အင်တာနက် Hacker အဖွဲ့ Anonymous ခေါင်းဆောင်ကို ဖမ်းလိုက်ပြီ

ပြည်တွင်းသတင်းလို့နာမည်တပ်ထားပေမဲ့ ဒီသတင်းလေးကိုတော့ စာဖတ်သူများစိတ်ဝင်စားမယ်ထင်လို့ ဗဟုသုတအလို့ငှာ တင်ပေးလိုက်ရခြင်းဖြစ်ပါတယ်။

Anomymous- အမည်မသိလို့ခေါ်တဲ့ နိုင်ငံတကာ ကွန်ပြူတာကွန်ယက် ဖောက်ထွင်းရေးအဖွဲ့ကြီးရဲ့ ခေါင်းဆောင်တချို့ဟာ အခုတော့ အမည်မသိတွေ မဟုတ်ကြတော့ပါဘူး- အမည်တွေ ပေါ်ကုန်ပါပြီ။

ကွန်ပြူတာဖောက်ထွင်းသူ ဟက်ကာ (Hacker) ဇေဗီယာ မွန်ဆေးဂူးလ် (Xavier Monsegur) အပါအဝင် ထိပ်တန်းကွန်ပြူတာဖောက်ထွင်းသူ ဟက်ကာ ၆ ဦးကို ဖမ်းဆီးလိုက်ပြီဖြစ်တဲ့အကြောင်း နယူးယောက် အာဏာပိုင်များက အင်္ဂါနေ့မှာ အသိပေး ကြေညာပါတယ်။

ဟက်ကာများကို ဖမ်းဆီးနိုင်ဖို့အတွက် ဟက်ကာနာမည်ဝှက် ဆာဘူး (Sabu) လို့ သိကြတဲ့ ဇေဗီယာမွန်ဆေးဂူးလ်က အာဏာပိုင်များနဲ့ ပူးပေါင်းကူညီမှု ပေးခဲ့တယ်လို့ အာဏာပိုင်များက ဆိုပါတယ်။ ပြီးခဲ့တဲ့နှစ် သြဂုတ်လကတည်းက ဇေဗီယာမွန်ဆေးဂူးလ်ဟာ ကွန်ပြူတာများ ဖောက်ထွင်းခဲ့တဲ့အကြောင်း ဝန်ခံဖြောင့်ချက်ပေးခဲ့ပါတယ်။

အခုအခါမှာ ဒေါ်လာ ၅ သောင်းတန်တဲ့ အာမခံနဲ့ အပြင်မှာ ရှိနေပါတယ်။ ဧရာမ credit (အကြွေး) ကဒ် ကုမ္ပဏီကြီးတွေ ဖြစ်ကြတဲ့ ဗီဇာနဲ့ မာစတာကဒ်တို့ကိုလည်းကောင်း၊ ကွန်ပြူတာကတဆင့် ငွေချေမှု ဝန်ဆောင်လုပ်ငန်း Paypal ကိုလည်းကောင်း၊ တူနီးရှား၊ အယ်လ်ဂျီးရီးယား၊ ယီမဲန်၊ ဇင်ဘာဘွေ အစိုးရတွေနဲ့ အမေရိကန်ဆီးနိတ် ကွန်ပြူတာစနစ်တွေကို ဖောက်ထွင်းခဲ့တဲ့အကြောင်း ဇေဗီယာ မွန်ဆေးဂူးလ်က ဝန်ခံဖြောင့်ချက်ပေးခဲ့ပါတယ်။

တခြား ဟက်ကာအုပ်စုတွေဖြစ်ကြတဲ့ Lulz Security နဲ့ Internet Feds မှာလည်း မွန်ဆေးဂူးလ်ပါဝင်ခဲ့ကြောင်း ရုံးတော်ကိုတင်တဲ့ စာရွက်စာတန်းများမှာ ပါဝင်ပါတယ်။


မူရင်းလင့်က ဒီမှာပါ။

၂၀၁၂ အမျိုးသမီး ရဲစွမ်းသတ္တိဆုရှင်တွေထဲ မြန်မာအမျိုးသမီးတဦးပါဝင်

၂၀၁၂ ခုနှစ်အတွက် နိုင်ငံတကာ အမျိုးသမီးရဲစွမ်းသတ္တိရှင်ဆုကို မြန်မာနိုင်ငံက နိုင်ငံရေးတက်ကြွလှုပ်ရှားသူ မဇင်မာအောင်က ရရှိခဲ့ပါတယ်။

မဇင်မာအောင်ဟာ သူ့ရဲ့ ဒီမိုကရေစီရေး တက်ကြွလှုပ်ရှားမှုတွေကြောင့် ၁၁ နှစ်ကြာ အကျဉ်းကျခံနေခဲ့ရတဲ့ နိုင်ငံရေးအကျဉ်းသူဟောင်းတယောက် ဖြစ်ပါတယ်။ သူဟာ ယဉ်ကျေးမှုဆိုင်ရာ လေ့လာရေး အဖွဲ့တဖွဲ့ကို ဖွဲ့စည်းခဲ့တဲ့အပြင် သဘာဝပတ်ဝန်းကျင် မထိခိုက်စေရေးအတွက် တက်ကြွစွာ လှုပ်ရှားဆောင်ရွက်ခဲ့ပြီး တိုက်ပွဲတွေဖြစ်ပွားနေတဲ့ တိုင်းရင်းသားဒေသတွေမှာ အမျိုးသမီးအရေးဆိုင်ရာ အသိပညာပေးလုပ်ငန်းတွေကို လုပ်ကိုင်နေသူဖြစ်ပါတယ်။

နိုင်ငံတကာ အမျိုးသမီးရဲစွမ်းသတ္တိရှင်ဆု ရရှိသူတွေကို မတ်လ ၈ ရက်၊ ကြာသာပတေးနေ့မှာ အမေရိ ကန်နိုင်ငံခြားရေးဝန်ကြီးဌာနမှာ ဆုပေးရမှာဖြစ်ပြီး နိုင်ငံခြားရေးဝန်ကြီး ဟီလာရီကလင်တန်ရဲ့ ဆုပေးပွဲအခမ်းအနားကို သမ္မတကတော် မီရှဲလ်အိုဘားမားနဲ့တကွ ၂၀၁၁ ခုနှစ်မှာ နိုဘဲလ်ငြိမ်းချမ်းရေး ဆုကို ပူးတွဲရရှိခဲ့တဲ့ အမျိုးသမီးဆုရှင်တွေပါ တက်ရောက်ဖို့ ရှိပါတယ်။


မူရင်းလင့်က ဒီမှာပါ။

ကနေဒါနိုင်ငံခြားရေးဝန်ကြီး မြန်မာနိုင်ငံသွားမည်

ကနေဒါ နိုင်ငံခြားရေးဝန်ကြီး ဂျွန်ဘာ့ဒ် (John Baird) ဟာ ကနေဒါနိုင်ငံကနေ မြန်မာနိုင်ငံကို ဒီကနေ့ ထွက်ခွာသွားပြီ ဖြစ်ပါတယ်။ သူ့ရဲ့ ဒီခရီးစဉ်ဟာ မြန်မာနိုင်ငံတွင်း ပြုပြင် ပြောင်းလဲမှုတွေ ပိုပြီး ဖြစ်ပေါ်လာဖို့ အားပေးရာ ရောက်လိမ့်မယ်လို့ မြန်မာ့အရေး လှုပ်ရှားသူတွေက မျှော်လင့်နေကြပါတယ်။

မစ္စတာ ဘာ့ဒ် ဟာ မြန်မာနိုင်ငံကို ပထမဆုံးသွားရောက်တဲ့ ကနေဒါ နိုင်ငံခြားရေးဝန်ကြီးဖြစ်သလို အခုလို သမိုင်းဝင် ခရီးစဉ်ကနေ မြန်မာ့နိုင်ငံရဲ့ ဒီမိုကရေစီရေး ပြုပြင်ပြောင်းလဲမှုတွေ နောက်ကြောင်း ပြန်မလှည့်ဘဲ ရှေ့ကို ဆက်သွားနိုင်ဖို့ တွန်းအားပေးတဲ့ ခရီးစဉ်တစ်ခုဖြစ်လိမ့်မယ်လို့ ယူဆတဲ့အကြောင်း ကနေဒါနိုင်ငံအခြေစိုက် ကနေဒါ မြန်မာ့မိတ်ဆွေများ အဖွဲ့ Canadian Friends of Burma ရဲ့ အမှုဆောင် ညွှန်ကြားရေးမှူး ကိုတင်မောင်ထူးက ပြောပါတယ်။

“မြန်မာပြည်မှာ ပြောင်းလဲမှုတွေ ဖြစ်ပေါ်နေတဲ့အချိန်မှာ ကနေဒါက နိုင်ငံခြားရေးဝန်ကြီးတယောက်အနေနဲ့ သမိုင်းမှာ ပထမဆုံးအကြိမ် သွားတယ်ဆိုတာ ကျနော်တို့က အကောင်းသဘောနဲ့လို့ ယူဆပါတယ်။ အထူးသဖြင့်ကတော့ ပြည်တွင်းမှာ အပြောင်းအလဲတွေပေါ်မှာ ပိုပြီးအားပေးမှုဖြစ်ပေါ်လာဖို့နဲ့ နောက်တချက်က ဗမာပြည်မှာ ဒီမိုကရေစီရေးလှုပ်ရှားသူတွေ၊ အမျိုးသားဒီမိုကရေစီအဖွဲ့ချုပ်အပါအဝင် သူတို့ကိုလည်းပဲ တဘက်က International ရဲ့ support ရှိနေတယ်၊ ဆက်ပြီးတော့လည်း ပံ့ပိုးသွားမယ်ဆိုတဲ့ signal တွေကိုပေါ့နော်- သွားပေးတယ်လို့ ယူဆပါတယ်။ ကောင်းတဲ့ခြေလှမ်းတခုလို့ပဲ ကျနော်တို့က မြင်ပါတယ်။ ဒီအပေါ်မှာ ကောင်းမွန်တဲ့ရလဒ်တွေဖြစ်လာနိုင်မယ်လို့ ကျနော်တို့က အကောင်းသဘောယူဆထားပါတယ်”

မြန်မာနိုင်ငံက နိုင်ငံရေး ပြုပြင် ပြောင်းလဲမှုတွေနဲ့ ပတ်သက်လို့ ကနေဒါနိုင်ငံက သတိနဲ့ စောင့်ကြည့်နေတာဖြစ်ပါတယ်။ လက်ရှိ အနေအထားမှာ မြန်မာအစိုးရအပေါ် ဒဏ်ခတ်ပိတ်ဆို့ အရေးယူမှုတွေ ချမှတ်ထားဆဲ ဖြစ်သလို တဘက်ကလည်း လူ့အခွင့်အရေးအပေါ်မှာ အခြေခံတဲ့ ထိတွေ့ဆက်ဆံမှုတွေနဲ့ နိုင်ငံရေး ပြုပြင်ပြောင်းလဲမှုတွေဖြစ်လာအောင် ဖိအားပေးဖို့ ကြိုးစားနေတာ ဖြစ်ပါတယ်။ အခု နိုင်ငံခြားရေးဝန်ကြီး မြန်မာနိုင်ငံကို သွားတာဟာလည်း ဒီ ထိတွေ့ဆက်ဆံမှုရဲ့ ပထမ ခြေလှမ်းတွေ ဖြစ်တယ်လို့ ကိုတင်မောင်ထူးက ပြောပါတယ်။

“ဒါကတော့ အစောပိုင်းကာလတွေလို့ ကျနော်ယူဆပါတယ်။ မြန်မာပြည်မှာ ပြုပြင်ပြောင်းလဲမှုတွေ ကျေနပ်လောက်တဲ့အနေအထားတခု ဆက်ပြီးတော့ ဖြစ်သွားအုံးမယ်ဆိုရင်တော့ ကနေဒါကနေ ချမှတ်ထားတဲ့ အရေးယူမှုတွေ၊ ပိတ်ဆို့မှုတွေဟာလည်းပဲ သူ့အလိုအလျှောက် ပွင့်သွားမယ်လို့ ကျနော် ယုံကြည်ပါတယ်။ ဘာကြောင့်လဲဆိုတော့ မြန်မာပြည်မှာ အပြောင်းအလဲဖြစ်ဖို့အတွက်ကိုပဲ ဖိအားပေးမှုတွေက လုပ်ခဲ့တာပါ။ ဆိုတော့-အပြောင်းအလဲဖြစ်တာနဲ့ တချိန်တည်းမှာပဲ ကနေဒါက ဒီ အပြောင်းအလဲပုံသဏ္ဍန်ကို လုပ်ပေးရမယ်ဆိုတာ - အဲလိုမျိုးပဲ မြင်ပါတယ်”

ကနေဒါနိုင်ငံဟာ ပြီးခဲ့တဲ့နှစ်ကစပြီးတော့ မြန်မာနိုင်ငံနဲ့ ထိတွေ့ဆက်ဆံမှုတွေ လုပ်ပြီး ပြုပြင်ပြောင်းလဲမှုတွေကို တွန်းအားပေးသွားဖို့-ဆိုတဲ့ မူဝါဒကို ချမှတ် ဆောင်ရွက်လာခဲ့တာဖြစ်ပါတယ်။ လက်ရှိ စောင့်ကြည့်ဆဲ အနေအထားမှာ မြန်မာနိုင်ငံအပေါ် ချမှတ်ထားတဲ့ ဒဏ်ခတ်ပိတ်ဆို့မှုတွေကို ရုပ်သိမ်းမှာ မဟုတ်ဘူးလို့လည်း မကြာသေးခင်ကပဲ ကနေဒါ အရာရှိတချို့က ပြောဆိုခဲ့ပါတယ်။ ၂ဝဝ၇ ခုနှစ်ကတည်းကစပြီး မြန်မာနိုင်ငံအပေါ် ဒဏ်ခတ်ပိတ်ဆို့ အရေးယူမှုတွေ ချမှတ်ထားတဲ့ ကနေဒါနိုင်ငံဟာ မြန်မာအစိုးရရဲ့ လူ့အခွင့်အရေး ချိုးဖောက်မှုတွေအပေါ် ပြင်းပြင်းထန်ထန် ဝေဖန် ထောက်ပြလေ့ရှိတဲ့ နိုင်ငံတစ်ခု ဖြစ်ပါတယ်။

အခုချိန်မှာ မြန်မာနိုင်ငံမှာ ဒီမိုကရေစီရေး ပြုပြင် ပြောင်းလဲမှုတွေ စတင် ဖော်ဆောင်လာနေတာကြောင့် ဒါကို အားပေးတဲ့အနေနဲ့ ကနေဒါ နိုင်ငံခြားရေးဝန်ကြီး မြန်မာနိုင်ငံကို သွားရောက်တာ ဖြစ်တယ်လို့ ကနေဒါနိုင်ငံမှာ မြန်မာ့အရေး လှုပ်ရှားနေတဲ့ Canadian Friends of Burma ရဲ့ အမှုဆောင် ညွှန်ကြားရေးမှူး ကိုတင်မောင်ထူးက ပြောပါတယ်။ မစ္စတာ ဘာ့ဒ် ရဲ့ ခရီးစဉ်နဲ့ ပတ်သက်ပြီး အသေးစိတ်ကို မသိရသေးပေမဲ့ သူ့အနေနဲ့ အစိုးရရုံးစိုက်ရာ နေပြည်တော်ကို သူ ပထမဆုံးသွားရောက်မှာ ဖြစ်ပြီး အဲဒီမှာ သမ္မတ ဦးသိန်းစိန် အပါအဝင် ထိပ်ပိုင်း အစိုးရ အရာရှိတွေနဲ့ တွေ့ဆုံဖို့ရှိသလို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့လည်း ရန်ကုန်မြို့မှာ သွားရောက် တွေ့ဆုံမှာဖြစ်တယ်လို့ ကနေဒါ နိုင်ငံခြားရေးဌာနက ပြောပါတယ်။

ကနေဒါနိုင်ငံဟာ မြန်မာနိုင်ငံ ဒီမိုကရေစီရေးကို ရှေ့တန်းကနေ အားပေးလာခဲ့တဲ့ နိုင်ငံတစ်ခုဖြစ်သလို ၂ဝဝ၇ ခုနှစ်က မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ဂုဏ်ထူးဆောင် ကနေဒါနိုင်ငံသားအဖြစ် ဂုဏ်ပြုချီးမြှင့်ခဲ့တဲ့ နိုင်ငံလည်း ဖြစ်ပါတယ်။

မူရင်းလင့်က ဒီမှာပါ။

ဦးဂမ္ဘီရ ကို ဖမ်းဆီး ခေါ်ဆောင်ထား

ရွှေဝါရောင် တော်လှန်ရေး ခေါင်းဆောင် ဆရာ တော် တစ်ပါး ဖြစ်တဲ့ ဦးဂမ္ဘီရ ကို အင်္ဂါ နေ့ ည ၁၀ နာရီ ကျော် အချိန် လောက် မှာ ရဲ အထူး သတင်း တပ်ဖွဲ့  က လာရောက် ဖမ်းဆီး ခေါ် ဆောင် သွားတယ် လို့  ဆရာတော် ဦးဂမ္ဘီရ ကိုယ်တိုင် က FNG ကို မိန့် ကြား ခဲ့ ပါတယ်။ ( အချိန် နှင့် တပြေးညီ သတင်း ကို FNG facebook စာမျက် နှာ တွင် ဖော်ပြပြီး ဖြစ်သည်)

ဇန်န၀ါရီလ ၁၃ ရက်နေ့ က အကျဉ်းထောင် က နေ ပြန် လည် လွတ်မြောက် လာတဲ့ အရှင် ဂမ္ဘီ ရ ကို ဖေဖော်ဝါရီလ ၁၀ ရက် နေ့ က တစ်ခါ လယ်တီ ကျောင်းတိုက်မှာ ဖမ်းဆီး ခဲ့ ပြီး အခုတစ် ခါ ဒုတိယ အကြိမ်မြောက် ဖမ်းဆီးခြင်း ဖြစ်ပါတယ်။

ဖေဖော်ဝါရီ လ ၁၉ ရက်နေ့  မှာ တော့ ဓမ္မစက် နဲ့  မရင် အာဏာ စက် နဲ့  အရေးယူမယ် ဆို ပြီး အစိုးရ သတင်း စာ က နေ သတိပေး ဖော်ပြခဲ့ ပါတယ်။

ဦးဂမ္ဘီရ သည် ဇန်န၀ါရီ လ ၁၃ ရက် နေ့ က ရွှေဝါရောင် သံဃာ့ လှုပ်ရှား မှု တွင် ဦးဆောင် ပါဝင်ခဲ့ သဖြင့် ထောင်ဒဏ် နှစ်ရှည် အပေး ခံရကာ ဇန်န၀ါရီလ ၁၃ ရက်နေ့  တွင် မြောင်းမြ အကျဉ်းထောင် မှ ပြန် လည် လွတ်မြောက် လာခဲ့ သည်။

ဦးဂမ္ဘီရ သည် အကျဉ်း ထောင် မှ ပြန်လည် လွတ် မြောက် လာပြီး နောက် ၂၀၀၇ ခုနှစ် အတွင်းက စစ်အစိုးရ မှ ချိတ်ပိတ်ထား သည့် သင်္ဃန်း ကျွန်း နှင့် ဗဟန်း ရှိ ကျောင်း အချို့ ပြန်လည် လွတ် မြောက် လာသည့် အကျဉ်းစံ သံဃာ များ နေထိုင် ရန် အလို့  ငှာ ဖွင့်လှစ် ပေး ခဲ့ သည်။

ပြီး ခဲ့ သည့် ရက်သတ္တပတ် က နိုင်ငံ တော် သံဃ မဟာနာယက အမိန့် ဖြင့် ဦးဂမ္ဘီ ရ သတင်း သုံး ရာ သင်္ဃန်းကျွန်း မဂ္ဂင် ကျောင်း ကို အစိုး ရ က ချိတ် ပိတ် ခဲ့ ရာ မှာ လယ်တီ ကျောင်း တိုက် မှာ သွားရောက် သတင်း သုံးခဲ့ ရ ပါတယ်။

ဆရာတော် ဦးဂမ္ဘီရ ဖမ်းဆီး ခံရခြင်း နှင့် ပတ်သက် ပြီး သင်္ဃန်းကျွန်း မြို့ နယ် မှ ကွန်ပြူတာ နည်းပညာရှင် ကို ညီမိုး က ” အခု လို ညဘက် ကြီး လာခေါ်သွား တာ တော့ အရင် စစ်အစိုး ရ အတိုင်း ပါဘဲ ” ပဲလို့  ပြောပါတယ်။


မူရင်းလင့်က ဒီမှာပါ။