ဦးတင်အောင်မြင့်ဦး သတင်း ဂျာနယ်တွေမှာ ရေးသားဖော်ပြခွင့် ပိတ်ပင်

ဒုတိယသမ္မတ သီဟသူရ ဦးတင်အောင်မြင့်ဦး နှုတ်ထွက်စာတင်တဲ့ သတင်းကို ပြည်တွင်းထုတ် ဂျာနယ်တွေမှာ ရေးသားဖော်ပြခွင့် ပိတ်ပင်လိုက်တယ်လို့ သိရပါတယ်။

အခုတစ်ပတ်ထုတ်ဝေမယ့် Venus ဂျာနယ်မှာ ရေးသားထားတဲ့ ဒီသတင်းကို ပုံနှိပ်ထုတ်ဝေရင် အရေးယူခံရ မယ်ဆိုပြီး စာပေစိစစ်ရေးဌာနက ပိတ်ပင်ဟန့်တားလိုက်တာ ဖြစ်တယ်လို့ Venus ဂျာနယ်ရဲ့ တာဝန်ခံ အယ်ဒီတာ ကိုသာလွန်ဇောင်းထက်က RFA ကို ဒီကနေ့ အတည်ပြု ပြောကြားပါတယ်။

ဦးတင်အောင်မြင့်ဦး နှုတ်ထွက်တဲ့သတင်းကို ပြီးခဲ့တဲ့တနင်္လာနေ့ထုတ် Myanmar Post ဂျာနယ်က စာပေစိစစ်ရေးကို မတင်ပြဘဲ ထုတ်ဝေခဲ့တဲ့အတွက် အရေးယူမယ်လို့ စာပေစိစစ်ရေးအာဏာပိုင်တွေက အယ်ဒီတာအဖွဲ့ကို ခေါ်ယူသတိပေးထားကြောင်း သိရပါတယ်။

ဒီအတောအတွင်း သမ္မတဦးသိန်းစိန် ၂၀၁၅ ခုနှစ်နောက်ပိုင်းမှာ အနားယူမယ်ဆိုတဲ့ နိုင်ငံရေးအကြံပေး ဦးကိုကိုလှိုင်ရဲ့ ပြောကြားချက်ကို ကိုးကားပြီး Venus ဂျာနယ်က ဒီကနေ့ ဖော်ပြခဲ့တဲ့အတွက် စာပေ စိစစ်ရေးရုံးက ခံဝန်လက်မှတ်ထိုးဖို့ ဆင့်ခေါ်ထားတယ်လို့ Venus ဂျာနယ် တာဝန်ခံအယ်ဒီတာ ကိုသာလွန်ဇောင်းထက်က ပြောပါတယ်။

ဦးတင်အောင်မြင့်ဦးသတင်းတွေ ရေးသားခွင့် ပိတ်ပင်ထားတဲ့ အခြေအနေတွေနဲ့ပတ်သက်လို့ RFA က စာပေစိစစ်ရေးဌာန တာဝန်ရှိသူတွေ ဆက်သွယ်ခဲ့ပေမယ့် အဆက်အသွယ်မရခဲ့ပါဘူး။

RFA-Burmese

မူရင်းသတင်းက ဒီမှာပါ။

ဒုသမ္မတဦးတင်အောင်မြင့်ဦး နေရာ စစ်တပ်ကပဲပြန်ခန့် ရမယ်

ဒုတိယသမ္မတ-၁ သီဟသူရ ဦးတင်အောင်မြင့်ဦး နှုတ်ထွက်တဲ့ကိစ္စနဲ့ ပတ်သက်ပြီး အခုမေလကုန်မှာ ပြည်ထောင်စုလွှတ်တော်အစည်းအဝေးကို အရေးပေါ် ခေါ်ယူဖို့အာဏာပိုင်တွေက စီစဉ်နေကြောင်း သတင်းတွေ ထွက်ပေါ်နေပါတယ်။

လာလောဆယ်အထိ လွှတ်တော်ကိုယ်စားလှယ်တွေကို တရားဝင်စာနဲ့ အကြောင်းကြားတာ မရှိသေးပေမယ့် ဦးတင်အောင်မြင့်ဦးနှုတ်ထွက်မှု နဲ့ပတ်သက်လို့ ဒီလထဲမှာ အရေးပေါ် လွှတ်တော်ခေါ်ယူဖို့ ဖြစ်နိုင်ချေ များတယ်လို့ အမျိုးသားလွှတ်တော်ကိုယ်စားလှယ် ဦးဖုန်းမြင့်အောင်က ပြောပါတယ်။

ပြည်ထောင်စုလွှတ်တော်အစည်းအရေးကို အရေးပေါ် ခေါ်ယူမယ်ဆိုရင် လွှတ်တော်အမတ်တွေကို ၁၅ ရက် ကြိုတင်အကြောင်းကြားရဖို့ ရှိပါတယ်။ ဒုတိယသမ္မတ-၁ သီဟသူရ ဦးတင်အောင်မြင့်ဦးဟာ တပ်မတော်က တင်မြှောက်တဲ့ကိုယ်စားလှယ်ဖြစ်တဲ့အတွက် လစ်လပ်သွားတဲ့ သူ့နေရာအတွက် တပ်မတော်ကဘဲ ပြန်လည် ခန့်အပ်ရမှာဖြစ်တယ်လို့ သိရပါတယ်။

RFA-Burmese

မူရင်းသတင်းက ဒီမှာပါ။

ဒုတိယသမ္မတ-၁ နှုတ်ထွက်သည့်ကိစ္စ လွှတ်တော်အစည်းအဝေး ခေါ်မည်လို့ သတင်းထွက်ပေါ်

ဒုတိယသမ္မတ-၁ သီဟသူရ ဦးတင်အောင်မြင့်ဦး နှုတ်ထွက်တယ်ဆိုတဲ့ကိစ္စနဲ့ ပတ်သက်ပြီး အခုမေလကုန်မှာ ပြည်ထောင်စုလွှတ်တော် အစည်းအဝေးကို ခေါ်ယူဖို့ အာဏာပိုင်တွေက စီစဉ်နေကြောင်း သတင်းတွေ ထွက်ပေါ်နေပါတယ်။

RFA

ဒုတိယသမ္မတ သီဟသူရ ဦးတင်အောင်မြင့်ဦး (ရှေ့ဝဲဘက်) ဖြစ်ပါသည်။

လောလောဆယ်အထိ လွှတ်တော်ကိုယ်စားလှယ်တွေကို တရားဝင်စာနဲ့ အကြောင်းကြားတာ မရှိသေးပေမယ့် ဦးတင်အောင်မြင့်ဦး နှုတ်ထွက်မှုနဲ့ ပတ်သက်လို့ ဒီလထဲမှာ လွှတ်တော်ခေါ်ယူဖို့ ဖြစ်နိုင်ခြေများတယ်လို့ အမျိုးသားလွှတ်တော် ကိုယ်စားလှယ် ဦးဖုန်းမြင့်အောင်က အခုလို ပြောပါတယ်။

"ကျွန်တော်တို့ အခုလည်းပြောနေပါတယ်။ ကျွန်တော်တို့ ကိုယ်စားလှယ်များ တွေ့နေတုန်းကပေါ့နော်။ ဦးတင်အောင်မြင့်ဦးကိစ္စက နာယက ကပြောလိုက်တာကိုး၊ ကျွန်တော်တို့ ပုံမှန်အစည်းအဝေးက ဇူလိုင်မှ စမှာပါ။ ဒါပေမဲ့ အရေးပေါ်အစည်းအဝေး လုပ်ရင်တော့ လိုအပ်ရင်တော့ ခေါ်မယ်လို့ ပြောပါတယ်။

အခုလို ဒီကြားထဲ ဇူလိုင်မတိုင်ခင် ခေါ်ရင်တော့ အရေးပေါ်အစည်းအဝေး ရှိလို့ပါ။ အခုလောလောဆယ် ဒီမှာကြားနေတာကတော့ ဦးတင်အောင်မြင့်ဦး နှုတ်ထွက်တယ်။ နှုတ်ထွက်တယ် ဆိုရင်ပေါ့နော်၊ ဒါသူ့နှုတ်ထွက်တာနဲ့ ပတ်သက်လို့ ပြည်ထောင်စုလွှတ်တော်က အတည်ပြုပေးဖို့၊ နောက်ပြီးတော့လည်း တပ်မတော်က ဒုတိယ သမ္မတဖြစ်တယ်ဆိုလို့ရှိရင် တပ်မတော်ဘက်ကလည်း လုပ်စရာရှိတာ လုပ်ဖို့လိုပါတယ်။ ဒါက ဒီသတင်းမှန်လိမ့်မယ် ဆိုရင်ပေါ့နော်"

လာမယ့်လွှတ်တော် ပုံမှန်အစည်းအဝေးကို ဇူလိုင်လထဲမှာ ကျင်းပဖို့ စီစဉ်ထားပေမယ့် ဦးတင်အောင်မြင့်ဦး နှုတ်ထွက်မှုနဲ့ ပတ်သက်လို့ ပြည်ထောင်စုလွှတ်တော်ကို အရေးပေါ် ခေါ်ယူမလား၊ အထူးအစည်းအဝေးအဖြစ် ခေါ်ယူမလားဆိုတာ ရှင်းရှင်းလင်းလင်း မသိရသေးဘူးလို့ လွှတ်တော်အမတ်တွေက ပြောပါတယ်။

ဖွဲ့စည်းပုံ အခြေခံဥပဒေအရ ပြည်ထောင်စုလွှတ်တော်ကို အထူးအစည်းအဝေးအဖြစ် ခေါ်ယူမယ်ဆိုရင် လွှတ်တော်ကိုယ်စားလှယ်တွေကို (၁၅) ရက် ကြိုတင်အကြောင်းကြားရမှာ ဖြစ်ပြီး၊ အရေးပေါ် ခေါ်ယူမယ်ဆိုရင်တော့ (၃) ရက် ကြိုတင် အကြောင်းကြားရမှာ ဖြစ်ပါတယ်။

ဒုတိယသမ္မတ-၁ သီဟသူရ ဦးတင်အောင်မြင့်ဦးဟာ တပ်မတော်က တင်မြှောက်တဲ့ ကိုယ်စားလှယ် ဖြစ်တဲ့အတွက် လစ်လပ်သွားတဲ့ သူ့နေရာအတွက် တပ်မတော်ထဲကပဲ ပြန်လည် ရွေးချယ်ခန့်အပ်ရမှာ ဖြစ်ပါတယ်။

မူရင်းသတင်းက ဒီမှာပါ။

ဗိုလ်ချုပ်စောလားပွယ်ကို ဖမ်းဆီးပေးဖို့ ထိုင်းက မြန်မာအစိုးရကို တောင်းဆို

တိုးတက်သော ဗုဒ္ဓဘာသာ ကရင်တပ်မတော် ( ဒီကေဘီအေ ) တပ်ဖွဲ့ ခေါင်းဆောင် ဗိုလ်နှုတ်ခမ်းမွှေး ခေါ် ဗိုလ်ချုပ် စောလားပွယ်ကို ဖမ်းဆီးပေးဖို့ ထိုင်းအစိုးရက မြန်မာအစိုးရကို တောင်းဆိုထားပြီး ဒီကိစ္စအတွက် လိုအပ်ရင် မိမိမြန်မာနိုင်ငံကို သွားရောက်ဆွေးနွေးဖို့ အဆင့်သင့်ရှိကြောင်း ထိုင်း ဒုတိယ ၀န်ကြီးချုပ် Chalerm Yoobumrung က ပြောလိုက်ပါတယ်။

RFA

၂၀၁၂ ခုနှစ် မေလ ၁ ရက်က တိုးတက်သော ဗုဒ္ဓဘာသာ ကရင်တပ်မတော် (DKBA) တပ်ဖွဲ့ ခေါင်းဆောင် ဗိုလ်ချုပ် စောလားပွယ် (အလယ်) သတင်းစာ ရှင်းလင်းပွဲ ပြုလုပ်နေစဉ်။

ပြီးခဲ့တဲ့ ဧပြီလ (၂၀) ရက်နေ့က ထိုင်းအစိုးရက အလိုရှိနေတဲ့ မူးယစ်ရာဇာ (၂၅) ဦးစာရင်းကို ထုတ်ပြန်ခဲ့ရာမှာ ဗိုလ်နှုတ်ခမ်းမွှေးရဲ့ အမည်ပါဝင်နေပြီး ပဉ္စမမြောက် အလိုရှိသူအဖြစ် ဆုငွေ ထိုင်းဘတ်ငွေ တစ်သန်း အထုတ်ခံ ထားရပါတယ်။

တနင်္လာနေ့ကတော့ ထိုင်းမူးယစ်ဆေးဝါး ထိန်းချုပ်ရေးဘုတ်အဖွဲ့ရုံး အထွေထွေ အတွင်းရေးမှူး ရဲတပ်ဖွဲ့ ဗိုလ်ချုပ်ကြီး အဒူ ဆန်ဆင်းကီယိုက မြန်မာနိုင်ငံ ရဲချုပ်ကို ဗိုလ်နှုတ်ခမ်းမွှေး ဖမ်းဆီးရေးအတွက် အကူအညီ တောင်းခံခဲ့ကြောင်း ထိုင်း ဒု ၀န်ကြီးချုပ်က ပြောပါတယ်။

ထိုင်းအစိုးရရဲ့ အလိုရှိသူစာရင်း ထုတ်ပြန်ခဲ့ပြီးတဲ့နောက် ဗိုလ်နှုတ်ခမ်းမွှေးက သတင်းစာရှင်းလင်းပွဲ ကျင်းပပြီး မူးယစ်ဆေးဝါးကိစ္စမှာ မိမိပါဝင်ပတ်သက်ကြောင်း သက်သေအထောက်အထားပြဖို့ တောင်းဆိုခဲ့ပါတယ်။

ထိုင်း ဒုတိယ ၀န်ကြီးချုပ် Chalerm က ပြန်လည်တုံ့ပြန်ခဲ့ရာမှာ - ၂၀၀၃ ခုနှစ်က ဘန်ကောက်မှာ အမျိုးသမီးတစ်ယောက်ကို စိတ်ကြွဆေးပြားပေါင်း (၉) သိန်းနဲ့အတူ ဖမ်းဆီးမိခဲ့ပြီး ပထမ သေဒဏ်ချမှတ်ခဲ့ရာက ထောင်ဒဏ်တစ်သက် ပြောင်းလဲချမှတ်ခဲ့ကြောင်း၊ အဲဒီဆေးပြားတွေဟာ ဗိုလ်နှုတ်ခမ်းမွှေးအတွက် ဖြစ်တယ်လို့ အဲဒီအမျိုးသမီးက ထွက်ဆိုခဲ့ကြောင်း တုံ့ပြန်ပြောဆိုခဲ့ပါတယ်။

ဒီကိစ္စနဲ့ ပတ်သက်ပြီး ဗိုလ်နှုတ်ခမ်းမွှေးခေါ် ဗိုလ်ချုပ်စောလားပွယ်က မေလ (၁၀) ရက်နေ့ မနက်ဖြန်မှာ ဒုတိယအကြိမ် သတင်းစာရှင်းလင်းပွဲ ခေါ်ယူထားပါတယ်။

မူရင်းသတင်းက ဒီမှာပါ။

ဖြိုးဝေအောင် သေဒဏ်ချခံရမှု ကုလ အထူးကိုယ်စားလှယ် ပြစ်တင်

၂၀၁၀ ခုနှစ်တုန်းက ရန်ကုန်သင်္ကြန်ဗုံးခွဲမှုနဲ့ဆက်စပ်ပြီး သင်္ကာမကင်းဖမ်းဆီးခံထားရသူ ဖြိုးဝေအောင် သေ ဒဏ် အပြစ်ချမှတ်လိုက်တဲ့ စီရင်ချက်ကိုကြည့်ရင် မြန်မာနိုင်ငံတွင်း တရားစီရင်ရေးပိုင်းကို အရေးတကြီး ပြုပြင်ပြောင်းလဲမှုတွေ လုပ်ဖို့လိုနေပြီဆိုတာ ပြသ လိုက်တာဖြစ်တယ်လို့ ကုလသမဂ္ဂ ရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် သောမတ်အိုဟေး ကင်တာနားက ပြောပါ တယ်။ မြန်မာနိုင်ငံထဲမှာ ကျန်နေသေးတဲ့ နိုင်ငံရေးအကျဉ်းသားတွေကိစ္စကို မမေ့ကြဖို့လည်း သူက တိုက်တွန်းပါတယ်။ ဒီအကြောင်းကိုသားညွန့်ဦးက ဆက်သွယ်မေးမြန်းထားပါတယ်။

ထိုင်းအခြေစိုက် နိုင်ငံရေးအကျဉ်းသားများကူညီစောင့်ရှောက်ရေးအသင်းရဲ့ စာရင်းမှာ နိုင်ငံရေး အကျဉ်းသား အဖြစ် သတ်မှတ်ထားခံရတဲ့ ဖြိုးဝေအောင်ရဲ့အမှုကို တရားစီရင်ရာမှာ လွတ်လပ်မှု၊ ပွင့်လင်းမှု မရှိသလို တရားခံဘက်က ချေပပြောဆိုနိုင်တဲ့ အခွင့်အလမ်းတွေလည်း ဆုံးရှုံးခဲ့တယ်လို့ လူ့အခွင့်အရေး လှုပ်ရှားသူတွေ၊ ရှေ့နေတွေက ပြောပါတယ်။ ဖြိုးဝေအောင်အမှုကို နှစ်နှစ်ကြာ အင်းစိန်အကျဉ်းထောင် အတွင်းမှာပဲ စစ်ဆေးခဲ့တာပါ။ ဖြိုးဝေအောင်ကို အခု သေဒဏ်ချမှတ် လိုက်တာကိုကြည့်မယ် ဆိုရင် မြန်မာနိုင်ငံ တရားရေးစနစ်ရဲ့ လိုအပ်ချက်တွေကို တွေ့ရမယ်လို့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် သောမတ် အိုဟေးကင်တားနားက ပြောပါတယ်။

“မြန်မာနိုင်ငံတွင်း တရားဥပဒေပိုင်းဆိုင်ရာနဲ့ တရားစီရင်မှုဆိုင်ရာ ပြုပြင်ပြောင်းလဲမှုတွေ၊ အရေးတကြီး ဆောင်ရွက်ဖို့ လိုနေပြီဆိုတာကို အခိုင်အမာပြလိုက်တဲ့ ဖြစ်ရပ်ပါပဲ။ တရားစီရင်ရေးပိုင်း ဆိုင်ရာမှာ လွတ်လပ်မှုမရှိဘူး၊ လူ့အခွင့်အရေးစံနှုန်းစံထားတွေနဲ့ ကိုက်ညီမှု မရှိဘူးဆိုတာ ကိုလည်း ပြသလိုက်တာပါ။”

သေဒဏ်ပြစ်ဒဏ်ကို နိုင်ငံအတော်များများမှာ ဖျက်သိမ်းလိုက်ပြီး နိုင်ငံတကာဥပဒေအရ ဆိုရင်လည်း သေဒဏ်ပြစ်ဒဏ်ဆိုတာ မရှိပါဘူး။ မြန်မာနိုင်ငံမှာတော့ သေဒဏ်ပြစ်ဒဏ်ရှိပေမယ့် တကယ်တမ်း သေဒဏ် လက်တွေ့အပြစ်ပေးတာမျိုး ၁၉၈၈ ကစပြီး စစ်အစိုးရလက်ထက်တွေမှာ မလုပ်ခဲ့ ပါဘူး။ အခု ဖြိုးဝေအောင်အမှုကို တရားစစ်ဆေးရာမှာ ပြီးပြည့်စုံမှုမရှိဘဲ တရားရေးဆိုင်ရာ လိုအပ်ချက်တွေ ရှိတဲ့အကြောင်း အာရှ လူ့အခွင့်အရေးကော်မရှင် ရှေ့နေ ဦးမင်းလွင်ဦးကလည်း ပြောပါတယ်။

"၂ နှစ်ကြာ စစ်ဆေးစီရင်မှုတွေလုပ်တဲ့အခါမှာ- တရားသူကြီးလေးဦးပေါ့နော်၊ အခုနောက်ဆုံး ဦးအောင်သိန်း လက်ထက်မှာဆိုရင် တရားသူကြီးလေးဦးမြောက်ဖြစ်တယ်၊ ဦးအောင်သိန်း ကတော့ ပြန်ခေါ်သက်သေတွေ စစ်ဆေးတဲ့အဆင့်မှာမှ ရောက်လာတဲ့တရားသူကြီးဖြစ်တယ်။ ထိုနည်းတူစွာပဲ တရားသူကြီးလေးဦးပြောင်းသလို ဥပဒေအရာရှိကလည်း ငါးဦးတိတိပြောင်းခဲ့တယ်လို့ ကျနော်တို့ မှတ်တမ်းတွေအရ သိရတယ်။ အမှုကို လိုက်ပါဆောင်ရွက်တဲ့ နိုင်ငံတော်ဘက်က တရားသူကြီးတွေနဲ့ ဥပဒေအရာရှိတွေက ဒီအမှုကို ကြေကြေညက်ညက် အစအဆုံးသိထားခြင်းမရှိဘဲနဲ့ အခုလိုမျိုး စစ်ဆေးစီရင် ဆုံးဖြတ်ခြင်းပြုတယ်လို့ ကျနော်တို့အနေနဲ့ ပြောလို့ရတယ်။ ဒါကလည်း မြန်မာနိုင်ငံရဲ့ လက်ရှိ တရားစီရင်ရေးစနစ်မှာ လုံးဝအားနည်းနေတဲ့ အားနည်းချက်တခု ကို ထောက်ပြ လိုက်သလို ဖြစ်နေတယ်လို့ပဲ ကျနော်တို့ ပြောချင်ပါတယ်။"

ဖြိုးဝေအောင်ရဲ့ ကျန်းမာရေးအခြေအနေစိုးရိမ်ရတယ်ဆိုတဲ့ သတင်းအချက်အလက်ကြောင့် မစ္စတာ ကင်တာနား အနေနဲ့ မြန်မာအာဏာပိုင်တွေနဲ့ ဒီ ကျန်းမာရေးကိစ္စ အပေါ် မေးမြန်းဆွေးနွေး ထားတယ် လို့လည်း မစ္စတာကင်တာနားက ပြောပါတယ်။

တချိန်တည်းမှာပဲ မြန်မာနိုင်ငံတွင်း ကျန်နေသေးတဲ့ နိုင်ငံရေးအကျဉ်းသားတွေ ကိစ္စကို နိုင်ငံတကာ က မေ့ပျောက်နေကြတဲ့အပေါ်မှာ စိုးရိမ်မိတယ်လို့လည်း မစ္စတာကင်တာနားက ပြောပါတယ်။

“ခေါင်းဆောင်ပိုင်းတွေနဲ့ အဓိကအရေးပါသူတွေရဲ့ အခု မြန်မာ့အရေး ဆွေးနွေး တိုင်ပင်ပြောဆိုကြရာ မှာ နိုင်ငံရေးအကျဉ်းသားကိစ္စ မတွေ့ရတော့တာကို ကျနော် အင်မတန် စိုးရိမ်မိပါတယ်။ ကျန်နေသေးတဲ့ နိုင်ငံရေးအကျဉ်းသားတွေကိစ္စ အရေးပါမှုကို မြန်မာအစိုးရတင် မကဘူး၊ နိုင်ငံတကာ ကပါ ဘေးဖယ်ထားနေကြပါတယ်။ တကယ်က အကျဉ်းထောင်တွေထဲမှာ နိုင်ငံရေးအကျဉ်းသားရာနဲ့ချီ ကျန်ရှိနေသေးတဲ့ကိစ္စကို ဝေဖန်ပြောဆိုကြစေချင်ပါတယ်။ မြန်မာနိုင်ငံနဲ့ပတ်သက်လို့ နှစ်နိုင်ငံချင်းကိစ္စရပ်ပဲဖြစ်ဖြစ်၊ နိုင်ငံတကာက ပူးပေါင်းဆောင်ရွက်ကြတဲ့ ကိစ္စမှာပဲဖြစ်ဖြစ် နိုင်ငံရေးအကျဉ်းသားကိစ္စဟာ အရေးတကြီး ပါဝင်ဆွေးနွေး သင့်ပါတယ်။ ဒါကြောင့် ကျန်နေတဲ့ နိုင်ငံရေးအကျဉ်းသားတွေကို မမေ့ကျဖို့ မြန်မာအစိုးရ အပြင် နိုင်ငံ တကာကိုပါ တိုက်တွန်းချင်ပါတယ်။”

မြန်မာနိုင်ငံတွင်း ဗုံးခွဲမှုတွေနဲ့ အကြမ်းဖက်မှုတွေအပါအ၀င် နိုင်ငံရေးနဲ့ ဆက်စပ်တဲ့အမှုတွေကို တရားစီရင် ရာမှာ လွတ်လပ်မှုမရှိသလို ခိုင်လုံတဲ့အထောက်အထားတွေ မရှိဘဲ တရားစီရင်မှုတွေ ရှိခဲ့တယ်လို့ လူ့အခွင့် အရေးလှုပ်ရှားသူတွေက အရင်ကတည်းက ဝေဖန်ခဲ့တာပါ။ နိုင်ငံတွင်း အကြမ်းဖက်မှုတွေ ဗုံးကွဲမှုတွေဖြစ် တိုင်းလည်း အတိုက်အခံ လက်နက်ကိုင်တွေလက်ချက်လို့ အာဏာပိုင်တွေက ပြောပေမယ့် စွပ်စွဲခံရသူတွေ ကလည်း ဒါကို ငြင်းဆိုလေ့ရှိတတ်ပါတယ်။ ဒီအပေါ်မှာ မျှတတဲ့တရားစီရင်မှု၊ လွတ်လပ်ပွင့်လင်းတဲ့ တရား စီရင်မှု မရှိဘူးလို့ လူ့အခွင့်အရေးအဖွဲ့တွေကလည်း တဘက်မှာ ဝေဖန်နေကြပါတယ်ခင်ဗျာ။

မူရင်းသတင်းက ဒီမှာပါ။

ဖြိုးဝေအောင်ကို သေဒဏ်ချမှတ်

လူ အနည်းဆုံး ၁၀ဦးသေဆုံးပြီးတော့ လူ ၁၆၀ကျေုာ် ဒဏ်ရာရရှိခဲ့တဲ့ ရန်ကုန် ကန်တော်ကြီးအနီး x2o ရေကစားမဏ္ဍပ်မှာ ဧပြီလ ၁၅ရက် သင်္ကြန် အကြတ်နေ့က ဗုံးပေါက်ကွဲခဲ့တဲ့ဖြစ်ရပ်နဲ့ ပတ်သက်ပြီး ဖမ်းဆီးထားတဲ့ နိုင်ငံရေး အကျဉ်းသား ကိုဖြိုးဝေအောင်ကို အင်းစိန်ထောင်တွင်း ရန်ကုန် မြောက်ပိုင်း ခရိုင် အထူးတရားရုံးကနေ ဒီကနေ့ သေဒဏ် ချမှတ် ခဲ့ပါတယ်။ ဒီဆုံးဖြတ်ချက်အပေါ် သူ့ရှေ့နေနဲ့ လူ့အခွင့်အရေးအဖွဲ့တွေက ဘယ်လို တုံ့ပြန်ခဲ့ပါသလဲ။ အသေးစိတ်ကို ဆက်သွယ်မေးမြန်းထားတဲ့ မအေးအေးမာ က ပြောပြပါမယ်။

××××××

နိုင်ငံရေးအကျဉ်းသား ကိုဖြိုးဝေအောင်ဟာ ၂၀၁၀ခုနှစ် ဧပြီလမှာ ဖမ်ဆီး ခံခဲ့ ရပြီး သူ့ကို ၂နှစ်ကျော်ကြာ စစ်ဆေးနေရာကနေ မေလ ၈ရက်နေ့မှာ အင်းစိန် ထောင်တွင်းမှာ ဖွင့်ထားတဲ့ ရန်ကုန်မြောက်ပိုင်းခရိုင် အထူးတရားရုံး ကနေ သေဒဏ်ချမှတ်ခံခဲ့ရတာပါ။

သူ့အမှုကို လိုက်ပါဆောင်ရွက်ပေးနေတဲ့ရှေ့နေကြီး ဦးကျော်ဟိုး ပြောပြ တာက “ အမှုလေးခုမှာ ပထမ တမှုမှာ ပုဒ်မ ၃ခုနဲ့ စွဲချက်တင်ထားတယ်။ အဲဒီထဲမှာ ပထမ ပုဒ်မ ၃၀၂-၁(ခ) က ကြိုတင်ကြံစည်မှုနဲ့ သတ်တာကို အားပေးတယ် ဆိုပြီးတော့ သေဒဏ်ပေးထားတယ်။ ဒုတိယပုဒ်မ ၃၂၆/၁၂၄ ဆိုတာက ထိခိုက်နာကျင်စေအောင် ပြုလုပ်တာကို အားပေးတယ်ဆိုပြီးတော့ ထောင် ဒဏ် ၁၀နှစ်၊ တတိယပုဒ်မက ၃၂၄/၁၂၄ဆိုပြီး သာမန် နာကျင်စေမှု ပေါ့၊ သာမန်နာကျင်စေမှုကို ကျူးလွန်တယ်ဆိုပြီးတော့ အဲဒါနဲ့ ထောင်ဒဏ် ၃နှစ်။ အဲဒါက ပထမအမှုအတွက် ပြစ်ဒဏ် ၃ခုပေါ့။ နောက်တမှုက ဖောက်ခွဲပုဒ်မ ၃/၆ က ဖောက်ခွဲမှုကို အားပေးကူညီတယ်ဆိုပြီးတော့ ထောင်ဒဏ်က တသက် တကျွန်းပေါ့။ နောက်တမှုမှာ မတရားအသင်း ဆက်သွယ်တယ် ဆိုပြီး ပုဒ်မ ၁၇/၁ နဲ့ ထောင်ဒဏ် နှစ် ၃၀၊ နောက်တမှုက နိုင်ငံတွင်းကို တရားမ၀င် ၀င်ရောက်ပြီးတော့ လူဝင်မှု ကြီးကြပ်ရေးရဲ့ အရေးပေါ် ကန့်သတ်ချက်အရ ထောင်ဒဏ် ၃ နှစ်၊ ဒီ လေးမှုကို တပေါင်းတည်းချတယ်။ သေဒဏ်ချလိုက်တယ်”

ကိုဖြိုဝေအောင်ကို ညှင်းပမ်းနှိပ်စက်ပြီး ဖြောင့်ချက်ပေးခိုင်းခဲ့တာကြောင့် ဥပဒေနဲ့ မညီသလို သေဒဏ်စီရင်မူဟာ တရားမျှတမူမရှိဘူး လို့လည်း ရှေ့နေဖြစ်သူက ပြောပါတယ်။ “ပြီးခဲ့တဲ့ နှစ်ပတ်က ကျနော်တို့ဘက်က အပြီးသတ်လျှောက်လဲချက် ပေးတဲ့ အချိန်မှာ ဒီအမှုက မမှန်ဘူး။ ညှင်းပမ်းနှိပ်စက်လို့ ဖြောင့်ချက်ပေးခိုင်းလို့ ပေးရတဲ့အမှုပေါ့။ အဲဒါကြောင့် လွှတ်ပေးပါလို့ ကျနော်တို့က အချက်အလက် တွေ အများကြီး တင်ပြခဲ့ပါတယ်။ အဲဒီတုန်းက တဘက်က ဥပဒေအရာရှိက ကျနော်တို့ တင်ပြတဲ့ အချက်အလက်တွေကို ဘာမှလည်း မချေပနိုင်ဘူး။ ချေလည်း မချေပဘူး။ လျှောက်လဲချက်ကို စာနဲ့ ရေးတင်တယ်ဆိုပြီးတော့ ပြောတယ်။ ကျနော်တို့ တင်ပြခဲ့တဲ့အပေါ်မှာ တရားရုံးက လက်ခံတဲ့ သဘော ပေါ့။ ဒါနဲ့ ပတ်သက်လို့ အယူခံ ထပ်တက်ဖို့ပဲ ကျနော်တို့က စီစဉ်ရမှာပေါ့” ကိုဖြိုးဝေအောင်ကို သေဒဏ်ချမှတ်ခြင်းမှာ ပြင်းထန်လွန်းကြောင်း သူ ပြန်လည် လွတ်မြောက်လာရေးအတွက် ကြိုးပမ်းတဲ့အခါမှာ နိုင်ငံရေး အခြေအနေပေါ် မူတည်နေတဲ့အကြောင်း နိုင်ငံရေးအကျဉ်းသားများ ကူညီ စောင့်ရှောက်ရေးအသင်းရဲ့ တွဲဘက် အတွင်းရေးမှူး ကိုဘိုကြည်ကလည်း ပြောပါတယ်။

“သေဒဏ်ချတယ်ဆိုတာဟာ တကယ်ကို ပြင်းထန်တဲ့ ပြစ်ဒဏ်ပါ။ တကယ် တမ်းကျတော့ သူက မျှတတဲ့ တရားစီရင်မှုကို မရဘူး။ ဖမ်းဆီးပြီးပြီးချင်းမှာ လည်း လူမဆန်စွာ နှိပ်စက်ခံရတယ်။ ခုက ကျန်းမာရေးလည်း မကောင်းဘူး။ ကျန်းမာရေး သေချာ စောင့်ရှောက်ပေးတာလည်း မရှိဘူး။ ဒါဟာ မျှတတဲ့ တရားစီရင်မှုကို မရဘူးလို့ပဲ ကျနော်တို့ ပြောရမှာပါ။ ကိုဖြိုးဝေအောင် ကိစ္စ တင် မကပါဘူး၊ တခြား နိုင်ငံရေးအကျဉ်းသားတွေရဲ့ ကိစ္စတွေကိုလည်း လွတ်မြောက်ဖို့အတွက် နိုင်ငံတကာကိုလည်း ကျနော်တို့ တိုက်တွန်းနေတာ ရှိပါတယ်။ နောက် ပြည်တွင်းမှာ ရှိနေတဲ့ နိုင်ငံရေးအကျဉ်းသားဟောင်းတွေ နဲ့ တခြား နိုင်ငံရေးပါတီ အသီးသီးက ခေါင်းဆောင်တွေကလည်း နိုင်ငံရေး အကျဉ်းသား တွေ လွတ်မြောက်ရေးကိစ္စ ဆက်ကြိုးစားဖို့ ရှိပါတယ်။ သူတို့ကို ဖမ်းတယ်ဆိုတာက နိုင်ငံရေးအရ ဖမ်းတာ ဖြစ်တဲ့အတွက် နိုင်ငံရေးအခြေနေပေါ် မူတည်ပြီးတော့ အပြီးသတ်မှာတော့ ပြန်လွတ်လာမယ်လို့ ကျနော်တို့ မျှော်လင့်ပါတယ်”

အာရှ လူအခွင့်ရေးကော်မရှင်ကလည်း နိုင်ငံရေးအကျဉ်းသား ကိုဖြိုးဝေအောင် အမှုနဲ့ ပတ်သက်ပြီး တရားစီရင်မှုဟာ မျှတတဲ့စီရင်မူ မဟုတ်ဘူးလို့ ပြောခဲ့ပါတယ်။

ကိုဖြိုးဝေအောင်ဟာ ဆောက်လုပ်ရေးအင်ဂျင်နီယာတဦးဖြစ်ပြီး နိုင်ငံရေး ထဲမှာ ထဲထဲဝင်ဝင် လှုပ်ရှားဆောင်ရွက်သူ တဦးလည်း မဟုတ်ခဲ့ပါဘူး။ အခင်း ဖြစ်ပွားချိန်မှာလည်း သူဟာ သူရဲ့ အလုပ်ခွင်ထဲမှာပဲ ရှိနေပြီး ဒီပေါက်ကွဲမှုဟာ သူနဲ့ မပတ်သက်တဲ့အကြောင်း ငြင်းဆိုထားပါတယ်။

အခုလက်ရှိမှာတောာ့ အသည်းရောဂါဝေဒနာ ခံစားနေရပြီး အပြင်ကို ထုတ်ပြီး ဆေးကုသခွင့် မရသေးဘူးလို့လည်း မိသားစုက ပြောပါတယ်။

မူရင်းသတင်းက ဒီမှာပါ။

ဒုတိယသမ္မတ သီဟသူရ ဦးတင်အောင်မြင့်ဦး ဘာလို့နှုတ်ထွက်သလဲ

ဒုတိယသမ္မတ သီဟသူရ ဦးတင်အောင်မြင့်ဦးသည် မေလ (၃)ရက်နေ့က နှုတ်ထွက်စာတင်ကြောင်း သတင်းများ ပလူပျံအောင်ထွက်ပေါ်လာခဲ့ပါတယ်။ ကျန်းမာရေးကြောင့် နှုတ်ထွက်တယ်လို့ပြောသူက ပြောကြ တယ်။ တကယ်လို့ ကျန်းမာရေးကြောင့်နှုတ်ထွက်တယ်ဆိုရင်လည်း ကျေကျေလည်လည် ပွင့်ပွင့်လင်းလင်း ပြောပြပြီးမှ နှုတ်ထွက်သင့်တယ်လို့ ပြောရမှာဖြစ်ပါတယ်။ အခုတော့ ကျန်းမာရေးကြောင့်လို့ပဲဆိုပါတယ်။ လည်းပင်းက၊ အူလမ်းကြောင်းကဖြစ်လို့ဆိုပြီးတော့ လူချင်းလည်းအတွေ့မခံ၊ အပြောမခံ၊ ဖုန်းဆက်လို့ လည်းမရ၊ နှုတ်ထွက်စာတင်တယ်လို့သာ ပြောသံကြားရပါတယ်။ ကျန်းမာရေးအရဆိုရင် တစ်ဦးနှင့်တစ်ဦး ကျေကျေလည်လည်ပြောပြကြရမှာဖြစ်ပါတယ်။ တကယ် ကျန်းမာရေးအရ တာဝန်ထမ်းဆောင်နိုင်ခြင်းမရှိ ကြောင်း ပြောဆိုသံ၊ ဆရာဝန်၏မှတ်ချက်ပြသံမကြားရ၍ ထူးဆန်းအံ့သြဖွယ်ကောင်းနေပါတယ်။ သို့သော်လည်း မပြေးသော်ကန်ရာရှိဆိုသလို အခြားအကြောင်းများရှိနေမည်မှာ ဧကန်မလွဲပါ။

ထိုအကြောင်းများက အဘယ်နည်း။

ရုတ်တရက်ချက်ချင်း စေ့ဆော်တိုက်တွန်းလိုက်သောအချက်လည်း ရှိလိမ့်မည်။ အချိန်အတန်ကြာ ကပင် မခံမရပ်နိုင်၊ မကျေလည်သောကိစ္စများလည်းရှိမည်ဟု ထင်ပါတယ်။ ချက်ချင်းလက်ငင်းပြဿနာကတော့ အခြားအကြောင်းမဟုတ်ပေ။ ငြိ်မ်းချမ်းရေးဖော်ဆောင်ရေးအဖွဲ့အသစ် ပြန်လည်ဖွဲ့စည်းခြင်းပင်ဖြစ်လိမ့်မည်။ ငြိမ်းချမ်းရေးဆွေးနွေးမည့်အဖွဲ့ကို ပြန်လည်ဖွဲ့စည်းရာတွင် ဒုတိယသမ္မတ ဒေါက်တာ စိုင်းမောက်ခမ်းကို တာဝန်ပေးမည်ဆိုသောသတင်းများ ထွက်ပေါ်နေပါတယ်။ ပြီးတော့ ပြည်ထောင်စုဝန်ကြီးများ၊ အချို့သော လွှတ်တော်ကိုယ်စားလှယ်များ၊ အချို့သော တိုင်းရင်းသားများ၊ အချို့သော ပညာရှင်များပါဝင်မည်ဟု ကြားသိ ရပါတယ်။ သို့ရာတွင် ဗိုလ်ချုပ်ကြီးဟောင်း သီဟသူရဘွဲ့ရရှိသော ဦးတင်အောင်မြင့်ဦးအား အဖွဲ့တွင် ထည့်သွင်းရွေးချယ်ခြင်းမရှိပါ။ တာဝန်မပေးပါ။

ဤရွေးချယ်မှုသည် ဦးတင်အောင်မြင့်ဦးနှုတ်ထွက်ရန် စေ့ဆော်တိုက်တွန်းလိုက်သောအချက်ဖြစ်နေ မလားလို့တောင် သံသယဖြစ်နေမိပါတယ်။ ဒေါက်တာ စိုင်းမောက်ခမ်းသည် ဒုတိယသမ္မတဖြစ်သည်။ ရှမ်း တိုင်းရင်းသားလူမျိုးဖြစ်သည်။ စစ်ရေးစစ်ရာအတွေ့အကြုံမရှိ၊ နယ်မြေတိုင်းလည်းကျွမ်းကျင်သူမဟုတ်၊ လက်နက်ကိုင်တိုင်းရင်းသားများအားလုံးနှင့်လည်း ထိတွေ့ဖူးခြင်းမရှိ။ ကိုယ်တိုင်အတွေ့အကြုံမရှိ၊ ကြားဖူး နားဝသာရှိကောင်းရှိမည်။ ရှေ့ကြောင်း နောက်ကြောင်း၊ နိုင်ငံရေးကျွမ်းကျင်မှုလည်း အားနည်းသေးသည်ဖြစ်၍ ဒုတိယသမ္မတ (၁)ကို တာဝန်ပေးရွေးချယ်ရန် မသင့်တော်ဘူးလားလို့ စဉ်းစားစရာဖြစ်လာပါတယ်။ ဒုတိယ သမ္မတ (၁)နဲ့ (၂)သည် ဤကိစ္စအပေါ်မှာ ဆောင်ရွက်နိုင်စွမ်း၊ ကျွမ်းကျင်မှု၊ သင့်တော်မှု များစွာကွာခြား ပါလျက် တာဝန်ပေးသင့်သူကို မပေးဘဲ၊ ဖြစ်ပေါ်လာသောအစီအစဉ်သည် ပြဿနာဖန်တီးရာမရောက်ပေ ဘူးလား။ ဤအစီအစဉ်သည် သမ္မတ၏ကိုယ်ပိုင်အယူအဆပဲလား။ ၀ိုင်းဝန်းစေ့ဆော်တိုက်တွန်းမှုကြောင့်ပဲလား။ ကာလအတန်ကြာကမကျေလည်မှုများလား။ ရှစ်လုံးလို့နာမည်ကြီးခဲ့သော သီဟသူရ ဦးတင်အောင်မြင့်ဦးအား နယက အစိုးရလက်ထက် အတွင်းရေးမှူးဘ၀ကတည်းက လုပ်ကိုင်ခွင့်အများဆုံးရရှိထားသော လူပုဂ္ဂိုလ်အနေဖြင့် ကျော်ကြားခဲ့သည်။ ၀န်ကြီးဌာနများကိုလည်းပဲ အတော်တင်းတင်းကြပ်ကြပ်ဖြင့် အမုန်းခံ၍ စီမံဆက်ဆံခဲ့သူအဖြစ်လည်း နာမည် ကြီးခဲ့သည်။ ၀န်ကြီးများနှင့်လည်း အဆင်မပြေမှုအလွန်များခဲ့သည်။ အချို့ဝန်ကြီးများဆိုလျှင် ဖြစ်လေရာဘ၀ သူ(ဦးတင်အောင်မြင့်ဦး)နဲ့ မတွေ့ရပါစေနဲ့၊ မကြုံရပါစေနဲ့၊ သူရှိတဲ့နေရာလည်းမရောက်ရပါစေနဲ့၊ ကိုယ်ရှိတဲ့ နေရာလည်းပဲ သူမရောက်လာပါစေနဲ့လို့ ဆုတောင်းဆန္ဒပြုခဲ့ဝန်ကြီးများလည်း ရှိခဲ့ပါတယ်။ ထိုဝန်ကြီးများ ထဲတွင် -

(၁) ဦးအောင်မင်း (ယခု မီးရထားဝန်ကြီး)
(၂) ဦးစိုးသိန်း (ယခု စက်မှုဝန်ကြီး)
(၃) ဦးဇော်မင်း (ယခု လျှပ်စစ် ၁ ၀န်ကြီး)
(၄) ဦးခင်မောင်မြင့် (ယခု ဆောက်လုပ်ရေးဝန်ကြီး) တို့သည်
အခံစားရဆုံးဖြစ်ပြီး အကြိမ်ကြိမ်ဆုတောင်းသူများဖြစ်ကြသည်။

ဦးသိန်းစိန်အစိုးရဖွဲ့စည်းပြီးသည့်အခါ ပွင့်လင်းလာမှု၊ အရှိန်အ၀ါနည်းလာမှုကြောင့် ဆက်လက်တာဝန် ထမ်းဆောင်ခွင့်ရကြသောဝန်ကြီးများသည် ရှစ်လုံးခေါ် ဦးတင်အောင်မြင့်ဦးကို မထေမဲ့မြင်ပြုလာကြသည်။ ယခင်က မလုပ်ရဲခဲ့ဖူးသော မလေးမစာလုပ်မှုများ ပြုလုပ်လာကြသည်။ အာခံလာကြသည်။ ရှစ်လုံးပြောသမျှ အမိန့်ကို မတရား၊ မမှန်ကန်ဟုယူဆလာကြသည်။ ရှစ်လုံးအမိန့်သာနာခံရရင်၊ ရှစ်လုံးနဲ့သာ အလုပ်လုပ်နေရ မယ်ဆိုရင် ဆက်မလုပ်တော့ဘဲ ၀န်ကြီးတာဝန်မှအငြိမ်းစားယူမည်၊ ထွက်စာအဆင်သင့်ရေးထားသည်၊ အိတ်ကပ်ထဲမှာထွက်စာပါသည်ဟု သမ္မတကို အကြိမ်ကြိမ် ချွဲပြသည်၊ နွဲ့ပြသည်၊ ခြိမ်းခြောက်ပြသည်၊ ကြိမ်ဖန် များလာတော့ သမ္မတက သနားလာသည်။ လက်ခံယုံကြည်လာသည်။ သူ့ရဲ့ ယုံကြည်ရသောပုဂ္ဂိုလ်များ ဖြစ်လာပြီဟုသတ်မှတ်လာသည်။ အားကိုးလာသည်။ ဤတွင် ထိုဝန်ကြီးများ၏အကွက်ထဲကို သမ္မတကျင်လည် ရတော့သည်။ ထိုဝန်ကြီးများသည် သမ္မတကို ပြောချင်သလိုပြောလို့ရနေပြီး ပိုင်နိုင်လာသဖြင့် ဒုတိယသမ္မတကို လုံးဝအရေးစိုက်ခြင်းမရှိတော့ပေ။

စက်တင်ဘာမတိုင်မီက ဒုတိယသမ္မတ ရှစ်လုံးရဲ့စက်ကွင်းကလွတ်ကင်းအောင် ရုံးထွက်လာခဲ့ ကြသည်။ စက်တင်ဘာနောက်ပိုင်းမှာ သမ္မတ၏အရိပ်အာဝါသအောက်မှာ ကောင်းကောင်းမွန်မွန်ခိုလှုံနိုင် ခဲ့ကြသည်မှစ၍ ဒုတိယသမ္မတ၏လမ်းညွှန်ချက်၊ တာဝန်ပေးချက်တို့ကို ဘေးဖယ်ထားလိုက်ကြသည်။ အလေး ဂရုမပြုတော့ချေ။ အထူးသဖြင့် ၀န်ကြီး အောင်မင်းနဲ့ စိုးသိန်းတို့သည် ဒုတိယသမ္မတကို လုံးဝဂရုမစိုက်၊ ရှိလေသည်တောင်မထင်တော့ပေ။ အရာရာမှာ ရှစ်လုံး ဒုတိယသမ္မတကို ဘေးဖယ်ထားရေး၊ အရေးမပါရေး၊ တာဝန်မပေးရေးကိုသာ ကြိုးပမ်းအားထုတ်တော့သည်။ သမ္မတသည်လည်းပဲ ရိုးသားသည်ဖြစ်သော်ငြားလည်း ၎င်းတို့ (၂)ဦး၏ အစီအမံအတိုင်း မလွဲမသွေလိုက်ခဲ့ရပေတော့သည်။ ဤကဲ့သို့သောဖြစ်ရပ်များစွာတို့သည် ၂၀၁၁ တစ်ခုလုံးမှာ ကြိမ်ဖန်များစွာပေါ်ပေါက်ခဲ့၍ သံမဏိကဲ့သို့ နာမည်ကြီးခဲ့သော ရှစ်လုံးသည်လည်း အရည် ဘ၀ ကူးပြောင်းရတော့သည်။

ဤအကြမ်းဖျဉ်းအခြေအနေကိုကြည့်ရင်ကိုပဲ အစိုးရအဖွဲ့အတွင်းမှာ မညီညွတ်မှုတွေရှိနေသည်။ ဂိုဏ်း ဂဏတွေကွဲနေသည်။ မီဒီယာအမျိုးမျိုးကလည်း သတင်းတွေရေး၊ ဝေဖန်သံတွေထွက်ပေါ်လာခဲ့သည်မှာ အခု ဒုတိယသမ္မတ(၁) နှုတ်ထွက်စာတင်သည့်အခြေအနေက အဖြေပေးလိုက်ပါပြီ။