နိုင်ငံသားတိုင်း၏ တာဝန်၊ နိုင်ငံသားတိုင်း၏ အခွင့်အရေး(ငါးမင်းဆွေ)

ဆောင်းပါးရှင် ငါးမင်းဆွေရေးသားပြီး ကိုယ်တိုင်ဖြန့်ဝေလျက်ရှိသော ဆောင်းပါးဖြစ်ပါသည်။

CRPP အမည်သစ်၊ ရည်ရွယ်ချက်သစ်ဖြင့် ဧပြီမှာ ပြန်ဖွဲ့မည်

ပြည်သူ့လွှတ်တော် ကိုယ်စားပြု ကော်မတီ (CRPP) ကို ဧပြီလတွင် ပြန်လည် ဖွဲ့စည်းပြီး ၂ဝဝ၈ အခြေခံဥပဒေ ပြုပြင်ရေးနှင့် တန်းတူ အခွင့်အရေးများ အတွက် ဆက်လက် ဆောင်ရွက်သွားမည် ဖြစ်ကြောင်း အထွေထွေ အတွင်းရေးမှူး ဦးအေးသာအောင်က မဇ္ဈိမကို ပြောသည်။

“အမြင်သစ်၊ ရည်ရွယ်ချက် အသစ်နဲ့ သွားမယ်ဆိုတာ ဆုံးဖြတ်ပြီးပြီ။ လွှတ်တော် ပေါ်ပေါက်ရေး၊ ၉၀ ရလဒ် အကောင်အထည်ဖော်ရေး ဆိုတဲ့ ရည်ရွယ်ချက်တွေက လက်ရှိအခြေအနေနဲ့ မကိုက်ညီတော့ဘူးလေ။ ပြောင်းလဲ ဖွဲ့စည်းတဲ့အခါမှာ ဘယ်သူတွေနဲ့ ဖွဲ့မလဲဆိုတာတော့ မဆုံးဖြတ်ရသေးပါဘူး။ အထူးသဖြင့် NLD နဲ့ အရင် CRPP အဖွဲ့မှာ ပါခဲ့တဲ့ တိုင်းရင်းသား ပါတီတွေနဲ့ ဖွဲ့ဖို့ရှိပါတယ်” ဟု ပြောသည်။

CRPP အား ၁၉၉ဝ ရွေးကောက်ပွဲတွင် အနိုင်ရရှိခဲ့သော NLD နှင့် အခြား တိုင်းရင်းသားပါတီများမှ ပြည်သူ့လွှတ်တော် အမတ်များဖြင့် ၁၉၉၈ ခုနှစ်တွင် စတင် ဖွဲ့စည်းခဲ့ခြင်း ဖြစ်သည်။ လက်ရှိ အခြေအနေနှင့် လျော်ညီစွာ ဆက်လက် လုပ်ဆောင်မည့် လုပ်ငန်းစဉ်များနှင့် ပတ်သက်၍လည်း ဦးအေးသာအောင်က “အဓိကကတော့ ဒီမိုကရေစီ အခွင့်အရေးတွေ တိုးတက်ကောင်းမွန်လာဖို့၊ ပြည်တွင်းစစ် ရပ်စဲပြီးရင် ပြည်တွင်းငြိမ်းချမ်းရေး ဖော်ဆောင်ဖို့၊ ၂၀၀၈ ဖွဲ့စည်းပုံကို ပြင်ပြီးတော့ တန်းတူရည်တူ ပြည်ထောင်စု တည်ထောင်ဖို့ ဒီရည်ရွယ်ချက်တွေနဲ့ လုပ်ဆောင် သွားပါမယ်” ဟု ပြောသည်။

အသစ်ပြန်လည် ဖွဲ့စည်းရာတွင် သင့်တော်မည့် အမည်သစ်တခုဖြင့် ပြောင်းလဲ ဖွဲ့စည်းရမည်ဟုလည်း CRPP ကော်မတီဝင် ပူကျင့်ရှင်းထန် က ပြောသည်။

“ကျနော်တို့က CRPP လို့ ခေါ်လို့ မကောင်းတော့ဘူး။ နာမည်တမျိုး လုပ်မယ်။ ၉ဝ ရွေးကောက်ပွဲကတော့ အစိုးရအနေနဲ့ လုံးဝလက်မခံဘူးလေ။ ၂ဝ၁ဝ ရွှေးကောက်ပွဲတွေ လုပ်ပြီးတော့ လွှတ်တော်တွေ ဖွဲ့လိုက်တယ်ဆိုတော့ လက်ခံသည်ဖြစ်စေ၊ လက်မခံသည် ဖြစ်စေ ဒီကဏ္ဍတော့ ကုန်သွားတယ်ဆိုတဲ့ သဘောမျိုး သူတို့လုပ်တယ်လေ။ ကျနော်တို့ အနေနဲ့လည်း အဲဒါကို ထပ်ထပ်လုပ်မယ့်အစား အမျိုးသားပြန်လည် သင့်မြတ်ရေး အတွက် ပုံစံတမျိုးပြောင်းပြီးတော့ လုပ်ရင် ကောင်းမလားလို့ပါ” ဟု မဇ္ဈိမကို ပြောသည်။

၁၉၉၀ ရွေးကောက်ပွဲတွင် ဝင်ရောက်ယှဉ်ပြိုင် အနိုင်ရခဲ့ကြသည့် အမျိုးသားဒီမိုကရေစီအဖွဲ့ချုပ်၊ ရှမ်းအမျိုးသား ဒီမိုကရေစီ အဖွဲ့ချုပ်၊ ရခိုင်ဒီမိုကရေစီ အဖွဲ့ချုပ်၊ ဇိုမီးအမျိုးသား ကွန်ဂရက်၊ မွန်အမျိုးသား ဒီမိုကရေစီအဖွဲ့ စသည့် ပါတီများဖြင့် ဖွဲ့စည်းထားခဲ့သည့် CRPP သည် ပြည်သူ့လွှတ်တော် ပေါ်ပေါက်ရေးအတွက် ၁၄ နှစ်ကြာ ကြိုးပမ်း ခဲ့သော်လည်း နအဖ အစိုးရမှ လိုက်လျောခဲ့ခြင်း မရှိပေ။

မူရင်းလင့်က ဒီမှာပါ။

ရပ်ဆိုင်းထားတဲ့ မြစ်ဆုံဆည် စီမံကိန်းကို ထပ်မံ အသက်မသွင်းဖို့ ၈၈ မျိုးဆက်များ တောင်းဆို

စီဒီအမ်အေ ၈၀၀ ဖုန်း Proxy နံပါတ်ရိုက်ထည့်ရန်မလိုဘဲ အင်တာနက်သုံးနိုင်ပြီဟုဆို

ကျပ်ငါးသိန်းတန် စီဒီအမ်အေ ၈၀၀မဂါဟဇ်ဖုန်းများအား EVDO စနစ်ဖြင့် အင်တာနက်အသုံးပြုရာ တွင် ယခင်ကကဲ့သို့ Proxy နံပါတ် များကိုခံပြီးအသုံးပြုရန် မလိုတော့ကြောင်း မြန်မာ့ဆက်သွယ်ရေး လုပ်ငန်းမှသိရသည်။

ယခုကဲ့သို့ ( 192.1678.50.16 ) အစရှိသည့် Proxy နံပါတ်များ ကိုကျော်ကာ တိုက်ရိုက်အသုံးပြုနိုင်သည့်အတွက် ယခင်ကဖြည့် စွက်ရိုက်နှိပ်ရသည့် အဆိုပါ နံပါတ်များနေရာအား အလွတ်ထားခဲ့ ကာအသုံးပြုရတော့မည်ဟုသိရသည်။ မြန်မာ့ဆက်သွယ်ရေးလုပ်ငန်းမှ ၄င်းတို့၏ CDMA 800 MHz EVDO စနစ်များအား ယင်းကဲ့သို့ ပြောင်းလဲပေးလိုက်ခြင်းအတွက် ယခင်က Proxy နံပါတ်များနှင့် အသုံးပြုနေသူများအနေဖြင့် အခက်အခဲများဖြစ်ပေါ်နေသည်ဟုလည်း သုံးစွဲသူအချို့ထံမှသိရသည်။ ထို့အပြင် အဆိုပါမိုဘိုင်းဖုန်းစနစ်ဖြင့် အင်တာနက်အသုံးပြုရာတွင် Username များအား တစ်ခုနှင့်တစ်ခု မတူညီအောင်သုံးစွဲရမည်ဟုလည်း သိရသည်။ “ Username တွေထပ်နေရင် အင်တာနက်ချိတ်ဆက်ပြီး သုံးတဲ့နေရာမှာ အခက်အခဲဖြစ်လိမ့်မယ်။ သုံးလို့ရမှာမဟုတ်ဘူး။ အဲ့ဒီအတွက် EVDO စနစ်နဲ့ အွန်လိုင်းစနစ်အသုံးပြုတဲ့သူတွေ Username မထပ် အောင် ဂရုစိုက်ဖို့အရေးကြီးပါတယ်”ဟု ရန်ကုန်မြို့တွင်းဖွင့် လှစ်ထားသည့် မိုဘိုင်းဖုန်းဝန်ဆောင်မှုဆိုင်တစ်ဆိုင်မှ ကျွမ်း ကျင်သူတစ်ဦးကဆိုသည်။

မြန်မာ့ဆက်သွယ်ရေး လုပ်ငန်းအနေဖြင့် အဆိုပါစီဒီအမ်အေ ဖုန်းများအား EVDO စနစ်ဖြင့် အင်တာနက်အသုံးပြုနိုင်သော စနစ်ကိုပြီးခဲ့သည့်နှစ်အောက်တိုဘာလက စတင်ချထားပေးခဲ့ပြီးယင်းဝန်ဆောင်မှုအတွက် ကျပ်သုံးသောင်း ထပ်မံပေးသွင်းရမည်ဖြစ်သည်။ အဆိုပါ စီဒီအမ်အေ ၈၀၀ မဂ္ဂါဟဇ်ဖုန်းများ၏ EVDO စနစ်တွင် မြန်နှုန်းများ ဆက်တိုက်ကျဆင်းနေမှုကြောင့်မြန်မာ့ဆက်သွယ်ရေးလုပ်ငန်းတွင်လျှောက်ထားသူများ ကျဆင်းလျက်ရှိကြောင်းသတင်းရရှိသည်။ “အခုရက်ပိုင်း EVDO စနစ်ကိုလျှောက်တဲ့သူ တွေတော်တော်ကျသွားတယ်။ စချထားပေးတဲ့အချိန်ကထက် တော်တော်လေးနည်းသွားတာ။ အင်တာနက်မြန်နှုန်းက ပမာဏတော်တော်လေးကျသွား တာဆိုတော့အဲ့ဒီအကျိုး ဆက်ကြောင့်ပဲ လျှောက်ထားသူကျသွားတာပါ”ဟု မြန်မာ့ဆက်သွယ်ရေးလုပ်ငန်းမှ တာဝန်ရှိသူတစ်ဦးကဆိုသည်။

ပြီးခဲ့သည့်ဖေဖော်ဝါရီလ နောက်ဆုံးပတ်ကစတင်ပြီးဆက်သွယ်မှုများကျဆင်းခဲ့သည့် CDMA 800 MHz ၏ EVDO စနစ်သည် အမြန်နှုန်းအားဖြင့် 3Mb မှ 128Kbps အထိကျဆင်းခဲ့သည့် အတွက် သုံးစွဲရာတွင်လုပ်ငန်းကြန့်ကြာခြင်းနှင့် အသုံးပြုခများကိုလည်း တစ်မိနစ်လေးကျပ်နှုန်းဖြင့် ပုံမှန်ဖြတ်တောက်မှုများရှိနေခြင်းကြောင့် သုံးစွဲသူများအတွက် အဆင်မပြေခြင်းများနှင့် ကြုံတွေ့နေရကြောင်းသိရသည်။ “ကျွန်တော်တို့ စသုံးတုန်းကတော့ မြန်နှုန်းတအားကောင်းတယ်။ ဘယ်ဝက်ဘ်ဆိုက်ကိုဖွင့်လိုက် ဖွင့်လိုက် ချက်ချင်းဆိုသလို ပွင့်တာ။ ခုတော့တော်တော်လေးကိုနှေးနေတဲ့အပြင် တစ်မိနစ်လေးကျပ်ကလည်း ပုံမှန်ဖြတ်နေတော့ ပိုက်ဆံလည်းကုန်၊ အလုပ်လည်းမဖြစ်ဖြစ် နေတယ်” ဟု ရန်ကုန်မြို့တွင်းရှိ နည်းပညာကုမ္ပဏီတစ်ခုတွင် တာဝန်ထမ်းဆောင်နေသည့် အသက် ၄၀နှစ်အရွယ်ရှိ ၀န်ထမ်းတစ်ဦးကပြောသည်။ ယခုကဲ့သို့ အဆိုပါစီဒီအမ် အေဖုန်းများဖြင့် ချိတ်ဆက်အသုံး ပြုရသည့် EVDO စနစ်များဆက်သွယ်မှုအမြန်နှုန်းများကျဆင်းနေရခြင်းအကြောင်းနှင့် ပတ်သက်ပြီးမြန်မာ့ဆက်သွယ်ရေးလုပ်ငန်းမှ တာဝန်ရှိသူများကမူ ၄င်းတို့ကိုယ်တိုင်လည်း မည်သည့်အကြောင်းကြောင့် ဖြစ်ပေါ်နေရခြင်းကို အတိအကျမသိရှိဟုဆိုကြသည်။

7 Day News Journal မှ

မူရင်းလင့်က ဒီမှာပါ။

အစိုးရ၀န်ထမ်းများ ဧပြီ ၁ ရက်မှစ၍ အပိုထောက်ပံ့ကြေး တစ်လ သုံးသောင်းနှင့် နေ့စားလုပ်သားများ တစ်ရက်လုပ်ခ တစ်ထောင်ကျပ် ထပ်မံတိုးမြှင့်ခံစားခွင့်ရ

လာမည့် ဧပြီ ၁ ရက်မှ စတင်၍ တပ်မတော်သားများအပါအ၀င် အစိုးရ၀န်ထမ်းများအားလုံး၏ စားဝတ်နေရေး သက်သာချောင်လည်မှုရှိစေရန် လက်ရှိလစာအပြင် အပိုထောက်ပံ့ကြေးအဖြစ် တစ်ဦးလျှင် ကျပ် သုံးသောင်းနှင့် အစိုးရဌာနများနှင့် အဖွဲ့အစည်းများရှိ နေ့စားအလုပ်သမားများ၏ လုပ်ခကို ယခင် ၁၁၀၀ ကျပ်မှ ထောက်ပံ့ကြေး တစ်ထောင်ကျပ်တိုး၍ ၂၁၀၀ ကျပ်တိတိ ထပ်မံ ခံစားခွင့်ပြုမည်ဖြစ်ကြောင်း ဘဏ္ဍာရေးနှင့် အခွန်ဝန်ကြီးဌာနက သတင်းထုတ်ပြန်သည်။

နိုင်ငံ့တာဝန်ထမ်းဆောင်နေသော နိုင်ငံ့ဝန်ထမ်းများအား အပိုထောက်ပံ့ကြေးခံစားခွင့်ပြုခြင်းခေါင်းစဉ်ဖြင့် ဘဏ္ဍာရေးနှင့် အခွန်ဝန်ကြီးဌာန ပြည်ထောင်စုဝန်ကြီးရုံးက မတ်လ ၁၄ ရက်၊ ရက်စွဲဖြင့်ကြေညာစာအမှတ် ၁၀၀/ ၂၀၁၂ ဖြင့် နိုင်ငံတော်အတွင်း နိုင်ငံ့တာဝန်ထမ်းဆောင်နေသော ၀န်ထမ်းများ၊ တပ်မတော်(ကြည်း၊ ရေ၊ လေ) ၀န်ထမ်းများကို စားဝတ်နေရေးသက်သာချောင်လည်မှု ရှိစေရန်အတွက် လက်ရှိလစာအပြင် အပိုထောက်ပံ့ကြေးအဖြစ် တစ်ဦးလျှင် တစ်လကျပ်သုံးသောင်းတိတိနှင့် အစိုးရ ဌာနများနှင့် အဖွဲ့အစည်းများရှိ နေ့စားအလုပ်သမားများ၏ လုပ်ခကို အလုပ်ချိန် တစ်နေ့ ၈ နာရီအတွက် လက်ရှိသတ်မှတ်ထားသော လုပ်ခ ၁၁၀၀ ကျပ်အပေါ်တွင် အပို ထောက်ပံ့ကြေး ကျပ် ၁၀၀၀ တိတိကို ထပ်မံခံစားခွင့်ပြုမည်ဖြစ်၍ နေ့စားအလုပ်သမားမှာ တစ်နေ့ လုပ်ခ ၂၁၀၀ ကျပ်တိတိကို ၂၀၁၂၊ ဧပြီ ၁ ရက်မှ စတင်ခံစားခွင့်ပြုလိုက်ကြောင်း MRTV-4 တွင် ကြေညာသွားသည်။

မူရင်းလင့်က ဒီမှာပါ။

ညီမလေးရယ်... စိုးရိမ်မိတယ်

တစ်ခေတ် တစ်ခါက မြန်မာပြည်သားများ နှုတ်တွင် နှစ်သက်စွာ ဆိုငြီးခဲ့ဖူးသော နာမည်ကျော် သီချင်းတစ်ပုဒ်၏ ခေါင်းစဉ်လေးဖြစ်ခဲ့သလို၊ ထင်ရှားသောစာရေးဆရာကြီးတစ်ဦး၏ လူကြိုက်များလှသော ၀တ္ထုခေါင်းစဉ်လည်းဖြစ်ခဲ့ပါသည်။

"ညီမလေး ရယ် … စိုးရိမ်မိသေးတယ်"

ဆိုသောသံစဉ်ကို ယခုထိသောတအာရုံတွင် ငြိနေသေးသော်လည်း ယခုစာစုတွင် ထိုသီချင်းကို လည်းကောင်း၊ ထိုဝတ္ထုကိုလည်းကောင်း၊ ချီးမွမ်းဝေဖန်၊ အကျယ်ချဲ့ရန်မဟုတ်ပါ။

သို့သော် ကျွန်ုပ်တို့ချစ်သောမြန်မာနိုင်ငံ၏ အရေးအတွက် စိုးရိမ်မိသောကြောင့်ယခု စာစုကို ရေးသားရခြင်းဖြစ်ပါသည်။

၁၉၄၇ ခုနှစ်၊ ဖေဖော်ဝါရီလ ၁၂ ရက် နေ့ တွင် ဗိုလ်ချုပ်၏ ဦးဆောင်မှုဖြင့် မြန်မာ၊ ကချင်၊ ချင်း၊ ရှမ်းတို့၏ ခေါင်းဆောင်များ ရှမ်းပြည်နယ်၊ ပင်လုံမြို့တွင် သမိုင်းဝင် ပင်လုံစာချုပ် ကို လက်မှတ်ထိုးခဲ့ပါသည်။ ပင်လုံစာချူပ်ကို အခြေခံ၍ ပင်လုံစိတ်ဓာတ်ဖြင့် စစ်မှန်သောပြည်ထောင်စုကို အခြားညီနောင်များဖြစ်သော ကရင်၊ ကယား၊ မွန်၊ ရခိုင်၊ တို့နှင့် တည်ဆောက်ရန် ဗိုလ်ချုပ်တယောက် တက်တက်ကြွကြွ ကြွေးကြော် ပြောဆိုဆောင်ရွက်နေစဉ်၊ လက်နက်ကိုင်တစု၏ လုပ်ကြံသတ်ဖြတ်ခြင်း ခံလိုက်ရပါသည်။ ဗိုလ်ချုပ်နာမည်မသေခဲ့သော်လည်း လူကတော့ သေခဲ့ပါပြီ။

၁၉၈၈ ခုနှစ်၊ တိုင်းပြည်ချောက်ထဲ ကျခါနီး၊ လက်မတင်ကလေးမှာ တိုင်းပြည်ကို ကယ်တင်ဖို့ အကြောင်းပြကာ တပ်မတော်ကိုဦးဆောင်ပြီး အာဏာသိမ်းခဲ့သော ဗိုလ်ချုပ်ကြီး ပေါ်လာပြန်ပါသည်။ "လွတ်လပ်ပြီး တရားမျှတသော ရွေးကောက်ပွဲ ကျင်းပပေးမည်။ အနိုင်ရသူကို တိုင်းပြည်အာဏာလွှဲပေးပြီး ကျုပ်တို့စစ်သားတွေ စစ်တန်းလျားကို ပြန်သွားမယ်" ဟု ဆိုသော ဗိုလ်ချုပ်ကြီး၏ ရဲရဲတောက် စကားကို မြန်မာလူထုတရပ်လုံးက ၀မ်းသာအားရ ကြိုဆို ကြိုက်နှစ်သက်ကြပါသည်။ လူထုကြိုက်၊ လူထုသဘောကျသော ထိုဗိုလ်ချုပ်ကြီး ကြာကြာ မခံလိုက်ပါ။ ဗိုလ်ချုပ်ကြီး၏ အနီးဆူံးလူများက အနီးကပ် အတိုဖြင့် ထိုးသောကြောင့် ဗိုလ်ချုပ်ကြီး ဖုတ်ကနဲ ကျသွားပါသည်။ အနီးဆုံးလူ၏ အတို ဖြင့်ကပ်ထိုး ခံရသော ဗိုလ်ချုပ်ကြီးမှာ ချက်ချင်း မသေရှာသော်လည်း ဘ၀နာခဲ့ပါသည်။ တကယ်သေပြန်တော့လည်း ဗိုလ်ချုပ်ကြီး၏ ဈာပနတွင် သူနှင့်အတူ ၀တ်စုံတူညီ ၀တ်ခဲ့သူများ တစ်ယောက်တစ်လေမှ အသုဘရှု မရောက်ခဲ့ပါ။

၂၀၁၂ ခု …

ဟော … လာပြန်ပြီ ဗိုလ်ချုပ်ကြီးတစ်ယောက်။

"တရားမျှတသော ကြားဖြတ်ရွေးကောက်ပွဲ ဖြစ်ရမည်။ ပင်လုံစိတ်ဓာတ်ဖြင့် တိုင်းပြည်ကို တည်ဆောက်သွားမည်။" ၆၅ နှစ်လုံးလုံး ဘယ်ဗိုလ်ချုပ်မှ စိတ်ကူးထဲတောင် မထည့်ခဲ့သော "ပင်လုံစိတ်ဓာတ်" ဆိုသည်ကို လွတ်တော်ထဲတင်မက ကမ္ဘာသိအောင် ရဲရဲတောက် ကြွေးကြော်နေသဖြင့် ဘုရားတမိပါ၏။ သူ့ ရှေ့ကသွားလေသူ ဗိုလ်ချုပ်နှစ်ယောက်၏ အဖြစ်ကိုမြင်ယောင်မိပါသည်။ ထိုသို့ မြင်ယောင်၍ မဆုံးသေး။

ဗိုလ်ချုပ်သမီးကလည်း သွားလေရာမှာ "ပင်လုံစိတ်ဓာတ်" "ဒုတိယပင်လုံညီလာခံ"

"တရားမျှတသောရွေးကောက်ပွဲ" စသည်၊ စသည်ဖြင့် ပြော၊ ဟောသံ တညံညံ။ လက်ခုတ်သံမစဲ တသဲသဲ ဖြစ်နေပြန်ပါသည်။ ဒုတိယအကြိမ်ဘုရားတမိပြန်ပါသည်။

ဒီတစ်ခါ ဗိုလ်ချုပ်ကြီးနှင့် ဗိုလ်ချုပ်သမီးတို့မှာ အသွင်မတူသော်လည်း၊ လေသံကတော့ စွတ်ချွတ်ဆိုသလို ဖြစ်ပါသည်။ အတာကူးမည့် တန်ခူးမှာ အကကျူးတော့မည့် "ဧပြီယိမ်း" အဖွဲ့လို ညီညာလို့နေပါသည်။

ညီညာလွန်းအားကြီးတော့ ကြိတ်ပုန်းခုတ်ထားသလား၊ တစ်ဦးဦး၏ အဆင့်မြင့်သောအကြံ (Well plan) လား ဟု သံသယမ၀င်လိုသော်လည်း လက်ဝါးချင်းရိုက်ထားသလို၊ စည်းဝါး ညီနေတာမို့ ၊ တစ်ယောက်ကို တစ်ယောက် ဆန့်ကျင်ရင်းနှင့် ထောက်ခံနေသလား၊ နိုင်ငံရေး ကစားနေတာလား ဟု ဥာဏ်မမီ၍ မတွေးချင်တော့ပါ။

သမိုင်း တစ်ပတ်လည်သည် ဟုကြားဖူးပါသည်။ “နောက်ပြန်မလှည့်တော့ဘူး …” ဟု ဆိုကြသော်လည်း၊ ရှေ့သွားမြန်လွန်းလျှင် ဘီးတစ်ပတ်လည်လာမည်ကို စိုးရိမ်မိပါသည်။ တစ်နည်းအားဖြင့် ယနေ့ဗိုလ်ချုပ်ကြီးနှင့် ဗိုလ်ချုပ်သမီးတို့အပေါ် ယခင်ဗိုလ်ချုပ်ကြီးများကဲ့သို့ အန္တရာယ်ကျလာမည်ကို စိုးရိမ်မိပါသည်။ ဗိုလ်ချုပ်ကြီးနှင့် ဗိုလ်ချုပ်သမီးတို့က သေမှာမကြောက်ဘူးဟုသတ္တိရှိကြပါလိမ့်မည်။

သို့သော် မသေသင့်၊ မသေထိုက်သေးသောသူ၊ အချိန်မတန်မီ မသေစေလိုသည့် ဆန္ဒ၊ လှေလှော်ရင်း တက်ကျိုးသလို မဖြစ်စေလိုသဖြင့် ကိုယ်လုံသိုင်းပညာရှင်များ၊ အလေးထားသော ကာကွယ်နည်း (၂) ရပ် ကိုဖော်ပြအပ်ပါသည်။

(၁) အတိုနှင့် ထိုးတတ်သူကို အဓိကထား ဂရုစိုက် ကာကွယ်ရမည်။ အရှည်ကိုင်သူများမှာ မြင်လွယ်ပြီး ရှောင်တိမ်း ခုခံကာကွယ်ရန် လွယ်သလောက်၊ အတိုကိုင်သူများမှာ မမြင်သာသည့်အပြင် အနီးကပ် လှည့်ပတ်ထိုး၊ တွတ်၊ ပူးကပ်နေသောကြောင့်ကာကွယ်ရန် ခက်လှပါသည်။ အကျယ်မချဲ့တော့ပါ။ "အတိုနှင့် ထိုးတတ်သောရန်သူသည် ကိုယ်နှင့်အနီးဆုံးနေရာအထိ လာနိုင်သောသူ၊ နေသောသူ၊ သာမညလူ မဟုတ်သောကြောင့်" သတိနှင့်လုံခြုံအောင်ကာကွယ်ရမည်။

(၂) သိုင်းပြောင်းပြန်တတ်သူကို ဂရုစိုက် ကာကွယ်ရမည်။ သိုင်းပြောင်းပြန်တတ်သူသည် မိမိအကြောင်းကို သိသူ၊ မိမိ၏ပျော့ကွက်၊ အားနည်းချက်၊ အားသာချက်ကို သိသူဖြစ်သောကြောင့် သတိထားကာကွယ်ရမည်၊ တစ်ကွက်ကြို စဉ်းစားလုပ်နိုင်မှ တန်ကာကျတတ်ပါ သည်။

လိုရင်း ရေးရလျှင် လုံခြုံအောင် ကာကွယ်နိုင်လျှင် ကာ၊ မကာနိုင်ခဲ့သော်၊ သိုင်းပြောင်းပြန်၏ သဘော တရားအရ၊ လုံခြုံအောင် မကာကွယ်ခဲ့လျှင်၊ တစ်နည်း (လုံ/ကာ) မပြုနိုင်လျှင် (ကာ/လုံ) ကြီးနှင့်တွေ့ လိမ့်မည်တည်း။

ထို့ကြောင့် ဤစကားများနှင့် နိဂုံးချုပ်ပါ၏။

ဗိုလ်ချုပ်ကြီးရယ် စိုးရိမ်မိတယ်။
ဗိုလ်ချုပ်သမီးရယ် စိုးရိမ်မိတယ်။

မူရင်းလင့်က ဒီမှာပါ။

ဒီနှစ် သင်္ကြန်လည်း အိမ်မှာပဲ တရားထိုင် ဖြစ်ဦးမယ် နေတိုး

နေတိုးက “ကလိန်နံ ရာဇာသတော” ဇာတ်ကားကို ရိုက်ကူးနေပါတယ်။ နေတိုးက ဒီ ဇာတ်ကားကို ဝယ်ထားတာ ကြာပြီဖြစ်ပြီး ခုမှ ရိုက်ဖြစ်တာ ဖြစ်ပါတယ်။ ဇာတ် လမ်း တွေ ဝယ်စုတတ်တဲ့ နေတိုးက အခုဆိုရင် ဇာတ်လမ်း ၁ဝ ပုဒ်လောက် ဝယ်စုထားပြီး ဖြစ်ပါတယ်။ ဘယ်လို ဇာတ်တွေကို အဓိက ဝယ်ထားဖြစ်လဲလို့ နေတိုး ကိုမေးတော့ “ကိုယ်မလုပ် ရသေးတဲ့ ဇာတ်ရုပ် အမျိုးအစား၊ ဇာတ်လမ်း ဖွဲ့စည်းမှုကို ပရိသတ် ရှစ်ဆယ် ရာခိုင်နှုန်း စိတ်ဝင်စားနိုင်တဲ့ ဇာတ်လမ်းမျိုး၊ ရိုက်ကူးမှု aနရာဒေ သက ကိုယ်နဲ့ အလွယ်တကူ ရိုက်ကူး လို့ရနိုင်တဲ့ နေရာမျိုး ရှိသလို ခက်ခဲတဲ့ နေရာလည်း ရှိတော့ ဇာတ်ကို မျှအောင် ဝယ်ထားတယ်။ အခုချိန်မှာဆို အက်ရှင် ဇာတ်လမ်း မျိုးတွေ မရိုက်ကြဘူးလေ။ ကျွန်တော့်ဆီမှာ အက်ရှင် ဇာတ်လမ်းမျိုးတွေ ရှိတယ်။ ပရိသတ် စိတ်ဝင်စားတဲ့ အချိန်မှာ ရိုက်ရမှာပေါ့။ ဗီဒီယို လမ်းကြောင်းက လည် ပတ် နေတာ ဆိုတော့လေ” လို့ ပြောပြပါတယ်။

ဒီနှစ်မှာ အခြေအနေ တစ်ခုကို စောင့်ကြည့်ပြီး လုပ်ရတဲ့ အတွက် ဗီဒီယိုနဲ့ ဒီဗီဒီတွေ ကိုပဲ ပိုဦးစားပေးပြီး ရိုက်ဖြစ် တယ်လို့ နေတိုးက ပြောပါတယ်။ ရုံတင်ရက် ကိုစောင့် နေရတဲ့ အတွက် ပရိုဂျူဆာ တွေက မရင်းနိုင်တော့တဲ့ အတွက် ဗီဒီယိုနဲ့ ပြန်လည် ပတ်နိုင်အောင် လုပ်နေရတယ် လို့ပြောပါတယ်။

နေတိုးက သင်္ကြန်ရောက်တိုင်း အိမ် မှာပဲ တရားထိုင်ပြီး အေးချမ်းစွာ ဖြတ်သန်း ဖြစ်ခဲ့တာ များပါတယ်။ ဒီလို တရားထိုင် ဖြစ်ရခြင်းက အဲဒီရက်တွေက ကိုယ်လုပ်ချင် တာကို အာရုံ စူးစိုက်ပြီး လုပ်လို့ရတဲ့ အတွက် လို့ ပြောပါတယ်။ တစ်နှစ်လုံး ဇာတ်ကား ထဲက ဇာတ်ရုပ်တွေနဲ့ပဲ ဖြတ်သန်းနေရ တဲ့အတွက် သင်္ကြန်ကို အိမ်မှာပဲ နားဖြစ်တာ ဖြစ်ကြောင်း နေတိုးက ရှင်းပြပါတယ်။

ဒီနှစ် သင်္ကြန်ကိုလည်း အိမ်မှာပဲ ကမ္မဋ္ဌာန်း ထိုင်မယ်လို့ ဆိုတာကြောင့် “အရင်တုန်းက တော့ အပြင်ထွက်တယ်။ ၂ဝဝ၇ ခုနှစ်က မဏ္ဍပ် လုပ်တယ်။ သင်္ကြန်က နောက် ပိုင်းမှာ ပျော်ရတာထက် စိုးရိမ်ကြောင့် ကြရတာ များတယ်။ အဲဒါကြောင့် သင်္ကြန် ငါးရက်ကို အိမ်မှာပဲ တရား မှတ်ပြီး နားမယ်လို့ ၂ဝဝ၈ ခုနှစ် မှာ ဆုံးဖြတ်လိုက်တာ၊ သင်္ကြန်မှာ အပျော်လွန်ပြီး သတိလက်လွတ် မဖြစ်စေချင်ဘူး။ သင်္ကြန်မှာ အလှူ လုပ်တာမျိုးတော့ လုပ်ဖြစ်မယ့် အဓိကက ကမ္မဋ္ဌာန်း ထိုင်တဲ့ ကျောင်းတွေ၊ ဂေဟာ၊ ဘုန်းကြီး ကျောင်းတွေ မှာ ဆွမ်းကပ် တာ မျိုးတော့ လုပ် ဖြစ်မယ်၊ အခုထိ တော့ မစီစဉ်ရ သေးဘူး” လို့ ပြောပြပါ တယ်။

မေမွန်မောင်

မူရင်းလင့်က ဒီမှာပါ။

ရွာပျောက်ကြီး ဇာတ်ကားအတွက် ကလောမြို့ ပလောင်တောင်ရွာ အထိသွားခဲ့တဲ့ ဝိုင်းစုခိုင်သိန်း

ဝိုင်းစုခိုင်သိန်းက ဒါရိုက်တာနေပိုင် ရိုက်ကူးတဲ့ ‘ရွာပျောက်ကြီး’ဇာတ်ကားကို စည်ဖြိုးနဲ့ ကလောမှာ မတ်လ၃ရက်နေ့ ကတည်းက သွားရောက်ရိုက်ကူးနေပါတယ်။ ဇာတ်လမ်းက ဆန်းလည်းဆန်းပြီး စိတ်ဝင် စားဖို့လည်းကောင်းကြောင်းပြောတဲ့ ဝိုင်းစုခိုင်သိန်းက ”ဒီဇာတ်လမ်းမှာ မင်းသားက နယ်တစ်နယ်ကို သွားရင်းနဲ့ ခြေထောက် နာလို့ အုပ်စုကွဲသွားတဲ့အချိန်မှာ ညဘက်အိပ်ရင်းနဲ့ မနက်နိုးလာတော့ ရွာကြီးတစ်ရွာကို မြင်တယ်။ အဲဒီရွာကသီလ၊ သမာဓိနဲ့ ပြည့်စုံပြီး ငါးပါးသီလလည်း လုံခြုံတဲ့ ရွာပေါ့၊၊ အဲဒီရွာမှာ ဝိုင်းစုအိမ်ထောင်ကျပြီး ကလေးတွေမွေးပြီး အမှားတစ်ခွန်းပြောမိ သွားတယ်။

ငါးပါးသီလကံကျိုးသွားတော့ ရွာကြီးကလည်း ပျောက်သွားတယ်” လို့ ပြောပြီး ဒီလိုဇာတ်လမ်းမျိုး အရင်တုန်းက မရိုက်ဖူးကြောင်း ပြောပါတယ်။ ဝိုင်းစုခိုင်သိန်းက ရွာသူလေးအဖြစ် သရုပ်ဆောင်ရပြီး ငါးပါးသီလလုံခြုံတာ၊ ရွှေတွေငွေတွေ ကအစ မဝတ်တတ်တဲ့ လောဘ၊ဒေါသ၊ မောဟမရှိတဲ့ ကောင်မလေးအဖြစ် သရုပ်ဆောင်ရကြောင်း ပြောပါတယ်။ ရိုက်ကွင်းကို ကလောမြို့က ရွာတွေမှာ ခက်ခက်ခဲခဲ သွားရောက်ရိုက်ကူး ခဲ့ကြကြောင်းကို ဝိုင်းစုခိုင်သိန်းက ”ရိုက်ကွင်းက တောင်ပေါ်တွေကို သွားရတာဆိုတော့ တော်တော်တော့ သွားရတာ ကြောက်ဖို့ကောင်း တယ်။ တော်တော် လည်းမြင့်တယ်။ ကားတစ်စီးသွားစရာပဲ ရှိတယ်။ ပလောင်တောင်ရွာအထိသွားခဲ့ ရတယ်။ အခက်အခဲတော့ သိပ်မရှိပါ ဘူး။ တောင်ပေါ်တက်ရင်ရှိသမျှ လူတွေအကုန် လုံးက ကြောက်ကြတယ်။ ပျော်ဖို့လည်း ကောင်းတယ်”လို့ ကလော ရိုက်ကူးရေးခရီးနဲ့ ပတ်သက်ပြီး ပြောပါတယ်။ဇာတ်လမ်းက ထူးခြားမှုရှိတဲ့အတွက် ပရိ သတ်တွေကြိုက်မယ်လို့ မျှော် လင့် ကြောင်းဝိုင်းစု ခိုင်သိန်းက ပြောပါတယ်။ ဝိုင်းစု ခိုင်သိန်း က မတ်လ ၉ ရက်နေ့မှာ ကလောက ပြန်ရောက်မှာ ဖြစ်ပြီး နောက်နေ့မှာပဲ သံဖြူဇရပ် မှာ သီချင်းသွားဆိုမှာဖြစ်ကြောင်း သိရပါ တယ်။

ခိုင်ဝေလွင်

မူရင်းလင့်က ဒီမှာပါ။

ကုလလူ့အခွင့်ရေး ညီလာခံ မြန်မာ့အရေး အချေအတင်

Special Rapporteur on human rights in Myanmar, Tomás Ojea Quintana

မြန်မာနိုင်ငံရဲ့ နိုင်ငံရေး ပြုပြင်ပြောင်းလဲမှုတွေဟာ နောက်ကြောင်းပြန်လှည့် သွားနိုင်စရာ ရှိနေသေးတယ်လို့ မတ်လ ၁၂ရက်နေ့က ကျင်းပတဲ့ ဂျနီဗာမြို့ ကုလသမဂ္ဂ လူ့အခွင့်အရေးကောင်စီရဲ့ ၁၉ကြိမ်မြောက် ဆွေးနွေးပွဲမှာ မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂ ကိုယ်စားလှယ် သောမတ်စ် အိုဟေး ကင်တားနားက ပြောကြားလိုက်တာ ဖြစ်ပါတယ်။ ဒါပေမယ့် မြန်မာကိုယ်စားလှယ်ကတော့ နောက်ကြောင်း ပြန်လှည့်သွားနိုင်ချေ လုံးဝမရှိဘူးလို့ အာမခံလိုက်ပါတယ်။ အပြည့်အစုံကို ဒေါ်ခင်မျိုးသက်က တင်ပြထားပါတယ်။

မကြာသေးခင်ကမှ မြန်မာနိုင်ငံထဲက ပြောင်းလဲမှုတွေကို အနီးကပ် သွားရောက်စစ်ဆေးခဲ့တဲ့ မစ္စတာ ကင်တားနားက လက်ရှိ ပြုပြင်ပြောင်းလဲ နေမှုတွေဟာ မြန်မာနိုင်ငံရဲ့ လူ့အခွင့်အရေး အခြေနေတွေအတွက် အပြုသဘောဆောင်တဲ့ ရိုက်ခတ်မှုတွေကို တွေ့နေရတယ်လို့ ပြောကြားခဲ့ ပေမယ့် အခြေအနေဟာ အချိန်မရွေး နောက်ကြောင်းပြန် ဆုတ်သွားနိုင်တဲ့ အနေထားမှာ ရှိနေတယ်လို့ တနင်္လာနေ့ လူ့အခွင့်အရေး ကောင်စီရဲ့ မြန်မာနိုင်ငံ ဆိုင်ရာဆွေးနွေးပွဲမှာ ပြောကြားခဲ့ပါတယ်။

“မြန်မာနိုင်ငံမှာ တရားဥပဒေရေး ပြုပြင်ရေးဆွဲရေး ကိစ္စဟာ လုပ်ဆောင်ဆဲ ကိစ္စဖြစ်ပါတယ်။ မပြီးဆုံးသေးပါဘူး။ ဒါ့ကြောင့် ဒီမိုကရေစီကို ကျင့်သုံး အကောင်အထည်ဖေါ်ဖို့ လိုအပ်တဲ့ တရားဥပဒေတွေ တကယ် မရှိသေးပါဘူး။ ဥပမာ တခုပြောရရင် စစ်အုပ်စု အုပ်စိုးတဲ့ခေတ် က တည်ရှိခဲ့တဲ့ မတရားစည်းဝေး စည်းရုံးရေး ဆိုတာ ဆက်လက်တည်ရှိနေဆဲပါ။ ဒီဥပဒေဟာ အရပ်သားအဖွဲ့အစည်း တွေရဲ့ လွတ်လပ်စွာ စုဝေးခွင့် စည်းရုံးခွင့် အတွက် အခက်အခဲ ဖြစ်နေပါတယ်။ ဒါ့အပြင် အစိုးရနဲ့ သဘောကွဲလွဲသူ ဆန့်ကျင်ဘက် လုပ်သူတွေကို ထောင်ချနိုင်တဲ့ ဥပဒေလည်း ဆက်လက် တည်ရှိနေဆဲပါ။ ဒါဟာ နိုင်ငံရေး အတိုက်အခံတွေကို ဖိနှိပ်ချုပ်ချယ်ဖို့ အတွက် အသုံးပြုနိုင်ပါသေးတယ်။

တခါ တရားစီရင်ရေး ယန္တရားဟာ အုပ်ချုပ်ရေး အာဏာစက်အောက်က မလွတ်မြောက်သေးပါဘူး။ နိုင်ငံတကာ လူ့အခွင့်အရေး ဆိုင်ရာ ကြေငြာ စာတမ်းတွေကိုလည်း အသိအမှတ်ပြု လက်ခံ ကျင့်သုံးဖို့ လိုအပ်နေပါသေးတယ်။ နောက်ပြီး မြန်မာနိုင်ငံ ပြုပြင်ရေးတွေကို နောက် ပြန်လှည့်သွားနိုင်သေးတဲ့ နောက်အခြေအနေ တခုကတော့ ဖွဲ့စည်းပုံအခြေခံ ဥပဒေထဲမှာ စစ်တပ်ကို အခွင့် အာဏာတွေ အဆမတန် ပေးထားခြင်းပဲ ဖြစ်ပါတယ်။”

အခုလို မစ္စတာ ကင်တားနားရဲ့ ပြောကြားချက်ကို မြန်မာ ကိုယ်စားလှယ်ဖြစ်တဲ့ ကုလသမဂ္ဂ ဆိုင်ရာ အမြဲတမ်းကိုယ်စားလှယ် သံအမတ်ကြီး ဦးမောင်ဝေက လက်မခံတဲ့ အပြင် မြန်မာနိုင်ငံတွင်း လက်ရှိ ပြုပြင်ပြောင်းလဲ နေမှုတွေဟာ နောက်ကြောင်း ပြန်လှည့်တာမျိုး မဖြစ်စေရဘူးလို့ ပါ အာမခံ ခဲ့ပါတယ်။

“မြန်မာနိုင်ငံရဲ့ လက်ရှိ ဒီမိုကရေစီ ပြုပြင်ပြောင်းလဲရေး လုပ်ငန်းတွေ ဘယ်တော့မှ နောက်ကြောင်းပြန် လှည့်မသွားနိုင်ဘူး ဆိုတာ အာမခံ ပါတယ်။ ဒီပြုပြင်ပြောင်းလဲရေး လုပ်ငန်းစဉ်ဟာ အစီအစဉ်မရှိပဲ ထလုပ်တာမျိုး မဟုတ်ပါဘူး။ ၂၀၀၄ ခုနှစ်မှာ စပြီး သေသေချာချာ ချမှတ် ထားတဲ့ ဒီမိုကရေစီ ပြုပြင်ပြောင်းလဲရေး လမ်းပြမြေပုံ အဆင့် ၇ဆင့် အတိုင်း လုပ်ဆောင်နေတာပါ။ ဒါ့ကြောင့် နောက်ကြောင်းပြန် ဆုတ်ဖို့ လုံးဝမရှိနိုင်ပါဘူး။ ဒါဟာ မြန်မာခေါင်းဆောင်တွေရဲ့ ဒီမိုကရေစီ ပြုပြင်ပြောင်းလဲရေး လုပ်ငန်းစဉ်အတွက် ချမှတ်ထားတဲ့ စစ်မှန်တဲ့ ပြုပြင် ပြောင်းလဲမှုပါ။”

မစ္စတာကင်တားနားက နိုင်ငံတကာကနေ မြန်မာနိုင်ငံ အပေါ် အရေးယူ ဒဏ်ခတ်မှု ချမှတ်ထားတာတွေ အတွက် ပြန်လည်စဉ်းစား ကြဖို့ တိုက်တွန်းခဲ့တာအတွက် ကျေးဇူးတင်ကြောင်း သံအမတ်ကြီး ဦးမောင်ဝေက ပြောကြားခဲ့တဲ့အပြင် ဒီအရေးယူ ဒဏ်ခတ်မှုတွေကို အမြန်ဆုံး စောစောစီးစီး ရုတ်သိမ်းပေးကြဖို့လည်း တောင်းဆိုခဲ့ပါတယ်။

မြန်မာနိုင်ငံနဲ့ ထိတွေ့ဆက်ဆန်ရေး တိုးပြီး လုပ်ဆောင်လာ ပေမယ့် အခုထိ အရေးယူ ဒဏ်ခတ်မှုကို မရုတ်သိမ်းပေးသေးတဲ့ အမေရိကန် နိုင်ငံက ကုလသမဂ္ဂ ကိုယ်စားလှယ် ကတော့ မြန်မာနိုင်ငံရဲ့ ပြုပြင်ပြောင်းလဲမှု အတွက် သတိကြီးကြီးနဲ့ စောင့်ကြည့်နေတဲ့အပြင် လက်ရှိ တိုက်ပွဲတွေ ဖြစ်ပွါးနေတဲ့ ကချင်ဒေသတွေကို လူသားချင်းစာနာမှု ဆိုင်ရာ အကူညီတွေ ပေးနိုင်အောင် မြန်မာအစိုးရက သွားရောက်ခွင့်ပြုဖို့ တောင်းဆိုလိုက်ပါတယ်။

“မြန်မာနိုင်ငံထဲမှာ တိုက်ပွဲတွေ ဖြစ်နေတဲ့ နေရာတွေဆီကို ကုလသမဂ္ဂ၊ နိုင်ငံတကာ လူသားချင်းစာနာ တဲ့ အဖွဲ့အစည်းတွေနဲ့ သတင်း ထောက် တွေကို သွားရောက်ခွင့် ပေးဖို့ အမေရိကန် ပြည်ထောင်စုက တောင်းဆိုပါတယ်။ မြန်မာအစိုးရအနေနဲ့ လူနဲစု တိုင်းရင်းသား အဖွဲ့အစည်းတွေကို နားလည်လက်လှမ်းမှီအောင် ကျိုးစားနေတာတွေ အတွက် အမေရိကန်ပြည်ထောင်စုက ထောက်ခံ သလို အမျိုးသား ပြန်လည် သင့်မြတ်ရေးအတွက် ရှေ့ရှုပြီး စစ်မှန်တဲ့ ဆွေးနွေးပြောဆိုမှုတွေ လုပ်ဖို့ အားပေးပါတယ်။”

မြန်မာနိုင်ငံတွင်းပြုပြင်ပြောင်းလဲမှု အခြေနေတွေအတွက် အမေရိကန်က စိုးရိမ် စိတ်ပူနေချိန်မှာ တရုတ်နိုင်ငံကတော့ မြန်မာနိုင်ငံတွင်း အခြေအနေတွေဟာ တည်ငြိမ်နေတာ တွေ့ရတယ်လို့ ကုလသမဂ္ဂ ဆိုင်ရာ တရုတ်ကိုယ်စားလှယ်က ပြောပါတယ်

“ပြီးခဲ့တဲ့ နှစ်က မြန်မာနိုင်ငံမှာ အစိုးရသစ်ဖွဲ့ပြီး လွှတ်တော်သစ် တရပ်ပါ ပေါ်ပေါက်လာပြီး ပြည်တွင်း အခြေနေတွေလည်း တည်ငြိမ် နေတာတွေ့ရပါတယ်။ မြန်မာအစိုးရ အနေနဲ့ စီးပွါးရေးနဲ့ နိုင်ငံသားတွေရဲ့ လူမှု အဆင့်အတန်း တိုးတက်လာအောင် ဂရုစိုက် နေတာ တွေ့ရပြီး မြန်မာနိုင်ငံ သွေးစည်း ညီညွတ်ရေး အတွက် လုပ်ဆောင်နေတာ တွေ့ရ ပါတယ်။ မြန်မာ နိုင်ငံရဲ့ အခြေနေဟာ အပြုသဘောဆောင်တဲ့ ဘက်ကို တဖြေးဖြေး ပြောင်းလဲနေတာပါ။”

မြန်မာနိုင်ငံက အခုလို အပြုသဘောဆောင်တဲ့ ပြုပြင်ပြောင်းလဲရေး တွေ နောက်ပြန်လှည့် မသွားစေဖို့ အတွက် စိန်ခေါ်မှုတွေ အများကြီးနဲ့ ရင်ဆိုင်နေရတဲ့ မြန်မာနိုင်ငံကို နိုင်ငံတကာ အသိုင်းအ၀ိုင်းကနေ ၀ိုင်းဝန်းပံ့ပိုးကြဖို့လည်း မစ္စတာ ကင်တားနားက အစည်းအဝေးမှာ ပန်ကြားခဲ့ပါတယ်။

မူရင်းလင့်က ဒီမှာပါ။

မြန်မာနိုင်ငံမှာ အင်တာနက်အသုံးပြုမှု အခက်အခဲ ရှိ

မြန်မာနိုင်ငံမှာ အဓိက အင်တာနက်ဝန်ဆောင်မှုပေးတဲ့ ရတနာပုံ Teleport က March လ ၂၈ ရက်နေ့က စပြီးတော့ email စနစ်ကို ပိုကောင်းအောင် ပြောင်းမယ်လို့ အသိပေးထားပါတယ်၊ ကြားဖြတ်ရွေးကောက်ပွဲ လုပ်ဖို့ ရက်ပိုင်းပဲလိုချိန်မှာ email စနစ်ပြောင်းလို့ email သုံးရခက်မှာ အင်တာနက်သုံးရ မလွယ်တော့မှာကို တချို့က စိုးရိမ်နေကြပါတယ်၊ ဒါပေမဲ့ နည်းပညာဆိုင်ရာ ကျွမ်းကျင်သူတွေကတော့ စိုးရိမ်စရာမရှိဘူးလို့ ပြောပါတယ်၊ မစုမြတ်မွန်က ဆက်ပြီး ပြောပါမယ်ရှင်။

March လ ၁၂ ရက်နေ့ တနင်္လာနေ့ထဲကစလို့ မြန်မာနိုင်ငံမှာ အင်တာနက်သုံးကြတဲ့သူတွေ အင်တာနက်စာမျက်နှာကို ဖွင့်လိုက်တဲ့အခါမှာ ရတနာပုံ Teleport က မလိုလားအပ်တဲ့ Spam email တွေကို ကာကွယ်ပြီးတော့ ပိုမိုကောင်းမွန်တဲ့ Email စနစ်ဖြစ်အောင် March လ ၂၈ ရက်နေ့ မနက်ပိုင်းက စလို့ ပြောင်းလဲမယ်လို့ အသိပေးချက်ကို တွေ့ကြရပါတယ်၊ အဲဒီလို ကွန်ပျူတာ Screen ပေါ်မှာ ရတနာပုံ Teleport ရဲ့ အသိပေးချက် ထွက်ပေါ်လာပြီးတဲ့နောက်ပိုင်းမှာ အင်တာနက်သုံးရတာ ပိုနှေးသွားတယ်လို့ သုံးတဲ့သူ တယောက်က ခုလို ပြောပြပါတယ်။

“အင်တာနက်ဖွင့်လိုက်တဲ့အခါမှာ ရတနာပုံ Teleport က ပို့ထားတဲ့ Message စာသားက scream သနပ်ခါးရောင်ပေါ်မှာ စာတွေပေါ်လာတယ်။ အဲဒီစာသားက ၂၈ရက်ကစပြီးတော့ အီမေလ်သုံးရင် ပိုမြန်လာအောင် သူ့ရဲ့ site ကို update လုပ်မယ်ဆိုတာမျိုးပေါ်လာတယ်။ အဲဒါပေါ်ပြီးနောက်ပိုင်း အီမေလ်သုံးရတာက လောလောဆယ်တော့ အဆင်မပြေဘူး။ ဆိုတာက ဂျီမေလ်ဝင်ရင် တိုက်ရိုက် ၀င်လို့ မရတော့ဘူး။ html က ၀င်ရင်တော့ ရသေးတယ်။ အီမေလ်ပို့မယ်ဆိုရင် attach file တွေ တွဲလို့ အဆင်မပြေတော့ဘူး။ တခြား website တွေ ကြည့်လို့ရသေးတယ်။ ဒါပေမဲ့လို့ တော်တော် နှေးနေပြီ။ အဲလိုဖြစ်နေတာ။ ဖုန်းနဲ့ သုံးတဲ့သူတွေကတော့ မနေ့ညကနေ ဒီကနေ့ မနက်ထိ ရသေးတယ်။ ၅သိန်းဖုန်းသုံးတဲ့သူတွေကတော့ အဆင်မပြေဘူး။”

မြန်မာနိုင်ငံမှာ ကြားဖြတ်ရွေးကောက်ပွဲ ကျင်းပဖို့ ရက်ပိုင်းပဲ လိုတော့တဲ့အချိန်မှာ ခုလို အင်တာနက် သုံးစွဲရတာတွေ နည်းနည်းခက် သွားတဲ့အပေါ် စိုးရိမ်နေကြပါတယ်တဲ့၊

“ခုလိုအချိန်မှာ အချိန်ကိုက်ဖြစ်လာတာကတော့ ရွေးကောက်ပွဲကလည်း ရက်နည်းနည်းပဲ လိုတော့တဲ့အချိန်မှာ ..။ ရွေးကောက်ပွဲကာလမှာ ဒီလိုမျိုးဆက်ဖြစ်နေရင် ကျနော်တို့ နယ်တွေမှာ ပိုဒုက္ခရောက်မှာပေါ့။ သတင်းတွေ အချိန်နဲ့ တပြေးညီ အပြင်ကို ရောက်ဖို့၊ ယူဖို့ ပြုဖို့ ခက်ခဲလာမယ်။ ရွေးကောက်ပွဲကာလမှာ ဆက်ပျက်နေမလား ဆိုတာမျိုးတောင် စိုးရိမ်တယ်။ ၂၀၁၀ မှာတုန်းက အင်တာနက်တင်မကဘူး။ အဲဒီတုန်းက CDMA ဖုန်းပဲ ရှိပါတယ်။ ဖုန်းတောင် သုံးရတာ အဆင်မပြေတော့တာမျိုး ဖြစ်သွားဖူးပါတယ်။

March လ ၂၈ ရက်နေ့ကစပြီးတော့ email စနစ်ပိုကောင်းအောင်ပြောင်းမယ်လို့ ရတနာပုံ Teleport က ပြောပေမဲ့ အချိန် ဘယ်လောက်ကြာနိုင်မှာလဲလို့ ရတနာပုံ Teleport ဝန်ဆောင်မှုဌာနကို မေးကြည့်တဲ့အခါမှာတော့ မသိနိုင်သေးဘူးလို့ ပြောပါတယ်၊ နည်းပညာဆိုင်ရာ ကျွမ်းကျင်သူ ကိုဇေယျ က တကယ်ပြင်ဆင်ပြီး လုပ်တယ်ဆိုရင်တော့ မကြာနိုင်ပါဘူးလို့ ပြောပါတယ်၊

အလုပ်က ဘယ်လောက်ခက်ခဲလဲဆိုတာအပေါ် မူတည်ပြီးတော့ အချိန် ၂နာရီ ၃နာရီကနေ လေး ငါး နာရီတော့ ကြာတတ်တာပေါ့။ ဒါပေမဲ့ Simple upgrade လုပ်တာမျိုးဆိုရင်တော့ ဒီ့ထက် မြန်ရင်လည်းမြန်မယ်။ ဒါပေမဲ့ ဒီစာထဲမှာက ဒီထက်ပိုပြီး ဘာမှမရေးထားတော့ ပြောရခက်တာပေါ့။ ရက်ပိုင်းကြာ မကြာဆိုတာ။ သူတို့ ပြောထားပုံအရ Authentication System ကို change မယ်ဆိုတာ။ System ကြီးတခုလုံးက ပုံမှန်ဆိုရင်တော့ ဒီလိုမျိုး Production Roll Out မလုပ်ခင် အပြင်မှာ Staging environment မှာ test လုပ်ပြီး အားလုံး Ready ဖြစ်မှသာ cutover လုပ်ရတာကိုး။ ပုံမှန် IT Operating Environment မှာ လုပ်မယ်ဆိုရင်။ တကယ်တော့ အဲလို Announcement လုပ်တယ်ဆိုရင် ဘယ်ကနေ ဘယ်အချိန်ထိအတွင်းမှာ effect ဖြစ်မယ်၊ အဲလိုမျိုး ရေးရတာလေ။”

အဲဒီလိုလုပ်နေတဲ့အချိန်မှာ Email သုံးရတာ အင်တာနက်သုံးရတာမှာ ဘယ်လိုမျိုး သက်ရောက်မှု ရှိနိုင်ပါလဲ။

သူတို့ ဒီကြေညာချက်ကို အဓိပ္ပါယ်ကောက်ကြည့်တော့ Effect ဖြစ်တဲ့ဟာကို ရှင်းရှင်းတော့ ရေးမထားဘူး။ ဒါပေမဲ့ သူတို့ ပြောပုံအရကိုပဲ ဒီ email စနစ်ကိုပဲ effect ဖြစ်မယ်ပေါ့နော်။ ရတနာပုံကနေ Provide လုပ်တဲ့ email service ကို သုံးတဲ့ User တွေကို effect ဖြစ်မယ်လို့ပဲ ယူဆရတယ်။

နည်းပညာဆိုင်ရာ ကျွမ်းကျင်သူ ကိုဇေယျ ဖြစ်ပါတယ်ရှင်၊ Teleport က အရင်ကလည်း ခုလို နည်းပညာဆိုင်ရာ ပြောင်းလဲမှုတွေလုပ်လေ့ရှိပါတယ်။ အဲဒီလို လုပ်နေချိန်မျိုးမှာ အသုံးပြုသူတွေ အတွက် သိသိသာသာ သက်ရောက်မှု မရှိခဲ့ဘူးလို့ သူ့ရဲ့ဝန်ဆောင်မှုကို ယူတဲ့သူတွေက ပြောပါတယ်။ မြန်မာနိုင်ငံမှာ ပြီးခဲ့တဲ့ နှစ်ကုန်ပိုင်း စပြီး အင်တာနက်သုံးစွဲမှုတွေ သိသိသာသာ လွယ်ကူလာခဲ့သလို Website တွေအားလုံးနီးပါးကိုလည်း ဝင်ကြည့်လို့ ရနေပါတယ်။ ဒါပေမဲ့ သတင်းလွတ်လပ်မှုကို လေ့လာ စောင့်ကြည့်နေတဲ့ ပြင်သစ်အခြေစိုက် နယ်စည်းမခြား သတင်းထောက်များ အသင်းကတော့ March လ ၁၂ ရက်နေ့က ထုတ်ပြန်တဲ့ အစီရင်ခံစာထဲမှာ 2011 ခုနှစ်အတွင်း အင်တာနက် သုံးစွဲမှုကို ကန့်သတ်ထားဆဲနိုင်ငံများစာရင်းမှာ မြန်မာနိုင်ငံကို ထည့်သွင်းထားပါတယ်၊ မြန်မာနိုင်ငံမှာ သိသာတဲ့ ပြုပြင်ပြောင်းလဲမှုတွေကို လုပ်လာပေမဲ့ အင်တာနက်ရဲ့ ရန်သူ စာရင်းထဲမှာ မပါချင်ရင် လိုအပ်တဲ့ ဆောင်ရွက်မှုတွေကို လုပ်ရမယ်လို့ နယ်စည်းမခြားသတင်းထောက်များအသင်းက ပြောပါတယ်ရှင်၊

မူရင်းလင့်က ဒီမှာပါ။

ရုပ်ရှင်ဆင်ဆာစည်းကမ်း ပိုလျှော့ဖို့လို

မြန်မာရုပ်ရှင်နဲ့ ဗွီဒီယို ဇာတ်ကားတွေအပေါ် တင်းကျပ်ထားတဲ့ စည်းမျဉ်းစည်းကမ်းတချို့နဲ့ ဆင်ဆာ အချက် ၁၀ ချက်ကို အစိုးရက မကြာသေးခင်က ဖြေလျှော့ ပေးလိုက်တာဟာ တကယ်တမ်း ဆင်ဆာလွတ်လပ်ခွင့် ပေးလိုက်တာ မဟုတ်ဘူးလို့ အနုပညာအသိုင်းအဝိုင်းက ထောက်ပြကြပါတယ်။ ဘယ်လို အချက်တွေကို ဖြေလျှော့ခွင့်ပေးလိုက်ပြီး ဘယ်လိုအချက်တွေကို ဆက်ပြီး ထိန်းချုပ်ထားတာပါလဲ။ ဒီအပေါ် အနုပညာအသိုင်းအဝိုင်းက လူတချို့ရဲ့ အမြင်တွေကို မခင်ဖြူထွေးက တင်ပြထားပါတယ်။

အရင်အစိုးရလက်ထက်က မြန်မာ့ရုပ်ရှင်နဲ့ ဗွီဒီယိုဇာတ်ကားတွေအပေါ် တင်းကျပ်ထားတဲ့ စည်းမျဉ်းစည်းကမ်းတချို့နဲ့ ဆင်ဆာအချက် ၁၀ ချက်ကို အခု အရပ်သား အစိုးရလက်ထက်မှာ ဖြေလျှော့ပေးလိုက်တာပါ။ ဒီလို ဖြေလျှော့ပေးလိုက်တဲ့ အထဲမှာတော့ စုန်း၊ သရဲ-တစ္ဆေကားတွေ ရိုက်ခွင့်ပြုတာ၊ ဇာတ်ကားတွေထဲမှာ အရက် သေစာ သောက်စားခွင့်ပြုတာ၊ အရွယ်မရောက်သေးတဲ့ ကလေးငယ်တွေကို ချစ်ခန်း ကြိုက်ခန်းတွေ ရိုက်ခွင့်ပြုတာ၊ လူကြီးမိဘတွေကို ပြန်ပြောတာမျိုး ရိုက်ခွင့်ပြုတာ၊ ယောက်ျားလေးတွေကို အခြောက်သဏ္ဍာန်မြူး သရုပ်ဆောင်ခွင့်ပြုတာ စတဲ့အချက်တွေ ပါဝင်ပါတယ်။

ဒါပေမဲ့ တကယ်တမ်း ဖြေလျှော့ပေးသင့်တဲ့ အချက်တွေကိုတော့ ဆက်ပြီး ထိန်းချုပ် ထားဆဲ ဖြစ်တာမို့ တကယ်တမ်း လွတ်လပ်ခွင့်ပေးတယ်လို့ မယူဆနိုင်ကြောင်း လက်ရှိ ဆင်ဆာ အပိတ်ခံထားရတဲ့ လွမ်းစိမ့် ဇာတ်ကားကို ရိုက်ကူးခဲ့သူ ဒါရိုက်တာ ကိုချိုတူးဇော်က ထောက်ပြပါတယ်။

“ကျနော့်ကားက လုံးဝ တကားလုံးကို ဆင်ဆာက ပြသခွင့်မပေးတာဗျ။ အခုချိန်အထိလည်း ပြသခွင့် မပေးသေးပါဘူး။ မပေးသေးတဲ့အတွက် ဆင်ဆာက ဖြေလျှော့တယ်ဆိုတာ ကျနော်တို့ကားမျိုးတွေ အကျုံးမဝင်သေးဘူး၊ တကယ်ကို ပြည့်ဝတဲ့လွတ်လပ်မှု မဟုတ်သေးဘူးလို့ပဲ ကျနော် မြင်ပါတယ်။” ဘယ်လို အခြေအနေမျိုးကို တကယ်ပြည့်ဝတဲ့ လွတ်လပ်မှုလို့ ဆိုနိုင်မှာပါလဲ။ -

“ကျနော်တို့ အနုပညာသမားတွေက ကျနော်တို့အမြင်ကို ဒါဖြင့်ရင်တော့ ဒီလိုမြင်တယ်၊ ဒါဖြင့်တော့ ဒီလို ခံစားရတယ်-ကျနော်တို့အမြင်တွေက သီအိုရီကျကျပေါ့-လက်တွေ့အချက်တွေနဲ့ ဖြစ်ကောင်း ဖြစ်ချင်မှဖြစ်မယ်၊ ကျနော်တို့ ဟောဒီလို ခံစားရတယ်ဗျာ၊ ဟောဒီလို မြင်တယ်ဗျာ- ဟောဒီလိုတော့ ထိ-သိ-ကြုံတွေ့ခဲ့ရတယ်ဗျာ-လို့ တဆင့် ပြန်ပြီးတော့ ဖန်တီးမယ်၊ ဖောက်သည်ချမယ်၊ ဒါကို လွတ်လပ်ခွင့်ပေးမှ တိုင်းပြည်မှာ ဒီမိုကရေစီစနစ်ကြီးက တကယ်ဖွံ့ဖြိုးမှာ။ အဲဒီတော့ ဒါတွေကို ရုပ်ရှင်ကလည်း ရုပ်ရှင်အလျောက်၊ စာပေကလည်း စာပေအလျောက်၊ အဲဒါတွေကို လွတ်လပ်စွာ ဖော်ထုတ်ခွင့်တွေကို ပေးရပါလိမ့်မယ်။ အဲဒါမှ တကယ်ပြည့်ဝတဲ့၊ လွတ်လပ်တဲ့ဆင်ဆာမူလို့ ကျနော် မြင်ပါတယ်။ ”

လွမ်းစိမ့်ဇာတ်ကားဟာ ၁၉၈၈ ခုနှစ် ကျောင်းသားတွေ ဦးဆောင်ပါဝင်ခဲ့တဲ့ လူထု လှုပ်ရှားမှု အရေးတော်ပုံ နောက်ခံထား ရိုက်ကူးထားတဲ့ ဇာတ်ကားတစ်ခုပါ။ ဒီလို နိုင်ငံရေး နောက်ခံ အကြောင်းအရာနဲ့ ဇာတ်ကားမျိုးတွေကတော့ ဆင်ဆာ ပိတ်ပင်ခံရဆဲ ဖြစ်ပါတယ်။ ခုချိန်မှာ ဒါမျိုး မရှိသင့်တော့ဘူးလို့ လွမ်းစိမ့် ဇာတ်ကားမှာ အာအိုင်တီ ကျောင်းသားအဖြစ် ပါဝင် သရုပ်ဆောင်ခဲ့တဲ့ မင်းသား ရဲတိုက်က ပြောပါတယ်။

“ဒါကတော့ -- မူဝါဒအရ ဒီလိုကားမျိုး Pass မဖြစ်တာ သဘာဝကျပါတယ်။ အခုတော့ ဆင်ဆာ မူဝါဒ ပြောင်းလဲလာပြီလို့လည်း ကြားရပါတယ်။ ပြောင်းလဲအောင်လည်း အားလုံးက ဝိုင်းပြီး ဆောင်ရွက် နေတာကို တွေ့ရပါတယ်။ လျှော့ပေးသွားတဲ့ အချက်တွေတော့ ရှိပါတယ်။ ဒါပေမဲ့ လျှော့ပေးထားတဲ့ အချက်တွေထဲမှာ လွမ်းစိမ့်နဲ့ ပတ်သက်တဲ့ အချက်တွေ မပါသေးဘူး။ မပါသေးတဲ့အတွက် လွမ်းစိမ့်က မထွက်လာသေးဘူး။”

အခု အစိုးရက ဆင်ဆာ သတ်မှတ်ချက်တချို့ လျှော့ပေါ့ပေးတယ် ဆိုတာဟာလည်း တကယ်တော့ တရားဝင် စာထုတ်ပြီး လျှော့ပေါ့ပေးတာမျိုး မဟုတ်ပါဘူး။ ဒီအပေါ် ဒါရိုက်တာ ဝိုင်း ကလည်း -

“ဆင်ဆာ rules တွေက လျှော့ပေါ့တယ်လို့ ပြောတယ်၊ သူတို့က လျှော့ပေါ့တယ်ဆိုတာ အခုချိန်မှာ ဒီဘက်က လှုပ်ရှားမှုတွေ အားကောင်းနေတဲ့အတွက် အားမတန်လို့ မာန်လျှော့ပြီးတော့ - လိုက်လျောပေးနေတဲ့သဘော၊ တကယ့်တကယ် အဲဒါကို စာထုတ်ထားခြင်း လုံးဝမရှိဘူး။ လက်ရှိဥပဒေတွေအရ ဒီကားတွေကို ဆင်ဆာဖြတ်လို့ ရနေပါတယ်။ ဘာလို့လဲဆိုတော့ သူတို့က ပါးစပ်ထဲမှာပဲ ဥပဒေကိုလုပ်နေတဲ့အခါကျတော့ သိပ်အဆင်မပြေဘူး”

တကယ်တော့ တိုးတက်ပြီး လွတ်လပ်တဲ့ နိုင်ငံတွေမှာလည်း ဆင်ဆာ သတ်မှတ်ချက်တွေ ရှိပါတယ်။ ကလေးငယ်တွေ မကြည့်သင့်တဲ့ ဇာတ်ကား၊ ဆယ်ကျော်သက်တွေ ရှောင်သင့်တဲ့ဇာတ်ကား စသဖြင့် ဇာတ်ကားအမျိုးအစားအလိုက် ဘယ်ကားတွေကတော့ဖြင့် ဘယ်လိုလူတွေ မကြည့်ရဘူး ဆိုတဲ့ သတိပေးချက်တွေနဲ့ သတ်မှတ်ထားပါတယ်။ တကယ်တမ်း ပြည့်ဝတဲ့ ဆင်ဆာမူတွေ ဖြစ်ဖို့မှာ ဒီလို အချက်တွေကိုလည်း ထည့်သွင်းစဉ်းစားရမှာ ဖြစ်တယ်လို့ ဒါရိုက်တာ ချိုတူးဇော်က အခုလို အကြံပြု ထောက်ပြပါတယ်။

“အမေရိကားမှာလည်းပဲ ဆင်ဆာမှာ အမျိုးမျိုး မူတွေသတ်မှတ်ထားတယ်။ အဲဒါ ဘာတွေလဲဆိုတော့ ကလေး၊ သူငယ် အသက်အရွယ်နဲ့ ကန့်သတ်တယ်။ အဲဒီလိုမျိုးပဲ ဆင်ဆာမှာ အဆင့်ဆင့်ရှိသင့်တယ်။ ကျနော် အဲဒါလေး အကြံပေးပါရစေ။ တကယ်လို့ ကျနော်တို့က မြန်မာလူ့အဖွဲ့အစည်းနဲ့ မကိုက်ညီတဲ့ မလုံမလဲ ဝတ်စားဆင်ယင်မှုတွေကို ပြမယ်၊ ဒါမှမဟုတ် ရုန့်ရင်းကြမ်းတမ်းစွာနဲ့ တကယ့် ကြောက်စရာ၊ လန့်စရာကောင်းတဲ့ သရဲကားတွေကိုဆိုရင် ကလေးသူငယ်တွေနဲ့ ကန့်သတ်ပြီးတော့ ကြည့်ခွင့် မရအောင် ကန့်သတ်ပြီးတော့ ဒါမျိုးတွေ စည်းမျဉ်းစည်းကမ်းတွေလုပ်မယ်။ ဒါတွေ တကယ် မကြည့်နိုင်အောင်လည်း ဘယ်လိုမျိုး စည်းကမ်းဥပဒေတွေ နောက်ဆက်တွဲ cover ဖြစ်အောင် လုပ်မယ်ဆိုတာတွေကိုပါ ထည့်စဉ်းစားသင့်တယ်၊ အဲဒါမျိုး လုပ်ရမယ်။ စည်းကမ်းဆိုတာက ပြဌာန်းချင်တိုင်း ပြဌာန်းလို့ မရဘူး။ နောက်မှ နောက်ဆက်တွဲဖြစ်လာမယ့် ကောင်းကျိုး၊ ဆိုးကျိုးကိုပါ ထည့်စဉ်းစားပြီးတော့ အဲဒါကိုပါ cover ဖြစ်အောင် ကြိုပြီးတော့ ရေးဆွဲသင့်တယ်၊ ပြင်ဆင်ထားသင့်တယ်ဆိုတာလေးကိုပါ အကြံပေးချင်ပါတယ်ဗျာ”

ဒါရိုက်တာ ကိုချိုတူးဇော်ရဲ့ အမြင်ပါရှင်။ တကယ်တမ်း မြန်မာ့ ရုပ်ရှင်နဲ့ မီဒီယာလောက တိုးတက်လာအောင် ပြုပြင် ပြောင်းလဲမှုတွေ လုပ်ဖို့ဆိုရင် အခုလို ဆင်ဆာ လျှော့ပေါ့ပေးတာမျိုးနဲ့ မလုံလောက်ဘဲ တကယ်တမ်း မှန်ကန်တဲ့ လုပ်သင့်လုပ်ထိုက်တဲ့ ပြုပြင် ပြောင်းလဲမှုတွေ အများကြီးလုပ်ဖို့ လိုအပ်နေသေးတယ်လို့ ရုပ်ရှင် အနုပညာရှင် အသိုင်းအဝိုင်းက ဝေဖန် ပြောဆိုနေကြတာပါရှင်။

မူရင်းလင့်က ဒီမှာပါ။

မြန်မာနိုင်ငံသားတွေ လူ့အခွင့်အရေး အပြည့်အ၀ခံစားနိုင်ဖို့ ဒေါ်စု ဆန္ဒပြု

ဒီကမ္ဘာမှာ နေထိုင်တဲ့ မြန်မာနိုင်ငံသူ နိုင်ငံသားတွေဟာ လူသားတိုင်းရသင့် ရထိုက်တဲ့ လူ့အခွင့်ရေးတွေကို ရယူ ခံစားနိုင်ခွင့် ရှိရမယ်လို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ရန်ကုန်မြို့မှာ ဒီကနေ့ ကျင်းပတဲ့ မြန်မာနိုင်ငံ လူ့အခွင့်ရေးနေ့ အခမ်းအနားမှာ ဒေါ်အောင်ဆန်းစုကြည်က အခုလို ပြောခဲ့တာ ဖြစ်ပါတယ်။ မြန်မာနိုင်ငံမှာ လူ့အခွင့်ရေးအခြေအနေတချို့ တိုးတက်မှု ရှိလာတယ်ဆိုပေမဲ့ နိုင်ငံမှာ ဒီထက် ပိုမို ကောင်းမွန်တဲ့ လူ့အခွင့်ရေး တွေ ရဖို့ လိုသေးတယ်လို့လည်း လူ့အခွင့်ရေးလှုပ်ရှားသူတွေက ထောက်ပြကြပါတယ်။ ဒီအခြေအနေအပြည့်အစုံကိုတော့ မသင်းသီရိက ဆက်ပြောပြပေးမှာပါရှင်၊

မတ်လ ၁၃ ရက်နေ့ဟာ ၁၉၈၈ ခုနှစ်တုန်းက စက်မှုတက္ကသိုလ် ကျောင်းသားကိုဖုန်းမော် ကျဆုံးတဲ့နေ့ ဖြစ်ပြီး မြန်မာနိုင်ငံမှာ ၁၉၈၉ ခုနှစ်ကစလို့ ဒီနေ့ကို မြန်မာနိုင်ငံ လူ့အခွင့်ရေးနေ့ အဖြစ် သတ်မှတ်ကျင်းပလာတာ အခု ၂၃နှစ် ပြည့်ပြီ ဖြစ်ပါတယ်၊ ဒါ့ကြောင့် ဒီကနေ့ ကျရောက်တဲ့ မြန်မာနိုင်ငံ လူ့အခွင့်ရေးနေ့ကို ရန်ကုန်က တော်ဝင်နှင်းဆီမှာ ၈၈ မျိူးဆက် ကျောင်းသားခေါင်းဆောင်တွေ စက်မှု တက္ကသိုလ်ကျောင်းသားဟောင်းတွေ က ဦးဆောင်ပြီး အခမ်းအနား ကျင်းပခဲ့တာပါ၊ ဒီအခမ်းအနားကို တက်ရောက်ခဲ့တဲ့ ဒေါ်အောင်ဆန်းစုကြည်က မြန်မာနိုင်ငံသူ နိုင်ငံသားတွေဟာ လူသားတိုင် ရသင့် ရထိုက်တဲ့ လူ့အခွင့်ရေးတွေကို ခံစားနိုင်ခွင့် ရှိရမယ်လို့ ပြောပါတယ်။

"ကျမတို့ဟာ ဒီကမ္ဘာကြီးမှာ နေတဲ့ လူသားတွေထဲက တစိတ်တပိုင်းဖြစ်တယ်ဆိုတာကို အမြဲ မမေ့တမ်း နှလုံးထဲမှာ စွဲထားရမှာဖြစ်ပါတယ်။ ဒီတော့ ကျမတို့ လူ့အခွင့်အရေးလို့ ပြောတာ မြန်မာနိုင်ငံသူ နိုင်ငံသား အခွင့်အရေးလို့ ပြောနေတာမဟုတ်ဘူး။ မြန်မာနိုင်ငံသူ နိုင်ငံသားများဟာ လူသားတိုင်း ရသင့် ရထိုက်တဲ့ အခွင့်အရေးကို ရရမယ်လို့ ပြောနေတာဖြစ်ပါတယ်။ ကျမအနေနဲ့ မြန်မာနိုင်ငံမှာ မကြာခင်အချိန်အတွင်း လူ့အခွင့်အရေး ပြည့်ပြည့်၀၀ ခံစားနိုင်ပါစေ၊ တကမ္ဘာလုံးမှာလည်း ကမ္ဘာ့လူသားအားလုံး လူ့အခွင့်အရေးပြည့်ပြည့်၀၀ ခံစားနိုင်ပါစေလို့ ကျမနဲ့ အတူ ဆန္ဒပြုကြပါလို့ မေတ္တာရပ်ခံချင်ပါတယ်။"

မြန်မာနိုင်ငံ ရဲ့ ဒီမိုကရေစီနဲ့ လူ့အခွင့်ရေးတွေအတွက် စတင်လှုပ်ရှားခဲ့တဲ့ ၈၈ အရေးတော်ပုံကြီးကို အခြေခံတဲ့ ဒီနေ့ဟာ သမိုင်းဝင်နေ့တနေ့ ဖြစ်ပြီး တိုးတက်မှုဘက် ဦးတည်တဲ့ ခြေလှမ်းတွေ အတူ လှမ်းကြဖို့နဲ့ ပညာရေးကဏ္ဍ အရေးကြီးပုံ တွေကိုလည်း ထည်သွင်းပြောကြားသွားပါတယ်။

"ကျမတို့ အဲဒီတုန်းက မြန်မာနိုင်ငံလူ့အခွင့်အရေးနေ့ဆိုပြီးတော့ အားလုံးသဘောတူပြီးတဲ့နောက်မှာ လူ့အခွင့်အရေးဆိုတဲ့ အသုံးအနှုန်းက ဒီနိုင်ငံမှာ အတော်လေး ကျယ်ကျယ်ပြန့်ပြန့်ဖြစ်လာပါတယ်။ ကျမတို့ ဘယ်ကို သွားသွား တိုးတက်တဲ့ ဘက်ကို ဦးတည်ရမယ်။ တိုးတက်အောင် လုပ်ချင်တဲ့စိတ် ရှိရမယ်။ အဲဒီလို စိတ်ဓာတ်ရှိမှလည်း တိုးတက်နိုင်မှာ။ ပြီးတော့ အဖြစ်တခုကို သုံးသပ်တဲ့အခါမှာ နက်နက်နဲနဲ သုံးသပ်ရမယ်။ အပေါ်ယံကျော ကြည့်လို့မရဘူး။ ကျမတို့ နိုင်ငံအတွက် မျှော်လင့်ချက်တွေ များတယ်။ ဒါပေမဲ့ မျှော်လင့်ချက်ဆိုတာ မျှော်လင့်ချက်နဲ့ မပြီးဘူး။ အလုပ်လုပ်မှ ဒီမျှော်လင့်ချက်ကို အကောင်အထည်ဖော်နိုင်မှာ၊ ဒါကြောင့် ကျမတို့ ကလေးတွေကို ပညာသင်ပေးရမယ်။ ပညာသင်ပေးထားတယ်။ ပညာဆိုတာဘာလဲဆိုတော့ နောက်ဆုံးကျတော့ အခြေအနေတခုကို မှန်မှန်ကန်ကန်သုံးသပ်ဆင်ခြင်နိုင်ခွင့်၊ အဲဒီဟာ ပညာပဲ။"

ဒါကတော့ ဒီကနေ ရန်ကုန် တော်ဝင်နှင်းဆီမှာ ကျင်းပတဲ့ စက်မှုတက္ကသိုလ်ကျောင်းသား ကိုဖုန်းမော် ကျဆုံးခြင်း ၂၄ နှစ်ပြည့် နဲ့ မြန်မာနိုင်ငံ လူ့အခွင့်ရေးအနေ့ အခမ်းအနားတွင်း ဒေါ်အောင်ဆန်းစုကြည်ပြောခဲ့တဲ့ မိန့်ခွန်းထဲက တချို့ကို ကောက်နှုတ် တင်ပြပေးခဲ့တာပါ။ လွန်ခဲ့တဲ့ ၂၃ နှစ်က စလို့ လူ့အခွင့်ရေးနေ့ရယ်လို့ သတ်မှတ်ကျင်းပလာခဲ့ပေမဲ့ ဒီနေ့ထိတော့ မြန်မာနိုင်ငံမှာ လူ့အခွင့်ရေးတွေ အပြည့်အ၀ မရသေးဘူးလို့ ၈၈မျိုးဆက်ကျောင်းသားခေါင်းဆောင် ကိုမင်းကိုနိုင်က သုံးသပ်ပါတယ်။

"တကယ်ပြောင်းလဲရတော့မယ့်နေရာကို အသိတရားနဲ့ ပြောင်းလဲခြင်းဆိုရင်တော့ ခုလက်ရှိအခြေအနေကို ကျနော်တို့ ကြိုဆိုရမယ်။ နှစ်ဦးနှစ်ဘက်ပေါင်းပြီးတော့ ဒါကို ချဲ့ထွင်သွားရလိမ့်မယ်။ အဲတော့ ကျနော်တို့ဘက်က လိုတာက ကိုဖုန်းမော် ကျဆုံးခဲ့ပြီးတာဟာ မြန်မာနိုင်ငံလူ့အခွင့်အရေးနေ့လို့ ၂၃နှစ် ပြည့်တဲ့အထိ မြန်မာနိုင်ငံမှာ လူ့အခွင့်အရေးတွေ မရသေးဘူး။ ခုမှ စပြီး လူ့အခွင့်အရေးအတွက် ကြိုးစားကြရမယ်။ အဲဒီအတွက် တကမ္ဘာလုံးမှာ ပေးနေတဲ့ လူ့အခွင့်အရေး စံချိန် စံညွှန်းတွေ အတိုင်း မြန်မာပြည်သူ ပြည်သားတွေလည်း ရနိုင်ဖို့အတွက် ပြည်သူလူထုဆီသို့ဆိုတဲ့ ခေါင်းစဉ်နဲ့ ကျနော် အားလုံးကို ဖိတ်ခေါ်ထားခဲ့ပါတယ်။ တိုင်းရင်းသားတွေမှာ လူ့အခွင့်အရေးတွေ ချိုးဖောက်ခံနေရတာတွေ များစွာ ရှိမယ်ဆိုတာလည်း သေချာပါတယ်။"

၈၈မျိုးဆက်ကျောင်းသားခေါင်းဆောင် ကိုမင်းကိုနိုင်ပါ။ ဒါပေမဲ့ အရင်ကထက်စာရင် လူ့အခွင့်ရေးအခြေအနေတွေဟာ အခု တိုးတက်မှု တစုံတရာ ရှိလာပေမဲ့ ဒီထက်ကောင်းမွန်တဲ့ အခြေအနေတွေနဲ့ တိုးတက်မှုတွေရဖို့ လိူနေသေးတယ်လို့လည်း လူ့အခွင့်ရေးကော်မရှင် ဥက္ကဋ္ဌ ဦးဝင်းမြက သုံးသပ်ပါတယ်။

"လူ့အခွင့်အရေးနဲ့ပတ်သက်ပြီး အသိတရားရှိမှု Awareness က အရင်ထက် အများကြီးတိုးတက်ကောင်းမွန်လာတယ်လို့ ပြောလို့ရပါတယ်။ ဒါပေမဲ့ နိုင်ငံမှာ ဖြစ်နေတဲ့ အခြေနေကို ဒီထက် တိုးတက်ကောင်းမွန်အောင်တော့ ပိုမိုကြိုးစား ဆောင်ရွက်ဖို့ လိုနေသေးတယ်လို့ ပြောလိုပါတယ်။ ပြီးတော့ အရေးကြီးတာက အကယ်၍ ပဋိပက္ခဖြစ်နေတဲ့ နေရာက လူ့အခွင့်အရေးအခြေနေနဲ့ ပတ်သက်လို့ကတော့ တိတိကျကျ ဘာမှပြောလို့ မရပါဘူး။ ဒါကြောင့် ပဋ်ိပက္ခဖြစ်နေတဲ့ နေရာတွေမှာ ဖြစ်နေတဲ့ လူ့အခွင့်အရေးချိုးဖောက်မှုတွေက ခုချိန်မှာ တိတိကျကျ ပြောဖို့ ခက်ပါတယ်။"

လူ့အခွင့်ရေးကော်မရှင် ဥက္ကဌ ဦးဝင်းမြက သုံးသပ်ခဲ့တာပါရှင်။ ဒီကနေ့ ကျရောက်တဲ့ မြန်မာနိုင်ငံရဲ့ လူ့အခွင့်ရေးနေ့ အခမ်းအနားတွေကို နယ်မြို့တချို့မှာလည်း ကျင်းပကြသလို ထိုင်းနိုင်ငံအပါအ၀င် တခြား နိုင်ငံတချို့မှာလည်း ကိုဖုန်းမော်ကျဆုံးခြင်း နှစ်ပတ်လည်နဲ့ လူ့အခွင့်ရေးနေ့ အခမ်းအနားတွေကို ကျင်းပကြပါတယ်။

မူရင်းလင့်က ဒီမှာပါ။

ကျနော်တို့ တောင်းဆိုနေတာ ကိုယ်ပိုင်ပြဌာန်းခွင့်ပါ

ကချင်ပြည်နယ် လိုင်ဇာ စစ်ဆင်ရေး ကွပ်ကဲမှု ဌာနချုပ်တွင် ကချင်လွတ်လပ်ရေး တပ်မတော် ဒုတိယ စစ်ဦးစီးချုပ် ဗိုလ်မှူးချုပ် ဂွမ်မော်နှင့် ဧရာဝတီမဂ္ဂဇင်းက သီးသန့်တွေ့ဆုံမေးမြန်းခဲ့သည်။ ဗိုလ်မှူးချုပ် ဂွမ်မော်၏ နောက်ကျောဘက် နံရံတွင် ဒေါ်အောင်ဆန်းစုကြည်၏ ရုပ်ပုံကိုချိတ်ဆွဲထားပြီး မလှမ်းမကမ်းတွင်မူ “ဘုရားသခင်သည်သာ ကျွန်ုပ်တို့၏ အောင်ပွဲ” ဟူသော နဖူးစည်းစာတန်း ချိတ်ဆွဲထားသည်ကို တွေ့ရသည်။ ရွှေလီမြို့တွင် ပြုလုပ်ခဲ့သည့် ဆွေးနွေးပွဲများ၏ မှတ်တမ်း ဗွီဒီယိုကိုလည်း ပြသသည်။

ကချင်လွတ်လပ်ရေး တပ်မတော် ဒုတိယ စစ်ဦးစီးချုပ် ဗိုလ်မှူးချုပ် ဂွမ်မော် (ဓာတ်ပုံ - ဧရာဝတီ)

တရုတ်နိုင်ငံနယ်စပ်မြို့ ရွှေလီတွင် ကချင်လွတ်လပ်ရေးအဖွဲ့ (KIO) နှင့် မြန်မာအစိုးရအကြား တွေ့ဆုံဆွေးနွေးမှုများ တကျော့ပြန် စတင်လိုက်သည်နှင့် ပတ်သက်ပြီး ထာဝရတည်တံ့မည့် ငြိမ်းချမ်းရေးရယူရန်အတွက် အဓိက အရေးကြီးသည့်အချက်များကို ဗိုလ်မှူးချုပ် ဂွမ်မော်က ရှင်းပြခဲ့သည်။

မေး ။ ။ ရွှေလီမှာ ပြုလုပ်မယ့် ကေအုိုင်အိုနဲ့ မြန်မာအစိုးရအကြား ဆွေးနွေးပွဲကို ဗိုလ်မှူးချုပ်အနေနဲ့ ဘယ်လို သတ်မှတ်ချက်တွေ ယူဆောင်သွားမှာပါလဲ။

ဖြေ ။ ။ အဆင့်သုံးဆင့်နဲ့ ကျနော်တို့ သွားချင်တယ်လို့ သူတို့ကို အကြံပြုထားပြီး ဖြစ်ပါတယ်။ ပထမအဆင့်က ပဏာမအဆင့် ဆွေးနွေးပွဲတွေ၊ ဒုတိယအဆင့် တနိုင်ငံလုံးဆောင်တဲ့ နိုင်ငံရေးဆွေးနွေးပွဲ၊ ပြီးမှ တတိယအဆင့် အနေနဲ့ သဘောတူညီထားတဲ့ နိုင်ငံရေးသဘောတူညီချက်ကို အကောင်အထည်ဖော်ခြင်းဆိုတဲ့ အဆင့်တွေ ဖြစ်ပါတယ်။ အဓိကလိုလားတဲ့ အချက်ကတော့ ၁၉၄၇ ခုနှစ် ပင်လုံသဘောတူညီချက်မှာ ပါရှိခဲ့တဲ့အတိုင်း တန်းတူရေးနဲ့ ကိုယ်ပိုင်ပြဌာန်းခွင့်တို့ ရရှိရေးပဲ ဖြစ်ပါတယ်။

အခုက စစ်မှန်တဲ့ တွေ့ဆုံဆွေးနွေးရေးကို ဦးတည်စေမယ့် ပဏာမအဆင့်မှာပဲ ရှိပါသေးတယ်။ အဲဒီဆွေးနွေးပွဲ မစခင်မှာ အချက် ၈ ချက် ကျနော်တို့ တောင်းဆိုပါတယ်။ ပဏာမ ဆွေးနွေးပွဲတွေနဲ့ စရပါမယ်။ အခု ရွှေလီဆွေးနွေးပွဲတွေက ပဏာမ အဆင့်ပါ။ နှစ်ဖက်စလုံးက နိုင်ငံရေးအရ ဆွေးနွေးမှုအတွက် ဆန္ဒရှိကြောင်း ထုတ်ဖော်ပြသရပါမယ်။ နှစ်ဖက်စလုံးက အရှိကိုအရှိအတိုင်း သတင်းထုတ်ပြန်ဖို့ သဘောတူရမယ်။ မည်သည့်ဘက်ကမှ တခြားတဖက်ကို အပုတ်ချ စွပ်စွဲတာမျိုး မလုပ်ရဘူး။

ပဏာမဆွေးနွေးပွဲတွေအကြောင်း သတင်းကို လူသိရှင်ကြား ထုတ်ဖော်ပြောဆိုရပါမယ်။ နှစ်ဖက်တပ်တွေ ထိန်းချုပ်ထားတဲ့ နယ်မြေတွေက ရောပြွမ်းနေတော့ နယ်မြေရှင်းရှင်းလင်းလင်း သတ်မှတ်ဖို့နဲ့ ကျွံနေတဲ့တပ်တွေကို သက်ဆိုင်ရာနယ်မြေတွေထဲ ပြန်လည်ပြောင်းရွှေ့ဖို့ ကျနော်တို့ တောင်းဆိုပါတယ်။ အရပ်သားဖြစ်စေ၊ စစ်သားဖြစ်စေ ထိန်းသိမ်းထားသူတွေကို ချက်ချင်းပြန်လွှတ်ပေးရမယ်။ နှစ်ဖက်အကြားမှာ ကောင်းမွန်တဲ့ ဆက်ဆံရေး လမ်းကြောင်းတွေရှိဖို့ ဆက်ဆံရေးရုံးတွေ ဖွင့်ဖို့လည်း ကျနော်တို့ တောင်းဆိုပါတယ်။

အဲဒီအချက်တွေ အောင်မြင်ပြီဆိုရင် ကျနော်တို့အနေနဲ့ နိုင်ငံရေးစကားဝိုင်းကို ၀င်ဖို့ဆန္ဒရှိပါတယ်။ ပထမဆင့်အနေနဲ့ ဖြစ်နုိုင်ရင် ပင်လုံမှာ အမျိုးသားညီလာခံကြီးတခု ကျင်းပဖို့ တောင်းဆိုပါတယ်။ အဲဒီညီလာခံကတဆင့် အစိုးရနဲ့ မြန်မာနိုင်ငံသား တိုင်းရင်းသားလူမျိုး အားလုံးအကြား သဘောတူတဲ့ သဘောတူညီချက်တခု ရရှိသင့်ပါတယ်။

နောက်ပိုင်း ဖွံ့ဖြိုးရေးလုပ်ငန်းစဉ်၊ လမ်း တံတား စတဲ့ အခြေခံအဆောက်အအုံ တည်ဆောက်ရေးစသဖြင့် လုပ်ငန်းတွေမှာ ကျနော်တို့ ပူးပေါင်းဆောင်ရွက်ချင်ပါတယ်။ ကျေးရွာတွေ ပြန်ဆောက်ပေးချင်တယ်။ နစ်နာခဲ့ရသူတွေကို လျော်ကြေးပေးချင်ပါတယ်။

အဲဒီနိုင်ငံရေး တွေ့ဆုံဆွေးနွေးမှုတွေ ပြီးတဲ့အခါမှာ သဘောတူညီချက်ကို အကောင်အထည်ဖော်ပေးဖို့ ကျနော်တို့ တောင်းဆိုပါတယ်။ ချုပ်ရမယ်ဆိုရင် ပထမအဆင့်အနေနဲ့ ကျနော်တို့ အခု ရွှေလီမှာ စကားပြောနေပြီ။ ပြီးရင် မြန်မာတနိုင်ငံလုံးက တိုင်းရင်းသားတွေအားလုံး အတူတကွလက်တွဲပြီး နိုင်ငံရေးသဘောတူညီချက်တခု ရချင်တယ်။ နောက်ဆုံးအဆင့်ဖြစ်တဲ့ တတိယအဆင့်က အဲဒီသဘောတူညီချက်ကို အကောင်အထည်ဖော်ဖို့ပဲ ဖြစ်ပါတယ်။

မေး ။ ။ ဇန်န၀ါရီလတုန်းက နောက်ဆုံး ဆောင်ရွက်ခဲ့တဲ့ ပဏာမဆွေးနွေးမှုက ဘာကြောင့် ပျက်သွားရတာပါလဲ။

ဖြေ ။ ။ ပဏမအဆင့်မှာ ဆွေးနွေးပွဲတွေဟာ အောင်မြင်တယ်၊ မအောင်မြင်ဘူးလို့ ကျနော်တို့ ပြောလို့မရပါဘူး။ မီဒီယာမှာ ဖော်ပြသလို မဟုတ်ပါဘူး။ ကျနော်တို့က နိုင်ငံရေးအရ ဆွေးနွေးမှု အရင်လုပ်ဖို့ တောင်းဆိုတယ်၊ အစိုးရဖက်က အပစ်အခတ်ရပ်စဲရေးအကြောင်းပဲ ပြောနေတယ်။ ၁၉၉၄ ခုနှစ်ကတည်းက ကျနော်တို့ဟာ နိုင်ငံရေးဆွေးနွေးပွဲတွေဖြစ်ဖို့ အပစ်ရပ်ထားခဲ့တာပါ။

၁၉၉၄ ခုနှစ်မှာ ကျနော်တို့ အပစ်အခတ်ရပ်စဲရေး သဘောတူစာချုပ်ကို လက်မှတ်ထိုးခဲ့တယ်။ ၂၀၀၄ ခုနှစ်မှာ အမျိုးသားညီလာခံ တက်ခဲ့တယ်။ အခြေခံဥပဒေမူကြမ်း ရေးဆွဲတဲ့ အဆင့်တိုင်းမှာ ကျနော်တို့ပါခဲ့တယ်။ ကေအိုင်အို ထိန်းချုပ်တဲ့ ဒေသအတွင်းမှာတောင် အခြေခံဥပဒေ ဆန္ဒခံယူပွဲလုပ်ဖို့ ကျနော်သဘောတူပေးခဲ့တယ်၊ ကျင်းပပေးခဲ့တယ်။ ၂၀၁၀ ရွေးကောက်ပွဲကိုလည်း ကျနော်တို့ နှောက်ယှက်ဟန့်တားခြင်း မပြုခဲ့ဘူး။ ပြည်သူကိုလည်း သူတို့ဆန္ဒရှိသလို မဲပေးပါလို့ ကျနော်တို့ ပြောခဲ့တယ်။ ၂၀၀၈ ခုနှစ်ကတည်းက ကချင်နိုင်ငံရေးပါတီဖွဲ့ပါလို့ လူထုကို ကျနော်တို့ ပြောလာခဲ့တယ်။ ဒါပေမယ့် ပါတီမှတ်ပုံတင်တာကို ခွင့်မပြုခဲ့ဘူး။

၂၀၁၀ ရွေးကောက်ပွဲ မတိုင်ခင်က နိုင်ငံရေးဆွေးနွေးပွဲလုပ်ဖို့ ရွေးကောက်ပွဲအပြီး အစုိုးရသစ်ပေါ်လာတဲ့အထိ စောင့်ပါလို့ ကျနော်တို့ကို ပြောခဲ့တယ်။ ပြီးတော့ ၂၀၀၉ မှာ နယ်ခြားစောင့်အဖြစ်ပြောင်းဖို့ ကျနော်တို့ကို အတင်းအကျပ် လုပ်လာတယ်။ ရွေးကောက်ပွဲပြီးတော့လည်း နိုင်ငံရေးအရ ဆွေးနွေးဖို့ လက်မခံခဲ့ပြန်ဘူး။ အဲဒီလို မပြေလည်မှုတွေအပေါ် အခြေခံပြီး ၂၀၁၁ ခုနှစ်မှာ တိုက်ပွဲတွေ စခဲ့တာပဲ။

ကေအိုင်အိုက အပစ်အခပ်ရပ်စဲရေး သဘောတူညီချက် မလုပ်ချင်တာကို အခုဆို နိုင်ငံတကာအသိုင်းအ၀န်းက နားလည်နေပြီ။ မြန်မာအစိုးရက နိုင်ငံတကာကို ကျနော်တို့က အပစ်အခတ်ရပ်စဲရေး သဘောတူညီချက် မလုပ်ချင်ဘူးလို့ ပြောနေတယ်။ ဒါပေမယ့် လွန်ခဲ့တဲ့ ၁၇ နှစ် လုံးလုံး နုိုင်ငံရေးဆွေးနွေးပွဲတခု ဖြစ်လာဖို့ ကျနော်တို့ အားထုတ်ခဲ့တာကြ သူတို့မပြောဘူး။ ကျနော်တို့ အားထုတ်မှုကို ဘယ်သူမှ မမြင်ပေးကြဘူး။

မေး ။ ။ မြန်မာအစိုးရနဲ့ ဗိုလ်မှူးချုပ်တို့ပြောတဲ့ ဆွေးနွေးပွဲတွေကို တရုတ်နိုင်ငံက သူ့မြေပေါ်မှာ လက်ခံပေးနေတယ် ဆိုတော့ တရုတ်အစိုးရနဲ့ ဆက်ဆံရေးကရော ဘယ်လိုပါလဲ။

ဖြေ ။ ။ တရုတ်နိုင်ငံနဲ့ ကျနော်တို့ ဆက်ဆံရမယ်။ ကောင်းမွန်တဲ့ ဆက်ဆံရေးရှိရမယ်။ ဘာကြောင့်လဲဆိုတော့ ကျနော်တို့က သူတို့နဲ့ နယ်နမိတ်ချင်း ထိစပ်နေလို့။ နယ်စပ်တလျှောက်မှာ တရုတ်အစိုးရက တည်ငြိမ်မှုလိုလားတယ်။ ဆိုတော့ နယ်စပ်ဒေသ တည်ငြိမ်ရေးနဲ့ ပတ်သက်ပြီး တချို့ဆက်ဆံမှုတွေတော့ ရှိနေပါတယ်။ ဒါကလွဲပြီးတော့ တခြား ဆက်ဆံမှုတော့ မရှိပါဘူး။

မေး ။ ။ ဧပြီလ ၁ ရက်နေ့ ကြားဖြတ်ရွေးကောက်ပွဲကနေ ဗိုလ်မှူးချုပ်တို့ ဘာမျှော်လင့်ထားပါသလဲ။

ဖြေ ။ ။ အပြောင်းအလဲတွေတော့ ဖြစ်နေတယ်။ ဒါပေမယ့် ပြည့်စုံတဲ့ အပြောင်းအလဲတော့ မဟုတ်သေးဘူး။ ဒီအပြောင်းအလဲတွေမှာ တုိုင်းရင်းသားအရေး မပါသေးဘူး။ တိုင်းရင်းသားအရေးနဲ့ ပတ်သက်လို့ ဘာကိစ္စမှ မဖြေရှင်းရသေးဘူးလို့ ကျနော်တို့ ပြောနိုင်တယ်။ စောင့်ကြည့်ရဦးမှာပဲ။

မေး ။ ။ ကြားဖြတ်ရွေးကောက်ပွဲပြီးရင် ပိတ်ဆို့မှုတွေကို ရုပ်သိမ်းပေးစေချင်ပါသလား။

ဖြေ ။ ။ တချို့ပိတ်ဆို့မှုတွေတော့ ဖယ်ရှားကောင်း ဖယ်ရှားပေးနိုင်တယ်လို့ ကျနော်တို့ထင်တယ်။ ပိတ်ဆို့မှုတွေ ဖယ်ပေးပါ၊ မဖယ်ပေးပါနဲ့လို့ ပြောရမှာက ကျနော်တို့ အလုပ်မဟုတ်ဘူးထင်တယ်။ ဘာကြောင့်လဲဆိုတော့ ဒီပိတ်ဆို့မှုတွေကို ချမှတ်တာ ကျနော်တို့မှ မဟုတ်တာ။ ပိတ်ဆို့မှုတွေ ရုပ်မယ်ဆိုရင် မြန်မာပြည်သူတွေ ဘယ်လောက် အကျိုးရှိမရှိ ဆိုတဲ့အချက်အပေါ်မှာပဲ အခြေခံပြီး စဉ်းစားသင့်တယ်။

မေး ။ ။ ကချင်လူထုအဖွဲ့အစည်းတွေက ကချင်ပြည်နယ်အတွင်းမှာရှိတဲ့ မြစ်ဆုံရေကာတာ အပါအ၀င် အကြီးစား တည်ဆောက်ရေးလုပ်ငန်းတွေကို ဆန့်ကျင်တဲ့ လှုံ့ဆော်မှုတွေ လုပ်နေပါတယ်။ ဆောက်လုပ်ရေးလုပ်ငန်းတွေ ပြန်စနေတယ်လို့လည်း လတ်တလောထွက်ရှိတဲ့ အစီရင်ခံစာတွေက ပြောနေကြပါတယ်။ ဆိုတော့ ရေကာတာစီမံကိန်းနဲ့ ပတ်သက်ပြီး ဗိုလ်မှူးချုပ်ရဲ့ သဘောထားကို သိပါရစေ။

ဖြေ ။ ။ မြစ်ဆုံမှာ တည်ဆောက်မယ့် ရေကာတာကို ကျနော်တို့ ကန့်ကွက်ပါတယ်။ မြစ်အထက်ပိုင်းမှာ တည်ဆောက်မယ့် ရေကာာတာ အသေးစား ၆ ခုက လူထုကို ထိခိုက်မှု မရှိစေပါဘူး။ ဒါပေမယ့် မြစ်ဆုံမှာ တည်ဆောက်မယ့် အကြီးဆုံးရေကာတာကြီးကတော့ ပြဿနာအများကြီး ဖြစ်သွားနုိုင်ပါတယ်။

မေး ။ ။ မြန်မာစစ်တပ်က ရှေ့တန်းမှာ အင်အားသစ်တွေ ထပ်ချထားတာနဲ့ ပတ်သက်ပြီး ရွှေလီဆွေးနွေးပွဲမှာ တင်ပြဖို့ရှိပါသလား။

ဖြေ ။ ။ ဇန်န၀ါရီ ဆွေးနွေးပွဲတုန်းကလည်း ပြဿနာဖြစ်နုိုင်တဲ့ တပ်တည်နေရာစာရင်းကို သူတို့ကို ပေးခဲ့ပါတယ်။ အဲဒီတပ်တွေ ဖယ်ပေးဖို့ ကျနော်တို့ တောင်းဆိုခဲ့ပါတယ်။ ဒါပေမယ့် အခုအထိ ဘာမှအပြောင်းအလဲ မရှိသေးဘူး။ ကျနော်တို့ တောင်းဆိုနေတာက ကချင်ပြည်သူတွေအတွက် ကိုယ်ပိုင်ပြဌာန်းခွင့်ပါ။ ဒါကြောင့် သမ္မတဦးသိန်းစိန်အနေနဲ့ ဒီကိစ္စကို ဘယ်လောက် အရေးတယူ လုပ်မလဲဆိုတာ ကျနော်တို့ သိချင်ပါတယ်။ အခုအထိတော့ မသိနိုင်သေးပါဘူး။

မူရင်းလင့်က ဒီမှာပါ။

အားလုံးပါဝင်နိုင်မယ့် အခင်းအကျင်းမျိုး ဖော်ဆောင်ပေးဖို့လိုတယ်

ကြိုတင် ပြင်ဆင်မှုများ ပြုလုပ်ရန် စေလွှတ်လိုက်သည့် မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ်တပ်ဦး(ABSDF) ရှေ့ပြေးအဖွဲ့သည် ရန်ကုန်မြို့တွင် အစိုးရအဖွဲ့တာဝန်ရှိသူများနှင့် သွားရောက် တွေ့ဆုံပြီးနောက် ယမန်နေ့က ထိုင်း-မြန်မာ နယ်စပ်သို့ ပြန်လည်ရောက်ရှိလာသည်။

မတ်လ ၁၂ ရက်နေ့တွင် ရန်ကုန်မြို့မှ ထိုင်း-မြန်မာနယ်စပ်သို့ ပြန်လည်ရောက်ရှိလာသော ABSDF ရှေ့ပြေးကိုယ်စားလှယ် အဖွဲ့ (ဓာတ်ပုံ - ABSDF)

ရှေ့ပြေးအဖွဲ့တွင် ABSDF တွဲဖက် အထွေထွေ အတွင်းရေးမှူး (၁) ဦးမြင့်ဦး ဦးဆောင်သော ၆ ဦးအဖွဲ့ ပါဝင်ပြီး ယခုလ ၇ ရက်နေ့က ရန်ကုန်မြို့သို့ သွားရောက်ခဲ့သည်။ ဦးအောင်သောင်း ခေါင်းဆောင်သည့် ပြည်ထောင်စုအဆင့် ငြိမ်းချမ်ရေး ဆွေးနွေးရေးအဖွဲ့မှ ဗိုလ်မှူးကြီးဟောင်း ဦးစောခင်စိုးနှင့် ညှိနှိုင်းမှုများ ပြုလုပ်ခဲ့ပြီး ဧပြီလဆန်းပိုင်းတွင် ဆွေးနွေးကြရန် ရက်သတ်မှတ်နိုင်ခဲ့ကြောင်း သိရသည်။

၁၉၈၈ ခုနှစ် နိုဝင်ဘာလ ၁ ရက်နေ့တွင် ABSDF ကို စတင် တည်ထောင်ခဲ့ပြီး နယ်စပ်ဒေသများတွင် အခြေစိုက်ကာ ဒီမိုကရေစီအရေး၊ လူ့အခွင့်အရေးနှင့် ပြည်တွင်းငြိမ်းချမ်းရေး ရရှိရန်အတွက် အစိုးရ အဆက်ဆက်အား ဆန့်ကျင် တော်လှန်ခဲ့သည်မှာ ၂၃ နှစ် ကျော် ရှိပြီဖြစ်သည်။

ဆွေးနွေးပွဲပြုလုပ်ရန် သွားရောက်ပြင်ဆင်ခဲ့သည့် ABSDF ရှေ့ပြေးအဖွဲ့၏ ရန်ကုန်ခရီးစဉ် အတွေ့အကြုံ၊ ငြိမ်းချမ်းရေး ဆွေးနွေးပွဲများအပေါ် သဘောထား၊ အစိုးရအာဏာပိုင်များနှင့် တွေ့ဆုံမည့်အချိန်တွင် ဆွေးနွေးမည့် အကြောင်းအရာများကို ဧရာဝတီ သတင်းထောက် ကျော်ခ က ABSDF ဒုတိယ ဥက္ကဋ္ဌ ဦးမျိုးဝင်းနှင့် ဆက်သွယ်မေးမြန်းထားပါသည်။

မေး ။ ။ ABSDF ရှေ့ပြေးအဖွဲ့တွေ ရန်ကုန်သွားတဲ့အခါမှာ အစိုးရဖက်က ဘယ်သူတွေနဲ့ တွေ့ဖြစ်ခဲ့ပြီး ဘာတွေပြင်ဆင် ဖြစ်ခဲ့ကြသလဲ။

ဖြေ ။ ။ ကျနော်တို့ အခုတွေ့တာကတော့ နှစ်ဖက်ဆက်ဆံရေး ကိုယ်စားလှယ်တွေ ပြင်ဆင်ဖို့အတွက်ကို ဆွေးနွေးတဲ့အဆင့်ပါ။ ကျနော်တို့ဖက်က ဆက်ဆံရေး ကိုယ်စားလှယ်ဖြစ်တဲ့ တွဲဘက်အတွင်းရေးမှူး (၁) ကိုမြင့်ဦး ဦးဆောင်တဲ့အဖွဲ့နဲ့ ဟိုဘက်ကတော့ ပြည်ထောင်စုအဆင့် ငြိမ်းချမ်းရေးဖော်ဆောင်ရေးအဖွဲ့က ငြိမ်းချမ်းရေးကိုယ်စားလှယ်အဖြစ် တာဝန်ပေးထားတဲ့ ဗိုလ်မှူးကြီး စောခင်စိုးတို့ နှစ်ဖက်ဆွေးနွေးခဲ့ကြတာပါ။ အဓိက ကတော့ မူလသတ်မှတ်ထားတဲ့ တွေ့ဆုံဆွေးနွေးမယ့်ရက်ပေါ့နော်၊ အဲဒါကို သေချာအောင်လုပ်တယ်။ ဆွေးနွေးမယ့်ရက်ကို ဒေသအသီးသီးမှာရှိတဲ့ ကျနော်တို့ ကျောင်းသားတပ်မတော် ကိုယ်စားလှယ်တွေ သွားဖို့အတွက် ပြင်ဆင်တာတွေအတွက် ညှိနှိုင်းဆွေးနွေးတာပေါ့နော်။ နှစ်ဖက်ဆွေးနွေးမယ့်ရက်ကတော့ ဧပြီလဆန်းပိုင်းကို သတ်မှတ်ပါတယ်။ ရန်ကုန်မှာဆွေးနွေးမှာပါ။

မေး ။ ။ ABSDF ဆိုတာလည်း ၈၈ မျိုးဆက်တခုဖြစ်တော့ တချိန်တုန်းက အရေးအခင်းကာလမှာ တချိန်တည်း လှုပ်ရှားမှုတွေ လုပ်ခဲ့ကြတဲ့သူတွေ၊ အခုပြည်တွင်းမှာရှိနေတဲ့ ၈၈ အဖွဲ့တွေနဲ့ရော တွေ့ဖြစ်ခဲ့သေးလား။

ဖြေ ။ ။ လောလောဆယ် ဒီခရီးစဉ်မှာတော့ ဘယ်အဖွဲ့အစည်းနဲ့မှ တွေ့ဆုံခြင်း မရှိသေးပါဘူး။ ဘာလိုလဲဆိုတော့ လတ်တလော လိုအပ်တဲ့ ညှိနှိုင်းဆောင်ရွက်မှုတွေ အတွက်လောက်ပဲ သွားတာဆိုတော့လေ။ နောက်လာမယ့် တွေ့ဆုံဆွေးနွေးပွဲတွေမှာတော့ တွေ့ဖြစ်ကြဖို့ ရှိပါတယ်။

မေး ။ ။ ပြည်တွင်းက ၈၈ အဖွဲ့တွေနဲ့ ABSDF တို့ရဲ့ဆက်ဆံရေးကရော ဘယ်လိုရှိလဲ။ သူတို့ကိုရော ဘယ်လိုမြင်လဲ။

ဖြေ ။ ။ ပြည်တွင်းက ၈၈ အဖွဲ့တွေနဲ့ အမြင်သဘောထားခြင်း ဖလှယ်နိုင်ဖို့ ကျနော်တို့အနေနဲ့ ကြိုးပမ်းသွားမှာပါ။ ကျနော်တို့ လုပ်ဖော်ကိုင်ဖက်၊ ရဲဘော်ရဲဘက်တွေ အပါအဝင် ပြည်တွင်းမှာရှိတဲ့ ဒေါ်အောင်ဆန်းစုကြည် ဦးဆောင်တဲ့ NLD ပါတီနဲ့ တခြားနိုင်ငံရေး အဖွဲ့အစည်းတွေနဲ့လည်း တွေ့ဆုံဆွေးနွေးနိုင်ဖို့ ကျနော်တို့ ကြိုးစားသွားမှာပါ။

မေး ။ ။ ကျနော်တို့ ကြားသိထားသလောက်ကတော့ ABSDF နဲ့ဆက်နွယ်ပြီး အကျဉ်းကျနေတဲ့ အကျဉ်းသား ၃၀ ကျော်လောက် ရှိတယ်လို့ သိရတယ်။ အစိုးရနဲ့ ဆွေးနွေးတဲ့အခါမှာ သူတို့အတွက် ဘယ်လိုစဉ်းစားထားလဲ။

ဖြေ ။ ။ တိုင်းပြည် ပြန်လည်ထူထောင်ရေးလုပ်ငန်းစဉ် လုပ်တဲ့နေရာမှာပဲဖြစ်ဖြစ်၊ နိုင်ငံရေးလုပ်ငန်း ဖော်ဆောင်တဲ့ နေရာမှာပဲဖြစ်ဖြစ် နိုင်ငံရေးအင်အားစု အားလုံး ပါဝင်ခွင့်ရဖို့ ဝိုင်းဝန်းဆွေးနွေး အဖြေရှာဖို့ လိုအပ်ပါတယ်။ ဒါကြောင့် အားလုံးပါဝင်တဲ့ နိုင်ငံရေး ဆွေးနွေးအဖြေရှာမှုမျိုး၊ လုပ်ငန်းစဉ်ဖော်ဆောင်မှုမျိုး ဖြစ်ဖို့အတွက်ဆိုရင် အားလုံးပါဝင်နိုင်မယ့် အခင်းအကျင်းမျိုး ဖော်ဆောင်ပေးဖို့လိုတယ်။ ဒါကြောင့် ABSDF အကျဉ်းသားများအပါအဝင် ကျန်ရှိနေတဲ့ နိုင်ငံရေး အကျဉ်းသားများအားလုံး လွတ်မြောက်ဖို့ အတွက်ကိုလည်း ကျနော်တို့အနေနဲ့ အစိုးရနဲ့ ညှိနှိုင်းဆောင်ရွက်သွားမှာပါ။

မေး ။ ။ တိုင်းရင်းသား လက်နက်ကိုင်တွေဟာ အစိုးရနဲ့ဆွေးနွေးတဲ့အခါ ကိုယ်ပိုင်ပြဌာန်းခွင့်နဲ့ နယ်မြေပိုင်းခြားရေးတွေကို အဓိကဆွေးနွေးတာကို တွေ့ရတယ်။ ABSDF ကကျတော့ ဘယ်အကြောင်းအရာတွေကို ဦးတည်ဆွေးနွေးကြမလဲ။

ဖြေ ။ ။ ဆွေးနွေးနေကြတဲ့ အဖွဲ့တွေကတော့ တဖွဲ့နဲ့တဖွဲ့ ပုံသဏ္ဍာန်ချင်းတော့ တူမှာမဟုတ်ပါဘူး။ တဖွဲ့ချင်းစီရဲ့ မတူကွဲပြားမှုအပေါ်မှာ အခြေခံပြီးတော့ ဆောင်ရွက်သွားရမယ့် အနေအထားတော့ ရှိပါလိမ့်မယ်။ အရာအားလုံးတော့ တထပ်တည်း ဖြစ်လိမ့်မယ်လို့တော့ ကျနော်တို့ မမျှော်လင့်ပါဘူး။

ကျနော်တို့ဟာ ပုံသဏ္ဍာန်ချင်း မတူညီတာတွေရှိနိုင်ပေမယ့် နိုင်ငံရေးအရ၊ ဦးတည်ချက်နဲ့ ရည်မှန်းချက်ကတော့ တိုင်းရင်းသားအဖွဲ့တွေနဲ့ အတူတူပါပဲ။ စစ်မှန်တဲ့ ပြည်ထောင်စု ဖော်ဆောင်ချင်တယ်။ ဒီမိုကရေစီနဲ့ အခြေခံ လူ့အခွင့်အရေးတွေ ရရှိစေချင်တယ်။ အဲဒီရည်မှန်းချက်တွေ အားလုံးတော့ တူကြပါတယ်။

မေး ။ ။ ဒါဆိုရင် ဧပြီလဆန်းပိုင်းမှာ အစိုးရ ငြိမ်းချမ်းရေး ဖော်ဆောင်ရေးအဖွဲ့တွေနဲ့ တွေ့ဆုံတဲ့အခါကြရင် ABSDF ဘက်က ဘယ်အရာတွေကို အဓိကထား တောင်းဆိုဆွေးနွေးကြမလဲ။

ဖြေ ။ ။ ခုချိန်မှာတော့ ကျနော်တို့ ဆွေးနွေးမယ့်အချက်တွေကို ပြောပြဖို့ စောပါသေးတယ်။ အဓိက အခြေခံအားဖြင့် အနှစ်ချုပ် ကျနော်တို့ သဘောထားပြောရမယ်ဆိုရင်တော့ ကျနော်တို့ တင်ပြဆွေးနွေးမယ့် နိုင်ငံရေးကိစ္စကတော့ ယနေ့ကာလ ဖြစ်နေတဲ့ နိုင်ငံရေးပြဿနာကို အဖြေရှာမယ်ဆိုရင် တဖွဲ့ချင်းစီနဲ့ တွေ့ဆုံဆွေးနွေးနေရုံနဲ့ မလုံလောက်ဘူး။ ABSDF နဲ့ လက်ရှိအစိုးရနဲ့ ကြားမှာ ပြေလည်ရုံနဲ့ မလုံလောက်ဘူး။ တိုင်းရင်းသား တဖွဲ့ချင်းနဲ့ပြေလည်ရုံနဲ့ မလုံလောက်ဘူး။ အဓိက ကျနော်တို့ ရည်ရွယ်ထားတာ၊ ရည်မှန်းထားတာကတော့ နိုင်ငံရေးပြဿနာကို အဖြေရှာနိုင်ဖို့အတွက်ဆိုရင် ပြည်တွင်း၊ ပြည်ပမှာ ရှိတဲ့ နိုင်ငံရေးအင်အားစု အားလုံးပါဝင်တဲ့ ညှိနှိုင်းဆွေးနွေးမှု၊ နိုင်ငံရေးဆွေးနွေးပွဲ လိုအပ်တယ်လို့မြင်ပါတယ်။ အဲဒါကို ဦးတည် ရည်ရွယ်ပြီး ကျနော်တို့အနေနဲ့ တင်ပြ ဆွေးနွေးသွားမှာပါ။

မေး ။ ။ အစိုးရနဲ့ အပစ်ခတ်ရပ်စဲရေး လတ်မှတ်ထိုးကြတဲ့ တိုင်းရင်းသားလက်နက်ကိုင် အဖွဲ့တွေနဲ့ရော အချိတ်ဆက်ရှိလား။ သူတို့တွေ အပစ်ရပ်ရေး လက်မှတ်ထိုးကြတဲ့အပေါ်မှာရော ABSDF ရဲ့ အမြင်က ဘယ်လိုရှိလဲ။

ဖြေ ။ ။ ကျနော်တို့ ဒီကနေ့အချိန်အထိ အတူတကွ တိုက်ပွဲဝင်ခဲ့ကြတာ တိုင်းရင်းသား လက်နက်ကိုင် အဖွဲ့အစည်းအားလုံးနဲ့ ထိတွေ့မှု ရှိပါတယ်။ ပြီးခဲ့တဲ့ကာလမှာပဲ အဖွဲ့အစည်းအားလုံးနဲ့ တဖွဲ့ချင်းစီနဲ့ ကျနော်တို့ အဖွဲ့အစည်းရဲ့ ဆောင်ရွက်နေတဲ့ အခြေအနေတွေ။ သူတို့ဆီက ဆောင်ရွက်နေတဲ့ အတွေ့အကြုံတွေကို အပြင်မှာရှိတဲ့ အဖွဲ့အစည်းအားလုံးနဲ့ တွေ့ဆုံဖြစ်တယ်ပေါ့နော်။ နောက်တခုကတော့ ကျနော်တို့အမြင်ကတော့ ဒီနေ့ကာလမှာ စစ်မှန်တဲ့ ပြည်တွင်းငြိမ်းချမ်းရေးကို ဖော်ဆောင်ဖို့အတွက်ဆိုရင် စစ်မှန်တဲ့ အပစ်ခတ်ရပ်စဲရေးကို မလုပ်နိုင်ရင် ပြည်တွင်းငြိမ်းချမ်းရေးကို ဖော်ဆောင်နိုင်မှာ မဟုတ်ဘူး။ ပြည်တွင်းစစ် ဖြစ်ရခြင်းရဲ့ နိုင်ငံရေးပြဿနာတွေကို ညှိနှိုင်းဆွေးနွေး အဖြေရှာမယ်ဆိုရင် တကယ်စစ်မှန်တဲ့ ပြည်တွင်းငြိမ်းချမ်းရေးကို ဖော်ဆောင်နိုင်မယ်။ တိုင်းရင်းသားတွေရဲ့ နိုင်ငံရေးမျှော်မှန်းချက်ဖြစ်တဲ့ အမျိုးသားရေး တန်းတူရေးနဲ့ ကိုယ်ပိုင်ပြဌာန်းခွင့် ဖော်ဆောင်နိုင်မယ်လို့ ကျနော်တို့ မြင်ပါတယ်။

မေး ။ ။ လတ်တလောကာလမှာ ပြည်တွင်း ပြည်ပ သတင်းမီဒီယာတွေနဲ့ လူမှုဆက်သွယ်ရေးကွန်ယက် Face Book လို စာမျက်နှာတွေပေါ်မှာ ABSDF မြောက်ပိုင်းမှာ ဖြစ်ပျက်ခဲ့တဲ့ ရဲဘော်ချင်း စွပ်စွဲသတ်ဖြတ်မှုဆိုတဲ့ကိစ္စမျိုးဟာ အစိုးရနဲ့ ဆွေးနွေးမယ့်အခါမှာ အဟန့်အတားများဖြစ်စေမလား။

ဖြေ ။ ။ ကျနော်တို့အနေနဲ့ကတော့ ဖြစ်လိမ့်မယ်လို့ မထင်ပါဘူး။ အခုလည်း ဒီမြောက်ပိုင်းကိစ္စကို စနစ်တကျ ဖြေရှင်းဆောင်ရွက်နိုင်ဖို့ အတွက်ကိုလည်း ကော်မရှင်တရပ် ဖွဲ့စည်းဆောင်ရွက်နေတယ်။ ကော်မရှင်ကလည်း သူတို့ ရှေ့ဆက်သွားမယ့် လုပ်ငန်းစဉ်ကိုလည်း ကျနော်တို့ကို တင်ပြထားပြီးဖြစ်ပါတယ်။

မေး ။ ။ အစိုးရက တခြား တိုင်းရင်းသား လက်နက်ကိုင်တွေနဲ့ တွေ့ဆုံဆွေးနွေးသလို ABSDF ကို တန်းတူ ဆွေးနွေးမယ့်သဘောရှိလား။

ဖြေ ။ ။ ရှိပါတယ်။ ကျနော်တို့နဲ့ စပြီး ဆွေးနွေးဖို့ ကမ်းလှမ်းစဉ်ကတည်းက သူတို့ရဲ့ မူလသဘောထားကို ဖော်ပြထားတာရှိပါတယ်။ ပြည်တွင်းငြိမ်းချမ်းရေးကို ဖော်ဆောင်ဖို့အတွက် ငြိမ်းချမ်းရေးစားပွဲမှာ တန်းတူရည်တူ ဆွေးနွေးမယ်ဆိုတဲ့ ဖိတ်ခေါ်ကမ်းလှမ်းမှု အပေါ်မှာမူတည်ပြီးတော့ ကျနော်တို့လည်း နိုင်ငံရေးပြဿနာကို နိုင်ငံရေးနည်းလမ်းနဲ့ တွေ့ဆုံဆွေးနွေး အဖြေရှာနိုင်ဖို့အတွက် ရည်ရွယ်ပြီးမှ ဒီတွေ့ဆုံဆွေးနွေးပွဲကို လက်ခံခဲ့တာပါ။

မူရင်းလင့်က ဒီမှာပါ။

အစိုးရသတင်းစာ ဓာတ်ပုံ အထူးခြားဆုံးဆု ရရှိ

မြန်မာနိုင်ငံ စာနယ်ဇင်း သမိုင်းတွင် ပထမဆုံး ချီးမြှင့်သည့် အမျိုးသား သတင်းဆု (National Press Award) များတွင် အစိုးရသတင်းစာ၌ ဖော်ပြခဲ့သည့် ဒေါ်အောင်ဆန်းစုကြည်နှင့်သမ္မတဦးသိန်းစိန်တို့ ယှဉ်တွဲရိုက်ထားသည့် ဓာတ်ပုံအား သတင်းဆု ရွေးချယ်ရေး ကော်မတီက ၂၀၁၁ ခုနှစ်အတွက် “အထူးခြားဆုံး အမျိုးသား သတင်းဓာတ်ပုံဆု” ချီးမြှင့်လိုက်ကြောင်း သိရသည်။

အစိုးရသတင်းစာမှ ၂၀၁၁ ခုနှစ်အတွက် “အထူးခြားဆုံး အမျိုးသား သတင်းဓာတ်ပုံဆု” ရ ဓာတ်ပုံ

အမျိုးသားအဆင့် သတင်းဆုများကို ယမန်နေ့က ထုတ်ပြန်ကြေညာခဲ့ရာ ဆုရွေးချယ်ရေးကော်မတီက မူလကြေညာထားသည့် ဆု ၅ မျိုး အပြင် “အထူးခြားဆုံး အမျိုးသား သတင်းဓာတ်ပုံဆု” တမျိုး ထပ်မံတိုးချဲ့ကာ ပေးအပ်ခဲ့ခြင်းဖြစ်သည်။

ဓာတ်ပုံမှာ ၂၀၁၁ ခုနှစ် သြဂုတ်လ ၂၀ ရက်နေ့က အစိုးရပိုင် သတင်းစာတွင် ဖော်ပြခဲ့သည့် ဗိုလ်ချုပ်အောင်ဆန်း၏ ဓာတ်ပုံအောက်တွင် အတိုက်အခံခေါင်းဆောင်နှင့် အစိုးရခေါင်းဆောင်တို့ ယှဉ်တွဲရိုက်ထားသည့်ပုံ ဖြစ်ပြီး ဓာတ်ပုံ မောင်မောင်သန်း (ကော့မှူး) ၏ လက်ရာဖြစ်ကြောင်း သိရသည်။

“ဒီပုံက ကျနော်တို့ တိုင်းပြည်မှာ အလှည့်အပြောင်းတွေ ပွင့်လင်းမြင်သာမှုတွေ ရှိနေပြီဆိုတာ တကမ္ဘာလုံးကို ပြောတဲ့ဓာတ်ပုံဖြစ်တယ်။ သမိုင်းဝင်တဲ့ပုံ အရေးကြီးတဲ့ပုံဖြစ်တယ်။ ဒါကြောင့် ဗဟိုကော်မတီကနေပြီးတော့ ဒီပုံဟာ ပေးသင့်တဲ့ပုံဖြစ်တယ်လို့ ယူဆတဲ့အတွက် ဆုတမျိုးထပ်တိုးပြီး ပေးလိုက်တာပါ” ဟု အမျိုးသားသတင်းဆု ရွေးချယ်ရေးကော်မတီ အတွင်းရေးမှူး ဦးဝင်းငြိမ်းက ဧရာဝတီကို ပြောသည်။

အထူးခြားဆုံး သတင်းဓာတ်ပုံဆု ပေးအပ်ခြင်းနှင့်ပတ်သက်၍ ပြည်တွင်း စာနယ်ဇင်းသမားများအကြား ဝေဖန် ပြောဆိုမှုများလည်း ရှိနေသည်။

“ဒေါ်စုနဲ့ သမ္မတတွေ့တဲ့ပွဲကို ပြည်တွင်းရော ပြည်ပကရော ဘယ်သတင်းဌာနကမှ ဓာတ်ပုံရိုက်ခွင့် မရခဲ့ဘူး။ အစိုးရသတင်းစာပဲ ရိုက်ခွင့်ရတယ်။ တခြားသူတွေပါ ရိုက်ခွင့်ရမယ်ဆိုရင် ဓာတ်ပုံအများကြီးထဲက ရွေးပြီး ပေးလို့ရမယ်။ ဒါဆို ပိုပြီး မျှတမှု ရှိတာပေါ့။ ခုဟာက လူနည်းစုပဲရတဲ့အခွင့်အရေးကို အသုံးချပြီး ရိုက်လာတဲ့ဓာတ်ပုံကို ဆုပေးလိုက်တယ်ဆိုတော့ မျှတမှု မရှိဘူး” ဟု ပြည်တွင်းဂျာနယ်တစောင်မှ အကြီးတန်းသတင်းထောက်တဦးက ပြောသည်။

ဝေဖန်မှုများနှင့်ပတ်သတ်၍ ရွှေအမြုတေမဂ္ဂဇင်းနှင့် အလင်းတန်းဂျာနယ် အယ်ဒီတာ ဦးဝင်းငြိမ်းက “ကျနော်တို့က ဓာတ်ပုံရဲ့ တန်ဖိုးကိုပဲ တိုင်းတာပါတယ်။ ကျန်တာတော့ ကျနော်တို့နဲ့ မဆိုင်ပါဘူး” ဟု ပြောသည်။

ဆုရွေးချယ်ရေးကော်မတီက မူလက ပေးအပ်ရန် ကြေညာထားသည့် သတင်းဆု ၅ မျိုးအနက် အကောင်းဆုံး အာဘော်ဆောင်းပါးဆုမှာ သတ်မှတ် အရည်အချင်း မပြည့်မီသဖြင့် ပေးအပ်ခြင်း မရှိဘဲ ကျန်ဆု ၄ မျိုးကို ပေးအပ်ခဲ့သည်။

အကောင်းဆုံး သတင်းဆုကို ၂၀၁၁ ခုနှစ် ဒီဇင်ဘာလ ၆ ရက်နေ့ထုတ် ကုမုဒြာဂျာနယ်တွင် ဖော်ပြပါရှိသော နန်းလွင်၊ နှင်းရတနာဇော်၊ ၀င့်ဝတီ၊ အေးသီရိဝင်းနှင့် ကုမုဒြာ ဆက်စပ်သတင်းအဖွဲ့တို့ ရေးသားခဲ့သည့် “နိုင်ငံ့အနာဂတ်အတွက် အစပျိုးခြင်း” သတင်းက ရရှိခဲ့ပြီး အကောင်းဆုံး ဆောင်းပါးဆုကို ၂၀၁၁ ခုနှစ် ဧပြီလ ၂၇ ရက်နေ့ထုတ် 7 Day News ဂျာနယ်တွင် ဖော်ပြခဲ့သည့် ငြိမ်းငြိမ်းနိုင်ရေးသားသော “လက်နက်ကိုင်အရေး စားပွဲဝိုင်းပေါ် ရောက်ပြီလား” ဆောင်းပါးက ရရှိခဲ့သည်။

အကောင်းဆုံး သတင်းဓာတ်ပုံဆုကို ၂၀၁၁ ခုနှစ် ဇူလိုင်လ ၇ ရက်နေ့ထုတ် ပေါ်ပြူလာနယူးစ် ဂျာနယ်မှ ဓာတ်ပုံ အောင်နိုင်စိုးက “အငြိမ်းစားများ” ဓာတ်ပုံဖြင့် ဆုရရှိခဲ့ပြီး အကောင်းဆုံး သတင်းကာတွန်းဆုကို ၂၀၁၁ ခုနှစ် ဇူလိုင်လ ၂၆ ရက်နေ့ထုတ် True News ဂျာနယ်တွင် ဖော်ပြခဲ့သည့် “ပုံပြင်ထဲကလိုတော့” ကာတွန်းဖြင့် ကာတွန်း သီဟ (စခန်းသစ်) က ရရှိခဲ့သည်။

အကောင်းဆုံး သတင်းဆုရှင်အဖွဲ့သားတဦးဖြစ်သူ အေးသီရိဝင်းက “ရေးခဲ့တဲ့သတင်းက ဟီလာရီကလင်တန် မြန်မာပြည် လာတဲ့သတင်းပါ။ အဲဒီတုန်းက အရမ်းပင်ပန်းခဲ့တယ်။ ဟီလာရီသွားတဲ့နောက်ကို တကောက်ကောက်လိုက်၊ သတင်းစာ ရှင်းလင်းပွဲပြီးတာနဲ့ တခါတည်း ချရေး၊ တခါတည်း တိုက်ကိုပို့။ အဲလိုပင်ပန်းခဲ့ပြီး ဆုရတယ်ဆိုတော့ ပျော်တာပေါ့နော်။ ပိုပြီးတော့ ကြိုးစားချင်စိတ်လည်း ဖြစ်လာတာပေါ့” ဟု ပြောသည်။

ဆုပေးပွဲအခမ်းအနားကို ရန်ကုန်မြို့ အမျိုးသားဇာတ်ရုံ၌ ယခုလ ၁၈ ရက်နေ့ နေ့လည် ၁ နာရီတွင် ကျင်းပသွားမည် ဖြစ်ပြီး ဆုရရှိသူအား ဆုတံဆိပ်၊ ဆုလက်မှတ်နှင့် ငွေကျပ် ၁၀ သိန်းစီ ချီးမြှင့်သွားမည်ဖြစ်သည်။

ယင်းဆုငွေများကို လုပ်ငန်းရှင်များထံမှ အလှူခံ ရရှိသည့်ငွေများဖြင့် ပေးအပ်ခြင်းဖြစ်ပြီး ဆုပေးပွဲသို့ ပြန်ကြားရေးဝန်ကြီး ဦးကျော်ဆန်း တက်ရောက်မည်ဖြစ်ကြောင်း ဦးဝင်းငြိမ်းက ပြောသည်။

အပတ်စဉ်ထုတ် News Watch ဂျာနယ်တွင် ပုံနှိပ်ဖော်ပြခဲ့သည့် ဒေါ်အောင်ဆန်းဆုကြည်၏ “ဒေါ်အောင်ဆန်းစုကြည် ပြောပြသည့် ရာမယဏ ဇာတ်တော်” အမည်ရှိ ဆောင်းပါးမှာ ဆောင်းပါးဆုအတွက် နောက်ဆုံး ဆန်ကာတင် ၅ ပုဒ်တွင် ပါဝင်သော်လည်း ဆုမရခဲ့ချေ။

ဆုပေးရသည့် ရည်ရွယ်ချက်ကို ဦးဝင်းငြိမ်းက “နိုင်ငံတော်သမ္မတက သတင်းမီဒီယာဟာ နိုင်ငံတော်ရဲ့ စတုတ္ထမဏ္ဍိုင်ဖြစ်တယ်လို့ ပြောထားတယ်။ ဒါပေမယ့် သတင်းမီဒီယာသမားတွေအတွက်ကျတော့ ဆုတို့ ဘာတို့ မရှိဘူး။ ဒါကြောင့် သတင်းမီဒီယာသမားတွေကို ချီးမြှင့်ထောက်ပံ့ပေးဖို့ ဒီဆုကို တီထွင်ခဲ့တာပါ” ဟု ပြောသည်။

အမျိုးသားသတင်းဆုရွေးချယ်ရေး ကော်မတီကို ၀ါရင့်သတင်းစာ ဆရာကြီးများဖြစ်သည့် ဖိုးသောကြာ၊ လူထုဦးစိန်ဝင်း၊ ဦးမိုးသူ၊ ဦးကိုကိုကြီး (ကြေးမုံသတင်းစာတိုက်)၊ ဦးမြင့်သိန်းဖေ (ဓာတ်ပုံပညာရှင်)၊ မောင်ဝံသ၊ ဦးဝင်းငြိမ်းစသည့် ပုဂ္ဂိုလ်များအပါအ၀င် လူ ၂၀ ဖြင့် ပြီးခဲ့သည့် ၂၀၁၁ ခုနှစ် သြဂုတ်လ ၁၈ ရက်နေ့က ရန်ကုန်မြို့၌ ဖွဲ့စည်းခဲ့သည်။

မြန်မာနိုင်ငံတွင် သတင်း၊ မှုခင်း၊ ပညာရေး၊ စီးပွားရေး၊ ဘာသာရေး၊ အားကစား၊ ကျန်းမာရေး၊ အနုပညာ၊ ကလေးသူငယ်၊ နည်းပညာစသဖြင့် ဂျာနယ်မဂ္ဂဇင်း အမျိုးအစားပေါင်း ၃၅၀ ကျော် ထုတ်ဝေလျက် ရှိသည်။

မူရင်းလင့်က ဒီမှာပါ။

လူ့အခွင့်အရေး အပြည့်ရရေး ပူးပေါင်းဆောင်ရွက်ရန် ဒေါ်အောင်ဆန်းစုကြည် တိုက်တွန်း

မြန်မာနိုင်ငံတွင် လူ့အခွင့်အရေး ကင်းမဲ့၍ ဖြစ်ပေါ်လာခဲ့သည့် ကိုဖုန်းမော် ကျဆုံးခြင်းမှသည် လူ့အခွင့်အရေး အပြည့်အ၀ရှိသည့် အခြေအနေသို့ ခိုင်မာစွာရောက်ရှိရေးအင်အားစု အားလုံးက ပူးပေါင်း ဆောင်ရွက်သွားကြရန် ဒေါ်အောင်ဆန်းစုကြည်က တိုက်တွန်း ပြောကြား လိုက်သည်။

၂၄ နှစ်မြောက် ရန်ကုန်စက်မှု တက္ကသိုလ် မတ်လ ၁၃ ရက်နေ့ အရေးအခင်းနှင့် ကိုဖုန်းမော်၊ ကိုစိုးနိုင်ကျဆုံးခြင်း အောက်မေ့ဖွယ် အခမ်းအနားတွင် ဒေါ်အောင်ဆန်းစုကြည် ပြောကြားနေစဉ်

(ဓာတ်ပုံ - ဧရာဝတီ)

ရန်ကုန်မြို့၊ ရွှေဂုံတိုင်ရှိ တော်ဝင်နှင်းဆီတွင် ယနေ့ ကျင်းပသည့် ၂၄ နှစ်မြောက် ရန်ကုန် စက်မှုတက္ကသိုလ် မတ်လ ၁၃ ရက်နေ့ အရေးအခင်းနှင့် ကိုဖုန်းမော်၊ ကိုစိုးနိုင်ကျဆုံးခြင်း အောက်မေ့ဖွယ် အခမ်းအနားတွင် အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က “ကျမတို့ ဒီနေ့ကို မြန်မာနိုင်ငံ လူ့အခွင့်အရေးနေ့လို့ ခေါ်ချင်တာက ဘာကြောင့်လဲဆိုတော့ နောက်ဆုံးတော့ ကိုဖုန်းမော် ကျဆုံးခဲ့တဲ့ ကိစ္စအ၀၀က ဘာနဲ့ ဆက်နွယ်နေသလဲဆိုတော့ မြန်မာနိုင်ငံမှာ လူ့အခွင့်အရေးများ မရှိခြင်းနဲ့ ဆက်နွယ်နေတယ်” ဟု ဒေါ်အောင်ဆန်းစုကြည်က ပြောသည်။

ဒေါ်အောင်ဆန်းစုကြည်က အခမ်းအနားသို့ အနည်းငယ်နောက်ကျသည့်အတွက် ပရိတ်သတ်ကို တောင်းပန် စကားဆိုပြီး လူငယ်ကျောင်းသားများ၏ နိုင်ငံအတွက် စွန့်လွှတ်စွန့်စား လုပ်ဆောင်ခဲ့ရာမှ လူ့အခွင့်အရေး လှုပ်ရှားမှုများ မြင့်မားလာပုံနှင့် မြန်မာနိုင်ငံသားတိုင်း ကမ္ဘာ့လူသားများနည်းတူ လူ့အခွင့်အရေးများ အပြည့်အ၀ ခံစားခွင့်ရသင့်ကြောင်း ပြောကြားသည်။

ထို့အပြင် မြန်မာနိုင်ငံတွင် တရားဥပဒေစိုးမိုးရေး အရေးကြီးပုံ၊ လူ့အခွင့်အရေးဆိုင်ရာ အရှိန်မြင့်၍ ညီညီညွတ်ညွတ် လုပ်ဆောင်သွားကြရန်လည်း ပြောကြားသွားသည်။

ယနေ့ အခမ်းအနားကို ရန်ကုန် စက်မှုတက္ကသိုလ် ကျောင်းသားသမဂ္ဂမှ နိုင်ငံရေး အကျဉ်းသားဟောင်းများက ဦးဆောင်ကျင်းပခြင်းဖြစ်ကြောင်း သိရသည်။

၈၈ မျိုးဆက် ကျောင်းသား ခေါင်းဆောင် ကိုကိုကြီးက “အခုလို အခမ်းအနား ကျင်းပတာဟာ တိုးတက်မှုတခုပါ။ အခမ်းအနားများမှသည် ပြည်သူ့ဆီသို့လို့ ကိုမင်းကိုနိုင်က ပြောတာ။ ဆိုလိုတာက အခမ်းအနားတွေ လုပ်နေရုံနဲ့ မလုံလောက်ဘူး။ တကယ့်တကယ် ပြည်သူတွေဆီအထိ ပြန့်နှံ့အောင် ကြိုးစားသွားရမှာကို အလေးအနက် ပြောသွားတာပါ” ဟု ဧရာဝတီသို့ ပြောသည်။

၁၉၈၉ ခုနှစ် မတ်လ ၁၃ ရက်နေ့တွင် ဒီမိုကရေစီအင်အားစု အားလုံးက မြန်မာနိုင်ငံ လူ့အခွင့်အရေးနေ့အဖြစ် သဘောတူ သတ်မှတ်ခဲ့ပြီး ယခင် နှစ်ပေါင်း ၂၃ နှစ်တာအတွင်း အမျိုးမျိုးသော ဖြိုခွင်းခံရမှုများကြောင့် အခမ်းအနားများလည်း ကျင်းပခွင့်မရခဲ့ကြောင်း၊ လူ့အခွင့်အရေးကို နိုင်ငံသားအားလုံး ခံစား ကျင့်သုံးစေနိုင်ရေးအတွက် အင်အားစု အားလုံးက ပြည်သူတရပ်လုံးနှင့် ထိတွေ့ပူးပေါင်း ဆောင်ရွက်သွားကြရန် လိုကြောင်း ကိုမင်းကိုနိုင်က ယနေ့ အခမ်းအနားတွင် ပြောသည်။

ယနေ့ ကျင်းပသော အခမ်းအနားသို့ တက်ရောက်သူ ၂၀၀ ကျော်ခန့်ရှိကြောင်း သိရသည်။

မြန်မာနိုင်ငံရှိ မြို့ကြီးများတွင်လည်း ယနေ့ ကျရောက်သော ကိုဖုန်းမော် ကျဆုံးခြင်းနှင့် မြန်မာနိုင်ငံ လူ့အခွင့်အရေးနေ့ အခမ်းအနားများကို အသီးသီးကျင်းပကြောင်း သိရသည်။

အလားတူ အမေရိကန်ပြည်ထောင်စု၊ ကနေဒါနှင့် ဥရောပ နိုင်ငံများရှိ မြန်မာ့အရေး လှုပ်ရှားသူများကလည်း မြန်မာနိုင်ငံ လူ့အခွင့်အရေးနေ့ကို ကျင်းပကြပြီး ကျဆုံးသွားကြသော စက်မှုတက္ကသိုလ် ကျောင်းသား ကိုဖုန်းမော်နှင့် ကိုစိုးနိုင်တို့အတွက် အမျှအတန်း ပေးဝေခြင်း၊ မြန်မာနိုင်ငံ လွှတ်တော်များက ယနေ့ကို မြန်မာနိုင်ငံ လူ့အခွင့်အရေးနေ့အဖြစ် သတ်မှတ်ပေးရန် တောင်းဆိုခြင်းများ ပြုလုပ်ကြကြောင်း သိရှိရသည်။

၈၈ မျိုးဆက်ကျောင်းသားများက ၂၃ ကြိမ်မြောက် မြန်မာနိုင်ငံ လူ့အခွင့်အရေးနေ့အတွက် ယမန်နေ့က ကြေညာချက်တစောင် ထုတ်ပြန်သည်။

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး စုံစမ်းစစ်ဆေးရေးမှူး မစ္စတာ သောမတ်အိုဟေး ကင်တာနာကလည်း ယမန်နေ့က ကြေညာချက်ထုတ်ပြန်ကာ မြန်မာအစိုးရ၏ နိုင်ငံသားများ အခွင့်အရေးကာကွယ်ရန် မူဝါဒများ ချမှတ်လုပ်ကိုင်လာသည်ကို ကြိုဆိုလိုက်ပြီး နိုင်ငံရေးအကျဉ်းသား လွှတ်ပေးရေး၊ တိုင်းရင်းသားဒေသများတွင် လူ့အခွင့်အရေး ချိုးဖောက်ခံနေရမှုများ အပါအ၀င် မြန်မာနိုင်ငံ၏ လူ့အခွင့်အရေး အခြေအနေများသည် စိုးရိမ်ရသည့် အဆင့်တွင်ရှိဆဲဖြစ်ပြီး နောက်ကြောင်းပြန်လှည့်သွားမည့်အရေး စိုးရိမ်မိကြောင်း ပြောဆိုထားသည်။

ထို့အပြင် တိုင်းရင်းသား လက်နက်ကိုင်အဖွဲ့များနှင့် တရားဝင် စေ့စပ်ညှိနှိုင်းမှု လုပ်ဆောင်ကာ ငြိမ်းချမ်းရေးဖော်ဆောင်ရန် တိုက်တွန်းထားပြီး အစိုးရ၏ ပြုပြင်ပြောင်းလဲမှုများ စစ်မှန်မှုနှင့် ပတ်သက်ပြီး ယခုလာမည့် ဧပြီလ ၁ ကြားဖြတ်ရွေးကောက်ပွဲသည်လည်း အဓိကကျသည့် စမ်းသပ်မှုတခုဖြစ်ကြောင်း အစီရင်ခံစာတွင် ဖော်ပြထားသည်။

၁၉၈၈ ခုနှစ်က မဆလ အာဏာရှင် ဦးနေ၀င်းလက်ထက်က အရပ်သားနှင့် ကျောင်းသား ပဋိပက္ခကို နှိမ်နင်းခဲ့စဉ် ရန်ကုန် စက်မှုတက္ကသိုလ် ပဉ္စမနှစ် ကျောင်းသား ကိုဖုန်းမော်နှင့် ကိုစိုးနိုင်တို့ ၂ ဦးသည် လုံထိန်းများ၏ လက်ချက်ကြောင့် သေနတ်ဒဏ်ရာဖြင့် သေဆုံးခဲ့ကြသည်။ ကိုဖုန်းမော်သည် မတ်လ ၁၃ ရက်နေ့တွင် ရန်ကုန် စက်မှုတက္ကသိုလ်ကျောင်းဝင်း၌ ပွဲချင်းပြီး သေဆုံးပြီး ကိုစိုးနိုင်သည် မတ်လ ၁၄ ရက်နေ့တွင် ရန်ကုန်ဆေးရုံကြီး၌ ကွယ်လွန်ခဲ့သည်။

ပထမဆုံး မြန်မာနိုင်ငံ လူ့အခွင့်အရေးနေ့ အခမ်းအနားကို ၁၉၈၉ ခုနှစ် မတ်လ ၁၃ ရက်နေ့က ရန်ကုန် စက်မှုတက္ကသိုလ်ဝင်းအတွင်း၌ ကျင်းပရာ ထိုစဉ်က ကျောင်းသားခေါင်းဆောင်များဖြစ်ကြသည့် ကိုမင်းကိုနိုင်၊ ကိုကိုကြီး အစရှိသူများနှင့် နိုင်ငံရေးနယ်ပယ် အသီးသီးမှ ပုဂ္ဂိုလ်များ တက်ရောက်ခဲ့ကြပြီး နှစ်စဉ် မတ်လ ၁၃ နေ့ကို မြန်မာနိုင်ငံ လူ့အခွင့်အရေးနေ့ဟု သတ်မှတ်ခဲ့ကြသည်။

မူရင်းလင့်က ဒီမှာပါ။

မန်းငြိမ်းမောင်ကို တသက်တကျွန်းနှင့် ၃ နှစ် အမိန့်ချ

ကရင်အမျိုးသား အစည်းအရုံး (KNU) ခေါင်းဆောင် တဦးဖြစ်သည့် ဖဒိုမန်းငြိမ်းမောင်ကို ယနေ့နေ့လယ်တွင် အင်းစိန်ထောင်တွင်း အထူးတရားရုံးက တသက်တကျွန်းနှင့်ထောင် ၃ နှစ် ပြစ်ဒဏ် ချမှတ်လိုက်သည်။

KNU ထိပ်တန်းခေါင်းဆောင်တဦးဖြစ်သူ မန်းငြိမ်းမောင် (ဓာတ်ပုံ - ဧရာဝတီ)

နိုင်ငံတော် ပုန်ကန်မှု ဥပဒေ ပုဒ်မ ၁၂၂/၁ အရ တသက်တကျွန်း၊ မတရားအသင်း ပုဒ်မ ၁၇/၁ အရ ထောင်ဒဏ် ၃ နှစ်ချမှတ်ခြင်း ဖြစ်ပြီး ပြစ်ဒဏ်များကို တပေါင်းတည်း ကျခံစေရမည်ဟု အမိန့်ချမှတ်ကြောင်း မန်းငြိမ်းမောင် ၏ ရှေ့နေ ဦးကြီးမြင့်က ဧရာဝတီသို့ ပြောသည်။

“အခုလို အစိုးရ တာဝန်ရှိသူတွေက တရားမစွဲဘူး ပြောပြီး တသက် တကျွန်းချတော့ စိတ်ထိခိုက်တဲ့ အမူအယာတွေ တွေ့ရတယ်”ဟု ၎င်းကဆိုသည်။

KNU ဗဟိုကော်မတီဝင်တဦးဖြစ်သည့် ဖဒိုမန်းငြိမ်းမောင်သည် စိတ်ပိုင်းဆိုင်ရာ ကျန်းမာရေးလည်း ချို့ယွင်းမှု အနည်းငယ်ရှိသူ ဖြစ် ကြောင်း၊ ဆေးကုသမှု ခံယူရန် လိုအပ်ကြောင်းလည်း ဦးကြီးမြင့်က ပြောပြသည်။

“သူက အခုနောက်ပိုင်း ဘာပဲမေးလိုက်မေးလိုက် ဟုတ်တယ် ဟုတ်တယ်ချည်းပဲပြောနေတယ်၊ စိတ်ခံစားမှု မရှိတော့ဘူး”ဟု ၎င်းက ဆက်ပြောသည်။

ဦးကြီးမြင့်က ဖဒိုမန်းငြိမ်းမောင်နှင့် ထပ်မံတွေ့ဆုံကာ ရက်ပေါင်း ၆၀ အတွင်း အယူခံတင်သွင်းနိုင်ရန် ဆက်လက်ကြိုးပမ်းမည်ဖြစ် သည်ဟုလည်း ဆိုသည်။

မန်းငြိမ်းမောင်သည် ပြီးခဲ့သည့်နှစ် ဇူလိုင်လအတွင်း တရုတ်ပြည် ကူမင်းလေဆိပ်မှ မြန်မာနိုင်ငံ ရန်ကုန်လေဆိပ်သို့ ပို့ဆောင်ခံရပြီး လူဝင်မှုကြီးကြပ်ရေး ဥပဒေ၊ တရားမ၀င် စာရွက်စာတမ်း ကိုင်ဆောင်မှု၊ မတရား အသင်း ဆက်သွယ်မှုများဖြင့် ဖမ်းဆီး အရေးယူ ခံခဲ့ ရသည်။

ထို့နောက်၂၀၁၁ ခုနှစ် စက်တင်ဘာလ ၂ရက်နေ့တွင် ပြစ်မှုဆိုင်ရာ ဥပဒေပုဒ်မ ၄၆၈ နှင့် လူဝင်မှုကြီးကြပ်ရေး အက်ဥပဒေ ပုဒ်မ ၁၃/၁ တို့အရ ထောင်ဒဏ် ၆ လစီကို တပေါင်းတည်းကျခံစေရန် ရန်ကုန်တိုင်း မင်္ဂလာဒုံ မြို့နယ် တရားရုံးက ပြစ်ဒဏ် ချမှတ်ခဲ့ သည်။

လွတ်မြောက်ရန်၂၂ ရက်အလို ပြီးခဲ့သည့် ဇန်န၀ါရီ၂ ရက်နေ့တွင် မတရားအသင်း ကြေညာထားသည့် KNU ဗဟိုကော်မတီဝင် ဖြစ် သည်ဟူသော အကြောင်းပြချက်ဖြင့် နိုင်ငံတော်ပုန်ကန်မှု ဥပဒေ ပုဒ်မ ၁၂၂/၁ နှင့် မတရားအသင်း ပုဒ်မ ၁၇/၁ တို့ဖြင့်ထပ်မံစွဲချက်တင် တရားစွဲခဲ့ခြင်းဖြစ်သည်။

အစိုးရက ဖဒိုမန်းငြိမ်းမောင်အား စစ်ဆေးနေစဉ်ကာလအတွင်း ပြည်တွင်းငြိမ်းချမ်းရေးနှင့် ပတ်သက်ပြီးကူညီရန် မီးရထား ၀န်ကြီး ဦးအောင်မင်းက လာရောက် အကူအညီတောင်းခံခဲ့ကြောင်း၊ ထိုသို့ ကူညီလျှင် တရားစွဲဆိုခြင်း ပြုမည်မဟုတ်ဟုလည်း ပြောကြားမှုရှိကြောင်း၊ ထိုကြောင့် KNU နှင့် ပြုလုပ်သည့် ငြိမ်းချမ်းရေးဆွေးနွေးပွဲများ အောင်မြင်စေရန် ကူညီခဲ့ကြောင်းသိရသည်။

အဆိုပါ အမှုနှင့်ပတ်သက်၍ ဧရာဝတီက KNUအဖွဲ့သို့ ဆက်သွယ်မေးမြန်းရာ ဒု ဥက္ကဋ္ဌ ဒေးဗစ်သာကပေါက“သူတို့ ထောင်ချ လိုက် ပြီ ဆိုပေမယ့် သမ္မတ လွတ်ငြိမ်းချမ်းသာခွင့်နဲ့ လွှတ်ပေးမယ်လို့ ပြောထားတာကို စောင့်ကြည့်ရမယ်၊ ကျနော်တို့နဲ့ အစိုးရနဲ့ ပြော ထားပြီးသား ရှိတယ်”ဟု ပြောဆိုသည်။

ထို့အပြင် ဖဒိုမန်းငြိမ်းမောင်အား လွှတ်ပေးမှသာလျှင် KNUနှင့် အစိုးရ အကြား ငြိမ်းချမ်းရေးတည်ဆောက်မှုများ အောင်မြင်မည်ဖြစ် ကြောင်း၊ လွှတ်မပေးလျှင် နှစ်ဦးနှစ်ဘက်အကြား ငြိမ်းချမ်းရေးအတွက် ယုံကြည်မှုတည်ဆောက်၍ ရတော့မည်မဟုတ်ကြောင်း လည်း ဒေးဗစ်သာကပေါက ပြောသည်။


မူရင်းလင့်က ဒီမှာပါ။