “ မြန်မာပြည်သို့ သွားကြပါ။ သင်တို့၏ ညီအစ်ကိုများ အတွက် ဂျီဟက် ဆင်နွှဲရန် အတွက် မြန်မာပြည်ကို သွားကြပါ” ဟု ဆော်သြသွားခဲ့သည်ဟုလည်း ဖေါ်ပြသည်။

“ လွှတ်လပ်မူမှ အပ ကမ္ဘာကြီးတွင် တခြားမရှိ။ မွတ်ဆလင် တစ်ဦးစီ၏ သွေးစက်တိုင်း သွေးစက်တိုင်းကို သွေးမြေကျ ပေးဆပ် တိုက်ပွဲဝင်သွားမည်” ဟုလည်း ပြောဆိုခဲ့သည်ဟု ဆိုသည်။

ဆန္ဒပြသူမှာ ၃၀၀ ခန့်ရှိပြီး သံရုံးထဲသို့ အတင်း ၀င်ရောက်ရန် ခြိမ်းခြောက်မူများ ပြုလုပ်ခဲ့သည်ဟု ဆိုသည်။ အင်ဒိုးနီးရှား ရဲသား ၅၀ ခန့်က ဟန့်တားခဲ့ရပြီး နောက်ပိုင်းတွင် ကုလသမဂ္ဂရုံးရှိရာသို့ ဆက်လက် ချီတက်သွားကြသည်ဟု ဆိုသည်။

ရခိုင်ပြည်နယ်တွင် ပေါ်ပေါက်ခဲ့သော ဆူပူ အကြမ်းဖက်မူကို အသုံးချကာ ပြဿနာကို ပိုမို ကြီးထွားအောင် လုပ်လိုသူများ၏ ချဲ့ထွင် ၀ါဒ ဖြန့်မူများကြောင့် ယခုကဲ့သို့ ဆန္ဒပြမူများ မွတ်ဆလင် နိုင်ငံ တစ်ချို့တွင် ပေါ်ပေါက်နေခြင်း ဖြစ်ကြောင်း သိရသည်။

Myanmar Express

မူရင်းသတင်းက ဒီမှာပါ။

အွန်လိုင်းမှတစ်ဆင့် မင်္ဂလာဆောင်ခြင်း ပြည်တွင်း၌ ပြုလုပ်လာကြ

အွန်လိုင်းမှတစ်ဆင့် မင်္ဂလာအခမ်းအနားကျင်းပမှုမျိုး ပြည်တွင်း၌ ပြုလုပ်လာကြ ကြောင်း မင်္ဂလာအခမ်းအနား ပြုလုပ်ပေးသူ အချို့၏ ပြောပြ ချက်အရ သိရသည်။

”သတို့သား ဒါမှမဟုတ် သတို့သမီးက အဝေးရောက်နေပြီး ပြန်မလာနိုင်ဘူးဆိုရင် ဒီဘက်မှာ ပရိသတ်အစုံအလင်နဲ့ သတို့သား ဒါမှမဟုတ် သတို့သမီးတစ်ယောက် ရှိ နေပြီး ဟိုဘက်ကလူကို အွန်လိုင်းကနေမြင်ပြီး ဆောင်တာမျိုးပါ။ ဟိုဘက်ဒီဘက် ပရိုဂျက်တာနဲ့မြင်ပြီး ဆောင်ကြတာ”ဟု မင်္ဂလာအခမ်းအနားများ ပြုလုပ်ကျင်းပ ပေး လျက်ရှိနေသာ Park Royal Hotelမှ တာဝန်ရှိသူတစ်ဦးက ပြောသည်။

၎င်းကဲ့သို့ အွန်လိုင်းမှတစ်ဆင့် မင်္ဂလာအခမ်းအနားကျင်းပခြင်းကို ရန်ကုန်မြို့ရှိ ဟိုတယ်ကြီးများတွင် စီစဉ်ဆောင်ရွက်ပေးလျက်ရှိနေပြီး ယမန်နှစ်ကစတင်ကာ အဆိုပါ အခမ်းအနားများ ပြုလုပ်ကျင်းပပေးရခြင်းများ ခေတ်စားလာခြင်းဖြစ်ကြောင်း အထက်ပါပုဂ္ဂိုလ်က ပြောသည်။

”ပြီးခဲ့တဲ့နှစ်က နိုင်ငံခြားသား စုံတွဲနှစ်တွဲရယ်၊ မြန်မာစုံတွဲ တစ်တွဲရယ်ကို အွန်လိုင်းကတစ်ဆင့် တက်ရောက်တဲ့ မင်္ဂလာပွဲအနေနဲ့ လက်ခံကျင်းပပေးခဲ့ရတယ်။ ဒီနှစ်ထဲ မှာ တစ်ပွဲလုပ်ပေးဖို့ ရှိတယ်”ဟု ၄င်းက ပြောသည်။

အဆိုပါ မင်္ဂလာအခမ်းအနားမျိုးကို နိုင်ငံခြားတွင် အလုပ်မအား လပ်သူများ၊ အချိန်မပေးနိုင်သောသူများ၊ လုပ်ငန်းရှင်များ အများဆုံး ပြုလုပ်ကြကြောင်း သိရသည်။

”အွန်လိုင်းကနေ ကြိုက်၊ အပြင်မှာလက်ထပ်တာတွေပဲရှိခဲ့တာ။ အခုက မြန်မာပြည်မှာ အွန်လိုင်းက ယူတာတွေရှိလာပြီဆိုတော့ တစ်ခုအဆင်ပြေပါတယ်။ နိုင်ငံခြားမှာ အလုပ်လုပ်နေတဲ့သူတွေ အလုပ်မပျက်ဘူးပေါ့။ စင်ကာပူမှာတော့ ခဏခဏတွေ့ရတယ်”ဟု စင်ကာပူတွင် ကျောင်းတက်နေသော မမြတ်မှူးချယ်က ပြောသည်။

အွန်လိုင်းမှတစ်ဆင့် မင်္ဂလာအခမ်းအနား ပြုလုပ်ခြင်းသည် အရှေ့ တောင်အာရှနိုင်ငံများသို့ ကူးပြောင်းရောက်ရှိလာခြင်းမှာ ကာလအနည်းငယ်သာရှိနေသေးပြီး ကမ္ဘာ တွင် ရေပန်းစားနေကြောင်း သိရသည်

Myanmar Express

မူရင်းသတင်းက ဒီမှာပါ။

ဗုဒ္ဓဘာသာသံဃာတော်အယောင်ဆောင်နေသော ဘင်္ဂလီမူဆလင်တစ်ဦးအားဖမ်းဆီရမိ

ဗုဒ္ဓဘာသာဘုန်းကြီးအယောင်ဆောင်ထားသောဘင်္ဂလီမူဆလင် ရိုတိယာ

ရခိုင်ပြည်နယ်၊ စစ်တွေမြို့တွင် ဗုဒ္ဓဘာသာသံဃာတော် အယောင်ဆောင်နေသော ဘင်္ဂလီမူဆလင် တစ်ဦးအား ဇူလိုင်လ ၁၅ ရက် ၂၀၁၂ နေ့က စန္ဒာလောက ဘုန်းကြီးကျောင်းတွင် ဖမ်းဆီးရမိကြောင်း သတင်းရရှိသည်။

ညအချိန်တွင် လှည့်လည်ပြီး ရခိုင်ရွာများကို မီးရှို့ရန်ရည်ရွယ်ချက်ဖြင့် စန္ဒာလောက ဘုန်ကြီးကျောင်း ဆရာတော်ထံမှ သင်္ကန်းဝတ်ယူခဲ့ခြင်းဖြစ်ကြောင်း သိရသည်။

အဆိုပါ ဘင်္ဂလီမူဆလင် ရိုတိယာ၊ ရခိုင်အခေါ် ခိုင်မင်းသည် လွန်ခဲ့သည့် ဇွန်လ ၁၀ ရက်နေ့ ည(၈) နာရီအချိန်တွင် နာဇီရွာ စေတီပြင်ကျောင်းအနီးမှ အိမ်တစ်ဆောင်အားမီးတိုက်ခဲ့ကြောင်း သတင်းရရှိသည်။

အထက်လူကြီးများ ခိုင်းစေချက်အရ ဘလီတွင် ရခိုင်သားတစ်ဦးအား သတ်ဖြတ်ရာတွင် ပါဝင်ပြီး ခိုင်းစေသောသူများမှာ ခင်မောင်လှနှင့် ဘလီဆရာများဖြစ်ကြောင်း အဆိုပါမူဆလင်က တောင်ခြေရာ ဘုန်ကြီးကျောင်းတွင် စစ်ဆေးမေးမြန်းစဉ် ပြောကြားခဲ့ကြောင်း သတင်းရရှိသည်။

ရိုတိယာ (ခ) ခိုင်မင်းမှာ အသက် ၂၁ အရွယ်ရှိပြီး အဘ နူရာဆလင်မှာ နာဇီရွာတွင်ရှိနေပြီး မိခင် ရင်မင်အားတူမှာ ဘင်္ဂလားဒေ့ရ်ှတွင် ရှိကြောင်းသိရသည်။

Myanmar Express

မူရင်းသတင်းက ဒီမှာပါ။

Facebook တွင်လုံခြုံစိတ်ချစွာရှိနေဖို့အတွက် အကြံပြုချက် (၇) ချက်.........

Facebook တွင်လုံခြုံစိတ်ချ အစစ်အမှန် မဟုတ်သော ကမ္ဘာသည် အန္တရာယ်တစ်ခုပင် ဖြစ်နိုင် သည်။ဖေ့ဘုတ်ခ်တွင် သင်သည် ဘေးအန္တရယ်မှ ကင်းဝေးရန် အောက်ပါအချက် ၇ ချက်ကို အသေအချာ ဖတ်ရှုပါ။

၁။ အများနှင့် သက်ဆိုင်ခြင်းမှ သင့်ကိုယ်သင် ပုန်းကွယ်ပါ။

ဒါကတော့ ရှေ့သို့ ဖြောင့်တန်းနေတယ်လို့ သင် တွေးထင်နေလိမ့်ပါမယ်။ ပြီးတော့လူအများဟာ ထင်မြင်ချက်အောက်နေ သူတို့တွေ ပုန်းကွယ်နှင့်ပြီးဖြစ်သည်။ သို့သော် သင်ဟာ ၎င်း categories အများအပြားတွင် ဆက်တင်ကို မသုံးဘူးဆိုရင်တခြားလူတွေ က သင့်ရဲ့ အချက်အလက်တွေကို မြင်တွေ့နေရမှာ ဖြစ်ပါတယ်။ ဒါကတော့ဖေ့ဘုတ်လ်အကောင့် အတွက် အလွန်အရေးကြီးတဲ့ အပိုင်းဖြစ်ပါတယ်။ သင်ကိုယ်သင်ကာကွယ်ရန် click Account> Privacy settings> Profileinformation ဆီသွားပါ။ Categories ၁၂ ခုလုံးအတွက် သင့်ရဲ့ သီးသန့်တည်ရှိမှုကို ချိန်ကိုက်ပါ။အဲဒီနောက်မှာ Privacy> Contact information ကို ပြန်သွားပါ။ သင့်privacy ဆက်တင်မှာရှိတဲ့ categories ၉ ခုလုံးကိ ပြင်ဆင်ပါ။

၂။ သင်ကို ရှာဖွေရေးအင်ဂျင်တွင် ရှာဖွေခွင့်မပြုပါနှင့်။

တစိမ်းတရံလူများရဲ့ သင့် စာမျက်နှာကို ဆက်သွယ်လာမှုကို တားဆီးရန်Account> Privacysettings> Search သို့သွားပါ။ ဖေ့ဘုတ်ဘ် ရှာဖွေရေး ရလဒ်အတွက် ‘Only friends’ ဆိုတဲ့ ကို ရွေးချယ်ပါ။

၃။ သင်ရဲ့ အချက်အလက်အပြည့်အစုံတွေကို တခြားကုမ္ပဏီများဆီ မလွှဲပြောင်းဖို့ ဖေ့ဘုတ်ခ်ကို ခွင့်မပြုပါနဲ့။

သင်က သူတို့ကို ခွင့်ပြုလိုက်မယ်ဆိုရင် ဖေ့ဘုတ်ခ်သည် ကုမ္ပဏီတွေဆီ သင့်ရဲ့ကောက်ကြောင်း ပုံတွေကို ကြေငြာ အကြောင်းအရာတွေနဲ့ သုတေသနလုပ်ငန်းတွေအတွက်ဆက်သွယ်လာ မှာ ဖြစ်ပါတယ်။ သူတို့က သူတို့ရဲ့ ကြေငြာတွေမှာ သင့်အချက်အလက်တွေကို သုံးစွဲသွားနိုင်တယ်။

ဒါတွေကို ရပ်တန့်အောင် လုပ်ဆောင်ဖို့အတွက် Account> Privacy>Settings > Applicationsand websites ကို ကလစ်ပါ။ နောက်တဖန် ‘Instact Personalisation Pilot Program ’ ကို သွားပြီး ‘Edit setting’ ကို ကလစ်ပါ။ ဖန်သားပြင်ရဲ့အောက်ဆုံး မှာ ပုံးလေဟာ အမှန်ခြစ်ထားတာမှာရှိတဲ့အတွက် အသေအချာ ပြုလုပ်ပါ။

ဘယ်ကြေငြာမှာမှ သင့် အချက်အလက်တွေ မပေါ်အောင် အသေအချာလုပ်ဆောင်ရမှာက Account> Account Settings> Facebook Adaverts ဆီသွားပါ။ ‘no one’ on ‘Allow ads on platform pages to show my information to’ နှင့် ‘Show my social actions in Facebook ads to’ တခုကို ရွေးချယ်ပါ။

၎။ တခြားသောသူမှ သင် အကောင့်ကို သုံးမသုံး အသေအချာ လုပ်ပါ။

အရင်ပတ်က ဖေ့ဘုတ်ခ်မှာ မကြာသေးခင်က ထွက်ပေါ်လာတဲ့ အကြောင်းအရာအသစ်ဖြစ်ပါတယ်။ အဲဒီfeature အသစ်က သင်အကောင့်ကို ဆက်သွယ်ဖို့ ကြည့်ရှုစစ်ဆေးမယ့် devices များကို ခွင့်ပြုခြင်း ဖြစ်ပါတယ်။

Account> Account settings > Account security သို့ သွားပါ။ ‘Wouldyou like to receive notifications for logins from new devices’ ကို ကလစ်ပေးပြီးနောက်မှာအောက်မှာ ရှိတဲ့ ‘Yes’ ကို ကလစ်ပါ။ အကောင့်ကို ပိတ်ပြီး ပြန်ဖွင့်ပါ။ သင်သုံးနေတဲ့ device နာမည်ကို သင်ကိုမေးနေပါလိမ့်မယ်။

အဲဒီ့နောက်မှာ ၎င်းက သင့်အီးမေးလ်ဆီ ပို့ပါလိမ့်မယ်။ အခုချိန်မှာတော့သင်မသုံး တဲ့ device မှ သင့် အကောင့်ကို တခြားတယောက်က ၀င်ရောက်မယ်ဆိုရင်အီးမေးလ်က ပြောပြတာကို သင်သည် လက်ခံ ရရှိပါလိမ့်မယ်။ ထိုပုံစံမျိုးဖြစ်ပေါ်လာမယ်ဆိုရင် သင်အနေနဲ့ ချက်ချင်း လျှို့ဝှက်နံပါတ်ကိုပြောင်းလဲပေးပြီး ဖေ့ဘုတ်ခ်ရဲ့ Help Centre ကို အကြောင်းအကြားပါ။

၅။ သင့် ပရိုဖိုင်ထဲတွင် မွေးနေ့ရက်ကို အပြည့်မဖော်ပြပါနဲ့။

ဒီအကြောင်းအရာကတော့ မည်သူမည်ဝါဖြစ်တယ်ဆိုတဲ့ အကြောင်းအရာတွေကိုခိုယူသူတွေ အတွက်ပစ်မှတ်ကောင်းတခု ဖြစ်ပါတယ်။ ၎င်းတို့ဟာ သင့်ရဲ့ ပိုမိုပြည့်စုံတဲ့ သတင်းအပြည့် အစုံတွေစုဆောင်းပြီး ဖြစ်နိုင်ချေရှိတဲ့ သင့် ဘဏ် သို့မဟုတ်credit ကဒ် အကောင့်တွေ ကို ဆက်သွယ်ရယူပြီး အသုံးပြုနိုင်ပါတယ်။ သင်အနေနဲ့မွေးရက်သက္ကရာဇ် အပြည့်အစုံ ထည့်သွားပြီးခဲ့လျှင်ပရိုဖိုင် စာမျက်နှာဆီသွားပြီး ‘info’ tab ကို ကလစ်ပါ။ “Edit information” လုပ်ပါ။ အခြေခံ အကြောင်အရာအချက်လက်အောက်မှာ မွေး သက္ကရာဇ်တွင် လ သို့မဟုတ် ရက် ကိုသာဖော်ပြပါ။ အပြည့်အစုံ မဖော်ပြပါနဲ့။

၆။ သင်သူငယ်ချင်များမှ သင့်ကိုယ်သင် ကာကွယ်ပါ။

သင့် ဖေ့ဘုတ်ခ် သူငယ်ချင်းများသည် applications များကို အသုံပြုလာသောအခါ သူတို့သည် third parties မျာနှင့် သင့် အချက်လက်များကို မတော်တဆအသုံးပြုလာနိုင်တယ်။ ကာကွယ်ရန်အတွက် Account > Privacy Settings > Applications andwebsites > What your friends can share aboutyou သို့သွားပါ။ ပုံးပုံစံအားလုံးထဲက အမှတ်ခြစ် ထားတာတွေကို ပြန်ဖြုတ်ပြီးsave ပြန်လုပ်ပါ။

၇။သင်ရဲ့ ပင်မစာမျက်နှာမှာ ကြေငြာ မထားပါနဲ့။

ဖေ့ဘုတ်ခ်ပေါ်တွင် သင်ပို့စ်လုပ်သည့်အခါတိုင်း လိပ်စာ အပြည့်အစုံ မသုံးမိရန် အသေအချာလုပ်ပါ။

Myanmar Express

မူရင်းသတင်းက ဒီမှာပါ။

အလှအပမက်မောမူကြောင့် ဘ၀ပျက်တတ်ကြောင်း ပြည်တွင်း/ပ မှရွှေမြန်မာ မမ၊ညီမ များသိစေရန်အိတ်ဖွင့်ပေးစာ

မိန်းကလေးတွေ လှချင်ပချင်တာနဲ့ ပတ်သက်ပြီး ဒီခေတ်ကလေးမလေးတွေဟာ အလှဗေဒကို နည်းနည်းတော့ စဉ်းစားကြစေချင်တယ်လို့ ပြောရင် မိန်းကလေးပဲလှချင်တာ ဓမ္မတာမဟုတ်လား၊ ဟိုဘက်ခေတ်ပဲ၊ ဒီဘက်ခေတ်ပဲနဲ့ ခွဲနေဦးမှားလာလို့ ပြန်ပြောချင်နေမလားတော့ မဆိုနိုင်ဘူး။

ဟုတ်တာပေါ့ … မိန်းကလေးဆိုတာ လှချင်တာပဲ၊ ဒါလူ့ဓမ္မတာပဲ။ ဟိုခေတ်ရယ်၊ ဒီခေတ်ရယ် ခွဲမနေအပ်ပါဘူး။ ဒါပေမယ့် မိန်းကလေးတွေ လှချင်တယ် ဆိုတာ အတိုင်းမသိ၊ အတာမသတ်၊ လှသထက် လှရမယ်ဆိုရင် ဘယ်လိုလုပ်ရ လုပ်ရ ဆိုတာမျိုးတော့ မဖြစ်သင့်ဘူး။ အဲဒါကို ပြောချင်တာပါ။

မိန်းကလေးဟာ ကိုယ်ရမ်းမသိ၊ သိပ်လှချင်နေရင် အန္တရယ် အလွန်ကြီးတယ်။ ဘာပြုလို့လဲဆိုတော့ ဒို့မိန်းကလေးတွေမှာ စောင့်စည်းရမယ့် ကာယိနြေ္ဒဆိုတာက ရှိနေလို့ပဲ။ ဒါကြောင့် လှတော့ လှချင်တာပေါ့။ ဒါပေမယ့် သူ့အတိုင်းအတာနဲ့ သူသာလှချင်ရတယ်။

ဥပမာဆိုပါတော့ သဘင်နယ်က မဟုတ်တဲ့ အရပ်သူ မိန်းကလေးများက လှအောင်ပအောင် ပြုပြင်ကြတဲ့အခါ သဘင်သည်တွေကို တုပပြီး မပြုပြင်ရဘူး။ ကိုယ်ကရုပ်နဲ့ လုပ်စားတာမဟုတ်ဘူး။ ဇာတ်၊ အငြိမ့်၊ ရုပ်ရှင်၊ ဗွီဒီယို၊ အဆိုတော်စတဲ့ သဘင်နယ်က မိန်းကလေးတွေကတော့ ရုပ်ရှည်နဲ့ လုပ်စားကြရတာမို့ သူတို့ က သူတို့ အတိုင်းအတာနဲ့ သူတို့ လှအောင်ပအောင် ပြုပြင်နိုင်ကြတယ်။ ဒါ သူတို့ စီးပွားရေး။ ဒါသူတို့ အသက်မွေးဝမ်းကျောင်း။ ဟိုဘက်ခေတ် (အမေတို့ခေတ်) တုန်းက မိန်းကလေး တစ်ယောက်ကို ၀တ်စားဆင်ယင်ပုံ ကြည့်တာနဲ့ ဒါ အရပ်သူပဲ၊ ဒါ သဘင်သည်ပဲ ဆိုတာ ခွဲခြားပြောနိုင် သိနိုင်သည်။

ခန္ဓာကိုယ်နဲ့ ရင်းနှီးလုပ်ကိုင်စားရတဲ့ မိန်းကလေးတွေကလည်း သူ့သဘာဝနဲ့ သူ၊ သူ့အသက်မွေးမှုနဲ့ သူ၊ သူ့အပြုအမူ အနေအထိုင်၊ သူ့အမူအရာနဲ့သူ ရှိကြတယ်။ ကြည့်တတ်ရင် တခြားလူတွေနဲ့ ကွဲပြားတယ်။

ပြီးတော့ “တံခါးဖွင့်စီးပွားရေး၊ ဈေးကွက်စီးပွားရေး” ဆိုတာ ပေါ်လာတဲ့ ဒီခေတ်မှာ မိန်းကလေးတွေရဲ့ တန်ဖိုးက သိသိသာသာကြီး ကျဆင်းသွားတယ်လို့ ခံစားရတယ်။ ငွေရှင်ကြေးရှင်များက သူတို့ ကုန်ပစ္စည်း ရောင်းချရရေး၊ သူတို့ အမြတ်အစွန်း ရရှိရေးအတွက် ရုပ်ရည်သန့်ပြန့်ပြီး ငယ်ရွယ်တဲ့ လူဆင်းရဲ မိန်းကလေးတွေရဲ့ ခန္ဓာကိုယ်ကို သူတို့ ကုန်ပစ္စည်းနဲ့ ရောနှောပြီး ရောင်းစားနေကြတယ်။ မိန်းကလေး တွေမှာ သိတော့သိသားပဲ။ ဆင်းရဲလို့ မျက်စိမှိတ်ပြီး ထည့်ရောင်းပေးနေရတယ်။ ဒီအတွက် ဆင်းရဲရခြင်းကိုလည်း အသည်းနာလိုက်တာ။ အမြတ်အစွန်းရရေး၊ သူဌေးမြန်မြန်ဖြစ်ရေးဆိုတဲ့ နည်းလမ်းတွေထဲမှာ လူ့တန်ဖိုးက ပါပုံမရဘူး။ အထူးသဖြင့် မိန်းမရဲ့ တန်ဖိုးဟာ အကျဆင်းဆုံး ဖြစ်လိမ့်မယ် ထင်တယ်။

နောက်ပြီး လှချင်ပချင်တဲ့ သမီးမိန်းကလေးတွေကို သတိပေးချင်သေးတယ်။ မိန်းကလေးရဲ့ အရည်အချင်းမှာ သမီးကညာ ဘ၀တစ်ခုတည်းနဲ့ လမ်းဆုံးမနေစေနဲ့။ မိန်းမတွေဟာ ဒီလောကမှာရှိတဲ့ လူသားတွေရဲ့ တ၀က်တိတိရှိပြီး လူ့လောကကို ယောက်ျားနဲ့ ဆိုးတူကောင်းဖက် လက်တွဲလို့ ရင်ပေါင်တန်းပြီး တည်ဆောက်နေတဲ့ လူသား။ ပြီးတော့ မျိုးဆက်သက်ကို မွေးထုတ်ပေးပြီး ကြီးပြင်းအောင် မွေးကျွေးသုတ်သင်တဲ့ မိခင်လူသား။ ဒီတာဝန်ကို ယောက်ျားတွေက မယူနိုင်ဘူးနော။
အဲဒီတာဝန်တွေကို အပြည့်အ၀ထမ်းရွက်ကြရတဲ့ အခါ ငယ်တုန်းက ရူးလို့၊ မိုက်လို့ လှတာကို အထင်ကြီးခဲ့တာ။ လှချင်ခဲ့တာ၊ အလှကိုသာ ရှိခိုးခဲ့တာ လှဖို့ဆိုရင် ဘာမဆိုလုပ်ချင်ခဲ့တာတွေဟာ မိုက်မဲမှုပဲလို့ မြင်လာလိမ့်မယ်။
သူတို့ဆီက စကားပုံတစ်ခုက BEAUTY IS SKIN DEEP တဲ့။ အလှဆိုတာ အရေဖျား တထောက်သာ နက်တာပါတဲ့။ ဘာမှ ကြီးကြီးကျယ်ကျယ် နက်နက်နဲ့နဲ့ မဟုတ်ပါဘူးလို့ သူတို့ ဆီမှာ သွန်သင်မှုရှိပေမယ့် လှသထက်လှချင်အောင် နေ့တိုင်း နေ့တိုင်း အပြအသတွေနဲ့ ဆွဲဆောင်သွန်သင်နေတယ်။ မိန်းကလေးတွေဟာ တုပပြီး တုပပြီး လိုက်လိုက် လုပ်လိုက်ရတာ၊ အဖော်အလှစ်ပဲ ကျန်တော့တယ်။ ဒါတောင် တစ်ဝက်တစ်ပျက်ဖော်၊ တစ်ဝက်တစ်ပျက် လှစ်နေကြပါပြီ။ မိန်းကလေးရဲ့ တန်ဖိုးက ဒါတွေပဲလား။ သေသေချာချာ စဉ်းစားကြကွယ်။ ခန္ဓာကိုယ် အပြင် မိန်းကလေးမှာ ဦးနောက်နဲ့ နှလုံးသားရှိသေးတယ် ဆိုတာကို မေ့ပျောက်နေအောင် လှဖို့ ချည်း နေ့တိုင်း အဘက်ဘက်က ပညာပေးနေတာတွေကို သတိလေးထားပြီး အသိတရား ယှဉ်ပြီး လက်ခံတတ်ဖို့ အရေးကြီးပါတယ်။
မိန်းမရဲ့တန်ဖိုး၊ လူ့တန်ဖိုးမှာ ရုပ်ဆင်းရူပကာတင့်တယ်ခြင်းဆိုတာက ရာခိုင်နှုန်းနည်းနည်းပဲ ရှိတာ။ အလှဆိုတာ တစ်ယောက်တလေမှာ ဖြစ်တာ၊ လူမှာ လှတာမလှတာထက် လူ့အရည်အသွေးဖြစ်တဲ့ လုံ့လ၀ီရိယ၊ ဇွဲသတ္တိ ခံနိုင်ရည်၊ ပြီးတော့ ကြင်နာမှု၊ သနားမှု၊ အနစ်နာခံမှု၊ သူတစ်ပါးအတွက် အကျိုးဆောင်မှု၊ စွန့်လွှတ်မှု စတဲ့ အရည်အသွေးတွေ ရှိဖို့ အများကြီး ကြိုးစားလုပ်ဆောင်ရတယ်။ ဒါမှ လူ့ဘ၀မှာ လူဖြစ်ရကျိုးနပ်မယ်။
ဒါကြောင့် မိန်းကလေးတွေ အလှဗေဒကို သေသေချာချာ စဉ်းစားစေချင်တာ။ ပြီးတော့ ဒီခေတ်မှာ လှစရာ၊ လှအောင် လုပ်စရာတွေက များလိုက်တာ။ အဲဒါတွေ အတွက် ကုန်လိုက်တဲ့ ပိုက်ဆံ။ ။
လူထု ဒေါ်အမာ ရေးသားသော အမေ့ရှေးစကား စာအုပ်မှ ကောက်နှုတ်တင်ပြထားပါသည်။ မှတ်ချက်။ ။ ဤ ဆောင်းပါးတွင် ပါသော တချို့သော စာကြောင်းများနှင့် “အမေ” ဟူသော အသုံးအနှုန်းများကို ဖြောက်ပြီး ပြန်ရေးထားပါသည်။
ဒီတပတ်အတွက်တော့ မိန်းကလေးတွေရဲ့ အလှအပနဲ့ ပတ်သက်တဲ့ သတိပေး ဝေဖန်ချက်တွေကို ရေးထားတဲ့ လူထုဒေါ်အမာရဲ့ အမေ့ရှေးစကား စာအုပ်ထဲက “လှသထက် လှချင်နေရင်” ဆောင်းပါးကို သူငယ်ချင်းတွေ ဖတ်ဖို့ ရွေးချယ်ပေးလိုက်ပါတယ်။ ဒီဆောင်းပါးကို ဖတ်ပြီးတော့ အခုခေတ်မှာ ပေါ်ပြူလာ ဖြစ်နေတဲ့ ကိုရီးယား မင်းသမီးလေးတွေလိုလှသထက်လှချင်နေတဲ့ ကောင် မမတွေ၊ ညီမလေးတွေ ကိုယ့်ကိုယ်ကို ဆင်ခြင်နိုင်ပါစေကွယ်။
Myanmar Express
မူရင်းသတင်းက ဒီမှာပါ။

ဒုသမ္မတနေရာ မဖြစ်နိုင်တော့မှန်း သိလိုက်ရလို့ ညဘက်တွေအိပ်မပျော်နိုင်ပါဘူးဆိုတဲ့ ဒေါ်စုကြည်အတွက်

တစ်နေ့လုံး မိမိ ပြုမူခဲ့သမျှတွေက သင်၏ အိပ်စက်မှု အပေါ်သက်ရောက်မှုရှိ ပါသည်။ မည်ကဲ့သို့နည်း၊ အဘယ် ကြောင့်နည်း။

၁။ နံနက်ခင်း သင်၏ခန္ဓာကိုယ်၏ သဘာဝနာရီ ကို လေ့ကျင့်ပေးရမည်။ နေ့ စဉ်နံနက်တိုင်း အိပ်ယာမှ ထချိန် တစ်သတ်မှတ်တည်း ဖြစ်ပါက သင့် ခန္ဓာကိုယ်၏ဇီဝနာရီ biological clock နှင့်အလွန်သဟဇာတ ကိုက်ညီ မည်ဖြစ် ပါသည်။ ထို့ကြောင့် ညဥ့် အချိန်မှာ အိပ်စက်ရန်အတွက်ဖြစ်ပြီး နံ နက် ၇ နာရီမှ အိပ်ယာမှထ၊ ချိန်၊ နှိုး ချိန်ဟု ဇီဝ နာရီက ညွှန်ကြားဘိသကဲ့သို့ ဖြစ်မည်။

၂။ နေ့လည် လှုပ်ရှားမှုများက အားကစားဆန် ရမည်။ သိပ်အားကစားမဆန်လိုလျှင် နေ့လည်စာ စားချိန် အားလပ်ချိန် (lunch break)၌ခေတ္တ လမ်းလျှောက်ခြင်း၊ အသားညှပ် ပေါင်မုန့် (သို့) စားစရာ တစ်ခုခု ဝယ်ရန် အတွက် စက်ဘီးစီးထွက် ခြင်း၊ စသည်တို့က သင်၏ အိပ်ပျော်ချိန်ကို ၄၂ မိနစ်အထိပင် တိုးမြှင့်သွားစေ နိုင်ပါသည်။

၃။ အလုပ်ချိန်အပြီး ညဥ့်အချိန် သိပ်နောကျသည်အထိ အလုပ်မလုပ်ပါနှင့်။ အလုပ်ခွင် တစ်ခုမှ ရုံးဝန်ထမ်းထက် ဝက်ခန့်မှာ အိမ်သို့ အလုပ်ယူသွားတတ်ကြသည်ဟုဩစ တြေးလျနိုင်ငံမှ သုတေသန ပြုချက် က ဆိုထား၏။ အိပ်ယာ မဝင်မှီ ကွန်ပြူတာ မော်နီတာမှ အလင်းရောင်ကို မြင်ရခြင်း ကပင် သင်၏ အိပ်ချိန်နာရီကို ၃ နာရီ ခန့် နောက်သို့ ရွှေ့ပစ်လိုက်နိုင်၏။

၎။ ညစာစားချိန် ကိုဘိုဟိုက်ဒြိတ် (ကစီဓာတ်)ကိုစားပါ။ သုတေသနပြုချက်များအရ အိပ်ယာမဝင်မှီ၎ နာရီခန့် ကာဘိုဟိုက်ဒြတ်များစွာ ပါဝင်သော အစားအစာကို စားခြင်းဖြင့် အိပ်မောကျချိန်ကို ပိုမိုနီးကပ်လာ စေနိုင်ကြောင်းတွေ့ရှိကြရ၏။

၅။ အိပ်ယာဝင်ချိန် အေးမြအောင်ပြုလုပ်ပါ။ သင်၏အိပ် ခန်းအတွင်းမှ အပူချိန်ကို လျော့ချခြင်း က သင်၏ ခန္ဓာကိုယ်အား အိပ်ချိန်ရောက်ပြီဟု အချက်ပေးသကဲ့သို့ဖြစ်မည်ဖြစ်ကြောင်း Myanmar Express Group မှနိုဘယ်လ်ဆုရှင် ဒေါက်တာ ဒေါ်စုကြည်အားစေတနာကောင်းဖြင့် အကြံပေးတင်ပြလိုက်ပါသည်။

Myanmar Express

မူရင်းသတင်းက ဒီမှာပါ။

Google မြေပုံ အရာရှိချုပ် ကို Yahoo က CEO အဖြစ်ခန့်  အပ်

အင်တာနက် ရှာ ဖွေ ရေး နှင့် အင်တာနက် ၀န်ဆောင်မှု များ ပေး နေသည့် ကုမ္ပဏီ တစ်ခု ဖြစ်သည့် Google မှ ပြောရေး ဆို ခွင့် ရှိသူ နှင့် အမှုဆောင် အရာ ရှိ တစ်ဦးဖြစ်သူ မယ်ရီဆာ မေယာ ကို Yahoo ကုမ္ပဏီ က ယနေ့  အမှုဆောင် အရာ ရှိ ချုပ် CEO အဖြစ် ခန့်  လိုက် သည် ဟု နယူးယောက် တိုင်း(မ) သတင်းစာ တွင် ဖော် ပြထားသည်။

မယ်ရီဆာ မေယာ သည် ၁၉၉၉ ခုနှစ် တွင် ဂူဂယ် ကုမ္ပဏီ သို့  စတင် ၀င် ရောက် ခဲ့ သည်။ သူမ သည် ဂူဂယ် ၏ ပထမ ဦးဆုံး ၀န်ထမ်း အယောက် ၂၀ တွင် ပါဝင် သူ ဖြစ် ပြီး နောက် ပိုင်း တွင် ဂူဂယ် မြေပုံ ဌာန ၏ အကြီး အကဲ တစ်ဦး ဖြစ်လာ ပြီး အမှုဆောင် အရာရှိ တစ်ဦး လည်း ဖြစ်လာ ခဲ့ သည်။

အသက် ၃၇ နှစ် အရွယ် ရှိ မယ်ရီဆာ မေယာ သည် စတန်းဖို့  ဒ် တက္က သိုလ် မှ ကွန် ပျူတာ သိပ္ပံ ဘွဲ့  ဖြင့် မဟာ ဘွဲ့  ရရှိ ခဲ့ ပြီး နောက် ဂူဂယ် ၏ အင်ဂျင် နီယာ အဖြစ် တာဝန် ယူကာ Google Map , Gmail, Chrome ဒီဇိုင်း နှင့် နည်း ပညာ များ ကို ဖန်တီး ခဲ့ သည်။

နည်းပညာ နှင့် စတော့ စသည့် ငွေကြေး ဈေး ကွက် များ တွင် အကြပ် ရိုက် နေသည့် Yahoo အား မယ်ရီဆာ မှ ကယ် တင် နိုင် လိမ့် မည် ဟု Yahoo ရှယ်ယာရှင် များ က ယုံကြည် ကြသည်။

မေလ ၁၈ ရက်နေ့  က ယာဟူး တည်ထောင် သူ ဂျယ်ရီယန်း ရာထူး မှ နှုတ် ထွက် သွား ခဲ့ ပြီး နောက် ကြား ဖြတ် အမှု ဆောင် အရာ ရှိ ချုပ် သစ် ဖြစ်သည့် Ross Levinsohn က တာဝန်ယူ ခဲ့ ပြီး တနင်္လာ နေ့  က ဘုတ် အဖွဲ့  အစည်း အဝေး တွင် မယ်ရီဆာ ကို အမှုဆောင် အရာ ရှိ ချုပ် အသစ် အဖြစ် အတည် ပြု ခဲ့ ခြင်း ဖြစ်သည်။

မယ်ရီဆာ က သူ မ၏ Google Circles တွင် ယာဟူး CEO အဖြစ် ခန့်  အပ် ခံ ရခြင်း အတွက် စိတ်လှုပ်ရှား ပြီး ဂုဏ် ယူ ၀မ်း မြောက် သည် ဟု ရေးသားထား သည်။

Yahoo ၏ အမှုဆောင် အရာ ရှိ ချုပ် သစ် မယ်ရီဆာ မေယာ

မူရင်းသတင်းက ဒီမှာပါ။

အဘတို့ကတော့ ခြွင်းချက်

မူရင်းက ဒီမှာပါ။

လယ်သမားများ ဥပဒေနဲ့အညီ ဆန္ဒထုတ်ဖော်

တရားဝင် ဆန္ဒပြခွင့် ဥပဒေ ထွက်လာပြီးတဲ့ နောက်မှာတော့ နှစ်ပေါင်း ၄၀ ကျော် အတွင်း ပထမဆုံးအကြိမ်အဖြစ် တရားဝင် ငြိမ်းချမ်းစွာ စုဝေးခြင်းနဲ့ စီတန်းလှည့်လည်ခွင့် ရခဲ့ကြပါတယ်။ ဒါကြောင့် မင်္ဂလာဒုံနဲ့ ရွှေပြည်သာမြို့နယ်တွေက သိမ်းဆည်းခံရတဲ့ လယ်ဧက ၄,၀၀၀ လောက် အတွက် ကိုယ်စားပြုတဲ့ လယ်သမား ၂၀၀ ခန့်က ဆန္ဒထုတ်ဖော်ထုတ် ခဲ့ကြပါတယ်။ ဒီအကြောင်းကို မအေးအေးမာက တင်ပြထားပါတယ်။

ရွှေပြည်သာ မြို့နယ်နဲ့ မင်္ဂလာဒုံမြိုနယ်တွင်းမှာ စစ်တပ်၊ ရဲ တပ်ရင်းနဲ့ ကုမ္ပဏီတွေက သိမ်းဆည်းခံထားရတဲ့ လယ်ဧက ၄,၀၀၀ လောက်အတွက် လယ်သမားတွေက စီတန်းလမ်းလျှောက်ပြီး ဆန္ဒ ထုတ်ဖော်ပွဲ လုပ်ခဲ့ကြတာပါ။ အခုလို ဆန္ဒ ထုတ်ဖော်နိုင်ခဲ့တဲ့အတွက် ကျေနပ်မှု ရှိခဲ့တဲ့အကြောင်းကိုတော့ လယ်သမားရေး ကူညီပေးနေသူ မတူကွဲပြားခြင်းနှင့် ငြိမ်းချမ်းရေးပါတီ ဥက္ကဋ္ဌ ဦးနေမျိုးဝေက ပြောပါတယ်။

“ကျနော်တို့ကတော့ နှစ်ပေါင်း ၄၀ ကျော်လောက်ကို ဒီလို တရားဥပဒေနဲ့အညီ လုံခြုံရေး အစောင့်အရှောက်တွေ လိုက်ပါပြီးတော့ ဆန္ဒပြခွင့်ရတာ ပထမဆုံးအကြိမ် ဖြစ်တဲ့အတွက် ကျနော်တို့ အချိန်တွေ၊ လူဦးရေတွေ ကန့်သတ်ခြင်း ခံရသော်လည်း ကျေနပ်မှုတော့ ရှိပါတယ်။ ဘာဖြစ်လို့ ကျေနပ်မှု ရှိလဲလို့ ပြောနိုင်လဲဆိုတော့ ဒီမှုခင်းတွေနဲ့ ပတ်သက်လို့ သေသေချာချာ မီဒီယာတွေရဲ့ ရှေ့မှာ ဖွင့်ထုတ် ဖော်ပြနိုင်ပါတယ်ခင်ဗျ။

စက်မှုဇုံ (၁) က တောင်သူလယ်သမားတွေ ဆိုရင် လျှပ်တပြတ် ဂျာနယ်မှာ ရေးထားတာက အကုန်လုံး ဇုံ (၁)၊ (၂)၊ (၃) ကို လျှော်ကြေးတွေ ပေးပြီးသွားပြီလို့ ရေးထားတော့ တောင်သူ လယ်သမားတွေက လယ်သမား ၁၀၀ ကျော် လက်မှတ်ထိုးပြီးတော့ အဲဒီစာတွေကိုပါ မီဒီယာတွေကို ပေးလိုက်နိုင်ပါတယ်ခင်ဗျ။ မှုခင်းတွေကတော့ ရွှေနံ့သာ ရော၊ မင်္ဂလာဒုံ စက်မှုဇုံ (၁)၊ (၂)၊ (၃)၊ သင်္ကန်းကျွန်းကြီး ရွာသားတွေ အမှုရော၊ ၀ါးတရာ အမှုရော၊ ၀ါးတရာမှာဆိုရင်လည်း အဲဒီလိုပေါ့ဗျာ၊ မူလပိုင်တဲ့ လယ်သမားရဲ့နေရာကို ရပ်ကွက်အုပ်ချုပ်ရေးမှူးတွေနဲ့ ပေါင်းပြီးတော့ တခြားသူတွေက ၀င် ရောင်းစားလိုက်တဲ့ ဟာမျိုးပေါ့။ နောက်တခါ တပ်မတော်က သိမ်းပြီးတော့ သူဌေးတယောက်ကို ပြန်ရောင်းစားလိုက်တဲ့ စာမျိုးပေါ့။ နောက် ရဲတပ်ရင်းက သိမ်းပြီးတော့ ကုလားသူဌေးကို ရောင်းစားလိုက်တဲ့ ဟာမျိုးပေါ့။ အဲဒီလို မှုခင်းတွေကို ကျနော်တို့က တခုချင်းစီ ဖော်ထုတ်ပါတယ်ခင်ဗျ။”

ဆန္ဒပြ လယ်သမားတွေဟာ မတူကွဲပြားခြင်းနှင့် ငြိမ်းချမ်းရေးပါတီ ရုံးချုပ်ရှိရာ လမ်းသစ်လမ်းကနေ စတင် ချီတက်ခဲ့ကြပြီး အဲဒီကနေ ထောက်ကြံ့လမ်းဆုံကို ဆက်လက် ချီတက်ခဲ့ပြီးတဲ့နောက် ရန်ကုန်-ပဲခူး လမ်းမကြီးပေါ်မှာရှိတဲ့ မြနန္ဒာပန်းခြံမှာ သွားရောက် စုဝေးကြပြီး သူတို့ဆန္ဒတွေကို ထုတ်ဖော်ခဲ့ကြတာပါ။ မိရိုးဖလာ ဘိုးဘွားစဉ်ဆက် လုပ်ကိုင်ခဲ့တဲ့လယ်မြေတွေမှာ ပြန်လည် လုပ်ကိုင်ခွင့် ရဖို့အတွက် ဆန္ဒပြ လယ်သမားတွေက တောင်းဆိုနေခဲ့တာပါ။ သူတို့လယ်တွေ ပြန်ရဖို့အတွက် လုပ်ဆောင်ရာမှာ မြို့နယ် အုပ်ချုပ်ရေးမှူးရုံးကနေ မြေယာမှုခင်း အယူခံကို လက်ခံမပေးတဲ့အတွက် သူတို့အနေနဲ့ ဆန္ဒပြရတာလို့လည်း ပြောပါတယ်။

“မြေကမ္ဘာ ကုမ္ပဏီနဲ့ တောင်သူ လယ်သမားတွေက အငြင်းအခုံ ဖြစ်နေတယ်။ ပြည်သူ ပြည်သူချင်း အငြင်းအခုံ ဖြစ်တဲ့အခါမှာ အုပ်ချုပ်ရေးပိုင်းကို ကျနော်တို့က ငှားရမ်းထားတာ။ ကျနော်တို့က ပြည်သူလူထုက လစာပေးပြီးတော့ ခန့်ထားတာ။ အဲဒါသည် ဒိုင်လူကြီးသဖွယ် ပြည်သူပြည်သူချင်း အငြင်းပွားမှုမှာ တရားသဖြင့် ဖြစ်အောင် လုပ်ပေးဖို့ အဲဒီမှာ မြို့နယ်အုပ်ချုပ်ရေးမှူးက မြေယာမှုခင်း အယူခံကို လက်မခံဘူး။ အဲဒီအတွက်ကို ကျနော်တို့က ဆန္ဒပြတာဗျ၊ လက်မခံဘဲ အိုးအိမ်ကို သွားပါ။ စည်ပင်ကို သွားပါဆိုတဲ့စာကို ထုတ်တယ်။ အဲဒီတော့ အိုးအိမ်မှာလဲ သီးစား ချထားရေးနဲ့ ပတ်သက်တဲ့ ဥပဒေတွေ မရှိဘူး။ သီးစားချထားပိုင်ခွင့် မရှိဘူး။ စည်ပင်မှာလည်း လယ်ယာမြေကို သီးစားချထားပိုင်ခွင့် မရှိဘူး။ မြို့နယ် မြေယာကော်မတီက နည်းဥပဒေ (၁၅) အရ သီးစားချထားတဲ့ အယူခံတွေ လက်ခံစစ်ဆေးလို့ ရတယ်ဗျ။ အဲဒါကို လက်မခံတဲ့အတွက် ကျနော်တို့က ဆန္ဒပြတာပါ။”

မြန်မာနိုင်ငံ လူဦးရေရဲ့ ၇၅ ရာခိုင်နှုန်းကျော်ဟာ လယ်သမားတွေ ဖြစ်ပါတယ်။ လယ်သမားအမျိုးစုကတော့ လက်ရှိ အခြေအနေမှာ လယ်သိမ်း ယာသိမ်းခံရတာတွေကြောင့် အခက်အခဲတွေကို ရင်ဆိုင်နေရတာပါ။ ပြီးခဲ့တဲ့လတွေကစပြီး လယ်သမားတွေဟာ အိုးအိမ်ဦးစီးဌာန ရုံးရှေ့တွေမှာ ဆန္ဒပြမှုတွေ လုပ်ခဲ့ပါတယ်။ ဒါ့အပြင် ကုမ္ပဏီတွေကိုလည်း လယ်တွေကို အတင်းအကျပ် သိမ်းယူတယ်ဆိုပြီး တရားစွဲဆို ခဲ့သလို ရန်ကုန်တိုင်း၊ ပဲခူးတိုင်း၊ မန္တလေးတိုင်းတွေမှာလည်း ထွန်တုံး တိုက်ပွဲဆိုပြီး လယ်တွေကို ကိုယ့်ဖာသာပြန်ပြီး ထွန်ယက်တာတွေ လုပ်ခဲ့ပါတယ်။ ဒီအတွက် အာဏာပိုင်တွေရဲ့ ခြိမ်းခြောက်ခြင်း၊ ခေါ်ယူသတိပေးခြင်း၊ တရားစွဲဆိုခြင်းတွေ ကိုလည်း ခံနေရတာတွေလည်း ရှိပါတယ်။ ဇူလိုင်လ ၁၅ ရက်နေ့မှာတော့ လယ်သမာတွေအနေနဲ့ တရားဝင်အရ ပထမဦးဆုံးအကြိမ် အဖြစ် ဆန္ဒထုတ်ဖော်ခွင့် ရတာလည်း ဖြစ်ပါတယ်။

မူရင်းသတင်းက ဒီမှာပါ။

လွှတ်တော်မှာတင် အချိန်ကုန်မခံဖို့ ဒေါ်စု တိုက်တွန်း

လူထုက ရွေးချယ်တင်မြှောက်ထားတဲ့ ကိုယ်စားလှယ်တွေအနေနဲ့ လွှတ်တော်တွင်း မှာပဲ အချိန်ကုန်နေတာမျိုး မဖြစ်စေလိုတဲ့အကြောင်း မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် က ပြောလိုက်ပါတယ်။ လွှတ်တော်တွင်း ဥပဒေပြုရေးကိစ္စတွေနဲ့ ဆွေးနွေးပြောဆိုမှုတွေမှာသာ အချိန်ပေးနေ ရမယ်ဆိုရင် လူထုနဲ့ နီးစပ်မှု မရှိတဲ့အဖြစ်မျိုး ကြုံရလိမ့်မယ်လို့ ပြည်သူ့လွှတ်တော် ကိုယ်စားလှယ် တဦးလည်းဖြစ်တဲ့ ဒေါ်အောင် ဆန်း စုကြည်က အမျိုးသားဒီမိုကရေစီအဖွဲ့ချုပ် (NLD) ကိုယ်စားလှယ်တွေနဲ့ ဒီကနေ့ လွှတ်တော် ဆွေးနွေးပွဲ အပြီးမှာ သတိပေးလိုက်တာပါ။ ဒါ့အပြင် ဒီကနေ့ လွှတ်တော်တွင်း ဘယ်လိုကိစ္စရပ်တွေကို ဆွေးနွေးခဲ့ကြသလဲ ဆိုတာတွေကို မခင်ဖြူထွေးက တင်ပြပေးထားပါတယ်။

လွှတ်တော်ကိုယ်စားလှယ်တွေအနေနဲ့ ကိုယ့်ကို ရွေးကောက်တင်မြှောက်ထားတဲ့ ပြည်သူတွေရဲ့အကျိုး၊ တိုင်းပြည်ရဲ့အကျိုးကို ထိထိရောက်ရောက် ဆောင်ရွက်နိုင်အောင် အမြဲ ကြိုးပမ်းနေရမှာဖြစ်ပြီး လူထုနဲ့ အမြဲတမ်း ထိတွေ့ဆက်ဆံနေရမှာ ဖြစ်တယ်လို့ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် က NLD အမတ်တွေကို ဒီကနေ့ သတိပေးသြ၀ါဒစကား ပြောကြားခဲ့တာဖြစ်တဲ့အကြောင်း မိတ္ထီလာမြို့နယ် NLD လွှတ်တော်အမတ် တဦးဖြစ်တဲ့ ဦးဝင်းထိန်က ပြောပြပါတယ်။

“ကျနော်တို့ NLD လွှတ်တော်အမတ်တွေကို သြဝါဒပေးတာပါ။ အဓိက-ကတော့ ကျနော်တို့ လွှတ်တော်ထဲမှာ အချိန်ကြာတာကို သူသိပ် သဘောမကျဘူး။ ဘာကြောင့်လဲဆိုတော့ ကျနော်တို့လွှတ်တော်အမတ်တွေက ကိုယ့် နယ်မြေ၊ ကိုယ့်မြို့နယ်ကိုယ် ပြန်ပြီးတော့မှ လူထုအကျိုးအတွက် လုပ်စရာရှိတာတွေလုပ်ဖို့ အချိန်တွေ နည်းသွားတာကို သူက အားမလို အားမရဖြစ်နေတာ။

“NLD ပြည်သူ့လွှတ်တော်အမတ်တွေ အနေနဲ့ ဒေါ်အောင်ဆန်း စုကြည်က လွှတ်တော်ထဲမှာ တင်တဲ့အဆိုတွေနဲ့ ပတ်သက်လို့ စကားတွေအပိုမပြောဘဲနဲ့ ထိထိရောက်ရောက်နဲ့-- ပြီးဖို့ရယ်၊ နောက်တခုက ပြည်သူလူထု အကျိုးအတွက် လုပ်ဖို့ရယ်၊ နောက်တခုကတော့ ပြည်သူ့လွှတ်တော် အမတ်တွေကို ကိုယ့်မြို့နယ်နဲ့ကိုယ် မကင်းကွာအောင်လုပ်ဖို့၊ နောက်တခုက ဒေါ်အောင်ဆန်းစုကြည်ရဲ့ အိုင်ဒီယာကတော့ - လွှတ်တော် အမတ် ဖြစ်ပြီဆိုလို့ရှိရင်တော့ တသက်လုံး နောက် ရွေးကောက်ပွဲအထိဟာ လွှတ်တော်အမတ်ပဲ၊ ကိုယ့်နယ်မြေ နဲ့ ကိုယ့်ပြည်နယ်နဲ့ ညှိပြီးတော့မှ ကိုယ့်နယ်မြေအကျိုးအတွက် အမြဲတမ်း ကြည့်ရှုပြီးမှ အလုပ်လုပ်ဖို့ပေါ့။ အဲဒါတွေ ကျနော်တို့ကို သြဝါဒပေးတယ်။”

အခု ကျင်းပနေတဲ့ စတုတ္ထအကြိမ် ပြည်သူ့လွှတ်တော် ပုံမှန်အစည်းအဝေးတွေအပြီး ညနေပိုင်းမှာ ပါ တီ ခေါင်းဆောင် ဒေါ်အောင်ဆန်းစုကြည်က NLD လွှတ်တော်အမတ်တွေကို သီးသန့်တွေ့ဆုံပြီး အခုလို သတိပေးစကား ပြောကြားခဲ့တာ ဖြစ်ပါတယ်။ ဒီကနေ့ လွှတ်တော်အစည်းအဝေးမှာတော့ အကြောင်း အရာ တော်တော်များများကို ဆွေးနွေးခဲ့ကြတဲ့အထဲ ရခိုင်ပြည်နယ်မှာ ဖြစ်ပွားခဲ့တဲ့ ပဋိပက္ခတွေနဲ့ ပတ်သက်ပြီး ဆွေးနွေးမှုတွေ ရှိခဲ့သလို မြန်မာနိုင်ငံကို သံတမန်အဆင့် ပြန်ဆက်သွယ်ဖို့ ကမ်းလှမ်းလာ တဲ့ နိုင်ငံတွေနဲ့ ပတ်သက်ပြီးတော့ လည်း ဆွေးနွေးခဲ့ကြပါတယ်။ ဒါပေမဲ့ လတ်တလော အများစိတ်ဝင်စားနေ တဲ့ ဒုတိယသမ္မတ ခန့်အပ်ဖို့ကိစ္စနဲ့ ပတ်သက်လို့တော့ တစုံတရာ ဆွေးနွေးလာတာ မရှိခဲ့ဘူးလို့ ဦးဝင်းထိန်က ပြောပြပါတယ်။

“ပြည်ထောင်စုလွှတ်တော်ဆိုတော့ အမျိုးသားလွှတ်တော်နဲ့ ကျနော်တို့လွှတ်တော် (ပြည်သူ့လွှတ်တော်) ပေါင်း ပြီးတော့ ရခိုင်မှာဖြစ်နေတဲ့ ကိစ္စတွေနဲ့ပတ်သက်ပြီးတော့မှ နိုင်ငံတော်သမ္မတက ဥပဒေကဲ့သို့ အာဏာ တည်စေသော အမိန့်၊ အဲဒီအမိန့်ကို ဆွေးနွေးကြတာပေါ့။ ဆွေးနွေးတဲ့ပုဂ္ဂိုလ်တွေက အများအားဖြင့် ရခိုင်ပြည်နယ်က ပြည်သူ့လွှတ်တော်အမတ်တွေပါ။ အဲဒါတွေ ပြီးတဲ့အခါကျတော့မှ ဗမာပြည်ကို သံတမန် အဆင့်နဲ့ ဆက်သွယ်ဖို့ ကမ်းလှမ်းတဲ့နိုင်ငံ ၈ နိုင်ငံ၊ အဲဒီ ၈ နိုင်ငံက ကမ်းလှမ်းတဲ့ကိစ္စနဲ့ပတ်သက်ပြီး ကျနော်တို့က ဘယ်လို သဘော ထားမလဲ၊ လက်ခံမလား၊ လက်မခံဘူးလား၊ အဲဒါတွေကို ဆွေးနွေးတယ်။ ဒါပေမဲ့ အချိန်ကမလောက်တော့ မနက်ဖြန် ကျမှ ဆက်ဆွေးနွေးရမယ်။

“ဒီကနေ့ လွှတ်တော် ၂ ရပ်ပေါင်းပြီး ပြည်ထောင်စုလွှတ်တော် လုပ်တော့ အဲဒီ ဒုတိယသမ္မတကိစ္စ ဆုံးဖြတ်မယ် အောက်မေ့တာ၊ ဘာမှ agenda (အစည်းအဝေးအစီအစဉ်) ထဲမှာလည်း မပါဘူး။ လွှတ်တော် နာယက က လည်း ဘာမှ မပြောဘူး။ တော်တော်တော့ စဉ်းစားစရာပဲ။ ပြည်ထောင်စုလွှတ်တော်အနေနဲ့ မနက်ဖြန် နေ့ခင်း ပိုင်းမှာ တခါ ထပ်လုပ်လိမ့်အုံးမယ်၊ အဲဒီမှာများ ပါမလား မသိဘူး။” မိတ္ထီလာမြို့ NLD ပါတီ လွှတ်တော်အမတ် ဦးဝင်းထိန် ပြောပြသွားတာပါ။

ကျန်းမာရေးကြောင့် ဒုသမ္မတ ရာထူးက အနားယူသွားတဲ့ သီဟသူရ ဦးတင်အောင်မြင့်ဦးရဲ့ နေရာမှာ ရန်ကုန်တိုင်း ဒေသကြီးရဲ့ ၀န်ကြီးချုပ် ဦးမြင့်ဆွေကို တပ်မတော်သား လွှတ်တော်ကိုယ်စားလှယ်တွေက အဆိုတင်သွင်းထားတယ်လို့ ပြောဆိုမှုတွေ ရှိနေသလိုပဲ ဒီအဆိုပြု တင်သွင်းလာတဲ့ သမ္မတလောင်းတွေအနေနဲ့ ဒုသမ္မတ အရည်အချင်းနဲ့ ပြည့်စုံမှု ရှိ-မရှိ ဆိုတာနဲ့ ၂၀၀၈ ဖွဲ့စည်းပုံ အခြေခံဥပဒေပါ အချက်တွေနဲ့ ကိုက်ညီ-မညီ ဆိုတာတွေကို စိစစ်အတည်ပြုပေးဖို့ အဖွဲ့တခုကိုလည်း ဖွဲ့စည်းထားတာ ဖြစ်ပါတယ်။

ဒုသမ္မတ အဆိုပြုခန့်အပ်မှုတွေနဲ့ ပတ်သက်လို့ လွှတ်တော် အတွင်း တရားဝင် တင်ပြလာတာတွေ မရှိသေးပေမဲ့ ရန်ကုန်တိုင်းဒေသကြီး ဦးမြင့်ဆွေ ဖြစ်လာနိုင်တယ်ဆိုတဲ့ တွက်ဆ ပြောဆိုမှုတွေကတော့ ပြီးခဲ့တဲ့ ရက်ပိုင်းတွေ အတွင်း အတော်လေး ကျယ်ကျယ်ပြန့်ပြန့် ထွက်နေခဲ့တာပါ။ ဒါကြောင့်လည်း ဒီရက်ပိုင်းတွေအတွင်း ဒီကိစ္စ လွှတ်တော်မှာ ဆွေးနွေးလာမလား ဆိုတာကို လွှတ်တော်အမတ်တွေက ခန့်မှန်း ပြောဆိုနေကြပါတယ်။

ဒီကနေ့ မနက်ပိုင်း ပြည်သူ့လွှတ်တော် ပုံမှန် အစည်းအဝေးမှာတော့ သတင်းမီဒီယာကိစ္စ၊ ကျန်းမာရေး၊ သစ်တောတွေ ရေရှည် ထိန်းသိမ်းကာကွယ် စောင့်ရှောက်ဖို့ ဆိုတဲ့ သဘာဝပတ်ဝန်းကျင်ဆိုင်ရာ ကိစ္စတွေ အတော်များများနဲ့ ပတ်သက်တဲ့ မေးမြန်းချက်တွေကို ဆိုင်ရာ ၀န်ကြီးတွေက ဖြေကြား ဆွေးနွေးတာတွေ ရှိခဲ့တယ်လို့လည်း ဦးဝင်းထိန်က ပြောပြပါတယ်ရှင်။

မူရင်းသတင်းက ဒီမှာပါ။

မြန်မာရေနံနဲ့သဘာဝဓါတ်ငွေ့လုပ်ငန်း IMF ကျင့်ဝတ်များ လိုက်နာဖို့လိုအပ်

အမေရိကန်ပြည်ထောင်စုရဲ့ မြန်မာနိုင်ငံအပေါ် ပိတ်ဆို့အရေးယူမှုအချို့ကို သမတလုပ်ပိုင်ခွင့်နဲ့ လျှော့ပေါ့ပေးခဲ့ရာမှာ၊ နိုင်ငံတကာရင်းနှီးမြုပ်နှံမှုနဲ့ပတ်သက်လို့ နိုင်ငံတကာက သတ်မှတ်ထားတဲ့ လုပ်ထုံးလုပ်နည်းတွေကို မြန်မာဖက်က လိုက်နာဖို့ ပိုပြီး အဓိကထား ဖိအားပေးရေး အမေရိကန်အစိုးရဖက်က ပျက်ကွက်ခဲ့တယ်လို့ ဝေဖန်မှုတွေရှိနေပါတယ်။ အထူးသဖြင့်တော့ ရေနံနဲ့သဘာဝဓါတ်ငွေ့လုပ်ငန်းဆိုင်ရာကိစ္စမှာပါ။ ဒီအကြောင်းကိုတော့ ကိုသားညွန့်ဦးက တင်ဆက်ပေးမှာပါ။

မြန်မာနိုင်ငံထဲ ရင်းနှီးမြုပ်နှံမှုသစ်တွေ လုပ်ခွင့်ပြုလိုက်တဲ့အပေါ် မြန်မာနဲ့ပတ်သက်လို့ မူဝါဒပြောင်းလဲမှုတွေ မြန်လွန်းတယ်ဆိုပြီး အမေရိကန်နိုင်ငံတွင်းမှာတင် ဝေဖန်မှုတွေရှိနေပါတယ်။ အထူးသဖြင့် မြန်မာနိုင်ငံထဲ ပြုပြင်ပြောင်းလဲမှုတွေဟာ အချိန်မရွေးနောက်ကြောင်းပြန်လှည့်သွားနိုင်တယ်ဆိုတဲ့ အခြေအနေကို သိနေတဲ့အပြင်၊ ဒေါ်အောင်ဆန်းစုကြည်ကိုယ်တိုင်က သတိပေးထားလျက်နဲ့ ပွင့်လင်းမြင်သာမှုမရှိသေးတဲ့ ရေနံနဲ့သဘာဝဓါတ်ငွေ့လုပ်ငန်းတွေမှာ ရင်းနှီးမြုပ်နှံခွင့်ပေးလိုက်တဲ့အပေါ် ဝေဖန်နေကြပါတယ်။

ဂျော့တောင်းတက္ကသိုလ်က မြန်မာ့အရေးကျွမ်းကျင်သူ ဒေါက်တာမိုက်ကယ် ဂရင်းကလည်း ၀ါရှင်တန်ပိုစ်သတင်းစာမှာ သမတအိုဘားမားအစိုးရရဲ့ ဒီဆုံးဖြတ်ချက်ကို ဝေဖန်ရေးသားခဲ့ပါတယ်။ အဓိကအချက်ကတော့ မြန်မာရေနံနဲ့သဘာဝဓါတ်ငွေ့လုပ်ငန်း (MOGE) အနေနဲ့ IMF နိုင်ငံတကာငွေကြေးရံပုံငွေအဖွဲ့ရဲ့ ရင်းနှီးမြုပ်နှံမှုဆိုင်ရာကျင့်ဝတ်သဘောတူညီချက်ကို လိုက်နာပါမယ်ဆိုတာကို ဖိအားပေးတာမျိုးအရင်မလုပ်ပဲနဲ့ MOGE နဲ့ လုပ်ကိုင်ခွင့်ပေးလိုက်တဲ့ ဆုံးဖြတ်ချက်ဟာ စောလွန်းတယ် မြန်ဆန်လွန်းတယ်လို့ သမတအိုဘားမား အစိုးရကို ဝေဖန်ထားတာပါ။

နယူးယောက်အခြေစိုက် HRW လူ့အခွင့်အရေးစောင့်ကြည့်မှုအဖွဲ့ကလည်း ဒီအချက်ကို ထောက်ပြပါတယ်။ အခုလို အမေရိကန်အစိုးရရဲ့ အလျင်စလို ဆုံးဖြတ်ချက်ကြောင့် မြန်မာနိုင်ငံအပြောင်းအလဲဖြစ်စေဖို့ အရေးကြီးတဲ့ အခွင့်အလမ်းတရပ်ဆုံးရှုံးရတယ်လို့ HRW ရဲ့ စီးပွားရေးနဲ့လူ့အခွင့်အရေးဆိုင်ရာ ညွန်ကြားရေးမှုး Arvind Ganesan က ဝေဖန်ပါတယ်။

“ MOGE မြန်မာ့ရေနံနဲ့သဘာဝဓါတ်ငွေ့လုပ်ငန်းဟာ အများပြည်သူပိုင်ဘဏ္ဍာတွေ ဘယ်လိုသုံးစွဲနေတယ်ဆိုတာကို အပြည့်အ၀ ထုတ်ဖော် အသိပေးခြင်းမရှိပါဘူး။ ဒီနေရာမှာ သဘာဝဓါတ်ငွေ့ကရတဲ့ ၀င်ငွေတွေကို မြန်မာအစိုးရက ပြည်သူ့ဘဏ္ဍာထဲ မထည့်ခဲ့ပါဘူး။ ပြည်သူ့ဘဏ္ဍာထဲထည့်ဖို့က လုပ်ဆောင်ရမယ့် တာဝန်ပါ။ မလုပ်တဲ့အတွက် ပြည်သူတွေဖက်က ဒီ ၀င်ငွေတွေ ဘယ်လောက်ရှိမှန်းမသိရပါဘူး။ ဘယ်လို ခွဲဝေသုံးစွဲသလဲဆိုတာကို သက်ဆိုင်ရာကို မေးခွန်းမထုတ်နိုင်ကြပါဘူး။

ရှယ်ဗရွန်၊ တိုတယ် နဲ့ ထိုင်း PTTE တို့ဟာ ဒီစီမံကိန်းတွေမှာ မြန်မာအစိုးရနဲ့ ဖက်စပ်လုပ်ကိုင်ခဲ့တဲ့အတွက်၊ နောက်ပြီး MOGE လို ထင်သာမြင်သာမရှိတဲ့ လုပ်ငန်းနဲ့ တွဲဖက်လုပ်နေသရွှေ့ သိက္ခာကျတဲ့အခြေအနေဖြစ်နေပါတယ်။ နိုင်ငံပိုင်ငွေတွေကို MOGE အနေနဲ့ ထုတ်ပြန်ကြေညာပေးတာမလုပ်တော့ ဒီကုမ္ပဏီတွေလည်း ကြံရာပါ ဖြစ်နေပါတယ်။ ဒါကြောင့် MOGE အနေနဲ့ အခုအခါမှာ ထင်သာမြင်သာရှိဖို့လိုပါတယ်။ IMF ရဲ့ ကျင့်ဝတ်ဆိုင်တွေကို လိုက်နာဖို့ အရင် သဘောတူညီမှုကို ရယူသင့်ပါတယ်။

အမေရိကန်အစိုးရက ဒါကို အရင်မလုပ်တော့ အရေးကြီးတဲ့ အခွင့်အလမ်းတရပ် ဆုံးရှုံးသွားတယ်လို့ ကျနော်ပြောရမှာပါ။” နိုင်ငံခြားရင်းနှီးမြုပ်နှံမှုတွေ မလုပ်ခင်မှာ မြန်မာအစိုးရအနေနဲ့ IMF ရဲ့ စီးပွားရေးလုပ်ငန်းဆိုင်ရာကျင့်ဝတ်တွေကို အရင်ဆုံး သဘောတူလက်ခံဖို့ အရေးကြီးတယ်လို့လည်း Arvind Ganesan က ဗွီအိုအေ မြန်မာပိုင်းကို ပြောပါတယ်။

“ IMF က လွန်ခဲ့တဲ့နှစ်အနည်းငယ်က ဘဏ္ဍာရေးနဲ့ပတ်သက်လို့ သဘာဝသယံဇာတ လုပ်ငန်းတွေ လုပ်ကိုင်ရာမှာ ထင်သာမြင်သာရှိဖို့ လိုက်နာရမယ့် ကျင့်ဝတ်စည်းကမ်းကို သတ်မှတ်ပေးခဲ့ပါတယ်။ အခြေခံအားဖြင့် MOGE လို နိုင်ငံပိုင်ကုမ္ပဏီတွေက သူတို့ဝင်ငွေဘယ်လောက်ရလဲ ထုတ်ပြန်ကြေညာပေးဖို့လိုသလို၊ ဘယ်လို သုံးစွဲသလဲ တာဝန်သိသိ သုံးမသုံး သိနိုင်ဖို့ စာရင်းစစ်တွေရဲ့ စစ်ဆေးမှုကို ခံရပါတယ်။ ဒါမှလည်း ၀င်ငွေကို မှန်မှန်ကန်ကန်သုံးစွဲတယ်ဆိုတာ အသေအချာ သိနိုင်မှာပါ။

ဒါဟာ ပြည်သူ့ဘဏ္ဍာငွေဖြစ်လို့ပါ။ ဒါကြောင့် မြန်မာအစိုးရက အခု IMF ကမ္ဘာဘဏ်အပြင် အခြားအစိုးရတွေနဲ့ လုပ်ကိုင်ရာမှာ ဒီ CODE OF CONDUCT ကို အရင် လိုက်နာဖို့လိုပါတယ်။ အခြားနိုင်ငံတွေက လာပြီး ရင်းနှီးမြုပ်နှံမှုမလုပ်ခင် ဒါကို အရင်လုပ်ဖို့လိုပါတယ်။ အကြောင်းကတော့ မြန်မာအစိုးရရဲ့ နောက်ကြောင်းရာဇ၀တ်က စိတ်မချရလို့ပါ။”

မကြာခင်က မြန်မာနိုင်ငံကို သွားရောက်ခဲ့တဲ့ အမေရိကန်နိုင်ငံခြားရေးဌာန စီးပွားရေးဖွံဖြိုးမှု စွမ်းအင်နဲ့ ပတ်ဝန်းကျင်ရေးရာ လက်ထောက်နိုင်ငံခြားရေးဝန်ကြီး Hormats ကလည်း မြန်မာအစိုးရအနေနဲ့ ထင်သာမြင်သာရှိမှု တိုးတက်လုပ်ဆောင်ဖို့ ၊ အဂတိလိုက်စားမှု တိုက်ဖျက်ရေးကို တိုးမြင့်လုပ်ဆောင်ဖို့ တိုက်တွန်းထားပါတယ်။ အထူးသဖြင့် နိုင်ငံပိုင် ကုမ္ပဏီဖြစ်တဲ့ MOGE လို လုပ်ငန်းတွေကို ဆိုလိုပါတယ်။

လူ့အခွင့်အရေးကို ရိုသေလေးစားလိုက်နာဖို့အပြင်၊ စီးပွားရေးမှာ ထင်သာမြင်သာရှိရေး အရေးယူဆောင်ရွက်မှုဖြစ်တဲ့ EILIT နိုင်ငံတကာသဘောတူညီမှုအဖွဲ့မှာ မြန်မာအစိုးရက ပါဝင်ဖို့ကိုလည်း အလေးပေးတိုက်တွန်းထားပါတယ်။

မူရင်းသတင်းက ဒီမှာပါ။

ဒေါ်စု စက်တင်ဘာလ အမေရိကန် လာမည်

ဓာတ်ပုံ Atlantic Council Web site

Atlantic Council မှချီးမြှင့်သောကမ္ဘာ့နိုင်ငံသားဆု၊ (Global Citizen Award) ဆုရှင်များ။

ဒေါ်အောင်ဆန်းစုကြည်၊ Henry Kissinger, Sadako Ogata, Quincy Joines

အမျိုးသားဒီမိုကရေစီအဖွဲ့ချုပ် NLD ပါတီဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်ဟာ စက်တင်ဘာလအတွင်း အမေရိကန်ပြည်ထောင်စုဆီ လာရောက်ဖို့ရှိပါတယ်။ အမေရိကန်အခြေစိုက် Atlantic Council က ပေးတဲ့ တတိယအကြိမ်မြောက် “ကမ္ဘာ့နိုင်ငံသား” ဆုလို့ဆိုရမယ့် “Global Citizen Award” ကို လက်ခံရယူဖို့အတွက် လာရောက်မှာဖြစ်တဲ့အကြောင်း Atlantic Council ရဲ့ ပြောရေးဆိုခွင့်ရှိသူ အမျိုးသမီး တာလင်းန် အာနာနီယန် (Taleen Ananian) က ဗွီအိုအေကို အတည်ပြုပြောဆိုပါတယ်။ ဆုပေးပွဲအခမ်းအနားကို စက်တင်ဘာလ ၂၁ ရက်နေ့ကျရင် နယူးယောက်မြို့မှာ ကျင်းပမှာပါ။

ဒီမိုကရေစီနဲ့ လူ့အခွင့်အရေးအတွက် သန္နိဋ္ဌာန်အခိုင်အမာနဲ့ လုပ်ဆောင်မှု၊ လွတ်လပ်မှုနဲ့ လူသားဂုဏ်သိက္ခာ တို့ရဲ့ နိုင်ငံတကာ အမှတ်သင်္ကေတဖြစ်မှုတို့အတွက် ဒေါ်အောင်ဆန်းစုကြည်ကို ဒီဆုချီးမြှင့်တာဖြစ်တဲ့ အကြောင်း Council ရဲ့ ထုတ်ပြန်ချက်ထဲ မှာ ဖော်ပြထားပါတယ်။

ဒေါ်အောင်ဆန်းစုကြည်နဲ့အတူ ဆုချီးမြှင့်ဖို့ ရွေးချယ်ခံရသူတွေထဲမှာတော့ ကုလသမဂ္ဂ ဒုက္ခသည်များဆိုင်ရာ မဟာမင်းကြီး ဟောင်း ဆဒကို့ အိုဂတ (Sadako Ogata)၊ အမေရိကန်နိုင်ငံခြားရေးဝန်ကြီးဟောင်းနဲ့ နိုဘဲလ် ငြိမ်းချမ်းရေးဆုရှင် ဟန်နရီ ကစ်ဆင်းဂျား (Henry Kissinger)၊ အမေရိကန်ဂီတသမားနဲ့ လူသားအရေး လှုပ်ရှားသူ ကွင်စီ ဂျူံးစ် (Quincy Joines) တို့ လည်း ပါဝင်ပါတယ်။ ပြီးခဲ့တဲ့နှစ်က ဆုရှင်တဦးဖြစ်ပြီး အပြည်ပြည်ဆိုင်ရာ ငွေကြေးရန်ပုံငွေအဖွဲ့ IMF ရဲ့ အမှုဆောင်ညွှန်ကြားရေး မှူး ခရစ္စတင်းန် လာဂါ့ဒ် (Christine Lagarde) က ဒေါ်အောင်ဆန်းစုကြည်ကို ဆုပေးအပ်မှာဖြစ်ပါတယ်။

Atlantic Council ကို အတ္တလန်တိတ်သမုဒ္ဒရာ တဖက်တချက်မှာရှိတဲ့ နိုင်ငံတွေအကြား ပူးပေါင်းဆောင်ရွက်မှု နဲ့ အပြည်ပြည် ဆိုင်ရာလုံခြုံရေးတို့ကို တိုးမြှင့်ဆောင်ရွက်နိုင်ဖို့အတွက် ရည်ရွယ်ပြီး ပါတီစွဲမရှိတဲ့အဖွဲ့တဖွဲ့အဖြစ် ၁၉၆၁-၆၂ ခုနှစ်က ဖွဲ့စည်းခဲ့ တာပါ။ ဒေါ်အောင်ဆန်းစုကြည်ဟာ ဇူလိုင်လ ၂၂ ရက်နေ့ကနေ ၂၇ ရက်နေ့အထိ အမေရိကန်ပြည်ထောင်စု၊ ၀ါရှင် တန် ဒီစီမြို့တော်မှာ ကျင်းပမယ့် ၁၅ ကြိမ်မြောက် အေအိုင်ဒီအက်စ်ရောဂါ တိုက်ဖျက်ရေးဆိုင်ရာ နိုင်ငံတကာ ညီလာခံရဲ့ ဇူလိုင်လ ၂၆ ရက်နေ့ အစီအစဉ်တခုမှာလည်း ဗွီဒီယိုကနေတဆင့် မိန့်ခွန်းပြောကြားဖို့ရှိပါတယ်။

စက်တင်ဘာလမှာ ဒေါ်အောင်ဆန်းစုကြည် အမေရိကန်ပြည်ထောင်စုဆီ လာရောက်မယ်ဆိုရင်တော့ ရာစုနှစ်လေးပုံတပုံနီးပါး အတွင်း ပထမဆုံး အမေရိကန်ခရီးစဉ်ဖြစ်ပါလိမ့်မယ်။ ဒီ့မတိုင်ခင်ကတော့ မြန်မာ့ အိမ်နီးချင်း ထိုင်းနိုင်ငံနဲ့ ဥရောပနိုင်ငံတချို့ဆီ ခရီးထွက်ခဲ့ပါသေးတယ်။

မူရင်းသတင်းက ဒီမှာပါ။